Tableeg Jamath in the Light of Hadeed-நபி மொழி ஒளியில் தப்லீக் ஜமாஅத்

நபி மொழி ஒளியில் தப்லீக் ஜமாஅத்

மூலம்: அல்லாமா அஷ்ஷெய்கு அர்ஷத்துல் காதிரி ரலியல்லாஹு அன்ஹு

தமிழில்: மௌலானா மௌலவி அஷ்ஷெய்கு ஸெய்யிது வஜீஹுன்னகீ சகாப் லதீபி ஷத்தாரி அவர்கள்.

1.இதுவரை வந்த நபிமொழியின் ஒளியில்

2. நபிமொழி ஒளியில் சில அடையாளங்கள்

3. உங்கள் சிந்தனைக்கு ஒரு சில கேள்விகள்

4. அறிவுணர்த்தும் அருள் மருந்து

5. மனசாட்சியின் இறுதித் தீர்ப்பு

6.இறுதியாக ஒரு வார்த்தை

 

இப்பூ மண்டலத்தில் மறைந்துள்ள ஞானங்களின் கருவூலப் பொக்கிஷம் அண்ணல் எம்பெருமான் முஹம்மத் ஸல்லல்லாஹு அலைஹி வஸல்லம் அவர்கள் தமது வாழ்வில் தமக்குப் பின் மார்க்கத்தின் பெயரால் உதயமாகப்போகும் குழப்பங்கள் அனைத்தையம் ஒவ்வொன்றாக பல்வேறு சந்தர்ப்பங்களில் தனது தோழர் பெருமக்களுக்கு மத்தியில் இஸ்லாமியர்கள் விழிப்புணர்ச்சி பெறும்பொருட்டு எடுத்தியம்பிச் சென்றுள்ளனர். அவற்றில், 'நஜ்த்' என்னும் பிரதேசப் பகுதியிலிருந்து உதயமான 'வஹ்ஹாபியக் குழப்பம்' பற்றிய ஹதீஸிலிருந்து துவங்கி வரிசை கிரமமப்படி ஒவ்வொன்றாகப் பார்ப்போம்.

ஹதீஸ் நிர் ஒன்று:

ஹஜ்ரத் அப்துல்லாஹ் இப்னு உமர் ரலியல்லாஹு அன்ஹு அவர்கள் அறிவிக்கின்றனர்,

ஒரு முறை அண்ணல் நபியவர்கள், இறைவா! எங்களின் ஷாமுக்கும், யமனுக்கும் அபிவிருதியை அருள்வாயாக எனப் பிரார்த்திக்க…. அங்கிருந்த நஜ்து வாசிகளில் ஒருவர், இறைத்தூதரே! எங்களின் நஜ்துக்கும் என்று வினவ, நபிகளார் மீண்டும் இறைவா! எங்களின் ஷாமுக்கும் யமனுக்கும் அபிவிருத்தியை அருள்வாயாக என்று கேட்டிட…. அதற்கு மீண்டுமவர், இறைத் தூதரே! எங்களின் நஜ்துக்கும் என்று வினவ, (அறிவிப்பாளர் சொல்கிறார் மூன்றுமுறை ஷாமுக்கும் எமனுக்கும் அபிவிருத்தியை இறைவனிடம் வேண்டிய நபிகளார், இறுதியில் தம் தோழர்களை நோக்கி……

'நஜ்து தேசம் அதிர்ச்சி தரும் சம்பவங்களும், (பித்னா) குழப்பங்களும் உற்பத்தியாகும் ஸ்தலமாகும். அங்கிருந்து ஷைத்தானின் கொம்பு உதயமாகும் என தமது விரலை நஜ்து தேசத்தின் பக்கமாக நீட்டிச் சொன்னார்கள்.

(ஆதாரம்: புகாரி- பாகம்-2, பக்கம் 1051)

மேற்கண்ட ஹதீஸில் வரும் வாக்கியமான 'கர்னுஷ் ஷைத்தான்' என்பதற்கு பழக்கத்தில் 'ஷைத்தானின் கொம்பு' என்பதாகச் சொல்லப்படுகிறது. ஆனால் தப்லீக் ஜமாஅத்தினரால் எழுதப்பட்டுள்ள 'மிஸ்பாஹுல் லுஹாத்' என்னம் அரபி மொழி அகராதி பற்றிய நூலில், 'கர்னுஷ; ஷைத்தான்' என்பதற்கு 'ஷைத்தானின் அபிப்பிராயத்திற்கு கட்டுப்பட்டவன்' என்று அர்த்தம் தரப்பட்டுள்ளது.

அவ்வாறாயின் இதன்மூலம் நாம் விளங்கிக்கொள்வது யாதெனில், 'நஜ்து தேசம்' குழப்பங்களின் உதயஸ்தானம் என்பதாம். காரணம், நபிகளாரின் நல்லாசியாகிய 'துஆ' அத்தேசத்திற்குக் கிடைக்காததே. அதுவே அதற்குரிய சான்றாகும். அங்கு தீய செயல்களும், துன்பங்களும்தான் தலை தூக்கும். அங்கிருந்து ஓர் நல்ல செய்தியை எதிர்பார்ப்பதானது இறைக்கட்டளையாகிய விதியுடன் மோதுவதற்கு ஒப்பான ஒன்றாகும்.

அப்பிரதேசத்திலிருந்து ஷைத்தானின் அபிப்பிராயத்திற்குக் கட்டுப்பட்ட எவனாவது ஒருவன் நிச்சயம் வெளிப்பட்டே தீருவான் என்பதோடன்றி, எவ்வாறு அதிகாலையில் உதயமாகம் சூரியனின் முதல் கதிரை 'கர்னுஷ; ஷம்ஸு' என்று அரபியில் சொல்லப்படுகிறதோ, அவ்வாறே 'கர்னுஷ் ஷைத்தான்' என்பதற்கு பிதனாவாகிய குழப்பம் நஜ்து தேசத்திலிருந்து உதயமாகி உலக முழுவதையும் பரவிப்போய் விடும் என்பதேயாகும்.

புரிய வேண்டிய பொருள்:

பூகோள அமைப்பில் பூமியின் வரைபடத்தை உங்கள் முன்னால் வைத்து பார்ப்பீர்களேயானால் மதீனா மாநகருக்கு நேர் கிழக்கே நஜ்து பிரதேசம் உள்ளதைக் காணலாம். இதில் அண்ணல் நபி எந்த அரபிச் சொல்லைக் (கர்ன்) கொண்டு நஜ்து தேசத்தை சுட்டிக் காட்டினார்களோ, அந்த (கர்ன், உதயம்) வார்த்தையே ஒரு உண்மை விசுவாசியான முஃமின் விழித்தெழப் போதுமான ஒன்றாகும். இந்த 'கர்ன்' என்ற வார்த்தையின் மூலமாக நபிகளாhட, நஜ்து தேசத்திலிருந்து உதயமாகும் 'குழப்பம்' மக்களை சின்னாபின்னமாகச் சிதறடித்துவிடும் என்று அறிவுறுத்துகின்றனர். இனி அதுபற்றிய ஹதீஸ்களை ஒவ்வொன்றாகப் பாருங்கள்.

ஹதீஸ் நிர் இரண்டு:

ஹஜ்ரத் அப்துல்லாஹ் இப்னு உமர் ரலியல்லாஹு அன்ஹு அவர்கள் அறிவிக்கின்றனர்,

அண்ணல் நபிகளார் அன்னை ஹப்ஸா ரலியல்லாஹு அன்ஹா அவர்களின் இல்லக் கதவருகே நின்று  கொண்டு அங்கிருந்தவாறே தமது புனிதமிகு கரத்தை 'கிழக்குத் திசை பக்கம்' சுட்டிக்காட்டி பித்னா(குழப்பங்க)ளின் இடம் இதுதான். இங்கிருந்துதான் iஷத்தானின் கொம்பு வெளியாகும் என்று கூறினர்.

(அறிவிப்பாளர் கூறுகிறார், நபிகளார் இவ்வார்த்தையை இரு முறையோ அல்லது மும்முறையோ கூறினர் என்று அறிவிக்கிறார்)

(ஆதாரம்: முஸ்லிம், பாகம் 2, பக்கம் 394)

ஹதீஸ் நிர் மூன்று:

ஹஜ்ரத் அப்துல்லாஹ் இப்னு உமர் ரலியல்லாஹு அன்ஹு அவர்கள் அறிவிக்கின்றனர்,

அண்ணல் நபிகளார் கிழக்குத் திசை நோக்கி திரும்பி நின்று கொண்டு, குழப்பம் இங்கிருந்து உண்டாகும்…. குழப்பம் இங்கிருந்து உண்டாகும்… குழப்பம் இங்கிருந்து உண்டாகும். இங்கிருந்துதான் iஷத்தானின் கொம்பு உதயமாகும் என்று கூறினர்.

(ஆதாரம்: முஸ்லிம், பாகம் 2 பக்கம் 393)

ஹதீஸ் நிர் நான்கு:

ஹஜ்ரத் அப்துல்லாஹ் இப்னு உமர் ரலியல்லாஹு அன்ஹு அவர்கள் அறிவிக்கின்றனர்,

அண்ணல் நபிகளார் ஒருமுறை அன்னை ஆயிஷா ரலியல்லாஹு அன்ஹா அவர்களின் இல்லத்தை விட்டும் வெளியே வந்து கிழக்குத் திசைநோக்கி தமது கரத்தை சுட்டிக்காட்டி, குப்ரின் மையம் இதுதான். இங்கிருந்துதான்  ஷைத்தானின் கொம்பு உதயமாகும் என்று கூறினர்.

(ஆதாரம்: முஸ்லிம் பாகம் 2, பக்கம் 94)

கொஞ்சம் சிந்தியுங்கள்! மேற்கண்ட மூன்று ஹதீஸ்களும் கிழக்குத் திசை பற்றியே சுட்டிக் காட்டுகின்றன. அந்த கிழக்குத் திசை என்னும் வார்த்தையானது நஜ்து தேசத்தைத் தான் குறிப்புக் காட்டுகின்றது என்பதை முதல் ஹதீஸில் நஜ்து வாசி நபிகளாரிடம் தமது நாட்டுக்கு அபிவிருத்தி வேண்டி கேட்ட வாக்கியம் மிக உன்னிப்பாக கவனிக்க வேண்டிய ஒன்றாகும். ஆகையால் நபிகளார் குறிப்பிட்ட குழப்பமும், iஷத்தானின் கொம்பு உதயமாதலம் நஜ்து தேசத்திலிருந்துதான் என்பதை மிகத் தெளிவாக நன்கு தெரிந்து கொள்ளலாம்.

ஹதீஸ் நிர் ஐந்து:

அல்லாமா ஜைனீ தஹ்லான் ரஹிமஹுல்லாஹ் அவர்கள் தமது 'அத்துரருஸ்ஸனிய்யா' என்னும் நூலில் நபி மொழி ஒன்றைக் குறிக்கின்றனர். அதாவது….

சிலர் கிழக்குத் திசையிலிருந்து உதயமாவார்கள். அவர்கள் குர்ஆனை ஓதுவார்கள். ஆனால் அது அவர்களின் தொண்டைக்குழியை விட்டும் கீழே இறங்காது. எவ்வாறு அம்பானது வில்லை விட்டும் வெளியேறி விடுமே, அவ்வாறு அவர்கள் தீனை (மார்க்கத்தை) விட்டும் வெளியேறிவிடுவார்கள். இன்னும் வில்லை விட்டுப் புறப்பட்ட அம்பு எவ்வாறு திரும்ப வில்லுக்கு வந்து சேராதோ, அவ்வாறு இவர்கள் தீனின் (மார்க்கத்தின்) பக்கம் திரும்ப மாட்டார்கள். அவர்களின் முக்கிய அடையாளங்களில் ஒன்று மொட்டையடிப்பதாகும்.

(ஆதாரம்: அத்துரருஸ் ஸனிய்யா, பக்கம் 49, மிஸ்ர் பிரிண்ட்)

ஹதீஸ் நிர் ஆறு:

அல்லாமா ஜைனீ தஹ்லான் ரஹிமஹுல்லாஹ் அவர்கள் தமது 'அத்துரருஸ்ஸனிய்யா' என்னும் நூலில் நபி மொழி ஒன்றைக் குறிக்கின்றனர். அதாவது….

சிலபேர் கிழக்குத் திசையிலிருந்து வெளிவருவார்கள். அவர்கள் குர்ஆனை ஓதுவார்கள். ஆனால் குர்ஆன் அவர்களது தொண்டைக்குழிக்குக் கீழே இறங்காது. அவர்களின் ஒரு ஜமாஅத் (கூட்டம்) முடிந்து விட்டால் பின்னர் அங்கிருந்து உடனே மறு ஜமாஅத் (கூட்டம்) உதயமாகும். இவர்களின் கடைசிக் கூட்டம் தஜ்ஜாலுடன் சேர்ந்து கொள்ளும்.

(ஆதாரம்: அத்துரருஸ் ஸனிய்யா, பக்கம் 50, மிஸ்ர் பிரிண்ட்)

ஒரு புதிர்!

அண்ணல் நபிகளார் அறிவித்த குழப்பமும், ஷைத்தானின் அபிப்பிராயத்திற்கு கட்டுப்படும் நிலை வாய்ந்த அக்கூட்டம் நஜ்து தேசத்தின் நாதியற்றுப்போன பனு| ஹனீபாவின் கோத்திரத்திலிருந்துதான் (வம்சம்) உதயமாயிற்று. அந்தப் பூமியில்தான் அதிர்ச்சி தரும் நிகழ்ச்சிகளும், குழப்பங்களும் உருவெடுத்தன. இதைப் பற்றி மௌலவி மஸ்வூத் ஆலிம் நத்வி என்பவர் தமது 'முஹம்மத் இப்னு அப்துல் வஹ்ஹாப்' என்னும் நூலின் ஓரக்குறிப்பில் கூறுகிறார்,

நஜ்து தேசத்தின் புகழ் வாய்ந்த ஒரு ஸ்தலம் 'அல்ஹாரிஸ்' என்னும் இடமாகும். அதன் தலைநகரம் 'ரியாத்' ஆகும். இன்று ரியாத் தான் சவூதி அரேபியாவின் தலைநகராக இருக்கிறது. அல் ஹாரிஸ் என்னும் அவ்விடத்தை 'யமாமா மலை' என்றும் அழைக்கின்றனர். உண்மையில் இது ஒரு மலையடிவாரத்தின் பெயராகும். இதன் சுற்றுப்புற நலத்தை ஹனீபா யமாமா என்றழைக்கின்றனர். iஷகுல் இஸ்லாம்(முஹம்மத் பின் அப்துல் வஹ்ஹாப்) இங்கு வைத்து 'உயைனா' என்னும்மிடத்தில்தான் பிறந்தார். 'தர்அய்னா' என்னும் இடத்தில்தான் தமது வஹ்ஹாபிய இயக்கத்தை துவங்'கினார். இவ்விரு இடங்களும் இங்குள்ள மலையடிவாரத்தில்தான் உள்ளன.

(ஆதாரம்: ஹாஷியா இப்னு அப்துல் வஹ்ஹாப் நஜ்து, பக்கம் 16)

மனதை ரணமாக்கி விட்ட வரலாற்றுச் சோகக்கரைபடிந்திட்ட ஏடாக துவக்கத்திலிருந்தே பனூ ஹனீபாவின் வம்சம் தூக்கி எறியப்பட்டதாவும், நபிகளாரின் நல்லாசியாகிய துஆவுக்கு அருகதையற்றதாகவும் இருந்து வந்துள்ளது என்பதை நாம் தெரிந்து கொள்ளலாம். இந்த வம்சத்தை பற்றி ஹதீஸில் கீழ்வருமாறு குறிப்பிடப்பட்டுள்ளது.

ஹதீஸ் நிர் ஏழு:

அல்லாமா ஜைனீ தஹ்லான் ரஹிமஹுல்லாஹ் அவர்கள் தமது 'அத்துரருஸ்ஸனிய்யா' என்னும் நூலில் நபி மொழி ஒன்றைக் குறிக்கின்றனர். அதாவது….

அண்ணல் நபி ஸல்லல்லாஹு அலைஹி வஸல்லம் அவர்கள், நான் நபித்துவம் அறிவிக்கப்பட்ட துவக்க காலத்தில் ஹஜ்ஜுடைய காலங்களில் ஒவ்வொரு ஆண்டும் ஒவ்வொரு கூட்டத்தாரிடமும் சென்று புனித இஸ்லாத்தின் மேன்மை பற்றி எடுத்துக் கூறி அழைத்து வந்தேன். அப்போதெல்லாம் 'பனூ ஹனீபாவின் வம்சத்தாரிடமிருந்து வந்த விதண்டாவாதங்களையும், வெறுப்பு சொற்களையும் போன்று வேறு யாருமே என்னிடம் வாதம் செய்ததில்லை என கூறுகின்றனர்.
 

(ஆதாரம்: அர்துர்ரருஸ் னிய்யா பக்கம் 52)

குறிப்பு: மௌலானா மஸ்வூத் ஆலிம் அவர்களின் நஜ்து தேசம் பற்றிய விளக்கவுரையில் ஹனீபாவின் மறுபெயர் 'யமாமா' என்பதாகும் எனக் குறிப்பிடப்பட்டுள்ளது இங்கு ஈண்டு கவனிக்கத்தக்கது.

ஹதீஸ் நிர் எட்டு:

ஹஜ்ரத் இம்ரான் இப்னு ஹுஸைன் ரலியல்லாஹு அன்ஹு அவர்கள் அறிவிக்கின்றர்,

மூன்று வம்சத்தவர் எனது அழைப்பை இறைவனின் அழைப்பு வரும்வரை விரும்பவில்லை. அவர்கள் 'சகீப்' கோத்திரத்தார், 'பனூ ஹனீபா' கோத்திரத்தார், 'பனூ உமையா கோத்திரத்தார்' என்று அண்ணல் நபி அவர்கள் கூறுகின்றனர்.

(ஆதாரம்: திர்மிதீ)

துவக்கத்திலிருந்து எட்டாவது வரை உள்ள ஹதீஸ்களில் நஜ்துப் பிரதேசத்திலிருந்து உதயமாகவிருக்கும் குழப்பங்களைப் பற்றி தெளிவுபடுத்திக் காட்ட பல கோணங்களிலும் அறிவிக்கப்பட்டுள்ள ஆணித்தரமான ஹதீஸ்களது அறிவிப்புகள் நபிகள் பிரான் 'பனூ ஹனீபா' என்னும் கோத்திரத்தாரை விரும்பவில்லை என்பதற்குப் போதுமான ஆதாரங்களாய் அமைந்திருப்பதுடன், அவர்களின் நடைமுறைப் பற்றியும் அவர்களது தலைவர்கள் பற்றியும் இனி அடுத்தடுத்து வரும் ஹதீஸ்கள் வாயிலாகப் படித்துப் பாருங்கள்.

ஹதீஸ் நிர் ஒன்பது:

ஹஜ்ரத் அபூ ஸயீதுனில் குத்ரீ ரலியல்லாஹு அன்ஹு அவர்களைக் கொண்டு அறிவிக்கப்படுகின்றது, 'ஒரு முறை நாங்கள் நபிகளாரைச் சூழ அமர்ந்திருந்துதோம். நாயகமவர்கள் கனீமத் (போரில் கிட்டிய) பொருட்களை பங்கிட்டுக் கொண்டிருந்தனர். அப்போது 'பனூ தமீம்' உடைய கோத்திரத்தைச் சேர்ந்த 'துல் குவைஸரா' என்பவன் 'முஹம்மதே! நீதத்துடன் பங்கீடு செய்யுங்கள்' என்று கூற, இது  கேட்ட நபிகளார்,……நீ செல்லும் அழிவுப் பாதை குறித்து நான் வருத்தப்படுகிறேன். நானே நீதியாக நடந்து கொள்ளாவிடில் நீதத்தை வேறு யார்தான் கடைபிடிப்பர்? நான் நீதமுள்ளோனாக நடந்திருக்காவிடில் நீ இந்நேரம் இக்கட்டில் சிக்கி கஷ்டத்திலிருப்பாய். இதைக் கண்ட உமர் ரலியல்லாஹு அன்ஹு அவர்கள் வெகுண்டெழுந்து, …… இறைவனின் திருத்தூதரே, அனுமதி தாருங்கள்! நான் அவனது தலையை சீவிக் கொன்று விடுகிறேன் என்று  கேட்க, அதற்கு நபிகளார், …….உமரே அவனை விட்டுவிடுங்கள். இவனைப் போன்று நோக்கங்கொண்ட இன்னும் பவர் இவனிடையே உள்ளனர். அவர்களது தொழுகை, நோன்பு போன்றவற்றைக் கண்டு நீங்கள் உஙகளது தொழுகை, நோன்பையெல்லாம் மிகமிக அற்பமாக எண்ணுவீர்கள். அவர்கள் குர்ஆனை ஓதுவார்கள். ஆனால் அது அவர்களின் தொண்டைக் குழியை விட்டும் கீழே இறங்காது. அநேக வகைப்பட்ட நல்ல அமல்கள் அவர்களிடையே காணப்படும். ஆனால் அவர்கள் வில்லிலிருந்து வெளியேறிச் செல்லும் அம்பைப் போன்று மார்க்கத்தை விட்டும் வெளியேறி விடுவார்கள் என்று கூறினர்.

(ஆதாரம்: புகாரி, பாகம் 2, பக்கம் 1024)

ஹதீஸ் நிர் பத்து:

மேற்கண்ட ஹதீஸில் குறிப்பிடப்படும் சம்பவத்தை மற்றோர் ஹதீஸில் இவ்வாறு அறிவிக்கப்படுகின்றது. அதாவது,……

ஒருவன் அண்ணல் நபிகளாரின் முன் வந்தான். அவனது கண்கள் குழி விழுந்திருந்தன. அகலமான நெற்றியும், தாடி நீண்டு அடர்த்தியாகவும் இருந்தது. கன்னங்கள் உறுதியாயிருந்தன. தலை மொட்டையடிக்கப்பட்டிருந்தது. அவன் நபிகளாரை நோக்கி ஓ முஹம்மதே! இறைவனது வாக்குக்கு அஞ்சிக் கொள்ளும் என்றான். இது கேட்ட நபிகளர், நானே  இறைவனது வாக்குக்கு அஞ்சாவிடில் வேறு யார்தான் அவன் வாக்கை நிறைவேற்றுவார். இறைவனே என்னை இப்புவியிலுள்ள அனைவரையும் விட அபிமானியாக்கியுள்ளான். நீ என்னை அபிமானியென நினைக்க வில்லையா? இதனிடையே நபித்தோழர்களில் ஒருவர் எழுந்து நபிகளாரிடம் அவனை வெட்டிவிட அனுமதி கேட்க, அவன் அங்கிருந்து சென்று விட்டான். பின்னர் நபிகளார் தம் தோழர்களை நோக்கி,…. இவன் சந்ததியில் ஒரு கூட்டம் தோன்றும். அவர்கள் குர்ஆனை ஓதுவார்கள். ஆனால் அது அவர்களி; தொண்டைக்குழிக்கு கீழே இறங்காது. இலக்கை நோக்கிப் பாய்ந்து செல்லும் அம்பைப்போல் அவர்கள் தீனை(மார்க்கத்தை) விடடும் வெளியாகி விடுவார்கள். அவர்கள் முஸ்லிம்களை வெட்டுவார்கள். விக்கிரக தொழும்பர்களை விட்டுவிடுவார்கள் என்று கூறினர்.

ஹதீஸ் நிர் பதினொன்று:

மேற்கண்ட ஹதீஸில் உள்ள அதே சம்பவத்தை ஷரீக் இப்னு வஹ்ஹாப் ரலியல்லாஹு அன்ஹு அவர்கள் கூறும்போது நபிகளார் தம் தோழர்களை நோக்கி,….

இறுதி காலத்தில் ஒரு கூட்டம் வெளிப்படும். இவனும் அக்கூட்டத்தைச் சார்ந்தவனே. அவர்கள் குர்ஆனை ஓதுவார்கள். ஆனால் அது அவர்களின் தொண்டைக்குழிக்கு கீழே இறங்காது. இலக்கை நோக்கிச் செல்லும் அம்பைப் போல் அவர்கள் தீனை (மார்க்கத்தை) விட்டும் வெளியாகி விடுவார்கள். அவர்களின் முக்கியமான அடையாளம் மொட்டையடிப்பதாகும். அவர்கள்; தொடர் கூட்டமாக கிளம்புவார்கள். அப்படியே அவர்களின் கடைசிக் கூட்டம் தஜ்ஜாலுடன் சென்று இணையும். நீங்கள் அவர்களை சந்தித்தால் உங்களை விட கீழ்த்தரமான நடத்தையுள்ளோராக அவர்கள் இருப்பார்கள் என்று கூறினர்.

