ஹழ்ரத் ஐயூபு அலைஹிஸ்ஸலாம்

ஹழ்ரத் ஐயூபு அலைஹிஸ்ஸலாம் நபி இஸ்ஹாக் அலைஹிஸ்ஸலாம் அவர்களின் முதல் மகன் ஈசுவுடைய வழியில் வந்தவர்கள் என்றும், இவர்களின் தந்தை ஆமூஸ் என்றும் இவர்களின் அன்னை லூத் அலைஹிஸ்ஸலாம் அவர்களின் வழிவந்தவர்கள் என்றும் கூறப்படுகிறது.

இவர்களில் தந்தை நபி இப்றாஹீம் அலைஹிஸ்ஸலாம் அவர்களின் மார்க்கத்தைச் சார்ந்தவர்கள். இவர்களின் மனைவி யூசுஃப் அலைஹிஸ்ஸலாம் அவர்களின் புதல்வர் அப்ராயீமின் மகள் ஆவார்.

இவர்கள் உயரமாகவும், கருநிறக் கண்களும் சுருள்முடியும் பெற்றிருந்தார்கள். இவர்களின் தலை பெரியதாகவும், கழுத்து குட்டையாகவும், கை கால்கள் நீண்டவையாகவும் இருந்தன. இவர்கள் பழுப்பு நிறமுடையவர்களாக இருந்தார்கள். இவர்கள் வசித்த நாடு ஹெளரான் அல்லது பதானியா அல்லது சிரியாவிலுள்ள மித்னா என்றும் பலவித கூற்றுக்கள் உண்டு.

செல்வந்தரான இவர்கள் 1000 பெண் குதிரைகளும், 1000 ஆண் குதிரைகளும், இரண்டாயிரம் கோவேறு கழுதைகளும், 700 ஒட்டகங்களும், 1000 காளைகளும், 1000 பசுக்களும், ஆயிரம் ஆடுகளும் வைத்திருந்தனர். ஒருநாள் இப்லீஸ் அல்லாஹ்விடம் நான் உன் நல்லடியார்களை வழிகேட்டிலாக்கிவிட்டேன் என்று சொன்னபோது, அல்லாஹ் இவர்களை சுட்டி இவர்களை வழிகேட்டிலாக்க முடியுமா? என்று கேட்க, முடியும் என்று கூறி இவர்களின் உடைமையில் ஆதிக்கத்தை கேட்டான். அதன்பின் இவர்களின் உடைமைகளை அழித்தான். ஆனால் அதற்காக இவர்கள் பொறுமை இழக்கவில்லை.

பிறகு இப்லீஸ் இவர்கள் மக்கள் மீது உரிமை கோர இறைவனும் அவ்வாறே அளித்தான். இப்லீஸ் இவர்களின் மக்களை மரிக்கச் செய்ய அப்பொழுதும் இவர்கள் பொறுமை இழக்கவில்லை. அடுத்து இவர்களின் உடல் மீது ஆதிக்கம் பெற்று இவர்களின் உடல் மீது கொடிய புண் ஏற்படச் செய்தான். அவற்றில் எண்ணற்ற புழுக்கள் நெளிந்தன. அவை கீழே விழும்தோறும் அதை எடுத்து தம் உடலில் விட்டுக் கொள்வார்கள். அரிப்போ மிகவும் கடுமையாக இருந்தது.

இந்தக் கொடுமையிலிருந்து விடுபட இறைவனிடம் கையேந்தக் கூடாதா? என்று இவர்களின் மனைவி ரஹ்மா அவர்கள் சொல்ல, வளமாக வாழ்ந்த நாம் சோதிக்கப்படுகிறோம். இச்சோதனையை விரைவில் நீக்க இறைவனிடம் இறைஞ்ச நான் நாணமுறுகிறேன் என்று சொல்லிவிட்டார்கள்.

வறுமையினால் இவர்களின் மனைவி கூலி வேலை செய்து தமக்கும், தம் கணவருக்கும் உணவுப் பொருட்கள் வாங்கச் சென்றபோது வழியில் இப்லீஸ் இவர்களை ஒரு வயோதிகச் செல்வந்தர் போல் வேடமிட்டு சந்தித்தான். தம்மை மணமுடித்துக் கொண்டால் இன்பவாழ்வு வாழலாம் என்று ஆசை காட்டினான். ஆனால் அவர்கள் மறுத்து விட்டார்கள்.

இவர்களின் நிலையைக் கண்ட ஊர்மக்கள் அன்னாரை ஊருக்கு வெளியே போகச் செய்ய முயற்சித்தனர். மேலும் அன்னாரை கொல்லவும் துணிந்தனர். ஆனால் அம்முயற்சிகள் எல்லாம் வீணாகின. எனவே அவர்கள் அங்கிருக்க விரும்பாமல் சிலரின் உதவியோடு ஊருக்கு வெளியே சென்று தங்கினர்.

ஒருநாள் இப்லீஸ் மருத்துவர் வேடமிட்டு வந்து,  இவர்களின் மனைவியிடம் இந்நோய் நீங்க பன்றி கறியும் மதுவும் அருந்தினால் நோய் நீங்கப் பெறும் என்று கூறினான். இதனை ரஹ்மா அம்மையார் இவர்களிடம் கூற இவர்கள் அதனை அடியோடு மறுத்து விட்டார்கள்.

ஒரு வெள்ளிக்கிழமை ஜிப்ரீல் அலைஹிஸ்ஸலாம் அவர்கள் வந்து இவர்களை எழுந்து நின்று காலை மண்ணில் அடிக்குமாறு கூறினர். அவ்விதமே இவர்கள் செய்ய ஒரு நீருற்றுப் பொங்கியது. இவர்கள் அதில் குளித்து அதன் நீரை அருந்த இவர்கள் உடலில் உள்ள நோய் நீங்கிப் பொன்மேனிப் பெற்றார்கள். அதன்பிறகு இவர்களின் வாழ்வு மீண்டும் வளம் பெற்றது.

இவர்களுக்கு நோய் ஏற்பட்டது 70 ஆம் வயதில் என்று குறிப்பு ஒன்று காணப்படுகிறது. இவர்கள் நோய் நீங்கப்பெற்று 20 ஆண்டுகள் இவ்வுலகில் வாழ்ந்தார்கள் என்றும், முன்பு வாழ்ந்தது போன்று 70 ஆண்டுகள் மீண்டும் இவர்களுக்கு வழங்கப்பட்டது என்றும் கூறப்படுகிறது.

ஒரே இறைவணக்கத்தை மக்களுக்குப் போதித்தனர். ரூம் நாடு சென்று அங்கும் இஸ்லாத்தை பிரச்சாரம் செய்தனர். சுமார் 27 வருடங்கள் இஸ்லாமியப் பிரச்சாரம் செய்தனர். தம் மகனார் ஹுமைலை உலகில் தம் பிரதிநிதியாக நியமித்து விட்டு காலமாயினர். இவர்களின் அடக்கவிடம் திமிஷ்கின் அண்மையில் உள்ள நாவா என்ற இடத்தில் இருக்கிறது.

நோய் குணமடைய நபி அய்யூப் அலைஹிஸ்ஸலாம் அவர்கள் கேட்ட துஆ

ﺃَﻧِّﻲ ﻣَﺴَّﻨِﻲَ ﺍﻟﻀُّﺮُّ ﻭَﺃَﻧﺖَ ﺃَﺭْﺣَﻢُ ﺍﻟﺮَّﺍﺣِﻤِﻴﻦَ

‘நிச்சயமாக என்னை (நோயினாலான) துன்பம் தீண்டியிருக்கிறது; (இறைவனே!) கிருபை செய்பவர்களிலெல்லாம் நீயே மிகக் கிருபை செய்பவனாக இருக்கின்றாய்.’ (அல்குர்ஆன் 21: 83)

ஹழ்ரத் ஹூது அலைஹிஸ்ஸலாம்

நபி நூஹ் (அலைஹிஸ்ஸலாம்) அவர்களின் சமுதாயத்தினருக்கு பின் தோன்றியது ‘ஆது’ சமூகத்தினர்.

அவர்களுக்கு நபி ஹூத்(அலைஹிஸ்ஸலாம்) அவர்களை இறை தூதராக இறைவன் அனுப்பி வைத்தான், அந்த சமூகத்தார்கள் மிக நேர்தியான மாளிகைகள், அமைப்பதில் வல்லமை பெற்று விளங்கினர். தங்களின் வலிமையை நினைத்து பெருமை கொன்டவர்களாக இருந்தனர். அவர்கள் போன்ற ஒரு சமுதாயம் வேறு எந்த நாட்டிலும் படைக்க படவில்லை.

ஹூது நபியின் கூட்டத்தார்களான ஆது சமுதயாத்தினர் வாழ்ந்திருந்த இடம்தான் உபார் ஆகும். இது ஓமான் நாட்டில் உள்ள சலாலாஹ் என்ற நகரத்திலிருந்து 172 கிலோமீட்டர் தூரத்தில் இருக்கிறது.

திருக்குர்ஆன் அத்தியாயம் 11:50 ல் அல்லாஹ் கூறுகிறான்.

وَإِلَىٰ عَادٍ أَخَاهُمْ هُودًا ۚ قَالَ يَا قَوْمِ اعْبُدُوا اللَّهَ مَا لَكُم مِّنْ إِلَٰهٍ غَيْرُهُ ۖ إِنْ أَنتُمْ إِلَّا مُفْتَرُونَ

“ஆது” சமூகத்தாரிடம், அவர்களுடைய சகோதரர் ஹூதை (நம் தூதராக அனுப்பி வைத்தோம்); அவர் சொன்னார்: “என்னுடைய சமூகத்தாரே! அல்லாஹ்வையே நீங்கள் வணங்குங்கள், அவனன்றி (வேறு) இறைவன் உங்களுக்கு இல்லை; நீங்கள் பொய்யர்களாகவே தவிர வேறில்லை.

மேலும் திருக்குர்ஆன் வசனங்களில் அல்லாஹ் கூறுகிறான்

أَلَمْ تَرَ كَيْفَ فَعَلَ رَبُّكَ بِعَادٍ. إِرَمَ ذَاتِ الْعِمَادِ . الَّتِي لَمْ يُخْلَقْ مِثْلُهَا فِي الْبِلَادِ

உம்முடைய இறைவன் ஆ(து கூட்டத்)தை என்ன செய்தான் என்பதை நீர் பார்க்கவில்லையா? (அவர்கள்) தூண்களையுடைய “இரம்” (நகர) வாசிகள், அவர்கள் போன்ற ஒரு சமுதாயம் எந்த நாடுகளிலும் படைக்கப்படவில்லை.

– அல்குர்ஆன் 89:6-8

சிலைகளை வணங்கி கொண்டிருந்த ஆது சமுதாயத்தினரிடம் அல்லாஹ் வழங்கும் தண்டனைகளைப் பற்றி ஹூது நபி முன்னெச்சரிக்கை செய்தார். ஆனால் அவர்களோ அதையும் மறுத்து புறக்கணித்தனர். ஹூது நபியையும் உண்மையான விசுவாசிகளையும் பாதுகாத்து அல்லாஹ் நிராகரிப்போரை அழித்தான்.

இன்னும்,

ஆது சமுதாயத்தினரை நோக்கி ஹூத் அலைஹிஸ்ஸலாம் அவர்கள் உபதேசம் செய்ததையும், அதற்கு அவர்கள் அளித்த பதில்களையும் வல்ல நாயன் தனது திருமறையில்,…

إِذْ قَالَ لَهُمْ أَخُوهُمْ هُودٌ أَلَا تَتَّقُونَ

அவர்களிடம் அவர்களுடைய சகோதரர் ஹூது: “நீங்கள் (இறைவனை) அஞ்ச மாட்டீர்களா?” என்று கூறியபோது:

إِنِّي لَكُمْ رَسُولٌ أَمِينٌ

 “நிச்சயமாக நான் உங்களுக்கு நம்பிக்கைக்குரிய (இறை) தூதன் ஆவேன்.

فَاتَّقُوا اللَّهَ وَأَطِيعُونِ

ஆகவே நீங்கள் அல்லாஹ்வுக்கு அஞ்சுங்கள்; எனக்கும் வழிப்படுங்கள்.

وَمَا أَسْأَلُكُمْ عَلَيْهِ مِنْ أَجْرٍ ۖ إِنْ أَجْرِيَ إِلَّا عَلَىٰ رَبِّ الْعَالَمِينَ

 “மேலும், இதற்காக நான் உங்களிடம் யாதொரு கூலியும் கேட்கவில்லை; நிச்சயமாக எனக்குரிய கூலி அகிலங்களின் இறைவனிடமே இருக்கிறது.

أَتَبْنُونَ بِكُلِّ رِيعٍ آيَةً تَعْبَثُونَ

 “நீங்கள் ஒவ்வோர் உயரமான இடத்திலும் வீணாக சின்னங்களை நிர்மாணிக்கின்றீர்களா?

وَتَتَّخِذُونَ مَصَانِعَ لَعَلَّكُمْ تَخْلُدُونَ

இன்னும், நீங்கள் நிரந்தரமாக இருப்போம் என்று, (அழகிய வேலைப்பாடுகள் மிக்க) மாளிகைகளை அமைத்துக் கொள்கின்றீர்களா?

وَإِذَا بَطَشْتُم بَطَشْتُمْ جَبَّارِينَ

 “இன்னும், நீங்கள் (எவரையும் ஏதுங் குற்றங்களுக்காகப்) பிடித்தால் மிகவும் கொடியவர்கள் போல் பிடிக்கின்றீர்கள்.

فَاتَّقُوا اللَّهَ وَأَطِيعُونِ

 “எனவே, நீங்கள் அல்லாஹ்வுக்கு அஞ்சுங்கள்; எனக்கு கீழ்படிந்து நடங்கள்.

وَاتَّقُوا الَّذِي أَمَدَّكُم بِمَا تَعْلَمُونَ

 “மேலும், நீங்கள் அறிந்திருக்கும் (பாக்கியமான பொருள்களையெல்லாம் கொண்டு) உங்களுக்கு உதவியளித்தவனை அஞ்சுங்கள்.

أَمَدَّكُم بِأَنْعَامٍ وَبَنِينَ

 “அவன் உங்களுக்கு (ஆடு, மாடு, ஒட்டகை போன்ற) கால்நடைகளையும், பிள்ளைகளையும் கொண்டு உதவியளித்தான்.

وَجَنَّاتٍ وَعُيُونٍ

 “இன்னும் தோட்டங்களையும், நீரூற்றுக்களையும் (கொண்டு உதவியளித்தான்).

إِنِّي أَخَافُ عَلَيْكُمْ عَذَابَ يَوْمٍ عَظِيمٍ

 “நிச்சயமாக நான் உங்கள் மீது மகத்தான நாளின் வேதனைப் பற்றி அஞ்சுகிறேன்” (எனக் கூறினார்).

قَالُوا سَوَاءٌ عَلَيْنَا أَوَعَظْتَ أَمْ لَمْ تَكُن مِّنَ الْوَاعِظِينَ

 (இதற்கு) அவர்கள்: “நீர் எங்களுக்கு உபதேசம் செய்தாலும் அல்லது நீர் எங்களுக்கு உபதேசம் செய்பவராக இல்லாதிருப்பினும் (இரண்டுமே) எங்களுக்கு சமம்தான்” எனக் கூறினார்கள்.

إِنْ هَٰذَا إِلَّا خُلُقُ الْأَوَّلِينَ

“இது முன்னவர்களின் வழக்கமேயன்றி (வேறு) இல்லை.

وَمَا نَحْنُ بِمُعَذَّبِينَ

 “மேலும், நாங்கள் வேதனை செய்யப் படவும் மாட்டோம்.”

فَكَذَّبُوهُ فَأَهْلَكْنَاهُمْ ۗ إِنَّ فِي ذَٰلِكَ لَآيَةً ۖ وَمَا كَانَ أَكْثَرُهُم مُّؤْمِنِينَ

 (இவ்வாறு கூறி) அவர்கள் அவரைப் பொய்ப்பித்தார்கள்; ஆதலின் நாம் அவர்களை அழித்தோம்; நிச்சயமாக இதிலே ஓர் அத்தாட்சி இருக்கிறது; எனினும் அவர்களில் பெரும்பாலோர் நம்பிக்கை கொள்வதில்லை. -அல்குர்ஆன் 26:124-139

எந்த சமுதாயம் இறைவனை நிராகரித்து இறை தூதரை நம்ப மறுத்ததோ,அவர்களுக்கு எச்சரிக்கபட்டது போல இறைவன் அவர்கள் மீது வேதனையை இறக்கினான்,

فَلَمَّا رَأَوْهُ عَارِضًا مُّسْتَقْبِلَ أَوْدِيَتِهِمْ قَالُوا هَٰذَا عَارِضٌ مُّمْطِرُنَا ۚ بَلْ هُوَ مَا اسْتَعْجَلْتُم بِهِ ۖ رِيحٌ فِيهَا عَذَابٌ أَلِيمٌ

ஆனால் அவர்களோ (அவர்களுக்கு அனுப்பப்பட்ட வேதனை) அவர்கள் இருந்த பள்ளத்தாக்குகளை நோக்கி மேகமாக வருவதைக் கண்டதும், “இது நமக்கு மழையைப் பொழியும் மேகமாகும்” எனக் கூறினார்கள்; “அப்படியல்ல, இது நீங்கள் (எதற்காக) அவசரப்பட்டீர்களோ அதுதான்; (இது கொடுங்)காற்று – இதில் நோவினை செய்யும் வேதனை இருக்கிறது:

–அல்குர்ஆன் 46:24
ஆத் கூட்டத்தார்கள் தங்களுக்கு வேதனை தரும் பேரழிவு கண்முன் கொண்டு வரப்படுவது அறியாமல், அதை மழை தர கூடிய மேக கூட்டங்களாக நினைத்தனர்.

ஆது கூட்டத்தாரோ பேரொலியோடு வேகமாகச் சுழன்று அடித்த கொடுங்காற்றினால் அழிக்கப்பட்டனர்.

وَأَمَّا عَادٌ فَأُهْلِكُوا بِرِيحٍ صَرْصَرٍ عَاتِيَةٍ

இன்னும், ஆது கூட்டத்தாரோ பேரொலியோடு வேகமாகச் சுழன்று அடித்த கொடுங்காற்றினால் அழிக்கப்பட்டனர்.

سَخَّرَهَا عَلَيْهِمْ سَبْعَ لَيَالٍ وَثَمَانِيَةَ أَيَّامٍ حُسُومًا فَتَرَى الْقَوْمَ فِيهَا صَرْعَىٰ كَأَنَّهُمْ أَعْجَازُ نَخْلٍ خَاوِيَةٍ

அவர்கள் மீது, அதை ஏழு இரவுகளும், எட்டுப் பகல்களும் தொடர்ந்து வீசச் செய்தான்; எனவே அந்த சமூகத்தினரை, அடியுடன் சாய்ந்துவிட்ட ஈச்சமரங்களைப் போல் (பூமியில்) விழுந்து கிடப்பதை (அக்காலை நீர் இருந்திருந்தால்) பார்ப்பீர்.

فَهَلْ تَرَىٰ لَهُم مِّن بَاقِيَةٍ

ஆகவே, அவர்களில் எஞ்சிய எவரையும் நீர் காண்கிறீரா?

-அல்குர்ஆன் 69:6-8

இப்பொழுது உபாரை சுற்றிலும் யாருமற்ற பாலைவனம் தான் உள்ளது.

