பிலாலி ஷாஹ்வின் முன்னாள் முரீது மனம் திறக்கிறார்!

1.அஸ்ஸலாமு அலைக்கும்

எனதருமை சகோதர் அவர்களே நீங்கள் நூரிஷா  தரீகாவை பற்றி கூறியது உண்மையான விஷயம் தான் நான் அந்த தரீகாவில்  பிலாலிஷா என்பவரிடம் பைய்யத் பெற்று  இருபத்தி ஒரு  வருடம் இருந்தேன் சுன்னத் ஜமாஅத் மாநாடு தஞ்சாவூரில் நடை பெற்றபோது இவர்களை பற்றிய உண்மைகளை ஹழ்ரத் வஜுஹு நகி அவர்கள் துண்டு பிரசாரம் செய்தார்கள் அத்தருணத்தில் நான் ஒரு முடிவுக்கு வந்தேன் இந்த சில்சிலாவை விட்டு வெளியேறிவிட வேண்டும் என்று நம் உயிரினும் மேலான காத்தமுன் நபியீன் இமாமுல் அன்பியா ரஹ்மத்துல் ஆலமீன் செய்யதினா முஹம்மது முஸ்தபா  ஸல்லல்லாஹு அலைஹிவசல்லம் அவர்களை   குஷ்தாகி பண்ணிய இந்த கயவர்களை ஏற்று நடக்கும் யாராக இருந்தாலும் முனாபிகுகள் தான்.

மேலும் எனுடைய வியாபார ரீதியாக நண்பராக இருந்த ஹழ்ரத் கௌஷி ஷா ஹைதராபாதி அவர்களின் பேரனார்  முஸப்பர்  குரைஷி என்னுடைய வியாபார ரீதியாக நண்பர் என்பதால் அவர் மேல் எனக்கு நல்ல மரியாதை ஒரு சமயம் நானும் என் நண்பர்  முஸப்பர்  குரைஷி அவர்களும் சேர்ந்து மற்றொரு நண்பாறன வஹாபி கொள்கையுடையவரிடம் முனாஜிற செய்து பெருமானார் ஸல்லல்லாஹு அலைஹிவசல்லம் அவர்களின் கருணை பார்வையால் அந்த வஹாபி நண்பர் சுன்னியத்து உடைய கொள்கை பக்கம் திரும்பி இன்று என்னுடைய பீர் பாயாக இருக்கிறார்.

மேலும் அந்த ஹைதரபாத்தி நண்பர்  முஸப்பர்  குரைஷி என் சில்சிலா பற்றி கேட்டார் நான் இந்த நூரிஷா வை பற்றி சொல்லி நான் நூரிஷாவுடைய கலிபாவாகிய ஜுஹூரி ஷா, ஜுஹூரி ஷா வுடைய கலிபாவாகிய இந்த பிலாலி ஷா விடம் பைய்யத் பெற்று இருக்கிறேன் என்று என் நண்பர்  முஸப்பர்  குரைஷி அவரிடம் சொன்னேன் அதுவரை அமைதியாக இருந்த என் நண்பர்  முஸப்பர்  குரைஷி கோப பட்டு நீ உடனே இந்த சில் சிலாவை விட்டு மாறி ஒரு நல்ல பீரை தேர்த்ந்து எடுத்து கொள் என்றார் மேலும் அவர் எனக்கு இந்த விசயத்தை சொல்வதால் எந்த ஆதாயமும் கிடையாது நான் உன்னுடன் நல்ல நண்பனாக மற்றும் நல்ல வியாபாரியாக இருக்கிறேன் ஆனால் இது ஈமான் சம்பத்தப்பட்ட விஷயம் அதுனாலே உனக்கு இந்த உண்மையை சொல்கிறேன் என்று என் நண்பர்  முஸப்பர்  குரைஷி  சொன்னார். அன்றைய தினம் ஒரு உண்மையையும் அவர் சொன்னார் இந்த  முஸப்பர்  குரைஷி அவர்கள் ஹழ்ரத் கௌஷி ஷா வின் மகள் வீட்டு பேரன் என்ற உண்மையயை சொல்லி இந்த தேவபந்திகளின் சாக்கடை கொள்கைகளை தெளிவாக எடுத்து சொன்னார்.

மேலும் அவர் பாட்டனார் சில்சிலாவில் அவர்  இணைந்துதிருக்கவில்லை ஆனால் ஒரு சுன்னியாக இறுக்கிறார் இவருடைய தாய் மாமன் தான் இந்த சில்சிலா எ கௌசியாவுடைய சஜ்ஜாதே நாசின் ஏன் இந்த விளக்கத்தை சொல்கிறேன் என்றால் இந்த கௌசி ஷா சில் சிலா காரர்கள் தேவ்பந்திகளை அடையாளம் காட்டுவதால் இவர்களும் சுன்னியாக இருக்கலாமே என்று எனக்கு ஒரு நம்பிக்கை இருக்குகிறது ஆகவே சற்று நன்கு ஆராய்ந்தால் உண்மையான தெளிவு கிடைக்கலாம் நான் இந்த மாதிரி சொல்வதால் என்னை இவர்களுடைய அபிமானி என்று கருதிவிடாதீர் நான் இந்த நூரிய தரீகாவை தலை முழுகி மூன்று வருடம் ஆகிவிட்டது மேலும் சர்கார் கரீபுன் நவாஸ் அவர்களின் பரம்பரையில் உதித்த கண்மணி நாயகம் ஸல்லல்லாஹு அலைஹிவசல்லம் குலவழி தோன்றல் ஆலே ரசூல் செய்யது அஹமது பஷீர் ஹுசைனி சிஸ்தியுள் காதிரி பந்தா நவாஸி (மதனி டிரஸ்ட்) அவர்களிடம் பைய்யத் பெற்றுவிட்டு ஒரு உண்மையான சுன்னத் ஜமாஅத் கொள்கையில் நடக்றேன் என்னுடைய சில்சிலா குல் பர்காவில் துயில் கொள்ளும் சற்குரு நாதர் காஜா காஜக்ஹன் காஜா பந்தா நவாஸ் ஜெசுதராஸ் செய்யது முஹம்மது ஹசன் ரலியல்லாஹு அன்ஹு அவர்களின் சில்சிலா ஏ ஹுசைனிய ஆகும். மேலும் என் இறுதி மூச்சு இந்த சத்திய கொள்கையோடு பிரிய தாங்கள் எல்லாம் வல்ல ரஹ்மானிடம் துஆ செய்யுங்கள்.

மேலும் இந்த நூரிஷா தன்னுடைய மதர்ஷா அடிக்கல் நாட்டுவிழாவில் தேவ்பந்தி உலாமாவான காரி தையூப் என்பவனை அழைத்து அடிக்கல் நாட்டினார் இத்தருணத்தில் கௌஷி ஷா உயிருடன் இருந்தார் கௌஷி ஷா வின் பீர் ஷா கமாலுல்லாஹ் மச்சிலி வாலே அவர்களும் உயிருடன் இருந்தார்கள் மேலும் ஹழ்ரத் கௌஷி ஷா நூரிஷா விடம் உன் பிள்ளையை வைத்து இந்த அடிக்கல் நாட்டும் விழாவை செய்து இருந்தால் நான் சந்தோஷ பட்டு இருப்பேன் அனால் குஷ்தாகி ரசூல் கொள்கைவுடைய ஒருவனை அழைத்து இந்த கேவலமான செயலை இந்த நூரிஷா செய்ததால் ஹழ்ரத் கௌஷி ஷா தன் பீர்   ஷா கமாலுல்லாஹ் மச்சிலி வாலே அவர்களின் கைய்யபம் ஒப்புதல் பெற்ற ஒரு மடலோடு இணைத்து இந்த நூரிஷா வுடைய கிலாபத்தை (சல்ப்) திரும்ப பெற்றுவிட்டதாக அறிக்கை விடுத்தார்கள் இந்த கடிதங்கள் இன்றும் ஹழ்ரத் கௌஷி ஷா வுடைய நூரிஷா வை பற்றி எழுதிய புத்தகங்களில் இடம் பெற்று உள்ளன என்று என் நண்பர்  முஸப்பர்  குரைஷி கூறியுள்ளார் மேலும் இந்த கௌஷி ஷா அவர்கள் இமாமே ஆலம் ஹழ்ரத் அபு ஹனிபா வம்சம் என்று சொல்ல படுகிறது தங்களுக்கு ஏதாவது தகவல் தேவை என்றால் நானோ அல்லது நீங்களோ இப்பொழுது இருக்கும் இந்த சில்சிலா ஏ கௌஷியாவுடைய சஜ்ஜ தே நாசின்னிடம் (கௌசாவி ஷா) பெற்று கொள்ளலாம் மேலும் நீங்கள் கூறியது போல் அவர்களுடய சிஜ்ராவில் இந்த செய்யத் அஹமது பரேல்ளுடைய பெயர் நிரூபணம் ஆகிவிட்டால் இந்த மொத்த சில்சிலாவும் வலிகேடர்களே என்று உறுதி கொள்வேன்

தங்களுடைய தொடர்பு நம்பர் கிடைத்தால் மிகவும் நலமாக இருக்கும்

இப்படிக்கு

A.K. முஹம்மது ஸுபைர் ஹுசைனி

Chennai 600108.

2. அஸ்ஸலாமு அலைக்கும்

அல்ஹம்து லில்லாஹ் தங்களுடைய சேவையை எல்லாம் வல்ல அல்லாஹ் வெற்றி ஆக்கிதருவானாக

நான் இந்த போலி தரீகவை பற்றி ஒரு இணையதலத்தை உருவாக்கி இவர்கள் கயவர்தனத்தை வெளிச்சம் போட்டு காட்ட நினைத்து இருந்தேன் ஆனால் தங்களுடைய இணையதளத்தை பார்த்த பிறகு இந்த நல்ல பணியை தாங்கள் செய்திவிட்டீர்கள் அல்ஹம்துலில்லாஹ் அசத்தியம் அழியும் சத்தியம் வெல்லும் அதன் முதல் கட்ட முயற்சி தான் உங்களுடைய சேவை மேலும் நான் தங்களுக்கும் அனுப்பிய ஈமெயில் 3 ஆகஸ்ட் 2012 தேதியில் சில் சிலா கௌசியா பற்றி கூறி இருந்தேன் அது விசயமாக தாங்கள் நன்கு ஆலோசிக்க வேண்டும் மேலும் சில் சிலா கௌசியா சிஜ்ஜிராவையும் இந்த போலி தரீகா நூரிஷாவுடைய சிஜ்ஜிராவையும் ஒப்பிட்டு பாருங்கள் ஏன் என்றால் இவர்கள் கண்டிப்பாக குழப்பம் செய்யகூடியவர்கள்

மேலும் இந்த போலி சில் சிலாவை தொடர்ந்து சில் சிலா ஏ ஆமிரிய என்று ஒரு வழிகேட்டு கூட்டம் சென்னை ராயபேட்டையில் இயங்கி வருகிறது இந்த சில் சிலா ஏ ஆமிரியா நூரிஷாவின் பிரதான கலிபவாகிய உமர் ஆமிர் கலிமிஷா என்பவரால் துவக்கப்பட்டது.

இவர்கள் இவர்களுடைய பெரும்பாலான முரீதுகள் வேலூர் ஆம்பூர் குடியாத்தம் ஆந்திரா மற்றும் பெங்களூர் ஆகிய ஊர்களில் அதிகமாக உளார்கள்  இவர்கள் மூன்று மாதத்துக்கு ஒரு முறை அல்லாஹு அல்லாஹ் என்ற திகிர் மஜிலிஸ் நடத்தி வருகிறார்கள்

இந்த திகிர் மஜிலிஸ் 24 மணிநேரமும் தொடர்ந்து நடக்கும் ஆரம்பத்தில் இதை ஒரு நல்ல அமல் என்று நினைத்து இருந்தேன் ஆனால் பிறகு தான் இவர்களின் அந்தரங்கம் தெரிந்தது  இவர்களுடைய முரீதுகள் சுமார் 500 நபர்கள் கூடுவார்கள் இவர்கள் கூடும்போது காணிக்கைகள் கொண்டுவருவார்கள் இந்த காணிக்கை ஒரு பெரிய தொகையாக சேரும் எனக்கு அப்பொழுதான் புரிந்தது இவர்கள் அல்லாஹுவை திகிர் செய்வதர்காக இந்த அமலை துவங்கவில்லை என்றும் இவர்கள் பையை நிறைக்க போட்ட சதி திட்டம் என்று புரியவந்தது பல சுன்னியத்து நண்பர்களின் அகீதாவை நாசம் பண்ணிகொன்ன்டு இருக்கிறார்கள்.

இந்த கலிமிஷா அஹ்லே பைத் என்று கூறுகிறார் அனால் இவர் அஹ்லே பைத் கிடையாது இது சம்பந்தமான ஆதாரங்களும் வேறு ஒரு நபரிடம் உள்ளது இந்த சில் சிலா ஏ ஆமிரியாவின் வேடிக்கை என்ன வென்றால் நூரிஷாவுக்கும் கலிமிஷாவுக்கும் பேச்சு வார்த்தை கிடையாது உலகத்தில் எந்த முரீதாவது பீரிடம் சண்டைபோடுவார்கள? புனிதமான இந்த தரீகத் பாதை மக்களுக்கு நல்வலிகாட்டதனே இவர்கள் குடும்ப சண்டையை காட்டி தன் பீரிடம் தொடர்பை துண்டித்து கொண்டார்கள் நூரிஷவின் மூத்த மகன் ஆரிபுதீன் இன்றும் சென்னைக்கு வந்தால் இந்த கலிமிஷா வீட்டு படி மிதிப்பது இல்லை இதில் வேடிக்கை என்னவென்றால் இந்த நூரி சில் சிலா வே பொய்யானது ஆனால் இவர்களுகுல்லையே ஒத்துமை கிடையாது.

இந்த நூரிஷா கலிபாக்கள் ஒருதகொருத்தர் புறம் பேசி திரிகரார்கள் இந்த கலிமிஷாவுடைய மூத்த மகன் ரஜாவுள்ளவிடம் தேவபந்திகளை மற்றும் சங்கை மிகு ஆல ஹழ்ரத் கிபுலாவை பத்தி கேட்டோம் அதற்ககு நான் தேவபந்தியும் கிடையாது பரேல்வியும் கிடையாது என்று ஆணும் இல்லை பெண்ணும் இல்லை என்று சொல்கிறார் அபொழுது இவர் யார் என்று எங்களுக்கு புரிந்தது இந்த மாதிரி பல குப்பைகள் இவர்கள் வரலாறில் வளிந்து கிடைக்கிறது இதே போல் சிங்கப்பூரில் ரபிக் ஷா என்று அழைக்கப்படும் நூரிஷஆவின் கலிபா இருக்கிறார் இவரும் அதே நிலைதான் ஆகவே தங்கள் இந்த கட்டூரையை முடிந்தால் உங்கள் இணையத்தளத்தில் போடுங்கள்

இப்படிக்கு உங்கள் நண்பர்
A .K . முஹம்மது ஸுபைர் ஹுசைனி
சென்னை 600108

MOHAMED ZUBAIR HUSSAINI kbnzubair@gmail.com
date: Sat, Aug 4, 2012 at 7:58 PM

வழிகெட்ட போலி தரீகாக்கள்

அஸ்ஸலாமு அலைக்கும்,

மௌலானா மௌலவி அல்ஹாஜ் M.அப்துர் ரஸ்ஸாக் காதிரி, ஸூபி (பேராசிரியர், தாருல் உலூம் கௌஸிய்யா அரபிக் கல்லூரி, தஞ்சை) அவர்களால் எழுதப்பட்ட புனித தரீக்காக்களில் வஹ்ஹாபிய விஷக்கிருமிகள் என்ற புத்தகத்தை நான் படித்தேன். வாசிக்க மிகவும் அருமையாகவும் இருந்தது. எனது சில கருத்துக்களை உங்களுடன் நான் பகிர்ந்து கொள்கின்றேன்.

புனித தரீகாக்களின் பெயரிலே வழிகெட்ட தப்லீக் வாதிகள் நுழைந்து மக்களை வழி கெடுப்பது மனதுக்கு மிகவும் வேதனை அளிக்கிறது. இந்த புத்தகம் முழுக்க முழுக்க போலி தரீகவான நூரிஷாஹ் தரீகாவை பற்றியே வெளிவந்திருக்கின்றது. இன்றைய காலகட்டத்தில் தப்லீக்காரர்கள் தரீகா என்ற போர்வையில் மக்களை வழி கெடுக்கும் முயற்சியில் ஈடுபட்டிருக்கின்றார்கள்.

அன்பர்களே! எந்த ஒரு உண்மையான தரீகாவும் இன்னொரு தரீகாவை எதிர்க்காது. எந்த ஒரு ஷைகும் தன்னை போன்ற ஒரு ஷைகை எதிர்க்கவும் மாட்டார்கள் குறை சொல்லவும் மாட்டார்கள். ஆரம்பம் முதல் இன்றைக்கு வரை தரீகத் வாதிகள் ஒற்றுமையாகவே இருக்கின்றார்கள். அந்த தரீகதின் வழியிலே வருகின்ற எல்லா ஒலிமார்களும் மற்றும் ஷைகுமார்களும் தங்களுடைய காலத்திலே வாழுகின்ற தங்களை போன்ற ஒலிமார்களை நேசித்தும், சந்தித்தும் வந்திருக்கின்றார்கள். இன்றும் அப்படியே நடக்கின்றது. ஒரு இறை நேசருக்கும் இன்னொரு இறை நேசருக்கும் மத்தியில் எந்த ஒரு பிரச்னையும் இருக்காது. இவர்கள் தங்களுக்குள்ளே மிகவும் ஒற்றுமையாக இருப்பார்கள். இன்றும் ஒற்றுமையாகவே இருக்கின்றார்கள். ஏனென்றால் ஒரு உண்மையான இறை நேசர் தன்னை போன்ற இறை நேசரை அறிவார் என்பது உண்மை. அப்படியிருக்க அவர் எப்படி அந்த தன்னை போன்ற ஒரு இறை நேசருடைய தரீகாவை எதிர்ப்பார்? முன்பு வாழ்ந்த இறை நேசர்களின் வரலாற்றை புரட்டிப்பாருங்கள். மேலும் அந்த தரீகாக்களின் தலைவர்களாகிய ஷைகுனா முஹியத்தீன் அப்துல் காதிர் ஜீலானி ரலியல்லாஹு அன்ஹு, அஜ்மீர் காஜா முயீனுத்தீன் ஜிஸ்தி ரலியல்லாஹு அன்ஹு மற்றும் அவர்களை போன்ற ஒலிமார்களின் வரலாற்றையும், அந்த ஒலிமார்களின் காலம் முதல் இன்றைய காலம் வரையில் வாழ்கின்ற ஒலிமார்களின் வரலாறுகளை படித்து பாருங்கள். அவர்கள் வாழ்ந்த காலத்திலே அவர்களை போன்ற ஷைகுமார்களுக்கு எந்த அளவுக்கும் கண்ணியமும், மரியாதையும் அளித்தார்கள் என்பதை ஒலிமார்களின் வரலாற்று சுவடுகளின் வழியாக நாம் அறியலாம்.
ஆனால் இன்றைய காலத்திலே உள்ள இந்த நூரிஷாஹ் தரீகா மட்டும் மற்ற தரீகாவிர்க்கு முற்றிலும் மாற்றமாக இருக்கின்றது.

இவர்கள் நாங்களும் தரீகாவை சார்ந்தவர்கள்தான் என்று சொல்லிக்கொண்டு மற்ற எல்லா தரீகாவினரையும் அதன் வழி வந்த ஷைகுமார்களையும் மற்றும் ஒலிமார்களையும் எதிர்த்து கொண்டும், வசை பாடிகொன்றும் இருக்கின்றார்கள்.

நூரிஷாஹ் தரீகாவினர் சொல்லுகிறார்கள்:

1 . இப்போது உள்ள தரீகாக்களில் நூற்றுக்கு தொண்ணுற்று ஒன்பது தரீகாக்களும் வழி கேடானவை. நாங்கள் மட்டும் தான் உண்மையான தரீகவினர் சொல்லுகின்றார்கள்.

2 . எங்களது ஷைகுமார்கள் மட்டும் தான் சரியானவர்கள் மற்ற தரீகாக்களின் ஷைகுமார்கள் வழிகெட்டவர்கள்.

எங்களது ஷைகுமார்கள் மட்டும் தான் சரியானவர்கள் மற்ற தரீகாக்களின் ஷைகுமார்கள் வழிகெட்டவர்கள் என்று இந்த நூரிஷாஹ் தரீகாவினர் கூறுகின்றனர். நாம் கேட்கிறோம் ரசூலுல்லாஹி சல்லல்லாஹு அலைஹிவசல்லம் அன்னவர்களை தரம் தாழ்த்தி எழுதிய தப்லீக் ஜமாஅத் தலைவர்களான மௌலவி அஷ்ரப் அலி தானவி, மௌலவி ரஷீத் அஹ்மத் கன்கோஹி , கலீல் அஹ்மத் அம்பேட்டி, இஸ்மாயில் தெஹ்லவி போன்றாவர்களை வலி என்றும், குதுப் என்றும் அவர்களின் பெயர்களின் பின்னே ரஹ்மதுல்லாஹி அலைஹி போடுகிறீர்களே மற்றும் நபியவர்களை தரம் தாழ்த்தி எழுதி விமர்சித்த இந்த வழிகெட்ட தப்லீக் தலைவர்கள் அவ்லியாக்கள் என்றும் அவர்கள் சத்தியத்திலே இருக்கின்றார்கள் என்று கூறுகிறீர்களே இப்படியெல்லாம் சொல்ல உங்களுக்கு எப்படி மனசு வருகின்றது? நபியவர்களை தரம் தாழ்த்தி எழுதிய இவர்களை எதிர்க்கின்ற, இவர்களின் உண்மையான முகத்தை கிழித்து மக்களுக்கு முன் காட்டுகின்ற சுன்னத் வல் ஜமாத்தின் உலமாக்களையும், தரீகதுடைய ஒலிமார்களையும் மற்றும் ஷைகுமார்களையும் வழிகெட்டவர்கள் என்று சொல்கிறீர்களே இதுதான் உங்களது தரீகதின் நிலையா ? அவ்லியாக்களையும் அவர்களுடைய தரீகாக்களையும் எதிர்க்கின்ற வஹ்ஹாபிகளுக்கும், தப்லீக் ஜமாஅதினருக்கும் மற்றும் உங்களது நூரிஷாஹ் தரீகாவினருக்கும் என்ன வித்தியாசம்? அன்பான மக்களே நன்றாக நாம் சிந்திக்க வேண்டும். இப்படி பட்டவர்களை நாம் ஒதுக்கி தள்ள வேண்டும்.