(ஆதாரம்: மிஷ்காத் பக்கம் 309)

ஹதீஸ் நிர் பன்னிரெண்டு:

ஹஜ்ரத் அபூ ஸயீதுனில் குத்ரி ரலியல்லாஹு அன்ஹு அவர்கள் ஹஜ்ரத் அனஸ் இப்னு மாலிக் ரலியல்லாஹு அன்ஹு அவர்களைக் கொண்டு அறிவிக்கின்றனர்,

அண்ணல் நபி ஸல்லல்லாஹு அலைஹி வஸல்லம் அவர்கள், எனது உம்மத்தில் பிரிவினையும், வேற்றுமையும் எழுதப்பட்ட ஒன்றாகும்.  அதன்படி ஒரு கூட்டம் வெளியாகும். அவர்களின் வெளித்தோற்றம் மற்றவர்களை கவரும். ஆற்றல் நிறைந்த அவர்களது பேச்சுக்கள் கேட்போருக்கு அவர்கள் மீது நல்லெண்ணத்தைத் தோற்றுவிக்கும். ஆனால் அவர்களின் நடத்தை கெட்டவைகளாகயிருக்கும். அவர்கள் குர்ஆனை ஓதுவார்கள். ஆனால் அது அவர்களது தொண்டைக்குழிக்குக் கீழே இறங்காது. வில்லை விட்டுப் பாய்ந்து செல்லும் அம்பைப் போல் அவர்கள் தீனை(மார்க்கத்தை) விட்டு வெளியேறிவிடுவார்கள். எவ்வாறு வில்லை விட்டுச்  சென்ற அம்பு வில்லுக்குத் திரும்பாதோ, அவ்வாறே தீனின் பால் திரும்புவது அவர்களுக்கு சாத்தியமாகாது. குணத்திலும், செய்கையிலும் மிக மோசமானவர்களாயிருப்பார்கள்.அவர்கள் ஜனங்களை தீனின் பால் அழைப்பார்கள். ஆனால் தீனுக்கும் அவர்களுக்கும் எவ்வித தொடர்பும் இருக்காது. யார் அவர்களுடன் போர் புரிவார்களோ, அவர்கள் இறைவனுடன் மிக நெருங்கியவர்களாகயிருப்பார்கள் என்று நபிகளார் சொல்ல அதற்கு தோழர்கள்,….. நாயகமே! அவர்களின் முக்கிய அடையாளமென்ன? என்று வினவிட,…. அதற்கு நபிகளார் அவர்களின் அடையாளம் மொட்டையடிப்பதாகும் என்று நவின்றனர்.

(ஆதாரம்: மிஷ்காத், பக்கம் 308)

ஹதீஸ் நிர் பதிமூன்று:

இந்த ஹதீஸை ஹஜ்ரத் அலீ ரலியல்லாஹு அன்ஹு அவர்கள் அறிவிக்கின்றனர், இந்த ஹதீஸிலுள்ள ஓர் விசேசம் யாதெனில், இதனை அறிவிக்கும் ஹஜ்ரத் அலீ ரலியல்லாஹு அன்ஹு அவர்கள் கூறுகின்றனர், அல்லாஹ்வின் மீது ஆணையாக! சொல்கிறேன். வானத்திலிருந்து பூமியைநோக்கி குதிப்பது எனக்கு சுலபமான ஒன்று. ஆனால் அண்ணல் நபியவர்கள் சொன்னதாக ஏதாவதொன்றை அவர்கள்பால் இட்டுக்கட்டுதல் அதைவிட எனக்குக் கடினமான ஒன்றாகும் எனக்கூறி முடித்தபின் கீழ்வரும் ஹதீஸை அறிவிக்கின்றனர்.

நபிகளார் நவின்றதை நான் செவியேற்றுள்ளேன், இறுதிகாலத்தில் சிறுவர்களும், அறிவற்றவர்களும் இணைந்த கூட்டமொன்று வெளியாகும். வெளித்தோற்றத்தில் நல்லதையே கூறுவார்கள். ஆனால் ஈமான் அவர்களின் தொண்டைக்குழிக்குக் கீழே இறங்காது. இலக்கை நோக்கிப் பாயும் அம்பைப் போல் அவர்கள் தீனை (மார்க்கத்தை) விட்டும் வெளியேறிவிடுவார்கள்.

(ஆதாரம்: புகாரி பாகம் 2, பக்கம் 1024)

ஹதீஸ் நிர் பதினான்கு:

ஹஜ்ரத் அபூநயீம் அப்துல்லாஹ் ரஹிமஹுல்லாஹ் அவர்கள் தமது ஹுல்யா என்னும் நூலில் இமாம் பாஹில் ரஹிமஹீல்லாஹ்வைக் கொண்டு கீழ்வரும் ஹதீஸை அறிவிக்கின்றனர்,

உன் உம்மத்தில் இறுதிகாலத்தில் புழுப் பூச்சிகளைப் போல் பிரிவுகள் உண்டாகும். உங்களில் எவர் அக்காலத்தை அடைவீரோ, அவர்கள் அவர்களை விட்டுத் தூர விலகியிருக்க துஆ கேட்டு இறைஞ்சுங்கள் என நபிகளார் நவின்றனர்.

(ஆதாரம்: ஹுல்யா)

மேற்கண்ட ஹதீஸுடன் கீழ்காணும் இந்த ஹதீஸையும் பார்த்துக் கொண்டே தொடர்ந்து செல்லுங்கள். ஹஜ்ரத் ஹஸன் பஸரீ ரஹிமஹீல்லாஹ் அவர்கள் அறிவிக்கின்றனர்,

அண்ணல் நபி ஸல்லல்லாஹு அலைஹி வஸல்லம் அவர்கள் ஜனங்களை நோக்கி, ஓ! ஜனங்களே! இப்படியும் ஒரு காலம் வரும். மக்கள் பள்ளிவாசல்களில் உலகப் பேச்சுக்களை பேசுவார்கள். அத்தகைய ஓர் காலம் வரும்போது அவர்கள் மத்தியிலே நீங்கள் அமராதீர்கள். அல்லாஹ் அவர்களை விரும்ப மாட்டான் என்று கூறினர்.

ஹதீஸ் நிர் பதினைந்து:

முஹத்திஸுல் கபீர் இமாம் அபூலைலா ரஹிமஹுல்லாஹ் அவர்கள் ஹஜ்ரத் அனஸ் இப்னு மாலிக் ரலியல்லாஹு அன்ஹு அவர்களைக் கொண்டு தமது இப்ரீஸ் என்னும் நூலில் அறிவிக்கின்றனர்,

மதீனாவில் அதிகமான இறையச்சமும், மார்க்கத்தின் பால் மிகத் தீவிரமான பேணுதலும் கொண்ட இளைஞன் ஒருவன் இருந்து வந்தான். ஒரு நாள் அவனைப் பற்றி நபிகளாரிடம் கூறினோம். அவன் யார் என்பது நபிகளாருக்குத் தெளிவாகவில்லை. பின்னர் அவனைப் பற்றிய அடையாளங்களும், தன்மைகளும் கூறப்பட்டும் நபிகளார் யூகிக்கவில்லை. பிரிதொரு நாள் எதிரில் அவன் வந்தபோது, எந்த நிமிஷம் நாங்கள் அவனைக் கண்டோமோ, உடனே நபிகளாரிடம், யாரஸூலல்லாஹ்! இவனைப் பற்றித்தான் அன்றொரு நாள் நாங்கள் சிலாகித்துச் சொன்னோம் என்று கூற…… அவனைப் பார்த்த நபிகளார்,…….iஷத்தானின் Nசுஷ;டைகளை அவன் முகத்தில் நான் பார்க்கிறேன் என்று கூறிக் கொண்டிருக்கும்போதே அருகில் வந்த அவன் நபிகளாரை நோக்கி ஸலாம் சொல்லிட, அதற்கு நபிகளார் அவனைப் பார்த்து,…. தற்போது இங்கு என்னை விடச் சிறந்தவர் யாருமில்லையென உன் மனதில் நீ நினைக்கின்றாய் அல்லவா? என்று வினவ, அதற்கவன் ஆம், என்று பதிலளித்து விட்டு பள்ளிக்குள் சென்று விட்டான்.

அதன்பின் நபிகளார்  தம் தோழர்களை நோக்கி, உங்களில் அவனை வெட்டுபவர் யார்? என்று கேட்க,…. ஹஜ்ரத் அபூபக்கர் ரலியல்லாஹு அன்ஹு அவர்கள்' எழுந்து, நான் வெட்டுகிறேன் என்று கூறிவிட்டு, அவனை கொன்றுவிடும் நோக்கத்துடன் பள்ளிக்குள் சென்றபோது, அவன் தொழுது கொண்டிருப்பதைக் கண்டு வெட்டக் கூடாதென நபிகளார் நமக்கு கட்டளை பிறப்பித்துள்ளார்களே, என்றெண்ணியவர்களாக அவர்கள் திரும்பி வந்து விட்டனர். பின்னர் மீண்டும் நபிகளார் தம் தோழர்களை நோக்கி, உங்களை அவனை வெட்டுபவர் யார்? என்று கேட்க, ஹஜ்ரத் உமர் ரலியல்லாஹு அன்ஹு அவர்கள் எழுந்து நாயகமே! நான் அவனை வெட்டுகிறேன் என்று கூறிவிட்டு, அவனை கொல்லும் நோக்கத்துடன் பள்ளிக்குள் சென்றபோது,… அவன் ஸஜ்தாவில் இருப்பதைக் கண்டு அவர்களும் திரும்பி வந்து விட, ….இறுதியாக ஹஜ்ரத் அலீ ரலியல்லாஹு அன்ஹு அவர்கள் அவனை நான் வெட்டுகிறேன் என்று கிளம்பியபோது,….. நபிகளார், அலியைப் பார்த்து, ….. அலியே! நீர் அவனை நிச்சயம் வெட்டிவிடுவீர். அவன் உமக்கு கிடைத்துவிட்டால்,…. என்று கூறினர். அலீயவர்கள் பள்ளிக்குள் சென்று பார்த்தபோது, அவன் அங்கிருந்து போய் விட்டிருந்தான். அவனைக் கொல்லாமல் திரும்பி வந்த அலீயவர்களைப் பார்த்து,….அலியே! நீர் அவனை கொன்'றிருந்தால் என் உம்மத்தில் ஒருவரோடு ஒருவர் மோதிக்கொள்ளும் நிலை கொன்றொழிக்கப்பட்டிருக்கும். எனது உம்மத்தில் தோன்றவிருக்கும் குழப்பங்களின் துவக்கமும், இறுதியும் அவன்தான் என்று கூறினர்.

(ஆதாரம்: இப்ரீஸ், பக்கம் 277)

இதுவரை வந்த நபிமொழியின் ஒளியில்,…

இதுவரை உங்கள் முன் நான் உலகக் குழப்பங்களின் வித்தை உடைத்துத் தோலுரித்துக் காட்டும்படியான நபிகள் நாதரின் வாய்மொழியான பதினைந்து ஹதீஸ்களை எடுத்து வைத்திருக்கிறேன். அருள் கூர்ந்து அவற்றைத் திரும்ப ஒருமுறை கவனமாகப் படியுங்கள்.  அவையனைத்தும் நபிகளாருக்குப்பின் இவ்வையகத்தில் உதயமாகப் போகும் அதிர்ச்சியூட்டும் நிகழ்ச்சிகள், குழப்பங்கள், வேடதாரிகளின் வேஷங்கள், மார்க்கத்தின்பெயரால் நடக்கப்போகும் சர்;ச்சைகள், சண்டைகள், கருத்து வேறுபாடுகள், பிளவுகள் அனைத்தும் நபிமொழியின் ஒளியில் தெளிவாக்கப்பட்டுள்ளன.

ஒன்றை மட்டும் நன்றாக நினைவில் வைத்துக் கொள்ளுங்கள். மேற்கே மறையும் சூரியன் ஒருவேளை கிழக்கில் மறைந்தாலும் மறைந்து விடலாம். ஆனால் நாயகத்தின் மணிவாக்கு ஒருக்காலும் பொய்க்காது. இறைவன் மீதாணையிட்டுச் சொல்கிறேன். இதுவரை விபரிக்கப்பட்டுவந்த நபிமொழிகளின் மீது சிறிதளவேனும் நம்பிக்கை கொண்டிருந்தால் தீர்ப்பு செய்யும் தராசை உங்கள் கரத்தில் ஏந்துங்கள். நீதியென்னும் ஒளியின் வெளிச்சத்தைக் கொண்டு உலகின் நான்கு புறங்களிலும் உங்களின் விசாலமான அறிவைச் செலுத்திப் பாருங்கள். இறுதி காலத்தில் வரும் எந்தக் கூட்டத்தைப் பற்றி நபிகளார் இத்துணை அடையாளங்களை ஒன்றன்பின் ஒன்றாக வரிசைப்படுத்திச் சொன்னார்கள்? அண்ணல் நபிகளார் சுட்டிக் காட்டிய அடையாளங்களைக் கொண்ட அக்கூட்டம் உலகில் இன்று எங்கே இருக்கிறது?

இறைவனின் திருவருளால் ஹதீஸ்களாகிய அறிவிப்பு அனைத்திலும் பல்வேறு வகையான அடையாளங்களும் ஒன்றுவிடாமல் சுட்டிக்காட்டப்பட்டிருக்கின்றன. அவ்வடையாளச் சின்னங்களை தாங்கியுள்ளோர் நபிமொழியின் ஒளி முன்னே சிக்குண்டிருக்கின்றனர். தீனை (மார்க்கத்தை)யும், ஈமானை(விசுவாசத்தை)யும், சுக்கல் நூறாக நொறுக்கி தமது கால்களுக்கு கீழே போட்டுப் புதைத்துக் கொண்டுள்ள அவர்களை நாம் அறிந்து கொள்வதற்காகவே அவர்கள் பற்றிய அடையாளங்கள் அனைத்தையம அதியற்புதமாகக் குறித்துக் காட்டப்பட்டுள்ளன. நாயகத் திருமேனியின் நல்லாசியைத் தேடும் யாராயிருப்பினும் அவர் தனது சுயநலமொன்றை மட்டும் கருத்தில் கொண்டு இக்குழப்பங்களை எல்லாம் கண்மு; காணாது போன்று  செல்ல மாட்டாரென நான் திண்ணமாக நம்புகிறேன்.

நான் அறுதியிட்டு இறுதியாகச் சொல்கிறேன். மேற்கண்ட பதினைந்து ஹதீஸ்களையும் ஒன்றன்பின் ஒன்றாக ஒரு கோர்வையாக கோர்த்து ஒன்றுபடுத்தினால் சரித்திரச் சான்றுகளாலும், ஒன்று கண்முன்னே நடக்கும் காட்சிகளாலும் நஜ்து கூட்டமென வர்ணிக்கப்படும் 'வஹ்ஹாபிய இயக்கத்தின்' உருவமும், 'தப்லீக் ஜமாஅத்' என்று அழைக்கப்படுவோரின் உருவமும் அசாத்திய ஒற்றுமை வாய்ந்ததாயிருப்பதை நீங்கள் காணலாம்.

சிரமம் பாராது எனது எழுதுகோலுக்கும், அது வடிவமைக்கும் வார்த்தை கோலத்திலிருக்கும் உங்களின் பார்வையை அகற்றாமல் கூர்ந்து கவனித்துப் பாருங்கள். நான் ஹதீஸ்களது குவியல்களிலிருந்து ஒவ்வொரு அடையாளமாக எடுத்து வைத்துக் கொண்டே வருகிறேன். நீங்கள் அவற்றை வரிசையாக தொடுத்து சேகரித்துக் கொண்டே வாருங்கள். ஒரு சில அடையாளங்களை கோர்வை செய்யும்போதே தப்லீக் ஜமாஅத்தின் தோற்றம் அவ்வடையாளங்களுக்குரிய ஒன்றாக உங்கள் முன் காட்சி தரவில்லையெனில், என் எழுத்தின் மீது நீங்கள் வைத்;துள்ள உங்களது நம்பிக்கை எனும் பார்வையை அகற்றி விலகிக் கொள்ளுங்கள்.

நபிமொழி ஒளியில் சில அடையாளங்கள்:

முதலாம் ஹதீதிலிருந்து எட்டாவது ஹதீஸ்வரை குப்ரு (இறை நிராகரிப்பும், ஷைத்தானின் பித்னாவாகிய குழப்பத்தின் ஆட்சியும் மதீனாவின் கிழக்குத் திசையிலுள்ள நஜ்து தேசத்திலிருந்துதான் உதயமாகும். அங்கிருந்து நாங்கள் தான் உண்மையான முஸ்லிம்கள் என்று சொல்லும் ஒரு கூட்டம் உருவாகும். அவர்கள் குர்ஆனை ஓதுவார்கள். அது அவர்களின் தொண்டைக்குழிக்குக் கீழே இறங்காது. அக்கூட்டம் தீனி(மார்க்கத்தி)ன் பாலும், குர்ஆனின் பக்கமும் மக்களை அழைக்கும். ஆனால் அக்கூட்டத்திற்கு மார்க்கத்தைப் பற்றிய அறிவு அறவே இருக்காது என்று கூறப்பட்டுள்ளது.

இனி இப்போதுள்ள நடைமுறைகளை உற்று நோக்கினால் இத்தனை அடையாளங்களும் குறிப்பிடப்பட்ட அக்கூட்டம் என்பது 'தப்லீக் ஜமாஅத'தைத் தவிர வேறு எந்தக் கூட்டமாக இருக்க முடியும்? அதன் ஒரு முனை டெல்லியில் இருக்கிறதென்றால் அதன் மறுகோடி நஜ்து தேசத்தின் தலை நகரான 'ரியாத்'துடன் தொடர்பு கொண்டுள்ளது.

ஒன்பது, பத்து, பதினொன்று ஆகிய ஹதீஸ்களில் 'துல்குவைஸரா' என்னும் முனாபிக்கை (நயவஞ்சகனை) பற்றி விபரிக்கபட்டுள்ளதோ, அவன் 'பனூ தமீம்' உடைய வம்சக் கிளையைச் சார்ந்தவன். இறுதிக் காலத்தில் தோன்றும் கூட்டத்தார்கள் அவனது சந்ததியினரே. இதைப் பற்றி வரலாற்று ஆசிரியர்களின் விளக்கத்தைப் பாருங்கள்.

அல்லாமா ஜைனீ தஹ்லான் ரஹிமஹுல்லாஹ் அவர்கள் தமது நூலில் …. அதியற்புதம் வாய்ந்த ஓர் ஒற்றுமை என்னவெனில், 'முஹம்மத் இப்னு அப்துல் வஹ்ஹாப் நஜ்தியின் வம்சமானது 'பனூ தமீமுடைய' வம்சத்தை சார்ந்த ஒன்று என்பது வெள்ளிடைமலை. ஆகையால், அப்துல் வஹ்ஹாப் நஜ்தீ துல்குவைஸரா தமீமி என்பவனது குடும்பத்தில்தான் பிறந்தான் என்பது ஏற்புடைய கருத்து மட்டுமின்றி, அறிவித்த நபிமொழியே அதற்குப் போதுமான சான்றாகும்.
 

(ஆதாரம்: அததுரருஸ் ஸனிய்யா, பக்கம் 51)

இதன்றி இந்த ஹதீஸ் காரிஜிய்யாக்கள் என்ற ஓர் பிரிவாரைப் பற்றி  சொல்லப்பட்ட ஒன்றா என்று பார்த்தால், இதைப் பற்றி 'அஷ;அத்துல் லம்ஆத்' என்னும் தமது நூலில் மௌலவி அப்துல் ஹக் முஹத்திஸ் திஹ்லவி' அவர்கள்….

அவர்க(காரிஜிய்யாக்க)ளில் பனூதமீமுடைய வம்சத்தைச் சார்ந்த ஒருவர் கூட இல்லை என்று கூறுகின்றனர்.

(ஆதாரம்: அஷ்அத்துல் லம்ஆத் பக்கம் 535)

எனவே ஹதீஸில் குறிப்புக் காட்டப்படும் கூட்டம் நஜ்திகளின் கூட்டமான முஹம்மத் இப்னு அப்துல் வஹ்ஹாப் நஜ்தியின் கூட்டம்தான் என்பது உண்மையிலும் மிகப்பட்டவர்த்தனமான உண்மையாகும்.

3. பனிரெண்டாம் ஹதீஸில் இனங்காட்டப்படும் அடையாளங்களில் ஒன்றான 'அவர்கள் ஜனங்'களை தீனின் பால் அழைப்பார்கள். ஆனால் அவர்களுக்கு மார்க்கத்தில் ஒரு சிறிதளவு கூட தொடர்பு இருக்காது' என்னும் இவ்வடையாளத்தை தக்க ஆதாரத்தோடு தெரிந்து கொள்ள வேண்டுமாயின்…..தப்லீக் ஜமாஅத்தில் ஹல்கா, தர்ஸே குர்ஆன், மற்றும் அவர்கள் நடத்தும்' இஜ்திமா போன்றவற்றை சென்று பாருங்கள். ஜனங்களை தீனின்பாலும், குர்ஆனின் பக்கமும் தப்லீக் ஜமாஅத்தினர் அழைக்கும் சப்தம் அவர்களின்தொண்டையை வரண்டு போகச் செய்து விட்டன. அவர்களின் நாக்குகள் வரண்டு விட்டன. ஆனால் இதையே சற்று வேறு கோணத்தில் ஆராய்ந்து பார்த்தால் இவைகளனைத்தும் மார்க்கத்தில் குழப்பங்களையும், பிளவையும் தோற்றுவிப்பதேயாகும்.

4. பன்னிரெண்டு, பதிமூன்றாவது ஹதீஸ்களில் வரும் அடையாளக் குறிப்பில் அவர்கள் வாய்ப்பேச்சிலத்தான் வீரர்களாக இருப்பார்கள். ஆனால் அவர்களின் அந்தரங்களம் முற்றிலும் மாறுபட்ட ஒன்றாயிருக்கும் என்றும் விளக்கப்பட்டுள்ளது.

இந்த உண்மையை விளங்கிக் கொள்ள வேண்டுமானால் அவர்கள் வாய்ப்பேச்சில் எவ்வளவு நேசம் கொண்ட, மார்க்கத்தில் ஈடுபாடு உள்ளவர்களாய், பண்பாளர்களாய் காட்சித் தருகின்றனர். அந்தோ!…. தங்களின் மனத்துவேஷத்தால் எத்தனை அப்பாவி முஸ்லிம்களது நல்ல நல்ல அகீதாவாகிய கொள்கைகளையெல்லாம் குட்டிச் சுவராக்கிவிட்டார்கள். தௌஹீத் என்ற  பெயரில் போர்வையை போர்த்திக் கொண்டு அண்ணல் நபி நாதரை ஏசுவதும், தூஷிப்பதுமே இக்கூட்டத்தினரின் கூட்டு முறையாகிவிட்டது.

5. பத்தாம் ஹதீஸில் இக்கூட்டத்தாரின் அடையாளங்களில் ஒன்றான…..'இவர்கள் முஸ்லிம்களை மட்டுமே கொன்றொழிப்பார்கள். விக்கிரஹத் தொழும்பர் பக்கம் ஏறெடுத்தும் கூட பார்க்க மாட்டார்கள்' என்னும் இவ்வடையாளத்திற்கு ஆதாரம் வேண்டுமாயின், இந் நஜ்துக் கும்பலைப் பற்றி 'மௌலானா முஹம்மத் அலி ஜௌஹரின்' வார்த்தையைப் பாருங்கள்.

நஜ்தும், நஜ்து தேச விஷமிகளும் முஸ்லிம்களை மட்டுமே கொன்றொழித்து தங்களின் கரங்களை இரத்தங் கொண்டு கழுவியுள்ளனர். தற்போது அத்துவேஷதாரிகள் யமன் நாட்டு உண்மை முஸ்லிம்கள் மீது போர் தொடுக்க தயாராகிக் கொண்டுள்ளனர். ஹரம் என்றழைக்கப்படும் எல்லைகளில் நஜ்துக்காரர்கள் பிரிட்டானிய ஆங்கிலேய அரசுடன், ஆங்கிலேய அரசுக்குட்பட்ட பிரிட்டானிய எல்லைக்குள் நுழைய மாட்டோமென்று ஒப்பந்தம் செய்துள்ளனர்.

(ஆதாரம்: முகாலாத்தே முஹம்மத் அலி பக்கம் 37)

இதன்மூலம் தப்லீகு ஜமாஅத்தினர்களுக்கும், நஜ்துக் கூட்டத்தாருக்குமிடையே எவ்வித வேறுபாடும் இல்லை என்பதை தெரிந்து கொள்ளலாம்;. நஜ்துவாசிகள் முஸ்லிம்களை காபிர்கள், முஷ;ரிக்குகளென்று கூறி அவர்களைக் கொன்றொழித்தனர். தப்லீகு; ஜமாஅத்தினர்கள் முஸ்லிம்களை முஷ;ரிக் காபிரென்று வாய்திறந்து சொல்லாமலேயே அவர்'களுக்கு கலிமா சொல்லிக் கொமுக்கின்றனர். இவ்'விரு கூட்டத்தினரின் மனக்கருத்தும் ஒரே மாதிரியாக ஒன்றுபோல் ஒத்திருப்பதைப் பாருங்கள்.

6. ஐந்து, பதினொன்று, பனிரெண்டு ஆகிய ஹதீஸ்களில் இவர்களது முக்கியமான அடையாளங்களில் ஒன்று: மொட்டையடிப்பதை முக்கிய பணியாகக் கொண்டிருப்பதைச் சுட்டிக் காட்டப்பட்டுள்ளது. அதுவே அவர்களின் கொள்கை குறிக்கோளாகவும் மாறியுள்ளதென்பது ஆதாரத்தை புகழ் வாய்ந்த அரபி வரலாற்று நூலான 'அல்புதுஹாத்துல் இஸ்லாமிய்யா' என்னும் நூல் கூறுவதைப் பாருங்கள்:

அவர்களின் முக்கிய அடையாளங்களில் ஒன்று மொட்டை அடித்தல் என்னும் நபிகளாரது வாக்கு நஜ்து தேசத்திற்கே முற்றிலும் பொருந்தும். ஏனெனில் அவர்கள் தம்பை; பின்பற்றுவோரை மொட்டையடிக்கும்படி கூறுகின்றனர். நபிகளாரின் இவ்வடையாளக் குறிப்பு காரிஜிய்யாக்களிடமோ, வேறு எந்த கீழ்மட்டத்தரிடமும் காணப்படவில்லை. இப்பழக்கம் வஹ்ஹாபிய நஜ்திகளிடம் மட்டுமே குறிக்கோளாக காணப்படுகிறது.