ஆயிஷா (ரலியல்லலாஹு அன்ஹா) அவர்கள் கூறியதாவது:

நபி(ஸல்லல்லாஹு அலைஹி வஸல்லம்) அவர்கள் மழை மேகத்தை வானத்தில் கண்டால் முன்னால் நடப்பார்கள்; பிறகு திரும்பி நடப்பார்கள்; (தம் அறைக்கு) உள்ளே போவார்கள்; வெளியே வருவார்கள். (நிம்மதியற்று ஒருவிதத் தவிப்புடன் காணப்படுவார்கள்.) அவர்களின் முகம் மாறி விடும். வானம், மழை பொழிந்துவிட்டால் அந்த (தவிப்பான) நிலை அவர்களைவிட்டு நீங்கி விடும். எனவே, (ஒரு முறை) நான் அவர்களுக்கு அந்தத் தவிப்பான நிலை ஏற்படுவதை கவனத்திற்குக் கொண்டு வந்தேன். அதற்கு நபி(ஸல்) அவர்கள், ‘(திருக்குர்ஆனில் கூறப்பட்டுள்ளபடி) ஆது சமுதாயத்தார், அந்த வேதனை (கொணரும் மேகம்) தாங்கள் வசித்த பள்ளத்தாக்குகளை நோக்கி வந்து கொண்டிருப்பதைக் கண்டபோது (தவறாகப் புரிந்து கொண்டு), ‘இது நமக்கு மழை பொழிவிக்கும் மேகமாகும்” (திருக்குர்ஆன் 46:24) என்று கூறினார்களே அத்தகைய (வேதனையைக் கொணரக் கூடிய) மேகமாகவும் இது இருக்கலாம் எனக்குத் தெரியாது” என்று பதிலளித்தார்கள்.  (புகாரி – 3206)

ஹழ்ரத் ஹாரூன் அலைஹிஸ்ஸலாம்

பிர்அவ்ன் இஸ்ரவேலர்களின் ஆண் குழந்தைகளை வெட்ட வேண்டும் என்று ஆணையிடுவதற்கு முன் பிறந்தவர்கள் ஹாரூன் நபி அவர்கள். இவர்களின் தாய் பெயர் யூகானிதா. தந்தை இம்ரான் ஆகும்.

இவர்கள் மூஸா அலைஹிஸ்ஸலாம் அவர்களை விட உயரமாகவும், மென்மையாகவும், வெண்மையாகவும் இருந்தார்கள். ஹாரூன் என்ற ஹீப்ரு சொல்லின் பொருள் சிவப்பும் வெண்மையும் என்பதாகும்.

இறைவன் மூஸா அலைஹிஸ்ஸலாம் அவர்களை நோக்கி ஃபிர்அவ்னிடம் சென்று அவனுக்குச் சன்மார்க்கத்தைப் போதிக்குமாறு கூற, தமக்கு அப்பணியில் உறுதுணையாக தம் தமையனார் ஹாரூனை ஏற்படுத்துமாறு வேண்டினார்கள்.

وَأَخِي هَارُونُ هُوَ أَفْصَحُ مِنِّي لِسَانًا فَأَرْسِلْهُ مَعِيَ رِدْءًا يُصَدِّقُنِي  ۖ إِنِّي أَخَافُ أَن يُكَذِّبُونِ

இன்னும்: ‘என் சகோதரர் ஹாரூன் – அவர் என்னை விடப் பேச்சில் மிக்க தெளிவானவர்; ஆகவே என்னுடன் உதவியாய் நீ அவரை அனுப்பி வைப்பாயாக! என்னை அவர் மெய்ப்பிப்பார். நிச்சயமாக, அவர்கள் என்னைப் பொய்ப்பிப்பார்கள் என்று நான் பயப்படுகிறேன்’ (என்றுங் கூறினார்).  – அல்-குர்ஆன் 28:34

எனவே அல்லாஹ் இவர்களை நபியாகவும் மூஸா அலைஹிஸ்ஸலாம் அவர்களுக்கு அமைச்சராகவும் ஆக்கினான். அதனால் இவ்விருவர்களைப் பற்றியும் அல்லாஹ் தன் அருள்மறையில் ‘அவ்விருவரும் நம்முடைய விசுவாசியான நல்லடியார்களில் உள்ளவர்’ என்று கூறுகின்றான்.

தங்களது நாட்டை விட்டு சென்று பல்லாண்டுகளுக்குப் பின் நாடு திரும்பிய மூஸா அலைஹிஸ்ஸலாம் அவர்களை இவர்கள்தான் அடையாளம் கண்டு கொண்டார்கள். அடுத்த நாள் மூஸா அலைஹிஸ்ஸலாம் அவர்களுடன் இவர்கள் ஃபிர்அவ்னின் அரசவைக்கு சென்று அவனுக்கு நேர்வழியையும்> இறைவனின் மாண்பையும் விளக்கினார்கள். மூஸா அலைஹிஸ்ஸலாம் அவர்களது பிரச்சாரத்திலும் அதற்காக அவர்கள் போராடிய போராட்டங்களிலும் இவர்கள் அவர்களது வலக்கரம் போன்று விளங்கினார்கள்.

இரண்டாவது முறையாக மூஸா நபி அவர்கள் தூர்ஸினாய் மலைக்குச் சென்றபோது இவர்களையே அவர்கள் தங்கள் பிரதிநிதியாக நியமித்துச் சென்றார்கள். அப்போதுதான் ஸாமிரி பொன்னால் காளை மாட்டைச் செய்து அதனைக் கடவுளாக வணங்குமாறு பனீ இஸ்ராயீல்களை வழி கெடுத்தான். இவர்கள் எவ்வளவோ தடுத்தும் அந்த மக்கள் ஸாமிரியின் சூழ்ச்சிக்குப் பலியாகிவிட்டார்கள்.

அதனை இறைவன் மூலம் உணர்ந்து அடங்காச் சினத்துடன் திரும்பிய மூஸா அலைஹிஸ்ஸலாம் அவர்கள்,

وَلَمَّا رَجَعَ مُوسَىٰ إِلَىٰ قَوْمِهِ غَضْبَانَ أَسِفًا قَالَ بِئْسَمَا خَلَفْتُمُونِي مِن بَعْدِي  ۖ أَعَجِلْتُمْ أَمْرَ رَبِّكُمْ  ۖ وَأَلْقَى الْأَلْوَاحَ وَأَخَذَ بِرَأْسِ أَخِيهِ يَجُرُّهُ إِلَيْهِ ۚ قَالَ ابْنَ أُمَّ إِنَّ الْقَوْمَ اسْتَضْعَفُونِي وَكَادُوا يَقْتُلُونَنِي فَلَا تُشْمِتْ بِيَ الْأَعْدَاءَ وَلَا تَجْعَلْنِي مَعَ الْقَوْمِ الظَّالِمِينَ

 (இதனையறிந்த) மூஸா தன் சமூகத்தாரிடம் கோபத்துடன், விசனத்துடன் திரும்பி வந்த போது; (அவர்களை நோக்கி) ‘நான் இல்லாத சமயத்தில் நீங்கள் செய்த இக்காரியம் மிகவும் கெட்டது; உங்கள் இறைவனுடைய கட்டளை (வேதனை)யைக் (கொண்டு வர) அவசரப்படுகிறீர்களா?’ என்று கூறினார்; பின்னர் வேதம் வரையப் (பெற்றிருந்த) பலகைகளை எறிந்து விட்டு, தம் சகோதரர் (ஹாரூன்) உடைய தலை(முடி)யைப் பிடித்துத் தம் பக்கம் இழுத்தார். அப்போது (ஹாரூன்) ‘என் தாயின் மகனே! இந்த மக்கள் என்னை பலஹீனப்படுத்தி என்னை கொலை செய்யவும் முற்பட்டனர். ஆகவே (என்னுடைய) ‘பகைவர்களுக்கு என்மூலம் மகிழ்ச்சியை ஏற்படுத்தி விடாதீர்’ இன்னும் என்னை அநியாயக்காரக் கூட்டத்தாருடன் சேர்த்துவிடாதீர்’ என்று கூறினார். – அல்-குர்ஆன் 7:150

قَالَ يَا ابْنَ أُمَّ لَا تَأْخُذْ بِلِحْيَتِي وَلَا بِرَأْسِي  ۖ إِنِّي خَشِيتُ أَن تَقُولَ فَرَّقْتَ بَيْنَ بَنِي إِسْرَائِيلَ وَلَمْ تَرْقُبْ قَوْلِي

 (இதற்கு ஹாரூன்:) ‘என் தாயின் மகனே! என் தாடியையோ என் தலை (முடி)யையோ பிடி(த்திழு)க்காதீர்கள்; ‘பனீ இஸ்ராயீலிடையே நீங்கள் பிரிவினையை உண்டாக்கி விட்டீர்கள்; என் வார்த்தைக்காக நீங்கள் காத்திருக்கவில்லை!’ என்று நீர் கூறுவீரோ என நிச்சயமாக நான் அஞ்சினேன்’ என்று கூறினார். – – அல்-குர்ஆன் 20:94

இறை ஆணைப்படி தௌராத் வேதத்தை வைப்பதற்கு ஓர் ஆலயத்தை நிர்மாணித்து அதன் நிர்வாகியாய் இவர்களை மூஸா அலைஹிஸ்ஸலாம் அவர்கள் நியமித்தார்கள்.

பனீ இஸ்ரவேலர்கள் தீஹ் என்னும் வனாந்திரத்தில் இருக்கும்போது இவர்கள் காலமானார்கள் என்றும், இவர்களின் அடக்கிவிடம் ஸினாய் பாலைவனத்திலுள்ள ஸவீக் மலை மீது உள்ளது என்றும், ஹுர் மலைமீது உள்ளது என்றும், உஹத் மலை மீது உள்ளது என்றும் பலவிதமாய் கூறப்படுகிறது.

ஹழ்ரத் நபி யாகூப் அலைஹிஸ்ஸலாம்

ஹழ்ரத் நபி  யாகூப் அலைஹிஸ்ஸலாம் பற்றி அல்லாஹ்  அதிகமாக சிலாகித்து  தனது திருமறையில் குறிப்பிட்டிருக்கிறான்.

மேலும் வரலாற்று ஆசிரியர்கள் குறிப்பிடுகிறார்கள் யூதர்கள் என்ற இனமே நபி யாகூப் அலைஹிஸ்ஸலாம் அவரின்  பெயரை வைத்துதான் தொடங்கியது என்று குறிப்பிடுகிறார்கள். நபி யாகூப் அலைஹிஸ்ஸலாம் அவர்களுக்கு இஸ்ராயில் என்ற பெயரும் உள்ளதாக அல்லாஹ்  திருமறையில் சாட்சி கூறுகிறான்.

நபி இஸ்ஹாக் அலைஹிஸ்ஸலாம் அவர்களுக்கு  இரண்டு பிள்ளைகளை அல்லாஹ் அருளினான் அதில்  மூத்தவர்  ஈசு. இரண்டாவது பிள்ளை நபி யாகூப் அலைஹிஸ்ஸலாம் அவர்கள். மேலும் நபி இஸ்ஹாக் அலைஹிஸ்ஸலாம் தனது மூத்த மகன் ஈசுவின் மீது அதிக பிரியமாக இருந்தார்கள் என்று மார்க்க அறிஞர்கள் குறிப்பிடுகிறார்கள்.

நபி இஸ்ஹாக் அலைஹிஸ்ஸலாம் அவர்களின் மனைவி “ரிப்கா”. அந்த அம்மையார்  நபி யாகூப் அலைஹிஸ்ஸலாம் அவர்களிடம் யாகூபே நீ தந்தையுடன் இணக்கமாக  இருந்துகொள். அவரின் துஆவை நாடு என்று அறிவுரை  கூறுகிறார்கள். இவ்வாறு இருக்க நாட்கள் ஆக ஆக நபி இஸ்ஹாக் அலைஹிஸ்ஸலாம் அவர்களுக்கு பார்வை மங்கிவிடுகிறது.

நபி இஸ்ஹாக் அலைஹிஸ்ஸலாம் அவர்கள் தனது மூத்த மகனிடம் ஒரு உணவை கேட்டார்கள். அதனை  ஈசு அவர்கள் கொண்டுவருவதற்கு முன்  அவர்களின் தாயார் தனது இரண்டாவது மகன் யாகூபிடம் அந்த பொருளை கொடுத்து மேலும் தனது மூத்த மகனின் சட்டையை போட்டு அனுப்பினார்கள்.

மேலும் நபி இஸ்ஹாக் அலைஹிஸ்ஸலாம் அவரால் யார் என்று கணிக்க முடியாத நிலையில் அவர் நீ யார் என்று கேட்க, நபி யாகூப்  அலைஹிஸ்ஸலாம் அவர்கள், ‘நான் உங்களது மகன்’ என்று பதில் கொடுக்க அந்த உணவை வாங்கி  உண்டுவிட்டு  அந்த மகனுக்காக உருக்கமாக  நபி இஸ்ஹாக் அலைஹிஸ்ஸலாம் அவர்கள்  துஆ செய்தார்கள்.

இவ்விஷயம் அறிந்த ஈசு நபி யாகூப் அலைஹிஸ்ஸலாம் அவர்களை வெறுக்க  தொடங்கினார்கள். எந்த அளவிற்கு என்றால் தனது தம்பியை கொன்றுவிடும் அளவிற்கு வெறுத்தார்கள். இதை அறிந்து கொண்ட யஃகூப் அலைஹிஸ்ஸலாம் அவர்கள் இரவோடிரவாக தங்கள் மாமன் வீட்டிற்கு ஓடினார்கள். இதனால் இவர்களுக்கு இரவில் சென்றவர் என்று பொருள்படும் ‘இஸ்ராயீல்’ என்னும் பெயர் ஏற்பட்டது. இவர்களின் வழித்தோன்றல்களே பனீ இஸ்ராயீல் என்று வழங்கப் பெற்றார்கள்.

இவ்வாறு நாட்கள் கழிய கழிய தனது  தாய் தனது சகோதரன் லாபான் என்றவரிடம்   நபி யாகூப் அலைஹிஸ்ஸலாம் அவர்களை அனுப்பி வைத்தார். போகும் வழியில் ஒரு இடத்தில் உறங்கும் வேளையில் அவர்  ஒரு கனவை காண்கிறார் அதில் மலக்குகள் வானத்தின்  பக்கம்  போவதையும் கீழே இறங்குவதையும்  காண்கிறார்கள். மேலும் அல்லாஹ்  அவருக்கு   சுபசெய்தியையும் அறிவிக்கிறான். அல்லாஹ்  உங்களுக்கு ஒரு பொக்கிசத்தை மிக விரைவில் அருளவிருக்கிறான் என்று. இதனை கேட்டதும் நபி யாகூப் அலைஹிஸ்ஸலாம்  அவர்கள் திருப்தி கொண்டவராக இருக்கிறார்கள்.

பிறகு நிம்மதியாக தனது தாய் மாமன் வீட்டிற்கு சென்றார் நபி யாகூப் அலைஹிஸ்ஸலாம் அவர்கள்.  அந்த லாபான் அவர்களுக்கு இரு மகள்கள் இருந்தார்கள். அவர்களில் மூத்தபெண் ரய்யா இரண்டாவது பெண்  ராஹீல். நபி யாகூப் அலைஹி வஸல்லம் அவர்களுக்கு தாய்மாமன் லாபான் தனது இரு மகள்களையும் திருமணம் செய்து கொடுத்து இரு அடிமை பெண்களையும் குறிப்பிட்ட ஆடுகளையும்  அவர்களுக்கு  கொடுக்கிறார்.

நபி யாகூப் அலைஹிஸ்ஸலாம் அவர்களுக்கு தனது குடும்பம் நினைவுக்கு வந்தவுடன் தனது சகோதரர்  தன் மீது கோபத்துடன் இருப்பதால், நபி யாகூப் அலைஹிஸ்ஸலாம் அதில் ஒரு அடிமையையும் தனது ஆடுகளில் சிலவற்றையும் தனது சகோதரர்  ஈசுவிடம் கொண்டு செல்லுமாறு கூறினார்.

மேலும் அவர் உன்னை யார் என்று கேட்டால் நான் உங்களது அடிமை என்று கூறு. மேலும் உன்னை யார் அனுப்பியது என்று கேட்டால் உங்களுடைய அடிமை யாகூப் அனுப்பி வைத்தார்கள் என்று கூறு என்று அந்த அடிமையை அனுப்பினார்கள். இவ்வாறு ஈசு கேட்க தனது தம்பி யாகூப் அலைஹிஸ்ஸலாம் அவர்களின் மேல் உள்ள கோபம் தணிய யாகூப் அலைஹிஸ்ஸலாம் அவர்கள் தனது சகோதரரை காண வந்து அவரை கட்டியணைத்து ஏழு முறை மன்னிப்பு கேட்டதாக ஒரு குறிப்பு உள்ளது.

மேலும் நபி யாகூப் அலைஹிஸ்ஸலாம் அவர்களுக்கு  மற்ற மனைவி மூலம் 10 குழந்தைகள் பிறந்தார்கள். ராகில் என்ற அம்மையாரின் மூலமாக இரண்டு குழந்தைகள் பிறந்தார்கள். அதில் மூத்தவர்   நபி யூசுப் அலைஹிஸ்ஸலாம் அவர்கள் இரண்டாவதாக புன்யாமின் என்பவர். இந்த புன்யாமின் பிறக்கும் தருவாயில்   ராஹீல் அம்மையார் பிரசவத்தில் இறந்துவிடுகிறார்   புன்யாமீன் மீதும் மிகவும் பாசமாக இருந்தார். .

தனது மரண தருவாயில் தனது   மகன்களிடம்,

أَمْ كُنتُمْ شُهَدَاءَ إِذْ حَضَرَ يَعْقُوبَ الْمَوْتُ إِذْ قَالَ لِبَنِيهِ مَا تَعْبُدُونَ مِن بَعْدِي قَالُوا نَعْبُدُ إِلَٰهَكَ وَإِلَٰهَ آبَائِكَ إِبْرَاهِيمَ وَإِسْمَاعِيلَ وَإِسْحَاقَ إِلَٰهًا وَاحِدًا وَنَحْنُ لَهُ مُسْلِمُونَ

யஃகூபுக்கு மரணம் நெருங்கியபோது, நீங்கள் சாட்சியாக இருந்தீர்களா? அப்பொழுது அவர் தம் குமாரர்களிடம் “எனக்குப் பின் நீங்கள் யாரை வணங்குவீர்கள்?” எனக் கேட்டதற்கு, “உங்கள் நாயனை-உங்கள் மூதாதையர் இப்ராஹீம், இஸ்மாயீல், இஸ்ஹாக் ஆகியோரின் நாயனை-ஒரே நாயனையே-வணங்குவோம் அவனுக்கே(முற்றிலும்) வழிப்பட்ட முஸ்லிம்களாக இருப்போம்” எனக் கூறினர்.

மேலும் நபி யாகூப் அலைஹிஸ்ஸலாம் அவர்கள் தான் மஸ்ஜிதுல் அல் அக்ஸா (ஜெருசுலம்) என்ற புனிதமிகு பள்ளியை கட்டியுள்ளார்கள். நபி யாகூப் அலைஹிஸ்ஸலாம் அவர்களுடைய அடக்கஸ்தலம் பலஸ்தீனத்தில் இருப்பதாக வரலாற்று ஆசிரியர்கள் கூறுகிறார்கள் .

நபி லூத் அலைஹிஸ்ஸலாம்

நபி லூத் அலைஹிஸ்ஸலாம் அவர்கள் நபி இப்ராஹீம் அலைஹிஸ்ஸலாம் அவர்களது சகோதரர் ஹாரானின் மகன் என்றும், சகோதரி மகன் என்றும், ஸாரா அம்மையாரின் சகோதரர் என்றும் பல்வேறுவிதமாகக் கூறப்படுகிறது. இவர்கள் மீது இப்றாஹீம் அலைஹிஸ்ஸலாம் அவர்கள் அதிக அன்பு செலுத்தினார்கள். லூத் என்றால் அன்பு கொள்ளுதல் எனப் பொருள்.