நாளை கியாம நாள் வரை என்னுடைய தரீகாவின் கொடி பறக்கும் என்றார்களே குதுப் நாயகம் அஷ்ஷைகு முஹியத்தீன் அப்துல் காதிர் ஜீலானி ரலியல்லாஹு அன்ஹு அவர்கள் அவர்களின் வாக்கை நீங்கள் பொய்ப்படுதுகிரீர்களா? காதிரிய்யா, ஜிஷ்திய்யா , நக்க்ஷபந்திய்யா , சுஹ்ரவதிய்யா, ரிபாயிய்யா இன்னும் மிகப்பெரிய ஒலிமார்களின் தரீகாக்களும் ஆரம்பதொட்டு இன்றுவரை இந்த தரீகாக்களின் சில்சிலாவிலே பல காமில் ஷைகுமார்கள் வந்து கொண்டே இருக்கின்றார்கள். இந்த தரீகாக்களின் தலைவர்கள் மிகப்பெரிய ஒலிமார்கள் என்றும் நீங்கள் நன்றாக அறிவீர்கள் அப்படியிருக்க இப்போது உள்ள குதுப் நாயகம். செய்யிது அஹ்மத் கபீர் ரிபாஈ நாயகம், நக்ஷபந்தி நாயகம், அஜ்மீர் காஜா நாயகம் அவர்களின் தரீகாக்கள் எல்லாம் வழி கேடானவை என்று நீங்கள் எப்படி சொல்லலாம்?
இன்னும் நாளை கியாம நாள் வரை இந்த தரீகாக்களில் பல ஷைகுமார்களும், ஒலிமார்களும் தோன்றுவார்களே அவர்களை பற்றியும் நீங்கள் என்ன சொல்வீர்கள்?

அப்தால்கள் என்றால் இறைநேசர்களில் ஒரு பிரிவினராகும் . அவர்கள் மூலமே இவ்வுலகை அல்லாஹ் நிலை நிறுத்தாட்டிருக்கிறான். அவர்கள் மொத்தம் எழுபது நபர்களாகும். நாற்பது பேர் சிரியாவிலும், மீதி முப்பது பேர் ஏனைய பகுதிகளிலும் இருப்பார்கள் (மிஷ்காத்- 10 -76 )
இந்த ஹதீசுக்கு நீங்கள் என்ன சொல்லுகின்றீர்கள் அனைத்து தரீகாகளும் வழிகெட்டது எங்களுடைய நூரிஷாஹ் தரீக்கை தவிர என்று சொல்லுகின்ற நீங்கள் இந்த ஹதீஸில் சொல்லப்பட்ட எழுபது அப்தால்களை பற்றி என்ன சொல்கின்றீர்கள்? உங்களது கூற்றுப்படி இவர்களும் வழிகெட்டவர்களா? அல்லாஹ் நம்மை காப்பற்றட்டும்.

அலா இன்ன அவ்லியா அல்லாஹி லா ஹவ்புன் அலைஹிம் வலாஹும் யஹ்சனூன் ( குர்ஆன்)
அறிந்து கொள்ளுங்கள்! என்னுடைய இறை நேசர்களுக்கு பயமுமில்லை, அவர்கள் கவலை படவுமாட்டார்கள். இது அல்லாஹ் உடைய வார்த்தை இதனை நீங்கள் பொய்படுதாதீர்கள். உலக முடிவு நாள் வருகிற வரைக்கும் தரீகாக்கள் இருக்கும் அதன் வழியாக ஒலிமார்களும் ஷைகுமார்களும் வந்து கொண்டே இருப்பார்கள். குறிப்பாக நாம் விளங்கிக்கொள்ள வேண்டியது இந்தியாவிலும் சரி, மற்ற நாடுகளிலும் உள்ள தரீகதுடைய ஷைகுமார்கள் அனைவரும் ஒன்று சேர்ந்தாற்போல் நமது நாயகம் ரசூல் சல்லல்லாஹு அலைஹிவசல்லம் அவர்களை கண்ணியம் தாழ்த்தி, அவர்களை தரம் தாழ்த்தி பேசி, எழுதிய தப்லீக் வாதிகளை அவர்கள் சரி இல்லை என்றும், தப்லீக்காரர்கள் வழிகெட்டவர்கள் என்றும் அவர்களை ஆதரித்து பேசுபவரும் வழிகெட்டவர் என்று பத்வா கொடுத்துள்ளார்கள். அப்படியிருக்க நானும் தரீகதுடைய ஷைகு தான் என்று கூறிக்கொண்டு இந்த வழிகெட்ட தப்லீக் ஆலிம்களை புகழ்ந்து பேசிய நூரிஷாஹ் வை நமது ஷைகுமார்கள் எப்படி ஏற்றுகொள்வார்கள்? இதனாலே தான் கேரளாவிலே நூரிஷாஹ் நுழைந்த போது அவருடைய பேச்சுக்கள் அனைத்தும் சுன்னத் வல் ஜமாஅத்க்கு எதிராகவும், தேவ்பந்தி வஹ்ஹாபிகளான தப்லீக்காரர்களுக்கும் ஆதரவாக பேசியதால் கேரளத்திலே அப்போது இருந்த ஜம்யிய்யத்து அஹ்லுசுன்னத் வல் ஜமாஅத் உலமாக்கள் சபையினர் நூரிஷாஹ் தரீகாவின் கொள்கைகளையும், அவருடைய ஞான சில்சிலாவையும் ஆராய்ந்தபோது, நூரிஷாஹ் தரீகாவின் கொள்கைகள் அனைத்தும் வழிகெட்ட கொள்கைகளாக இருந்த படியாலும், சில்சிலாவில் பல குளறுபடிகளும் இருந்தபடியால் நூரிஷாஹ் தரீகா உண்மையான தரீகா இல்லை என்றும். உலமாக்களும் பொது மக்களும் நூரிஷாஹ் தரீகாவில் எடுக்கின்ற பைஅத்தும், கிலாபத்தும் செல்லாது என்றும் வழிகெட்ட நூரிஷாஹ் தரீக்கை விட்டு மக்கள் ஒதுங்கி இருக்குமாறு கேரளாவில் உள்ள சுன்னத் வல் ஜமாஅத் உலமாக்கள் சபையினர் பத்வா கொடுத்துள்ளார்கள்.

சுன்னத் வல் ஜாமத்தின் உலமாக்களையும் மற்றும் ஒலிமார்களையும் குறை சொல்வது.

பல ஊர்களுக்குள்ளே இந்த நூரிஷாஹ் தரீகதினர் நுழைந்து அந்த ஊரில் உள்ள கண்ணியமான சுன்னத் வல் ஜமாஅத் உலமாக்களையும், சமீபத்தில் மறைந்த ஒலிமார்களையும் குறைத்து மதிப்பிட்டு பேசி நாங்கள்தான் சரியானவர்கள் என்று வாதிடுகின்றார்கள். அந்த ஆலிமுக்கு இந்த ஞானம் இல்லை. இந்த ஆலிமுக்கு தரீகா உடைய ஞானம் இல்லை. பிக்ஹு உடைய ஞானம் இல்லை மற்றும் மக்ரிபா உடைய ஞானம் இல்லை என்றெல்லாம் சொல்லுகின்றார்கள். இப்படியே உலமாக்களையும், ஒலிமார்களையும் குறை கண்டுகிட்டே போனால் இவர்களின் நிலைமை என்ன ஆகும்? நீங்களே சிந்தியுங்கள். மேலும் தங்களுடைய தரீகாவை ஆதரிக்கின்ற உலமாக்களை நல்ல ஆலிம் என்றும், அவர்களுடைய தரீகாவின் வழிகெட்ட கொள்கையே எதிர்க்கின்ற உலமாக்களை கெட்ட ஆலிம்கள் என்றும் கூறுகிறார்கள். அன்பர்களே கருணை நபியவர்களை குறை காண்கின்ற, குறை கண்டு எழுதி வைத்து சென்றவர்களை மற்றும் இப்படி நபியவர்களை இழிவு படுத்தி எழுதிய உலமாக்களை ஆதரிக்கின்ற உலமாக்களை நல்ல உலமா என்றும் இவர்கள் கூறுகின்றனர். அல்லாஹ் தா ஆலா நம்மனைவர்களையும் இப்படிப்பட்ட கூட்டத்தினரின் தொடர்பை விட்டும் காப்பாற்றுவானாக ஆமீன்.

மறைந்த அவ்லியாக்களை குறைத்து பேசுவது

தற்போது நூரிஷாஹ் தரீகாவை பற்றி வெளிவந்த புனித தரீகாக்களில் வஹ்ஹாபிய விஷ கிருமிகள் என்ற புத்தகத்தில் அந்த புத்தகத்தின் ஆசிரியர் அவர்கள் இந்த நூரிஷாஹ் தரீகதினர் சொன்னதாக குறிப்பிட்டுள்ள ஒரு விஷயம் “நாங்கள் சொல்லும் ஞானமே சரியானது . மற்றவைகள் தவறானது மட்டுமில்லாமல் மற்ற வஹ்ததுல் உஜூது கொள்கையே போதிக்கும் ஷைகுமார்கள் தவறிழைத்துவிட்டார்கள் . காயல் பட்டினம் தைக்கா சாஹிப் வலியுல்லாஹ் சருகிவிட்டார்கள் . ஹைதராபாத் சூபி ஹழ்ரத் நாயகம் அவர்கள் கைரிய்யத்து, ஐனிய்யத்து தெரியாமல் இருக்கிறார்கள் இவ்வாறு நூரிஷாஹ் தரீகதினர் சொல்வதாக குறிப்பிட பட்டுள்ளது.

மேலும் நூரிஷாஹ் தரீகதில் உள்ள ஒரு ஷைகு சொன்னதாக என்னுடைய நண்பர் ஒருவர் என்னிடம் சொன்னார் அவர் சில வருடங்கள் அந்த தரீகதில் இருந்து விட்டு அவர்களின் வழிகெட்ட கொள்கைகளை பார்த்து விட்டு அதனை அவர் நீங்கினார். அவருடைய அந்த தரீகாவின் ஷைகு ஒரு முறை கீழக்கரைக்கு வந்தபோது அங்கே அடங்கி இருக்கும் ஷைகுனா மகானந்த பாபா முஹம்மது அப்துல் காதிர் வலியுல்லாஹ் அவர்களின் ஜியாரத்திற்கு அந்த ஷைகுடன் சென்ற போது, அந்த ஷைகு ஜியாரத்தின் போது சொன்னாராம் “நான் இந்த தர்ஹாவில் குப்ருடைய வாடையே நுகர்கின்றேன். எனவே என்னுடைய முரீதுகள் யாரும் இனிமேல் இந்த தர்ஹாவிக்கு ஜியாரத் செய்ய வரக்கூடாது என்று அவர் சொன்னாராம். மேலும் அவர் சொன்னாராம் மஜ்தூப்களின் ஜியாரத்திர்க்கும் செல்லகூடாது என்று சொன்னாராம். இதனை கேட்டதும் அவரிடமுள்ள தொடர்பை விட்டு அவர் நீங்கினார்.

அன்பர்களே! இப்படி ஒரு வித்தியாசமான போலி ஷைகுமார்களின் கூட்டத்தில் சேராமல் காமிலான நபிகள் சல்லல்லாஹு அலைஹிவசல்லம் அவர்களின் மேல் பாசம் வைத்த உண்மையே சொல்லுகின்ற, தன்னை போன்ற ஷைகுமார்களை மதிக்கின்ற ஒரு காமில் ஷைகை பிடித்து கரை சேருங்கள்.
விலாயத் பறிக்கபடுதல்

ஒரு வலியுல்லாஹ் அவர்கள் ஒழு செய்யும்போது கண்மணி நாயகம் சல்லல்லாஹு அலைஹிவசல்லம் அவர்களின் ஒரு சுன்னத்தை மறந்து விட்டதால் ஷைகுனா முஹியத்தீன் அப்துல் காதிர் ஜீலானி ரலியல்லாஹு அன்ஹு அவர்கள் அந்த வலியுல்லாஹ்வின் விலாயத்தை பறித்துவிட்டார்கள் அப்படியிருக்க தன்னுடைய பாட்டனாராகிய அருமை நாயகம் சல்லல்லாஹு அலைஹிவசல்லம் அவர்களை குறைத்து பேசியவர்களையும். எழுதியவர்களையும் எப்படி குதுப் நாயகம் அவர்கள் பொருந்திகொள்வார்கள்? “ரசூல் சல்லல்லாஹு அலைஹிவசல்லம் அவர்களை தொழுகையில் நினைப்பது மாடு, கழுதை எண்ணத்தில் மூழ்குவதை விட கெட்டதாகும். தப்லீக் ஜமாஅத் பற்றி தவறான குற்றச்சாட்டுகளும் தக்க பதில்களும் என்ற நூலில் குறிப்படப்பட்டுள்ளது. மேலும் அதே புத்தகத்தில் மாடு கழுதையே பற்றிய எண்ணம் நமக்கு தரக்குறைவாக வரும் அதனால் இறை வணக்கத்தில் இறைவனை மறக்கடிக்காது. அதனால் தொழுகையில் ரசூல் சல்லல்லாஹு அலைஹிவசல்லம் அவர்களையும் மற்ற நல்லடியார்களையும் நினைக்கும்போது அவர்களுடைய எண்ணம் கண்ணியத்தோடு வருவதால் அல்லாஹ்வை மறந்த நிலை ஏற்படும் என்று தன்னுடைய கிதாபிலே கூறுகிறார். இவர்களின் கூற்றுப்படி தொழுகையில் பாகமாகிய அத்தஹிய்யாத்தில் நாயகம் சல்லல்லாஹு அலைஹிவசல்லம் அவர்களுக்கு சலாம் சொல்வதை கண்ணியத்தோடு சொல்ல வேண்டுமா? அல்லது கண்ணியமில்லாமல் சொல்ல வேண்டுமா? கண்ணியமில்லாமல் ரசூல் சல்லல்லாஹு அலைஹிவசல்லம் அவர்களை நினைப்பது குப்ராகும் என்று பெருமக்களாகிய இமாம்கள் நமக்கு சொல்லியிருக்கிறார்கள். இதுவெல்லாம் விளங்காமல் தான் ஷைகுல் ஹதீஸ் என்றும், ஆலிம்கள் என்றும் பெயர் வாங்கினார்களா? அன்பர்களே இப்படி நாயகத்தை இழிவு படுத்தி எழுதினவர்களை தான் இந்த நூரிஷா வும் அவருடைய கலீபாக்களும் அவ்லியா என்றும், ஷைகு என்றும் அந்த வழிகெட்டவர்களின் பெயர்களை போடும்போது ரஹ்மதுல்லாஹி அலைஹி என்றும் போடுகின்றார்கள். நாயகத்தின் சுன்னத்தை விட்ட ஒரு வலியின் விலாயத்தையே குதுப் நாயகம் பறித்துவிட்டார்கள் என்றால் ரசூலை இழிவு படுத்தி பேசியவனையும், எழுதினவன்களையும் அவர்களை ஆதரிக்கின்ற இந்த நூரிஷாஹ் தரீகதினரை எப்படி தன்னுடைய தரீகா என்னும் விலாயத் வட்டத்தினுள் குதுப் நாயகமவர்கள் சேர்ப்பார்கள்? இதனால்தான் இன்றைய காலகட்டத்தில் வாழ்கின்ற காதிரிய்யா, ஜிஷ்திய்யா , நக்ஷபந்திய்யா , ரிபாயிய்யா போன்ற மற்ற எல்லா தரீகாக்களின் ஷைகுமார்களிடதிலும், ஒலிமார்களிடதிலும் நீங்கள் சென்று கேட்டுபாருங்கள் நூரிஷாஹ் தரீகா எப்படி? அந்த தரீகா உண்மையானதுதானா? என்று கேட்டுபாருங்கள் அவர்களிடமிருந்து வரும் பதில் “நூரிஷாஹ் தரீகா சரி இல்லை. அவர்கள் வழி தவறி விட்டார்கள் என்றுதான் பதில் வரும்.
ஏன் அவர்களில் இருந்து இந்த பதில் வருகின்றது என்றால் இவர்களுடைய தரீகாக்கள் எல்லாம் நாயகத்தை இழிவு படுத்தி எழுதிய தப்லீக் இயக்கத்தையும், தப்லீக் உலமாக்களையும் ஆதரிப்பது இல்லை .

அதிகமான கலீபாக்களை நியமித்தல்

நூரிஷாஹ் தரீகாவில் நிறைய கலீபாக்கள் உள்ளனர். ஒரு ஷைகிற்கு பல கலீபாக்கள் இருக்கின்றார்கள். அது மட்டுமில்லாமல் சிறுவர்களுக்கும் கிலாபத் கொடுக்கப்படுகின்றது. 23 மற்றும் 25 வயதுள்ள இளைனர்களுக்கு ஜிஸ்திய்யா காதிரிய்யா தரீகா கலீபாவாக நியமிக்கின்றார்கள். அன்பர்களே நம்முடைய தரீகாக்களின் ஒலிமார்களெல்லாம் தங்களுடைய முரீதுகளை நன்றாக ஆன்மீக பயிற்சி கொடுத்து அவர்களுக்கு பல சோதனைகளை கொடுத்து அதில் அவர்கள் வெற்றி கண்ட பின்புதான் தன்னுடைய பிரதிநிதியாக நியமிப்பார்கள். ஆனால் நூரிஷாஹ் தரீகாவிலோ பெரியவங்களுக்கும் சரி, சிறியவர்களுக்கும் சரி எல்லாத்துக்கும் கிலாபத் கொடுப்பார்கள். ஆகவே நாம் இது போன்ற போலி தரீகாக்களின் கொள்கைகளையும், அவர்களின் இந்த மாதிரியான போலி செயல்களையும் தெரிந்து ஒதுங்கி கொள்ள வேண்டும்.

சில்சிலாவின் குறைபாடு

தரீகா என்றால் ஞான நாதாக்களின் சில்சிலா வழிதொடர் அவசியம். அந்த சில்சிலாவில் வருகின்றவர்கள் கண்ணியமிக்கவர்கலாகவும், சுன்னத் வல் ஜமாத்தினர்களை சார்ந்தவர்களாகவும் உள்ளவர்களை கொண்டதாக இருப்பது அவசியத்திலும் அவசியம் ஆகும். கனவில் பெற்றதாக இருக்க கூடாது. அந்த சில்சிலா வழிதொடர் உண்மையானதாக இருக்க வேண்டும். அப்போதுதான் தொடர்பு தம் ஷைகிலிருந்து முஹம்மது நபி சல்லல்லாஹு அலைஹிவசல்லம் அவர்கள் வரை அல்லாஹ்வை சென்றடைய முடியும். ஷைகுனா அஷ்ஷைகு முஹியத்தீன் அப்துல் காதிர் ஜீலானி ரலியல்லாஹு அன்ஹு அவர்கள் அவர்களுடைய காதிரிய்யா தரீகாவில் ஒருவருக்கு முரீது கொடுத்தபின்பு அவர்களுக்கு நபிகள் சல்லல்லாஹு அவர்களிடமிருந்து அலி ரலியல்லாஹு அன்ஹு அவர்களின் வழியாக வரக்கூடிய சில்சிலாவை குதுப் நாயகம் அவர்கள் தன்னுடைய முரீதுக்கு கொடுப்பார்கள், குதுப் நாயகம் அவர்களை போன்ற தரீகதுடைய எல்லா ஷைகுமார்களும் மற்றும் ஒலிமார்களும் இன்றுவரை தாங்கள் முரீது கொடுக்கும்போது சில்சிலா வை கொடுப்பார்கள் . ஆனால் நூரிஷாஹ் தரீகாவில் பைஅத் எடுப்போருக்கு அவர்களின் ஷைகுமார்கள் அவர்களுடைய ஞான வழி சில்சிலாவை கொடுப்பதில்லை. ஏன் அவர்கள் அவர்களுடைய சில்சிலாவை கொடுப்பதில்லை என்றால் அவர்களுடைய ஞான வழிதொடர் சில்சிலாவிலே பல குளறுபடிகள் இருக்கின்றது. நூரிஷாஹ்வின் தொடரை பார்ப்போமானால், அவர் எட்டு தரீகாவிர்க்கு கிலாபத் பெற்றவராகவும், தன்னை ஷைகு என்றும் கூறி வெளியிட்டுள்ளார். இவருடைய சுஹ்ரவர்த்திய்யா , நக்ஷபந்திய்யா தரீகாக்களின் தொடர்களில் செய்யிதினா அலி ரலியல்லாஹு அன்ஹு அவர்களை அடுத்து அவர்களின் மகனார் செய்யிதினா இமாம் ஹசன் ரலியல்லாஹு அன்ஹு அவர்களை அடுத்து (அவர்களின் மகனார்) செய்யிதினா இமாம் ஹுசைன் ரலியல்லாஹு அன்ஹு அவர்களும் இடம் பெற்றுள்ளனர்.