(ஆதாரம்: அல்புதுஹாதுல் இஸ்லாமிய்யா, பாகம் 2, பக்கம் 268)

ஒரு அதிசயப் புள்ளி விபரம்: 'தஹ்லீக்' என்னும் அரபிச் சொல்லுக்கு சாதாரணமாக நாம் 'மொட்டையடித்தல்' என்றுதான் அர்த்தம் சொல்வோம். ஆனால் தப்லீக் ஜமாஅத்தினர்களான தேவ்பந்த்pகளின் நம்பிக்கைக்குரிய அரபி அகராதி நூலான 'மிஸ்பாஹுல் லுகாத்'தின் 48-வது பக்கத்தில் தஹ்லீக் என்பதற்கு 'சுற்'றி வருதல்', வட்டமாக அமருதல்' என்று அர்த்தம் கொ:டுக்கப்பட்டுள்ளது. சுய சிந்தனை கொண்டு சிறிது சிந்தித்துப் பார்ப்பீர்களேயானால் இவ்விரு அர்த்தங்களும் தப்லீக் ஜமாஅத்திற்கு கொஞ்சங்கூட பிசகாமல் பொருந்தி வருவதை புரிந்து கொள்வீர்கள். ஒரு அர்த்தமானது தெருதெருவாய் சுற்றி வந்து அழைப்பதைக் குறித்தால், இன்னோர் அர்த்தம் அவர்கள் வட்டமாய் அமர்ந்து தஃலீம் செய்வதையம், இஜ்திமா நடத்துவதையும் அம்பலப்படுத்துவதை அறியலாம்.

7. ஒன்பதாவது ஹதீஸில் அவர்களின் மற்றுமோர் அடையாளமாகிய, அவர்கள் போலித்தனமாகவும் மற்றவர் காண்பதற்காகவும் விழுந்து விழுந்து தொழுவார்கள் என்பதோடு மற்றவர்கள்  அவர்களது தொழுகை போன்ற வணக்கங்களைக் கண்டு தங்களின் வணக்கத்தை மிக அற்பமாக நினைப்பார்கள் என்பதில் தப்லீக்வாதிகளின் தொழுகை போன்ற வணக்கத்தைப் பற்றி நான் சொல்லித்தான் தெரிய வேண்டுமென்பதில்லை. அவர்களில் இவ்வடையாளம் அத்துனை உலகப்பிரசித்தம் பெற்ற ஒன்றாகும்.

உதாரணமாக நாற்பது ஐம்பது வருடங்களாகத் தொழக் கூடிய ஒருவரைப் பாருங்கள். அவரது நெற்றியில் ஸஜ்தா செய்த அடையாளத்தையே பார்க்க முடியாது. ஆனால் தப்லீக் ஜமாஅத்தில் இணைந்து தொழத் துவங்கி ஒரு கறுப்பு வில்லையே ஒட்டிக் கொண்டிருப்பதைப் பார்க்கலாம். காரணம் என்ன தெரியுமா? உண்மையில் இவர்கள் ஸஜ்தா செய்யவில்லை. ஸஜ்தாவின் மூலம் தங்களது நெற்றியில் இவர்கள் சூடு போட்டுக் கொள்கின்றனர். இதன்மூலம் இஸ்லாமியர்களிடையே தம்மை மிகப்பெரும் வணக்கஸ்தர் என்பதாக காட்டிக் கொள்ள முற்படுகிறார்கள் என்பதே உண்மையாகும்.
 

8. ஒன்பது, பத்து, பதினைந்து ஆகிய ஹதீஸ்களில் அக்கூட்டத்தினரின் அடையாளங்களில் மற்றுமோர் அடையாளமாக, அவர்கள் தமது தொழுகை போன்ற வணக்கத்தால் தம்மைத்  தவிரவுள்ள மற்ற அனைவரையும் மிக இழிவாகக் கருதுவார்கள். தம்மிலம் பெரியோர்களான தகைசார்ந்த நன்மக்களை கூட ஆணவத்தோடு பழி சுமத்தி தூற்றுவார்கள். நபிமார்களையும், நாதாக்களானவலிமார்களையும் கூட குறைகூறுதல் தப்லீக் வாதிகளின் அன்றாட அலுவல்களின் ஒன்றாக இன்று ஆகிப்போய் விட்டது. நான் சொல்லும் இவ்வடையாளத்திற்கு ஆதாரம் தேவையெனில் தப்லீக் ஜமாஅத்தின் மிகத் தீவிரமான சொற்பொழிவாளர்களுள் ஒருவரான மௌல்வி அப்துற்றஹீம் தேவ்பந்தியின் பேச்சைக் கேட்டுப் பாருங்கள்:

நான் மௌலானா முஹம்மத் யூசுப் ஸாஹிப் அவர்களிடம் ஒவ்வொரு வெள்ளிதோறும் தவறாமல் சென்று வருவது வழக்கம். அப்போது ஜமாஅத்திலுள்ள அடிப்படைக் கூடத்தெரியாத பேச்சாளர்களைப் பற்றி சொல்லிக் கொண்டே வந்தேன். அவர்கள் மேன்மைக்குளரிய உலமாக்களையும், மத்ரஸாக்களையும் மிக அற்பமாக எண்ணி இளக்காரம் செய்கின்றனர் என்பதை நானே பலமுறை செவியேற்றிருக்கிறேன். மிக விரைவில் அவர்களை நாம் திருத்த வேண்டும். உலமாக்களெல்லாம் மிகுந்த வருத்தத்துடன் முறையிடுகின்றனர் என்று சொன்னேன்.

(ஆதாரம்: உஸூலே தஃவத் தப்லீக் பக்கம் 43)

பிறிதோரிடத்தில் அவனே மனம் புண்படும்படியான செய்தியைக் கூறி பலத்த கண்டனம் செய்வதைப் பாருங்கள்.

மிகப்பெரும் ஆச்சரியமான விஷயம் யாதெனில், யார் தப்லீக் ஜமாஅத்தை எவ்வளவு நெருங்கி வந்து விடுகின்றானோ, அவன் அவ்வளவு தூரம் உலமாக்களை விட்டும் பிரிந்து விலகிச் சென்று விடுகிறான். ஏன் இவ்வாறு நிகழ்கின்றது? அதிலம் இரண்டு, மூன்று சில்லா சென்று வந்து விட்டால் அவனைப் பற்றிச் சொல்லத் தேவையேயில்லை. பலபடிகள் மற்றவர்களை விட தான் உயர்ந்து விட்டதாகக் கருதத் துவங்கி விடுகிறான். பிறகென்ன? ஆலிம்களை ஒரு பொருட்டாகவே நினைப்பதுமில்லை. மதிப்பதுமில்லை.

(ஆதாரம்: உஸூலே தஃவத் தப்லீக், பக்கம் 50)

தப்லீக் ஜமாத்தினர் நபிமார்களை குறைகூறும் வழக்கத்தை, கிளர்ச்சியை நெருப்பிட்டு வளர்க்கும் அவர்களின் மிகத் தீவிரமான முயற்சியை காண வேண்டுமாயின் அவ்வியக்கத்தை உருவாக்கிய மௌலவி இல்யாஸ் ஸாஹிபவர்களின் கடிதத்தின் ஒரு பகுதியைப் பாருங்கள். தப்லீக் இயக்கச் சேவை புரிவோரைப் பற்றி அவர் இவ்வாறு எழுதுகிறார்,….

இறைவன் ஒரு வேலையை வாங்க நாடாவிட்டால் நபிமார்கள் போன்றோர் கூட எத்துணை முயன்றாலும் ஒரு சிறு பொருளைக் கூட அவர்களால் அசைக்கக் கூட முடியாது. இனி இறைவன் அதே வேலையை வாங்க நாடி விட்டால் நபிமார்காளல் கூட முடியாத அவ்வேலையை உங்களைக் கொண்டு வாங்கி விடுவான்.

(ஆதாரம்: மகாதீபே இல்யாஸ், பக்கம் 107)

9. பதிமூன்றாம் ஹதீஸில் இக்கூட்டத்தார்களது அடையாளங்களை நபிகளார் சொல்லும்போது, இளவயதுடைய வாலிபர்கள் அறிவிற் தேறாதவர்கள், ஒன்றும் தெரியாத பாமர மக்கள் போன்றோரைக் கொண்டதாக அக்கூட்டமிருக்கும் என்றார்கள். இவ்வடையாளத்தை நீங்கள் பார்க்க வேண்டுமானால், இவர்கள் நடத்தும் ஒரு இஜ்திமாவுக்கு சென்று வாருங்கள். கல்வியறிவற்றவர்கள் ஒரு பகுதியாகவும், ஒன்றும் புரியாத முஸ்லிமகள் ஒரு பகுதியாகவும் காட்சியளிப்பதைப் பார்க்கலாம். தவிரவும் இந்த ஜமாஅததில் சேருவதுதான் தாம் தனது தீனுக்கு செய்யும் மிகப் பெரும் உபகாரம் என்றெண்ணி  சேர்ந்தவர்களது கூட்டம் ஒருபுறமும், பள்ளிகள், கல்லூரிகள் மற்றும் முஸ்லிமக்ள் கணிசமாக வசிக்கின்ற இடங்களைச் சேர்ந்த தீவிர எண்ணங்கொண்ட இளைஞர்களின் கூட்டம் மறுபுறமும், நாம் மார்க்கத்திற்கு ஆற்ற வேண்டிய அரும்பெரும் புனிதமிக்க பணி இதுதான் என நினைத்து தப்லீக் ஜமாஅத்தில் இணைந்திருப்போரை உங்கள் கண்ணுக்கெதிரே நீங்கள் காணலாம். அப்பாவித்தனத்தாலும், மார்க்கத்தை பற்றிய கல்வியறிவின்மையாலும் துரோகத்ததிற்கு துணைபோய்விட்டனர் பலர். சிறுபிள்ளைத் தனத்தாலும், அனுபவின்மையாலும் மார்க்கமற்ற மடமைச் சேற்றில் மூழ்கிவிட்டனர் வேறு பலர்.

தப்லீக் ஜமாஅத்தில் மறைந்துள்ள நஜ்து தேச வஹ்ஹாபியக் கொள்கையை விளக்கிக் காட்ட யாரும் முன் வராததன் விளைவுதான் இது.

10 பதினான்காம் ஹதீஸில் இறுதி காலத்தில் புழுப்பூச்சிகளைப் போல் எங்கு பார்த்தாலம் (ஆலிம்கள்போல் வேடம் தரித்த) முல்லாக்கள்தான்  தெரிய வருவார்கள். பள்ளிவாசல்களை படுக்கறையாக்கிக் கொள்வார்கள் என்று கூறப்பட்டுள்ளது.

அனுபவ ரீதியாகவம், நடந்து கொண்டிருக்கும் நிலைமைகளையும், கண்டால் நபிகளார் அறிவித்துள்ள அடையாளங்களனைத்தும் உச்சிவேளை சூரியனைப்போல் அவர்கள் தப்லீக் ஜமாஅத்தினர் தான் என்பது வெட்ட வெளிச்சமாகத் தெரியும். எண்ணிலடங்காதோர் இன்று பெரும் பெரும் உலமாக்களாக, ஆலிம்களாக, முல்லாக்களாகத் தெருத்  தெருவாக அலைந்து கொண்டிருக்கின்றனர். தப்லீக் இயக்கத்தார் எழுதிய நூல்களில் இரண்டொன்றை படித்துவிட்டால் மாபெரும் மௌலானாவாகி விடுகிறார்கள். கண்ணியத்திற்குரிய உலமா பெருமக்களையும், இவர்கள் கண்டு கொள்வதில்லை. இம்மாnரும் தவறை அந்த ஜமாஅத்தின் உலமாக்களே செய்யத் துவங்கி விட்டனர். அவர்களின் பிரசங்கப் பீரங்கியான மௌலவி அப்துற்றஹீம் தேவ்பந்தி தொடுக்கும் புகாரைப் பாருங்கள்:

மிகத் தீவிரமாக சிந்திக்க வேண்டிய அவலநிலை என்னவெனில் சான்றிதழ் இன்றி ஒருவன் கம்பௌண்டாகக் கூட முடியாது. ஆனால் அவர்கள் (தப்லீக்கர்கள்) எவ்வளவு கேவலமாக எண்ணிக் கொண்டார்கள் பாருங்கள். எவனெல்லாம் நினைக்கிறானோ அவனெல்லாம் சொற்பொழிவாற்றவும், பிரசங்கம் செய்யவும், எழுந்து நின்று விடுகின்றான். இ.ந்நிலைக்கு கீழ்கண்ட உவமானம் மிகப் பொருத்தமாயிருக்கும் என எண்ணுகிறேன். அதாவது, (நீம் ஹகீம் கத்ரயே ஜான் நீம் முல்லா கத்ரயே ஈமான்) அரைகுறை வைத்தியன் உயிருக்கு ஆபத்தை விளைவிப்பான். அரைகுறை ஆலிம் ஈமானுக்கே உலை வைத்து விடுவான் என்பதே.

(ஆதாரம்: உஸூலே தஃவத் தப்லீக், பக்கம் 54)

இதனை இன்னும் விளக்கி கூறும் வகையில் அமைந்த அவரது உரையின் மற்றோர் வாசகத்தைப் பாருங்கள்:

அருமை பெரியோர்களே! ஒன்றும தெரியாதவர்களும், லாயக்கற்றவர்களும் குத்பா பயான் செய்ய வருவார்களேயானால் எதைக் கூற வேண்டுமோ, அதன் அடிப்படையையே சொல்ல மாட்டார்கள். தன்னிச்சையாய் புதுமாதிரியானவற்றையே கூறிக் கொண்டு போவார்கள். உலமாக்களைNயு எச்சரிக்கை செய்யுமளவிற்கு இப்போது அவர்கள் துணிந்து விட்டார்கள்.

பள்ளிவாசல்களின் நிலைமையைப் பற்றி கேட்கத் தேவையேயில்லை. இந்த நாடோடிக் கும்பலான தப்லீகுவாதிகள் உண்மையான தொழுகையைப் தவிர மற்றெல்லா வசதிக்காகவும் அதனை பயன்படுத்திக் கொள்கின்றனர். உணவு சமைக்க சமையல் அறையாகவும், உட்கார்ந்து சாப்பி;ட டைனிங்ஹாலாகவும், தூங்கி எழ படுக்கையறையாகவும், உலக விஷயங்களைப் பற்றி பேசசந்தையாகவும், தங்கள் தேவைகளை பூர்த்தி செய்து கொள்ளும் உறைவிடமாகவம் உண்மையைச் சொல்வதானால் பள்ளிவாசல் என்பது போர்டிங் லாட்ஜிங் ஆகத் திகழ்கிறது. இவைகளைத் திவர பள்ளிவாசலின் மகத்துவத்தை கேவலப்படுத்தும் பல சம்பவங்கள் நம் இதயமே வெடித்து விடுமளவிற்கு நம் காதில் விழுகின்றன.

11. இரண்டு, பனிரெண்டாம் ஹதீஸ்களில் பல்வேறு வேடம் பூண்டு பற்பல பெயர்களையத் தாங்கி ஒரு கூட்டம் எல்லாக் காலங்களிலும்  வெளிவரும் என்றும் இறுதிநாள்வரை வந்து கொண்டிருக்கும் இக்கூட்டம் முடிவில் தஜ்ஜாலுடன் சென்று சேர்ந்து கொள்ளுமென்றும் கூறப்பட்டுள்ளது.

இவ்விரு ஹதீஸ்களிலும் குறிப்பிடப்படும் இவ்வடையாளம் தப்லீக் ஜமாஅத்தின் கூட்டத்தினருக்கே மிகச் சரியாகப் பொருந்தும். ஏனெனில், தப்லீக் ஜமாஅத் இஸ்லாமிய மக்களிடையே பரப்ப முனைந்துள்ள விஷயங்கள் அனைத்தும் 'இப்னு தைமிய்யா, இப்னுல் கையூம், முஹம்மது இப்னு அப்துல் வஹ்ஹாப் நஜ்தீ' முஃதஸிலா, காரிஜிய்யா போன்ற பெயர்களை சுமந்து காலத்திற்கேற்றப பெயர்தாங்கி வந்த கூட்டங்கள் எந்தக் கொள்கையை, எந்த விஷயங்களை முஸ்லிம்களிடையே பரப்பியதோ, அதேக்கொள்கையைத்தான் தப்லீக் ஜமாஅத்தும் இன்று இஸ்லாமியர்களிடையே பரப்புகின்றது. இதில் தப்லீக் ஜமாஅத் என்ற பெயர்தான் புதியதேயொழிய கருத்துக்கள் அனைத்தும் ஒன்றுதான்.

இதன்மூலம் மற்ற எல்லா சந்தேகத்தின் கதவுகளும் இழுத்து மூடப்பட்டுவிடுகின்றன. காரணம், நபிகளார் எந்த ஜமாஅத்தைப் பற்றிஅ ன்றே சொன்னார்களோ, அந்த ஜமாஅத் காரிஜியாக்கள் அல்ல. அவர்கள் என்றோ அழிந்தொழிந்து போய்விட்டனர். பின்னும்  ஒரு குறிப்பிட்ட காலம் வரை நிலைக்கின்ற கூட்டத்தைக் குறித்து நபிகளார் எச்சரிக்கை செய்யவில்லை. மாறாக தஜ்ஜால் வரை சென்றடையும் கூட்டத்தைக் குறித்தே நபிகளார் சொன்னதால், அன்றும் தங்களின் மனிதில் குப்ராகிய இறை மறுப்பையும், நாயகத்தின் மீது துவேஷ எண்ணத்தையும் மறைத்'து வைத்துக் கொண்டிருந்தவர்கள் இருந்தனர். அவர்கள்தான் இன்றும் பலப்பல புதிய பெயர்களை சூட்டிக் கொண்டு இஸ்லாமியர்களிடையே உலவுகின்றனர். வாழையடி வாழையாக தஜ்ஜால் வரும்வரை இவர்களும் வந்து கொண்டேதானிருப்பர்.

12. பதினொன்று, பணிரெண்டு ஆகிய ஹதீஸ்கள் குறிப்பிடும் அடையாங்களில் இன்னொன்று, குண நலன்களிலும், நடத்தையிலம் மிக மிகக் கீழ்த்தரமானவர்களாயிருப்பார்கள் என்பதாகும். இதற்குரிய ஆதாரத்தை என்னிடம்  கேட்டால், தப்லீக் ஜமாஅத்தில் மிகத் தீவிரமான பற்றுதல் கொண்டோரைத் தேடி அவரிடம் நெருங்கிப் பழகி பாருங்கள். காட்டுத்தனமும், இறைவனைப் பற்றிய அச்சமின்மையும், நல்லோரை தூஷpக்கும் இழிகுணமும், ஆணவம் கொண்டவராகவும், உலக இச்சையின் பால் அதிக வேட்கை கொண்டவராகவும் இருப்பதை நீங்கள் கண்டு கொள்வீர்கள்.

பின்னும் இந்த இழிநிலைக்கு மாற்றமான இயற்கைத் தன்மை வாய்ந்த இரக்க குணமும் பாசமாகப் பேசும் இளகிய மனமும், நல்லொழுக்கப் பண்பாடு முதலான நற் குணங்களை விட்டு வெகு தொலைவில் இருப்பதை நீங்கள் தெரிந்து கொள்வீர்கள். பின்னும் நஜ்து கூட்டத்தினரான வஹ்ஹாபியர்களைக் குறித்து எத்தனை ஹதீஸ்கள் அவர்களது இழிந்த தன்மைகளை அடையாளமாக்கிக் கூறுகின்றதோ அவையனைத்தையும் தப்லீக் ஜமாஅத்தினர்களுக்கு பொருத்தமாகக் கொள்ளலாம்.

13. ஐந்து, பனிரெண்டு ஆகிய ஹதீஸ்களில் இனங்காட்டப்படும் மற்றுமோர் அடையாளம்: ஒருமுறை அவர்கள் நேரான பாதையை விட்டும் விலகிச் சென்ற பின்னர் மறுபடியும் அப்பாதைக்குத் திரும்புவது அவர்களுக்கு இயலாத ஒன்றாகிவிடும் என்று அறிவுறுத்தப்பட்டுள்ளது.

தப்லீக் ஜமாஅத்தில் மிக அதிகமாக ஈடுபாடு கொண்டுள்ள ஒருவரை அணுகி மேலே சொல்லப்பட்ட ஹதீஸின் அடையாளாத்தை அவருடன் பொருத்திப் பாருங்கள்! அவரிடம் ஆயிரம்முறை நீஞ்கள் ஹதீஸ்களிலிருந்து ஆதாரம் காட்டி அவரது அத்தீயக் கொள்கையை விட்டும் அவரை நேரான பாதைக்கு வந்து சேருமாறு வற்புறுத்தினாலும் நபிமார்களை ஏளனமாகப் பேசாதீர்கள், வலிமார்களை வசை பாடாதீர்கள் என்று எவ்வளவுதான் எடுத்துச் சொன்னாலும் அவர் ஒருபோதும் நேர்பாதைக்கு வரமாட்டார் என்பதை மிகத் தெளிவாகக் கண்டு கொள்வீர்கள்.

உங்கள் சிந்தனைக்கு ஒரு சில கேள்விகள்

இதுவரை தப்லீக் ஜமாஅத்தைப் பற்றி நபிமொழியின் ஒளியில் நான் கோர்வையாக தொகுத்துத் தந்த அடையாளங்களைக் கொண்டு மேற்படி இயக்கத்தைப் பற்றி நீஞ்கள் நியாயமான முடிவெடுக்கும் முன் சிறிது எனக்கு அவகாசம் தாருங்கள். உங்களின் தெளிவான சிந்தனைக்கு இன்னும் ஒரு சில கேள்விகளை நான் உங்கள் முன் வைத்து விடுகிறேன். அதன்பின் நீங்கள் என்ன முடிவெடுத்தாலும் எனக்குச் சம்மதமே.

தப்லீகு ஜமாஅத்தைக் குறித்து நீங்கள் ஒரு முடிவுக்கு வர முடியாதவாறு உங்களுக்குள்ளேயே மாபெரும் சிக்கலொன்று உருவெடுத்து உங்களின்  தெளிந்த சிந்தனையைக் குழப்பத் துவங்கியிருப்பதை நான் உணர்கிறேன். ஒரு அற்புதமான ஜமாஅத்தொன்று இஸ்லாமிய மக்களை குர்ஆனின் பாலும், மார்க்கத்தின் பாலும் அழைக்கின்றது. தொழுகை, நோன்பு போன்றவற்றை தானம் நடைமுறைப்படுத்துவதுடன் மற்றவர்களையும் நடைமுறைப்படுத்தத் தூண்:டுகிறது. மக்களிடையே நன்மையானதை எடுத்துச் சொல்லும் ஒரு கூட்டத்தையா வழி தவறிய கூட்டம், தீனற்ற இயக்கம் என்பது? இப்படி மார்க்கத்தை அல்லும பகலும் வளர்க்கின்ற ஒரு கூட்டத்தைப் போலியானதென்றால், பின்னர் உலகில் யார்தான் உண்மையான மார்க்கப் பிடிப்பாளர் என்றெல்லாம் உங்களுக்கு என்னைப் பார்த்து கேட்கத் தோன்றுகிறதல்லவா?

நான் மிகுந்த தயையுடன் கேட்டுக் கொள்கிறேன். இதே போன்ற சர்ச்சைதான் அன்று ஹஜ்ரத் அபூபக்கர், உமர் ரலியல்லாஹு அன்ஹுமா போன்ற நாயகத் தோழர்களுக்கு பள்ளிக்குள்  சென்று தொழுது கொண்டிருந்த தொழுகையாளியான அவ்விளைஞனைப் பற்றி எழுந்தது. எவனை நபிகளார் வெட்டிக்கொன்று விடுமாறு கட்டளையிட்டார்களோ, வெட்டச் சென்ற நபித் தோழர்கள்  தொழும் நிலையிலுள்ள ஒருபனை எப்படி வெட்டுவது எனத் தயங்கிப்' பின்னர் வெட்டாமலேயே திரும்பி வந்தார்களோ…. அவனைக் குறித்து நபிகளார், இறுதிக் காலத்தில் ஒரு கூட்டம் வரும். குர்ஆனை ஓதும், நன்மையை ஏவும், தொழுகை, நோன்பு போன்ற விஷயங்களில் மிகுந்த அக்கறை காட்டும். இருந்தாலம் மார்க்கத்தில் அக்கூட்டத்திற்கு எவ்வித தொடர்பும் இருக்காது என்று விபரித்த போது…..

நாயகத் தோழர்கள் தங்கள் மனதில், ஒருவனை மார்க்கப் பற்றுதலுடையவன் என்பதை அறிந்துகொள்ள வெளிப்படையான அடையாளங்கள் இவைதானே! ஒவ்வொரு மனிதனுடைய மனதிற்குள்ளும் இறங்கியா நாம் பார்க்க முடியும்,? ஆனால் முக்காலத்தையும் முற்றும் அறிந்த நபிகளார் இத்தகைய அடையாளம் உள்ளவனையே தீனற்றவன், வஞ்சிப்பவன் என்று சொன்னால் மார்க்கப்பற்றுள்ளவனையும், மார்க்கத்தை பிழைப்பாக்கிக் கொள்பவனையும் நாம் எப்படி பிரித்தறிய முடியும்? அநேகமாக இத்தகைய மனோநிலைக்கு உந்தப்பட்டதால்தான்,….