இவர்களையும் தங்கள் மனைவி ஸாரா அம்மையாரையும் அழைத்துக் கொண்டே பாபல் நகரை விட்டு சிரியா நோக்கி புறப்பட்டார்கள் இப்றாஹீம் நபி அலைஹிஸ்ஸலாம் அவர்கள்.

இவர்களை இறைவன் ஜோர்டான் நதி தீரத்திலுள்ள முதஃபகாத் நாட்டிற்கு நபியாக அனுப்பி வைத்தான். இந்நாட்டின் தலைநகராகிய ஸதூமில் 70000 பேர் வாழ்ந்தனர். நான்கு இலட்சம் குடும்பத்தினர் என்று மற்றொரு ரிவாயத் கூறுகிறது. தாம் பிறந்த சமூகத்திற்கன்றி வேறு ஒரு சமூகத்திற்கு நபியாக அனுப்பப்பட்டவர்கள் இவர்கள் ஒருவரே. இவர்கள் அங்கு சென்று ஒரு பெண்ணை மணமுடித்து பெண் மக்களை பெற்று வாழ்ந்தார்கள்.

மேலும் இவர் இவரது சமூகத்திற்கு நபியாக அனுப்பப்பட்டவுடன் அவர் தனது சமூகத்தை நோக்கி ‘எனது சமூகமே நீங்கள் அல்லாஹு ஒருவனையே வணங்குங்கள் அவனின்  உண்மை தூதராக நான் உங்களிடம் வந்திருக்கிறேன்.  மேலும் நீங்கள் அல்லாஹுவை பயந்துகொள்ளுங்கள், எனக்கும் கீழ்படியுங்கள் என்று கூறினார். மேலும் இதற்காக நான் உங்களிடம் யாதொரு கூலியையும் கேட்கவில்லை. ஏன்  என்றால் எனது கூலி என்னை படைத்த என் ராப்பிடமே இருக்கிறது’ என்று கூறினார்.

وَلُوطًا إِذْ قَالَ لِقَوْمِهِ أَتَأْتُونَ الْفَاحِشَةَ مَا سَبَقَكُم بِهَا مِنْ أَحَدٍ مِّنَ الْعَالَمِينَ

7:80. மேலும் லூத்தை (அவர் சமூகத்தாரிடையே நபியாக அனுப்பினோம்;) அவர் தம் சமூகத்தாரிடம் கூறினார்: உலகத்தில் எவருமே உங்களுக்கு முன் செய்திராத மானக்கேடான ஒரு செயலைச் செய்யவா முனைந்தீர்கள்?”

மேலும் நீங்கள் அல்லா விதித்த வரம்பை கடந்த சமூகமாக இருக்குறீர்கள் என்று.

மேலும் நபி லூத் அலைஹிஸ்ஸலாம்   அவர்கள் கூறுகிறார்கள். நீங்கள் பெண்களை விட்டுவிட்டு ஆண்களை காம இச்சைக்கு உள்ளாக்குகிறீர்கள். மேலும் நீங்கள் மிக்க வரம்பு மீறிய சமூகத்தாரவே இருக்குறீர்கள் என்று

இதற்கு அம்மக்கள் லூத்தே நிச்சயம் நீ இவ்வுபதேசத்தை நிறுத்தவில்லை என்றால்  நீர் வெளியேற்றபடுபவராக ஆகிவிடுவீர் .மேலும் அவர்கள் கூறினார்கள்.  நிச்சயமாக   நபி லூத் அலைஹிஸ்ஸலாம் அவர்களை இவ்வுரை விட்டு வெளியேற்றி விடுங்கள். ஏன் ஏன்றால் அவர் பரிசுத்தமாக இருக்கவே நாடுகிறார் என்று அந்த மக்களில் சிலர் கூறினார்கள்.  மேலும் நபி லூத் அலைஹிஸ்ஸலாம்  அவர்கள் நிச்சயமாக நான் நீங்கள் செய்யும் இந்த தீங்கில் இருந்து வெறுத்தவனாகவே   இருக்கிறேன் மேலும் அவர் எனது ரட்சகன் என்னையும் எனது குடும்பத்தார்களையும்  இந்த தீயவர்கள் செய்வதை விட்டும்  அதற்கான   உன்னுடைய தண்டனையில் இருந்தும் உன்னிடம் பாதுகாவல் தேடுகிறேன் என்று பிராத்தித்தார்.

மேலும் நபி லூத் அலைஹிஸ்ஸலாம் அவர்களுடைய மூன்று மகள்களும் அந்த இடத்திலேயே வாழ்ந்து வந்தார்கள். மேலும் அந்த மக்கள் மேலும் மேலும் வரம்பு மீறி அந்த வழியில் பயணம் மேற்கொண்டு வரும் ஆண்களை அவர்கள் வழி மறித்து அவர்களை தங்களது காம இச்சைக்கு ஆட்படுத்தி கொண்டிருந்தார்கள்

இவ்வாறிருக்க அல்லாஹ் தனது மலக்குகளை விட்டு அம்மக்களை அழிக்க உத்தரவு பிறப்பித்தான்.

ஒரு நாள் சோகமே உருவாக லூத் (அலைஹிஸ்ஸலாம் ) அவர்கள் தங்களுடைய இல்லத்தில் அமர்ந்திருக்கும் போது வான தூதர்கள் இளைஞர் தோற்றத்தில் அவர்களுடைய இல்லத்திற்கு வருகை தருகிறார்கள் அவர்களிடத்தில் இவர்கள் வரம்பு மீறுவார்கள் என்று அல்லாஹ் அறிந்திருந்ததால் அவ்வாறு மலக்குகளை இளைஞர் தோற்றத்தில் அனுப்பி வைத்தான்.

وَلَمَّا جَاءَتْ رُسُلُنَا لُوطًا سِيءَ بِهِمْ وَضَاقَ بِهِمْ ذَرْعًا وَقَالَ هَٰذَا يَوْمٌ عَصِيبٌ

11:77. நம் தூதர்கள் (வானவர்கள்) லூத்திடம் வந்தபோது, (தம்) மக்களுக்கு அவர் பெரிதும் விசனமடைந்தார்; (அதன் காரணமாக) உள்ளம் சுருங்கியவராக; இது நெருக்கடி மிக்க நாளாகும்” என்று கூறினார்.

அந்த மலக்குமார்கள் லூத் அலைஹிஸ்ஸலாம் அவர்களது இடத்திற்கு வந்தவுடன் லூத் அலைஹிஸ்ஸலாம் அவர்கள் அச்சம் கொள்கிறார்கள். இவர்களை அந்த கயவர்கள் துன்புறுத்தி விடுவார்களோ என்று. மேலும் அவர்கள் நாங்கள் உங்கள் வீட்டில் இருந்து கொள்ளலாமா என்றவுடன், லூத் அலைஹிஸ்ஸலாம் அவர்களும் அந்த மலக்குமார்களை தங்க வைத்து தனது இல்ல கதவை சாத்திவிட்டு அவர்கள் இதனை காணவில்லை என்று அமர்ந்து இந்த மக்களை பற்றி அவர்களிடம் எடுத்துரைத்தார்கள்.

மேலும் அந்த சமூக கூட்டத்தாருக்கு இவ்வாறு பருவமான வாலிபர்கள் வந்து லூத் அலைஹிஸ்ஸலாம் அவர்களின் வீட்டில் தங்கி இருப்பதாக செய்தி கிடைத்தவுடன் அந்த கூட்டம் அனைவரும் மகிழ்ச்சியால் லூத் அலைஹிஸ்ஸலாம் அவர்களின் இல்லத்தை நோக்கி புறப்பட்டார்கள்.

மேலும் அவர்கள் லூத் அலைஹிஸ்ஸலாம் அவர்களில் இல்லத்தை வந்தடைதவுடன் லூத் அலைஹிஸ்ஸலாம் அவர்களை பார்த்து அஞ்சியவர்களாக இருந்தார்கள். மேலும் அந்த மக்கள் லூதே அந்த வாலிபர்களை வெளியில் கொண்டுவாரும்  என்று கூறினார்கள். அதற்கு நபி லூத் அலைஹிஸ்ஸலாம் அவர்கள் எனது விருந்தினர்களான இவர்களை கேவலபடுத்த நினைக்காதீர்கள்.

وَجَاءَهُ قَوْمُهُ يُهْرَعُونَ إِلَيْهِ وَمِن قَبْلُ كَانُوا يَعْمَلُونَ السَّيِّئَاتِ ۚ قَالَ يَا قَوْمِ هَٰؤُلَاءِ بَنَاتِي هُنَّ أَطْهَرُ لَكُمْ  ۖ فَاتَّقُوا اللَّهَ وَلَا تُخْزُونِ فِي ضَيْفِي  ۖ أَلَيْسَ مِنكُمْ رَجُلٌ رَّشِيدٌ

11:78. அவருடைய சமூகத்தார் அவரிடம் விரைந்தோடி வந்தார்கள்; இன்னும் முன்னிருந்தே அவர்கள் தீய செயல்களே செய்து கொண்டிருந்தார்கள். (அவர்களை நோக்கி லூத்) “என் சமூகத்தார்களே! இதோ இவர்கள் என் புதல்விகள்; இவர்கள் உங்களுக்கு(த் திருமணத்திற்கு)ப் பரிசுத்தமானவர்கள்; எனவே நீங்கள் அல்லாஹ்வுக்கு அஞ்சுங்கள்; இன்னும் என் விருந்தினர் விஷயத்தில் என்னை நீங்கள் அவமானப் படுத்தாதீர்கள்; நல்ல மனிதர் ஒருவர் (கூட) உங்களில் இல்லையா?” என்று கூறினார்.

அதற்கு அம்மக்கள்  உங்களுடைய பெண்மக்கள் எங்களுக்கு எவ்வித தேவையும் இல்லை என்று நாங்கள் விரும்புவதை நீங்கள் நன்கறிவீர் என்று கூறினார்கள். அவ்வாறு கூற லூத் அலைஹிஸ்ஸலாம் அவர்கள் எனக்கு உங்களை எதிர்க்க சக்தி இருந்திருப்பின் உங்களை நிச்சயமாக வேதனைக்கு உள்ளாகி இருப்பேன்   என்று கூறினார்.

அதனை செவி ஏற்ற அந்த மலக்குமார்கள் ‘நபி லூதே நாங்கள் இறைவனின் கட்டளையை நிறைவேற்ற வந்த மலக்குகள். நீர் அஞ்ச வேண்டாம். நிச்சயமாக இவர்கள் உன்னை வந்தடைய முடியாது. மேலும் நீரும் உனது குடும்பத்தார்களும் உனது மனைவியை தவிர அனைவரும் இன்றைய இரவில் நீங்கள் இந்த இடத்தை விட்டு நீங்கி சென்றுவிடுங்கள். இவர்களது அழிவு நேரம் நிச்சயமாக விடியற்காலையாகும். என்றும் கூறினார்கள்.

அவர்களில் ஒருவன் வன்முறையால் அந்த இளவல்களில் அழகுமிக்கவரை கைப்பற்ற முயன்றார். அப்பொழுது அவ்விளவல் தம் மூச்சை அவர்மீது ஊத அவரது கண் குருடாகியது. இதுகண்ட அவர்கள் நீர் சூனியக்காரர்களை உம் இல்லத்தில் விருந்தினராய் வைத்துள்ளீர். எனவே, நீரும் உம்முடைய குடும்பத்தினரும் இவ்வூரை விட்டும் புறப்பட்டு விட வேண்டும். இல்லையேல் உம் கண்களையும் குருடாக்கி விடுவோம்’ என்று கூறினார்கள்.

அப்பொழுதுதான் அவ்விளவல்கள் நாம் இவ்வூரை அழித்தொழிக்க இறைவனால் அனுப்பப்பட்ட வானவர்கள் என்றும் உடனே லூத் அலைஹிஸ்ஸலாம் அவர்களும், அவரது குடும்பத்தினர்களும் அவ்வூரை விட்டும் அகல வேண்டும் என்றும் செல்லும்போது எக்காரணம் கொண்டும் திரும்பிப் பார்க்க கூடாது என்றும் சொன்னார்கள். ஆனால் அவர்கள் செல்லும்போது நபி அவர்களின் மனைவி என் இனத்தவரே! என் இனத்தவரே! என்று கூறி திரும்பிப்பார்த்ததினால் கல்லானாள்.

அல்லாஹ் மறுநாள் விடியலில்   அந்த மக்கள் எழுந்தவுடன் அல்லாஹ் கூறுகிறான் தந்து திருகுரானில் நம்முடைய கட்டளையான காலை வந்தவுடன் அவர்களது  ஊரில் ஒரு பெரிய இடிமுழக்கத்தை கொடுத்தோம். அவ்வாறே அவர்களது ஊரை மேல்புறத்தை கீழ்புறமாகவும் கீழ்புறத்தை மேல்புறமாகவும் தலைகீழாக மாற்றினோம். பிறகு செங்கற்களை மழைபோல் பொழிய செய்து அவர்களை அழித்தோம்  என்கிறான்.

ஹழ்ரத் யூசுப் அலைஹிஸ்ஸலாம்

نَحْنُ نَقُصُّ عَلَيْكَ أَحْسَنَ الْقَصَصِ بِمَا أَوْحَيْنَا إِلَيْكَ هَٰذَا الْقُرْآنَ وَإِن كُنتَ مِن قَبْلِهِ لَمِنَ الْغَافِلِينَ

 (நபியே!) நாம் வஹீ மூலம் உம் மீது இந்த குர்ஆனை அருள் செய்தது கொண்டு மிக அழகான வரலாற்றை உமக்கு நாம் கூறுகின்றோம் – இதற்குமுன் (இது குறித்து) ஏதும் அறியாதவர்களில் (ஒருவராய்) நீர் இருந்தீர். – அல்-குர்ஆன் 12:3

இவ்வாறு அல்லாஹ்  ஸூரா யூசுபில் தனது வார்த்தையிலேயே அழகான வரலாறு என்று கூறுகிறான்.

நபி யாகூப் அலைஹிஸ்ஸலாம் அவர்களுக்கு மொத்தம் 12 குழந்தைகள் அவரது மூத்த மனைவி “ரய்யா”வின் குழந்தைகள் 10 பேர். இரண்டாவது மனைவி “ராஹிலா’வின் வாயிலாக பிறந்த குழந்தைகள் இரண்டு.  அதில் மூத்தவர் நபி யூசுப் அலைஹிஸ்ஸலாம் அவர்கள் இரண்டாவது புன்யாமின் இந்த புன்யாமின் பிறக்கும் தருவாயில் ராஹில் என்ற அம்மையார் இறந்து விடுகிறார்கள்.

தாயை இழந்த தன்னுடைய இரு மகன்கள் மீது நபி யாகூப் அலைஹிஸ்ஸலாம் அவர்கள் பாசத்தை அதிகமாக காட்ட ஆரம்பித்தார்கள்.

நபி யூசுப் அலைஹிஸ்ஸலாம்அவர்களது அழகை பற்றி அல்லாஹுவின் தூதர் நபி முஹம்மத் ஸல்லல்லாஹு அலைஹி வஸல்லம் அவர்கள் கூறினார்கள்: ‘அல்லாஹ்  அழகு என்ற அந்த தோற்றத்தை அல்லாஹ்  இரு பாதியாக  பிரித்து அதில் ஒன்றை நபி யூசுப் அலைஹிஸ்ஸலாம் அவர்களுக்கும்  மற்றும் ஒன்றைத்தான் நாம் இவ்வுலகில் அழகு என்று எதனை கூறுகிறோமோ அதன் அனைத்திற்கும் அல்லாஹ் பங்கிட்டு  வழங்கியதாக.’

நபி யூசுப் அலைஹிஸ்ஸலாம் அவர்களது தந்தை அவர்கள் மீதும்  அவரது தம்பியின் மீது அதிக நேசம் வைத்திருப்பதை கண்ட அவர்களது மூத்த சகோதரர்கள் 10 பேர் அவர்களை வெறுக்க ஆரம்பித்தார்கள் அதனை கண்ட யாகூப் அலைஹிஸ்ஸலாம் அவர்கள் மேலும் அதிகமாக இவ்விருவரையும் நேசிக்க  தொடங்கிவிட்டார்கள். ஏன்என்றால் நாமும் இவரை பராமரிக்காவிட்டால் பெரிய இன்னல்களுக்குள் ஆட்பட்டுவிடுவார்கள்  என்று அஞ்சினார்கள்.

நபி யாகூப் அலைஹிஸ்ஸலாம் அவர்கள் நேசிக்க காரணம் அந்த குழந்தைகள் தனது தாயில்லாமல்  கஷ்டபடுவதால் அந்த குழந்தைகள் மீது அதிக நேசமாக இருந்தார்கள்.

அவ்வாறு இருக்க நபி யூசுப் அலைஹிஸ்ஸலாம் அவர்கள் தன்  தந்தையிடம்,

إِذْ قَالَ يُوسُفُ لِأَبِيهِ يَا أَبَتِ إِنِّي رَأَيْتُ أَحَدَ عَشَرَ كَوْكَبًا وَالشَّمْسَ وَالْقَمَرَ رَأَيْتُهُمْ لِي سَاجِدِينَ

யூஸுஃப் தம் தந்தையாரிடம்: “என் அருமைத் தந்தையே! பதினோரு நட்சத்திரங்களும், சூரியனும், சந்திரனும் – (இவை யாவும்) எனக்குச் சிரம் பணிவதை மெய்யாகவே (கனவில்) நான் கண்டேன்” என்று கூறியபொழுது. – அல்குர்ஆன் 12:4   என்று கூறினார்கள்.

அப்பொழுது நபி யாகூப்  அலைஹிஸ்ஸலாம் அவர்கள்

قَالَ يَا بُنَيَّ لَا تَقْصُصْ رُؤْيَاكَ عَلَىٰ إِخْوَتِكَ فَيَكِيدُوا لَكَ كَيْدًا ۖ إِنَّ الشَّيْطَانَ لِلْإِنسَانِ عَدُوٌّ مُّبِينٌ

 “என் அருமை மகனே! உமது கனவை உன் சகோதரர்களிடம் சொல்லிக் காட்ட வேண்டாம்; (அவ்வாறு செய்தால்) அவர்கள், உனக்கு(த் தீங்கிழைக்க) சதி செய்வார்கள்; ஏனெனில் (அவ்வாறு சதி செய்யத் தூண்டும்) ஷைத்தான், நிச்சயமாக மனிதனுக்குப் பகிரங்க விரோதியாக இருக்கின்றான். – அல்குர்ஆன் 12:5 என்று கூறினார்கள்.

இந்த சம்பவத்தில் இருந்து மேலும் நபி யூசுப் அலைஹிஸ்ஸலாம் அவர்கள் மீது நபி யாகூப் அலைஹி வசல்லம் அவர்களுக்கு நேசம் அதிகமாகி விட்டது. எந்நேரமும் நபி யூசுப் அலைஹிஸ்ஸலாம் அவர்களுடன் இருப்பதையே  விரும்பினார். இதனை கண்ட மற்ற பத்து சகோதர்களுக்கு மேலும் வெறுப்பு அதிகமாகிவிட்டது. நாளுக்கு நாள் நம் தந்தை அவர்கள் மீதே அன்பு  காட்டுகிறார்கள் என்று மேலும் அவர்கள் இணைந்து ஒரு சதி திட்டம் தீட்டினார்கள். அதனை அல்லாஹ்  தனது குர்ஆனில் குறிப்பிடுகிறான்.