உலகிலுள்ள எந்த சில்சிலாவிலும் இந்த வழிமுறை இல்லை. மற்றும் வரலாற்று குறிப்புகளோ ஆதாரங்களோ காணக்கிடைக்கவில்லை. “தபகாதிய்யா சில்சிலாவில் ஏழு, எட்டு வது தொடருக்கு பின் நீண்டதொரு ஷைகுமார்கள் இடைவெளி உள்ளது. அடுத்து, சில்சிலாயே அக்பரிய்யா உவைசிய்யாவில் நூரிஷாஹ் 5 -வது ஷைகாக வருகின்றார். சுமார் 1430 வருடங்களுக்கு இந்த தரீகாவில் 5 ஷைகுமார்கள்தானா? ஆக தங்களுக்கு தகுந்தவாறு சில்சிலா தொடர்களை தயாரித்துள்ளார் என்பதும், இந்த நூரிஷாஹ் தரீகாவின் சில்சிலா போலியானவை என்பதும் தெரியவருகின்றது. அப்படியிருக்க இந்த தொடர்பில் கண்மணி நாயகம் சல்லல்லாஹு அலைஹிவசல்லம் அன்னவர்களின் தொடர்பு எவ்வாறு கிடைக்கும்? ஆகவே அன்புள்ளம் கொண்டவர்களே இந்த மாதிரி போலி சில்சிலாக்களை கொண்டுள்ள தரீகாக்களில் பைஅத் எடுத்தாலும் அல்லது கிலாபத் எடுத்தாலும் சரி இவைகள் இரண்டும் செல்லாது. எனவே காமிலான ஷைகுமார்களின் உண்மையான சில்சிலாக்களில் வரக்கூடிய ஷைகுமார்களிடத்தில் எடுக்கின்ற பைஅத் மற்றும் கிலாபத் மட்டும்தான் அங்கீகரிக்கப்படும் என்பதை நாம் நினைவில் கொள்ள வேண்டும்.
அன்பர்களே கருணை நபியவர்களை இழிவாக பேசிய தப்லீக் மௌலவிகளுக்கு வக்காலத்து வாங்கும் இவர்கள் உண்மையிலேயே இவர்கள் தரீகத்தை சார்ந்தவர்கள் இல்லை தரீகத்தின் போர்வையில் வந்த வழிகெட்ட தப்லீக்வாதிகள் என்பது நமக்கு இவர்களுடைய செயல்பாடுகளிலிருந்து நமக்கு தெரிய வருகின்றது. உலகத்திலுள்ள எல்லா தரீகாகளும் ரசூல் சல்லல்லாஹு அலைஹிவசல்லம் அவர்களை குறைத்து இழிவாக பேசிய இந்த தப்லீக் உலமாக்களை வழிகெட்டவர்கள் என்று பத்வா கொடுத்திருக்கின்றார்கள். அப்படியிருக்க ரசூல் சல்லல்லாஹு அலைஹிவசல்லம் அவர்களை அவர்களின் கண்ணியத்தை குறைத்து பேசி, எழுதி வைத்து விட்டு சென்ற அஷ்ரப் அலி தானவி. ரஷீத் அஹ்மத் கன்கோஹி, இஸ்மாயில் தெஹ்லவி, இல்யாஸ் காந்தலவி போன்றவர்களை சரியானவர்கள் என்றும் வலியுல்லாஹ் என்றும் கூறுகின்றார்கள் நூரிஷாஹ்வினர். நாம் நம்முடைய மனதில் தோன்றுவதை இதில் எழுதவில்லை. நூரிஷாஹ் தரீகதினர் பேசிய பேச்சுக்களில் இருந்தும் மற்றும் அவர்கள் வெளியிட்ட புத்தகங்களில் இருந்தும் நாம் காட்டுகின்றோம். நாம் ஆதாரங்களை எல்லாம் வைத்து தான் இருக்கின்றோம். அதனை வைத்துதான் நாம் எழுதுகின்றோம்.
உண்மையே பொய்யாகுகின்றவனும், பொய்யே உண்மைபடுத்துகின்றவனும் உண்மை தரீகாவினரை சார்ந்தவர்களாக இருக்க முடியாது.

ஷைகு என்று சொல்லிக்கொண்டு வருபவர்களிடம் இவைகள் இருக்கின்றதா என்று நாம் கவனிக்க வேண்டும்

1 . உங்களது ஊருக்குள்ளே ஷைகு என்று சொல்லிக்கொண்டு வருபவர் முதலில் அவர் சுன்னத் வல் ஜமாஅத் கொள்கையே சர்ந்தவர்தானா என்று தெரிந்துகொள்ளுங்கள்.

2 . மேலும் அவர் ஆஷிகே ரசூலாகவும் இருக்கின்றாரா மற்றும் அவர் தன்னை போன்ற ஷைகுமார்களையும், அதன் வழிவந்த ஒலிமார்களையும் குறை காணாதவராகவும் இருக்க வேண்டும்.

3 . தன்னுடைய காலத்திலே வாழக்கூடிய சுன்னத் வல் ஜமாஅத் உலமாக்களையும், ஷைகுமார்களையும் நேசிக்க கூடியவராக இருக்க வேண்டும்.

4 . அந்த ஷைகையும் அவருடைய தரீகாவையும் அவர் வாழ கூடிய காலத்தில் வாழுகின்ற மற்ற தரீகாவுடைய ஷைகுமார்களும், உலமாக்களும் சரி என்று ஏற்று இருக்க வேண்டும்.

5 .வழிகெட்ட வஹ்ஹாபிகளுக்கும், தப்லீக்காரர்களுக்கும் ஆதரவாக செயல் படகூடாது அப்படி அவர் தப்லீக்கின் வழிகெட்ட உலமாக்களை புகழ்ந்து கூறுவதாக இருந்தால் பசுத்தோல் போர்த்திய புலி என்பது போல தரீகா வேஷம் போர்த்திய போலி ஷைகு என்பதையும் நாம் தெரிந்திருக்க வேண்டும்.

எல்லாம் வல்ல அல்லாஹ் நம்மை இந்த வழிகெட்ட வஹ்ஹாபிய தப்லீக் மூடர்களை விட்டு காப்பாற்றி , நமது இறுதி மூச்சு வரை அல்லாஹ்வையும் அவனது ஹபீபும் உயிருக்கு மேலான அருமை நாயகம் சல்லல்லாஹு அலைஹிவசல்லம் அவர்களை நேசித்து அவர்களை கனவிலும் நினைவிலும் தரிசித்து அவர்களுடைய பிரதிநிதிகளாகிய ஒலிமார்களையும் நேசித்து அவர்கள் சென்ற வழியிலே செல்ல அல்லாஹ் நம்மனைவருக்கும் உதவுவானாக! ஆமீன்.

தொகுப்பு: எம்.எம். அஹ்மது

Need Explanation of New Thareeka-புதிய தரீகா பற்றிய விளக்கம் தேவை!

கேள்வி:

அஸ்ஸலாமு அலைக்கும்….

நான் முஹம்மத் ஷஹதுல்லாஹ், தேனி மாவட்டம் கம்பத்திலிருந்து. மிகப்பெரிய இம்மடலுக்கு மன்னிக்கவும். தங்களுடைய வெப்சைட் மிகவும் பயன் அளிப்பதாக உள்ளது. உண்மையான சுன்னத் வல் ஜமாஅத் அடிப்படை கொள்கைகளை எங்களைப் போன்றோருக்கு தந்து ஈமானை நிலை படுத்துகிறீர்கள். உங்கள் துஆவில் எங்களையும் சேர்த்து கொள்ளுங்கள். காயல் பதி நான் மிகவும் விரும்பும் ஊராகும், மதீனதுள் அவ்லியா என்ற சிறப்பு பெற்ற ஊரை நேசிப்பது கொண்டு அங்கு வாழும் சகல வலிமார்களின் ஆசியை நாடுகிறோம்.

நூரி ஷாஹ் தரீகா பற்றிய உண்மைகள் படித்தேன், ஸுபி மன்ஜில் வெப்சைட் இல்  நன்றாக விளக்கம் கொடுக்கப் பட்டிருந்தது. மற்றும் வஜ்{ஹன் நகி ஹழ்ரத், அப்துர் ரஜாக் கௌசி ஆலிம் , சைபுதீன் ரஹ்மானி ஸுபி ஹழ்ரத் அவர்கள் தப்லீக் ஜமாஅத் பற்றி பேசிய வீடியோ கேட்டேன். தனித்தனியாக முஹியத்தீன் டிவியிலும், மற்றும் அதே வீடியோக்கள் யூடியுப்பிலும் ஸுபி மன்ஜில் என்ற அக்கௌன்ட் தலைப்பின் கீழ் கேட்டேன். அதில் சைபுதீன் ரஹ்மானி ஸுபி ஹழ்ரத் அவர்கள் நூருன் நூர் என்ற புத்தகம் பற்றி குறிப்பிட்டு, நூரி ஷாஹ்வின் ஸைஹ் கௌசி ஷாஹ் அந்த நூலில் காபிர் என்று பத்வா  கொடுக்கப்பட்ட அஷ்ரப் அலி தானவி பற்றி புகழ்ந்திருப்பதாலும் அதே போல் அஷ்ரப் அலி தானவியும் இந்நூலை  புகழ்ந்திருப்பதாலும், மேலும் மார்க்கத்திற்கு முரணான பல கருத்துக்கள் பொதிந்திருப்பதாலும், அவர்கள் வழிகெட்ட தரீகாவாதிகள் என்று விளக்கினார்கள். வஜ்{ஹன் நகி ஹழ்ரத் அவர்கள் பேசும் போது நூரிஷாஹ் தரீகா சரியானது இல்லை என்பதை சொல்லி விட்டு , கௌசி ஸாஹ்வை ஏற்று கொள்கிறோம் என்று சொன்னார்கள். இதை பற்றி சிறுது விளக்கம் பெற்று தருமாறு கேட்டுக் கொள்கிறேன்.   

மற்றும் எனக்கு நிகழ்ந்த சில நூரி தரீகா பற்றிய விஷயங்களை பகிர்ந்து கொள்ள விரும்புகிறேன். நானும் நாகூரைச் சேர்ந்த எனது நண்பரும் இந்த நூரி ஷாஹ் தரீகா பற்றி விவாதித்து கொண்டிருந்தோம். அவர் அந்த தரீகாவிற்கு கடுமையான ஆதரவாளர். அனைத்து ஆதாரங்களுடன் அவர் தரீகாவை பற்றி விளக்கிய போது  பதில் தர இயலாத பட்சத்தில் , ஒரு கதை சொன்னார் என்னவென்றால் இவர்களுடைய ஸைஹ்  பைஜி ஷாஹ் ஏர்வாடி தர்காஹ் ஜியாரத்திற்கு சென்ற போது யாரும் அவ்வளவாக மரியாதை செய்யவில்லை, (நான் சுருக்கமாக கூறுகிறேன்) அவர் சென்றதிற்கு பின் இப்ராஹீம் பாதுஷா நாயகமவர்கள் அவர்களுடைய பிள்ளைகள் (லெவ்வைகள்) பலரின் கனவில் சென்று பைஜி ஷாஹ்விற்கு அவர்கள் திருக்கரத்தால் சண்டையிட்ட வாளை வழங்கி கண்ணியப்படுதுமாறு கூறியதாகவும், அதன் பேரில் முக்கியஸ்தர்களான லெவ்வைகள் பலர் கூடி வாளை லால்பேட்டைக்கு எடுத்துசென்று  கொடுக்கும்போதுபின்னால் வரும் சந்ததிகள் வாளை தங்களுக்கு சொந்தம் என உரிமை கொண்டாடகூடும் எனவே கனவில் சொல்லிருந்தாலும் ஏற்றுக்கொள்ளமுடியாது என்று கூறிய போது, லெவ்வைகள் அனைவரும் ஒரு பத்திரத்தில் வாள் பைஜி ஷாஹ்விற்கு பாதுஷா நாயகமவர்களின் உத்தரவிற்கிணங்க வழங்கப்பட்டது என்று எழுதி விழா எடுக்கப்பட்டு வழங்கப்பட்டதாகவும், இன்றும் அவ்வாழும் பத்திரமும் லால்பேட்டையில் இருப்பதாகவும் சொல்லி முடித்தார். இதை கேட்டு அதிர்ந்த நான்  அம்பா நாயகம், ஸுபி ஹழ்ரத், ஜலீல் ஹழ்ரத் மற்றும் நம் காலத்தில் இருக்கின்ற ஒவ்லியாக்கள் அனைவரும் நூரி ஷாஹ் தரீகா தவறானது என்று எச்சரித்திருக்க நீ சொல்வது சத்தியமாக சாத்தியமில்லை என்றேன். நான் ஏர்வாடியில் முக்கியமான இரண்டு லெவ்வைகளிடம் இது பற்றி விசாரித்த போது இப்படி ஒரு சம்பவம் நடக்கேவேயில்லை என்றும் வாளும் கிடையாது என்றும் விளக்கினர். இதற்கு பிறகும் என் நண்பர் நூரி ஷாஹ் தரீகாவில் தான் இருக்கிறார், அல்லாஹ் அவரை நேர் வழிக்கு கொண்டு வருவானாக.   

மற்றுமொரு சம்பவத்தையும் நான் குறிப்பிட விரும்புகிறேன் .  சில வருடங்களுக்கு முன்பு என் காயல் நண்பர் ஒருவர் இந்த நூரி தரீகா பற்றி எச்சரித்து இருந்தார். நான் அதை மறந்துவிட்டு மற்றொரு நண்பர் மூலமாக பிலாலி ஷாஹ் தரீகாவில் சேர்ந்தேன். அவருடைய வீட்டில் தான் ஞாயிறன்று திக்ர் மஜ்லிஸ் நடக்கும்.  முதல் தடவையாக பைஅத் வாங்குவதற்கு  சென்றோம்.'முஹம்மத்' என்ற திக்ரு அதிகமாக மஜ்லிஸில் இடம்பெற்றிருந்தது. மஜ்லிஸ் முடிந்தவுடன் யாரெல்லாம் பைஅத் இன்று வாங்கவேண்டுமோ வாருங்கள் என்று அழைத்தார். நாங்கள் சென்று பெற்றுக்கொண்டோம். இந்த நாளிலா அல்லது மற்றொரு நாளிலா (அந்த நாளில் கம்பம் அருகாமையில் உள்ள உத்தமபாளையம் என்ற ஊரிலிருந்து ஒரு ஆலிம் பைஅத் வாங்கினார்) என்று தெரியவில்லை, பிலாலி ஷாஹ் எந்த ஊரிலிருந்து வருகிறீர்கள் என்று கேட்டபோது கம்பம் என்றோம். மேலும் தொடர்ந்தார், அம்பா நாயகம் என்றொரு வலியுல்லாஹ் இருக்கிறார்கள் கம்பத்தில், இருவர் அவர்களிடம் சென்று பைஅத் கேட்டனர், அதற்கவர்கள் லவ்{  வைப்பார்துவிட்டு ஒருவருக்கு மட்டும் பைஅத் வழங்கி மற்றொருவரை பிலாலி ஷாஹ்வாகிய என்னிடம் போக சொன்னார்கள். பின்னாளில் பிலாலி ஷாஹ் தரீகாவும் நூரி ஷாஹ் தரீகவும் ஒன்றுதான்  என்றும், இவர்களை பற்றி அம்பா நாயகம் எச்சரிதிருபதையும் கம்பம் நண்பர் ஒருவர் மூலமாக தெரிந்ததும், அம்பா நாயகம் பற்றி பிலாலி சொன்னது பச்சை பொய் என்று விளங்கி அக்கூட்டத்தை விட்டு விலகி விட்டேன். அல்லாஹ் எல்லோரையும் இது போன்ற வழிகெட்டவர்களை விட்டு பாதுகாப்பானாக.

சுன்னத் ஜமாஅத் ஐக்கியப் பேரவை தலைவர் ஸைஹ் அப்துல்லாஹ் ஜமாலி நூரி ஷாஹ் தரீகாவை ஆதரிப்பதாக கேள்விப்பட்டேன், அவர் பயானை கேட்க தயக்கமாய் உள்ளது.

கீழக்கரை சுஐப் ஆலிம் அவர்கள் நூரி ஷாஹ் தரீகா பக்கம் இருப்பதாக சொல்கிறார்கள் , பிலாலி பங்கேற்ற மேடையில்  சுஐப் ஆலிம் அவர்கள்  பிலாலியை  புகழ்ந்ததாக கூறுகிறார்கள், அவர்கள் சொல்வது சுத்தப் பொய்யாகத் தான் இருக்கும்.

 ஏர்வாடி பாதுஷா நாயகம் அவர்கள் ஹாலிராகி மதிப்பிற்குரிய மதுரை அப்துஸ்ஸலாம் ஹழ்ரத் அவர்களுக்கு கண்ணாடி பைத்தை வெளியாக்கினார்கள். அவர்களுடைய பேரராகிய மதுரை அப்சர் ஹுசைன் ஹழ்ரத் அவர்கள் ஷாதுலியா தரீகாவின் கலிபாவாகவும் இருகிறார்கள். இவர்களுடைய மகன் முஹம்மது முயினுதீன் இப்ராஹீம் ஆலிம் பைஜி அவர்கள் 'அரபி மௌலித் ' என்ற ஏர்வாடி ஷரீபின் அரபி மௌலித்  கிதாபிலே பாதுஷா நாயகத்தின் பேரராகிய நல்ல இப்ராஹீம் நாயகத்தின் மீது (புத்தகத்தின் கடைசியில் இருந்து மூன்று பக்கங்களுக்கு முன்னாள்) கவி யாத்திருகிரார்கள் . இவர்கள் பெயர் பைஜி என்று முடிவடைகிற படியால் எனக்கு இவர்கள் மேல் சந்தேகம் வந்தது. இது தவறா என்று தெரியவில்லை, எனக்கு தெளிவுபடுத்தவும் .

தேங்கை ஷரபுதீன் மிஸ்பாஹி அவர்கள் எழுதிய 'கன்னித்தமிழில் கசீததுல் புர்தா  பானத்  சுஆத் ' என்ற நூலில்  பக்கம் 6 இல் சங்கைக்குரிய ஜலீல் ஹழ்ரத் அவர்களை புகழ்ந்து சொல்லிவிட்டு பக்கம் 8 இல் பிலாலி ஷாஹ்வையும் சில வார்த்தைகளால் சிலேகித்திருகிறார். இப்புத்தகத்தை நான் படிக்கலாமா.

மற்றும் ஒரு கடைசி சந்தேகம், முஹியித்தீன் டிவியில் ஒரு ப்ரோக்ராம் பார்க்கையில், அது  மஸ்னவி ஷரீப் விளக்கம் கூடிய ஒரு புத்தகத்தின் வெளியீடு விழா. சங்கைக்குரிய ஸுபி ஹழ்ரத் (ஸுபி ஹழ்ரத்  அவர்களின் கலீபா  சிகப்பு தலைப்பாகை எப்போதும் அணிந்திருப்பார்கள், பெயர் தெரிய வில்லை) அவர்களின் கலீபா, மற்றும் சங்கைக்குரிய ஜலீல் ஹழ்ரத் அவர்கள் பங்கேற்று வெளியிட வந்திருந்தார்கள் ,நூலை முத்தமிட்டு வெளியிட்டார்கள். மக்லரா அரபிக் கல்லூரி முதல்வர் அப்துல் காதர் ஹழ்ரத் அவர்கள் முதலில் பேசினார்கள்.   

பின்பு நிகழ்ச்சி நிரலாக ஒரு ஹழ்ரத் பேசினார்கள்(பெயர் தெரியவில்லை).  பேசும் போது மஸ்னவி ஷரீப் விளக்கம் நூலை பற்றி பேசிவிட்டு இந்நூலை வெளியிட்டவரை  இவருடைய ஸைஹ் என்று கூறினார், அவர் ஸைஹ் என்று கூறப்பட்டவர் நூரிஷாஹ் தரீகாவை ஒட்டியதாக இருந்தது. இவர் தான் பிரச்சனை. இவரும் காயல் தான். வழக்கமாக நான் சென்னை திருவல்லிக்கேணி பள்ளியில் (பெரிய தெருவில் உள்ளது), தொழும் போது (இன்றும்) இவர் தான் பிரசங்கம் செய்வார். ஒருமுறை ஏதோ ஒரு வருடம் ஆ{ரா நாளா, பராஅதா  தெரியவில்லை, அன்றைய ஜும்மாவில்  பேசிவிட்டு அன்றைய சிறப்புக்குரிய நாள் பற்றி ஒரு புத்தகம் தான் எழுதி இருப்பதாகவும், ஜும்மா முடிந்து 15 ரூபாய் ஹதியா கொடுத்து பெற்றுக்கொள்ளுமாறும் கூறினார்.நானும் தொழுகை முடிந்ததும் அச்சிறுநூலை வாங்கி அணிந்துரை படித்தேன், அதில் இந்த பைஜி ஷாஹ் பற்றி புகழ்ந்து கூறப்பட்டதனால் அந்நூலை கிழித்தெறிந்து விட்டேன். முடிந்தால் இதை பற்றிய விளக்கம் தரவும்.

நான் இவ்வளவு பெரிய கேள்வி லிஸ்டை கொடுத்ததற்கு (சிரமத்திற்கு) மன்னிக்கவும். சில சமயம் சம்பந்தம் இல்லாத விசயங்களையோ கேள்விகளையோ இந்த கடிதத்தில் கொடுத்திருந்தால் மன்னிக்கவும்.

சலாம்……
சி.முஹம்மது ஷஹதுல்லாஹ்

பதில்:

அன்புள்ள சகோதரார் சி.முஹம்மது ஷஹதுல்லாஹ் அவர்களுக்கு,

அஸ்ஸலாமு அலைக்கும்.

தங்களுடைய மடல் கிடைத்தது. மடல் மிக நீண்டு இருந்தாலும் விசயங்கள் அதிகம் இருந்தது. தாங்கள் நூரிஷாஹ் தரீகாவைப் பற்றி மிகவும் அறிந்து வைத்திருக்கிறீர்கள். அவர்களின் வழிகேட்டைப் பற்றி நாங்கள் விபரமாக எழுதியிருந்தோம். தாங்கள் பார்த்து தங்களின் சந்தேகங்களை எழுதியிருக்கிறீர்கள். இன்ஷாஅல்லாஹ் ஷெய்குமார்களின் உதவியால் இந்த விசயங்களை நாம் தெளிவுபடுத்துவோம்.

தங்களின் முதல் சந்தேகத்திற்குரிய பதில்:

நூரிஷாஹ் தரீகா ஆரம்பத்தில் சுன்னத் வல் ஜமாஅத் என்ற போர்வையில் தரீகா ஷெய்குமார்கள் வேஷத்தில் ஹைதராபாத்திலிருந்து கேரளத்திற்கும், தமிழ்நாட்டிற்கும் வந்தது. அந்த சமயத்தில் இதன் வெளிவேஷத்தைக் கண்டு மயங்கிய பலர் ஆலிம்கள் உட்பட கேரளாவிலும் அதன்பின் தமிழகத்திலும் அதில் சேரத்துவங்கினர். நல்ல பண்பட்ட ஆலிம்கள் இதன் அந்தரங்கத்தைத் தெரிந்து அதை ஆராய்ச்சி செய்து பார்த்ததில் இது சுன்னத் வல் ஜமாஅத்திற்கு முற்றிலும் மாறுபட்டது என்று விளங்கி அதற்கு எதிராக பத்வா வெளியிட்டார்கள்.