தொழுகையும், குர்ஆன் ஓதுதலும், நோன்பு நோற்குதலும், நன்மையை ஏவுதலம் ஒரு சிறந்த மார்க்கப் பற்றுவன் என்பதற்குரிய அடையாளமில்லை எனில், இறைவனின் இனிய திருத்தூதரே! அக்கூட்டத்தினரின் முக்கிய அடையாளங்களில் ஒன்றையாவது எங்களுக்குச் சொல்லுங்கள். அவ்வடையாளத்தைக் கொண்டேனும் நாங்கள் அத்தகைய மதியீனர்களைக் கண்டு கொள்கிறோமென்று வினவியபோது,….

அவர்களின் முக்கிய அடையாளங்களில் ஒன்று 'மொட்டை' அடித்துக் கொள்வதாகம் என்று நபிகளார் நவின்றார்கள்.
நான் உங்களுக்கு சொல்ல விரும்பும் விஷயம் யாதெனில் எந்தக் காரணங்களை அடிப்படையாகக் கொண்டு நீங்கள் தப்லீக் ஜமாஅத்தினரை விரும்புகின்றீர்களோ, அஸலில் அவையனைத்தும் இறுதிக் காலத்தில் உதயமாகும் கூட்டத்தினரைப் பற்றிய அடையாளமாக அல்லவா இருக்கிறது? அத்துடன் எந்தத் தப்லீக்கை நீங்கள் நன்மை பயக்கும் கூட்டமென சொல்கிறீர்களோ, அக் கூட்டத்தினரிடம் தானே நபிகளார் சுட்டிக் காட்டிய அடையாளங்கள் அனைத்தும் ஒருசேரக் குடிகொண்டுள்ளன. அதுமட்டுமா? இவ்வடையாளங்களைத் தாங்கிய எந்தக் கூட்டம், எந்தப் பெயரைத் தாங்கி வந்தாலும் அதை விட்டும் விலகி இருங்கள் என்றல்லவா நபிகளார் நவின்றுள்ளனர். இனி நபிகள் நாதரால் சுட்டிக் காட்டப்பட்ட அடையாளங்கள் தப்லீகு; ஜமாஅத் கூட்டத்தினருக்கு கொஞ்சங்கூட பொருந்தாத ஒன்றாக இருக்குமேயானால் அவர்களை குறித்து சந்தேகிக்க வேண்டிய அவசியமே நேர்ந்திருக்காதே! மாறாக அவ்வடையாளங்கள் அனைத்தும் இவர்கள் மீது முற்ற முழுக்கப் பொருந்தி வருவதால்தான் நாம் இதை இத்தனை வன்மையாகக் கூறுகிறோம்.

அறிவுணர்த்தும் அருள் மருந்து!

இதுவரை நாம் சொல்லி வந்தவை அனைத்தையும் ஒரு மூலைக்குள் தூக்கி ஒதுக்கி வைத்து விடுங்கள். இப்போது  உங்களது வாதத்திற்காக நான் சொன்னவையனைத்தும் பொய்யாகவே இருந்தாலும், இறுதியாக நீங்கள் அண்ணல் நபியின் அருள்மொழியான ஹதீஸின் மீதுள்ள உங்களது நம்பிக்கையை முன்னிருத்திக் கேட்கிறேன். இறுதிக் காலத்தில் ஒரு கூட்டம் வரும். அவற்றிடம் மேற்கூறிய அடையாங்களனைத்தும் அப்பட்டமாகத் தெரியவரும் என்று இனங்காட்டப்பட்ட் அடையாளங்கழைத் தாங்கியுள்ள கூட்டம் எதுதான் என்று தயை கூர்;ந்து நீங்களே கூறுங்களேன்!

எனவேதான் தப்லீகு ஜமாஅத்தை எவரும் வெறும் தொழுகை நோன்பு போன்ற வெளித்தோற்றத்தை மட்டும் கண்டு முடிவெடுக்காதீர்கள். ஹதீஸ்களில் இனங்காட்டப்பட்ட அடையாளங்கள், அதற்கு எவ்வளவு தூரம்  பொருந்தி வருகின்றதென்பதை நோட்டமிடுங்கள். அதன்பின்னர் ஒரு நல்ல முடிவுக்கு வாருங்கள்.

இன்னும் இவர்களின் தொழுகை, மார்க்கப்பற்று என்பதெல்லாம் செல்லாத காசின் ஒரு பக்கத் தோற்றம்தானே தவிர மறுபக்கத்தையம் அருள்கூர்ந்து பார்த்தபின் முடிவெடுங்கள். செல்லாக் காசின் ஒரு பக்கத்தை மட்டும் கண்டு தீர்ப்புச் சொல்லி விடலாகாது.

மனசாட்சியின் இறுதித் தீர்ப்பு

திடுக்கமும், அதிர்ச்சியும், குழப்பங்களும் ஒன்றன்பின் ஒன்றாக சூறாவளிக் காற்றுபோல் மனித இனத்தை சூழ்ந்து கொண்டேவரும் இக்காலக்கட்டத்தில் ஒரு உண்மையான இறை நம்பிக்கையாளரின் (முஃமின்) மனசாட்சி அளிக்கும் தீர்ப்பே உண்மையான தீர்ப்பென்று சொல்லலாம்.

இதில் இறைவனே இறுமாந்துப் போற்றிப் புகழும் இறைத்தூதரின் மகிழ்ச்சியும், திருப்தியும் தப்லீக்கில் சென்று இணைவதில் உள்ளதா? அல்லதுஅவர்களை விட்டும் விலகி இருப்பதில் உள்ளதா? என்பதை இறைவன் மற்றும் இறைத்தூதரின் திருப்திக்காக தப்லீக்கில் இணைந்து சேவை செய்கிறேன் என்று கூறும் ஒன்றுமறியா அப்பாவி முஸ்லிம்களை தான் கேட்க விரும்புகிறேன்.

மற்றபடி பணத்தின்மீதுள்ள மோகத்தால் சந்தர்ப்பவாதிகளாக மாறி மார்க்கத்தை துண்டாட தப்லீக்கில் இணைந்துள்ளவர்களை நோக்கி ஒரேயொரு வார்த்தை மட்'டும் சொல்ல ஆசைப்படுகிறேன். அவர்கள் தன்  இச்சைக் காட்டும் வழியில் எவ்வளவு தூரம்  வேண்டுமானாலும் செல்லட்டும். நபிகளாருக்குரிய கண்ணியத்தை அவர்கள் கொடுத்தே தீர வேண்டும். ஆனால் ஒன்று தமது மன இச்சைக்காகக செய்யும் வேலையை அல்லாஹ்வுக்காக என்று மட்டும் சொல்லி ஏமாற்ற வேண்டாம்.

தப்லீகு ஜமாஅத்தின் நூலொன்றில்……

எப்படிப் பார்த்தாலும் மனிதன் எத்தனை பாவங்களை  செய்கிறான். அவையனைத்தும் பாவம் என்று ஒப்புக் கொள்ளவே செய்கிறான். இன்னும் அப்பாவத்தை நன்மையென ஒருக்காலும் நினைப்பதேயில்லை. இந்நிலையில் அவன் என்றாவது ஒருநாள் நிச்சயம் திருந்தி விடுவான் என்று நம்பிக்கை கொள்ளலாம் என்று கூறப்பட்டிருக்கின்றது.

ஆனால் எவர்கள் -பாவத்தை புண்ணியமென்றும், நபி துவேஷத்தை-தௌஹீதென்றும், வலிமார்களை நிந்திப்பதை ஈமான் என்றும் நினைத்துக் கொள்கிறார்களோ அவர்கள் உண்மையான மார்க்கத்தின் பக்கம் திரும்பி வருவதென்பது கடினம் மட்டுமல்ல. முடியவே முடியாத ஒன்றாகிவிடும். நபிகளார் சுட்டிக் காட்டிய அடையாளங்களில் ஒன்றான…. அவர்கள் (தப்லீகு வாதிகள் தீனை விட்டு வெளியேறி விட்ட பின், பின்னர் மீண்டும் தீனை நோக்கி திரும்பமாட்டார்கள் என்று கூறியுள்ளது கவனிக்கத்தக்கது.

எவ்வாறாயினும் இப்பரச்சனையை முடிக்கம் இத்தருணத்தில் எந்தக் காரணங்களை மையமாக வைத்து தப்லீகை விரும்புகின்றனரோ, அதே காரணங்கள் தான் வேறு கோணத்தில் அக்கூட்டத்தின் அடையாளமெனத் தெளிவாக்கப்பட்டுள்ளது. அவ்வடையாளங்களை பதினான்கு நூற்றாண்டுகளுக்கு முன்பே இறைவனின் இறுதித் தூதரான நபிகள் நாதர் முஹம்மத் ஸல்லல்லாஹு அலைஹி வஸல்லம் அவர்கள் நமக்கு உணர்த்தியதுடன், தாம் இனங்காட்டிய அடையாளங்களை கொண்ட கூட்டம் எங்கிருந்து, எந்தப் பெயரில் வந்தாலும் அவர்களை விட்டும் இஸ்லாமிய மக்கள் விலகியிருக்க வேண்டுமெனவும் எச்சரிக்கை செய்துள்ளார்கள்.

இக்காலத்தில் யாருக்கு நபிகளாரின் நல்லாசி வேண்டுமென நினைக்கின்றனரோ, அவர்கள் தப்லீக் ஜமாஅத்தை விட்டு விலகுவதில்தான் கிடைக்க முடியும். இனி யார் தன் மன இச்சைக்கு அடிமையாகி விடுகின்றாரோ அவரை நபிகளாரின் மீது நன்றியுள்ளவனாய் நடந்து கொள்ள எனக் கட்டாயப்படுத்த முடியாது.

இறுதியாக ஒரு வார்த்தை

இச்சிறு நூல் நிறைவுபெறும் இவ்வேளையில் இறுதியாக ஒரு வார்த்தையை உங்களின் சிந்தனைக்கு வேண்டி விட்டுச் செல்கிறேன். எனக்குத் தெரிந்தவரை என் அறிவுக்கு எட்டியவரை நபிமொழியின் ஒளியில் தப்லீகு ஜமாஅத்தைப் பற்றிய எத்தனை உண்மைகள் உள்ளனவோ, அவையனைத்தையும் உங்கள் முன் சமர்ப்பித்து விட்டேன். அவற்றை நீதியான பார்வையைக் கொண்டு அணுகுங்கள். நன்மையை நாடி நீங்கள் தப்லீகில் இணைந்திருப்பீர்களேயானால் நான் உங்களின் அந்த நல்லெண்ணத்தை ஒருபோதும் குறை சொல்ல மாட்டேன். மறுமையின் கொடும்வேதனையைக் கேள்வியுற்று அதிலிருந்து விடுபடுவதற்காக உங்கள் மனம் ஈர்க்கப்பட்டு நீங்கள் தப்லீகில் இணைந்திருக்கலாம். ஆனால்…என்ன? ஒரு நிமிட நேரத்திற்கேனும் நீங்கள் அருள் கூர்ந்து சிந்திக்க முன்வர மாட்டீர்களா? நான் இதுவரை சொல்லி வந்த அனைத்துக் குறிப்புகள், அடையாளங்கள், நியாய உணர்வுடன் கூடிய உண்மைகள் எல்லாமே பொய்யா? ஒரேடியாக அவையனைத்துமே ஆதாரமற்றவைகளா?

சரி! அப்படி உங்கள் வாதத்திற்காக அவையனைத்தையும் பொய்யென்று வைத்துக் கொண்டாலும் நான் அவர்கள் மீது (தப்லீக்) கூறும் குற்றச்சாட்டுகுகள் தவறானவை என்றாலும் அண்ணல் எம்பெருமானார் அறிவித்த அந்தப் பதினைந்து ஹதீஸ்களையுமா பொய்யென்று சொல்வீர்கள்? தப்லீக் ஜமாஅத்தை விடடும் விலகியிருங்கள் என்று நபிகளாரால் சொல்லப்பட்ட அவ்வாக்கியத்தின் நடைமுறையில்தானே நபிகள் நாதரின் மகிழ்வும், திருப்தியும் அடங்கியுள்ளது.

நீங்கள் சொல்வதைப் போல் தப்லீகில் நல்லது இருக்கின்றதென வைத்துக் கொண்டாலம், நடுநிலையுடன் நின்று சிந்திப்பீர்களேயானால் அதில் நல்லதை விட தீயவையே அதிகமாக இருப்பதை நீங்களே கண்டு கொள்வீர்களே! ஒரு சிறு நன்மை பெறுவதற்காக மாபெரும் தீமையில் சென்று சிக்கிக்க கொள்ளுமாறு இஸ்லாம் என்றைக்குமே சொன்னதில்லையே. அறிவும் இதனை சரியான ஒன்றெனச் சொல்லாதே!
இன்னும் தப்லீகில் சென்று சேர்வதால் அதனால் மறுமை வாழ்வு பாதிக்கப்படுவதில்லையென்று சொல்லப்பட்டால், நான் கேட்கிறேன்! அண்ணல் நபி நாதரவர்கள் தப்லீகின் ஒவ்வொரு அடையாளக் குறிப்பையும் எடுத்துக்காட்டி அதில் சேரவேண்டாமென்று தடுத்துள்ளபோது,….. அதில் சென்று ஏன் சேர்ந்தாய் என்று இறைவன் கேட்கும்  கேள்வியிலிருந்து நாம் தப்பத்தான் முடியுமா? மாறாக அவர்களை விட்டுப் பிரிந்திருப்போமாயின் ஏன் அதில் சேரவில்லையென்றோ, அல்லது ஏன் சேர்ந்தாய் என்ற கேள்வியோ இறைவனிடமிருந்து எழ வழியில்லாமற் போய் விடுமெனபதைக் கவனியுங்கள். அன்றி, தப்லீகில் சேராது ஒதுங்கி நிற்பதால் நமக்கு எவ்வித நஷ்டமும் விளைந்துவிடப்போவதில்லையல்லவா?

இந்நூலின் கடைசி வரிகளை எழுதும்போது எனது ஆன்மாவிற்கு ஏற்படும் நிம்மதியை நான் உணர்கிறேன். ஒரு மாபெரும் விபத்திலிருந்து ஹதீஸ்களது அறிவிப்பின் அடையாளங்களை நபிகள் நாதரின் உம்மத்துக்களிடம் ஒன்று சேர்ப்பித்த வகையில் என் பணியினது பாரத்தை இறக்கி வைத்து விட்டேனென்றும் எண்ணுகிறேன். இறுதியாக இதற்கு தீர்ப்பு வழங்க வேண்டிய மிகப் பெரும் பொறுப்பு இந்நூல் எவரது கரங்களில் தவழ்கிறதோ அவர்கள் மீதேயுள்ளது.

இச்சிறுநூலில் மூலம் வழி தவறி தடம் மாறிச் செல்லும் முஸ்லிம்கள் நேரான பாதையில் நடக்கவும், செல்லவும் ஏக இறைவன் நேர்வழி காட்டுவானாக. ஆமீன். வஸல்லல்லாஹு தஆலா ஸையிதினா முஹம்மதின் வ ஆலிஹி வ ஸஹ்பிஹி அஜ்மஈன்.

முற்றும்.

Omar Wali – உமர் வலி காஹிரி

Umar Waliyullah kahiri

Umar Wali was the son of Shaikh Abdul Qadir. His grand mother was a daughter of Sadakathulla Appa. He had his earlier education under Muhammad Nusky alias Pal Appa. He got baiath from him. Umar Wali also got baiath and Khilafath from Sayyidna Jiffri Thangal, a sage and a saint from Halramawth, a descendant of our noble Prophet Muhammad (sal). Umar Wali went to Mecca to perform Hajj and to Madina for the Ziyarath of Holy Prophet Muhammad (sal). In Madina he met a great Schoalr and a Saint Assayyid Muhsin Al Mukaibali. He taught Umar Wali many hidden secrets of spiritual teachings and gave baiath to him. Umar Wali spent five years in Madina as a teacher and then as a principal. Then Umar Wali came back to Kayalpatnam. Oneday, while he was leading Jamath at Magdoom Mosque, he heared the call from his spiritual guide Sayyid Muhammad Buhary Thangal and went to Cannanur. Qutb Buhary Thangal gave him baiath. When Buhary Thangal came to Kayalpatnam, people gathered at the seashore and received baiath from him. He was the Qutb of that period. Umar Wali went to Achakarai in Indonesia and spread Islam. Umar Wali had six sons and one daughter and all of them were saints. Umar Wali wrote poems of utmost elegance and concentrated mostly Sufi themes. His work Allafal Alif is a masterpiece. The verses are in alphabetical orders. Another poem "Ilahi Kam Tubaqqini", "O God how long you are going to keep me alive" is very famous in Tamil Nadu and Ceylon. Umar Wali passed away this earthly life on 14th Thul Qaeda 1216 A.H / 1804 A.D.
 
உமர் வலி காஹிரி

இவர்கள் செய்கு அப்துல் காதிர் அவர்களின் மகனாக மாதிஹுர் ரஸூல் சதக்கத்துல்லாஹில் காஹிரி ரலியல்லாஹு அன்ஹு அவர்களின் மகளின் பேரராக பிறந்தார்கள். இவர்கள் முதலில் முஹம்மது நுஸ்கி என்ற பாலப்பா ரலியல்லாஹு அன்ஹு அவர்களிடம் கல்வி கற்றார்கள். அவர்களிடம் பைஅத்தும் பெற்றார்கள். நாயகம் ஸல்லல்லாஹு அலைஹி வ ஸல்லம் அவர்களின் திருப் பேரரான ஸெய்யிது ஜிப்ரி தங்கள் ரலியல்லாஹு அன்ஹு அவர்களிடமும் பைஅத்தும் கிலாபத்தும் பெற்றார்கள்.

     புனித ஹஜ் மற்றும் ஜியாரத்திற்காக மக்கா, மதினா ஷரீபிற்கு சென்றிருந்த சமயம் மான் அஸ்ஸெய்யிது முஹ்ஸின் அல் முகைபலி அவர்களை ரலியல்லாஹு அன்ஹு சந்தித்தார்கள். இவர்களிடம் மறைவான ஞானங்களை கற்று தேர்ந்தர்கள். பைஅத்தும் பெற்றார்கள். ஐந்து வருடங்கள் மதினாவில் ஆசிரியராகவும் பின்பு தலைமை ஆசிரியராகவும் பணிபுரிந்தார்கள். பின்பு காயல்பட்டணம் திரும்பி வந்தார்கள்.

  ஒரு நாள் மொகுதூம் பள்ளியில் தொழ வைத்துக் கொண்டிருந்தபோது, ஞான ஆசிரியர் ஸெய்யிது முஹம்மது புஹாரி தங்கள் ரலியல்லாஹு அன்ஹு அவர்கள் அழைப்பதைக் கேட்டார்கள். உடனே கண்ணூர் சென்றார்கள். அங்கு அவர்களிடம் பைஅத் பெற்றார்கள். இவர்கள் காலத்தில் இவர்கள் பெரும் குத்பாக விளங்கினார்கள். உமர் வலி ரலியல்லாஹு அன்ஹு அவர்கள் இந்தோனிசியா சென்று இஸ்லாத்தை பரப்பினார்கள். இவர்களுக்கு ஆறு மகன்களும் ஒரு மகளும் இருந்தார்கள். அனைவர்களும் வலியுல்லாக்களாக திகழ்ந்தார்கள். இவர்கள் ஞானப் பாடல்கள் இயற்றி உள்ளார்கள். அரபி அகர வரிசைப் படி அல்லஃபுல் அலிஃப் எனும் அரபி கவிதையை இயற்றியுள்ளார்கள். இந்தக் கவிதை கேரளாவில் மிகவும் பிரபலமானது. அங்கு மத்ரஸாவில் பாடமாக போதிக்கப்படுகிறது.

  இவர்கள் இயற்றிய 'இலாஹி கம் து பக்கினி' எனும் பைத் தமிழகம் மற்றும் இலங்கையில் பிரபலமானது.   
     

இவர்களின் மறைவு ஹிஜ்ரி 1216 துல்கஃதா பிறை 14 (கி.பி.1804). அடக்கஸ்தலம் காயல்பட்டணம் ஸாஹிபு அப்பா தைக்கா.

பித்அத் -நூதன அனுஷ்டானம் என்றால் என்ன? ஒரு விளக்கம்-Bidat

பித்அத் -நூதன அனுஷ்டானம் என்றால் என்ன? ஒரு விளக்கம்.

அன்று முதல் இன்று வரை நாம் பின்பற்றியொழுகி வருகின்ற எத்தனையோ நல்ல செயல்களை அவை பித்அத் என்று கூறி, அஹ்லுஸ்ஸுன்னத் வல் ஜமாஅத்தின் அழகுறு பாதையிலிருந்து விலகி வழி கெட்டும், வழிகெடுத்தும் வருகின்றனர் சில அதிபுத்திசாலிகள்(?)!

திருமறையையும், திரு நபி வழிமுறைகளையும் மட்டுமே நாங்கள் பின்பற்றுகின்றோம், ஏற்றுக் கொள்கிறோம்ட என்று கூறித்  திரியும் இவர்கள் திருமறை மூலமாகவும், ஹதீஸ்கள் மூலமாகவும் நற்செயல்கள் என ஏற்றுக் கொள்ளப்பட்ட காரியங்களையெல்லாம் ஒட்டுமொத்தமாக பித்அத் எனவும், பித்அத்துகள் அனைத்தும் வழிகேடே எனவும் பிரச்சாரம் புரிகின்றனர்.

சுன்னத் என்றால் என்ன? பித்அத் என்றால் என்ன? என்பது குறித்து அடிப்படை அறிவு இல்லாத காரணத்தினாலேயே அவர்கள் இவ்வாறான தப்புப் பிரச்சாரத்தில் இறங்கியுள்ளனர்

'திருமறை , திருநபி வழிமுறை, சஹாபாக்களின் நடைமுறை, இமாம்களின் ஒத்தக் கருத்துரை ஆகியவற்றிற்கு எதிராக – புதிதான ஒன்றைக் கொண்டு வந்தால் அது வழி கெட்ட-தவறான பித்அத்!'

மேற்கூறப்பட்டவைகளுக்கு முரணில்லாமல் ஒரு நற்செயலை உருவாக்கினால் அது ஏற்றுக் கொள்ளாபபட்ட –புகழுக்குரிய பித்அத்! என சட்டமேதை இமாமுனா ஷாபிஈ ரஹ்மத்துல்லாஹி அலைஹி அவர்கள் கூறுகின்றானர்.

நூல்: பத்ஹுல் முபீன் பக்கம் 95, தஹ்புல் அஸ்மாஉ வல்லுகாத் பாகம் 2 பக்கம் 23.

பித்அத்துகளை இவ்வாறு இருவகையாகப் பரித்து எந்த அடிப்படையில் கூறுகின்றனர்? 'எல்லா பித்அத்துகளும் வழிகேடு, எல்லா வழிகேடுகளும் நரகில்' என்று அண்ணல் ஸல்லல்லாஹு அலைஹி வஸல்லம் அவர்கள் கூறுகின்றனரே! ன்பது சில அளிவாளிகளின் வினா! விடையைத் தேடும் இந்த வினாவுக்கான பதில் சற்று விரிவாகத்தான் தர வேண்டும்!

'அல்லாஹ்வை நீங்கள் நேசிப்பீர்களாயின்  என்னைப் பின்பற்றுங்கள். அல்லாஹ் உங்களை நேசிப்பான் என நபியே ! கூறுங்கள்' (அல்-குர்ஆன்)

நபிபெருமானார் ஸல்லல்லாஹு அலைஹி வஸல்லம் அவர்களை பின்பற்றுவது என்றால் என்ன? அவர்களின் சுன்னத்துக்களை ஏற்றுக் கொண்டு செயல்படுதல்! (சுன்னத் என்றால்-நபிகளாரின் சொல், செயல், அங்கீகாரம் மூன்றும் இடம் பெறும்)

பித்அத் என்றால் 'அண்ணல் ஸல்லல்லாஹு அலைஹி வஸல்லம் அவர்களின் காலத்தில் இல்லாத ஒரு புதிய செயல்'  (மிர்காத் பாகம் 1, பக்கம் 178)

பெருமானாரின் காலத்தில் இல்லாதவற்றை நாம் செய்யலாமா? கூடாதா? எல்லா பித்அத்துகளுமே வழிகேடுகள்தானா? ஹதீஸ்களின் அடிப்படையில் ஆராய்வோம். இமாம்கள் பித்அத்களை இரண்டாகப் பிரித்து நல்லவை, கெட்டவை எனப்  பெயர் சூட்டியது எந்த அடிப்படையில்? இதனையும் ஹதீஸ்கள் மூலமே தெளிவுபடுத்துவோம்.

ஸெய்து இப்னு தாபித் கூறுகின்றார்கள்: 'யமாமா போர் நடந்துக் கொண்டிருந்த போது கலீபா அபூபக்கர் ரலியல்லாஹு அன்ஹு என்னை அழைத்துவர ஆளனுப்பினார்கள். நான் சென்றபோது கலீபாவுடன் உமரும் இருந்தார்கள். யமாமாப் போரில் குர்ஆனைப் பாடமிட்டிருந்த பலர் மறைந்து விட்டனர். மீதமுள்ளோரும் இப்படியே கொல்லப்பட்டு விடுவார்களாயின் குர்ஆனைப் பாடமிட்டவர்கள் இல்லாமலாகிவிடுவாரோ என அஞ்சுகின்றேன்.