إِذْ قَالُوا لَيُوسُفُ وَأَخُوهُ أَحَبُّ إِلَىٰ أَبِينَا مِنَّا وَنَحْنُ عُصْبَةٌ إِنَّ أَبَانَا لَفِي ضَلَالٍ مُّبِينٍ

12:8. (யூஸுஃபுடைய சகோதரர்கள்) கூறினார்கள்: “யூஸுஃபும், அவருடைய சகோதரரும் நம் தந்தைக்கு நம்மைவிட அதிகப் பிரியமுள்ளவர்களாக இருக்கின்றனர் – நாமோ (பலமுள்ள) கூட்டதினராக இருக்கின்றோம்; நிச்சயமாக நம் தந்தை பகிரங்கமான தவறிலேயே இருக்கின்றார் (என்றும்),

اقْتُلُوا يُوسُفَ أَوِ اطْرَحُوهُ أَرْضًا يَخْلُ لَكُمْ وَجْهُ أَبِيكُمْ وَتَكُونُوا مِن بَعْدِهِ قَوْمًا صَالِحِينَ

12:9. “யூஸுஃபை” கொன்றுவிடுங்கள், அல்லது அவரை (தொலைவான) ஒரு நாட்டில் எறிந்துவிடுங்கள்; (அப்பொழுது) உங்கள் தந்தையின் கவனம் உங்கள் பக்கமே இருக்கும்; இதன்பின் நீங்கள் நல்ல மனிதர்களாகி விடுவீர்கள்” என்றும் கூறியபொழுது,

قَالَ قَائِلٌ مِّنْهُمْ لَا تَقْتُلُوا يُوسُفَ وَأَلْقُوهُ فِي غَيَابَتِ الْجُبِّ يَلْتَقِطْهُ بَعْضُ السَّيَّارَةِ إِن كُنتُمْ فَاعِلِينَ

12:10. அவர்களில் ஒருவர்: “நீங்கள் யூஸுஃபை கொலை செய்யாதீர்கள், நீங்கள் அவரை (ஏதாவது) செய்தே ஆகவேண்டுமென்றால் – அவரை ஓர் ஆழமான கிணற்றில் தள்ளிவிடுங்கள்; (அப்போது அவ்வழி செல்லும்) பிரயாணிகளில் சிலர் அவரை எடுத்துக் கொள்ளக்கூடும்” என்று கூறினார்.

قَالُوا يَا أَبَانَا مَا لَكَ لَا تَأْمَنَّا عَلَىٰ يُوسُفَ وَإِنَّا لَهُ لَنَاصِحُونَ

12:11. (பிறகு தம் தந்தையிடம் வந்து,) “எங்கள் தந்தையே! யூஸுஃபுடைய விஷயத்தில் நீங்கள் ஏன் எங்களை நம்புவதில்லை? மெய்யாகவே, நாங்கள் அவருக்கு நன்மையை நாடுபவர்களாகவே இருக்கின்றோம்.

أَرْسِلْهُ مَعَنَا غَدًا يَرْتَعْ وَيَلْعَبْ وَإِنَّا لَهُ لَحَافِظُونَ

12:12. “நாளைக்கு அவரை எங்களுடன் அனுப்பி வையுங்கள். (காட்டிலுள்ள கனிகளைப்) புசித்துக் கொண்டும் விளையாடிக் கொண்டும் இருப்பார்; நிச்சயமாக நாங்கள் அவரைப் பாதுகாத்துக் கொள்வோம்” என்று கூறினார்கள்.

قَالَ إِنِّي لَيَحْزُنُنِي أَن تَذْهَبُوا بِهِ وَأَخَافُ أَن يَأْكُلَهُ الذِّئْبُ وَأَنتُمْ عَنْهُ غَافِلُونَ

12:13. (அதற்கு யஃகூப்,) “நீங்கள் அவரை அழைத்துச் செல்வது, நிச்சயமாக என்னைக் கவலைக்குள் ஆக்குகிறது; மேலும், நீங்கள் அவரை கவனியாது, பராமுகமாகயிருக்கும்போது அவரை ஓநாய் (பிடித்துத்) தின்றுவிடுமோ என்று நான் பயப்படுகிறேன்” என்று கூறினார்.

قَالُوا لَئِنْ أَكَلَهُ الذِّئْبُ وَنَحْنُ عُصْبَةٌ إِنَّا إِذًا لَّخَاسِرُونَ

12:14. (அதற்கு) அவர்கள் “நாங்கள் (பலசாலிகளான) ஒரு கூட்டமாக இருந்தும், அவரை ஓநாய் தின்று விடுமானால், நிச்சயமாக நாங்கள் நஷ்டவாளிகளாக ஆகியிருப்போம்“ என்று கூறினார்கள்.

فَلَمَّا ذَهَبُوا بِهِ وَأَجْمَعُوا أَن يَجْعَلُوهُ فِي غَيَابَتِ الْجُبِّ ۚ وَأَوْحَيْنَا إِلَيْهِ لَتُنَبِّئَنَّهُم بِأَمْرِهِمْ هَٰذَا وَهُمْ لَا يَشْعُرُونَ

12:15. (இவ்வாறாக) அவர்கள் அவரை அழைத்துச் சென்று ஆழமான கிணற்றில் தள்ளிவிட ஒன்று சேர்த்து முடிவு செய்த போது, “நீர் அவர்களின் இச்செயலைப்பற்றி அவர்களுக்கு (ஒரு காலத்தில்) உணர்த்துவீர். அது சமயம் அவர்கள் உம்மை அறிந்து கொள்ள மாட்டார்கள்” என்று நாம் யூஸுஃபுக்கு வஹீ அறிவித்தோம்.

وَجَاءُوا أَبَاهُمْ عِشَاءً يَبْكُونَ

12:16. இன்னும், அவர்கள் (அன்று) பொழுது சாய்ந்ததும் தங்களுடைய தந்தையாரிடம் அழுது கொண்டே வந்தார்கள்.

قَالُوا يَا أَبَانَا إِنَّا ذَهَبْنَا نَسْتَبِقُ وَتَرَكْنَا يُوسُفَ عِندَ مَتَاعِنَا فَأَكَلَهُ الذِّئْبُ ۖ وَمَا أَنتَ بِمُؤْمِنٍ لَّنَا وَلَوْ كُنَّا صَادِقِينَ

12:17. “எங்கள் தந்தையே! நாங்கள் யூஸுஃபை எங்களுடைய சாமான்களிடத்தில் விட்டுவிட்டு, ஓடி(யாடி விளையாடிக் கொண்டே வெகுதூரம்) சென்று விட்டோம்; அப்போது ஓநாய் அவரை(ப் பிடித்துத்) தின்று விட்டது – ஆனால் நாங்கள் உண்மையே சொன்ன போதிலும், நீங்கள் எங்களை நம்பவே மாட்டீர்கள்!” என்று கூறினார்கள்.

وَجَاءُوا عَلَىٰ قَمِيصِهِ بِدَمٍ كَذِبٍ ۚ قَالَ بَلْ سَوَّلَتْ لَكُمْ أَنفُسُكُمْ أَمْرًا ۖ فَصَبْرٌ جَمِيلٌ ۖ وَاللَّهُ الْمُسْتَعَانُ عَلَىٰ مَا تَصِفُونَ

12:18. (மேலும், தங்கள் கூற்றை மெய்ப்பிக்க) யூஸுஃபுடைய சட்டையில் பொய்யான இரத்தத்தைத் தடவிக்கொண்டு வந்திருந்தார்கள்; “இல்லை, உங்கள் மனம் ஒரு (தீய) காரியத்தை உங்களுக்கு அழகாகக் காண்பித்துவிட்டது; எனவே (எனக்கு இந்நிலையில் அழகிய) பொறுமையை மேற்கொள்வதே நலமாக இருக்கும்;மேலும், நீங்கள் கூறும் விஷயத்தில் அல்லாஹ்வே உதவி தேடப்படுபவன்” என்று கூறினார்.

وَجَاءَتْ سَيَّارَةٌ فَأَرْسَلُوا وَارِدَهُمْ فَأَدْلَىٰ دَلْوَهُ ۖ قَالَ يَا بُشْرَىٰ هَٰذَا غُلَامٌ ۚ وَأَسَرُّوهُ بِضَاعَةً ۚ وَاللَّهُ عَلِيمٌ بِمَا يَعْمَلُونَ

12:19. பின்னர் (அக்கிணற்றருகே) ஒரு பயணக்கூட்டம் வந்தது; அவர்களில் தண்ணீர் கொண்டு வருபவரை(த் தண்ணீருக்காக அக்கூட்டத்தினர்) அனுப்பினார்கள். அவர் தம் வாளியை(க் கிணற்றில்) விட்டார். “நற்செய்தி! இதோ ஓர் (அழகிய) சிறுவன்!” என்று கூறினார் – (யூஸுஃபை தூக்கியெடுத்து) அவரை ஒரு வியாபாரப் பொருளாக(க் கருதி) மறைத்து வைத்துக் கொண்டார்கள்; அவர்கள் செய்ததை எல்லாம் அல்லாஹ் நன்கறிந்தவனாகவே இருக்கின்றான்.

وَشَرَوْهُ بِثَمَنٍ بَخْسٍ دَرَاهِمَ مَعْدُودَةٍ وَكَانُوا فِيهِ مِنَ الزَّاهِدِينَ

12:20. (இதற்குள் அவருடைய சகோதரர்கள் ஓடிவந்து) அவரை அவர்கள் (விரல்விட்டு) எண்ணக்கூடிய சில வெள்ளிக் காசுகளுக்கு அற்பமான கிரயத்திற்கு விற்றுவிட்டார்கள். அவர் விஷயத்தில் அவர்கள் பற்றற்றவர்களாக இருந்தார்கள்.

وَقَالَ الَّذِي اشْتَرَاهُ مِن مِّصْرَ لِامْرَأَتِهِ أَكْرِمِي مَثْوَاهُ عَسَىٰ أَن يَنفَعَنَا أَوْ نَتَّخِذَهُ وَلَدًا ۚ وَكَذَٰلِكَ مَكَّنَّا لِيُوسُفَ فِي الْأَرْضِ وَلِنُعَلِّمَهُ مِن تَأْوِيلِ الْأَحَادِيثِ ۚ وَاللَّهُ غَالِبٌ عَلَىٰ أَمْرِهِ وَلَٰكِنَّ أَكْثَرَ النَّاسِ لَا يَعْلَمُونَ

12:21. (யூஸுஃபை) மிஸ்ரு நாட்டில் வாங்கியவர் தம் மனைவியை நோக்கி, “இவர் (நம்மிடம்) தங்குவதை சங்கையாக வைத்துக்கொள்; ஒருவேளை இவர் நமக்கு (மிக்க) நன்மையைக் கொண்டு வரலாம்; அல்லது இவரை நாம் (நம் சுவீகார) புத்திரனாக ஆக்கிக் கொள்ளலாம்” என்று கூறினார். இவ்வாறு நாம் யூஸுஃபுக்குப் பூமியிலே (தக்க) வசதியளித்தோம்; இன்னும் நாம் அவருக்குக் கனவுகளுக்குப் பலன் கூறுவதையும் கற்றுக் கொடுத்தோம்; அல்லாஹ் தன் காரியத்தில் வெற்றியாளனாக இருக்கிறான் – ஆனால் மக்களில் பெரும்பாலோர் (இதனை) அறிந்து கொள்ள மாட்டார்கள்.

وَلَمَّا بَلَغَ أَشُدَّهُ آتَيْنَاهُ حُكْمًا وَعِلْمًا ۚ وَكَذَٰلِكَ نَجْزِي الْمُحْسِنِينَ

12:22. அவர் தம் வாலிபத்தை அடைந்ததும், அவருக்கு நாம் ஞானத்தையும், கல்வியையும் கொடுத்தோம். இவ்வாறே நன்மை செய்வோருக்கு நாம் நற்கூலி வழங்குகிறோம்.

மேலும் ஒரு முறை ரசூல் சல்லல்லாஹு அலைஹி வசல்லம் அவர்களும் அவர்களது தோழர்களும் உரையாடி கொண்டிருக்கும் வேலையில் ஒரு சகாபி அல்லாஹுவின் தூதரே உலகத்தில் மிகவும் சங்கையானவர் யார் என்று வினா தொடுத்தனர்

அதற்கு நமது நாயகம் முஹம்மத் சல்லல்லாஹு அலைஹி வஸல்லம் அவர்கள் கூறினார்கள் சங்கையானவருடைய மகனுடைய சங்கையானவருடைய மகனுடைய சங்கையானவருடைய மகன் என்று பதில் கூறினார்கள். இது சகாபக்களுக்கு புரியவில்லை.

அதற்கு நமது நாயகம் முஹம்மத் சல்லல்லாஹு அலைஹி வஸல்லம் அவர்கள் கூறினார்கள்.

இபுராஹீமுடைய மகன் இஸ்ஹாக், இஸ்ஹாக்குடைய மகன் யாகூப், யாகூபுடைய மகன் யூசுப்  என்று.

ஏன் ஏன்றால் அல்லாஹ்  எந்த ஒரு நபிக்கும் நான்கு தலைமுறையாக நபித்துவத்தை கொடுத்ததில்லை நபி யூசுப் அலைஹி வசல்லம் அவர்களை தவிர யாருக்கும்  கொடுக்கவில்லை.

நபி யூசுப் அலைஹி வசல்லம் அவர்கள் அந்த வீட்டிலேயே வாழ்கிறார் . நபி யூசுப் அலைஹி வசல்லம் அவர்கள் வாழ்ந்து வந்த அந்த வீட்டில் அவரது எஜமானனின்  மனைவி அந்த பெண்ணின் பெயர் ஜுலைகா என்று மார்க்க அறிஞர்களால் அழைக்கபடுகிறது.

وَرَاوَدَتْهُ الَّتِي هُوَ فِي بَيْتِهَا عَن نَّفْسِهِ وَغَلَّقَتِ الْأَبْوَابَ وَقَالَتْ هَيْتَ لَكَ ۚ قَالَ مَعَاذَ اللَّهِ ۖ إِنَّهُ رَبِّي أَحْسَنَ مَثْوَايَ ۖ إِنَّهُ لَا يُفْلِحُ الظَّالِمُونَ

அவர் எந்தப் பெண்ணின் வீட்டில் இருந்தாரோ, அவள் அவர்மீது விருப்பங்கொண்டு, கதவுகளைத் தாழிட்டுக் கொண்டு (தன் விருப்பதிற்கு இணங்குமாறு) “வாரும்” என்று அழைத்தாள் – (அதற்கு அவர் மறுத்து,) “அல்லாஹ் (இத்தீய செயலிலிருந்து) என்னைக் காத்தருள்வானாக; நிச்சயமாக (உன் கணவர்) என் எஜமானர், என் இடத்தை அழகாக (கண்ணியமாக) வைத்திருக்கிறார் – அநியாயம் செய்பவர்கள் நிச்சயமாக வெற்றி பெற மாட்டார்கள்” என்று சொன்னார்.

وَلَقَدْ هَمَّتْ بِهِ ۖ وَهَمَّ بِهَا لَوْلَا أَن رَّأَىٰ بُرْهَانَ رَبِّهِ ۚ كَذَٰلِكَ لِنَصْرِفَ عَنْهُ السُّوءَ وَالْفَحْشَاءَ ۚ إِنَّهُ مِنْ عِبَادِنَا الْمُخْلَصِينَ

12:24. ஆனால் அவளோ அவரைத் திடமாக விரும்பினாள்; அவரும் தம் இறைவனின் ஆதாரத்தைக் கண்டிராவிட்டால் அவள் மீது விருப்பம் கொண்டே இருப்பார்; இவ்வாறு நாம் அவரைவிட்டுத் தீமையையும் மானக்கேடான செயல்களையும் திருப்பிவிட்டோம் – ஏனெனில் நிச்சயமாக அவர் நம் தூய்மையான அடியார்களில் ஒருவராக இருந்தார்.

وَاسْتَبَقَا الْبَابَ وَقَدَّتْ قَمِيصَهُ مِن دُبُرٍ وَأَلْفَيَا سَيِّدَهَا لَدَى الْبَابِ ۚ قَالَتْ مَا جَزَاءُ مَنْ أَرَادَ بِأَهْلِكَ سُوءًا إِلَّا أَن يُسْجَنَ أَوْ عَذَابٌ أَلِيمٌ

12:25. (யூஸுஃப் அவளை விட்டும் தப்பி ஓட முயன்று) ஒருவரை ஒருவர் முந்திக் கொள்ள வாசலின் பக்கம் ஓடினார்கள்; அவள் அவருடைய சட்டையைப் பின்புறத்தில் கிழித்து விட்டாள்; அப்போது அவளுடைய கணவரை வாசல் பக்கம் இருவரும் கண்டனர். உடன் (தன் குற்றத்தை மறைக்க) “உம் மனைவிக்குத் தீங்கிழைக்க நாடிய இவருக்குச் சிறையிலிடப்படுவதோ அல்லது நோவினை தரும் வேதனையைத் தருவதோ அன்றி வேறு என்ன தண்டனை இருக்கமுடியும்?” என்று கேட்டாள்.

قَالَ هِيَ رَاوَدَتْنِي عَن نَّفْسِي ۚ وَشَهِدَ شَاهِدٌ مِّنْ أَهْلِهَا إِن كَانَ قَمِيصُهُ قُدَّ مِن قُبُلٍ فَصَدَقَتْ وَهُوَ مِنَ الْكَاذِبِينَ

12:26. (இதை மறுத்து யூஸுஃப்;) “இவள் தான் என்னை வற்புறுத்தித் தன்னிடம் அழைத்தாள்” என்று கூறினார்; (இதற்கிடையில்) அவள் குடும்பத்தைச் சேர்ந்த ஒருவர் சாட்சி(யாகப் பின்வருமாறு) கூறினார்: “இவருடைய சட்டை முன்புறத்தில் கிழிந்திருந்தால், அவள் உண்மை சொல்கிறாள்; இவர் பொய்யராவார்.

وَإِن كَانَ قَمِيصُهُ قُدَّ مِن دُبُرٍ فَكَذَبَتْ وَهُوَ مِنَ الصَّادِقِينَ

12:27. “ஆனால் இவருடைய சட்டை பின்புறமாகக் கிழிந்திருந்தால், அவள் பொய் சொல்லுகிறாள்; அவர் உண்மையாளர்களில் உள்ளவர்.”

فَلَمَّا رَأَىٰ قَمِيصَهُ قُدَّ مِن دُبُرٍ قَالَ إِنَّهُ مِن كَيْدِكُنَّ ۖ إِنَّ كَيْدَكُنَّ عَظِيمٌ

12:28. (யூஸுஃபுடைய) சட்டை பின்புறமாகக் கிழிந்திருந்ததை அவர் கண்டபோது, நிச்சயமாக இது (பெண்களாகிய) உங்கள் சதியேயாகும் – நிச்சயமாக உங்களுடைய சதி மகத்தானதே!

يُوسُفُ أَعْرِضْ عَنْ هَٰذَا ۚ وَاسْتَغْفِرِي لِذَنبِكِ ۖ إِنَّكِ كُنتِ مِنَ الْخَاطِئِينَ

12:29. (என்றும்) “யூஸுஃபே! இதனை நீர் இம்மட்டில் விட்டு விடும். (பெண்ணே!) உனது பாவத்திற்காக மன்னிப்புத் தேடிக் கொள்; நிச்சயமாக நீ தவறு செய்தவர்களில் ஒருத்தியாக இருக்கின்றாய்” என்றும் கூறினார்.