தமிழகத்தில் இந்த தரீகாவின் தாககம் அதிகமானது சுமார் 18 வருடங்களாகத்தான். அதனால் நமது ஷெய்குமார்களும், ஆலிம்களும் அதைப் பற்றி சிந்திக்கத் தலைப்படவில்லை. சுன்னத் வல் ஜமாஅத்திற்கு மாற்றமாக ஒரு கொள்கை, இயக்கம் வருகிறதென்றால் நமது ஆலிம்கள் அதற்கு எதிராக செயல்பட்டு மக்களை எச்சரிக்கத் தவறுவதில்லை. ஆனால் இந்த தரீகா தரீக் என்ற போர்வையிலும், ஷெய்குமார்கள், சில்சிலாக்கள் மற்றும் சுன்னத் வல் ஜமாஅத் என்ற போர்வையிலும் வந்ததால் இதன் அடிப்படைக் கொள்கை என்னவென்று மக்களுக்குத் தௌ;ளத் தெளிவாக தெரியாமல் இருந்தது. மேலும் அவர்கள் தங்கள் போதனைகளை இரகசியமாக செய்து வந்தனர். அவர்களின் கொள்கை மற்றும் ஷெய்குமார்கள் தொடர்பு பற்றி தெரியாமலிருந்தது.

இச்சமயத்தில் சுமார் 18 வருடங்களுக்கு முன் தமிழ்நாடு சுன்னத் வல் ஜமாஅத் உலமாசபை தஞ்சாவூரில் கூடி இது பற்றி கவனத்தில் எடுத்துக் கொண்டு இதற்கு எதிராக தீர்மானம் கொண்டு வர முயற்சித்தது. அச்சமயம் இந்த சபையில் உறுப்பினராக இருந்த மௌலவி ஷேக் அப்துல்லா ஜமாலி அவர்கள் அந்த தீர்மானம் கொண்டுவர விடாமல் தடுத்துவிட்டார். அவர்களைப் பற்றி விசாரித்து அதன்பின் தீர்மானம் கொண்டு வரலாம் என்று கூறியதால் அதற்கு என்று ஒரு குழு போடப்பட்டு அதில் அந்த ஜமாலி ஹஜ்ரத் அவர்களையும் உறுப்பினராக்கி விளக்கம் கேட்க சொல்லப்பட்டது. சுமார் 18 வருடங்களுக்கு மேலாகியும் இதுவரை அவர் விளக்கம் கேட்கவும் இல்லை. மாறாக இந்த சபையிலிருந்து வெளியேறி தனியாக ஒரு அமைப்பைத் துவக்கி நூரிஷா தரீகாவிற்கு ஆதரவாக செயல்படத் துவங்கினார். ஆக ஜமாலி ஹஜ்ரத் அவர்கள் சுன்னத் வல் ஜமாஅத்திற்கு விரோதமான நூரிஷாஹ் தரீகாவின் தீவிர ஆதரவாளர் என்பது உண்மைதான்.

அவரின் விளக்கம் கிடைக்காததினால் கடந்த சில வருடங்களுக்கு முன் மேற்கண்ட உலமாசபை கூடி நூரிஷாஹ் தரீகா சுன்னத் வல் ஜமாஅத் கொள்கைக்கு முற்றிலும் மாறுபட்ட ஒருவழி கெட்ட இயக்கம். அதில் மக்கள் சேரக்கூடாது என்று தீர்மானம் நிறைவேற்றி அதை பிரசுரமாக அச்சடித்து மக்கள் மத்தியிலும் விநியோகிக்கப்பட்டது.

இந்த சமயத்தில் நமது சுன்னத் வல் ஜமாஅத் ஆலிம்கள் இந்த தரீகாவைப் பற்றிய ஆராய்ச்சியில் இறங்கினார்கள். அதில் நமது சகாப் ஹஜ்ரத் அவர்கள் தங்களுக்கு கிடைத்த ஆதாரங்களை வைத்து பலர் சொல்வதைக் கேள்விபட்டு கௌஸிஷாஹ் நல்லவர் என்று கூறியிருப்பார்கள். முன்பு நூரிஷாஹ்வின் கலீபாக்கள்தான் அஷ்ரப்அலி தானவியை போற்றுவதாக சொல்லப்பட்டது. அதை வைத்து சகாப் ஹஜ்ரத் அவர்கள் பயானில் சொல்லியிருக்கிறார்கள். அவர்களுடைய ஷெய்குமார்களும் அவரை ஆதரிக்கிறார்கள் என்ற உண்மை அந்த தரீகாவினர் தங்கள் கொள்கைகளை புத்தகங்களாக வெளியிட்ட போதுதான் தெரியவந்தது.

அந்த புத்தகங்களைப் பார்த்து ஆராய்ந்துதான் ஷெய்கு ஸைபுத்தீன் ஸூபி ஹஜ்ரத் அவர்கள் கௌஸி ஷாஹ்வும் வழிகேடர்தான் என்றும், அவர்களின் ஸில்ஸிலா தொடர் வழிகேடர் இஸ்மாயில் திஹ்லவி(தக்வியத்துல் ஈமானை எழுதியவர்)யின் நண்பர் மற்றும் ஷெய்குமான செய்யிது அஹ்மது பரேலவீ மூலம் வருகிறது என்பதைக் கண்டறிந்து மொத்த தரீகாவும் வழிகேடானது என்று சொல்கிறார்கள்.

மேலும் அவர்கள் சிலர் சொல்லாததையும், எழுதாததையும் சொல்லியதாகவும், எழுதியதாகவும் சொல்கிறார்கள். இதே விசயத்தில்தான் 'அம்பாநாயகம்' அவர்கள் மதிப்புரை கொடுக்காததை கொடுத்ததாக சொல்லியிருக்கிறார்(திருக்கலிமாவின் பொக்கிஷம் என்ற நூலில் வந்த மதிப்புரை)
இதேமாதிரிதான் அவர்களின் கராமாத்துக்களும்(?) சம்பவங்களும் இருக்கின்றன. அதை நீங்களும் பார்த்து எமக்குத் தகவல் தந்திருக்கிறீர்கள்.

கீழக்கரை சுஐப் ஆலிம் அவர்கள் தங்கள் மத்ரஸா பட்டமளிப்பு விழாவிற்காக பைஜிஷாஹ்வை அழைத்திருந்தது உண்மை. தாங்கள் சுஐப் ஆலிம் அவர்களைப் பற்றி தாங்கள் கேள்விப்பட்டது உண்மையாக இருக்கலாம்.

'பைஜி' என்று பைஜிஷாஹ்விடம் முரீதாகியவர்கள் தங்கள் பெயரின் பின்னால் போட்டுக் கொள்கிறார்கள். அதே சமயம் சில மத்ரஸாக்களில் கொடுக்கப்படும் ஆலிம் ஸனதுகளுக்குப் பெயரும் பைஜி என்று இருக்கிறது. உதாரணமாக கேரளா பட்டிக்காடு அரபி மத்ரஸாவில் அளிக்கப்படும் பட்டம் பைஜி, திருநெல்வேலி பேட்டை மத்ரஸாவில் அளிக்கப்படும் பட்டமும் பைஜிதான். ஆகவே இதை ஆராய்ந்து பார்த்து தெளிவு பெறுவது நலம்.

இந்த புத்தகத்தில் பிலாலிஷாஹ்வின் அணிந்துரை எழுதப்பட்டிருக்கிறது. இதைப்பற்றி தேங்கை சர்புத்தீன் அவர்களிடமும், அதை வெளியிட்ட சுலைமானியா பப்ளிஷர் நிறுவனர் சுலைமான் ஹாஜி அவர்களிடமும் கேட்கப்பட்டது. அதற்கு அவர்கள் அவர் ஆஷிகே ரஸூல் அல்லவா? என்றார்கள். பிலாலி ஷாஹ் பற்றி அவர்கள் தெரிந்து வைத்திருந்தது அவ்வளவுதான். அவரின் கொள்கையைப் பற்றித் தெரியவில்லை. இதில் வேடிக்கை என்னவென்றால், கற்றறிந்த ஆலிம்களும் இதில் சிக்கி மாட்டித் தவிக்கின்றனரே எனும்போது வியப்பிற்குரியதாக இருக்கிறது.

அபூலஹப் முஹம்மத் ஸல்லல்லாஹு அலைஹி வஸல்லம் அவர்களின் பிறப்பைக் கேள்வியுற்று ஒரு அடிமையை சுட்டுவிரல் காட்டி உரிமைவிட்டதினால் அவன் ஆஷிகே ரஸூல் ஆகிவிடுவானா? முனாபிக்குகளின் தலைவனான அப்துல்லாஹ் இப்னு உபை தன் மரண நேரத்தில் தம் மகனாரை அழைத்து (மகனார் ஒரு ஸஹாபி) நபிகளாரின் உடையை தனக்கு கபனாக போர்த்தும்படி சொன்னதினால், அவர் ஆஷிகே ரஸூலாகி விடுவாரா?இதேபோல்தான் பிலாலிஷாஹ்வும். அவர் தான் சேர்ந்திருக்கிற வழிகெட்ட தரீகாவை விட்டும், ரஸூல் முஹம்மத் ஸல்லல்லாஹு அலைஹி வஸல்லம் அவர்களை இழிவுபடுத்திய அஷ்ரப் அலி தானவியை போற்றும் ஷெய்குமார்களை விட்டும் தவ்பா செய்து வெளியில் வரட்டும். நான் ரஸூலையும் புகழ்வேன் அவர்களை இகழ்ந்தவர்களையும் புகழ்வேன் என்று சொன்னால் என்ன அர்த்தம்? நீங்களே யோசியுங்கள்.

மஸ்னவி ஷரீப் புத்தகம் வெளியிட்டதும் அதில் சங்கைமிகு ஜலீல் ஹஜ்ரத் மற்றும் சங்கைமிகு ஊண்டி செய்யிது முஹம்மது ஆலிம் ஸூபி போன்றோர் கலந்து கொண்டதும் உண்மை. மஸ்னவி ஷரீபை (தமிழ்) முதன் முதலில் சென்னையில் வெளியிட்ட நபர் தாங்கள் கூறிய மௌலவி அபூதாஹிர் ஆலிம் மஹ்லரி அவர்களின் ஷெய்கான பஹீமுல்லாஹ் ஷாஹ் என்பதும் உண்மை. இவர் நூரிஷாஹ் தரீகாவை சார்ந்தவர் அல்ல.

ஆனால் அவ்வெளியீட்டு விழாவில் நூரிஷாஹ் ஆதரவாளர்கள் கலந்து கொண்டது பின்புதான் தெரியவந்தது. இந்த அபுதாஹிர் ஆலிம் மஹ்லரி அவர்கள் சுன்னத் வல் ஜமாஅத்தைச் சார்ந்திருந்தார். இவரின் தந்தை ஸூபி ஹஜ்ரத் அவர்களின் முரீதுமாக இருந்தார்கள். ஆக இதை நம்பித்தான் மேற்கண்ட இருவரும் இந்த விழாவில் கலந்து கொண்டனர். தெரியாமல் நடந்துவிட்ட சம்பவம் இது. மேலும் சங்கைமிகு ஜலீல் ஹஜ்ரத் அவர்கள் நடாத்தும் முஹிய்யத்தீன் டிவியில்தான் நூரிஷாஹ் தரீகா பற்றிய விபர உரைகளும் இடம் பெறுகின்றன. அதேபோல் அவர்கள் அதை சி.டிக்களாக வெளியிட்டும் வருகிறார்கள்.

ஆக நூரிஷாஹ் தரீகா வழிகேடானது என்பதில் ஐயமில்லை. இன்னும் மக்கள் மத்தியில் இதைப் பற்றிய தெளிவான விபரங்கள் தெரியவில்லை. ஆகவே தெரியாமல் சில சம்பவங்கள் நடந்து விடுகின்றன.

எங்களால் முடிந்த அளவு உங்களுக்கு அல்லாஹ்வின் உதவியாலும் ஷெய்குமார்களின் துஆபரக்கத்தாலும் பதில் அளித்து விட்டோம். இதில் தங்களுக்கு திருப்தி இருக்கும் என்று நம்புகிறோம்.

எங்கள் ஹக்கில் துஆ செய்ய வேண்டுகிறோம்.

நிர்வாகி,

ஸூபிமன்ஜில் டாட் ஓஆர்ஜி இணையதளம்.

நூரி ஷாஹ் தரீகா பற்றிய உண்மைகள்-Real Fact of Noorie Sah Tareeka

நூரி ஷாஹ் தரீகா பற்றிய உண்மைகள்!

1. நூரிஷாஹ்வின் ஞானவழித் தொடர்

2.யார் இந்த ஸெய்யித் அஹ்மத் பரேலவீ?

3.நூரிஷாஹ் தரீகாவின் ஷெய்குமார்களின் நிலைகள்

4.நூரிஷாஹ் தரீகாவின் மெய்(அஞ்)ஞானமும், ஸூபிகளின் மெய்ஞ்ஞானமும்

5.உண்மை ஸூபியாக்களின் நிலை

6.ஆதார நூல்கள்

தமிழகத்தில் சுமார் 30 வருடங்களுக்கு முன் மெய்ஞ்ஞான வழி, தரீகத், சுன்னத் வல் ஜமாஅத், ஷெய்குமார்கள் என்ற போர்வையில் நுழைந்த இயக்கம்தான் நூரி ஷாஹ் தரீகா ஆகும். ஆரம்பத்தில் ஆந்திர மாநிலம் ஹைதராபாத்தைச் சார்ந்த நூரி ஷாஹ் என்பவர் தன்னை காதிரிய்யா, ஜிஷ்திய்யா தரீகாக்களின் ஷெய்கு என்று பிரபலபடுத்திக் கொண்டுதான் நுழைந்தார். பின் மக்களிடையே தான் ஸில்ஸிலாயே நூரிய்யா என்ற தரீகத்தின் ஸ்தாபகர் என்று கூறிக் கொண்டார். நன்கு நாவன்மையுடைய அவருடைய பேச்சில் மதிமயங்கி கேரளா, தமிழ்நாடு முஸ்லிம்களில் ஆலிம்களும் அவரிடம் பைஅத் வாங்கினார்கள்.

இதற்கிடையில் சென்னை திருவல்லிக்கேணி பகுதியில் இவரது ஷெய்கான கௌஸ் அலி ஷாஹ் என்பவர் தமது தரீகாவை நிறுவி அங்கும் முரீதுகள் கொடுத்து வந்தார். இந்நிலையில்தான் நூரி ஷாஹ் தமிழகத்தில் நுழைந்தார். இவ்விருவர்களுக்கிடையே பிரச்சனைகள் தோன்றி இருவரும் சொற்போரில் ஈடுபட்டனர். அவன் என் முரீது இல்லை மரீதாகி விட்டான் என்று ஷெய்கு கூறும் அளவிற்கும், ஷெய்கின் முரீதுகள் நூரி ஷாஹ்வா? நாரி ஷாஹ்வா?, என்று வால்போஸ்டர் ஒட்டி பிரபலப்படுத்தியிருக்கும் அளவிற்கு பகைமைகளை வளர்த்துக் கொண்டனர்.

கேரளா சென்று அங்கும் தன் தரீகாவை பரப்பிய நூரிஷாஹ் பட்டிக்காடு என்னும் ஊரில் ஜாமிஆ அரபிய்யா நூரிய்யா என்ற அரபு கல்லூரி (மத்ரஸா) யை தோற்றுவித்தார்.

மக்கள் இவர் சேவையாற்றுகிறார் என்று எண்ணி இவர் தரீகாவில் சேரவாரம்பித்தனர். இவரின் தரீகாவில் மக்கள் கூட்டம் அதிகமாகவே தன் கொள்கைகளை பகிரங்கமாக பேசவாரம்பித்தார். இவரின் இந்தப் போக்கை கண்ட கேரளாவின் சமஸ்த கேரளா ஜம்இய்யத்து உலமா சபையினர் மௌலவி கே.கே. அபூபக்கர் முஸ்லியார் தலைமையில் ஒன்று கூடி இவரின் கொள்கை மற்றும் தரீகத்தை ஆய்வு செய்து கடந்த 16-12-1974 அன்று, 'நூரிஷாஹ் தரீகா இஸ்லாம் மார்க்கத்தின் ஷரீஅத்திற்கு மாற்றமானது என்றும், ஆகவே பொதுமக்கள் இத்தரீகாவில் ஈடுபடாமல் ஒதுங்கி இருக்குமாறு மக்களை வேண்டி' தீர்மானம் நிறைவேற்றி பகிரங்கப்படுத்தினாhர்கள்.

அதன்பின் கேரளா பட்டிக்காடு நூரிய்யா மத்ரஸாவை விட்டும் நூரிஷாஹ் தரீகாவினர் வெளியேற்றப்பட்டு சுன்னத் வல் ஜமாஅத்தினர்கள் அந்த நிர்வாகத்தை எடுத்து நடத்தி வருவது குறிப்பிடத்தக்கது.

15-5-77 அன்று ஹாஜி எம். அப்துல் ஹகீம் சாகிப் (ஆயங்குடி) அவர்களால் வெளியிடப்பட்ட பிரசுரத்தில், நாகப்பட்டினம் நஸீஹத்துல் இஸ்லாமிய அங்கத்தினர் கேட்ட கேள்விகளுக்கு கேரளா ஜன்னத்துல் உலூம் அரபிக் கல்லூரி முதல்வர் இ.கே. ஹஸன் முஸலியார்(பாகவி) அளித்த விளக்கவுரையின் இறுதியில் 'இத்தரீகாவானது மார்க்கத்திற்குப் புறம்பானதும், அதனுடைய அந்தரங்கம் குஃப்ரின்பால் சேர்ந்ததுமாகும்' என்றும்,

எவர் தன்னை ஷைகு என்று தாவா செய்து கொண்டு மேற்கூறிய செயல்களை செய்கின்றாரோ அவர் முழுப் பொய்யராவார். குழப்பத்திற்கும் மனோ இச்சைக்கும் அவர் ஷைகாவார். அவரை விட்டு நீங்கவதும், முஸ்லிம்களை விட்டு அவர்களை விரட்டுவதும் வாஜிப் எனும் கடமையாகும் என்றும் கூறியுள்ளார்கள்.
ஏன் இந்த பத்வா? அதில் கொடுக்கப்பட்டிருந்த காரணங்கள்:

1.    'முஹம்மத்', அஹ்மத்' என்பவற்றை திக்ரு செய்வது மார்க்கத்திற்கு முரண்பட்டது. பழிப்பிற்குரிய தீமையாகும். ஸல்லல்லாஹு அலைஹி வஸல்லம் அவர்களின் மரியாதையைக் கிழிப்பதாகும்.
2.    பெண்களுடன் அவரும் அவருடைய கலீபாக்களும் நேரடியாகச் பேசுவதும், பெண்கள் ஷைகுடைய கால், கைகளை பிடித்து விடுவதும் ஹராமானதாகும் என்பவை முக்கியமானவை.

இவ்வாறு ஆலிம்களாலும், உலமா சபையினராலும் விரட்டப்பட்ட ஷைத்தானியத்தான தரீகாவின் அடிமூடு (மூல பிதாக்கள்) எத்தகையவர்கள், ஞானவழித் தொடர் எத்தகையது? அவர்கள் ஞானம் பற்றிய கருத்த என்ன? தற்போதுள்ள கலீபாக்களின் நிலை என்ன? அனைத்தும் சுன்னத் வல் ஜமாஅத்தின் கொள்கைகளுக்கு ஒப்பானதா? முரண்பட்டதா? என்று சற்று ஆராய்வோம்:

நூரிஷாஹ்வின் ஞானவழித் தொடர்:

தரீகா என்றால் மெய்ஞ்ஞான நாதாக்களின் வழித் தொடர் (ஸில்ஸிலா) அவசியம். அத் தொடர் கண்ணியமிக்கவர்களாகவும், சுன்னத் வல் ஜமாஅத்தினர்களைச் சார்ந்தவர்களாகவும் உள்ளவர்களைக் கொண்டதாக இருப்பது அவசியத்திலும் அவசியம்.கனவில் பெற்றதாக இருக்கக் கூடாது. வழித் தொடர் உண்மையானதாக இருக்க வேண்டும். அப்போதுதான் தொடர்பு தம் ஷெய்கிலிருந்து முஹம்மத் ஸல்லல்லாஹு அலைஹி வஸல்லம் அவர்கள் வரை சென்று அல்லாஹ்வை அடைய முடியும்.

நூரிஷாஹ்வின் தொடரை பார்ப்போமானால், அவர் 8 தரீகாவிற்கு கிலாபத் பெற்றவராகவும், தன்னை ஷெய்கு என்றும் கூறி நூல் வெளியிட்டுள்ளார். இவரின் சுஹரவர்திய்யா, நக்ஷபந்தியா தரீகாக்களின் தொடர்களில் ஸெய்யிதினா அலி ரலியல்லாஹு அன்ஹு அவர்களை அடுத்து அவர்களின் மகனார் ஸெய்யிதினா இமாம் ஹஸன் அடுத்து (அவர்களின் மகனார்) ஸெய்யிதினா இமாம் ஹுஸைன் அவர்களும் இடம் பெற்றுள்ளனர்.

உலகிலுள்ள எந்த ஸில்ஸிலாவிலும் இந்த வழிமுறை இல்லை. மற்றும் வரலாற்றுக் குறிப்புகளோ, ஆதாரங்களோ காணக்கிடைக்கவில்லை.

'தபகாத்திய்யா'சில்சிலாவில் 7, 8வது தொடருக்குப் பின் நீண்டதொரு ஷெய்குமார்கள் இடைவெளி உள்ளது.

அடுத்து, ஸில்ஸிலாயே அக்பரிய்யா உவைஸிய்யாவில் நூரிஷாஹ் 5வது ஷெய்காக வருகிறார். சுமார் 1430 வருடங்களுக்கு இந்த தரீகாவில் 5 ஷெய்குமார்கள்தானா?

ஆக தங்களுக்கு தகுந்தவாறு ஸில்ஸிலா தொடர்களைத் தயாரித்துள்ளார் என்பதும், இந்த ஸில்ஸிலாக்கள் போலியானவை என்பதும் தெரியவருகிறது. அப்படியிருக்க, இந்த தொடரில் நாயகம் முஹம்மத் ஸல்லல்லாஹு அலைஹி வஸல்லம் அவர்களின் நிஸ்பத் எவ்வாறு கிடைக்கும்.?