எனவே திருமறையை நூலுருவில் கொண்டுவர வேண்டுமென உமர் ரலியல்லாஹு அன்ஹு அவர்கள் கூறுகின்றனர். 'நபி நாயகம் ஸல்லல்லாஹு அலைஹி வஸல்லம் அவர்கள் செய்திராத ஒரு காரியத்தை நாம் எப்படி செய்வது? என்று உமரிடம் கேட்டேன். 'இறைவன் மீது ஆணையாக! இது நல்லதோர் செயல்! என உமர் ரலியல்லாஹு அன்ஹு கூறுகின்றார்கள். அல்லாஹ் இது விஷயத்தில் உமருடைய இதயத்தை விசாலமாக்கி வைத்தது போன்று எனது இதயத்தை விசாலமாக்கி வைப்பது வரை என்னிடம் பலமுறை எடுத்துக் கூறினார்கள். தற்போது எனக்கும் உமருடைய அபிப்ராயம்தான்! எனவே அறிவாளியும், இளைஞரும் நபி ஸல்லல்லாஹு அலைஹி வஸல்லம் அவர்களி;ன் வஹியை அவ்வப்போது எழுதி வந்தவர்களுமான தாங்கள் குர்ஆனை நூலுருவில் சேர்க்கின்ற பணியினை செய்திட வேண்டும்' என கலீபா அபூபக்கர் ரலியல்லாஹு அன்ஹு அவர்கள் கூறினார்கள்.

பெரியதொரு மலையைப் பெயர்த்தெடுக்க கூறினால் அது எனக்கு இலேசான செயலாக இருந்திருக்கும். நபி பிரான் ஸல்லல்லாஹு அலைஹி வஸல்லம் அவர்கள் செய்யத் துணியாததை நீங்கள் ஏன் செய்ய வேண்டும்?  என நான் கேட்டேன். அபூபக்கர் அவர்கள் சொன்னார்கள். 'இஃதோர் சிறந்த செயல்' என இதயத்துக்கு சமாதானம் ஏற்படுவது வரை பன்முறை இந்தக் காரியத்தை குறித்து அபூபக்கர் ரலியல்லாஹு அன்ஹு அவர்களிடம் கூறிக்கொண்டே இருந்தனர். பின்னர் நான் குர்ஆனை சேகரிக்கத் தொடங்கினேன்.'

(புகாரி: பாகம் 1, பக்கம் 745)

நபிகளாரின் காலத்தில் இல்லாத செயல்கள் எல்லாமே வழிகேடு. நரகத்தில் சேர்ப்பவை என்றிருக்குமாயின் அபூபக்கர், உமர், ஜைது போன்ற கண்ணியமிகு நபிமணித் தோழர்கள் அண்ணலார் செய்யாத ஒரு செயலைச் செய்து 'அதற்கு நற்செயல்' என பெயருமிட்டனர் என்றால், அவர்கள் வழி கேட்டிற்குத் துணைபோயினரா? அனாச்சாரத்தின் மீது ஸஹாபாக்களும் ஒத்த கருத்து கொண்டிருந்தனரா?

இந்த அடிப்படையில்தான் இமாம்கள் பித்அத்துகளை இரு கூறுகளாகப் பிரித்தனர். நல்லது, கெட்டது என வகைப்படுத்தினர்.

எனவே, 'அண்ணலாரின் காலத்தில் இல்லாத புதிய செயல்களுக்கு ஷரீஅத்தில் பித்அத் என்று கூறப்படும். இது நல்லது, கெட்டது என இரு வகைப்படும்.' என்று இமாம் நவவி ரஹ்மத்துல்லாஹி அலைஹி அவர்கள் கூறுகின்றார்கள்.

நூல்: தஹ்தீபுல் அஸ்மாஉ பாகம் 2, பக்கம் 22

மிர்காத், பாகம் 1, பக்கம் 178.

ரமலானின் ஓரிரவில் உமர் ரலியல்லாஹு அன்ஹு அவர்களோடு நான் பள்ளிக்குச் சென்றேன். சிலர் தனித்தும், வேறு சிலர் ஜமாஅத்தாகவும் தொழுது கொண்டிருந்தனர். இதனைக் கண்ட உமர் ரலியல்லாஹு அன்ஹு இவர்களை ஒரே இமாமின் கீழ் ஜமாஅத்தாக தொழச் செய்வது மிகச் சிறந்தது எனக் கூறி உபை இப்னு கஃபு ரலியல்லாஹு அன்ஹு அவர்களின் தலைமையில் ஜமாஅத்தாக்கினார்கள். மற்றொரு நாள் நான் உமர் ரலியல்லாஹு அன்ஹு அவர்களுடன் பள்ளிக்குச் சென்றபோது மக்கள் ஜமாஅத்தாக தொழுது கொண்டிருந்தனர். இது கண்ட உமர் ரலியல்லாஹு அன்ஹு அவர்கள், 'இஃ;தோர் நல்ல பித்அத்' என்றனர். அப்துற் றஹ்மான் இப்னு அப்துல் காரி அறிவிக்கின்ற இந்நிகழ்ச்சியை புகாரி (பாகம் 1 பக்கம் 269)ல் காணலாம்.

தராவீஹ் தொழுகையினை ஜமாஅத்தாக தொழச் செய்து அதற்கு நல்ல பித்அத் என்று பெயரும் சூட்டினர் உமர் ரலியல்லாஹு அன்ஹு அவர்கள். எனவே எல்லா பித்அத்துகளும் வழிகேடல்ல என்பது தெளிவாகிறது. யாராவது இஸ்லாத்தில் ஒரு நல்ல செயலை அறிமுகப்படுத்தினால் அதனுடைய கூலியும், அதனை செயல்படுத்தியரின் கூலியும், அறிமுகப்படுத்தியவருக்குக் கிடைக்கும். யாராவது ஒரு தீய செயலைக் கொண்டு வந்தால் அதனுடைய தண்டனையும் கிட்டும். (முஸ்லிம் பாகம் 1, பக்கம் 241, இப்னுமாஜா பக்கம் 18, மிஷ்காத் பாகம் 1 பக்கம் 33)

இறைவனும் இறைத்தூதரும் திருப்தியுறாத வழிதவறிய ஒரு பித்அத்தை கொண்டு வருபவனுக்கு அதனுடைய தண்டனையும், அதை செய்பவனுக்குரிய தண்டனையும் கிடைக்கும் (இப்னு மாஜா பக்கம் 19, மிஷ்காத் பாகம் 1 பக்கம் 30) இந்த நபி மொழிக்கு விளக்கமெழுதிய ஹதீஸ்கலை விற்பன்னர் முல்லா அலீ காரீ ரஹ்மத்துல்லாஹி  அலைஹி அவர்கள் நல்ல பித்அத்துகள் தவறானதல்ல என்பதைக் காட்டுவதற்கே தீய பித்அத் என்று குறிப்பிடப்பட்டுள்ளது என்று தமது மிர்காத் பாகம் 1 பக்கம் 202ல் எழுதுகிறார்கள்.

இந்த ஹதீஸ்களின் அடிப்படையில் தான் இமாம்கள் பித்அத்துகளை வகைப்படுத்தினார்களே தவிர, ஆதாரமின்றி வகைப்படுத்தவுமில்லை. புதுக்கொள்கைகாரர்கள் கூறுவது போன்று எல்லா பித்அத்துகளும் வழிகேடுமல்ல. அப்படிக் கூறுபவன் தான் வழிகேட்டின் அதல பாதாளத்தில் வீழ்ந்து கிடக்கின்றான் என்பது மறுக்க முடியாத உண்மை.

எனவே ஹதீஸ்கள், ஸஹாபாக்களின் நடைமுறைகள் ஆகயிவற்றின்படி இமாம்கள் வகுத்துத் தந்துள்ள நல்ல பித்அத்களை நாம் செய்தால் அவற்றுக்கு அல்லாஹ்வுடை;யவும், அண்ணல் நபி ஸல்லல்லாஹு அலைஹி வஸல்லம் அவர்களுடையவும் அங்கீகாரம்  உண்டு. நற்கூலியும் உண்டு என்பது உறுதி.

நபிமொழித் தொகுப்பு நூற்களில் 'எல்லா பித்அத்துகளும் தவறானவை' என்று கூறுகின்ற சில ஹதீஸ்களைக் காணலாம். இங்கெல்லாம் பித்அத்தெ ஸய்யிஆ-தீய பித்அத் என்றே நபி மொழிக் கலை வல்லுனர்கள் விளக்கம் தந்துள்ளனர்.
 

'எல்லா பித்அத்துகளும் வழிகேடனாவை' என்று மிஷ்காத் பாபுல் இஃதிஸாம் எனும் பாடத்தில் வருகின்ற நபிமொழிக்கு, மிஷ்காத்தின் விளக்கவுரை நூலான அஷிஃஅத்துல்லம்ஆத் இவ்வாறு விளக்கம் கூறுகின்றது:

'எந்தவொரு பித்அத்தும் அடிப்படைவிதிகளுக்கும், ஸுன்னத்திற்கும், ஷரீஅத்தின் நடைமறைகளுக்கும் ஒத்திருந்தால் அதனை பித்அத்தே ஹஸனா-நல்ல பித்அத் எனவும், முரண்பட்டிருந்தால் பித்அத்தே ஸய்யிஆ-தீய பித்அத் எனவும் கூறப்படும்.

இப்போது பித்அத்துகளெல்லாம் வழிகேடு என்று கூறப்படுவதின் அர்த்தம் புரிந்திருக்கும். வல்லான் அல்லாஹ் உண்மைகளைப் புரிந்து, அதனை ஏற்றுக் கொண்டு செயல்படும் அஹ்லுஸ்ஸுன்னத்தின் அழகிய பாதையில் என்றும் நம்மையும், நம் சந்ததிகளையும் நிலைத்து வாழச் செய்வானாக! ஆமீன்.

முற்றும்.

நன்றி: வஸீலா 1-3-1987.

இறந்தவர்களுக்காக தர்மங்கள் செய்யலாமா?

இறந்தவர்களுக்காக தர்மங்கள் செய்யலாம்

கேள்வி: இறந்தவர்களுக்காக தர்மங்கள் செய்யலாம் என அறிவிக்கக் கூடிய ஹதீஸ்களைக் கூறுக:

பதில்: 'அல்லாஹ்வின் அருமைத் தூதரே! எனது தாயார் திடீரென இறந்து விட்டார். அவருக்குப் பேச வாய்ப்பிருந்தால் அவர் தர்மங்கள் செய்திருக்க கூடுமென எண்ணுகிறேன். அவருக்காக நான் தான தருமங்கள் செய்யலாமா?' என ஒருவர் கேட்க, 'ஆம்! உம் தாயாருக்காக நீர் தர்மம் செய்வீராக! என ரஸூல் ஸல்லல்லாஹு அலைஹி வஸல்லம் அவர்கள் பதிலுறுத்தார்கள்.

அறிவிப்பாளர்: ஆயிஷா ரலியல்லாஹு அன்ஹா.   நூல்: புஹாரி.

ஸஃது இப்னு உபாத் ரலியல்லாஹு அன்ஹு அவர்கள் பெருமானார் ஸல்லல்லாஹு அலைஹி வஸல்லம் அவர்களிடம். 'நாயகமே! என் தாய் இறந்து விட்டார். அவர் மீது நேர்ச்சை இருக்கிறது. (அதனை நான் நிறைவேற்றலாமா? என வினா தொடுத்தபோது அதனை அவருக்காக நீர் நிறைவேற்றும்' என பதிலுரைத்தனர் பெருமானார் ஸல்லல்லாஹு அலைஹி வஸல்லம் அவர்கள்.

அறிவிப்பவர்: இப்னு அப்பாஸ் ரலியல்லாஹு அன்ஹு.   நூல்: புஹாரி.

ஸஃது இப்னு எபாதா ரலியல்லாஹு அன்ஹு அவர்களின் தாயார் அவர் ஊரிலில்லாதபோது மௌத்தாகி விட்டார். பின்னர் ஸஃது ரலியல்லாஹு அன்ஹு பெருமானார் ஸல்லல்லாஹு அலைஹி வஸல்லம் அவர்களிடம் வந்து 'யாரஸூலல்லாஹ் நான் ஊரில் இல்லாத போது எனது தாயார் இறந்து விட்டார்கள். அவருக்காக நான் தான தர்மங்கள் செய்யலாமா? அது அவருக்கு பலனளிக்குமா?' எனக் கேட்க, 'ஆம்!' என்றனர் அண்ணல் நபி ஸல்லல்லாஹு அலைஹி வஸல்லம் அவர்கள். மிஃராப் என்ற எனது தோப்பை என் தாயாருக்காக நாயகமே! தங்களை சாட்சியாக வைத்து தானம் செய்கின்றேன்' என்றார்கள் ஸஃது இப்னு உபாதா ரலியல்லாஹு அன்ஹு அவர்கள்.

அறிவிப்பவர்: இப்னு அப்பாஸ் ரலியல்லாஹு அன்ஹு.   நூல்: புஹாரி.

நன்றி: வஸீலா 1-3-1987.

இஸ்லாத்தில் இசை-Music in Islam

இஸ்லாமும் இசையும்

கேள்வி: இஸ்லாத்தில் இசை அனுமதிக்கப்பட்டுள்ளதா?

(அப்பாஸ்-சைதாப் பேட்டை, சென்னை)

பதில்:- 'அன்னை ஆயிஷா ரலியல்லாஹு அன்ஹா அவர்கள் தனக்கு நெருங்கிய ஒருப் பெண்ணை அன்சாரித் தோழர்களில் ஒருவருக்குத் திருமணம் செய்து வைத்தார்கள். (அப்பொது) அண்ணல் நபி ஸல்லல்லாஹு அலைஹி வஸல்லம் அவர்கள் ஆயிஷாவிடம், 'திருமணம் நடத்துகிறாய். கேளிக்கை ஏதும் இல்லையா? அன்சாரிகளுக்கு கேளிக்கைப் பார்ப்பது மிகவும் விருப்பமானதாச்சே!' என வினவினார்கள்.

அறிவிப்பாளர்: உர்வா ரலியல்லாஹு அன்ஹு, நூல்: புஹாரி.

மதம், மார்க்கம் என இருந்தாலே அங்கு திருநாட்களும், பெருநாட்களும் இருக்கும்.

ஒரு கோட்பாட்டின் அடிப்படையில் சிலர் வாழ்கின்றனர். அவர்கள் இன்புறும் விதமாக திருநாளோ, பெருநாளோ அதில் இல்லை என்றால் அக் கோட்பாட்டிற்கு மதம் எனப் பெயர் சூட்டப்பட மாட்டாது.

ஒவ்வொரு மதத்தாரும் தத்தமது திருநாட்களைப் புதுப் பொலிவுன் கொண்டாடி மகிழவே ஆசைக் கொள்வர்.

இஸ்லாமிய மார்க்கத்தில் இரண்டு பெருநாட்கள் இன்பம் தருகின்றன. இவ்விருப் பெருநாட்களும் அறிவுப்பூர்வமான காரணத்தைக் கொண்டே ஏற்படுத்தப்பட்டிருக்கின்றன.

வீடுகட்டி முடித்தபின் பால் காய்ச்சுகிறோம். திருமணம் முடிந்தபின் விருந்து தருகிறோம். போட்டிகளில் வெற்றி ஈட்டியவர்க்கு பரிசுகள் தருகிறோம். ஆம்! ஒரு நோக்கம் நிறைவேறும் போது மனம் சந்தோசப்படுகிறது. அதை வெளிப்படுத்த விழாக்கள், விருந்துகள் நடத்துகிறோம்.

அதுபோல, ஒரு மாதகாலம் அல்லாஹ்விற்காக, அவனுக்கு மிகவும் விருப்பமான நோன்பிருந்து முடித்த சந்தோசத்தை வெளிப்படுத்த 'ஈதுல் பித்ரு' பெருநாளைக் கொண்டாடுகிறோம்.

'ஹஜ்' எனும் இறைக்கட்டளைய நிறைவேற்றிப் பூரிப்பை வெளிப்படுத்த அந்த ஏகனாலேயே வழங்கப்பட்டது தான் 'ஈதுல் அல்ஹா' எனும் தியாகத் திருநாளாகும்.

இப்பெருநாட்களில் முழுமையான சந்தோசத்தை அடைய வேண்டுமானால் சாதாரண நாளைய சட்டத்தின்பிடி சற்று தளர வேண்டும்.

இஸ்லாத்தில் சாதாரண நாட்களில் வேடிக்கை விளையாட்டுகளுக்கு இடமில்லை. ஆனால் வேக்கை விளையாட்டுகளால் மனதுக்கு இன்பத்தை தரமுடியும் என்பதை மறுப்பதிற்கில்லை. எனவே எல்லைதாண்டா வேடிக்கையும், விளையாட்டையும், எல்லா நாட்களிலும் அனுமதிக்காவிட்டாலும் பெருநாள் நாட்களிலாவது அனுமதிக்க வேண்டும்.

'எந்தப் பொதுச் சட்டமானாலும் அதில் விதிவிலக்கு உண்டு.'

அந்த இசையினால் கேளி;க்கையினால் சந்தோசம் உருவாகுமானால் அதனைப் பெருநாள் தினத்திலும், திருமண  தினத்திலும் செய்வது குற்றமல்ல.

திருமண தினத்தில் கொட்டு போன்றவைகளை முழங்குவதையும், பாட்டு பாடுவதையும் பெருமானார் ஸல்லல்லாஹு அலைஹி வஸல்லம் அவர்கள் ஆகுமாக்கி இருப்பதைப் போலவே பெருநாளன்று சைப்பதையும், பாடுவதையும் அண்ணல் நபி ஸல்லல்லாஹு அலைஹி வஸல்லம் அவர்கள் ஆகுமாக்கியுள்ளார்கள்.

அன்சாரிகள் திருமணம் செய்யும் போது சின்னச்சின்ன கருவிகளைக் கொண்டு இசையமைத்துப் பாடுகின்ற பெண்களை வைத்து பாடக் கேட்டு மகிழ்வார்கள். இந்தப் பழக்கத்திற்கு பெருமானார் ஸல்லல்லாஹு அலைஹி வஸல்லம் அவர்கள் அனுமதி வழங்கியுள்ளார்கள். (இந்தப் பழக்கம் அரபகம் எங்கும் இன்றும் தொடர்கிறது)

'அன்னை ஆயிஷா ரலியல்லாஹு அன்ஹா அவர்கள் தனக்கு நெருங்கயி ஒருப் பெண்ணை அன்சாரித் தோழர் ஒருவருக்கு திருமணம் செய்து வைத்தார்கள். அப்போது (இசைக்கும் பெண்ணை அழைத்திருக்கவில்லை) நபிகள் ஸல்லல்லாஹு அலைஹி வஸல்லம் அவர்கள், 'ஆயிஷாவே! (இசையோடு கலந்த) கேளிக்கைக்கு ஏற்பாடு செய்யவில்லையா, அன்சாரிகள் அதனை மிகவும் விரும்புவார்களே!' எனக் கூறினார்கள்.

அறிவிப்பாளர்: உர்வா ரலியல்லாஹு அன்ஹு

நூல் பத்ஹுல் பாரி, பாகம் 11, பக்கம் 133.

ஒருமுறை அண்ணலாரிடம் ஒருவர் வந்து (திருமணத்தில்) இசைப்பதையும், கேளிக்கை நடத்துவதையும் அனுமதித்துள்ளீர்களா? என வினவினார். அதற்கு, 'ஆம்! அது திருமணம்தானே! விபச்சாரமல்லவே!' என நபகள் நாயகம் ஸல்லல்லாஹு அலைஹி வஸல்லம் அவர்கள் பதில் கூறினார்கள்.

அறிவிப்பவர்: ஸாயிப் பின் யஸீத் ரலியல்லாஹு அன்ஹு

நூல்: தப்ரானி, பத்ஹுல் பாரி, பாகம் 11, பக்கம் 133

இவற்றின் மூலம் திருமணத்தின்போது இசையும் கேளிக்கையும் ஆகுமானதாக்கப்பட்டுள்ளது என்பது தெளிவாகிறது.

பெருநாள் தினத்தில் இசை

பெருநாள் தினத்தன்று பெருமானார் ஸல்லல்லாஹு அலைஹி வஸல்லம் அவர்கள் என்னிடம் வந்தார்கள். அப்போது இரண்டு பெண்கள் இசையோடு பாடிக் கொண்டிருந்தனர். வந்தப் பெருமானார் படுத்துக் கொண்டார்கள்.(பாடல் நடந்து கொண்டிருந்தது) அப்போது அபூபக்கர் ரலியல்லாஹு அன்ஹு அவர்களும் வந்து சேர்ந்தார்கள். வந்தவர்கள், இறைத்தூதரின் வீட்டில் ஷைத்தானின் இசையா?' என் கோபமுடன் கடிந்தார்கள். உடனே பெருமானார் ஸல்லல்லாஹு அலைஹி வஸல்லம் அவர்கள் அபூபக்கர் ரலியல்லாஹு அன்ஹு அவர்களைப் பார்த்து, 'அபூபக்கரே! (அந்தப் பெண்களை இசைக்க) ஒவ்வொரு கூட்டத்தாருக்கும் பெருநாட்கள் உண்டு. இன்று நமக்குப் பெருநாள்' எனக் கூறினார்கள்.

நூல்: பத்ஹுல் பாரி, பாகம் 2, பக்கம்9, பாகம் 3, பக்கம் 94.

இந்த ஹதீதின் மூலம் பெருநாளன்று இசைக் கேட்கலாம் என்பது தெளிவாகிறது.

பொதுவாக தவறு செய்யத் தூண்டாத இசையும், பொருமானார் ஸல்லல்லாஹு அலைஹி வஸல்லம் அவர்களால் குறிப்பிட்டுத் தடுக்கப்படாத கருவிகளினால் எழுப்பப்படும் இசையும் தவறானதல்ல.

ஒரு இசைக் கேட்பதால் ஏதேனும் பாவம் செய்யக் கூடுமெனில் அந்த இசையைக் கேட்பது ஹறாமாகும். இதைத்தான் இமாம் கஸ்ஸாலி ரஹ்மத்துல்லாஹி அலைஹி அவர்கள், அப்துல் கனி நாபிலிஸி ரஹ்மத்துல்லாஹி அலைஹி அவர்கள் போன்ற மாமேதைகள் கூறுகின்றனர்.

நன்றி:- வஸீலா, ஏப்ரல் 1990

பர்ளு தொழுகைக்குப்பின் சப்தமிட்டு துஆ ஓதலாமா?

பர்ளு தொழுகைக்குப்பின் சப்தமிட்டு ஓதும் துஆவிற்கான விளக்கம்.

கேள்வி: பர்ளு தொழுகைக்குப்பின்னர் பெருமானாரோ, சஹாபாக்களோ, தாபிஈன்களோ, நான்கு இமாம்களோ சப்தமிட்டு துஆ ஓதியுள்ளார்களா? ஹனபீ மத்ஹபின் கிதாபுகளில் சப்தமிட்டு இமாம் துஆ ஓதவேண்டுமென்று வரவில்லையே! ஆனால் நாடு முழுவதும் சப்தமிட்டு இமாம்கள் துஆ ஓதுகின்றனரே! தேவ்பந்த் உலமாக்கள் சப்தமிட்டு துஆ ஓதுவதில்லை என்று கூறுகின்றனர். ஆதாரத்துடன் விளக்கம் தருக.

மௌலவி பி.ஐ. முஹம்மது அலி சிராஜி, கோயம்புத்தூர்.

பதில்:

பர்ளுத் தொழுகைகளுக்குப் பின்னர் துஆ ஓதுவது குறித்து ஹதீஸ்களில் ஆதாரமுள்ளன.

எந்த துஆ மிகவும் ஏற்றுக் கொள்ளக் கூடியது என்று ரஸூல் ஸல்லல்லாஹு அலைஹி வஸல்லம் அவர்களிடம் கேட்டகப்பட்ட பொழுது, 'இரவின் நடுநிசியிலும், பர்ளான தொழுகைகளுக்குப்பின்னரும் கேட்கப்படும் துஆவாகும் என நபி ஸல்லல்லாஹு அலைஹி வஸல்லம் அவர்கள் பதிலுறுத்தார்கள்.

அறிவிப்பாளர்: அபூஉமாமா ரலியல்லாஹு அன்ஹு அவர்கள்.

நூல்: திர்மிதி.

பின்வரும் துஆவை ஒவ்வொரு தொழுகைக்குப் பின்னரும் நபி ஸல்லல்லாஹு அலைஹி வஸல்லம் அவர்கள் ஓதுபவர்களாக இருந்தார்கள். 'நாயனே! உன்னிடம் கோழைத்தனத்தை விட்டும், முதுமையின்பால் தள்ளப்படுவதை விட்டும், உலக சோதனைகளை விட்டும், கப்றின் வேதனையை விட்டும் பாதுகாவல் தேடுகிறேன்'.

அறிவிப்பவர்: ஸஃதுப்னு அபீ வக்காஸ், நூல்: புகாரி.

அண்ணலார் ஸல்லல்லாஹு அலைஹி வஸல்லம் அவர்கள் முஆத் ரலியல்லாஹு அன்ஹு அவர்களின் கையைப் பிடித்துக் கொண்டு முஆதே! இறை மீதாணை! உம்மை நான் நேசிக்கிறேன். ஒவ்வொரு தொழுகைக்குப் பின்னரும் (பின்வரும்) துஆவை ஓதும்படி உமக்கு வஸியத் செயகிறேன்.'நாயனே! உன்னை திக்று செய்வதற்கும் உனக்கு ஹுக்று-நன்றி பாராட்டுவதற்கும் நன்முறையில் உன்னை வணங்குவதற்கும் எனக்கு உதவி புரிவாயாக!'

அறிவிப்பவர்: முஆத் ரலியல்லாஹு அன்ஹு அவர்கள்.

நூல்: அபூதாவூத், நஸபி.

நாயகம் ஸல்லல்லாஹு அலைஹி வஸல்லம் அவர்கள் சுப்ஹுத் தொழுதால், 'நாயனே! உன்னிடம் பயன்தரும் ஞானத்தையும், ஒப்புக்கொள்ளப்பட்ட அமலையும், ஹலாலான, மணமான இரணத்தையும் வேண்டுகிறேன்' என்று கேட்பவர்களாக இருந்தார்கள்.