இதை பற்றி அல்லாஹுவின் தூதர் நபி முஹம்மத் சல்லல்லாஹு அலைஹி வசல்லம் அவர்கள்  மூன்று குழந்தைகளை அல்லாஹ் தொட்டிலில் இருக்கும் பொழுதே பேசவைத்தான். அதில் ஒருவர் மரியமின் மகன் ஈஸா அலைஹி வசல்லம். இரண்டாவது இபுனு ஜுரைஜ் என்றவரை அல்லாஹ் பேசவைத்தான். மூன்றாவதாக நபி யூசுப் அலைஹி வசல்லம் அவர்களுக்கு சாட்சியாளனாக அல்லாஹ் பேச வைத்தான் என்று.

இந்த விசயம் சிறிது சிறிதாக கசிந்து அந்த பட்டணத்தில் உள்ள பெண்கள் கூறினார்கள், என்ன அமைச்சருடைய மனைவி தனது அடிமையிடம் காதல் கொண்டு தவறாக நடக்க பார்த்திருக்கிறாள் நிச்சயமாக அவள் பகிரங்கமான வழிகேட்டில் இருக்கிறாள் என்று ஊர் பெண்கள் பலவாரியாக பேச தொடங்கி  விட்டனர்.

அவார்கள் பேசியவை அனைத்தும் அந்த பெண்மணி அறிந்த பொழுது அனைத்து பட்டின வாசிகளில் உள்ள பெண்கள் அனைவரையும் அழைத்து ஒரு விருந்திற்கு ஏற்பாடு செய்தாள்.  அனைவரும் விருந்து சாப்பிட்டுவிட்டு  அனைவருடைய கைகளிலும் ஒரு பலத்தையும் கத்தியையும் அவள் கொடுத்தாள்.  அவர்கள் அந்த பழத்தை வெட்டும் சமயத்தில் நபி யூசுப் அலைஹி வசல்லம் அவர்களை நீர் அந்த பெண்களுக்குள்  நடந்துவா  என்று கூறினாள். இந்த சூழ்ச்சி அறியாத நபி யூசுப் அலைஹி வசல்லம் அவர்களுக்குள் செல்ல அவரின் அழகை பார்த்த அந்த பெண்கள் அனைவரும் கத்தியால் பலத்தை அறுப்பதற்கு  பதிலாக அவர்களுடைய கையை அறுத்து கொண்டார்கள்.  மேலும் அந்த பெண்மணிகள் கூறினார்கள் இவர் நிச்சயம் ஒரு மனிதாரே இல்லை இவர் ஒரு மலக்காகதான் இருக்க வேண்டும் என்று கூறினார்கள்.

அப்பொழுது அந்த பெண்மணி ஜுலைகா கூறினாள் எவரை பற்றி நீங்கள் என்னை இழிவுபடுத்தி கொண்டிருந்தீர்களோ அந்த அடிமை இவர்தான். ஒரு கணம் பார்த்ததற்கே உங்கள் கைகளை வெட்டி கொண்டீர்கள். நான் இவருடன்தான் வாழ்ந்துகொண்டிருக்கிறேன் எனக்கு எவ்வாறு இருக்கும் என்று பதில் கூறினாள். .மேலும் அவள் கூறினாள் நான்தான் அவரை என் ஆசைக்கு இணங்குமாறு  அழைத்தேன். ஆனால் அவர் மனவுறுதியுடன் நின்றுவிட்டார்.

ஆனால் என்றாவது ஒருநாள் என் ஆசைக்கு அவர் இணங்கவில்லை என்றால் அவர் நிச்சயம் சிறையில் அடைக்கபடுவார் அவர் இழிவானவர்களில் உள்ளவராக மாறிவிடுவார் என்று கூறினாள்.

இதனை கேட்ட  நபி யூசுப் அலைஹி வசல்லம் அவர் அல்லாஹுவிடம் பிராத்தித்தார் ‘என்னுடைய ரட்சகனே இவர்கள் என்னை எதன் பக்கம் அழைக்கிறாரோ அதைவிட எனக்கு சிறைச்சாலையே எனக்கு விருப்பமானது.  மேலும் இப்பெண்களின் சூழ்ச்சியில் இருந்து நீ என்னை காப்பாற்றவில்லை என்றால் அவர்கள் பக்கம் சாய்ந்து விடுவேனோ என்று நான் அஞ்சுகிறேன் மேலும் அறிவீனர்களில் ஒருவராக நான் ஆகிவிடுவேன் என்று கூறினார்.

فَاسْتَجَابَ لَهُ رَبُّهُ فَصَرَفَ عَنْهُ كَيْدَهُنَّ ۚ إِنَّهُ هُوَ السَّمِيعُ الْعَلِيمُ

12:34. எனவே அவருடைய இறைவன் அவருடைய பிரார்த்தனையை ஏற்றுக் கொண்டான்; அப்பெண்களுடைய சதியை அவரை விட்டு நீக்கிவிட்டான்; நிச்சயமாக அவன் (யாவற்றையும்) கேட்பவனாகவும், நன்கறிபவனாகவும் இருக்கின்றான்.

இந்த சம்பவங்களை அறிந்த அந்நாட்டு அரசன் நம் பெண்களின் இழிவான செயலிலிருந்து அவரை காக்க அவரை சிறையில் அடைத்தான்.  பிறகு சிறிது காலம் அவர் சிறை வாசம் அனுபவித்தார். சிறையில் இருக்கும் வேளையில் அல்லாஹுவின் ஆற்றலை மக்களுக்கு  எடுத்துரைத்து  இஸ்லாத்திற்கு அழைப்பு விடுத்து கொண்டும் இருந்தார்.

இவ்வேளையில் அங்கு உள்ள சிறைவாசிகள் இருவர் கனவு கண்டார்கள் அதில் ஒருவர் நான் திராட்சை பலங்களில் இருந்து மதுரசம்  பிழிவதை போல் கனவு கண்டேன் என்று கூறினார் மேலும் மற்றொருவர் நான் என் தலையில் ரொட்டியை சுமந்து கொண்டு போகும் பொழுது பறவைகள் அதை கொத்தி தின்பதை போல் கனவு கண்டேன் என்று கூறினார் இவ்வாறு கூறிவிட்டு அவ்விருவரும் நிச்சயமாக நாங்கள் உம்மை நல்லவராக மேலும் அறிவுஜீவியாகவே காண்கிறோம் ஆதலால் எங்களுக்கு இதன் விளக்கத்தை எங்களுக்கு கூறும் என்று கூறினார்கள்.

இதை கேட்ட நபி யூசுப் அலைஹி வசல்லம் அவர்கள் அல்லாஹ்  எனக்கு அருளிய இந்த அறிவிலிருந்து நான் இதன் விளக்கத்தை உங்களுக்கு கூறுகிறேன் . என்று கூறி யார் மதுரசம் பிழிவதை போல் கனவு கண்டாயோ நீ மிக விரைவில் விடுதலையாகி உன்னுடைய முதலாளிக்கு மதுரசம் பிழிவாய் மற்றொருவன் சிலுவையில் அறையப்பட்டு இறப்பான்.  இறந்தபின் அவனின் உடலை பறவைகள் கொத்தி  தின்னும். இதுவே உங்களுடைய கனவின் விளக்கம் என்று கூறினார் .

மேலும்  விடுதலையாக  இருக்கும் அந்த சிறை தோழரிடம் நீர் வெளியில் சென்றவுடன்  என்னை பற்றி நாட்டின் மன்னனிடம் எடுத்துக்கூறும் என்று கோரிக்கை விடுத்தார் ஆனால் அவன் விடுதலை ஆனவுடன் ஷைத்தான் அவனை மறக்க செய்துவிட்டான் ஆதலால்  மேலும் சில காலம் அவர் சிறையில் இருக்க நேரிட்டது

பிறகு சிறிது காலம் சென்ற பிறகு அந்நாட்டு மன்னன் ஓர்  கனவு கண்டான் அதில் நல்ல கொளுத்த பசுக்களையும் மெலிந்த பசுக்களையும் மேய்வதை கண்டேன் அதில் ஏழு பசுமையான கதிர்களும் ஏழு காய்ந்த கதிர்களையும் நான் கண்டேன் . என் பிரதானிகளே நீங்கள் கனவுகளுக்கு விளக்கம் தரகூடியவராக இருந்தால்  இந்த கனவிற்கு விளக்கம் கொடுங்கள் என்று அந்த மன்னன் கேட்டான்

அதற்கு அந்த பிரதானிகள் இது பொய்யான கனவு அதற்கு விளக்கம் கொடுக்க நான் அறிந்திருக்க வில்லை என்று கூறினார்கள். இந்த சம்பவத்தை அறிந்த சிறையில் இருந்து விடுதலையான மனிதர் யூசுபை நினைவு கூர்ந்து அவர் மன்னரிடம் நான் இந்த கனவிற்கு விடை கூறுகிறேன்.

ஆனால் என்னை நீங்கள் சிறைகூடத்திற்கு அழைத்து செல்லுங்கள் என்று கூறினார். அவ்வாரே  அவரை அழைத்து செல்ல அங்கு நபி யூசுப் அலைஹி வசல்லம் அவர்களிடம் யுசுபே உண்மையாளரே. எனக்கு மேலும் ஒரு  கனவிற்கு விளக்கம் தேவை என்று கூறினார்.

நபி யூசுப் அலைஹி வசல்லம் என்ன கனவு என்று கேட்க ஏழு கொளுத்த பசுவையும் மெலிந்த ஏழு பசுவையும் மேலும் பசுமையான ஏழு கதிரையும்  காய்ந்த ஏழு கதிரையும் கனவில் கண்டால் அதன் பொருள் என்ன என்று கேட்டார்.

அதனை கேட்ட  நபி யூசுப் அலைஹி வசல்லம் அவர்கள் முதல் ஏழு ஆண்டுகள் நீங்கள் விவசாயம் செய்வதை போல் செய்வீர்கள் அதில் உங்களுக்கு தேவையானதை எடுத்துக்கொண்டு மீதம் உள்ள பொருட்களை சேமித்து கொள்ளுங்கள். அதன் பிறகு கடுமையான பஞ்சம் ஏற்படும். அதில் உணவிற்கே கஷ்டம் வரும். அப்பொழுது சேமித்தவற்றில் இருந்து தற்காத்து கொள்ளலாம்.

பிறகு ஒரு ஆண்டு வரும்.  அதில் மழை பொழிந்துகொண்டே இருக்கும். அப்பொழுது அனைவரும் பழரசங்கள் பிழிந்தவர்களாக  இருப்பார்கள் என்று விளக்கம் கொடுத்தார்கள் ,,

இவ்வாறே விளக்கத்தை அரசனிடம் கொண்டு சென்றார்கள். இந்த விளக்கத்தை கேட்ட அரசர் இவ்விளக்கம் கொடுத்தவரை என்னிடம் கொண்டு வாருங்கள் என்று கூறினான். இதனை நபி யூசுப் அலைஹி வசல்லம் அவர்களிடம் கூறவந்த அந்த தூதுவனிடம்

وَقَالَ الْمَلِكُ ائْتُونِي بِهِ ۖ فَلَمَّا جَاءَهُ الرَّسُولُ قَالَ ارْجِعْ إِلَىٰ رَبِّكَ فَاسْأَلْهُ مَا بَالُ النِّسْوَةِ اللَّاتِي قَطَّعْنَ أَيْدِيَهُنَّ ۚ إِنَّ رَبِّي بِكَيْدِهِنَّ عَلِيمٌ

12:50. (“இவ்விவரம் அரசருக்கு அறிவிக்கப்பட்டதும்) அவரை என்னிடம் அழைத்து வாருங்கள்” என்று அரசர் கூறினார்; (அவருடைய) தூதர் யூஸுஃபிடம் வந்தபோது அவர், “நீர் உம் எஜமானரிடம் திரும்பிச் சென்று, “தம் கைகளை வெட்டிக்கொண்ட பெண்களின் உண்மை நிலை என்ன?” என்று அவரிடம் கேளும். நிச்சயமாக என் இறைவன் அப்பெண்களின் சதியை நன்கு அறிந்தவனாக இருக்கின்றான்” என்று கூறினார்.

قَالَ مَا خَطْبُكُنَّ إِذْ رَاوَدتُّنَّ يُوسُفَ عَن نَّفْسِهِ ۚ قُلْنَ حَاشَ لِلَّهِ مَا عَلِمْنَا عَلَيْهِ مِن سُوءٍ ۚ قَالَتِ امْرَأَتُ الْعَزِيزِ الْآنَ حَصْحَصَ الْحَقُّ أَنَا رَاوَدتُّهُ عَن نَّفْسِهِ وَإِنَّهُ لَمِنَ الصَّادِقِينَ

12:51. (இவ்விவரம் அறிந்த அரசர் அப் பெண்களை அழைத்து) “நீங்கள் யூஸுஃபை உங்கள் விருப்பத்திற்கு இணங்குமாறு அழைத்தபோது உங்களுக்கு நேர்ந்தது என்ன?” என்று கேட்டார்; (அதற்கு) அப் பெண்கள், “அல்லாஹ் எங்களை காப்பானாக! நாங்கள் அவரிடத்தில் யாதொரு கெடுதியையும் அறியவில்லை” என்று கூறினார்கள்; அஜீஸுடைய மனைவி, “இப்பொழுது (எல்லோருக்கும்) உண்மை வெளிப்பட்டு விட்டது. நான் தான் இவரை என் விருப்பத்திற்கு இணங்குமாறு வற்புறுத்தினேன். நிச்சயமாக அவர் உண்மையாளர்களில் உள்ளவர்” என்று கூறினாள்.

இவ்வாறு நான் இதனை ஒத்துகொள்ள காரணம் நிச்சயமாக மறைவாக இருந்த சமயத்தில் அவருக்கு நான் துரோகம் செய்யவில்லை என்பதையும் நிச்சயமாக துரோகிகளின்  சூழ்ச்சிக்கு அல்லாஹ்  வழிகாட்ட மாட்டான் என்பதை அவர் அறிந்து கொள்வதற்காகத்தான் என்று கூறினாள்.

மேலும் நான் யூசுபின் மீது மோகம்கொள்ளவில்லை என்று கூறி என் மனதை நான் தூய்மை படுத்தவில்லை. நிச்சயமாக ரட்சகன் அருள் புரிகின்றவர்களை அன்றி மனிதர்களுடைய மனம் பாவம் செய்ய தூண்டகூடியதாகவே இருக்கிறது நிச்சயமாக எனது ரட்சகன் மிக்க மன்னிப்பவன் மிக்க கிருபையுடையவன் என்று அந்த பெண் சுலைகா கூறினாள்

சிறைச்சாலையில் இருந்த நமது தந்தை நபி யூசுப் அலைஹி வசல்லம் அவர்களது அறிவாற்றலை அறிந்த அந்த அரசன் அவரை அழைத்துவாருங்கள் அவரை எனக்கு மட்டும் பிரத்யோகமானவராக அமர்த்தி விடுகிறேன்  என்று கூறினார். அவரை அழைத்து வரப்பட்டு யுசுபிடம் நீர் இன்றிலிருந்து எங்களிடம் பெரும் மதிப்பும் நம்பிக்கையும் உடையவராக ஆகிவிட்டீர் என்று கூறினான்

அதற்கு  நபி யூசுப் அலைஹி வசல்லம் என்னை உங்களது நாட்டின் நிதியமைச்சராக ஆக்கிவிடுங்கள்  என்று கோரினார். அதை பற்றி நன்கறிந்தவன் பாதுகாப்பவன் என்று கூறினார். அரசனும் அந்நாட்டு நிதியமைச்சராக நபி யூசுப் அலைஹி வசல்லம் அவர்களை ஆக்கினான்

பிறகு சிறிது காலத்தில் பஞ்சம் தொடங்கிவிட்டது அனைவரும் நெருக்கடிக்கு உள்ளாகி இருந்தார்கள். அப்பொழுது அரசவையில் சேமித்து வைக்கபட்ட பொருள்களை மக்களுக்கு விநியோகம் செய்தார்கள். அவரே கண்ஹானில் இருந்து யூசுபிடம்  அவர்களது சகோதர்கள் வந்தபொழுது நபி யூசுப் அலைஹி வசல்லம் அவர்கள் அவர்களை அறிந்து கொண்டார். இவர்கள்தான் நம்முடைய சகோதரர்கள் என்று. ஆனால்  அவர்களுக்கு புலப்படவில்லை இவர்தான் யூசுப் என்று.

இவ்வாறு இருக்க நபி யூசுப் அலைஹி வசல்லம் அவர்கள் அவர்களுக்கு வேண்டிய தானியங்களை தயார் செய்து அவர்களிடம் கொடுத்து நீங்கள் மறுமுறை வரும்பொழுது உங்கள் தந்தையிடம் இருக்கும் உங்களது சகோதரன் புன்யாமினையும் அழைத்து வாருங்கள் அவ்வாறு நீங்கள் வந்தால் மேலும் உங்களுக்கு தானியங்களை கொடுக்கிறேன் என்று வாக்களித்தார். அவ்வாறு நீங்கள் அழைத்து வரா விட்டால் நீங்கள் என்னை நெருங்க வேண்டாம். என்னிடம் இருந்து எந்த ஒரு பொருளும் தரப்பட மாட்டாது என்று கூறினார்

இதனை கேட்ட அவர்கள் கூறினார்கள் நிச்சயம் அவரை அழைத்துவர நாங்கள் முயற்சிக்கிறோம் என்று கூறிவிட்டு தங்கள் தந்தையிடம் வந்து தந்தையே எங்களுக்கு தானியம் அளப்பது நிறுத்தப்பட்டுவிட்டது நாங்கள் புன்யாமினை அழைத்து சென்று பாதுகாப்புடன் கொண்டுவருவோம் அவருடன் அதிக தானியங்களை நமக்காக வாங்கியும் வருவோம் என்று கூறினார்கள்

அவரது தந்தை நபி யாகூப் அலைஹி  வசல்லம் அவர்கள் கூறினார்கள் இவருடைய சகோதரர் யூசுபின் விசியத்தில் உங்களை நம்பியது போதும் இவரையும் நான் இழக்க தயாராக இல்லை என்று கூறினார் மேலும் பாதுகாப்பதில் அல்லாஹுவே மேலானவன் அவனையே நான் நம்புகிறேன் என்று கூறினார்.

தந்தையே! இனிமேல் நாங்கள் எதை தேடுவோம் நாங்கள் எங்கள் சகோதரன் புன்யாமினை அழைத்து சென்று நம் குடும்பத்திற்கு தேவையான தானியங்களை வாங்கி வருவோம். மேலும் எங்களது சகோதரனை பாதுகாப்புடன் அழைத்தும் வருவோம் என்று கூறினார்கள்.

உங்கள் யாவரையும் ஆபத்து சூழ்ந்த்திருந்தால்  அன்றி இவரை பத்திரமாக திருப்பி கொண்டு வருவோம் என்று அல்லாஹ்வின் புறத்தில் எனக்கு சத்தியம் செய்யும் வரை நான் உங்களுடன் இவரை அனுப்ப மாட்டேன் .என்று கூறிவிட்டார் நபி யாகூப்  அலைஹி வசல்லம்.

அவர்களும் அல்லாஹுவின் புறத்தில் சத்தியமும் செய்துவிட்டார்கள் நாம் உறுதிமொழி எடுத்ததை அல்லாஹ்  சாட்சியாளனாக இருக்கிறான் என்று கூறி அவர்களுடன் அனுப்பி வைத்தார் நபி யாகூப்  அலைஹி வசல்லம் மேலும் அவன் மீதே நான் நம்பிக்கை வைத்துவிட்டேன் என்று கூறினார்.