இதில் மிக முக்கியமான விஷயம் யாதெனில், நக்ஷபந்தியா தொடரில் 39 வதாகவும், நக்ஷபந்தியா உவைஸிய்யா, அக்பரிய்யா தரீகாக்களில் 31 வதாகவும் வரும் ஷைய்கு ஸையித் அஹ்மத் பரேலவீ என்பவர். இவரின் அடக்கஸ்தலம் பாலாகோட் (பஞ்சாப்)டில் இருப்பதாகவும் கூறப்பட்டுள்ளது.

யார் இந்த ஸெய்யித் அஹ்மத் பரேலவீ?

இந்த ஸெயித் அஹ்மத் பரேலவீ என்பவர் யார்? இவரின் கொள்கை என்ன? இவரின் மரணம் எப்படி சம்பவித்தது? இவருக்கு அடக்கஸ்தலம் இருப்பது என்று சொல்லப்பட்டது உண்மையா? என்று பார்க்கும்போது,

இவர் ஒரு பக்கா வஹ்ஹாபி ஆவார். தப்லீக் ஜமாஅத்தின் மூல குருவான மௌலவி இஸ்மாயில் திஹ்லவி என்பவர் முஹம்மத் பின் அப்துல் வஹ்ஹாப் நஜ்தியின் 'கிதாபுத் தவ்ஹீது' என்னும் வஹ்ஹாபிய சித்தாந்த நூலை 'தக்வியத்துல் ஈமான்' என்ற பெயரில் மொழிபெயர்த்து இந்தியாவில் வெளியிட்டவர். இதில் நாயகம் ஸல்லல்லாஹு அலைஹி வஸல்லம் அவர்களைப் பற்றி மிகத் தரக்குறைவாக விமர்சித்துள்ளார். மேலும் சுன்னத் வல் ஜமாஅத்திற்கு மாற்றமான கொள்கைகளை எழுதியுள்ளார்.

இவரைப் (திஹ்லவியைப்) பற்றிக் கூட நூரி ஷாஹ் 'இஸ்மாயீல் திஹ்லவி, ரஷீத் அஹ்மது கங்கோஹி போன்றோர் அப்துல் வஹ்ஹாப் நஜ்தியின் கொள்கைகளை பரப்ப தேர்ந்தெடுக்கப்பட்டவர்கள் என்றும் இவர்களால் முஸ்லிம்களின் ஏகத்துவக் கோட்டை கலகலத்துவிட்டது' என்றும் பேசியதை ஷைகுனா செய்யது நூரிஷாஹ், ஜுஹூரி ஷாஹ் நினைவு மலர் (தொகுப்பு: கனி சிஷ்தி ) பக்கம் 60, 61ல் கூறப்பட்டுள்ளது.

இவரின் ஞான குருதான் மௌலவி ஸையித் அஹ்மது பரேலவீ என்பவர். இவருடன் இவரது சிஷ்யர் இஸ்மாயில் திஹ்லவியும் சேர்ந்து தங்களது வஹ்ஹாபியக் கொள்கைகளை முஸ்லிம்களிடையே பரப்பவும், ஆங்கிலேய அரசிற்கு கூலியாக செயல்பட்டனர். இவர்களின் கொள்கைகள் மிக மோசமானதாக இருந்ததால் பட்டாண் முஸ்லிம்களால் துண்டு துண்டாக வெட்டி கொல்லப்பட்டு தூர வீசப்பட்டனர்.

ஆனால் இவர்களை இந்த தரீகாவினரும், தப்லீக் இயக்கத்தினர்களும் 'தியாகி' என்கின்றனர். இவர்கள் தியாகியாக ஆவதற்கு முஸ்லிம்களின் எதிரிகளோடு ஜிஹாத் செய்தார்களா? என்றால் இல்லை என்றே பதில் கிடைக்கிறது. மேலும் அப்போது சுதந்திரத்திற்காக பாடுபட்ட இந்தியர்களுக்கு எதிராகவும், ஆங்கில அரசுக்கு ஆதரவாகவும் செயல்பட்டனர் என்பதை இவர்கள் எழுதிய புத்தகங்களிலிருந்து எடுத்துக் காட்டி 'பாஸ்பான்' எனும் பத்திரிகை ஆசிரியர் மௌலானா முஸ்தாக் அஹ்மத் சாஹிப் நிஜாமி(இலாஹாபாத்) அவர்கள் எழுதிய நூலான 'கூன்கே ஆன்ஸு'(இரத்தக் கண்ணீர்) எனும் நூலிலிருந்து பார்த்தால் உண்மை புரியும். அதன் ஆதாரங்களை இங்கே தருகிறேன்.

1.    'ஸையத் சாஹிப்(பரேலவி)யுடன் முஜாஹிதீன்கள் ஒன்று திரள ஆரம்பித்தனர். உடன் மௌலானா இஸ்மாயீல்(திஹ்லவி) உடைய ஆலோசனையின் பேரில் இலாஹாபாத்தைச் சார்ந்த செல்வந்தர் ஷைகு குலாம் அலியவர்கள் மூலம் தொடர்பு கொண்டு வடமேற்கு மாகாண லெப்டினட் கவர்னருடைய சமூகத்திற்கு 'நாங்கள் சீக்கியர்களுடன் ஜிஹாத் செய்ய ஆயத்தம் செய்து கொண்டிருக்கிறோம். இதில் ஆங்கிலேய அரசுக்கு ஆட்சேபணை ஏதமில்லையே!' என்று கேட்டோம். அதற்கவர்கள் …….. எங்களின் செயல்திட்டம் மற்றும் அமைதிக்கு எவ்வித பங்கமும் ஏற்படாதிருக்குமேயானால் நமக்கு எவ்வித ஆட்சேபணையும் இல்லை என்று லெப்டினட் கவர்னர் சாஹிப் தெளிவாக எழுதி விட்டார்'.

              நூல்:-ஹயாத்துத் தையிபா பக்கம் 302
              தொகுப்பு: மீர்ஜா ஹைரத் தெஹ்லவி.

இந்திய நாட்டை அப்போது ஆக்கிரமித்து அட்டூழியங்களும், கொடுமைகளும் செய்து கொண்டிருந்த ஆங்கிலேய அரசை எதிர்த்த மார்க்கப்போர் புரிய இந்திய உலமாக்கள் பத்வா வெளியிட்டு களத்திலும் இறங்கி செயல்பட்டுக் கொண்டிருந்த நேரத்தில்(அதற்காக மௌலானா பஜ்லுல் ஹக் ஹைதராபாதி ரஹிமஹுல்லாஹ் போன்றோர் தம் இன்னுயிரை நீ;த்தனர்) ஆங்கியேல அரசின் கைக்கூலிகளாக செயல்பட்டு வந்தஇந்த சையத் அஹ்மது பரேலவி, இஸ்மாயில் திஹ்லவி போன்றோர் அவர்களின் அணுசரணை, தயவிற்காக கடிதம் எழுதுகின்றனர் பாருங்கள். இந்த உதவியுடன் செய்யும் சண்டைகளை 'ஜிஹாத்' என்று சொல்லி ஜிஹாத்திற்கு புதுவிளக்கம் அளிக்கின்றார்கள் இவர்கள்.

2.    'கல்கத்தாவில் மௌலவி இஸ்மாயில் (திஹ்லவி) ஜிஹாதைப் பற்றி பயான் செய்து கொண்டிருக்கும்போது, ஒருவர் எழுந்து நின்று, 'நீங்கள் ஏன் ஆங்கிலேயர்களை எதிர்த்து ஜிஹாத் செய்ய பத்வா கொடுப்பதில்லை என்று கேட்டார். அதற்க மௌலவி இஸ்மாயில்…… 'ஆங்கிலேயர்களுடன் ஜிஹாத் செய்வதென்பது எவ்வகையிலும் வாஜிபில்லை…….அவர்கள் மீது எவரேனும் தாக்குதல் நடத்தினால் அப்படித் தாக்குவொரை எதிர்த்துப் போரிட வேண்டியது முஸ்லிம்களது கடமையாகும்….'
                  
                              நூல்: ஹயாத்துத் தையிபா பக்கம் 296

இவர்களின் இந்த ஆங்கிலேய பாசம்தான் இவர்களை இஸ்லாமிய மார்க்கத்திற்கு எதிராக செயல்படத் தூண்டிற்று. அதனாலேயேதான் இஸ்மாயில் திஹ்லவி ஹஜ் சென்றிருந்த சமயம் முஹம்மத் இப்னு அப்துல் வஹ்ஹாப் நஜ்தியின் 'கிதாபுத் தவ்ஹீது' எனம் நூலை எடுத்து வந்து 'தக்வியத்துல் ஈமான்' என்ற பெயரில் மொழிபெயர்த்து வெளியிட்டார். அதில் இஸ்லாத்திற்கு எதிரான கொள்கைள் கூறப்பட்டிருந்தன.

இந்தக் கொள்கைகளை இஸ்லாமிய மக்கள் மத்தியில் பரப்பி ஒன்றுபட்டு போராடும் முஸ்லிம்களை சிதறடிக்கச் செய்து பலவீனப்படுத்தி ஆங்கிலேயர்களுக்கு எதிராக கொடுக்கப்பட்ட ஜிஹாத் பத்வாவை பலமிலக்கச் செய்வதுதான் இவர்களின் நோக்கமாக இருந்தது.

இதற்காக இவர்கள் ஊர்ஊராக சென்றனர். அதற்கு ஆங்கிலேய அரசம் உதவிக்கரம் பலவகையிலும் செய்து கொண்டே வந்தது.

சையத் அஹ்மத் பரேலவிக்கு ஆங்கிலேயர் செய்த உதவி பற்றி அபுல்ஹஸன் அலி நத்வியால் எழுதப்பட்ட 'ஸீரத்தே ஸையத் அஹ்மத்' எனும் நூலின் முதல் பாகம் பக்கம் 190 ல் கூறப்பட்டுள்ளது:

'இதற்குள் குதிரை மீது சவாரியாகி ஒரு ஆங்கிலேயன் சில பல்லக்குளில் உணவுப் பொருட்களைச் சுமந்து கொண்டு (எங்கள்) படகுக்கருகில் வருவதைப் பார்த்தோம். அருகில் வந்த ஆங்கிலேயன்,…….பாதிரிசாஹிப் எங்கேயிருக்கிறார்? என்று வினவினான். உடனே ஹஜ்ரத் அவர்கள் படகிலிருந்து 'நான் இங்கே இருக்கிறேன்' என பதில் தந்தனர்.

'…….தங்களுக்காக சூரியன் மறையும் வரை உணவு தயாரிப்பதில் மும்முரமாயிருந்தேன். இது கேட்டஸையத் சாஹிப் (பரேலவி) அவர்கள், கொண்டுவரப்பட்ட உணவுப் பொருட்களை தமது பாத்திரங்களுக்கு மாற்றுமாறு ஆணையிட, உணவு பெற்றுக் கொள்ளப்பட்டு கூட்டத்தினர்களுக்கு விநியோகிக்கப்பட்டது…..'

அடுத்து, சையத் சாஹிப்(பரேலவீ) ஜிஹாதில் மும்முரமாய் ஈடுபட்டிருந்த நேரம் அப்போது டில்லியைச் சார்ந்த தனவந்தர்கள் மூலமாக முஹம்மது இஸ்ஹாக் என்பவரிடமிருந்து சையத் சாஹிபுடைய பெயருக்கு ஏழாயிரம் ரூபாய்க்கான ஒரு உண்டி(ஒரு வகை செக் போன்றது) அனுப்பப்பட்டது….'

நூல்: தாரீகே அஜீபஹ் பக்கம் 89

இவ்வாறு பல்வேறு வழிகளில் பணமும், உணவும் இஸ்லாத்தைக் கூறுபோடும் பணியை செய்வதற்காக செய்யித் அஹ்மத் பரேலவிக்கு கிடைத்துக் கொண்டிருந்தது. மேலம் ஆங்கிலேய அரசின் ஆதரவும் இருந்தது. இந்த தைரியத்தில்தான் செய்யத் சாஹிப் சில காரியங்களைச் செய்தார். அவர் செய்த இஸ்லாத்திற்கு மாற்றமான காரியங்களை பார்ப்போம்.

'நாங்கள் சையத் சாஹிப் அவர்களைத் தேடித் தேடி அலைந்து கொண்டே ஒரு நாள் ஒரு கிராமத்திற்கு வந்து சேர்ந்தோம். அங்குள்ளோரிடம் விசாரித்தபோது, புதிதாக கட்டப்பட்டிருந்த கப்ரு அப்போதுதான் இடித்துத் தள்ளப்பட்டிருந்ததென்பதை அறிந்தோம். உயரமாக கப்ரு இருந்த காரணத்தினால் சையத் சாஹிப் அவர்கள்தான் அதை இடிக்கச் செய்தார்கள் என்பதை தெரியவந்தபோது……'

நூல்: அர்வாஹே ஸலாஸஹ் பக்கம் 140

இவ்வாறு மகான்களின் கப்ருகளை இடித்து தரைமட்;;டமாக்கியவர் ஒரு தரீகாவின் ஷெய்கு என்றால் எப்படி ஏற்றுக் கொள்வது? அந்த தரீகாதான் எப்படி இருக்கும்?

தற்போது பார்த்தால் இந்த தரீகாவின் ஷெய்குமார்களுக்கு உயரமான கப்ருகள்? கந்தூரிகள்? அதை கொண்டாடுவதற்குள் பிரச்சனைகள், கோர்ட் வரை செல்கின்றனர். என்னே இவர்களின் கேடுகெட் கொள்கை! இதுதான் நூரிஷாஹ் தரீகாவின் இலட்சணம்.

ஜிஹாத் செய்யப்போகிறேன் என்று மார்தட்டி சென்ற இந்த செய்யித் சாஹிப் ஜிஹாதை உண்மையில் செய்தாரா?

தப்லீக் ஜமாஅத்தின் ஸ்தாபகர் இல்யாஸ் மௌலவியின் குரு ரஷீத் அஹ்மது கங்கோஹி தமது 'தத்கிரத்துர் ரஷீது' பாகம் 2 பக்கம் 270ல், 'அம்பேட்டவி நகரில் வசிக்கும் ஹாபிஸ் ஜானி என்பவர் தம்மிடம் கூறியதாக, '……ஹஜ்ரத்மார்களும் செய்யித் சாஹிபுடன் சேர்ந்து ஜிஹாதுக்காக சென்று கொண்டிருந்தனர். யாகிஸ்தானுடைய அதிகாரி 'யார் முஹம்மது கான்' என்பவருடன் சையத் சாஹிப் அவர்கள் முதன்முதலாக ஜிஹாத் செய்தனர்' என்று கூறுகிறார்.

இதே வாசகங்கள் ஸீரத்தே ஸையத் அஹ்மத் (ஆசிரியர்: அபுல்ஹஸன் நத்வி) பாகம் 1, பக்கம் 190ல் காணக் கிடக்கிறது.

இஸ்லாமியர்களுடன் அதுவும் சுன்னத் வல் ஜமாஅத்தினர்களுடனும், தங்களது கொள்கையை ஏற்காதவர்களுடனும் சண்டை செய்வதை இவர்கள் ஜிஹாத் என்கின்றனர். இதுதான் வஹ்ஹாபிகளின் தலைவன் முஹம்மத் இப்னு அப்துல் வஹ்ஹாபின் கொள்கை. இதற்காகத்தான் இவர்கள் பாடுபட்டார்கள். இதைத்ததான்,

'ஸையத் அஹ்மத் மற்றம் மௌலவீ இஸ்மாயீல் திஹ்லவியும் 'பீச்தார்' எனும் இடத்திற்கு போய் சேர்ந்தபோது, அங்குள்ள தனவந்தர் 'பதஹ்கான்' என்பவர் துவக்கத்தில் இவர்களுக்கு மிகவும் மரியாதை பணிவிடை செய்து வந்தார். இவர்களும் சிறிது நாட்கள் வரை அங்கேயே தங்கியிருந்தனர். ஆனால் நாளடைவில் இவர்களிருவரும் அங்குள்ளோரிடம் அநியாயமும், அக்கிரமும் செய்ய ஆரம்பித்தனர். அங்கு வாழ்ந்த மக்களை தீய நெறி கொண்டோரென்றும், தீய மார்க்கமுடையோரென்றும் கூறத் துவங்கினர். நிலைiமை மிகவும் மோசமாகவே இவர்களிருவரையும் அதே ஸ்தலத்'தில் பட்டாண்கள் தீர்த்து விட்டனர். தமது அக்கிரம அழிச்சாட்டியத்தால் அவ்விருவரும் பட்டாண்களால் கொல்லப்பட்டனர்.'

(நூல்: கூன்கே ஆன்ஸு முதல்பாகம் பக்கம் 36)
 

கேடுகெட்ட கொள்கைக்காக ரஸூல் ஸல்லல்லாஹு அலைஹி வஸல்லம் அவர்களை இழிவுபடுத்தியதற்காக கொல்லப்பட்ட இந்த கேடுகெட்ட ஸைய்யித் அஹ்மத் பரேலவீ ஒரு தரீகாவின் ஷெய்கு என்றால் எப்படி ஏற்றுக் கொள்ள முடியும்?

இவ்வாறு இருக்கும் தரீகாதான் சுன்னத் வல் ஜமாஅத் தரீகாதானா? சிந்தித்துப் பாருங்கள்.

ஆக நூரிஷாஹ்வின் தரீகா போலியானது என்பதும், மக்களை ஏமாற்ற தயாரிக்கப்பட்ட ஸில்ஸிலாவைக் கொண்டது என்பதும் வழிகெட்ட தலைவர்களை குருமார்களாக கொண்டது என்பதும் மேற்கண்ட ஆதாரங்கள் மூலம் புலனாகிறது. ஆக இத் தரீகாவில் பொதுமக்கள் சேருவது கூடாது என்று மேற்கூறிய பத்வாக்கள் சொன்னது உண்மை என்றாகிறது.

நூரிஷாஹ் தரீகாவின் ஷெய்குமார்களின் நிலைகள்:

1.    நூரிஷாஹ் தரீகாவின் செய்குவான கௌஸலி ஷாஹ் என்பவர் எழுதியதாக கூறப்படும் 'நூருன்னூர்' எனும் நூலின் பக்கம் 9 ல், 'தப்லீக் ஜமாஅத்தின் மூலக் குருமார்களில் ஒருவரான, மக்கா, மதினா உலமாக்களால் 'காபிர்' என்று முத்திரை பத்வா கொடுக்கப்பட்ட, மீரட் மௌலானா அப்துல் ஹலீம் சித்தீகி ரலியல்லாஹு அன்ஹு அவர்களால் (அல் இம்தாது எனும் பத்திரிகையில் தன்னை ரஸூல் என்று தாவா செய்த அவரின் தீயக் கொள்கை பற்றி விசாரிக்கப்பட்டு அதற்கு அவர் பதில் தராமல் தான் கொண்ட கொள்கையிலேயே உறுதியாக இருந்ததால்) காபிர் என்று பத்வா கொடுக்கப்பட்டவரும், பற்றி ஹிப்ளுல் ஈமான் என்ற நூலில் நாயகம் முஹம்மத் ஸல்லல்லாஹு அலைஹி வஸல்லம் அவர்களின் அறிவை பேயன், பைத்தியக்காரன், மதளைக் குழந்தைகளின் அறிவோடு ஒப்பிட்டுப் பேசியவரும் இன்னும் அவர் எழுதிய பல்வேறு நூல்களில் நாயகம் முஹம்மத் ஸல்லல்லாஹு அலைஹி வஸல்லம் அவர்களைப் பற்றி மிகவும் தரக்குறைவாக விமர்சித்தவருமான மௌலானா அஷ்ரப் அலி தானவி என்பவரைப் பற்றி மகிவும் போற்றிப் புகழ்ந்து எழுதியது மட்டுமில்லாமல், அவருக்கு ரஹ்மத்துல்லாஹி அலைஹி என்று துஆவும் கேட்டுள்ளார்.

2.    தன்னுடைய குருவின் வழியைப் பின்பற்றிதான் சிஷ்யரான நூரிஷாஹ்வும் 'இறைவனுடைய காதலை விட மஜ்னூன் காதல் பெரிதா? என்ற தலைப்பின் கட்டுரையில் அஷ்ரப் தானவிக்கு கொடுக்கப்பட்ட காபிர் பத்வா போலி என்றும், ஷம்சு தப்ரேஜ், ஹஜ்ரத் ஜுனைதுல் பக்தாதி போன்றோர்களுக்கு கொடுக்கப்பட்டதைப் போல் இவருக்கும் பத்வா கொடுக்கப்பட்டது' என்று ஷைகுனா செய்யிது நூரி ஷாஹ் ஷைகுனா ஜுஹூ ஷாஹ் நினைவு மலர் பக்கம் 42 ல் எழுதியுள்ளார்.

ஷம்சுத் தப்ரேஜ், ஜுனைதுல் பக்தாதி நாயகங்கள் ரலியல்லாஹு அன்ஹுமா போன்றோருக்கு எப்போது பத்வா கொடுக்கப்பட்டது? நாயகம் முஹம்மத் ஸல்லல்லாஹு அலைஹி வஸல்லம் அவர்களை அவர்கள் தரக்குறைவாக விமர்சித்தார்களா? தங்களை ரஸூல் என்று வாதித்தார்களா? (நவூதுபில்லாஹி மின்ஹா) எதை எதோடு ஒப்பிட்டுப் பேசுகிறார் பாருங்கள் இந்த மார்க்கம் தெரியாதவர்.

இதுபற்றி கேட்டால் அஷ்ரப் அலி தானவி திருந்திவிட்டார் என்றார்கள். அதற்கு ஆதாரம் தாருங்கள் என்று அஹ்லெ சுன்னத் மாத இதழ் மூலம் கேட்டு  சுமார் 15 வருடங்கள் ஆகிவிட்டது. இன்றுவரை அவர்களால் தரமுடியவில்லை. இருந்தால்தானே தருவதற்கு. இன்றுவரை அஷ்ரப் அலி தானவி எழுதிய அந்த கேடுகெட்ட புத்தகங்கள் அச்சிடப்பட்டு வெளியிடப்பட்டுக் கொண்டுதான் இருக்கின்றன. அதுவும் அவருடைய சில்சிலா கலீபாக்களால்.இவ்வாறிருக்க இந்த அஷ்ரப் அலி தானவியை ஏற்ற இந்த தரீகாவை நாம் எவ்வாறு ஏற்றுக் கொள்ள முடியும்?