அறிவிப்பவர்: உம்மு ஸல்மா ரலியல்லாஹு அன்ஹா அவர்கள்

நூல்: முஸ்னத் அஹ்மத், இப்னு மாஜா.

மேலே குறிப்பிட்ட நபிமொழிகள் தனித்து துஆ ஓதுவதற்கான ஆதாரங்கள். அடுத்து கூட்டுப் பிரார்த்தனைக்கும் ஒருவர் துஆ ஓத மற்றவர் ஆமீன் கூறுவதற்குமான ஆதாரங்களை பாருங்கள்.

'சுப்ஹுத் தொழுகைக்குப் பின் நாயனே! உன்னைக் கொண்டே காலையில் விழித்தெழுந்தோம். உன்னைக் கொண்டே மாலையில் ஆனோம். உன்னைக் கொண்டே உயிர் வாழ்கிறோம். உன்னைக் கொண்டே மரணிக்கச் செய்கிறோம். மீளுவதும் உன் பக்கமே! என்று பிரார்த்திப்பவர்களாக அண்ணல் ஸல்லல்லாஹு அலைஹி வஸல்லம் அவர்கள் இருந்தார்கள்.

அறிவிப்பாளர்: அபூஹுரைரா ரலியல்லாஹு அன்ஹு அவர்கள்.

நூல்: அபூதாவூது, திர்மிதி.

ஹபீப் இப்னு ஸல்மதுல் பிஹ்ரி ரலியல்லாஹு அன்ஹு அவர்கள் மூலமாக அறிவிக்கப்படுகிறது (பிரார்த்தனை ஒப்புக் கொள்ளப்படுபவராக (முஜாபுத்துஆ) இவர்கள் இருந்தார்கள்) 'ஒரு கூட்டத்தில் சிலர் பிரார்த்தித்து, மற்றவர்கள் ஆமீன் கூறினால் அவர்களது துஆவிற்கு அல்லாஹ் பதில் கூறியே அல்லாது என்கூட்டமும் ஒன்று சேருவதில்லை' (பத்ஹுல் பாரி பகாம் 13, பக்கம் 456)

ஒருவர் துஆ ஓத மற்றவரை ஆமீன் கூறும்படி அண்ணல் ஸல்லல்லாஹு அலைஹி வஸல்லம் அவர்கள் பணித்திருப்பதைக் குறித்து மேலும் தெளிவு வேண்டுமானால் ஸுனன் அபீதாவூது பாகம் 1 பக்கம் 215, பத்ஹுல் பாரி பாகம் 2 பக்கம் 209, பாகம் 13 பக்கம் 456 லும் பார்த்துக் கொள்ளுங்கள்.

தொழுகைக்குப் பின்னர் துஆ ஓதுவது குறித்து பிக்ஹ் நூற்களான ஷhமி பாகம் 1 பக்கம் 356, பத்ஹுல் கதீர் பாகம் 1 பக்கம்191, ஷரஹுன் நிஹாயா பாகம் 1 பக்கம்106, அல்முஃனில் முஹ்தாஜ் பாகம் 1 பக்கம் 182,183, பக்ஹுல் முயீன் பாகம் 1 பக்கம் 184,185, இஆனா பாகம் 1 பக்கம் 184,185, ஹம்பலி மத்ஹபின் முஃனி பாகம் 1 பக்கம் 596 மற்றும் நூற்களிலும் வந்திருக்கிறது.

அண்ணல் ஸல்லல்லாஹு அலைஹி வஸல்லம் அவர்கள் அடுத்தவருக்கு கேட்காத அளவு சப்தமின்றி துஆ ஓதியிருந்தால் அதனை சஹாபாக்கள் எப்படி மனனம் செய்திருக்க முடியும்? அறிப்புகள் செய்திருக்க முடியும்?

அதோடு ஒருவர் துஆ ஓத மற்றவர் ஆமீன் கூறும்படி அண்ணலார் ஸல்லல்லாஹு அலைஹி வஸல்லம் அவர்கள் பணித்திருக்கிறார்கள். ஒருவர் ஓதுவதை கேட்டால்தானே மற்றவர்கள் ஆமீன் சொல்ல முடியும்? தேவைக்கு மீறி உரத்து சப்தமிடுவதைத்தான் தடுக்கப்பட்டுள்ளது.

எனவே அஹ்லுஸ்ஸுன்னத் வல் ஜமாஅத்தின் நடைமுறைகளிலிருந்து திசைமாறிச் சொல்வோர் இலக்கோ, நோக்கமோ இன்றி மனம்போன போக்கில் செல்கின்றனர். அவர்கள் எந்த 'பந்தை' சார்ந்தவராயினும் அவர்களைப் பின்பற்றாமல் நேரிய வழி செல்லுங்கள். அல்லாஹ் தவ்பீக் செய்வானாக! அல்லாஹ்வே மிக அறிந்தவன்.

நன்றி: வஸீலா 1-5-87 

மேலும் கூட்டு துஆவிற்கான ஆதாரங்கள்

 

நாயகம் ஸல்லல்லாஹு அலைஹி வ ஸல்லம் அவர்கள் கூறினார்கள்:-

இமாம் 'வலழ்ழாளீன்' என்று ஓதி முடித்து 'ஆமீன்' கூறும்போது நீங்களும் ஆமீன் கூறுங்கள்.;. யாருடைய சொல் மலக்குகளின் கூற்றுக்கு ஒன்றுபட்டு விடுகிறதோ அவருடைய முன்பாவங்களனைத்தும் மன்னிக்கப்பட்டு விடுகின்றன.

அறிவிப்பாளர்: அபூஹுரைரா ரலியல்லாஹு அன்ஹு அவர்கள். நூல்: புகாரி-762, நஸயீ-928.

நீங்கள் நோயாளிகளை உடல் நலம் விசாரிக்கச் சென்றால் அல்லது மய்யித்தைப் பார்க்கச் சென்றால் நல்லதையே கூறுங்கள். ஏனென்றால், உங்களுடைய கூற்றுக்கு மலக்குகள் ஆமீன் கூறுகிறார்கள்.

-அறிவிப்பாளர்: உம்மு ஸல்மா ரலியல்லாஹு அன்ஹா அவர்கள். நூல்: முஸ்லிம்-919, அபூதாவூத்-3115, திர்மிதி-977.

ஒரு முஸ்லிம் மறைவாக உள்ள தனது சகோதரருக்கு துஆ செய்தால் (இறைவனிடம்) அது ஒப்புக் கொள்ளப்படுகிறது. ஒரு மலக்கு சாட்டப்படுகிறார். அந்த மலக்கு அவருக்குப் பக்கத்தில் அமர்ந்து கொண்டு அமீன் என்று கூறி அதுபோன்று உனக்கும் கிடைக்கட்டும் என்கிறார்.

அறிவிப்பாளர்: சஃப்வான் இப்னு அப்தில்லாஹ் ரலியல்லாஹு அன்ஹு அவர்கள். நூல்: முஸ்லிம்-2732, அபூதாவூத்-1534.

(ஓரிடத்தில்) ஒரு கூட்டம் ஒன்று கூடி அவர்களில் ஒருவர் துஆ செய்து, மற்றவர்கள் ஆமீன் கூறினால் அந்த துஆவை இறைவன் உடனடியாக அங்கீகரிக்கிறான்.

அறிவிப்பாளர்: ஹுபைப் இப்னு ஸலமா ரலியல்லாஹு அன்ஹு அவர்கள். நூல்: ஹாகீம்.

Paradise Paranets-முஹம்மது ஸல்லல்லாஹு அலைஹி வ ஸல்லம் அவர்களின் பெற்றோர்கள் தூய முஃமீன்களே!.

முஹம்மது ஸல்லல்லாஹு அலைஹி வ ஸல்லம் அவர்களின் பெற்றோர்கள் தூய முஃமீன்களே!.

தொகுப்பு: குளம் ஜமால் முஹம்மது.

1. ஃபத்ரத் காலம்

2. பெருமானார் ஸல்லல்லாஹு அலைஹி வ ஸல்லம் அவர்களின் பெற்றோர்களின் காலம்

3.ஆட்சேபணைகளும், தெளிவான பதில்களும்

4. முடிவுரை

முன்னுரை

எங்கும் நிறைந்திலங்கும் வல்லவனாம் அல்லாஹ்வைப் போற்றி புகழ்ந்தவனாகவும், பரிசுத்தத்திலும் பரிசுத்தமான வமிசாவழியில் உயர் குலத்தில் தோன்றிய உத்தமராம் ஹபீப் முஹம்மது ஸல்லல்லாஹு அலைஹி வஸல்லம் அவர்கள் மீதும், அவர்களின் பரிசுத்த குடும்பத்தார்கள், உற்ற தோழர்கள், அவர்களை அணுகளவும் பிசகாமல் நடந்த இறைநேசச் செல்வர்கள், மஷhயிகுமார்கள் மற்றும் ஸாலிஹீன்கள் ரலியல்லாஹு அன்ஹும் அனைவர்கள் மீதும் என்றென்றும் ஸலவாத்தும், ஸலாமும் உண்டாவதாக! ஆமீன்.

அன்புள்ள முஃமின்களே!

அஸ்ஸலாமு அலைக்கும்.

இஸ்லாத்தை மக்களுக்குப் போதித்து மக்களை நேர்வழிபடுத்திட வல்ல அல்லாஹ் ரஸூல்மார்களையும், நபிமார்களையும் இவ்வுலகிற்கு தேர்ந்தெடுத்து அனுப்பி வைத்தான். அவ்வாறு அவன் தேர்ந்தெடுக்கும்போது அவர்களின் வமிசங்கள்,குலங்களை சுத்தமானதாகவும், உயர்வானதாகவும் அமைத்து அதிலிருந்தே அவர்களைத் தேர்ந்தெடுத்தான்.

இவ்வுலகில் தோன்றிய நபிமார்கள், ரஸூல்மார்கள் தங்கள் தூதுத்துவத்தை தங்கள் சமூகத்தாரிடம் எடுத்துரைத்த போது, அந்த சமூகத்தாரில் அந்த கொள்கையை முழுமையாக ஏற்றுக் கொண்டு ஈமான் கொண்டவர்களும், அதை மறுத்து காபிராகிப் போனவர்களும் என்று இரு கூட்டத்தினர் இருந்தனர். நபிமார்களின் கொள்கையை மறுத்தவர்கள் அந்தக் கொள்கையை மறுத்து நடந்தார்களே தவிர, அந்த நபிமார்களை மிக மோசமாக இழிவுபடுத்தியதாக எங்கும் காணக் கிடைக்கவில்லை.

ஆனால் நமது முஹம்மது ஸல்லல்லாஹு அலைஹி வஸல்லம் அவர்களின் உம்மத்தில்; முனாபிக்குகள் எனும் நயவஞ்சகர் தோன்றி தங்களது நபியைப் பற்றி தரக்குறைவாகவும், அவர்கள் வமிசத்தையும், அவர்கள் தாய்,தந்தையரைப் பற்றியும் மிகவும் தரக்குறைவாக பேசியும், எழுதியும் வருகின்றனர்.

இந்த முனாபிக்குகளின் வழிவந்த வழிகேடர்களான இப்னு தைமிய்யா போன்றோரும் அவரைப் பின்பற்றி நடப்பவர்களும் முஹம்மது ஸல்லல்லாஹு அலைஹி வ ஸல்லம் அவர்களின் தாய், தந்தையர் 'முஃமினானவர்கள் அல்ல'-'காபிர்கள்'' என்று பிரச்சாரம் செய்கின்றனர்.

ஆனால்,இவ்வுலகில் தோன்றிய ரஸூல்மார்கள் மற்றும் நபிமார்கள் அனைவர்களும் பரிசுத்தமானவர்களே! முஃமினான தாய், தந்தைக்குப் பிறந்தவர்களே! இதுதான் ஸுன்னத் வல் ஜமாஅத்தினர்களின் உறுதியான கொள்கையாகும்.

இதற்கு ஆதாரமாக நமது ஸுன்னத் வல் ஜமாஅத் கொள்கையுடைய மார்க்க அறிஞர்கள் பெருமானார் அவர்களின் பெற்றோர்கள் முஃமினானவர்கள்தான் என்று குர்ஆன், ஹதீதுகளிலிருந்து ஆதாரங்களோடு நூல்களாக வெளியிட்டுள்ளனர். அதிலிருந்து மக்கள் தெளிவாக விளங்கும் வண்ணம் இதை தொகுத்து எழுதியுள்ளேன்.

இச் சிறுநூல் இரு பகுதிகளாக எழுதப்பட்டுள்ளது. முதல் பகுதியில் முஹம்மது ஸல்லல்லாஹு அலைஹி வ ஸல்லம் அவர்களின் தாய், தந்தையர் முஃமின்கள் என்பதற்கு ஆதாரங்களும், இரண்டாம் பகுதியில் வழிகேடர்களான முனாபிக்குகள் தொடுக்கும் ஆட்சேபணைகளுக்கு தெளிவான பதில்களும் இதில் தொகுக்கப்பட்டுள்ளன.

அல்லாஹ்  இந்நூலை படிப்பது கொண்டு நாம் நபி ஸல்லல்லாஹு அலைஹி வ ஸல்லம் அவர்கள் மீது கொண்டுள்ள நேசம் மேன்மேலும் சிறந்தோங்க துணைபுரிவானாக! ஆமின்.

01-01-2010                                                                                                                                                       இவண்,

                                                                                                                                   ஷெய்குமார்களின் ஊழியன்,

                                                                                                                                        குளம் ஜமால் முஹம்மது.

 

 

பிஸ்மில்லா ஹிர்ரஹ்மானிர் ரஹீம்.

அல்லாஹு ஸுப்ஹானஹு அத்தஆலா மக்களை நல்வழிபடுத்துவதற்காக ரஸூல்மார்களையும், நபிமார்களையும் இவ்வுலகிற்கு அனுப்பி வந்துள்ளான். நபிமார்கள் அனுப்பப்படாத சமூகமே இவ்வுலகில் இல்லை என்று அல்லாஹ் தனது திருமறையில் கூறியுள்ளான். ஆனால், நபிமார்களின் வருகைகளுக்கு மத்தியில் கால வேறுபாடுகள் அதிகரிக்கும் போது அந்தந்த சமூகத்தார்கள் சத்திய மார்க்கத்தைப் பற்றி அறியாத அளவிற்கு சென்று விடுகின்றனர். இந்த கால கட்டத்தில் வாழ்ந்தவர்கள்- சத்திய மார்க்கம் இதுவென்று அறியப்படாத காலகட்டத்தில் வாழ்ந்தவர்களைப் பற்றி நமது மார்க்கம் என்ன சொல்கிறது என்று விரிவாக அலசிப் பார்த்தால் உண்மைகள் விளங்கத் தொடங்கும்.

ஃபத்ரத் காலம் என்றால் என்ன?

சத்திய சன்மார்க்கம் எதுவென்று அறியப்படாத காலத்தையே இது குறிக்கும். இதில் வாழ்ந்தவர்களை நமது மார்க்க அறிஞர்கள் மூன்று வகையினராக பிரிக்கிறார்கள்.

1. இறைவனுக்கு இணை வைக்காமல் ஏகத்துவத்தை ஏற்றுக் கொண்டவர்கள்:-

அ) இவர்களில் சிலர் முன்பிருந்த மார்க்கத்தில் தங்களை இணைத்திருக்கமாட்டார்கள். உதாரணமாக குஸ் இப்னு சாயிதா, ஜைத் இப்னு அம்ர் இப்னு நுஃபல்.

மார்க்கத் தீர்ப்பு:- இவர்கள் மறுமையில் தனி சமூகமாக எழுப்பப்படுவார்கள்.

நாயகம் ஸல்லல்லாஹு அலைஹி வ ஸல்லம் அவர்கள், 'நிச்சயமாக ஜைத் இப்னு அம்ர் என்பவர் மறுமை நாளில் தனி சமூகமாக எழுப்பப்படுவார்' என்று சொன்னார்கள்.

அறிவிப்பாளர்:- ஹஜ்ரத் சயீத் இப்னு ஜைத் ரலியல்லாஹு அன்ஹு அவர்கள்.

நூல்:- அஹ்மது, ஹாகிம், தப்ரானி(கபீர்)

மேலும் பைஹகீ(தலாயில் நுபுவ்வா) எனும் கிரந்தத்தில் குஸ் இப்னு சாயிதாவை சிறந்தவர் என்று நாயகம் ஸல்லல்லாஹு அலைஹி வ ஸல்லம் அவர்கள் கூறிய ஹதீதுகள் இதற்கு சான்றாக உள்ளது.

ஆ) முன்பிருந்த மார்க்கத்தில் தங்களை இணைத்துக் கொண்டவர்கள். உதாரணமாக: நஜ்ரான் வாசிகள், வரகத் இப்னு நௌபல், உத்மான் இப்னு ஹுவய்ரிஃத் போன்றோர்.

ஸெய்யிதத்தினா கதீஜா ரலியல்லாஹு அன்ஹா அவர்கள் வரகத் இப்னு நௌபல் அவர்களின் மறுமை நிலை பற்றி இறைத்தூதர் ஸல்லல்லாஹு அலைஹி வ ஸல்லம் அவர்களிடம் கேட்டபோது, 'வெண்ணிற ஆடை அணிந்தவராக கனவில் அவரை நான் கண்டேன். அவர் நரகவாசியாக இருந்திருந்தால் வெண்மை ஆடை அவரிடம் காணப்பட்டிருக்காது' என்றார்கள்.

அறிவிப்பாளர்: ஹஜ்ரத் ஆயிஷh ரலியல்லாஹு அன்ஹா அவர்கள்.
நூல்: ஹாகிம்.

பெருமானார் ஸல்லல்லாஹு அலைஹி வ ஸல்லம் அவர்களுக்கு வஹீ வந்தபோது ஏற்பட்ட நிலையைப் பற்றி அன்னை கதீஜா நாயகி ரலியல்லாஹு அன்ஹா அவர்கள் தங்கள் உறவினரான வரகத் இப்னு நௌபல் அவர்களிடம் கேட்டபோது, முந்தைய வேதங்களில் கூறப்பட்டிருக்கும் நபி இவர்கள் என்று கூறி அவர்களுக்கு முன்னறிவிப்பு செய்தவர் ஆவார்கள்.

 மார்க்கத் தீர்ப்பு:- இந்த கூட்டத்தினர் மறுமையில் முன்பிருந்த மார்க்கத்தை சார்தோராக கருதப்பட்டு அம்மார்க்கத்திற்குரிய சட்டதிட்டங்கள்படி தீர்ப்பளிக்கப்படுவார்கள்.

2. ஏகத்துவத்தைப் புறக்கணித்து இணைவைப்பில் ஈடுபட்டவர்கள்:

தங்கள் மனம்போன போக்கில் வாழ்ந்து இணை-வைப்பில் ஈடுபட்டு அல்லாஹ்விற்கு மாறு செய்தவர்கள்.

மார்க்கத் தீர்ப்பு:- இவர்கள் மறுமையில் அல்லாஹ்வின் தண்டனைக்குரித்தானவர்கள்.

3. ஏகத்துவக் கொள்கையிலும், இணை வைப்பிலும் ஈடுபடாதவர்கள்:-

இவர்கள் இணைவைப்பிலும், அநியாயம், அழிச்சாட்டியங்களிலும் ஈடுபடாதவர்கள். மற்றும் எந்த ஒரு நபியைப் பற்றியும் அறியாதவர்கள். அவ்வாறு அறிந்திருந்தாலும் அதை மறுக்காதவர்கள்.

மார்க்கத் தீர்ப்பு:- இக் கூட்டத்தினர்களில் ஒருவர் மரணித்துவிட்டால் இவர்களுக்கு மறுமைநாளில் தண்டனை கிடையாது.இவர்கள் ஜெயம் பெற்றவர்கள் என்று மார்க்க சட்ட நிபுணர்கள் கூறியுள்ளார்கள்.

ஃபத்ரத் காலம் பற்றி அல்-குர்ஆன்:-


وَمَا كُنَّا مُعَذِّبِينَ حَتَّى نَبْعَثَ رَسُولاً

1.'நாம் அவர்களுக்கு மத்தியில் தூதரை அனுப்பாதவரை அச் சமூகத்தாரை (நாம்) தண்டிப்போராயில்லை.'
-அல்-குர்ஆன் 17:15


وَمَا كَانَ رَبُّكَ مُهْلِكَ الْقُرَى حَتَّى يَبْعَثَ فِي أُمِّهَا رَسُولًا يَتْلُو عَلَيْهِمْ آيَاتِنَا

2. 'உம்முடைய இறைவன் எந்த ஊர்களையும் அவற்றின் தலைநகருக்கு ஒரு தூதரை அனுப்பி, அவர்களுக்கு நம்முடைய வசனங்களை அவர் ஓதிக் காண்பிக்கும் வரை – அழிப்பவனாக இல்லை.'
-அல்-குர்ஆன் 28:59

وَمَا أَهْلَكْنَا مِن قَرْيَةٍ إِلَّا لَهَا مُنذِرُونَ .
ذِكْرَى وَمَا كُنَّا ظَالِمِينَ

3. எந்த ஊ(ரா)ரையும்- அதற்கு அச்சமூட்டி எச்சரிக்கிறவர்கள் இல்லாமல்- நாம் அழித்ததில்லை. மேலும் நாம் அநியாயம் செய்பவராகவுமில்லை.
                           -அல்-குர்ஆன் 26:208,209.

وَلَوْ أَنَّا أَهْلَكْنَاهُم بِعَذَابٍ مِّن قَبْلِهِ لَقَالُوا رَبَّنَا لَوْلَا أَرْسَلْتَ إِلَيْنَا رَسُولًا فَنَتَّبِعَ آيَاتِكَ مِن قَبْلِ أَن نَّذِلَّ وَنَخْزَى

4. (நம் தூதராகிய) அவருக்க முன்பே நிச்சயமாக நாம் அவர்களை வேதனையைக் கொண்டு அழித்திருந்தால், 'எங்களுடைய இறைவனே! எங்களிடம் ஒரு தூதரை நீ அனுப்பியிருக்கக் கூடாதா? அவ்வாறிருந்தால், நாங்கள் தாழ்மையடைவதற்கும், இழிவடைவதற்கும் முன்னரே உன்னுடைய வசனங்களைப் பின்பற்றியிருப்போமே' என்று உறுதியாக அவர்கள் கூறியிருப்பார்கள்.
-அல்-குர்ஆன் 20:134

மேற்கூறிய திருவசனங்கள் நபிமார்கள் அனுப்பப்படாத கால நிலையில் வாழ்ந்தவர்களைப் பற்றியும், அவர்களுக்கு நியாயத் தீர்ப்பின்போது அல்லாஹ் அளிக்கக் கூடிய தீர்ப்பைப் பற்றியும் தெளிவாக எடுத்துக் கூறுகிறது.

இமாமுனா ஷhபிஈ ரலியல்லாஹு அன்ஹு அவர்களுடைய மத்ஹபின் மார்க்க அறிஞர்களின் ஏகோபித்த கருத்தாவது: 'ஒருவன் நபித்துவத்திற்கு முன்போ(அதாவது இஸ்லாம் வெளியாகும் முன்போ) அல்லது இஸ்லாத்தை ஏற்றுக் கொள்ளும்படியான (தஃவா) அழைப்பு அவனை அடையும் முன்போ அவன் மரணித்துவிட்டால் அவனை ஈடேற்றம் பெற்றவனாகவே கணிக்கப் பெறும். இதே நிலையைத்தான் மற்ற இமாhம்களும் கூறுகின்றனர். இது ஃபத்ரத் காலத்தில் வாழ்ந்த மூன்றாவது பிரிவினரைப் பற்றிக் குறிப்பிடுவதாகும்.

பெருமானார் ஸல்லல்லாஹு அலைஹி வ ஸல்லம் அவர்களின் பெற்றோர்களின் காலம்:

பெருமானாரின் பெற்றோரின் வரலாறும், அவர்களின் நிலையும் மிகத் தெளிவானதாகும். இவர்கள் வாழ்ந்த காலத்திற்கும் இவர்களுக்கு முந்தைய நபியான ஈஸா அலைஹிஸ்ஸலாம் அவர்களின் காலத்திற்கும் சுமார் 570 வருடங்களுக்கும் மேல் உள்ளது. இது நீண்ட இடைவெளியாகும்.

அரேபியர்களினிடத்தில் அனுப்பப்பட்ட நபி இப்றாஹிம் அலைஹிஸ்ஸலாம் அவர்களுக்கும், இவர்கள் வாழ்ந்த காலத்திற்கும் இடையே சுமார் 3000 வருடங்கள் இடைவெளி இருந்தது. இது மிகமிக நீண்ட இடைவெளியாகும்.

இக்காலகட்டத்தில் சத்திய சன்மார்க்க சட்டதிட்டங்களை அறிந்தவர்கள், அதை முறையாக பின்பற்றுபவர்கள் இலைமறை காயாக, அங்கொன்றும் இங்கொன்றுமாக ஒரு சிலர் தவிர யாரும் இருக்கவில்லை. இத்தகையவர்களைத் தெரிந்தவர்கள் மிகவும் சொற்பமானவர்களே!