மேலும் நபி யாகூப் அலைஹி வசல்லம் அவர்கள் கூறினார்கள். எனது மக்களே நீங்கள் எகிப்து நாட்டினுள் போகும்பொழுது வேறு வேறு  வாசல் வழியாக  உள்ளே நுழையுங்கள் அல்லாஹு தடுத்ததை தவிர வேறு எதையும் நான் உங்களிடம் கூறவில்லை என்று கூறினார்

அவ்வாறே அவர்கள் எகிப்தை அடைந்ததும் அவர்கள் நபி யூசுப் அலைஹி வசல்லம் அவர்களிடம் புன்யாமினை காண்பித்தார்கள் அவர் புன்யாமினை தனிமையில் சந்தித்து நான் தான் உனது சகோதரன் யூசுப். இந்த செய்தியை நீ அவர்களிடம் கூற வேண்டாம் என்று வாக்குறுதி வாங்கினார். பிறகு அவர்களுக்கு தனித்தனியே தானிய முட்டைகள் வழங்கப்பட்டது.

புன்யாமினின் மூட்டையில் நபி யூசுப் அலைஹி வசல்லம் அவர்களின் குவளையை போட்டுவிட்டார் பிறகு சிறிது தூரம் சென்றவுடன் காவலாளிகள் அவர்களை அழைத்து நில்லுங்கள் மந்திரியின் முக்கியமான பொருள் காணாமல்  போய்விட்டது அதனை கண்டுபிடித்து கொடுப்பவருக்கு  ஒரு ஒட்டகம்  நிறையாக தானியம் வழங்குவதாக அரசவையில் அறிவித்துவிட்டார்கள். நீங்கள் தான் கடைசியாக அங்கு வந்தீர்கள் நீங்கள்தான் எடுத்திருக்க கூடும் என்று அந்த காவலாளிகள் கூறினார்கள்.

அதற்கு புன்யாமீன்  சகோதரர்கள் பத்துபெரும் நிச்சயமாக நாங்கள் இந்த நாட்டில் குழப்பம் விளைவிக்க வரவில்லை அவ்வாறு எங்களிடம் அந்த பொருள் இருதால் அவரை நீங்கள் கைது செய்து கொள்ளுங்கள் என்று கூறினார்கள் அவ்வாரே  அவர்களது தானிய மூட்டைகளை சோதித்தார்கள் யாரிடமும் இல்லை இறுதியாக புன்யாமினின் மூட்டையை சோதிக்கையில்  அதில் அந்த குவளையை கண்டதும் அதிர்ச்சியுற்றார்கள்.

பிறகு அந்த காவலாளிகள் நாங்கள் இவரை கைது செய்து அமைச்சரிடம் ஒப்படைக்க போகிறோம் என்று கூறினார்கள் அதற்கு அவர்கள் இவரின் தந்தை மிகவும் பலகீனமானவர் அவரிடம் இவருக்கு எந்த ஆபத்து வர விடமாட்டோம் என்று அல்லாஹுவின் மீது சத்தியம் செய்து கூட்டி வந்தோம்.  ஆனால்  இப்பொழுது எங்களில் யாரேனும் நீங்கள் கைது செய்து இவரை விட்டு விடுங்கள் என்று கோரினார்கள் ஆனால்  அவர்கள் இல்லை அவ்வாறு செய்தால் நாங்கள் அணியாயகாரர்களில் உள்ளவராக மாறிவிடுவோம் ஆதலால் அந்த தவறை நாங்கள் செய்யமாட்டோம் என்று புன்யாமினை அழைத்து சென்று விட்டார்கள்.

அப்பொழுது அந்த பத்து சகோதரர்களும் என்ன செய்வது என்று அறியாமல்  இருந்தார்கள் வேறு வழியில்லை தந்தையிடம் கூறிவிடுவோம் என்று கூறி புறபட்டார்கள் அங்கு தந்தையிடம் கூறியபொழுது அவர் அதனை ஏற்கவில்லை இவ்வாறுதான் நீங்கள் யூசுபை அழைத்து சென்றீர்கள் இப்பொழுது அவன் சகோதரனையும் இவ்வாரே செய்துவிட்டீர்கள்   என்று அழ தொடங்கிவிட்டார்கள் நான் அல்லாஹுவின் மீதே நம்பிக்கை கொண்டிருக்கிறேன் அவனே எங்களை சேர்த்து வைக்க போதுமானவன்.

நபி யாகூப்  அலைஹி வசல்லம் அவர்கள் அழுது அழுது அவருடைய பார்வை மங்கிவிட்டது அழுதுகொண்டே இருப்பதை கண்ட அவருடைய பத்து பிள்ளைகளும் தந்தையே நாங்கள் வேண்டுமென்றால் யூசுபை தேடி வருகிறோம் என்று கூறி மீண்டும் மிஸ்ரு நாட்டிற்கு சென்று அங்கு மீண்டும் நபி யூசுப் அலைஹி வசல்லம் அவர்களிடம் அமைச்சரே எங்களுடைய தந்தை மிகவும் வயதானவராக இருக்கிறார் எங்களுக்கு மேலும் நல்ல தானியங்கள் நீங்கள் கொடுத்தால் அதன் மூலம் எங்கள் தந்தையை நன்கு  கவனித்து கொள்வோம் என்று கூறினார்கள் அப்பொழுது

நபி யூசுப் அலைஹி வசல்லம் அவர்கள் நீங்கள் உங்கள் சகோதரன் யூசுபை என்ன செய்தீர்கள் என்பது ஞாபகம் உள்ளதா என்று கேட்டார் அப்பொழுது அவருக்கு புலப்பட்டது அப்போ நீங்கள் தான் யூசுபோ என்று கேட்டார்கள். அதற்கு ஆம் நான்தான் யூசுப் இவர்தான் எனது சகோதரன் புன்யாமின் என்று கூறினார். அப்பொழுது அவர்கள் ஆச்சர்யபட்டு  எப்படி நீ மந்திரியானாய் என்று கேட்டார்கள் ஆனால் நமது தந்தை  நபி யூசுப் அலைஹிஸ்ஸலாம்அவர்கள்  அல்லாஹ்தான்  தான் நாடியவருக்கு அருளை பொழிகிறான் அவன்தான் என்னை உயர்த்தினான்  என்று கூறினார்கள்

அப்பொழுது அந்த பத்து பெரும் தங்கள் குற்றங்களை ஒத்து கொண்டோம் என்று கூறி அவர்கள் அஞ்சினார்கள் நம்மை யூசுப் பழிவாங்கிவிடுவாரோ  என்று. ஆனால் அவர் தனது சகோதரர்களை பார்த்து இன்று நான் உங்கள் எந்த பழிவாங்களும்  நடத்தபோவதில்லை. அல்லாஹ்  உங்களுடைய பாவத்தை மன்னிப்பான் என்று கூறினார். அப்பொழுது அந்த சகோதரர்கள் அவர்களது தந்தையை பற்றி ஞாபக படுத்தினார்கள். நமது தந்தை உங்கள் இருவரையும் நினைத்து அழுது அழுது அவருடைய கண்பார்வை மங்கிவிட்டது என்று கூறினார்கள்.

இதனை கேட்ட  நபி யூசுப் அலைஹிஸ்ஸலாம் அவர்கள்,

اذْهَبُوا بِقَمِيصِي هَٰذَا فَأَلْقُوهُ عَلَىٰ وَجْهِ أَبِي يَأْتِ بَصِيرًا وَأْتُونِي بِأَهْلِكُمْ أَجْمَعِينَ

12:93. “என்னுடைய இந்தச் சட்டையை நீங்கள் எடுத்துக் கொண்டு சென்று, என் தந்தையாரின் முகத்தில் போடுங்கள்; அவருக்குக் கண்பார்வை வந்துவிடும்; இன்னும் உங்களுடைய குடும்பத்தார் அனைவரையும் என்னிடம் கொண்டு வாருங்கள்” (என்று கூறினார்).

அவர்கள் அந்த சட்டையை எடுத்து கொண்டு வந்தபொழுது நபி யாகூப் அலைஹி வசல்லம் அவர்கள் இது யூசுபின் வாசனை வருகிறது. எங்கே எனது மகன் யூசுப்? என்று கேட்க ஆரம்பித்துவிட்டார்கள். அவர்கள் அந்த சட்டையை முகத்தில் போட்டு ஆம். இது யூசுபின் சட்டைதான் என்று கூறி அவரின் முகத்தில் போர்த்தினார்கள்.

நபி யாகூப் அலைஹி வசல்லம் அவர்களுக்கு இழந்த பார்வை மீண்டும் வந்துவிட்டது. அப்பொழுது தன் பிள்ளைகளை பார்த்து கூறினார்கள்: ‘நான் உங்களிடம் கூறவில்லையா?  அல்லாஹ்  உங்களுக்கு அறிவிக்காததை எனக்கு அறிவிக்கிறான் என்று கூறினார். அதனை கேட்ட அந்த பத்து பிள்ளைகளும் தந்தையே! நாங்கள் தீங்கிழைத்துவிட்டோம். எனக்காக நீங்களும் இரட்சகனிடம் பாவமன்னிப்பு கேளுங்கள் என்று கூறினார்கள். அதற்கு நபி யாகூப் அலைஹி வசல்லம் அவர்களும் என்னுடைய பிள்ளைகளே நிச்சயமாக உங்களுக்காக நானும் பாவ மன்னிப்பு தேடுவேன் என்று கூறினார்.

பிறகு அவர்கள் அனைவரும் நபி யூசுப் அலைஹி வசல்லம் அவர்களது கோட்டைக்கு சென்றார்கள்.

فَلَمَّا دَخَلُوا عَلَىٰ يُوسُفَ آوَىٰ إِلَيْهِ أَبَوَيْهِ وَقَالَ ادْخُلُوا مِصْرَ إِن شَاءَ اللَّهُ آمِنِينَ

12:99. (பின்னர் குடும்பத்துடன்) அவர்கள் யூஸுஃபிடம் வந்தபோது, அவர் தம் தாய் தந்தையரை (கண்ணியத்துடன் வரவேற்றுத்) தம்முடன் வைத்துக் கொண்டார்; இன்னும் “அல்லாஹ் நாடினால் நீங்கள் மிஸ்ருக்குள் அச்ச மற்றவர்களாகப் பிரவேசியுங்கள்” என்றும் கூறினார்.

وَرَفَعَ أَبَوَيْهِ عَلَى الْعَرْشِ وَخَرُّوا لَهُ سُجَّدًا ۖ وَقَالَ يَا أَبَتِ هَٰذَا تَأْوِيلُ رُؤْيَايَ مِن قَبْلُ قَدْ جَعَلَهَا رَبِّي حَقًّا

12:100. இன்னும், அவர் தம் தாய் தந்தையரை அரியாசனத்தின் மீது உயர்த்தி (அமர்த்தி)னார்; அவர்கள் (எல்லோரும்) அவருக்கு (மரியாதை செலுத்தியவர்களாகச்) சிரம் பணிந்து வீழ்ந்தனர்; அப்போது அவர் (தம் தந்தையை நோக்கி), “என் தந்தையே! இது தான் என்னுடைய முந்தைய கனவின் விளக்கமாகும்; அதனை என் இறைவன் உண்மையாக்கினான்.

அதன்பிறகு சுலைஹா அம்மையாரை ஒரு நாள் நகர்வலம் வரும்போது கண்டு கொண்டார்கள். அல்லாஹ் சுலைஹா அம்மையாருக்கு இளமையை திரும்பக் கொடுத்தான். யூசுப் சுலைஹா ஆகிய இருவரும் இனிதே திருமணம் முடித்து பல குழந்தைகளைப் பெற்றெடுத்தார்கள்.

தம் மாமனார் யஃகூப் அலைஹிஸ்ஸலாம் அவர்களை தங்களுடன் தங்கள் மாளிகையிலேயே வாழ வேண்டும் என்ற சுலைகா அம்மையார் வேண்ட, எனக்கு ஆடம்பர பங்களா வேண்டாம் சிறு குடில் இருந்தால் போதுமானது என்று வேண்ட அவ்விதமே அமைத்துக் கொடுக்கப்பட்டது. அதில் 17 ஆண்டுகள் வாழ்ந்தார்கள். அதன்பின் தம் அருமை மகன் யூசுப் அலைஹிஸ்ஸலாம் அவர்களை தம் பிரதிநிதியாய் நியமித்த விட்டு உயிர் நீத்தார்கள். அப்போது இவர்களின் வயது 147.

தம் தந்தையின் விருப்பப்படி பைத்துல் முகத்தஸிற்கு அவர்களின் உடலை அடக்க கொண்டு சென்றபோது அன்னாரின் சகோதரர் ஈசுவும் மறைந்து அங்கு அடக்கம் செய்ய கொண்டு வரப்பட்டார்கள். சகோதரர்கள் இருவரும் அங்கு அடக்கம் செய்யப்பட்டார்கள்.

தம் அறிவுரைக்கிணங்கி ஒரே இறைவழிபாட்டை மக்கள் மேற்கொள்ளாதது கண்டு வெறுப்படைந்த இவர்கள் தமக்கு இறப்பை வேண்ட அல்லாஹ் கி.மு.1792ல் தம்பக்கம் அழைத்துக் கொண்டான். இவர்களின் உடல் நீல நதியின் நடுவிலிருந்த மணல் திட்டில் அடக்கம் செய்யப்பட்டபோதிலும்> பின்னர் இவர்களின் இறுதி உரையின்படி மூஸா அலைஹிஸ்ஸலாம் அவர்கள் பனீ இஸ்ரவேலர்களை பாலஸ்தீனுக்கு அழைத்துச் சென்றபோது ஒரு கிழவியின் உதவியால் அதனைக் கண்டுபிடித்து பைத்துல் முகத்தஸில் நல்லடக்கம் செய்தனர்.

ஹழ்ரத் சாலிஹ் அலைஹிஸ்ஸலாம்

ஹழ்ரத் சாலிஹ் அலைஹிஸ்ஸலாம் அவர்கள் அரபி மொழிக்காக அனுப்பபட்ட நான்கு தூதர்களில் ஒருவர் . இவர் மதினாவிற்கும் தபூக்கிர்க்கும் இடையில் உள்ள ஹிஜ்ர் என்ற ஊரில் வாழ்ந்த தமூத் என்ற கூட்டத்திற்காக அனுப்பப்பட்ட நபி.

நூஹ் அலைஹிஸ்ஸலாம் அவர்களின் வழியில் தோன்றிய தமூதுக் கூட்டத்தினர் ஹிஜ்ர் என்ற பகுதியில் வாழ்ந்தனர். இக்கூட்டத்தின் தலைமைப் பூசாரியாகிய காபூக் பின் உமைதின் மகனாகவே ஸாலிஹ் அலைஹிஸ்ஸலாம் அவர்கள் பிறந்தார்கள். இவர்களின் அன்னை பெயர் ஜகூமு. இவர்கள் தங்களது 40ஆவது வயதில் நபிப்பட்டம் பெற்றார்கள்.

ஒரு நூற்றாண்டுகள் ஒரே இறைவனைப் பிரச்சாரம் செய்தும் பயன் ஏதும் கிடைக்காததால் மனம் வருந்தினார்கள். இவர் தனது ஏகத்துவத்தை எடுத்துரைக்கும் முன் அவர்களது சமூகத்தார்கள் இவரை அறிவு ஜீவியாகவும் நல்ல பண்புடயவகராகவும் கண்டார்கள். அனால் எப்பொழுது அல்லாஹ் ஒருவனே என்று கூறினார்களோ அன்றிலிருந்து  அவர் அவமதிக்கப்பட்டவர்களாகவே இருந்தார்கள்.

அதனால் இவர்கள் தனித்து ஒரு மலைமீது சென்று இறைவனை வணங்கிக் கொண்டிருக்கும்போது துயில் கொண்டார்கள். சுமார் 40 ஆண்டுகள் தூங்கிய பின் திரும்பி வந்தபோது எல்லாம் மாறுதலடைந்திருந்தது. இவர்களைப் பின்பற்றிய பலர் இறந்து விட்டனர். ஏனையோர் தங்கள் முந்தைய மதத்திற்கு சென்று விட்டனர்.

மேலும் நபி சாலிஹ்  அலைஹிஸ்ஸலாம் அவர்களது சமூகமான  தமூது கூட்டம் எத்தகையவர்கள் என்றால் அவர்கள் பள்ளத்தாக்கில் மலைகளை குடைந்து கூடாரம் அமைத்திருந்தார்கள் என்பதை அல்லாஹுவே சாட்சி கூறுகிறான்

وَثَمُودَ الَّذِينَ جَابُوا الصَّخْرَ بِالْوَادِ

பள்ளத்தாக்குகளில் பாறைகளைக் குடைந்(து வசித்து வந்)த ஸமூது கூட்டத்தையும் (என்ன செய்தான் என்று பார்க்கவில்லையா?)

-அல்-குர்ஆன் 89 -9

وَإِلَىٰ ثَمُودَ أَخَاهُمْ صَالِحًا ۚ قَالَ يَا قَوْمِ اعْبُدُوا اللَّهَ مَا لَكُم مِّنْ إِلَٰهٍ غَيْرُهُ  ۖ هُوَ أَنشَأَكُم مِّنَ الْأَرْضِ وَاسْتَعْمَرَكُمْ فِيهَا فَاسْتَغْفِرُوهُ ثُمَّ تُوبُوا إِلَيْهِ ۚ إِنَّ رَبِّي قَرِيبٌ مُّجِيبٌ

11:61. இன்னும், ஸமூது (கூட்டத்தினர்) பால் அவர்கள் சகோதரர் ஸாலிஹை (நம் தூதராக அனுப்பினோம்). அவர் சொன்னார்: “என் சமூகத்தாரே! அல்லாஹ்வையே நீங்கள் வணங்குங்கள். அவனைத் தவிர உங்களுக்கு வேறு நாயன் இல்லை. அவனே உங்களைப் பூமியிலிருந்து உண்டாக்கி, அதிலேயே உங்களை வசிக்கவும் வைத்தான். எனவே, அவனிடமே பிழை பொறுக்கத் தேடுங்கள்; இன்னும் தவ்பா செய்து அவன் பக்கமே மீளுங்கள். நிச்சயமாக என் இறைவன் (உங்களுக்கு) மிக அருகில் இருக்கின்றான்; (நம் பிரார்த்தனைகளை) ஏற்பவனாகவும் இருக்கின்றான்.”

அதற்கு அந்த மக்கள் கூறினார்கள் ஸாலிஹே (அலைஹிஸ்ஸலாம்) இதற்கு முன்னால் உங்களை நாங்கள் எங்களது விருப்பதுக்குரிய அறிவு ஜீவியாகவே நாங்கள் உங்களை கண்டிருந்தோம். ஆனால் நீங்கள் எங்கள் மூதாதையர்கள் வணங்கி கொண்டிருந்த அந்த சிலைகளை நாங்கள் வணங்குவதை விட்டு எங்களை தடுக்க நினைக்கிறீரா. மேலும் நீர் எதன் பக்கம் அழைக்கிறீரோ நிச்சயமாக நாங்கள் அதை சந்தேகித்தவர்களாகவே இருக்கிறோம் என்று கூறினார்கள். அம்மக்கள் சாலிஹே உனக்கு யாரோ சூனியம் செய்து விட்டார்கள் என்று அம்மக்கள் ஏளனம் செய்தார்கள் .

அதற்கு சாலிஹ் அலைஹிஸ்ஸலாம் அவர்கள் எனக்கு அல்லாஹுவுடன்  இருந்து நல்லுபதேசம் வந்ததே தவிர வேறு இல்லை நான் உங்களை நல்வழியின் பக்கம் அழைக்க, ஆனால் நீங்களோ என்னை  வழிகெட்ட கூட்டத்தினரின் பக்கம் அழைக்கிறீர்கள்.