3.    தாய் 8 அடி பாய்ந்தால் குட்டி 16 அடி பாயும் என்பது பழமொழி. குருவின் கலீபாவான லால்பேட்டை பஷீர் மௌலானா ஷெய்கு பைஜி ஷாஹ்வின் நிலையை பார்க்கப்போனால், ஷைகுனா செய்யிது நூரி ஷாஹ் ஷைகுனா ஜுஹூ ஷாஹ் நினைவு மலர் எனும் நூலில் அவரது வாழ்க்கை சரிதத்தை கூறும்போது பக்கம் 123 ல்,
'கோட்டைக்குப்பம், நெல்லிக்குப்பம், பாண்டிச்சேரி, கடலூர், திண்டுக்கல் போன்ற தப்லீக் இஜ்திமாக்களில் பிரதான பேச்சாளராக இடம் பிடித்தனர்'

'நூருன்னூர்' எனும் நூலின் பக்கம் 11ல் '(பைஜி ஷாஹ்) தப்லீக் இயக்கத்தில் சேர்ந்து 19 வருடங்கள் சேவை செய்தார்கள்' என்று பெருமையாக கூறப்பட்டுள்ளது. தப்லீக் ஜமாஅத் ஒரு வழி கெட்ட இயக்கம் அதில் சேரக்கூடாது என்று சுன்னத் வல் ஜமாஅத் உலமாக்கள் பத்வா வெளியிட்டிருக்க இவர் அதில் சேர்ந்து 19 வருடங்கள் பணியாற்றினார் என்று சொல்லப்படுவது இவரின் கொள்கை எத்தகையது என்பது விளங்குகிறது.

அதே நூல் பக்கம் 11ல்  'ஆரம்பத்தில் சென்னையில் வாழ்ந்த ஷைகுநாயகம் பின்னர் லால்பேட்டைக்கு ஹிஜ்ரத் செய்தனர்' என்றும் கூறியதன் தாத்பரியம் என்ன? ஹிஜ்ரத் என்றால் என்ன? என்று கூட விளங்காமல் உளறி கொட்டியிருக்கின்றனர்.

மேலும் தாய்,தந்தை சொல்லிற்கு கட்டுப்பட்டு நடக்கவேண்டியவர்களையும் தனது கட்டுப்பாட்டிற்குள் வசியம் செய்து வைத்ததையும், பலருக்கு கட்டப் பஞ்சாயத்து செய்து வந்ததையும் ஷெய்குனா செய்யிது நூரிஷாஹ் ஷெய்குனா ஜுஹூரி ஷாஹ் நினைவு மலர் பக்கம் 123, 127ல் கூறியிருப்பது இவரின் கீழ்த் தரத்தையே காட்டுவதாக அமைந்துள்ளது.

3.கடையநல்லூரைச் சார்ந்த எம்.எஸ். அப்துல் காதிர் பாகவி என்ற ஐனி ஷாஹ் என்பவர் 'திருக்கலிமாவின் பொக்கிஷம்(பைஜானே ஷைகீ) எனும் நூலில் 'அணிந்துரை' எனும் பகுதியில் கம்பம் அம்பா நாயகம் அவர்கள் இந்த நூலை மதித்து அணிந்துரை வழங்கியிருப்பதாகவம் அவர்கள் எழுதிய சில வாசகங்களை சொல்லி எழுதியிருப்பதாகவும் சில பொய்களை எழுதி புத்தகத்தை அம்பா நாயகம் அவர்கள் மறைந்த பிறகு வெளியிட்டுள்ளார்.

ஆனால் உண்மை என்னவென்றால், இந்த அணிந்துரையை அம்பா நாயகம் அவர்கள் எழுதவோ சொல்லவோ இல்லை. இதை நிரூபிக்கும் விதமாக, இந்நூலைக் கண்ணுற்ற அம்பாநாயகம் அவர்களின் மகனார் மௌலவி அப்துல் கபூர் ஸயீதி அவர்களும், அம்பா நாயகத்தின் முரீது கிருஷ்ணாபட்டணம் மௌலவி ஜவாஹிர் ஹுஸைன் ஆலிம் மன்பஈ அவர்களும் நேரடியாக அப்போது பொரவாச்சேரி மத்ரஸாவில் பணியாற்றிக் கொண்டிருந்த எம்.எஸ். அப்துல் காதிர் பாகவி அவர்களிடம் சென்று, 'நீங்கள் இந்த புத்தகத்தில் அம்பாநாயகம் அவர்கள் அணிந்துரை எழுதியிருப்பதாக எழுதியிருக்கிறீர்கள். அதை நாங்கள் பார்க்க இயலுமா?' என்று கேட்ட போது, அவர் மழுப்பலாக, 'அவர்கள் சொல்ல நான் எழுதியதில் அவர்கள் கையொப்பமிட்டார்கள'; என்று சொன்னார். அவர்களிருவரும் 'சரி அந்த கையெழுத்தையாவது காட்டுங்கள் நாங்கள் பார்த்துவிட்டுச் செல்கிறோம்' என்றதற்கு, 'iகெயழுத்திற்குப் பதிலாக சிறு கோடு மட்டும் போட்டார்கள்' என்றிருக்கிறார். அவர்களும் விடவில்லை. 'அந்த கோடையாவது காட்டுங்கள்' என்று கூற, அவர் சும்மா தேடுவது மாதிரி நடித்துவிட்டு 'தற்போது இல்லை' என்று சொல்லவும், 'நீங்கள் இதற்கு மறுப்பு வெளியிட வேண்டும'; என்று அவர்களிருவரும் சொல்லிவிட்டு அவ்விடத்தை விட்டு அகன்றார்கள். அம்பா நாயகத்தின் மகனார் அவர்களும், அவர்களுடன் சென்ற மௌலவி அவர்களும் இன்றும் இருக்கிறார்கள். நடந்த சம்பவத்தை நேரில் கேட்டுக் கொள்ளலாம். இவ்வாறு பொய்களையும் புரட்டுகளையும் சொல்லி தம்மை வளர்த்துக் கொள்வதில் மட்டுமே கவனம் செலுத்தும் இவர்கள் மார்க்கத்தையும், இஸ்லாமிய ஞானத்தையும் எங்ஙனம் வளர்ப்பார்கள்?

கம்பம் அம்பா நாயகம் அவர்களிடம் பைஜி ஷாஹ் எப்படிப் பட்டவர்? அவரின் ஞானம் எப்படி? அஷ்ரப் அலி தானவியை ஒப்புக் கொள்கிறார்களே! என்று கேட்ட கேள்விக்கு, பைஜி ஷாஹ் வின் ஞானம் சரியில்லை. நமது ஷெய்குமார்கள் சொன்ன ஞானமாக இல்லை. அஷ்ரப் அலி தானவியை ஏற்றுக் கொண்ட யாரும் சுன்னத் வல் ஜமாஅத்தாக இருக்க முடியாது என்று பதிலளித்தார்கள். இந்தப் பேச்சின் ஒலிப்பதிவு நாடா பலரிடமும் இருக்கிறது.

இதே ஐனிஷாஹ் என்பவர்தான், 'தப்லீக்கும் அதன் தலைவர்களும்' என்ற புத்தகத்தை எழுதி அதில் அஷ்ரப் அலி தானவியின் கேடுகெட்ட கொள்கைகளை விமர்சித்து, அவரின் மேல் விடப்பட்ட குப்ரு பத்வாவையும் எடுத்துக் காட்டியவர். பின்னர் என்ன நடந்ததோ? தெரியவில்லை.

4.    பொரவாச்சேரியில் பணியாற்றிய அப்துஸ்ஸலாம் மௌலவி என்ற ஜமாலிஷாஹ் என்பவர் தப்லீகின் தலைவர்களுள் ஒருவரான மௌலானா ஜகரிய்யா சாஹிபை போற்றிப் புகழ்ந்தும், அவர் மத்ரஸாவில் தான் ஓதியது பெரும் பாக்கியம் என்றும், அஷ்ரப் அலி தானவியை ஒரு மகான் என்றும் போற்றி புகழ்ந்தும் ஒப்புதல் வாக்குமூலம் அளித்ததை அஹ்லெ சுன்னத் மாத இதழ் ஜனவரி 1996 வெளிச்சம் போட்டுக் காட்டி ஜமாலி ஷாஹ்வின் முகத்திரையை கிழித்தது உங்களுக்கு நினைவிருக்கலாம்.

5.    இதே மாதிரிதான் அஷ்ரப் அலி தானவி வழிகெட்ட தப்லீக் ஜமாஅத்தின் மூல குருமார்களுள் ஒருவர் என்று நூரிஷாஹ்வின் பிரதம சீடர் முஸ்லிம் குரல் ஆசிரியர் கனி சிஷ்தி கூறியிருப்பதையும் அஹ்லெசுன்னத் பத்திரிகை வெளியில் கொண்டுவந்தது குறிப்பிபடத்தக்கது.

குருமார்களும், சிஷ்யர்களும் இவ்வாறு ஒன்றுக்கொன்று முரண்பட்டு பைத்தியக்காரத்தனமாக உளறிக் கொட்டுவதற்கு என்ன காரணம்? என்று பார்க்கப்போனால், அவர்களின்  நோக்கம் என்ன என்று தெரியவேண்டுமானால், 'ஷைகுனா செய்யிது நூரிஷாஹ் ஷைகுனா ஜுஹூரி ஷாஹ் நினைவு மலர்' என்ற நூலில் உள்ள ஒரு சம்பவம் உங்களுக்கு அதை தெரியப்படுத்தும். அது இதுதான்:

'சர்காரின் (நூரிஷாஹ்) முரீதான ரெயலி; டிரைவர் ரெயலி; ஓட்டும்போது தண்டவாளத்தில் பெரிய மிருகம் இருப்பதை பார்த்ததாகவும், அதன்மீது மோதினால் பெரிய விபத்து நடந்திருக்கும் என்று எண்ணியதாகவும் ஒன்றுமே புரியாத நேரத்தில் சர்க்காரே வந்து எதிரில் தோன்றினார்கள். அப்படியே வண்டி நின்று விட்டது.

அப்போதுதான் எனக்கு மனதில் ஒரு ஊசல், கடந்த மாதம் நான் ஷெய்குனாவுக்கு சேர்க்க வேண்டியதை சேர்க்கத் தவறி விட்டேன் என்றும் அதை ஷைகுனாவிடம் அந்த முரீது சொன்னார். அதற்கு சர்க்கார் கிப்லா சொன்னார்கள் 'புரிந்து கொண்டால் சரி'.

நூல்: ஷைகுனா செய்யிது நூரிஷாஹ் ஷைகுனா ஜுஹூரி ஷாஹ் நினைவு மலர், பக்கம் 43.

உங்களுக்க இதன் அர்த்தம், தாத்பரியம் இந்த சம்பவத்தின் மூலம் தெரிந்திருக்கும். முரீதுகள் ஷெய்குமார்களுக்கு மாதமாதம் கப்பம் செலுத்துவதும் இதற்காகத்தான் இவர்கள் ஸில்ஸிலா தயாரித்து, தரீகா என்ற பெயரில் ஒன்றை நடத்துகிறார்கள் என்றும் தெரியவந்திருக்கும்.

6.    நூரிஷாஹ்விடம் அதிக நெருக்கமாக இருந்தவரும், பிலாலி ஷாஹ் என்பவருடைய ஷெய்கா இருப்பவருமான ஜுஹூரி ஷாஹ் என்பவரின் வாழ்க்கையை, ஷைகுனா செய்யிது நூரிஷாஹ் ஷைகுனா ஜுஹூரி ஷாஹ் நினைவு மலர் (இந்த மலரை தொகுத்தவர் நூரிஷாஹ்வின் பிரதம சீடர் கனி சிஷ்தி என்பவர்) என்ற நூல் பக்கம் 100 ல் வர்ணிக்கிறது,:'காயலான் சடை வைத்து அதன்மூலம் கள்ள சரக்குகளை வாங்கி வந்ததன் காரணமாக பலமுறை பல்வேறு சங்கடங்களில் சிக்கிய சம்பவங்கள் நமது யூசுப் ஹழரத் எனும் ஜுஹூரி ஷாஹ் கிப்லா அவர்களின் வாழ்க்கையில் நடந்துள்ளது.'

ஆக முரீதுகள் முதல் ஷெய்குமார்கள் வரை அனைவர்களின் வாழ்க்கையையும், கொள்கைகளையும் உங்கள் கண்முன் எடுத்துக் காட்டப்பட்டுள்ளன. இதுதான் இந்த தரீகாவின் நிலை.

சிலர் சொல்கிறார்கள், இந்த தரீகாவிலுள்ள இந்த ஷாஹ் தப்லீகை எதிர்க்கிறார். ரஸூலின் முஹப்பத்தைப் பற்றி அழகாக பேசுகிறார். எனவே அவரை மட்டும் நாங்கள் பின்பற்றுகிறோம் என்று. இந்தக் கூற்று மிகவும் மோசமான கூற்றாகும். ஏனெனில் இவர்களின் தலைவர்கள், ஷெய்குமார்கள் அனைவர்களும் நமது உயிரினும் மேலான நாயகம் ஸல்லல்லாஹு அலைஹி வஸல்லம் அவர்களை மோசமாக பேசியும், எழுதியும் வந்தவர்களை ஆதரித்து பேசுவது மட்டுமில்லாமல் அவர்களை மகான்கள் என்றும் கூறுகின்றனர். இப்படிப்பட்டவர்களின் தொடர்பு கொண்ட தரீகாவில் இருக்கும் வரை யாரையும் சுன்னத் வல் ஜமாஅத்தினர்கள் ஏற்றுக் கொள்ளமாட்டார்கள்.

மேலும் பாருங்கள்! வஹ்ஹாபிகள் தங்களது தீவிரவாதப் போக்கை உலகிற்கு காட்டியது தற்போது பத்திரிகைகளில் வெளிவந்து அவர்களின் உண்மை முகம் அம்பலமாகிக் கொண்டிருக்கிறது. இச்சமயத்தில் இந்த வஹ்ஹாபி தரீகாவான நூரிஷாஹ் தரீகாவைச் சார்ந்த மௌலவி அப்துல் நாஸர் மதானி என்பவரின் தீவிரவாதப் போக்கு தற்போது பத்திரிகையில் வெளிவந்துள்ளது. அதனைப் பார்வையிட:http://timesofindia.indiatimes.com/city/bangalore/Madani-reveals-he-was-member-of-Hyderabad-terror-outfit/articleshow/6435291.cms


நூரிஷாஹ் தரீகாவின் மெய்(அஞ்)ஞானமும், ஸூபிகளின் மெய்ஞ்ஞானமும்:

தங்களின் முரீதுகளால் ஷம்சுல் ஆரிபீன் என்று புகழப்படும் நூரிஷாஹ், 'காதிரிய்யா, சிஷ்திய்யா தரீகாவிற்கு ஒரு ஷைக என்பதாகக் கூறிக் கொண்டு கேரளாவில் நுழைந்தார். பொதுமக்களும் சில உலமாக்களும் அவரை அங்கீகரித்தனர். மக்களின் மனதில் நல்ல மதிப்பை பெற்ற பின்னர், 'தரீகத்தே நூரிஷாஹ்' என்ற ஒரு தரீகாவிற்கு தான் தனியொரு ஷைகு என்பதாக தாவா செய்தார். தம்மை பின்பற்றிய பிரத்தியேகச் சீடர்களுக்குப் பற்பல தவறான கருத்துக்களை போதித்தார். அவை அல்லாஹ்வுடைய வாக்கு என்றும், தான் அல்லாஹ்வின் தானமென்றும் அல்லாஹ்வுடைய காலம் என்றும, அவனுடைய தூதரின் நிழல் என்றும் வாதித்தார்.'
                            

                                                                                                                              (ஆதாரம்: ஆயங்குடி பிரசுரம் 15-5-1977)

என்று அறிமுகம் கொடுக்கப்பட்ட நூரிஷாஹ்வின் ஞானம், மஃரிபா சரியானதுதானா? நமது மகான்கள் சொன்னதுதானா? என்று பார்க்கும்போது, கம்பம் அம்பா நாயகம் அவர்கள் சொன்ன சொல் நமக்கு ஞாபகத்திற்கு வருகிறது. அது, அவர்களின் ஞானமே சரியில்லை' என்பதுதான்.

மெய்ஞ்ஞனாத்தைப் பற்றி தெரிந்த மற்ற ஷெய்குமார்கள் சொல்கிறார்கள், 'மெய்ஞ்ஞானத்தைப் பற்றி சரியாக தெரியாமல் உளறும் வார்த்தையாகத்தான்; இருக்கிறது. இது ஞானமே இல்லை' என்று.

ஆனால் இவர்கள் சொல்கிறார்கள், நாங்கள் சொல்லும் ஞானமே சரியானது. மற்றவைகள் தவறானது மட்டுமில்லாமல் மற்ற வஹ்தத்துல் வுஜூது கொள்கையைப் போதிக்கும் மற்ற ஷெய்குமார்கள் தவறிழைத்துவிட்டார்கள். காயல்பட்டணம் தைக்கா சாகிபு வலியுல்லாஹ் சறுகிவிட்டார்கள்.ஹைதராபாத் ஸூபி ஹஜ்ரத் அவர்கள் ஙைரியத்து, ஐனியத்து தெரியாமல் இருக்கிறார்கள்.. ஷிர்க் செய்து விட்டார்கள்.(நவூதுபில்லாஹி மின்ஹா) என்பது போன்ற தவறான செய்திகளை உளறிக் கொட்டுகிறார்கள். தாங்கள் போதிக்கும் தவறான ஞானத்தை 'வஹ்தத்துல் வுஜூது' என்றும் சொல்கிறார்கள்.

இவர்கள் போதிக்கும் ஞானம் வஹ்தத்துல் வுஜூது என்றால், வஹ்தத்துல் வுஜூதைப் போதித்த கௌதுல் அஃலம், அப்துல் கரீம் ஜீலி, முஹ்யித்தீன் இப்னு அரபி, அப்துல் வஹ்ஹாப் ஷஹ்ரானி, ஷாஹ் வலியுல்லாஹ், ஆலா ஹஜ்ரத் பரேலவி ரலியல்லாஹு அன்ஹும் போன்ற எண்ணற்ற மகான்கள் இவர்கள் சொல்லியபடி எங்காவது, எந்த கிதாபிலாவது போதித்திருக்கிறார்கள், எழுதியிருக்கிறார்கள் என்று இவர்களால் ஆதாரத்துடன் சொல்ல முடியுமா? அவர்கள் சொன்ன சொல்லிற்கு இவர்கள்தான் தான்தோன்றித்தனமாக வலிந்துரைகள் செய்திருக்கிறார்கள். இந்த வலிந்துரைகள் மகான்களின் கூற்றுகளுக்கு மாற்றமானவைகளாகும். இவர்களின் ஞானத்தின் சூனியத்தைப் பாருங்கள்:

கௌஸி ஷாஹ் சிஷ்தி காதிரி எழுதியதாக 'நூருன்னூர்' என்ற நூலில் இவர்கள் வெளியிட்ட புதிய ஞானம் பற்றிய வரிகள்:

'வுஜூது ஒன்றாகவும், தாத்து இரண்டாகவும் இருக்கிறது. ஒன்று மவ்ஜூதே ஹகீகிய்யான ஜாத். இன்னொன்று மவ்ஜூதே இளாபிய்யான ஜாத்.  (பக்கம் 76)

'அவனோ அவைகள் ஜாத்திலே வேறானவை. உஜூதிலே ஒன்றானவை என்று அறிகிறான்' (பக்கம் 69)

'உஜூதே முத்லக்தான் ரப்புடைய ஜாத்து. அத தானல்லாத இன்னொரு ஜாத்தான அப்துடைய ஜாத்தை தன்னிலே காட்டுகிறது என்று கூறினால் அது சரிதான்.' (பக் 102)

ஹக்குக்கும் ஹல்குக்கும் உதாரணம் கூறும்போது கடலும் அலையும் போல என்றும், தண்ணீரும் பனிக்கட்டியும் போல என்றும்…..சில விஷயங்களை விளக்குவதற்காகக் கூறியுள்ளார்கள்………அவர்களின் உதாரணங்களை அப்படி அப்படியே நம்பிக் கொண்டு வழி தவறி விடுகிறார்கள்.' (பக் 117)

இவர்கள் கூறுவதிலிருந்து வுஜூது ஒன்று, தாத்து இரண்டு என்றும் ஹக்கிற்கும், கல்கிற்கும் கொடுக்கப்படும் உதாரணங்கள் கடலும் அலையும், தண்ணீரும் பனிக்கட்டியும் என்பது தவறானவை என்றும் வாதிக்கிறார்கள்.

நமது ஷெய்குமார்கள், மகான்கள் சொல்லும் ஞானத்திற்கு முற்றிலும் மாறுபட்டதாகவும், வழிதவற செய்யக்கூடியதாகவும் இருக்கும் இவர்களின் கூற்றை ஏற்றுக் கொண்டவர்களுக்கு ஏற்படும் தவறுகள் மற்றும் அபாயங்கள் பற்றி இங்கே ஹைதராபாத் ஸூபி மகான் குத்புஜ் ஜமான் மௌலவி முஹம்மது அப்துல் காதிர் ஸூபி ஹஜ்ரத் ரலியல்லாஹு அன்ஹு அவர்கள் எழுதிய 'அல்ஹகீகா' ( தமிழில்: மௌலவி அஸ்ஸெய்யிது ஜலாலுத்தீன் பூக்கோயா தங்கள் ஸூபி ஹஜ்ரத் ரலியல்லாஹு அன்ஹு)என்ற நூலில் விளக்கம் தந்திருப்பதை எடுத்துக் காட்டுகிறேன்:

தாத், உஜூது என்ற இரு பெயர்கள் ஒரே அர்த்தத்தை கொடுக்கக் கூடியன. எதன்பேரில் சிபாத்துகள் சேர்க்கப்படுமோ அதற்கு தாத்து என்று பெயர் வைப்பதை ஸூபியாக்கள் வழக்கமாக்கிக் கொண்டார்கள்.

ஹகீகிய்யான உஜூதாகிறது தாத்தாகும். ஹகீகிய்யான தாத்தாகிறது உஜூதாகும். சில அனுபவ அறிவில்லாதவர்கள் ஊகித்ததைப் போல ஹகீகிய்யான உஜூதாகிறது தாத்திற்கு மேலதிகமானதாக இல்லை.