இன்னும்,இக்கால மக்காவாசிகள் முந்தைய நபிமார்கள் பற்றிய எந்த செய்தியையும் அறிந்திருக்கவில்லை. முஷ்ரிக்குகளுக்கும் இதுபற்றிய அறிவு இல்லை என்பது, 'நபிகள் நாயகம் ஸல்லல்லாஹு அலைஹி வ ஸல்லம் அவர்கள் தமது தூதுத்துவத்தை எடுத்துரைத்து தன்னை நபியாக ஏற்றுக் கொள்ளுமாறு அவர்களிடம் சொன்னபோது, அம்மக்கள் எங்கள் மூதாதையர் சொல்லாத ஒன்றையல்லவா இவர் சொல்கிறார் என்று ஏற்க மறுத்துவிட்டதாக அல்குர்ஆனும், ஹதீதுகளும் சான்று பகர்கின்றன. இக்காலத்தில்தான் நபிகள் நாயகம் ஸல்லல்லாஹு அலைஹி வ ஸல்லம் அவர்களின் பெற்றோர்கள் வாழ்ந்திருக்கிறார்கள்.

நபிகள் நாயகம் ஸல்லல்லாஹு அலைஹி வ ஸல்லம் அவர்களின் பெற்றோர்கள் எவ்வித அட்டூழியங்களோ, அழிச்சாட்டியங்களோ செய்ததாகவும், இணை வைப்பில் ஈடுபட்டதாகவும் எவ்வித வரலாறும், ஹதீதுகளும் கூறவில்லை. மறுப்பாளர்கள் இதற்குரிய ஆதாரங்களை இன்றுவரை கொண்டுவரவில்லை. இனி கொண்டும் வரமுடியாது. ஆதாரம் இருந்தால்தானே கொண்டு வருவதற்கு? அவர்கள் கூறும் வெற்றுக் கூற்றுகளுக்கு உரிய பதிலை ஆதாரத்துடன் அடுத்த பாகத்தில் இன்ஷாஅல்லாஹ் விளக்குவோம்.

ஆக, நபிகள் நாயகம் ஸல்லல்லாஹு அலைஹி வ ஸல்லம் அவர்களின் பெற்றோர்கள் ஃபத்ரத் காலத்தில் வாழ்ந்த மூன்றாவது கூட்டத்தினர்களான ஜெயம் பெற்ற கூட்டத்தினர்களைச் சார்ந்தவர்கள் என்பது புலனாகிறது. அல்ஹம்துலில்லாஹ்!

உயர்ந்த குலத்தில், பரிசுத்த வமிசத்தில் நபிகள் நாயகம் ஸல்லல்லாஹு அலைஹி வ ஸல்லம் அவர்கள்:

நமது கண்மணி நாயகம் ஸல்லல்லாஹு அலைஹி வஸல்லம் அவர்களை அல்லாஹ் மிக உயர்ந்த குலத்தில், பரிசுத்தமான வமிசத்தில் தேர்ந்தெடுத்து அனுப்பினான். இதைப் பற்றி அல்லாஹ் தன் திருமறையில் கூறும்போது,


الَّذِي يَرَاكَ حِينَ تَقُومُ. وَتَقَلُّبَكَ فِي السَّاجِدِينَ .

'நீங்கள் நிற்கும்போது உங்களையும் (இறைவனை) வணங்குவோர்களிடையே நீங்கள் புரண்டு வந்ததையும் அ(வ்விறை)வன் பார்க்கிறான்.
 

-அல்-குர்ஆன்: 26:218,219.

நபிகள் நாயகம் ஸல்லல்லாஹு அலைஹி வ ஸல்லம் அவர்கள் கூறும்போது:

1. நான் நபியாக அனுப்பப்படும் வரை ஆதமுடைய மக்களில் மிகச் சிறந்தோர் மத்தியிலே நான் காலங்காலமாக அனுப்பப்பட்டுக் கொண்டிருந்தேன்.
 

அறிவிப்பாளர்: ஹழ்ரத் அபூ ஹுரைரா ரலியல்லாஹு அன்ஹு அவர்கள்.
நூல்: புகாரி.

2.நான் சிறந்தோர் வழியாகவே வந்துள்ளேன்.
 

அறிவிப்பாளர்: ஹழ்ரத் அப்துல்லாஹ் இப்னு உமர் ரலியல்லாஹு அன்ஹு அவர்கள்.
நூற்கள்: தப்ரானீ(கபீர்), ஹாகிம், பைஹகீ(தலாயில் நுபுவ்வா)

3. மக்கள் இருபிரிவினராக பிரிகின்றபோது அவற்றில் சிறந்த பிரிவில் என்னை இறைவன் அமைத்தான்.
 

அறிவிப்பாளர்: ஹழ்ரத் அனஸ் ரலியல்லாஹு அன்ஹு அவர்கள்.
நூல்: பைஹகீ(தலாயில் நுபுவ்வா)

4.அல்லாஹ் படைப்பினங்களை சிருஷ;டித்தபோது அதில் என்னையே சிறந்த சிருஷ;டியாகவும்(அந்த படைப்பில்) வமிசாவழியினரை அமைக்கையில் என்னையே சிறந்தவராகவும், அந்த வமிசாவழியில் ஆத்மாக்களை உருவாக்கையில் என்னையே சிறந்த ஆத்மாவாகவும், அந்த ஆத்மாக்களில் குடும்பத்தினரை ஏற்படுத்தும்போது அதில் என்னையே சிறந்த குடும்பமாகவும் ஆக்கினான்.
அறிவிப்பாளர்: ஹழ்ரத் அப்பாஸ் இப்னு அப்துல்முத்தலிப் ரலியல்லாஹு அன்ஹு அவர்கள்.
நூல்: திர்மிதீ, பைஹகீ.

5. அறியாமை காலத்து திருமண வழிமுறையில் நான் பிறக்கவில்லை. இஸ்லாமிய திருமணத்தைப்போல் அமைந்த திருமணத்தின் வாயிலாகவே நான் பிறந்தேன்.
 

அறிவிப்பாளர்: ஹழ்ரத் இப்னு அப்பாஸ் ரலியல்லாஹு அன்ஹு அவர்கள்.
நூற்கள்: பைஹகீ, தப்ரானீ(கபீர்), இப்னு அஸாகிர்.

6. ஜிப்ரயீல் அலைஹிஸ்ஸலாம் அவர்கள் என்னிடம் தெரிவித்தார்கள், சூரியன் உதிக்குமிடத்திலிருந்து சூரியன் மறையும் இடம்வரை மண்ணுலகம் முழுவதையும் புரட்டிப் பார்த்தேன். முஹம்மது ஸல்லல்லாஹு அலைஹி வ ஸல்லம் அவர்களைவிட சிறந்த மனிதரை நான் பெற்றுக் கொள்ளவில்லை. பனூ ஹாஷpம் குடும்பத்தைவிட வேறு சிறந்த குடும்பத்தினரை நான் பார்க்கவில்லை.
 

அறிவிப்பாளர்: அன்னை ஆயிஷh ரலியல்லாஹு அன்ஹா அவர்கள்.
நூற்கள்: தப்ரானீ(அவ்சத்), பைஹகீ(தலாயில் நுபுவ்வா)

7. உங்களில் நான் சிறந்தவன். உங்கள் தந்தைமார்களில் எனது தந்தை சிறந்தவர்.
 

அறிவிப்பாளர்: ஹழ்ரத் அனஸ் ரலியல்லாஹு அன்ஹு அவர்கள்.
நூல்: பைஹகீ(தலாயில் நுபுவ்வா)

8. நான் உயர்ந்த கூட்டத்திலிருந்தே ஆதமுடைய மக்களில் புரட்டிக் கொண்டு வரப்பட்டேன்.
 

நூல்: மிஷ்காத் ஷரீஃப்.

9. ஆதமுடைய பிள்ளைகளில் தலைமுறை தலைமுறையாக இப்போது நானிருக்கும் தலைமுறை வரை சிறந்தோர் வழியாக நான் அனுப்பப்பட்டேன்.
 

அறிவிப்பாளர்: ஹழ்ரத் அபூஹுரைரா ரலியல்லாஹு அன்ஹு அவர்கள்.
நூல்: புகாரி.

மேற்காணும் ஹதீதுகள் நபி பெருமானார் ஸல்லல்லாஹு அலைஹி வஸல்லம் அவர்களின் குடும்ப சிறப்பையும், அவர்களின் தலைமுறை சிறப்பையும் தெளிவாக விளக்குவதிலிருந்து அவர்களின் பெற்றோர்கள் மிகச் சிறந்த வர்கள் என்றும், முஃமின்கள் என்றும் சந்தேகத்திற்கிடமின்றி விளங்குகிறது.
 
 இவ்வளவு தெளிவான ஆதாரங்கள், சான்றுகளை எடுத்துக் கூறியும் நபி ஸல்லல்லாஹு அலைஹி வஸல்லம் அவர்களின் மீது கொண்ட காழ்ப்புணர்ச்சியால் சிலர் அவர்களின் பெற்றோர்களை முஃமின்கள் என்று சொல்வதற்கு ஆட்சேபணை தெரிவிக்கின்றனர். அதற்கு அவர்கள் தரும் ஆதாரங்களையும் அதற்குரிய தெளிவான பதில்களையும் இனி பார்ப்போம்.

பகுதி 2

ஆட்சேபணைகளும், தெளிவான பதில்களும்.

ஆட்சேபணை-1

நியாயத் தீர்ப்பு வழங்கப்படும் நாளில் (மறுமையில்) ஃபத்ரத்தில் மரணித்தவன், பைத்தியம் பிடித்ததில் மரணித்தவன், பிறந்தவுடன் மரணித்த குழந்தைகள், வயது முதிர்ந்து மரணிக்கும் தருவாயில் இஸ்லாம் பற்றி தெரிந்தவன் ஆகியோர் இறை சமூகம் கொண்டு வரப்பட்டு பரிசோதிக்கப்படுவார்கள். அப்பரிசோதனையில் இறைவனின் கட்டளைக்கு கட்டுப்பட்டு நடப்பவர்களே ஜெயம் பெறுவார்கள் என்றும், ஏனையோர் தண்டனைக்குள்ளாக்கப்பட்டு நரகம் செல்வர் என்றும் ஹதீதுகள் தெளிவானதாக இருக்க, ஃபத்ரத்தில் மரணித்த நாயகம் ஸல்லல்லாஹு அலைஹி     வஸல்லம் அவர்களின் பெற்றோர்கள் எங்ஙனம் சுவர்க்கம் செல்வார்கள்? மேலும் அவர்கள் அந்த பரிசோதனையில் வெற்றி பெறுவார்கள் என்று உறுதியாகக் கூற முடியுமா?

தெளிவான பதில்:

இவ்வுலகை உய்விக்க வந்த உத்தமத் தூதர் ஸல்லல்லாஹு அலைஹி வஸல்லம் அவர்களின் மீது நல்லெண்ணம் வைப்பதோடு மட்டுமில்லாமல், அவர்களைக் கண்ணியப்படுத்தவும் வேண்டும். சிறிதளவேனும் கண்ணியக் குறைவாக நடந்தால் அவனது ஈமான் பறிபோய் விடும் என்று அல்லாஹ்வின் திருமறையிலும், அண்ணல் நபி ஸல்லல்லாஹு அலைஹி    வஸல்லம் அவர்களின் ஹதீதுகளிலும் காணக் கிடைக்கிறது.

இந்நிலையில், சிறந்த வமிசத்திலும், ஸுஜூது செய்பவர்களின் வழியாகவும் (பிறந்த) வந்துதித்த நாயகம் ஸல்லல்லாஹு அலைஹி வஸல்லம் அவர்களின் பெற்றோர்கள் முஃமின்கள் இல்லை என்று சொல்வது நாயகம் ஸல்லல்லாஹு அலைஹி  வஸல்லம் அவர்களைக் கண்ணியப்படுத்துவது ஆகுமா? இழிவுபடுத்துவது ஆகுமா?

பெருமானர் அவர்களின் பெற்றோர்கள் ஃபத்ரத் காலத்தில் வாழ்ந்தவர்கள்தான். அந்த காலத்தில் வாழ்ந்த எவ்வித அநியாயம், அழிச்சாட்டியங்கள் செய்யாத மற்றும் இணைவைப்பில் ஈடுபடாத ஜெயம் பெற்ற மூன்றாம் பிரிவினர்களைச் சார்ந்தவர்கள் ஆவார்கள். இவர்கள் எவ்வித கேள்வி கணக்குமின்றி சுவர்க்கம் செல்வார்கள் என்று நமது முன்னோர்களான இமாம்கள், நாதாக்கள் சொல்லியுள்ளார்கள்.

ஸெய்யிதினா அப்துல்லாஹ் ரலியல்லாஹு அன்ஹு அவர்கள்:

ஸுஜூது செய்பவர்களிலிருந்து புரண்டுவந்த இவர்கள், சிறந்த வமிசத்தில் வந்தவர்கள் என்று ஹதீது, ஆயத்துக்கள் மூலம் விளங்குகிறது. உங்கள் தந்தைமார்களைவிட எனது தந்தை மிகவும் சிறந்தவர் என்ற நபிமொழி அவர்களின் அந்தஸ்தை தெளிவாக விளக்குகிறது. இவ்வாறிருக்க ஈடேற்றம் பெற்ற இவர்கள் எவ்வித கேள்வியும் இன்றி சொர்க்கமே செல்வார்கள் என்பதில் சந்தேகமில்லை.

ஸெய்யிதத்தினா ஆமினா ரலியல்லாஹு அன்ஹா அவர்கள்:

உத்தம திருநபியை தமது வயிற்றில் சுமந்து பெற்றெடுத்த அன்னையான இவர்கள் கூறுகிறார்கள்: 'நான் கர்ப்பிணியாக இருந்தபோது என்னிடம் கூறப்பட்டது, நிச்சயமாக நீங்கள் இந்த சமூகத்தின் தலைவரை சுமந்துள்ளீர்கள். அவர் இம்மண்ணுலகில் பிறந்தவுடன் பொறாமைக்காரர்களின் தீங்கிலிருந்து ஏக இறைவனிடம் இக் குழந்தைக்குப் பாதுகாப்பு தேடுகிறேன் என்று கூறுங்கள்.
அவர் பிறக்கும்போது ஒரு பேரொளி வெளிப்படும். அப்பேரொளியின் பிரகாசம் சிரியா நாட்டின் புஸ்ரா கோட்டையை நிரப்பிவிடும். இதுவே, அவர் இந்த சமுதாயத்தின் தலைவர் என்பதற்குரிய அத்தாட்சியாகும்'என்று.
 

அறிவிப்பாளர்: ஹழ்ரத் இப்னு இஸ்ஹாக் ரலியல்லாஹு அன்ஹு
 

நூல்: பைஹகீ(தலாயில் நுபுவ்வா)
 

நாயகம் ஸல்லல்லாஹு அலைஹி வ ஸல்லம் அவர்கள் நவின்றார்கள், ' திண்ணமாக ஆதம் அலைஹிஸ்ஸலாம் அவர்கள் களிமண்ணில் பிணைந்திருந்தபோதே நான் இறையடியாராகவும், இறைத்தூதராகவும் இருந்தேன். அதைப்பற்றிய செய்தியை உங்களுக்கு அறிவிக்கிறேன்:
 

1) எனது பாட்டனார் இப்றாஹிம் அலைஹிஸ்ஸலாம் அவர்களின் பிரார்த்தனை.
2) ஈஸா அலைஹிஸ்ஸலாம் அவர்கள் என்னைப் பற்றி வழங்கிய நற்செய்தி.
3) எனது தாயார் கண்ட கனவு ஆகியவற்றின் வெளிப்பாடாக நானுள்ளேன்.

இறைத்தூதர் அவர்களை ஈன்றெடுத்த சமயம் அவர்களின் தாயார் ஒரு பேரொளியைப் பார்த்தார்கள். அதன் மூலம் சிரியா நாட்டு கோட்டைகளெல்லாம் பிரகாசித்தன.

மற்ற நபிமார்களை ஈன்றெடுக்கும் போது அவர்களின் தாய்மார்களும் இவ்வாறே பார்த்தார்கள்.
அறிவிப்பாளர்: ஹழ்ரத் இர்பாழ் இப்னு சாரியா ரலியல்லாஹு அன்ஹு அவர்கள்.
நூற்கள்: அஹ்மத், ஹாகிம், தப்ரானி(கபீர்), பைஹகீ(தலாயில் நுபுவ்வா)

இவ்வாறே அனைத்து நபிமார்களின் தாயாருக்கும் அற்புதங்கள் நிகழ்ந்தன. இதைத் திருக்குர்ஆன் தெளிவாக விளக்குகிறது. ஸூரா மாயிதா வசனம் 75 நபி ஈஸா அலைஹிஸ்ஸலாம் அவர்களின் தாயார் பற்றியும் , ஸூரா ஹூது வசனம் 73 நபி இ;ஸ்ஹாக் அலைஹிஸ்ஸலாம் அவர்களின் தாய் பற்றியும், ஸூரா அல் கஸஸ் வசனம் 7 மூஸா அலைஹிஸ்ஸலாம் அவர்களின் தாயார் பற்றியும், ஸூரா இப்றாஹிம் வசனம் 41 நபி இப்றாஹிம் அலைஹிஸ்ஸலாம் அவர்களின் தாயார் பற்றியும், ஸூரா நூஹ் வசனம் 28 நூஹ் அலைஹிஸ்ஸலாம் அவர்களின் தாய் பற்றியும் அவர்கள் நல்லடியார்கள் என்று மிகத் தெளிவாக விளக்குகிறது.

இவ்வாறு இறைவனின் நல்லடியாராகவும், இறைநேசச் செல்வியாகவும் வாழ்ந்த உத்தமியான அன்னை ஆமினா ரலியல்லாஹு அன்ஹா அவர்கள் எவ்வாறு நரகவாதியாக ஆக முடியும்? அவர்கள் எவ்வித கேள்வியுமின்றி சுவர்க்கவாசியாக சுவர்க்கத்தில் பிரவேசிப்பார்கள்.

இதைப் பற்றி இறைத் தூதர் ஸல்லல்லாஹு அலைஹி வ ஸல்லம் அவர்கள் குறிப்பிடுகையில், 'மறுமைநாளில் மகாமே மஹ்மூத் எனும் புகழுக்குரிய இடத்தில் நானிருக்கும்போது என் தாய்தந்தைக்காக என்னிறைவனிடம் நான் கேட்பேன். (நான் கேட்டதை) அவன் எனக்கு வழங்குவான்.

அறிவிப்பாளர்: ஹழ்ரத் இப்னு மஸ்வூத் ரலியல்லாஹு அன்ஹு அவர்கள்.
நூல்: ஹழ்ரத் ஹாகிம் ரலியல்லாஹு அன்ஹு அவர்களின் முஸ்தரக் என்ற கிரந்தம்.
 

இதற்கு நமது பெரியோர்கள், தன் தாய்,தந்தைக்காக கேட்பேன் என்று நபிகளார் கூறியது, அவர்களை சுவர்க்கத்தில் தம்முடன் உயர்ந்த சுவர்க்கத்தில் இருக்கச் செய்யவே அன்றி வேறில்லை என்று விளக்கமளித்திருக்கிறார்கள்.
 

மேலும் எனது ரப்பிடம் என் குடும்பத்தில் எவரையும் நரகில் நுழைப்பிக்கக் கூடாது என்று கேட்டேன். அதனை அவன் ஏற்றுக் கொண்டான் என்று நாயகம் ஸல்லல்லாஹு அலைஹி வ ஸல்லம் அவர்கள் கூறியதாக ஹழ்ரத் இப்னு அப்பாஸ் ரலியல்லாஹு அன்ஹு அவர்கள் அறிவிக்கும் இந்த ஹதீது இமாம் இப்னு ஜரீர் ரலியல்லாஹு அன்ஹு அவர்களின் தப்ஸீரில் காணக் கிடைக்கிறது.

இதே ஹதீதை ஹழ்ரத் இம்ரான் இப்னு ஹுஸைன் ரலியல்லாஹு அன்ஹு அவர்கள் அறிவிக்க, அல்லாமா அபூஸயீத் ரலியல்லாஹு அன்ஹு அவர்கள் தன் ஷரஹுன் நுபுவ்வா எனும் நூலிலும் பதிவு செய்துள்ளார்கள்.

இமாம் புகாரி நாயகம் ரலியல்லாஹு அன்ஹு அவர்களின் புகாரி எனும் கிரந்தத்தில், நாயகம் ஸல்லல்லாஹு அலைஹி வ ஸல்லம் அவர்கள் பிறந்த செய்தியைக் கேள்விபட்ட சந்தோஷத்தில் அவர்களது பெரிய தந்தையான அபூலஹப் என்பவன் தன் சுட்டுவிரலைக் காட்டி ஒரு அடிமையை விடுதலை செய்ததால் அவன் நரகில் கடும் வேதனை படும்போது கூட, திங்கட்கிழமை தோறும் அபூலஹபிற்கு அவன் சுட்டிக்காட்டிய விரலிலிருந்து அமுதமான பால் சுரந்து அதன் மூலம் அவன் தாகம் தீர்த்துக் கொள்கிறான் என்ற செய்தியை நபிகளார் சொல்லி இருக்கிறார்கள்.

ஆகவே,ஒரு காபிருக்கு நபிகளாரின் மீலாதை கொண்டாடியதற்காக நரகில் வேதனை குறைக்கப்படுகிறது என்றால், உத்தம திருநபியை பெற்றெடுத்த பெற்றோர்களை எங்ஙனம் நரகம் தீண்டும்? கொஞ்சமாவது சிந்திக்க வேண்டாமா?

ஆக, இந்த அறிவுக் குருடர்கள் தெரிவித்த முதல் ஆட்சேபணை எவ்வித முகாந்திரமும், ஆதாரமும் அற்றது என்று இதன் மூலம் தௌ;ளத் தெளிவாக விளங்க வருகிறது.

ஆட்சேபணை 2:

ஸுஜூது செய்பவர்களிலிருந்து புரட்டிக் கொண்டு வரப்பட்டதாக சொல்கிற நீங்கள், நபிகளாரின் வமிசாவழியின் முன்னோரான நபி இப்றாஹிம் அலைஹிஸ்ஸலாம் அவர்களின் தந்தை 'ஆஸர்' ஒரு சிலை வணக்கம் செய்பவராகவே இருந்தார் என்று குர்ஆன், ஹதீதுகள் மற்றும் வரலாறுகள் தெளிவாகக் கூறியிருக்கிறதே! இதைப் பற்றி நீங்கள் என்ன சொல்கிறீர்கள்?

தெளிவான பதில்:

முதலில் 'ஆஸர்' என்பவர் யார்? என்று தெளிவாக விளங்க வேண்டும். ஆஸர் என்பவர் நபி இப்றாஹிம் அலைஹிஸ்ஸலாம் அவர்களின் தந்தை அல்ல. அவர்களின் பெரிய தந்தையே! இதுபற்றி குர்ஆனில் வந்துள்ள ஆயத்தில்,

وَاِذۡ قَالَ اِبۡرٰهِيۡمُ لِاَبِيۡهِ اٰزَرَ اَتَتَّخِذُ اَصۡنَامًا اٰلِهَةً ‌ ۚ اِنِّىۡۤ اَرٰٮكَ وَقَوۡمَكَ فِىۡ ضَلٰلٍ مُّبِيۡنٍ‏

இப்றாஹிம் தம் தந்தை ஆஸரிடம் சிலைகளை தெய்வமாக நீர் ஆக்கிக் கொண்டீரா? உம்மையும், உம்முடைய சமூகத்தினரையும் பகிரங்கமான பழிகேட்டில் இருப்பதை நிச்சயமாக நான் காண்கிறேன்'என்று கூறிய நேரத்தை(நினைவு கூறுவீராக!)                      -அல்-குர்ஆன் 6:74
 

இவ்வசனத்தில் தந்தை என்று கூறப்பட்டிருக்கும் சொல்லான 'அபி' என்ற அரபி சொல்லிற்கு தந்தை என்ற அர்த்தம் இருப்பது போல் சிறிய தந்தை, பெரிய தந்தை, பாட்டனார் என்ற அர்த்தங்களும் அரபியில் உண்டு. எனவே இதில் கூறப்பட்டிருக்கும் ஆஸர் இப்றாஹிம் நபி அலைஹிஸ்ஸலாம் அவர்களின் பெரிய தந்தையையே குறிக்கும்.

அதேபோல் குர்ஆனில், இதே வார்த்தைக்கு தந்தை என்ற பொருளில்லாமல் மற்ற பொருளோடு வரும் ஆயத்துக்களும் உண்டு. உதாரணமாக,

யஃகூபுக்கு மரணம் நெருங்கியபோது, தன் பிள்ளைகளிடம் எனக்குப் பின் எதை வணங்குவீர்கள்? எனக் கேட்டபோது, நீங்கள் சாட்சியாளர்களாக இருந்தீர்களா? (அப்பிள்ளைகள்) கூறினார்கள்: உங்கள் இறைவனும் உங்கள் தந்தையரான இப்றாஹீம், இஸ்மாயீல், இஸ்ஹாக் ஆகியோரின் இறைவனுமாகிய ஒரேயொரு இறைவனையே வணங்குவோம். மேலம் நாங்கள் அவனுக்கே (முற்றிலும்) வழிப்பட்ட முஸ்லிம்களாக இருப்போம்' எனக் கூறினர்.
 

-அல்-குர்ஆன் 2:133

இதில் 'அபி' என்ற சொல் தந்தை மற்றும் மேற்கூறப்பட்ட அனைத்து பொருள்களிலும் பொருந்துவதாக வந்துள்ளது. இப்றாஹிம் அலைஹிஸ்ஸலாம் அவர்களின் தந்தை 'தாரஃக்' என்பவர்கள் ஆவார்கள். இவர்கள் தங்கள் 75-ம் வயதில் இப்றாஹிம் நபி அவர்களை ஈன்றெடுத்தனர். இவர்களின் மறைவிற்குப்பின் ஆஸரினால் வளர்க்கப்பட்டார்கள். எனவே ஆஸரையே தந்தை என்று அழைத்து வந்தார்கள். இதையே இறைவன் தன் திருமறையில் கூறுகிறான்.
 