மேலும் அவர் அல்லாஹ்  அவன் புறத்திலிருந்து அருளை எனக்கு கொடுத்திருக்க நான் அவனுக்கு மாறு செய்தால் அதற்கு அவன் என்னை தண்டிக்கும் தருவாயில் அவனிடமிருந்து என்னை காப்பாற்றுபவன் யார் ? நீங்கள் அனைவரும் எனக்கு நஷ்டத்தை தவிர வேறு எதையும் எனக்கு அதிகமாக்கி விடமாட்டீர் என்று கூறினார்.

அதற்கு அம்மக்கள் எங்களுக்கு நீங்கள் நபிதான் என்பதை நிரூபிக்க ஒரு அத்தாட்சியை கொண்டு வாரும் என்று கூறினார்கள். அப்போது தமூதுகளின் அரசன் ஒரு மலையை சுட்டிக் காட்டி அதிலுள்ள பாறை ஒன்றிலிருந்து ஒரு சினையான ஒட்டகம் வெளிப்பட வேண்டும் என்றும் அது வெளிப்பட்ட அடுத்தகணம் எங்கள் கண்முன்னால் வைத்து ஒரு குட்டியை ஈன வேண்டும் என்றும் அவ்விதம் செய்யின் இவர்களின் நபித்துவத்தை ஏற்றுக் கொள்வதாகவும் கூறினான்.

பிறகு அதனை சாலிஹ் அலைஹிஸ்ஸலாம் அல்லாஹுவிடம் மன்றாடியதில் 120 முழ நீளமும்> 100 முள அகலமும் 50 முழ உயரமும் உள்ள பிரமாண்டமான ஒட்டகம் ஒன்று அப்பாறையைப் பிளந்து ஒரு குட்டியை ஈன்றது. அதைக் கண்ட மன்னனும் மற்றும் பலரும் உருவத் தொழும்பை விட்டொழித்து அல்லாஹ்வின் அருள்மார்க்கத்தை மேற்கொண்டனர்.

மேலும் சாலிஹ் அலைஹிஸ்ஸலாம் அவர்கள்

وَيَا قَوْمِ هَٰذِهِ نَاقَةُ اللَّهِ لَكُمْ آيَةً فَذَرُوهَا تَأْكُلْ فِي أَرْضِ اللَّهِ وَلَا تَمَسُّوهَا بِسُوءٍ فَيَأْخُذَكُمْ عَذَابٌ قَرِيبٌ

“அன்றியும், என் சமூகத்தாரே! உங்களுக்கு ஓர் அத்தாட்சியாக, இதோ இது அல்லாஹ்வுடைய (ஒரு) பெண் ஒட்டகம்; ஆகவே, அல்லாஹ்வின் பூமியில் (எதேச்சையாக) அதை மேய விட்டு விடுங்கள்; எந்த விதமான தீங்கும் செய்யக் கருதி அதைத் தீண்டாதீர்கள்; (அப்படி நீங்கள் செய்தால்) அதி சீக்கிரத்தில் உங்களை வேதனை பிடித்துக் கொள்ளும்” (என்று கூறினார்). – அல்-குர்ஆன் 11:64

அவ்வொட்டகம் 30 ஆண்டுகள் இவ்வுலகில் வாழ்ந்தது. அது பகலில் காடுகளுக்குச் சென்று மேய்ந்து விட்டு இரவில் ஒவ்வொருவர் வீட்டு வாயிலிலும் போய் நிற்கும். அதன் மடுவின் கீழ் கலசத்தை வைப்பின் பால் தானாகவே அதிலிருந்து சொட்டும். இவ்வாறு ஊரிலுள்ளோர் அனைவருக்கும் பால் வழங்கிவிட்டு அது ஸாலிஹ் அலைஹிஸ்ஸலாம் அவர்களின் பள்ளியில் போய்ப் படுத்துக் கொள்ளும்.

ஆனால் அம்மக்கள் அந்த ஒட்டகத்தை  துன்புறுத்த  நாடினார்கள். அதனிலும் அக்கூட்டத்து பெண்கள் அதில் மும்முரமாக இருந்தார்கள் .

மேலும்

قَالَ الْمَلَأُ الَّذِينَ اسْتَكْبَرُوا مِن قَوْمِهِ لِلَّذِينَ اسْتُضْعِفُوا لِمَنْ آمَنَ مِنْهُمْ أَتَعْلَمُونَ أَنَّ صَالِحًا مُّرْسَلٌ مِّن رَّبِّهِ ۚ قَالُوا إِنَّا بِمَا أُرْسِلَ بِهِ مُؤْمِنُونَ

7:75. அவருடைய சமூகத்தாரில், (ஈமான் கொள்ளாமல்) பெருமையடித்துக் கொண்டிருந்த தலைவர்கள் பலஹீனர்களாக கருதப்பட்ட ஈமான் கொண்டவர்களை நோக்கி: “நிச்சயமாக ஸாலிஹ் அவருடைய இறைவனிடமிருந்து அனுப்பப்பட்ட தூதரென நீங்கள் உறுதியாக அறிவீர்களோ?” எனக் கேட்டார்கள் – அதற்கு அவர்கள், “நிச்சயமாக நாங்கள் அவர் மூலம் அனுப்பப்பட்ட தூதை நம்புகிறோம்” என்று (பதில்) கூறினார்கள்.

அதற்கு அந்த கூட்டத்தின் தலைவர்கள் நீங்கள் நிச்சயமாக எதை விசுவாசம் கொள்கிறீர்களோ அதை நிச்சயமாக  நாங்கள் நிராகரிக்க கூடியவர்கள்  என்று கூறினார்கள்.

அதற்கு அந்த சமூது கூட்டத்தார்கள் சாலிஹ் அலைஹிஸ்ஸலாம் அவர்களிடம் நிச்சயமாக நாங்கள் உம்மையும் உம்மை பின்பற்றும் அந்த   மக்களையும் துர்ச்சகுனமாகவே கருதுகிறோம் என்று கூறினார்கள்.

அதற்கு சாலிஹ் அலைஹிஸ்ஸலாம் உங்கள் துர்ச்சகுணம் (அதன் காரணம் ) அல்லாஹுவிடமே இருக்கிறது மாறாக நிச்சயமாக அல்லாஹுவினால் சோதனைக்கு உள்ளாக்கப்படும் சமூகமாகவே இருக்கிறீர்கள்  என்று கூறினார்கள்

அதற்கு அந்த மக்கள் கூறினார்கள்: நீங்கள் உண்மையாளர்களாக இருந்தால் நீங்கள் வாக்களித்த அந்த வேதனையை எங்களுக்கு கொண்டு வரவும் என்று கூறினார்கள்

அதற்கு சாலிஹ் அலைஹிஸ்ஸலாம் அவர்கள் என் சமூகத்தாரே நன்மைக்கு முன்னால் ஏன் தீமையை எதிர் கொள்ள அவசரப்படுகிறீர்கள்? .நீங்கள் அல்லாஹுவிடம் பாவமன்னிப்பு கோர வேண்டாமா? அதன் மூலம் நீங்கள் அல்லாஹுவின் பொருத்தத்தை பெறலாமே என்று கூறினார் .

மேலும் அல்லாஹ் தனது திருமறையிலே சாட்சி அளிக்கிறான். ஒரு புதன் கிழமை குதார் என்பவனும், மஸ்தகு என்பவனும் தம் வயதொத்த எழுவரையும் சேர்த்துக் கொண்டு அந்த ஒட்டகத்தில் கால் நரம்பை அறுத்துவிட்டார்கள் . மேலும் அதனை கொலையும் செய்து விட்டார்கள்  அதனை கண்ட சாலிஹ் அலைஹிஸ்ஸலாம்அவர்கள் கூறினார்கள் அல்லாஹுவின் அத்தாட்சியை பொய்யாக்கி விட்டீர்கள். இதனால் நீங்கள் கண்டிப்பாக வேதனை அனுபவிப்பீர் . அதுகண்ட அதன் குட்டி அபயக்குரல் எழுப்பி மலைமீது ஓடிவிட்டது.

மேலும் அவர்கள் மற்றொரு சூழ்ச்சியை செய்தார்கள் சாலிஹ் அலைஹிஸ்ஸலாம் அவர்களையும் அவர்களது குடும்பத்தினரையும்  இரவோடு இரவாக நாம் அழித்துவிடுவோம் என்று நீங்கள் அனைவரும் அல்லாஹுவை கொண்டு சத்தியம் செய்து கொள்ளுங்கள். பின்னர் அவர்களது பாதுகாவலர்களிடம் நிச்சயமாக அவர்கள் அளிக்கப்பட்ட இடத்திற்கு நாங்கள் வரவேயில்லை என்று திட்டமாக கூறிவிடுவோம் என்று. ஒரு சூழ்ச்சியை அவர்களுக்குள் ஒப்பந்தம் செய்து கொண்டார்கள்.

كَذَّبَتْ ثَمُودُ بِطَغْوَاهَا

91:11. “தமூது” (கூட்டத்தினர்) தங்கள் அக்கிரமத்தினால் (ஸாலிஹ் நபியைப்) பொய்ப்பித்தனர்.

மேலும் அல்லாஹ் கூறுகிறான் இதுபோல இவர்களும் சூழ்ச்சி செய்தார்கள் அதனை முறியடிக்க வேதனையை கொண்டு அல்லாஹுவாகிய அவன் சூழ்ச்சி செய்தான் என்று.

மேலும் அல்லாஹ் அதனை சாலிஹ் அலைஹிஸ்ஸலாம் அவர்களுக்கு அறிவித்து அவரையும் அவர்களது குடும்பத்தார்களையும் மேலும் அவரை பின்பற்றிய மக்களையும் அழைத்து செல்ல உத்தரவிட்டான்.

அதன்படி செல்லும் முன் நபி சாலிஹ் அலைஹிஸ்ஸலாம் அவர்கள் நீங்கள் அல்லாஹுவிர்க்கு மாறுசெய்து அவனது அத்தாட்சிகளை பொய்யாக்கியதன் காரணமாக இன்னும் உங்களுக்கு மூன்று நாட்கள் மட்டுமே அவகாசம் அளிக்கப்பட்டுள்ளது என்று கூறி அல்லாஹ்விடம் பிராத்தித்து அவரும் அவரை சார்ந்தவர்களும் அந்த இடத்திலிருந்து  வெளியேறி விட்டார்கள்

அல்லாஹ் அந்த மூன்று அவகாச நாட்களில் முதல் நாள் அந்த மக்கள் அனைவரின் முகங்களும் சிவப்பாக மாறியது. அதனை கண்டதும் அவர்கள் சற்று தர்கிக்க தொடங்கினார்கள். மேலும் சாலிஹ் அவர்கள் போகும்பொழுது நாம் அனைவருக்கு சூனியம் செய்துவிட்டார்கள் என்று நினைத்து கொண்டார்கள். இரண்டாவது நாள் அவர்களது முகங்கள்  கருப்பாக மாறிவிட்டது. மேலும் அவர்களுக்கு தர்க்கம் அதிகமாக மாறியது அவர்களின் சிந்தனை பலமாரியாக மாறியது மூன்றாவது நாள் அவர்கள் அனைவரின் முகமும் மஞ்சள் நிறமாக மாறிவிட்டது.  அவர்களது உள்ளத்தில் ஒரு பய உணர்வு வந்துவிட்டது .

அவர்கள் தங்கள் முகங்கள் மாற மாற அவர்களின் சிந்தனைகள் சூனியமோ அல்ல, சாலிஹ் அலைஹிஸ்ஸலாம் அவர்கள் சாபமா என்று தான் சிந்தித்தார்கள் அவர்களுக்கு பாவ மன்னிப்பு கோர வேண்டும் என்ற எண்ணம் வரவே இல்லை.

மேலும் மூன்றாவது நாள் முடிவில் அல்லாஹ் தனது அதாபை (வேதனையை ) அல்லாஹ் இறக்கினான் ஒரே ஒரு இடி முழக்கம் தான் அவர்கள் அனைவரும் குப்புற விழுந்து இறந்து கிடந்தார்கள் “

மேலும் மார்க்க அறிஞர்கள் கூறுகிறார்கள் நமது நபி சல்லல்லாஹு அலைஹிஸ்ஸலாம் அவர்கள்  கூறியதாக ‘இந்த கூட்டத்தில் உள்ள ஒருவன் அதாபு வரும் முன் சிறு வேலையாக அந்த ஊரைவிட்டு  வெளியே வந்து சாலிஹ் அலைஹிஸ்ஸலாம்அவர்களும் அவரை சார்தவர்களுடன் மக்காவின் எல்லையில் ஒரு பள்ளத்தாக்கில் தங்கி இருந்தார்கள். அவர்களுடன் அவனும் வந்து சேர்த்து இருந்தான். பிறகு அவன்  மக்காவின் எல்லையை தாண்டிய பொழுது அவனையும் இடி அழித்துவிட்டது  என்று  குறிபிடுகிறார்கள்.

மேலும் சாலிஹ் அலைஹிஸ்ஸலாம்அவர்களும் அவரை சார்ந்தவர்களும் ஹஜ்ஜுக்கு சென்றதாக கூறப்படுகிறது .

மேலும் இதனை பற்றி நமது நபி முஹம்மத்  சல்லல்லாஹு அலைஹிஸ்ஸலாம்அவர்கள்  சஹாபக்களிடம்  ஹஜ்ஜுக்கு செல்லும்பொழுது ஒரு பள்ளத்தாக்கை காண்பித்து இதன் பெயர் என்ன என்று கேட்டார்கள் அதற்கு அபூபக்கர் ரலியல்லாஹு தாலா  அவர்கள் இந்த பள்ளத்தாக்கின் பெயர் ‘வாதி அஸ்பான் ‘ என்று கூறினார்கள் அதற்கு நமது நாயகம்   நபி சல்லல்லாஹு அலைஹிஸ்ஸலாம் இந்த வாதி அஸ்பானில்தான் நபி சாலிஹ் அலைஹி  வசல்லம் அவர்கள் தங்கி ஹஜ்ஜு செய்ததாக கூறினார்கள் .

மேலும் தபூக் போருக்கு செல்லும் தருவாயில் நமது ஹபீப் முஹம்மத் ஸல்லல்லாஹு அலைஹி வஸல்லம் அவர்கள் தனது தோழர்களை பார்த்து சமூது கூட்டம் வசித்த அந்த இடத்தை கடக்கும் பொழுது அனைவரும் அழுதவர்களாகவே வாருங்கள்.  அழுகை வரவில்லை என்றால் அழுவதுபோல் பாவனையிலாவது வாருங்கள். சிரித்தவர்களாக வந்துவிடாதீர்கள் ஏன் என்றால் அல்லாஹுவின் அதாபு உங்களையும் பிடித்து விடக்கூடும் . என்று அஞ்சினார்கள் .

மேலும் சாலிஹ் அலைஹிஸ்ஸலாம் அவர்கள் ஹரமின் (மக்காவின் ) எல்லை பகுதிகளிலேயே வசித்து வந்து அங்கேயே மரணித்து ஹரமின் எல்லையில் அவர்களை அடக்கம் செய்தார்கள் என்று மார்க்க அறிஞர்கள் குறிப்பிடுகிறார்கள்.

இவர்களின் வயது 258 என்றும், 280 என்றும், 200 என்றும், 80 என்றும் பல்வேறு கருத்துக்கள் உள்ளது.

ஹழ்ரத் ஹிழ்ரு அலைஹிஸ்ஸலாம்

அல்-கிள்ரு (அரபு மொழி: الخضر ‘பசுமையானவர்’ என்று பொருள்படும், ஹில்ர், ஹிள்ர், ஹிள்ரு, கிள்ர், கில்ர், கிலுர் என்றவாறும் அழைப்பர்.  அவர்களின் இயற்பெயர் பல்யா இப்னு மல்கான் ஆகும். அபுல் அப்பாஸ் என்பது குடும்பப் பெயராகும்.  கிளுறு அலைஹிஸ்ஸலாம் அவர்கள் ஒரு வெள்ளைத் தோலில் அமர்ந்தார்கள். அது பசுமையாகிவிட்டது என்று இமாம் நவவீ ரலியல்லாஹு அன்ஹு அவர்கள் கூறுகின்றார்கள்.

ஆபெஹயாத் (உயிர் தண்ணீர் என்பது பொருளாகும். இதனை மாவுல் ஹயாத் என்றும் கூறுவர்) என்ற சுனை நீரை அருந்திய போது, ‘நீர் கிள்ர் (பசுமை) ஆக இருப்பீர். உம்முடைய பாதம் படும் இடமெங்கும் பசுமையாகிவிடும்’ என்று அசரீரி முழங்கியது என்றும் கூறப்படுகிறது.

இவர்கள் ஆதம் அலைஹிஸ்ஸலாம் அவர்களின் ஆண் மக்களில் ஒருவர் என்றும், இவர்கள் இப்னு அமாயில் இப்னு நூர் இப்னு அல்ஈஸ் இப்னு இஸ்ஹாக் என்றும், இவர்கள் பாரசீகத் தந்தைக்கும், கிரேக்க அன்னைக்கும் பிறந்தவர்கள் என்றும், இவர்கள் குகையில் பிறந்து காட்டு விலங்குகளால் பாலூட்டி வளர்க்கப்பெற்று பின்னர் அரசவையை அடைந்து பெரும் பதவி வகித்தார்கள் என்றும் பல்வேறு கருத்துக்கள் சொல்லப்படுகிறது.

காலம்:

இவர்கள் இப்றாஹீம் நபி அவர்களின் சமகாலத்தவர்கள் என்றும் கூறப்படுகிறது. இப்றாஹீம் நபி அவர்கள் பாபல் நகரை விட்டு நீங்கிச் சென்றபோது கிள்று அலைஹிஸ்ஸலாம் அவர்களும், அவர்களுடன் சென்றார்கள் என்று கூறப்படுகிறது.

ஆனால் வரலாற்றாசிரியர்களோ அவர்கள் நபி மூஸா அலைஹிஸ்ஸலாம் அவர்களின் காலம்வரை வாழ்ந்தார்கள் என்றும், சிக்கந்தர் துல்கர்ணைனின் சமகாலத்தவர் என்றும் கூறுகின்றனர். இதுவே பெரும்பாலோர் கருத்தாக இருக்கிறது.

அல்-கிள்ரு அவர்களை சிலர் நபி என்றும், நபிமார்களுக்கு கல்வி பயிற்றுவிப்பாளர் என்றும் கூறுகிறார்கள். கிள்ரு அலைஹிஸ்ஸலாம் அவர்கள் முர்ஸல் அல்லாத நபி என்பதாக பொதுவான கருத்து நிலவுகிறது. எனினும் ஸூபியாக்கள் அவர்களை வலி என்றே குறிப்பிடுகின்றனர்.

கிள்று அலைஹிஸ்ஸலாம்  அவர்கள் ஒரு நபிதான். அதுவே சரியானதாகும்’

-நூல்: உம்தத்துல் காரி பாகம் 13, பக்கம் 37

அதேபோல் இமாம் குர்துபி அவர்களும், ‘பெரும்பான்மையோர் கிலுரு அலைஹிஸ்ஸலாம் அவர்களை நபி என்றே ஏற்றுக் கொண்டுள்ளனர். குர்ஆனின் வசனம் அதற்கு சாட்சியாக உள்ளது. ஏனெனில் ஒரு நபி தம்மைக்காட்டிலும் தகுதியில் குறைந்த ஒரு வலீயிடம் அறிவு கற்க முடியாது.

-ஆதாரம்: பத்ஹுல் பாரி பாகம் 6> பக்கம் 434

இவர் மூசாஅலைஹிஸ்ஸலாம்  அவர்களுடனும் வேறு சில நபிகளுடனும் வெவ்வேறு கால கட்டங்களில் இவரைப் பற்றிக் குறிப்பிடப்பட்டுள்ளது. ஸஹீஹுல் புஹாரி போன்ற ஹதீஸ் நூல்களிலும் இவரைப் பற்றிய குறிப்புகள் இடம்பெற்றுள்ளன.