உஜூதாகிறது அவர்களின் யூகத்தின் படி தாத்தை விட அதிகமானதாக ஆகியிருக்குமானால், தாத்தானது தன்னுடைய தாத்தின் மர்தபாவில் அது தனித்த இல்லாததாகவும், உஜூதின் பக்கம் தேவைப்பட்டதாகவும் ஆக வேண்டி வரும். ஆகவே தேவைப்பட்ட பொருள் இலாஹாக இருப்பதற்கு தகுதியற்றதாகும்.

'தாத்து உஜூதைத் தேடுது' என்ற கூற்று அர்த்தமற்றதாகும். ஏனெனில் தேட்டம் என்பது உஜூதிய்யான விஷயமாகும். உஜூதிய்யான விஷயமாகிறது எவ்வாறு அதமிய்யான விஷயத்திலிருந்து உருவாகும்? அதமிய்யான விஷயமாகிறது அதனடைய மர்தபாவில் இல்லாமலான தாத்தாகும்.

அவர்கள் தாத்தை திஹ்னிய்யான (கற்பனையான) விசயம் என்று சொல்வார்களேயானால், அந்த தாத்தாகிறது இரண்டாவதான மஃகூலான வஸ்துக்களாக வேண்டிவரும். அப்படியானால் அதற்கு வெளியில் உஜூது இல்லை. அப்பொழுது இலாஹ் என்பது வெளியில் உண்டாகாத மஃகூலான(விளங்கப்பட்ட) விசயமாகி விடும்.

இவர்கள் இரண்டு தாத்தை தரிபடுத்துவது ஏனெனில், அஹ்காம், ஆதாறுகளை மேலான அல்லாஹ்வின் பக்கம் சேர்ப்பது இயலாது என்ற காரணத்திற்காக. மேலம் தாத்தும், உஜூதும் ஒன்று என்று சொல்கிறவர்களை காபிராக ஆக்குகிறார்கள்.

தாத்துல் மும்கினை – தீமை விளையுமிடமாகவும்,
தாத்துல் வாஜிபை – நன்மை விளையும் இடமாகவும் ஆக்கினார்கள்.

இது கலப்பற்ற ஷிர்க் என்பதை அவர்கள் அறியவுமில்லை. குர்ஆனின் நஸ்ஸான ஆயத்துகளுக்கு மாறுபடுகிறார்கள். இதிலிருந்து பல்வேறு ஆட்சேபணைகள் கிளம்புகின்றன.

1.    தாத்துல் மும்கின் என்பது அவர்களிடத்தில் ஆக்கப்படாததும்,தன் தாத்தைக் கொண்டு தானே நிற்கிறதும் வெளியாக்குகிறவன், உண்டாக்குகிறவன், படைக்கிறவன் பேரில் தேவையில்லாதிருக்குமானால் மும்கினுடைய தாத்துகள் பூர்வீகமானதாகி விடும். பூர்வீகமானது எண்ணிக்கையாவது இங்கு ஏற்படுவதால் இது தௌஹீதுக்கு மாற்றமாகும்.
2.    தாத்துல் மும்கின் அவர்களிடத்தில் ஆக்கப்பட்டதாக இருப்பின், உண்டாக்குகிறவனுடைய உண்டாக்குதல் எனும் குணபாடு நிகழுவது மவ்ஜூதான விஷயத்திலா? அல்லது மஃதூமான விஷயத்திலா? அந்த உண்டாக்குதல் அல்லாஹ்வின் தாத்துக்கு வேறான உஜூதிய்யான விஷயத்தில் நிகழுமானால் இங்கேயும் பூர்வீகம் எண்ணிக்கையாவது நிர்ப்பந்தமாகும். இனி அந்த உண்டாக்குதல் எனும் குணம் இல்லாத விஷயத்தில் நிகழுமானால், இல்லாத விஷயம் குணபாட்டை ஏற்றுக் கொள்ளாது.
3.    மும்கினுடைய தாத்தாகிறது அல்லாஹ்வின் இல்மின் மர்தபாவில் தரிபட்டது என்று சொன்னால், நிச்சயமாக அல்லாஹ்வுடைய இல்மானது மற்ற கமாலிய்யத்தான சிபத்துக்களைப் போல தாத்தின் ஐனாகும். இல்மிய்யான கோலங்கள் என்பது அல்லாஹ்வுடைய அஸ்மாக்கள் ஆகும்.

இல்மிய்யான கோலங்கள் தாத்துக்கு வேறானதும், புதிதானதும் என்று சொன்னால், அப்போது தாத்துல் வாஜிபு புதிதுகளுக்கு இடமளிப்பதாகிவிடும்.

மும்கினாத்துகளுடைய தாத்துக்கள் இல்முடைய மர்தபாவை விட்டும் வெளியேறுவது அல்லாஹ்வுடைய இல்மில் குறைவும், இல்முடைய மர்தபாவில் அறியாமையும் ஏற்படும். ஆனால் மும்கினாத்துகளின் தாத்துக்கள் அல்லாஹ்வின் இல்மில் தரிபட்ட கோலங்களாகும். ஆகவே அந்த கோலங்களாகிறது ஆதியிலிருந்து அந்தம் வரை இல்முடைய மர்தபாவில் கட்டுப்பட்டதாகும். அது வெளியில் வெளியாவதில்லை. அப்போது வெளியில் ஒரு தாத்தைத் தவிர அல்லது ஒரு உஜூதைத் தவிர எட்டிக் கொள்ளப்படவில்லை.

செயல்களாகிறது நல்லதோ கெட்டதோ அது உஜூதிய்யான விஷயமாகும். உஜூதிய்யான விஷயம் அதமிய்யான விஷயத்திலிருந்து உண்டாகாது. உஜூதிய்யான விஷயத்தை அதமிய்யான விஷயத்'தில் சேர்ப்பது இரண்டு இலாஹை தரிபடுத்துவது ஆகும். மஜூஸிகளின் இமாமான ஸறது, சத்து சொல்வது போல். அதாவது:

ஒரு இலாஹ் நன்மையைப் படைக்கிறான். ஒரு இலாஹ் தீமையைப் படைக்கிறான் என்று. ஆனால், நன்மையையும், தீமையையும் அல்லாஹ் தன்பக்கம் சேர்த்துக் கொண்டான். ரஸூல் ஸல்லல்லாஹு அலைஹி வஸல்லம் அவர்கள் அதை ஈமானின் ஷர்த்தாக (அதாவது நல்லதும், கெட்டதும் அல்லாஹ்வின் புறத்திலுள்ளது என்று ஈமான் கொள்வது) ஆக்கினார்கள்.

இந்த இரு தாத்தை தரிபடுத்துபவர்கள் நன்மையை அல்லாஹ்வின் பக்கமும், தீமையை மும்கினுடைய தாத்தின் பக்கமும் சேர்ப்பதினால், அல்லாஹ் ரஸூலுக்கு மாறு செய்து விட்டார்கள். மேலும் நல்லதும், கெட்டதும் அல்லாஹ்வின் புறத்திலுள்ளது என்று சொன்னவர்களை காபிர்களாகவும் ஆக்கிவிட்டார்கள். (நவூதுபில்லாஹி மின்ஹா)

இத்துடன் அவர்களுடைய கொள்கையின் பேரில் வேறு ஆட்சேபணைகளும் உண்டு. அவை:

1.    வெளியில் மவ்ஜூதான மும்கினில் மூன்று விஷயங்கள் ஒன்று சேர்கிறது.

                                  1.    தாத்துல் மும்கின் 2. தாத்துல் வாஜிபு 3. உஜூது.

அவர்களிடத்தில் உஜூது என்பது தாத்திய்யான தேட்டத்தைக் கொண்டு தாத்துல் வாஜிபின் பேரில் இடையில் வந்த விஷயமாகும். தாத்திய்யான விஷயம் தாத்தை விட்டும் பிரியாது. மேற்கூறப்பட்ட சேர்க்கை ஒன்று சேர்வது நிர்பந்தமாகும்.

2.    நிச்சயமாக உஜூது வாஜிபுடைய தாத்துக்கு ஆதேயமாகவும், வாஜிபுடைய தாத்து அந்த உஜூதுக்கு ஆதாரமாகவும் உள்ளது.ஆதேயப் பொருள் ஆதாரப் பொருள் இன்றி நிற்பதில்லை. ஆதாரப் பொருளின் நிலையானது ஆதேயப் பொருளின் நிலையாகும். மும்கினுடைய (வெளியில் உண்டான) தாத்து அசம்பாவிதம் என்பதாக இதிலிருந்து தெரிகிறது. காரணம் இரு ஆதாரப் பொருள்களுக்கு ஒரு ஆதேயம் இருப்பது அசம்பாவிதம் என்பதற்காகவும், முதல் ஆதாரப் பொருளை விட்டும் அந்த ஆதேயம் பிரிவது அசம்பாவிதம் என்பதற்காகவும் ஆகும்.

3.     சந்தேகமில்லாமல் மும்கினுடைய தாத்து இல்லாமலானதாகும். வெளியில் உண்டான தாத்துல் மும்கின்:
உஜூது வந்து சேர்ந்ததன் பின் உண்டானால், ஹகீகத்து புரள்வது அசம்பாவிதமாகும்.

அது இல்லாமலிருப்பதுடன் உஜூதுடன் சேர்ந்தது என்றால், இரண்டு எதிரிடைகள் சேர்வது நிர்பந்தமாகும்.

மும்கினுடைய தாத்து அதனுடைய இல்லாமை எனும் அசலின்பேரில் நிற்க உஜூது அதனுடைய கோலத்தின் பேரில் வெளியானால், வாஜிபுடைய தாத்து ஒன்று என்றும், வெளியில் வெளியானது அதனுடைய உஜூதுதான் என்றும் விளங்கும்.

4.    ஒரு இல்லாத வஸ்து அதனைப்போன்று இல்லாத வஸ்துவை உண்டாக்குவதின்பேரில் சக்தி பெறுவது நிர்பந்தமாகும். வெளியில் உண்டான மும்கினுடைய உஜூதிலிருந்து உண்டான செயல்களாகிறது தனித்த மும்கினுடைய தாத்திலிருந்து உண்டாகுமானால் சுயமே இல்லாத ஒன்றிலிருந்து உள்ள விஷயம் உண்டாவது அசம்பாவிதமாகும்.

மும்கினுடைய தாத்திலிருந்தும், வாஜிபுடைய தாத்திலிருந்தும் கூட்டாக செயல்கள் உருவானால் உஜூதானது தீமைகளை உருவாக்குவதில் கூட்டாகி விட்டது. இது தாத்து இரண்டு என்று சொல்பவர்களின் நம்பிக்கைக்கு பிழையாகும்.

வாஜிபுல் உஜூதிலிருந்து தீமையான செயல்கள் உண்டாகுமேயானால், அப்போது உஜூது தீமைகள் உண்டாவதற்கு இடமாகிவிடும். இது நன்மைகள் விளையும் இடத்தில் தீமையைச் சேர்ப்பது என்ற ஆபத்தில் உங்களை இட்டுச் செல்லும். ஆகவே இரு தாத்தை தரிபடுத்துவது சரியில்லை. தரிபடுத்துவது ஷிர்க்காகும்.

5.    ஒரு உதாரணம்: வெளியில் உண்டான ஜெய்து என்பவன் உங்களிடத்தில் அல்லாஹ்வுக்கு வேறானவன் அல்ல. ஏனெனில் நீங்கள் உஜூது ஒன்று என்று ஈமான் கொண்டுள்ளீர்கள். அப்போது வெளியில் உண்டான ஜெய்துவிடமிருந்து உண்டாகும் தீமைகள் அனைத்தும் அல்லாஹ்விலிருந்தே உண்டாகிறது. ஜெய்துடைய தாத்தாகிறது அல்லாஹ்வின் இல்மின் மர்தபாவில் கட்டுப்பட்டதாகும். அது உஜூதின் வாடையைக் கூட நுகரவில்லை. ஆகவே ஜெய்து என்பவனிலிருந்து உண்டாகக் கூடிய தீமைகளை ஜெய்தின் பக்கம் சேர்ப்பதானது உங்களுடைய நம்பிக்கையின்(ஜைது என்பவன் அல்லாஹ்வாகும்) படி அறவே இல்லாத ஜெய்தின் பக்கம் சேர்ப்பது மடமையிலும் மடமையாகும். நீங்கள் எதிலிருந்து விரண்டு ஓடினீர்களோ அதன்பேரில் முகம் குப்புற விழுந்து விட்டீர்கள்.

உண்மை ஸூபியாக்களின் நிலை:

தாத் என்பது உஜூதின் ஐனாகும். உஜூது என்பது தாத்தின் ஐனாகும். ஆலமானது அதன் எல்லாக் கௌனுகளைக் கொண்டும் ஹக்கான உஜூதுடைய ஷுஊனாத்துகளும் சுற்றுகளும் ஆகும்.

வெளியில் மவ்ஜூதான பொருள்கள் அல்லாஹ்வின் தாத்துக்கு வேறானவை இல்லை. அல்லது தாத்தின் ஷுஊனாத்துகளுக்கு வேறானவை இல்லை. ஷுஊனாத்துக்கள் மட்டிலடங்காதது ஆகும். அதனுடைய சுற்றுகளும் எண்ணிக்கையற்றதாகும். கௌனுகளுடைய எல்லா அணுக்களும் ஆதியிலிருந்து அந்தம் வரை  ஷுஊனாத் என்னும் உடையில் வெளியாகிக் கொண்டிருக்கிறது.

அவன் ஒரு ஷஃன்(காரியத்தின்) உடைய உடையில் இரண்டு தடவை வெளியாவதில்லை. ஒவ்வொரு அணுவின் பேரிலும் சொந்தமான ஒரு கோலத்தைக் கொண்டு வெளியாகிறான். அந்த சொந்தமான கோலத்தைக் கொண்டு வேறு எந்த அணுவிலும் ஒரு காலமும் வெளியாக மாட்டான்.

வெளிப்பாட்டில் இந்த அதிகத்துடனேயே அதிகமாகவில்லை, எண்ணிக்கையாகவில்லை, பேதகமாகவில்லை. அவன் எப்பொழுதும் முன்னுள்ள மாதிரியே இருக்கிறான். அவன் பன்மையுடன் ஒருவனாகவும், ஒருமையுடன் பன்மையானவனாகவும் தாத்தில் அல்லது உஜூதில் ஒருவனானவனும் ஆவான். சுற்றுகளிலும் ஷுஊனாத்துகளிலும் பலதானவனும் ஆவான்.

இத்துடனே ஒருமை பன்மையினதும் பன்மை ஒருமையினதும் ஐனாகும். அவனின் நிலைகளாகிறது அவனின் தாத்தின் ஐனாகும். அவனின் தாத்தாகிறது அவனது நிலைகளின் ஐனாகும். மட்டிலடங்கா ஷுஊனாத்துக்களுடைய அவன் அவனுடைய ஷுஊனாத்துக்களுடைய ஐனாகவும், சுற்றுகளின் ஐனாகவும் (தனி நிலையிலும் கூட்டான நிலையிலும்) ஆகிறான்.

இதுபோல்தான் அவனது ஷுஊனாத்துக்களை(காரியங்களை)க் கொண்டு மொத்தமாக ஐனாகிறான்(தானாகிறான்). தனித்த நிலையிலும் சேர்ந்த நிலையிலும் அவன் எல்லாவற்றினதும் ஐனாகும். எல்லாம் அவனது ஐனுமாகும்.

ஆகவே தாத்தாகிறது ஒரு தாத்தாகும். ஷுஊனாத்துகள் பலதாகும். கடலின் தாத்து ஒன்றானதாகவும், அதன் அலைகள் என்னும் சுற்றுகள் பலதானதும் போல, கடலின் தாத்தாகிறது தனித்தனி எல்லா அலைகளினதும் ஐனாகும். இதுபோலவே மொத்தமாக எல்லா அலைகளினதும் ஐனுமாகும்.

ஐனு ஒன்றானதாகவும், சுற்றுகள் அநேகமானதாகவும் இருக்கும். 'லா மவ்ஜூத .இல்லல்லாஹ்'. இதுதான் ஹகீகிய்யான தௌஹீதுத் தாத்தியாகும்.
   

                            ஆக நூரி ஷாஹ் தரீகா என்பது நமது சுன்னத் வல் ஜமாஅத்தைச் சார்ந்த மகான்களின் நடைமுறைகளுக்கு முற்றிலும் மாறுபட்ட ஒன்று என்பது உங்கள் முன் எடுத்துக் காட்டப்பட்டிருக்கும் ஆதாரங்கள் மூலம் நிரூபணம் ஆகியிருக்கிறது. தெளிவு பெறுங்கள்!!!

ஆதார நூல்கள்:

1.    திருக்கலிமாவின் பொக்கிஷம்.
2.    நூருன்னூர்
3.    15-5-1977 ஆயங்குடி பிரசுரம்
4.    அல் ஹகீகா
5.    தப்லீக் ஜமாஅத் என்றால் என்ன?
6.    ஷைகுனா செய்யிது நூரிஷாஹ் ஷைகுனா ஜுஹூரி ஷாஹ் நினைவு மலர்.
7.    மெய்ஞ்ஞான வழித் தொடர் ஷஜ்ரா
8.    அஹ்லெ சுன்னத் மாத இதழ்கள்.
9.    தப்லீக்கும் அதன் தலைவர்களும்.
10.    சமஸ்த கேரள ஜம்இய்யத்து உலமா சபை தீர்மானம்.

முற்றும்.

Is Noorie Sha Thareekat against Sunnat Jamat? நூரிஷா தரீகாவும், சுன்னத் வல் ஜமாஅத்தும்!

நூரிஷா தரீகாவும், சுன்னத் வல் ஜமாஅத்தும்!

        தமிழ்நாட்டில் சுமார் 1974ம் ஆண்டு வாக்கில் ஆந்திர மாநிலம் ஹைதராபாத் நகரிலிருந்து உருது மொழியில் பாண்டித்துவம் பெற்ற நூரி ஷாஹ் என்ற ஹெட் கான்ஸ்டபிள் ஒருவர் தமிழ்நாட்டிற்கு தரீகா ஒன்றை அறிமுகம் செய்து வைக்கிறார். அததுடன் கேரளா மாநிலத்திற்கும் சென்று தமது தரீகாவை பரப்பினார். தமிழ்நாட்டில் பல்வேறு இடங்களுக்கும் சென்று தமது தரீகாவை பரப்பினார். இவர் பைஅத்து பெற்ற ஷெய்கான கௌது அலி ஷாஹ்விற்கும் இவருக்கும் கருத்து வேறுபாடு ஏற்பட்டு இருவருக்கிடையே மோதல் ஏற்பட்டு, கௌதுஅலி ஷாஹ்வும் அவரது ஆதராவாளர்களும் நூரி ஷாஹ்வா? நாரி ஷாஹ்வா? என்று சென்னை திருவல்லிக்கேணி பகுதியில் வால்போஸ்டர் ஒட்டும் அளவிற்கு மோதல் முற்றி ஒரு கட்டத்தில், கௌதுஅலி ஷாஹ், நூரி ஷாஹ்வை அவர் என் முரீது இல்லை. மரீதாகிவிட்டார் என்று அறிவிக்கும் அளவிற்கு சென்றது. அவரின் மௌத்திற்குப் பின் நூரிஷாஹ் தன்னை கலீபாவாக-ஷெய்காக கூறிக் கொண்டு தன் கொள்கைகளை பரப்ப ஆரம்பித்தார்.

       கேரளாவில் பட்டிக்காட்டில் ஒரு மத்ரஸாவை உருவாக்கினார். பின் இவரின் கொள்கை கோட்பாடுகள் சுன்னத் வல் ஜமாஅத்திற்கு மாற்றமாக இருந்ததினால் இவரின் தரீகா வழிகெட்டது என்று கேரளா உலமா சபையினால் பத்வா வெளியிடப்பட்டு அங்கிருந்து விரட்டப்பட்டார். அதனபின் தமிழ்நாட்டில் தீவிர பிரச்சாரம் செய்து தமது தரீகாவை பரப்ப முயன்று சுமார் 54 கலீபாக்களை ஏற்படுத்தினார். அவரின் கலீபாக்களில் பல கொள்கைகளை சார்ந்தவர்களும் இருந்தனர். அவரின் சில்சிலா எனும் தொடரில் பல்வேறு குழப்பங்கள் இருந்தன. அவரின் சில்சிலாவில் வருகின்ற ஷெய்குகளில் ஒருவராக மௌலவி இஸ்மாயில் திஹ்லவி (தக்வியத்துல் ஈமான் நூலின் ஆசிரியர்) யின் நண்பர் செய்யிது அஹ்மது பரேலி எனபவரும் ஒருவர். இவர்களிருவரும் தமது வஹ்ஹாபியக் கொள்கைகளை பரப்ப பஞ்சாப் அருகே சென்றபோது சுன்னத் வல் ஜமாஅத்தினர்களால் துண்டு துண்டாக வெட்டி கொல்லப்பட்டனர். மேலும் ஸெய்யிதினா ஹஸன் ரலியல்லாஹு அன்ஹு அவர்களுக்கு அடுத்தாண்மையாக ஸெய்யிதினா ஹுஸைன் ரலியல்லாஹு அன்ஹு அவர்கள் வருகிறார்கள். இது எங்கும் காணப்படாத ஒன்றாகும்.

        அடுத்து, மெய்ஞ்ஞானத்தில் தாத்து மற்றும் உஜுதை இரண்டாக சொல்லி தாத்து பலதும், உஜுது ஒன்று என்றும், இதுவே வஹ்தத்துல் வுஜுது என்றும், இதற்கு மாறற்மான கருத்துடையவர்கள் வழி தவறியவர்கள் என்றும் கூறி வருகின்றனர்.

         இவ்வாறு தமிழ்நாட்டில் அவரின் கலீபாக்கள் ஆங்காங்கே தமது சுன்னத் வல் ஜமாஅத்திற்கு மாறுபட்ட கொள்கைகளை கூறி மக்களை வழி கெடுத்துக் கொண்டிருப்பதால், அவர்களின் கொள்கை என்ன? என்பதை விளங்க வேண்டி நூரி ஷாஹ் அவர்களின் கலீபாக்களில் ஒருவரான ஜமாலி ஷாஹ் என்பவருக்கு கடிதம் எழுதி கேட்டபோது அதற்கு அவர் அளித்த விபரம்கெட்ட, மடத்தனமான பதிலுக்கு உடன் எழுதிய விளக்கம் இதில் இடம்பெறுகிறது. ஆகவே மக்கள் இந்த தரம் கெட்ட தரீகாவை அடையாளம் கண்டு அவர்களிடமிருந்து விலகி இருக்க வேண்டுகிறேன்.