நூல்: அல் பித்யா வன் நகாயா. வால்யூம் 1, பக்கம் 139.

ஆசிரியர்: இமாம் இப்னு கதீர் ரலியல்லாஹு அன்ஹு அவர்கள்.

ஆகவே இப்றாஹிம் நபி அவர்களின் தந்தை தாரஃக் என்பவர்களே என்பது,


الَّذِي يَرَاكَ حِينَ تَقُومُ. وَتَقَلُّبَكَ فِي السَّاجِدِينَ .

இறைவனை வணங்குவோர்களிடையே நீங்கள் புரட்டிக் கொண்டு வரப்பட்டீர்கள்'                                        –

-அல்-குர்ஆன் 26:218,219.
 

என்ற திருவசனத்திற்கும்,


يَا أَيُّهَا الَّذِينَ آمَنُواْ إِنَّمَا الْمُشْرِكُونَ نَجَسٌ

'உறுதியாக இணை-வைப்போரெல்லாம் அசுத்தமானவர்களே'
-அல்-குர்ஆன் 9:28

என்ற ஆயத்திற்கும் மாற்றமில்லாமல் அமைந்து விடுகிறது. இதுவே உறுதியான சுன்னத் வல் ஜமாஅத் கொள்கையாகும்.

இப்றாஹிம் நபி அவர்கள் தம் தந்தைக்காக பாவமன்னிப்பு தேடுதல்:


وَمَا كَانَ اسْتِغْفَارُ إِبْرَاهِيمَ لِأَبِيهِ إِلاَّ عَن مَّوْعِدَةٍ وَعَدَهَا إِيَّاهُ فَلَمَّا تَبَيَّنَ لَهُ أَنَّهُ عَدُوٌّ لِلّهِ تَبَرَّأَ مِنْهُ

இப்றாஹிம் நபி அவர்கள் தம் தந்தைக்காக பிழை பொறுக்கத் தேடியது ஒரு வாக்குறுதிக்காகவே தவிர வேறில்லை, அதனை அவருக்கு அவர் வாக்களித்திருந்தார். நிச்சயமாக அவர் அல்லாஹ்விற்கு விரோதி என்று தெளிவான போது, அதை விட்டும் அவர் ஒதுங்கி கொண்டார்.
-அல்-குர்ஆன் 9:114

ஆஸர் ஷிர்க்கில் மரணித்தார் என்று தெரிந்ததும் அவருக்காக பாவமன்னிப்பு கேட்பதை விட்டுவிட்டார்கள் இப்றாஹிம் நபி அவர்கள்.

பின்னர், இறைக் கட்டளை பிறகாரம் ஷாமிற்கு பயணமானார்கள். அதன்பின் மிஸ்ரு சென்று விட்டு மக்கா திரும்பினார்கள். அங்கு இறையில்லமான கஃபாவை எழுப்பியபின் செய்த பிரார்த்தனையில் தம் தாய்,தந்தைக்காக பாவமன்னிப்பு தேடியதும் ஒன்றாகும்.


رَبَّنَا اغْفِرْ لِي وَلِوَالِدَيَّ وَلِلْمُؤْمِنِينَ يَوْمَ يَقُومُ الْحِسَابُ

எங்கள் இறைவனே! எனக்கும், என் தாய்,தந்தைக்கும், இறைநம்பிக்கையாளர்களுக்கும் கணக்கு கேட்கப்படும் நாளில் மன்னிப்பு வழங்குவாயாக!              -அல்-குர்ஆன் 14:41

இறைவனிடம் நபி இப்றாஹிம் அலைஹிஸ்ஸலாம் அவர்கள் தம் தந்தைக்கு பாவமன்னிப்பு கேட்பதை விட்டுவிட்டார்கள் என்று கூறிய அல்லாஹ்(அல்குர்ஆன் 9:114), தம் பெற்றோருக்காக பாவமன்னிப்பு தேடினார்கள் (அல்-குர்ஆன் 14:41) என்று கூறும்போது, அவ்விருவரும் வேறானவர்கள் என்று அறிய முடிகிறது.

மேலும், பாவமன்னிப்பு கேட்பதை நிறுத்திவிட்டார்கள் என்ற வசனம் இப்றாஹிம் நபி அவர்களின் ஆரம்ப கட்டத்திலும், பாவமன்னிப்பு கேட்டதற்கான இறைவசனம் திரு கஃபாவை கட்டியெழுப்பியபின் அவர்களது இறுதி காலத்தில் நடைபெற்றதுமாகும். ஆகவே உறுதியாக நபி இப்றாஹிம் அலைஹிஸ்ஸலாம் அவர்களின் தந்தை ஆஸர் இல்லை என்பது உறுதியாகிறது.

இவ்வாறிருக்க இவர்கள் ஏன் இவ்வாறு கூறுகிறார்கள் என்றால், குர்ஆனையும், ஹதீதையும் சரிவர விளங்காததுதான் காரணம். ஆக இந்த அறைகுறை மதியாளர்களின் ஆட்சேபணை செயலிழந்து விட்டது. அல்ஹம்துலில்லாஹ்!

ஆட்சேபணை 3

நாயகம் ஸல்லல்லாஹு அலைஹி வஸல்லம் அவர்கள் தங்கள் தாய், தந்தையரை கப்ரிலிருந்து எழுப்பி கலிமா சொல்லிக் கொடுத்து இஸ்லாமாக்கினார்கள் என்ற கூற்று, அவர்களிருவரும் காபிர்கள் என்பதால்தான் அவ்வாறு செய்தார்கள் என்று தெரிகிறல்லவா?

தெளிவான பதில்:

திண்ணமாக ரஸூல் ஸல்லல்லாஹு அலைஹி வஸல்லம் அவர்கள் தன் பெற்றோரை உயிர்த்தெழ வைக்குமாறு இறைவனிடம் கெட்டார்கள். அவ்விருவருக்கும் இறைவன் உயிர் கொடுத்தான். நபிகளார் அவர்களை அவ்விருவரும் ஈமான் கொண்டார்கள். பிறகு இறைவன் அவ்விருவரையும் மரணிக்கச் செய்துவிட்டான்.
 

அறிவிப்பாளர்: அன்னை ஆயிஷh ரலியல்லாஹு அன்ஹா அவர்கள்.

நூற்கள்: லஆலீ மஸ்னூஆ, கஸ்புல் கஃபா.

இதுபற்றி ஹதீதுகள் ஹழ்ரத் இப்னு ஷhஹின் ரலியல்லாஹு அன்ஹு அவர்களின் 'அந்நாஸிக் வல் மன்ஸூக்' என்ற நூலுpலும், ஹழ்ரத் கதீப் பகுதாதி ரலியல்லாஹு அன்ஹு அவர்களின் 'அஸ்ஸாபிக் வல்லாஹிக்' என்ற நூலிலும், இமாம் தாரகுத்னீ, ஹழ்ரத் இப்னு அஸாகிர் ரலியல்லாஹு அன்ஹுமா ஆகிய இருவரும் 'கராயிப் மாலிக்' என்ற நூலிலும் பதிவு செய்துள்ளனர்.

இந்த ஹதீதுகள் பற்றி தெளிவுபடுத்த இமாம் சுயூத்தி ரலியல்லாஹு அன்ஹு அவர்கள் தனி நூலையே கோர்வை செய்துள்ளார்கள். ஹதீதுக்கலை ஆய்வாளர்கள் இந்த ஹதீதுகள் மௌழூஃ(பொய்யாக இட்டுக் கட்டப்பட்டது) அல்ல என்கிறார்கள்.

நபிகளார் தங்கள் பெற்றோர்களுக்கு கலிமா சொல்லி கொடுத்தார்கள் என்பது, அவர்கள் காபிராக மரணித்தார்கள் அதனால் அவர்களை இஸ்லாமாக்க கலிமா சொல்லிக் கொடுத்தார்கள் என்பதற்காக அல்ல. மாறாக, அல்லாஹ்வினால் திருக்குர்ஆனில் கூறப்பட்டுள்ளபடி,


كُنتُمْ خَيْرَ أُمَّةٍ أُخْرِجَتْ لِلنَّاسِ

'நீங்கள் மிகச் சிறந்த சமுதாயமாக உள்ளீர்கள்'
 

– அல்குர்ஆன் 3:110

மிகச் சிறந்த உம்மத்தான உம்மத்தே முஹம்மதிய்யாவில் அவர்களை இணைத்துக் கொள்ளவே கலிமா சொல்லி கொடுத்து தங்களை ஈமான் கொள்ளச் செய்தார்கள். ஆகவே பெருமானாரின் பெற்றோர்கள் நபிகளாரை ரஸூலாக ஏற்றுக் கொண்ட ஸஹாபிகள் ஆவார்கள்.

மரணித்தவர்களை உயிர்ப்பிக்க முடியுமா? என்று கேட்கப்பட்டால், பனூ இஸ்ராயீலைச் சார்ந்த ஒருவன் கொல்லப்பட்ட பிறகு அவனுக்கு உயிர் கொடுக்கப்பட்டு கொலைகாரன் யாரென்று அறிவித்த செய்தி (அல்-குர்ஆன்-2:73)யும், ஈஸா அலைஹிஸ்ஸலாம் அவர்கள் மரணித்தவர்களை உயிர்த்தெழச் செய்தார்கள் (அல்-குர்ஆன்-3:49) என்ற செய்தியையும் மறுக்க வேண்டிய பரிதாப நிலை ஏற்பட்டுவிடும். அல்லாஹ் காப்பாற்றுவானாக!

தப்ஸீர் ரூஹுல் பயானில், யூனூஸ் அலைஹிஸ்ஸலாம் அவர்களின் கூட்டத்தார் இறைவனின் வேதனையைக் கண்டு ஈமான் கொண்டபோது, அவர்களது ஈமான் ஏற்றுக் கொள்ளப்பட்டது என்று கூறப்பட்டதை திருமறையும் எடுத்தியம்புகிறது. மற்ற நபிமார்களுக்கெல்லாம் இந்த தனித்தன்மைகள் கொடுக்கப்பட்டிருக்கும்போது, அனைத்து நபிமார்களிலும் சிறந்தவர்களான நாயகம் ஸல்லல்லாஹு அலைஹி வஸல்லம் அவர்களுக்கு இந்த தனிச் சிறப்பு கொடுக்கப்பட்டிருக்கிறது என்பதை விளங்கிக் கொள்ள வேண்டும்.

மேலும் பெருமானார் ஸல்லல்லாஹு அலைஹி வ ஸல்லம் அவர்கள் கிழக்கேயிருந்து மேற்கு திசையை நோக்கி அஸ்தமித்த சூரியனை திரும்பவும் உதிக்கச் செய்து 'களா'வாகிய(நேரம் தவறிய) தொழுகையை அலி ரலியல்லாஹு அன்ஹு அவர்களுக்கு திரும்ப பெற்றுக் கொடுத்தது (ஆதாரம்: தப்ரானீ(கபீர்), இப்னு அஸாகிர், ஷவ்கானீ(ஃபவாயித் மஜ்மூஆ) சாத்தியமெனில், தமது அருமைப் பெற்றோர்களை உயிர்ப்பித்து தங்கள் உம்மத்தில் சேர்த்துக் கொண்டதும் சாத்தியமாகும்.
 

ஆக, இந்த ஆட்சேபணையும் வீணானது என்பது தெளிவாகிறது.

ஆட்சேபணை 4

தம் தாயாருக்காக பாவமன்னிப்பு கேட்க இறைவனிடம் பெருமானார் அனுமதி கேட்டபோது அல்லாஹ் மறுத்துவிட்டான். அவர்கள் காபிர்களாக இருந்ததால்தானே அல்லாஹ் மறுத்தான்.

தெளிவான பதில்:
 

1) என் தாயாருக்கு பாவமன்னிப்பு தேடுவதற்காக எனதிறைவனிடம் அனுமதி கேட்டேன். எனக்கு அனுமதி தரவில்லை. எனது தாயாரின் கப்ரை தரிசிக்க அனுமதி வேண்டினேன். இறைவன் எனக்கு அனுமதி தந்தான்.

அறிவிப்பாளர்: ஹழ்ரத் அபூஹுரைரா ரலியல்லாஹு அன்ஹு அவர்கள்.
 

நூல்: முஸ்லிம்

நபியே! உமது தாயார் அவர்களுக்கு பாவமன்னிப்புத் தேட வேண்டாம். அதற்கு அவசியமில்லை. ஏனெனில் அவர்கள் ஜெயம் பெற்ற சுவர்க்கவாசிகள் என்பதால் அவன் அனுமதி கொடுக்கவில்லை.
 

ஆதாரம்: தப்ஸீர் மித்ரக், தப்ஸீர் ஜமல்.

ஆனால் அவர்களின் கப்ரை ஜியாரத் செய்ய அனுமதியளித்திருக்கிறான் எனும்போது அன்னை ஆமினா ரலியல்லாஹு அன்ஹா அவர்கள் உண்மை முஸ்லிம்களாக இருந்தார்கள் என்பது தெளிவாக விளங்கும். ஏனெனில்,


وَلاَ تَقُمْ عَلَىَ قَبْرِهِ إِنَّهُمْ كَفَرُواْ بِاللّهِ وَرَسُولِهِ

(நபியே அவர்களில்) யாருடைய கப்ருக்கு அருகிலும் நிற்காதீர்கள்! நிச்சயமாக அவர்கள் இறைவனையும், அவன் திருத்தூதரையும் மறுத்துவிட்டார்கள்.
 

-அல்-குர்ஆன் 9:84

என்ற ஆயத்து இறைமறுப்பாளர்களின் கப்ருக்கருகில் கூட நிற்க அனுமதிக்கவில்லை. ஆனால் ஆமினா நாயகி ரலியல்லாஹு அன்ஹா அவர்கள் முஃமினாக இருந்ததால்தான் அவர்களின் கப்ரை ஜியாரத் செய்ய அனுமதி கொடுக்கப்பட்டது என்பது தெளிவாகிறது.

2) ஒரு கிராமவாசி இறைத்தூதர் ஸல்லல்லாஹு அலைஹி வ ஸல்லம் அவர்களிடம் வந்து 'யாரஸூலல்லாஹ்! எனது தந்தை எங்கே? எனக் கேட்க, அவர்கள் 'அவர் நரகத்திலுள்ளார்' என்றதும், 'உங்கள் தந்தை எங்கே? என்று அந்த கிராமவாசி கேட்டதும், 'எனது தந்தையும், உமது தந்தையும் நரகில் உள்ளனர்' என்று நபிகளார் கூறினார்கள். இதை ஹழ்ரத் அனஸ் ரலியல்லாஹு அன்ஹு அவர்கள் அறிவிப்பதாக முஸ்லிம், அபூதாவூது கிரந்தங்களில் காணக்கிடக்கிறதே! என்று கேட்கப்பட்டால்,

இந்த அறிவிப்பில் வரும் அறிவிப்பாளர்கள் ஒன்றுபடவில்லை. இதனை அறிவிப்பு செய்பவரான ஹம்மாது பின் ஸலமா அவர்கள் ஹழ்ரத் தாபித், ஹழ்ரத் அனஸ் ரலியல்லாஹு அன்ஹு அவர்களிடமிருந்து கிடைக்கப் பெற்றதாகக் கூறுகின்றனர்.

இவரை(ஹம்மாதை)ப் பற்றியும், அவர் அறிவிப்புகள் பற்றியும் பலவிதமான கருத்துக்களை காண முடிகிறது. இமாம் புகாரி ரலியல்லாஹு அன்ஹு அவர்கள், இவர் மனன சக்தி அற்றவராக இருந்ததின் காரணமாக இவரின் அறிவிப்புகளுக்கு தமது நூலில் இடமளிக்கவில்லை.
 

நூல்: தஹ்ஃதீபுத் தஹ்ஃதீப்.

ஆனால் இதே ஹதீதை முஃமர் அவர்கள் தாபித் ரலியல்லாஹு அன்ஹு அவர்களிடமிருந்து கிடைத்ததாகக் கூறுகின்றார். இந்த ஹதீதில் எனதும், உனதும் தகப்பன் நரகிலே எனக் கூறியதாக குறிப்பிடவேயில்லை. மாறாக, பொதுவாக காபிர்களின் கபுறருகில் செல்வீர்களாயின் நரகத்தைக் கொண்டு எச்சரிக்கை செய்யுங்கள் எனக் கூறியதாகவே குறிப்பிடுகிறார்.

ஹழ்ரத் முஃமர் அவர்களை ஏற்றுக் கொண்டதாலேயே இமாம் புகாரி அவர்களும், இமாம் முஸ்லிம் போன்றோரும் தமது கிரந்தங்களில் இவ்வதீதுகளை பதிவு செய்துள்ளனர்.

இந்த முஃமர் அவர்களின் கூற்றுக்கு ஒத்ததாக கிடைத்த மற்றொரு ஹதீது, ஒரு கிராமவாசி நபிகளார் அவர்களின் திருச்சபைக்கு ஆஜராகி என் தந்தை எங்கே? எனக் கேட்டார். பெருமானார் அவர்கள் 'நரகில்' என்றார்கள். மீண்டும் அவ்வரபி உங்கள் தகப்பன் எங்கே? எனக் கேட்க, நீ காபிர்களின் கப்ரருகில் சென்றால் நரகிற்கு சொந்தமானவர்கள் எனக் கூறும்படியாக சொன்னார்கள்.
அறிவிப்பாளர்: ஹழ்ரத் அனஸ் ரலியல்லாஹு அன்ஹு அவர்கள்.
நூற்கள்: தப்ரானீ, பைஹகீ. 

அக் கிராமவாசி இஸ்லாத்தை ஏற்றுக் கொண்டதாகவும் இமாம் பைஹகீ அவர்கள் குறிப்பிட்டுள்ளார்கள்.
 

ஒரு வாதத்திற்காக  நபிமொழியில் கூறப்பட்டுள்ள 'இன்ன அபீ' என் தந்தையும் என்று கூறியதாக இருந்தாலும்;, அது அபூலஹப்- பெருமானாரின் பெரிய தந்தை தானே தவிர அப்துல்லாஹ் ரலியல்லாஹ் அன்ஹு அவர்கள் அல்ல. ஏனெனில் பெருமானார் அவர்கள் அபூலஹபையும் 'அபீ' என்றே அழைத்து வந்துள்ளனர்.

நூல்: நஜாது ஆபாயின்னபிய்யில் அத்ஹார் பக்கம் 136.
 

எவ்வாறு நோக்கினும் இவர்களின் ஆட்சேபணைகள் வீணானதாகியே விடுகிறது.

ஆட்சேபணை 5

மத்ஹபுக்குரிய இமாமான இமாம் அபூஹனீபா ரலியல்லாஹு அன்ஹு அவர்கள் தனது ஃபிக்ஹுல் அக்பர் எனும் நூலில் பெருமானாரின் பெற்றோர்கள் குப்ரில் மரணமடைந்தார்கள் என்று குறிப்பிட்டுள்ளார்களே! என்றால்,

தெளிவான பதில்:

ஃபிக்ஹுல் அக்பர் எனும் நூலில் வழிகேடர்கள் இடைச் சொருகல்கள் நிறைய செய்திருக்கிறார்கள். அதில் பெருமானாரின் பெற்றோர்கள் குப்ரில் மரணித்தார்கள் என்ற வார்த்தையும் ஒன்று. அசலான பிக்ஹுல் அக்பர் நூலில் இவ்வார்த்தைகள் இடம் பெறவில்லை. ஒரு தெளிவான சான்றில்லாமல் குப்ரின் மீது பத்வா கொடுக்க முடியாது.

ஒரு வாதத்திற்காக, அந்த வழிகேடர்கள் சொல்வதுபோல் இருப்பதாக ஒப்புக் கொண்டாலும், அந்நூலில் 'மாதா அலல் – குஃப்ரி' என்றுதான் எழுதப்பட்டுள்ளது. இதற்கு பொருள் குஃப்ருடைய காலகட்டத்தில் மரணமடைந்தார்கள்-அதாவது காலத்தைக் குறிக்கும் சொல்லாகத்தான் இச் சொல் அமைந்துள்ளது.

ஆளைக் குறிக்கும் சொல்லாக இருப்பின் 'மாதா காஃபிரய்னி' என்றுதான் இருக்க வேண்டும். அவ்வாறில்லை எனும்போது இவர்களின் ஆட்சேபணை அர்த்தமற்றதாகிவிடுகிறது.

முடிவுரை

நபி ஸல்லல்லாஹு அலைஹி வ ஸல்லம் அவர்கள் கூறுவதைப் பாருங்கள்: 'எனது ரப்பிடம் என் குடும்பத்தில் எவரையும் நரகில் நுழைப்பிக்கக் கூடாது என்று கேட்டேன்.அவன் அதை ஒப்புக் கொண்டான்.

மேலும் இப்னு அப்பாஸ் ரலியல்லாஹு அன்ஹு அவர்கள் அறிவித்த ஹதீது, 'நபிகளாரின் திருப் பொருத்தங்களில் அவர்களது குடும்ப அங்கத்தவர்கள் எவரும் நரகில் நுழையக் கூடாது என்பதும் ஒன்றாகும்'

-இமாம் இப்னு ஜரீர் ரலியல்லாஹு அன்ஹு அவர்களின் தப்ஸீர்.

அனைத்து நபிமார்களுடைய பெற்றோர்களும் முஃமினானவர்களாகவே இருந்துள்ளனர் என nஷய்கு அப்துல் ஹக் முஹத்திஸ் திஹ்லவி ரலியல்லாஹு அன்ஹு அவர்கள் கூறியிருக்கிறார்கள்.

ஆக, உங்கள் முன் வைக்கப்பட்டிருக்கும் குர்ஆன,; ஹதீது ஆதாரங்களாலும், வழிகேடர்கள் செய்துவரும் ஆட்சேபணைகளுக்கும் தெளிவான பதில்களாலும் பெருமானார் ஸல்லல்லாஹு அலைஹி வ ஸல்லம் அவர்களின் பெற்றோர்கள் காபிரல்ல, அவர்கள் உண்மையான தூய முஃமின்கள் என்பது நிரூபிக்கப்பட்டுள்ளது. நபிகளாருக்கு நபித்துவம் கிடைத்தபின் தங்கள் பெற்றோர்களை உயிர்த்தெழச் செய்து கலிமா சொல்லிக் கொடுத்து உம்மத்தே முஹம்மதிய்யாவில் இணைத்திருப்பதால் அவர்கள் இருவரும் ஸஹாபிகள் எனும் அந்தஸ்தையும் பெறுகிறார்கள் என்பதும் நிரூபிக்கப்பட்டு விட்டது. அல்ஹம்துலில்லாஹ்!

சாதாரணமாக ஒருவனைப் பார்த்து உனது பெற்றோர் அநியாயக்காரர்கள் என்று சொல்லுவோமானால், அவனுக்கு மன வேதனை உண்டாகி, மிகக் கோபம் ஏற்பட்டு அவ்வாறு சொன்னவனை உண்டுஇல்லை என்று பண்ணிவிடுவான் என்பது உலகியல் நடைமுறை.

உலகை உய்விக்க வந்த உத்தமரான பெருமானார் அவர்களின் பெற்றோர்களைப் பார்த்து ஒருவன், இல்லாத ஒன்றை சொல்வானானால்-அதாவது அவர்கள் காபிர்கள்-நரகவாதிகள் என்று சொல்வானானால், பெருமானார் ஸல்லல்லாஹு அலைஹி வ ஸல்லம் அவர்களின் மனது எவ்வாறு வேதனைப்படும்?

அன்னவர்களை வேதனைப் படுத்துபவர்களைப் பற்றி வல்ல இறைவன் தனது திருமறையில்,


وَالَّذِينَ يُؤْذُونَ رَسُولَ اللّهِ لَهُمْ عَذَابٌ أَلِيمٌ

'அல்லாஹ்வின் தூதர் அவர்களை எவர்கள் துன்புறுத்துகிறார்களோ அவர்களுக்கு நோவினை தரும் வேதனையுண்டு.'

-அல்-குர்ஆன் 9:61


إِنَّ الَّذِينَ يُؤْذُونَ اللَّهَ وَرَسُولَهُ لَعَنَهُمُ اللَّهُ فِي الدُّنْيَا وَالْآخِرَةِ وَأَعَدَّ لَهُمْ عَذَابًا مُّهِينًا

'அல்லாஹ்iவும் அவனது தூதரையும் நிச்சயமாக நோவினை செய்பவர்கள்- அவர்களை உலகத்திலும், மறுமையிலும் அல்லாஹ் சபிக்கிறான். இன்னும், அவர்களுக்கு இழிவுதரும் வேதனையை தயார் செய்து வைத்துள்ளான்'

-அல்-குர்ஆன் 33:57

என்று தெளிவாகக் கூறுகிறான்.

இறவனின் திருப் பொருத்தத்தை பெறவேண்டுமாயின் நபிகளாரின் திருப்பொருத்தத்தை பெற்றுக் கொள்வது அவசியம். அன்னாரின் பெற்றோர்களை தரக்குறைவாக, கண்ணியக் குறைவாக பேசுவது அன்னவர்களை நோவினை செய்வதாகும். அவர்களை நோவினை செய்தால் அத்திருப் பொருத்தம் நமக்கு கிடைக்குமா?.

அல்லாஹ் நம்மனைவர்களையும் நபி பெருமானார் ஸல்லல்லாஹு அலைஹி வஸல்லம் அவர்களை கண்ணியப்படுத்துவது கொண்டு நமக்கு அன்னாரின் திருப் பொருத்தத்தையும், அதைக் கொண்டு அல்லாஹ்வின் திருப்பொருத்தத்தையும் தந்தருள்வானாக! ஆமீன்.

முற்றும்.