1
786/92

அன்பும், நேசமும் கொண்ட  கலீபா ஜமாலி ஷாஹ் நூரி அவர்களுக்கு,

       ஜமால் உடைய சலாம். இதற்குமுன் எனக்கு ஏற்பட்ட சந்தேகங்களுக்கு பதில் கூறி எனக்கு தெளிவு தரும்படி எழுதியிருந்தேன். பதில் இல்லை. சந்தேகம் என்பது நோய். எனவே எனது சந்தேகங்களை தீர்த்து வைக்க அன்புடன் வேண்டுகிறேன்.

1. தங்களுடைய சில்சிலா ஷெய்கான நூரி ஷாஹ் ஹஜ்ரத் அவர்கள் எழுதிய 'பைஜானே ஹக்' நூலுக்கு K.A. நிஜாமுத்தீன் ஆலிம் மன்பஈ எழுதிய மறுப்பு நூலான 'இர்பானுல் ஹக்' எனும் நூலில் கூறியவைகள் உண்மையா?

2. மக்கா, மதீனா உலமாக்களாலும், இந்தியாவின் சங்கைமுpகு 268 உலமாக்களாலும் 'காபிர்' என்று தீர்ப்பளிக்கப்பட்ட அஷ்ரப் அலி தானவியை தாங்கள் பெரிய மகான், மெய்ஞ்ஞான ஸூபி என்று கூறுவதாக சொல்லப்படுவது உண்மையா? அஷ்ரப் அலி தானவி எப்படிப் பட்டவர்?

3. ஞான வழியில் நடக்க விரும்பும் எனக்கு தஸவ்வுப் பற்றி அறிவுறுத்தவும். உஜூது, தாத்து பற்றி விளக்கம் தரவும். முக்தி அடைய வழி சொல்லவும்.

மேற்கூறியதற்கு தாங்கள் பதில் எழுதி எனது ஆன்மீகத்திற்கு வழிகாட்ட வேண்டுகிறேன். தாங்கள் ஒரு பொறுப்பாக உள்ளதால் அடியேனுக்கு பதில் எழுதுவீர்கள் என்று நம்புகிறேன். உங்கள் பதிலை எதிர்பார்க்கிறேன். பின் துஆ சலாம்.
                                                                                                        -Jamal Mohamed

இந்த கடிதத்திற்கு ஜமாலி ஷாஹ் எழுதிய அறிவீனமான பதில்களுக்கு எழுதிய விளக்கமான மறுப்புரை.

1
                                                          786/92                          17-11-95                               
                                                                                                                                    

அன்புள்ள ஜமாலி ஷாஹ் நூரி அவர்களுக்கு,

அல்லாஹ்வின் நேர்வழியை யார் பெ;றார்களோ அவர்கள் அனைவர்கள் மீதும் சாந்தியும், சமாதானமும் என்றென்றும் நிலவட்டுமாக! உங்கள் தபால் கடைத்தது. நான் கேட்டிருந்த 3 கேள்விகளுக்கு ஒன்றிற்கு மட்டும் விடையளித்திருந்தீர்கள்.

அந்த விடைகளில் உண்மைக்குப் புறம்பான செய்திகளும், தவறான கருத்து கொள்ளப்பட்ட செய்திகளும் இருந்ததால் மேலும் ளரு காபிரை முஃமினாக்கும்படியும் எழுதியிருந்தால் விளக்கமான, ஆதாரமான, சிந்தனையைத் தூண்டி நல்வழிக்குத் திரும்பும்படியான கருத்துக்கள் கொண்ட பதிலை எழுதியுள்ளேன்.

ஆகவே, இப்பதிலைக் கண்டாவது சுன்னத் வல் ஜமாஅத் கொள்கைக்கு திரும்பி வாருங்கள் என்று அன்புடன் அழைக்கிறேன். மேலும் இனிமேல் இதுபோல் மக்களை வழி கெடுக்க முற்படாதீர்கள் என்றும் வேண்டுகிறேன். 

 மற்றவை பின்.                                                           – ஜமால் முஹம்மது.

1
                                 786/92                                                                                                                                                       

அன்புள்ள ஆலிம்களுக்கு,

அல்லாஹ்வின் நேர்வழியை யார் பெ;றார்களோ அவர்கள் அனைவர்கள் மீதும் சாந்தியும், சமாதானமும் என்றென்றும் நிலவட்டுமாக! ஆமின். தங்களுடைய கடிதம் கிடைக்கப் பெற்றது. ஒரு திறமை மிகுந்த மத்ரஸா என்று சொல்லப்படும் மத்ரஸாவின் நாஜிர் அவர்களின் பதில் வியப்புக்குரியதாக இருந்தது.

மக்கா,மதீனா உலமாக்கள் 35 பேர்களும், இந்திய உலமாக்கள் 265 பேர்களும் அஷ்ரப் அலி தானவி போன்றோரைக் 'காபிர்' என்று தீர்ப்பளித்திருக்கிறார்களே! அவரைப் பற்றி உங்கள் கருத்து என்ன? என்று கேட்கப்பட்ட கேள்விக்கு தாங்கள் எழுதிய பதில் சிரிப்பி;ற்கிடமானது என்பதில் ஐயமில்லை. உங்கள் பதிலில் 'சரஹு பிக்ஹுல் அக்பரின்' வாசகத்திற்கு தாங்கள் எழுதிய கருத்து, 'ஒரு முஸ்லிம் உடைய சொல்,செயல் குப்ருடன் சம்பந்தப்பட்டுள்ளதாக காணப்பட்டால் அவற்றில் 99 சாத்திய் கூறுகள் குப்ருடன் சம்பந்தம் கொண்டிருக்க ஒரே ஒரு சாத்தியக் கூறின் மூலம் மட்டுமே குப்ரை நஃபி செய்யமுடியுமெனில் முப்திகளும், காழிகளும் நஃபியைக் கொண்டே தீர்ப்பு வழங்குவது ஏற்றமானது என்பதாகும்.

ஆனால், ஒரு முஸ்லிம் உடைய சொல், செயல் தெளிவாக குப்ருடன் சம்பந்தப்பட்டுள்ளதாக காணப்பட்டால் அவரை 'காபிர்' என்று சொல்வதுதானே மார்க்கச் சட்டம். ஒருவன் அல்லாஹ், ரஸூலைக் குறைவு கண்டால், அவர்களின் சொல், செயல்களை மறுத்தால், நபிகள் நாயகம் ஸல்லல்லாஹு அலைஹி வ ஸல்லம் அவர்களுக்குப் பின் தான் நபி என்று வாதித்தால் அவனின் சொல், செயல்களுக்கு 100 கருத்து வைத்து அதைப் பிரித்தா பார்ப்பார்கள்? இவ்வாறுதான் நீங்கள் ஓதியுள்ளீர்களா? அல்லாஹ், ரஸூல் ஸல்லல்லாஹு அலைஹி வ ஸல்லம் அவர்கள் மீது கொண்ட நேசம் இவ்வளவுதானா? பிக்ஹு சட்டம் படித்தல்லவா எழுத வேண்டும்.

அடுத்து, 'அஹ்லு கிப்லாவைச் சார்ந்தவரில் எவரையும் 'காபிர்' என்று சொல்ல நமக்கு தகுதியல்லை.' என்கிறீர்கள். உங்கள் வாதப்படி வைத்துப் பார்ப்போம். ரஸூல் ஸல்லல்லாஹு அலைஹி வ ஸல்லம் அவர்களுக்குப் பின் தான் ஒரு நபி என்று வாதிட்ட குலாம் அஹ்மது காதியானியை மட்டும் ஏன் 'காபிர்' என்கிறீர்கள்? மேலும் தொழுகை, நோன்பு, ஜகாத், ஹஜ்ஜை தம் மீது கடமையில்லi என்பவனையும், ஹராமானவற்றை தனக்கு ஜாயிஸ் என்றும் கூறுபவனையும் முஃமின் என்றா கூற முடியும்? நீங்கள் ஓதிப்படித்தவர்தானே! இதெல்லாம் தெரியாமலாயிருக்கும்? யாருடைய நிர்பந்தத்திற்கோ, வேறு ஏதும் கிடைக்கும் என்ற காரணத்திற்கோ ஏன் பயந்து உண்மைக்கு மாறானவற்றை எழுத வேண்டும?;.

'ஷிர்க்' வைக்காமலிருக்கும் காலம் வரை ஒருவரை 'காபிர்' என்று சொல்ல முடியாது' என்கிறீர்கள். ஆனால் முதலி; சரஹு பிக்ஹுல் அக்பருடைய வாசகத்தை நீங்கள் எடுத்துக் காட்டும்போது 'குப்ருடன்(100 சாத்திய் கூறுகள் மூலமும்) சம்பந்தப்பட்டால் அவரை 'காபிர்' என்று கூறலாம் என்ற கருத்துடன் எழுதியுள்ளீர்கள். உங்கள் கூற்றுகளிலேயே முரண்பாடு தெரிகிறதே! தாங்கள் நான்கு மத்ஹபுக்குரிய பிக்ஹு நூற்களில் 'ரித்தத்' உடைய பாடத்தையும், சரஹு பிக்ஹுல் அக்பர் உடைய பிற்பகுதியையும் படிக்கவில்லை போலும்! அதையும் படிக்க முற்படுங்கள். யாருக்கும் அடி பணிய வேண்டாம். உண்மையை எழுதுங்கள், சொல்லுங்கள்.

'சுன்னத் வல்ஜமாஅத் யார்? அல்லாதார் யார்? எனக் கண்டு கொள்ள இயலாத அளவிற்கு நம் சமுதாயத்தில் உலமாக்கள் உள்ளார்கள்' என்கிறீர்கள். தாங்கள் சுன்னத் வல் ஜமாஅத் கொள்கை எது என்பதை புரிந்து கொள்ளாததே இதற்கு காரணம்.

மேலும் இமாம்களுடைய காலத்தில் சுன்னத் வல் ஜமாஅத் கொள்கைகளில் ஒரு சிலதுக்கு மாறுபட்ட கொள்கை கொண்டவர்களை அடையாளம் காட்டும் பொருட்டு அந்த கொள்கைகள் சுன்னத் ஜமாஅத் கொள்கைக்கு அப்பாற்பட்டவை என்று கூறி உண்மைக் கொள்கையை நிலை நாட்டினர் இமாம்கள் என்பது அறிந்த ஒன்று. ஆனால் அல்லாஹ், ரஸூல் ஸல்லல்லாஹு அலைஹி வ ஸல்லம் அவர்களை குறைவு கண்ட எவரையும் அவர்கள் 'முஃமின்' என்று சொன்னதில்லை. அவர்கள் முஃமின்களே அல்ல என்பது ஏகோபித்த முடிவு என்பதும் நீங்கள் அறியாதது அல்ல!

அடுத்து 'ஈமான், குப்ர் சம்பந்தப்பட்ட பிரச்சனை கல்பு சம்பந்தமானது என்கிறீர்கள். ஒருவன் வெளிரங்கமாக குப்ரை நாடுகிறான், செய்கிறான் என்றால் அவனுடைய கல்பை நோட்டமிட்டா அவனை காபிர், முஃமின் என்று தீர்ப்பளிப்பார்கள்? வெளிரங்கத்தைக் கொண்டுதானே பிக்ஹு மசாலா எடுக்க இயலும்? இது கூட படித்ததுதானே! ஏன் விதண்டாவாதம்?

அடுத்து, 'நபிகள் நாயகம் ஸல்லல்லாஹு அலைஹி வ ஸல்லம் அவர்கள் காலத்தில், அவர்கள் முனாபிக்கீ;ன்களை முஸ்லிம்களின் பட்டியலில் சேர்த்தே வாழ்ந்து வந்தார்கள் என்பது சமுதாயம் அறிந்தது என்று எழுதியுள்ளீர்கள். நாயகம் ஸல்லல்லாஹு அலைஹி வ ஸல்லம் அவர்கள் முனாபிக்குகளை வெளியாக்கி அவர்களுடன் சேராதிருக்க உபதேசித்ததையும், ஹுதைபா ரலியல்லாஹு அன்ஹு என்ற சகாபியிடம் முனாபிக்குகளைப் பற்றி கூறி அவர்களின் பட்டியலை கொடுத்துள்ளதையும், நபிகள் ஸல்லல்லாஹு அலைஹி வ ஸல்லம் அவர்கள் காலத்திற்குப் பி;ன் யாராவது வபாத்தானால் அந்த ஜனாஸாவிற்கு அந்த ஸஹாபி தொழ வருகிறார்களா? என்று பார்த்து விட்டு அவர்கள் வற்தால்தனர் உமர் ரலியல்லாஹீ அன்ஹு அவர்கள் தொழுவார்கள் என்ற சம்பவங்களையும் நீங்கள் பார்க்காமல் இருக்கமுடியாது. பார்த்தும் ஏன் நீங்களும் குழம்பி, அடுத்தவர்களையும் குழப்புகிறீர்கள்? குர்ஆன் ஷரீபில் காபிர்களை கண்டித்து கூறியிருப்பதை விட அதிகமதிகம் முனாபிக்குகளைத்தான் கண்டித்து கூறப்பட்டடிருப்பது உங்களுக்கு கொஞ்சம்கூட தென்படவில்லை போலும்!

மேலும் இமாமுல் அஃலம் அபூ ஹனீபா ரஹிமஹுல்லாஹு அவர்களை கௌதுல் அஃலம் போன்றோர்கள் குறை கூறியுள்ளதாக கொஞ்சம் சுட தயங்காமல் எழுதியுள்ளீர்களே! அபூ ஹனீபா ஹனபிய்யுல் யமனி, அபூ ஹனிபா ஹனபிய்யுல் கூஃபி என்று இருவர்கள் இருந்தார்கள். இதில் கூஃபி அவர்கள் நமது இமாம். எமனி என்பவர் குழப்பக்காரர். எமனியைத்தான் குழப்பக்கரரர் என்று கொளதுல் அஃலம் கண்டித்துள்ளார்கள் என்று ஒரு சாராரும், 'இவ்வாசகம் கௌதுல் அஃலம் கூறியது அல்ல. பிற்காலத்தலி; திணிக்கப்பட்டது என்று ஷாஹ் வலியுல்லாஹ் போன்ற ஒரு சாராரும் கூறியுள்ளதை நீங்கள் கவனிக்கவில்லை போலும். திரும்ப ஓத முற்படுங்கள். கௌதுல் அஃலம் அவர்களை விலாயத்து இல்லாத சாதாரண மனிதர் என்றா நினைத்துக் கொண்டிருக்கிறீர்கள்? நபிமார்கள், ஒலிமார்கள் விஷயத்தில் அதபுடன் நடக்க வேண்டும் என்பது தெரியாதா?

அடுத்து, பிரச்சனைக்குரிய உலமாக்கள் பற்றி எழுதும்போது, 'அவர்கள் இப்போது நம்மிடையே இல்லை. மேலும் அவர்கள் எழுதியதாகக் சுறப்படும் நூற்கள் அவர்கள் எழுதிய பிரதிதான் என்பதை உறுதிபட கூற இயலாது' என்று கூறிவிட்டு 'அதைப் பற்றி ஆராய்ச்சி செய்ய வேண்டும்' எனவும் எழுதியுள்ளீர்கள். அஷ்ரப் அலி போன்ற உலமாக்கள் தோன்றி பல நூற்றாண்டுகள் ஆகிவிடவில்லை. இன்றைய காலகட்டத்தில்தான் தோன்pனார்கள் என்பது அறிந்த ஒன்று. பல நூற்றாண்டுகளுக்கு முன் எழுதப்பட்ட, நகல் செய்யப்பட்ட ஹதீஸ்கள், சட்டங்கள் போன்றவற்றை ஒப்புக் கொள்ளும் நீங்கள், குர்ஆன் அல்லாஹ்வுடைய வேதம், நபி ஸல்லல்லாஹு அலைஹி வ ஸல்லம் அவர்க் மூலம் மக்களுக்கு அருளப்பட்டது என்பதையும் நம்பும் நீங்கள் உங்கள் கருத்துக்கு ஒத்து வரவில்லை இதை ஒப்புக் கொள்ள மறுத்து, உங்கள் வேஷம் கலைந்து விடும் என்று நொண்டி சாக்கு சொல்கிறீர்கள்.

நீங்கள் போற்றும் அஷ்ரப் அலி தானவி போன்ற உலமாக்கள் 'குப்ரை'க் கொண்டு தீர்க்கமாக எழுதியதை இன்றுரை அவரை மகான், வலி என்று போற்றிப் புகழும் தேவ்பந்த் மத்ரஸாவும், மற்ற குதுப்பானாக்களும், உலமாக்கள் என்பவர்களும் மறுக்கவில்லையே! அதையே தொடர்ந்து புத்தகமாக வெளியிட்டு வருகிறார்களே! அஷ்ரப் அலியின் காலத்திலேயே வெளியிடப்பட்டதே! இவ்வாறு அஷ்ரப் அலி தௌ;ளத் தெளிவாக குப்ருடன் சம்பந்தப்பட்டுள்ளார் என்று காணும்போது அவரை 'காபிர்' என சொல்ல ஏன் தயங்க வேண்டும்?

மக்கா, மதீனா உலமாக்கள் வெளியிட்ட 'ஹுஸாமுல் ஹரமைன்' என்ற தீர்ப்பு வெளிவரும்போது அஷ்ரப் அலி உயிருடன்தானே இருந்தார். அதற்கு ஏன் ஒரு பதிலும் சொல்லவில்லை? அந்த குப்ர் கொள்கையை ஒப்புக் கொண்டதால்தான் பதில் சொல்லவில்லை. அதே பொல் மீரட் மௌலானா அவர்கள் அஷ்ரப் அலியை நேரில் விசாரித்து நீர் உம்மை ரஸூலாக அறிவித்தது உண்மையா? என்று கேட்டபோது ஏன் மறுக்கவில்லை? தன்னை ரஸுலாக அறிவித்ததினால்தானே! அதன் பிறகுதான் பர்ரத் மின் கஸ்வரா' என்ற தலைப்பில் அஷ்ரப் அலியை 'காபிர்' என்று தீர்ப்பளித்தார்கள். அப்போதும் அஷ்ரப் அலி உயிருடன்தானே இருந்தார். மறுக்கவில்லையே!

இப்னு ஜௌஸி ரஹிமஹுல்லாஹ் அவர்கள் வழி கெட்ட கொள்கையில் இருக்கும்போது எழுதிய புத்தகங்களுக்கு அவர்கள் திருந்திய பின் மறுப்பு எழுதினார்களே! அஷ்ரப் அலி அப்படி ஏதும் எழுதினாரா? 'அஷ்ரப் அலி அந்த புத்தகங்களை எழுதினார் என்று உறுதிபட கூற முடியாது' என்று எழுதியு;ளளீர்கள். அஷ்ரப் அலி எழுதிய புத்தகம் சரிதான், .துதான் அவர்க கொள்கை என்று அவருடைய கலீபாக்களே ஒப்புக் கொண்டுள்ளனரே! நீங்கள் படித்துப் பார்க்கவில்லையா?

உங்கள் ஷெய்குமார்கள் அவிழ்த்து விட்டுள்ள கட்டுக் கதை போல் நீங்களும் அவிழ்த்துவிட்டுள்ளீர்கள். அவர்களின் கலீபாக்கள் ஸலவாத்தைமுழுமையாக சொல்லும்படி சொன்னதாகவும், நபி மீது காதல் கொண்டிருந்ததாகவும் எழுதியுள்ளீர்கள். நபிகள் நாயகம் ஸல்லல்லாஹு அலைஹி வ ஸல்லம் அவர்கள் பெயர் எழுதும் போத ஒரு ஸலவாத்து கூட எழுத உங்களுக்கு மனம் வரவில்லையே ஏன்? உங்கள் சகவாசம் அப்படி. மேலும் அஷ்ரப் அலி கான்பூர் சுன்னத் வல் ஜமாஅத் மத்ரஸாவில் ஓதிக் கொடுக்கும் போது மௌலிதுகள் ஓதுவார். ஒருமுறை இதுபற்றி அவரிடம் கேட்கும்போது, இதுமாதிரி நடித்துதான் மக்களை நல்வழிக்கு இழுக்க இயலும் என்றார். இதனால்தனர் இவருக்கு ஹகீமுல் உம்மத் என்ற பட்டம் கொடுக்கப்பட்டது போலும். ஷெய்கே இப்படி இருக்கும் போது அவருடைய கலீபா எப்படி இருப்பார்?

துல் குவைஸரா, அப்துல்லா இப்னு மஸ்லூல் போன்ற முனாபிக்குகளை முஃமின் என்று சொல்ல முடியுமா? குலாம் அஹ்மது காதியானி, ஷியாக்கள் போன்றோரை முஃமின் என்றும் சுன்னத் வல் ஜமாஅத்தினர் என்றும் சொல்ல முடியுமா? இக் காலகட்டத்தில்தான் தன்னை ரஸூலாக பிரகடனப்படுத்தி ரஸூலை குறைவு படுத்தி எழுதிய அஷ்ரப் அலி தானவியை முஃமின் என்று சொல்ல முடியுமா?

மேலும் உங்கள் சில்சிலாவின் ஷெய்கு நூரி ஷாஹ் அவர்கள் இல்யாஸி தப்லீகை வழிகெட்டது என்று சாடி பேசியது அறிந்த ஒன்று. ஆனால் நீங்கள் இல்யாஸை 'ரஹ்' போட்டு எழுதுகிறீர்களே! என்னே! நீங்கள் ஷெய்கு மீது கொண்ட பணிவு!

ஒவ்வொர காலகட்டத்திலும் வழிகெட்டவர்களை சுன்னத் வல் ஜமாஅத்தினர் அடையாளம் காட்டி சென்றுள்ளனர். அவ்வகையில் அஷ்ரப் அலியை 'காபிர்' என்று சொல்லியுள்ளார்கள். இவ்வாறு காபிர் என்றவரை 'முஃமின்' ஆக்கும் உங்கள் கூட்டம் வழி கெட்டதுதான்.

ஒரு காபிரை 'காபிர்' என்று சொல்லத் தயங்குபவனும் 'காபிர்' என்று உலமாக்ககளின் ஏகோபித்த முடிவுபடி (நூல்: ஷிபா) உங்கள் நிலையை உற்று நோக்குங்கள்.

முற்றும்