இமாம் ஸுஹைலி ரலியல்லாஹு அன்ஹு அவர்களால் ‘கிதாபுத் தஃரீப் வல் இஃலாம்’ என்னும் நூலில் ஹழ்ரத் கிளுரு அலைஹிஸ்ஸலாம் அவர்கள் பற்றி எழுதப்பட்டுள்ளது.

கிள்ரு அலைஹிஸ்ஸலாம் அவர்களின் பிறப்பு ஒரு அதிசயம்தான். பேரரசரான பைலபூஸும் குறுநில மன்னராக மல்கானும் பூர்வீகத்தில் நபி நூஹ் அலைஹிஸ்ஸலாம் அவர்களின் ஆறாம் தலைமுறையைச் சார்ந்தவர்கள். இவ்விருவரும் இரு சகோதரிகளை மணமுடித்து மணமுள்ள அரச வாழ்வு வாழ்ந்தனர்.

மூத்தவளான கிலாயா என்பவளை பைலபூஸும் இளையவர் அல்காவை மல்கானும் மணந்து இல்லறத்;தை தழைக்கச் செய்து வந்தனர். மன்னர் பைலபூஸ் மன்னர் மட்டுமின்றி வானவியல் அறிஞராகவும் இருந்தார். வானவியலில் வல்லுனரான பைலபூஸ், வானசாஸ்திரப்படி குறிப்பிட்ட நாளில் குறிப்பிட்ட நாளிகையில் தரிக்கும் குழந்தை அல்லாஹ்வின் நல்லருளுக்குரிய அடியாராகவும், உலகம் உள்ளளவும் உயிர் வாழும் நற்பேறு பெற்றவராகவும் விளங்குவார் என்பதை தெரிந்து கொண்டு, அதை தம் மனைவியிடம் சொன்னார். இதைக் கேள்விபட்ட அல்கா தம் கணவரிடம் சொல்லி அன்றிரவு தம் கணவருடன் தாம்பத்திய உறவு கொண்டார்.

அதன் அடிப்படையில் அவர்களின் திருவயிற்றில் ஹழ்ரத் கிள்ரு அலைஹிஸ்ஸலாம் அவர்கள் உருவானார்கள்.

பைலபூஸுக்கு அந்தக் குறிப்பிட்ட நேரம் தவறிவிட்டது. ஆனாலும் அல்லாஹ்விடம் ‘ எனக்கு உலகம் முழுவதையும் ஒரே குடையின் கீழ் ஆளும் நற்பேறு பெற்ற குழந்தை கருக்கொள்ளும் இரவாகவும் இது இருப்பதால் அந்த நற்பேற்றையாவது எனக்குத் தந்தருள் என்று வேண்டினார்கள்.

அன்றிரவு அவர்கள் தம் மனைவியுடன் தாம்பத்திய உறவு கொண்டதில் சிக்கந்தர் துல்கர்னைன் கருவாக உருவானார்கள்.

மல்கானின் மனைவி அல்கா கருவுற்ற நாள் முதல் இனிமையான கனவுகளை கண்டு வந்தார்கள். அக்கனவில் வானவர்கள் கருவில் உள்ள சிசுவின் மாண்பை எடுத்துச் சொன்னார்கள்.

பிரவச வேதனை ஏற்பட்டவுடன் அல்லாஹ்வின்  ஆணைப்படி அல்கா ஓர் இருண்ட குகையினுள் சென்று பிரசவித்து விட்டு வந்தாள்.

குழந்தையைப் பற்றி மனைவி தம் கணவரிடம் சொன்னாள். அதைக் கேட்ட கணவர் அங்கு சென்று பார்க்கும்போது குழந்தை காணக்கிடைக்கவில்லை. இதற்கிடையில் அந்தக் குகையிலுள்ள குழந்தைக்கு பக்கத்து கிராமத்திலிருந்த ஒரு ஆடு வந்து பால் கொடுத்து விட்டு சென்றது. இதைக் கவனித்துக் கொண்டிருந்த ஆடு மேய்க்கும் மனிதர்  அந்தக் குழந்தையை எடுத்து வளர்க்கலானார். அந்த இடையரின் ஊர் வறட்சியும்> புற்பூண்டு முளையாத பெருவெளியாகவும் இருந்தது.

பல்யா இப்னு மல்கான் அவர்கள் அவ்வூருக்குள் நுழைந்ததும் பசுமையாய் இலங்கியது. எங்கு நோக்கினும் புற்பூண்டுகளும், செடிகொடிகளும் பச்சைப் பசேலென்று தென்பட்டது. அதுகண்டு அவ்வூர் மக்கள் அடைந்த வியப்பிற்கும், மகிழ்ச்சிக்கும் அளவேயில்லை.

பல்யா இப்னு மல்கான் முறைப்படி யாரிடமும் கல்வி கற்கவில்லை.  அவரின் செயல்கள் மற்ற சிறுவர்களின் செயல்களை விட வித்தியாசமாக இருந்தது. தனிமையில் இருப்பதை பல்யா விரும்பினார். பிறவியிலேயே கல்விஞானம் பெற்றிருந்த பல்யாவின் வாயிலிருந்து முன்னோர்களின் வேதங்கள் வெளியாயின.

நபி நூஹ், நபி இப்றாஹீம், நபி ஷீது அலைஹிமிஸ்ஸலாம் ஆகியோர்களின் சுஹ்புகள் எனப்படும் வேதக் கட்டளைகள் பல்யா இப்னு மல்கானுக்கு மனனமாயிருந்தன. அதனால் அவர்களின் சிறப்பு நாலா திசைகளிலும் பரவியது.

சுமார் 15 ஆண்டுகள் சென்று விட்டன. ஒருநாள் மல்கான் தம் அமைச்சர்களிடம் நபி நூஹ், நபி இத்ரீஸ், நபி இப்றாஹீம் அலைஹிமிஸ்ஸலாம் ஆகியோர்களின் சுஹ்ஃபுகளைத் தொகுத்து நூல் வடிவில் உருவாக்க வேண்டும் என்ற தம்முடைய எண்ணத்தை வெளியிட்டார்.

சக அமைச்சர்கள் நன்கு வேதம் தெரிந்த பல்யா என்ற சிறுவரை சிபாரிசு செய்தனர். சிறுவரும் அரசவைக்கு வரவழைக்கப்பட்டார். அவர்களிடம் வேதங்களைப் பற்றி வினா தொடுக்க அதற்கு தகுந்த பதிலுரைத்தார் பல்யா அவர்கள். இதைக் கண்ட அரசர் இவர் இடையனின் மகனாக இருக்க முடியாது என்று உறுதி கொண்டு, பல்யாவை வளர்த்த தந்தையிடம் உரிய முறையில் விசாரித்ததில் குழந்தையை தாம் எடுத்து  வளர்த்த விசயத்தை அரசரிடம் அவர் சொன்னார்.

வந்திருந்த பல்யா தமது மகன் என்பதை அரசன் கண்டுகொண்டு அவையோர் முன்னிலையில் அவரைத் தம் வாரிசு என்றும், இளவரசர் என்றும் அறிமுகப்படுத்தினார். நகரம் முழுவதும் விழாக் கோலம் பூண்டது. சிறுவருக்கு பல்யா இப்னு மல்கான் என்ற பெயர் மாறி அபுல் அப்பாஸ் என்ற குடும்பப் பெயர் ஏற்பட்டது.

தமக்குப் பின் அரசபாரத்தை ஏற்க தம் மகனை வற்புறுத்தினார். ஆனால் அபுல் அப்பாஸின் போக்கு மன்னர் மல்கானின் எண்ணத்திற்கு எதிர்மறையாய் காணப்பட்டது. தனிமையும், இறைசிந்தனையும், இறைவணக்கம், திக்ரும், ஃபிக்ரும் அபுல் அப்பாஸின் இயல்புகளாய் அமைந்திருந்தன.

ஆனால் மன்னர் உலகக் கல்வியையும், அரசியல் முறைமைகளையும் கற்க இளவரசரை ஆசானிடம் அனுப்பி வைத்தார். ஒருநாள் தம் ஆசானிடம் கல்வி கற்று திரும்பி வரும்போது, ஒரு இறைநேசர் அவரிடம் ‘உமக்குப் பயன்தராத கல்வியை கற்கவா சென்றீர்?’ என்று கேட்டார்.

என் மனம் விரும்பாமலே இதைக் கற்கச் செல்கிறேன் என்று அபுல்அப்பாஸ் சொன்னார்.

அதற்கு ‘நீர் தற்போது கற்கும் இக்கல்வி உம்முடைய ஆன்மீக வேட்கையை தணித்து விடாது. உமக்குத் தேவையான மெய்ஞ்ஞான அமுதம் இங்கே இருக்கிறது’ என்று கூறினார். அன்னாரின் தொடர்பு ஏற்பட்டதால் அவரின் அகக் கண்கள் ஒளி பெற்றன.

உலகக் கல்வியை கற்கச் சென்ற கிள்று அலைஹிஸ்ஸலாம் அவர்களின் மனம் ஆன்மீக கல்வியிலேயே நாட்டம் கொண்டது. அதனால் இவரை வழிக்கு கொண்டு வர திருமணம் முடித்து தர எண்ணினர் அவரது பெற்றோர்கள்.

கிள்று அலைஹிஸ்ஸலாம் அவர்கள் விரும்பாத நிலையிலேயே அவர்களின் திருமணம் நடைபெற்றது. முதலிரவின் வேளையில் கிள்று அலைஹிஸ்ஸலாம் அவர்கள் ஓர் மூலையில் அல்லாஹ்வை வணங்கிக் கொண்டிருந்தார்கள். தம் மனைவியிடம் பேசி தம் வணக்கங்களுக்கு இடையூறு இல்லாமல் பார்த்துக் கொண்டார்கள். மனைவியும் வணக்கத்திலேயே காலம் கழித்தார்.

இவ்வாறு ஓர் ஆண்டு சென்றது. இதனால் அவர்களுக்கு குழந்தைப் பேறு இல்லை. மன்னர்க்கு இது ஏமாற்றமாய் இருந்தது. இதனால் மனைவியை சரியில்லை என்று சொல்லி விவாகரத்து செய்யச் சொன்னார்கள். அதுபடி அவர்கள் விவாகரத்து செய்தார்கள். அதன்பின் ஒரு விதவையை மணம் முடித்து வைத்தார்கள்.

இரண்டாம் மனைவி கிள்று அலைஹிஸ்ஸலாம் அவர்களுக்கு பல்வேறு ஆசைகள் காட்டியும் அவர்கள் அதற்கு மயங்கவில்லை. இவ்விசயம் மன்னருக்கு தெரியவந்தது. ஒரு பெண்ணுக்கேற்ற ஆண்மகனாக இருந்து இல்லறவாழ்வு நடத்த வாக்குறுதி அளிக்குமாறு அவர் கிழ்ரு நபி அவர்களை வேண்டினார்.

அதற்கு அவர்கள் இணங்காததால் அவர்களை ஓர் அறையில்  அடைத்து வைத்து கடுமையான காவல் ஏற்படுத்தினார். தம் தந்தையின் பிடிவாதப் போக்கு கிள்று அலைஹிஸ்ஸலாம் அவர்களுக்கு மன வேதனையைத் தந்தது.

மூன்றாம் நாளில் அடைத்;து வைக்கப்பட்ட அறையின் உள்ளிருந்து மாயமாய் மறைந்து போயினர் கிள்று அலைஹிஸ்ஸலாம் அவர்கள். இது கண்டு காவலர்கள் திடுக்குற்றனர்.

உலகின் எந்த மூலையில் இருந்தாலும் பிடித்து வாருங்கள் என்று மன்னர் ஆணைபிறப்பத்ததுதான் தாமதம்  ஆட்கள் சிட்டாய் பறந்தனர். தேடிச் சென்ற காவலர்கள் கப்பல்ஒன்றை ஏற்பாடு செய்து பயணத்தை தொடர்ந்தனர்.

கடலில் புயல் ஏற்பட்டு கப்பலில் இருந்த அனைவரும் கடலில்   மூழ்கினர் இருவரைத் தவிர அவர்களிருவரும் உடைந்த மரக்கலத்தை பற்றிப்பிடித்து ஒரு தீவின் பக்கம் ஒதுங்கினர். அங்கு கிள்று அலைஹிஸ்ஸலாம் அவர்களை கண்டனர். அவர்களிருவரையும் தம்முடன் இருக்க வேண்டினர். ஆனால் அவர்கள் சொந்த ஊருக்கு செல்ல விரும்பினர்.

அதற்கு தாம் உதவி செய்வதாகவும்> தம் இருப்பிடம் பற்றி யாரிடமும் சொல்லக் கூடாது என்று சொல்லியும் வாக்குறுதி வாங்கி உங்களில் எவர் வாக்குறுதி மீறுகிறாரோ அவர் துன்பத்திற்கும் சொல்லொண்ணா துயரத்திற்கும் ஆளாவார் என்றும் கூறினார்கள்.

பிறகு அக்காவலர்கள் தங்கள் ஊர் போக உதவினார்கள்;.

அவர்கள் ஊர் போய் சேர்ந்ததும் பணத்திற்கு ஆசைப்பட்ட அவர்களில் ஒருவன் மன்னரிடம் நடந்ததை அப்படியே சொல்லிவிட்டான். தமக்கு சாட்சியாக கூட இருந்தவரை கேட்கச் சொன்னான். ஆனால் அவரோ தாம் கொடுத்த வாக்குறுதிபடி தமக்கு எதுவும் தெரியாது என்று சொல்லிவிட்டார். உடனே மன்னர் அவரை சிறையிலிட்டான்.

அதன்பின் மன்னர் முதல் மனிதன் கூறிய தீவிற்கு சென்று கிள்று அலைஹிஸ்ஸலாம் அவர்களைத் தேடிட ஆளனுப்பினார். அங்கு அவர்களைக் காணவில்லை. அதுகண்டு வெகுண்ட மன்னர் முதல் மனிதன் சொன்ன செய்தி உண்மையானதல்ல என்று எண்ணி அவனை கொன்றான்.

அதேபோல் தம் ஆருயிர் மகன் நாட்டைத் துறந்து செல்ல காரணமாயிருந்த கிளுறு அலைஹிஸ்ஸலாம் அவர்களின் இரண்டாம் மனைவியையும் கொன்றான்.

அவர்களின் இரகசியத்தைக் காப்பாற்றிய கிள்று நபியின் முதல் மனைவியும், இரண்டாம் மனிதனும் தீங்கிலிருந்து தப்பினர். அதன்பின் கிள்று நபியின் முதல் மனைவி அந்நாட்டைவிட்டே வெளியேறிவிட்டாள்.

அதன்பின் அந்நாட்டில் அக்கிரமங்கள் பெருகிற்று. அதன் விளைவாக அந்நாடு அழிவுற்றது. அங்கு வாழ்ந்த மக்கள் அழிந்தார்கள்.

ஆபெ ஹயாத் நீரை அருந்திய கிலுறு அலைஹிஸ்ஸலாம்:

மேற்குக் கரையில் என்றென்றும் உயிர்வாழச் செய்யும் நீரையுடைய ஓர் ஊற்று இருப்பதாக துல்கர்னைனிடம் கூறப்பட்டது. அந்நீரைப் பருகுபவர் உலலக முடிவுநாள் வரை மரிக்கமாட்டார் என்றும் தெரிவிக்கப்பட்டது. எனவே அந்நீருற்றைத் தேடி துல்கர்னைனும், ஹழ்ரத் கிழ்ரு அலைஹிஸ்ஸலாம் அவர்களும் சென்றனர்.

இதில் இருண்ட குகையொன்றில் ஆபெஹயாத் என்னும் நீர் சுனையை ஹழ்ரத் கிலுரு அலைஹிஸ்ஸலாம் அவர்கள் கண்டறிந்து அதனை பருகவும் செய்து, அதில் குளிக்கவும் செய்தனர். அதில் உளுச் செய்து இரண்டு ரக்அத் தொழுதனர். அந்நீரை பருகியதால் நீண்டநாள் வாழும் பேற்றினைப் பெற்றனர்.

தமக்கு முன் சென்ற ஹழ்ரத் கிலுறு அலைஹிஸ்ஸலாம் அவர்கள் இந்நீரைக் குடித்துவிட்டதால் நிராசையாகி சிக்கந்தர் துல்கர்ணைன் திரும்பிவிட்டார். மற்றொரு அறிவிப்பின்படி, ஹழ்ரத் கிலுறு அலைஹிஸ்ஸலாம் அவர்களும் அவர்களது சகோதரர் இல்யாஸ் அலைஹிஸ்ஸலாம் அவர்களும் சிக்கந்தர் துல்கர்ணைன் அவர்களின் ஊழியத்தில் இருந்தனர் என்றும் அவருடன் சென்ற அவ்விருவரும் தனித்தனியே பிரிந்து ஜீவநீரைத் தேடிச் சென்று அதனைப் பருகினர் என்றும்> அதன்பின்னர் அச்செய்தியை துல்கர்னைனிடம் வந்து கூறினர் என்றும் அறியக் கிடைக்கிறது.

ஜாமிஉல் பயான் ஃபீ தஃப்ஸீரில் குர்ஆன் என்னும் திருக்குர்ஆன் விளக்கவுரை எழுதிய முஃபஸ்ஸிரீன் தபரீ ரலியல்லாஹு அன்ஹு அவர்கள் ஆபெ ஹயாத் நீர்ச்சுனையில் கிள்று அலைஹிஸ்ஸலாம் அவர்கள் மூழ்கினர் என்று கூறுகின்றார்கள்.

ஜீவ நீர்ச்சுனையில் ஹழ்ரத் கிள்று அலைஹிஸ்ஸலாம் அவர்கள் இருந்தபோது நீர் ஹிள்று(பசுமையாக) ஆக இருப்பீர் என்றும், உம்முடைய பாதம்படும் இடமெங்கும் பசுமையாகிவிடும் என்றும் அசரீரி முழங்கியது என்று உமாரா கூறுகிறார்.

ஸூபியாக்களின் பார்வையில்:

சுன்னத் வல் ஜமாஅத்தார்கள் மத்தியில் கிலுறு அலைஹிஸ்ஸலாம் அவர்கள் உயிருடன் இருக்கிறார்களா இல்லையா என்பதில் கருத்து வேறுபாடு இருக்கிறது. ஸூபியாக்கள் மத்தியில் கிலுறு அலைஹிஸ்ஸலாம் அவர்கள் உயிருடன்தான் இருக்கிறார்கள் என்ற கருத்து ஒருமித்த கருத்தாக உள்ளது.

ஸூபியாக்கள் மத்தியில் ஹிலுறு அலைஹிஸ்ஸலாம் அவர்கள் அல்லாஹ்விடமிருந்து நேரடியாக ஞானவழி முறைகளைப் பெற்றவர்களாக இருக்கிறார்கள்.  ஸூபி வழியை தொடரச் செய்யக் கூடிய வழிமுறைகளை தொடர வைக்கக் கூடியவர்களாக இருக்கிறார்கள்.

அப்துல்கரீம் ஜீலி ரலியல்லாஹு அன்ஹு அவர்கள், ‘கிலுறு அலைஹிஸ்ஸலாம் அவர்கள் மறைவான ஞானத்தை உடையவர்களின் தலைவர்’ என்று கூறுகிறார்கள். சில ஸூபிய்யாக்கள் இவர்கள் அப்தால்களில் ஒருவராக குறிப்பிடுகிறார்கள்.

இலங்கை பாபா முஹ்யித்தீன் ரஹிமஹுல்லாஹ் அவர்கள் சொல்கிறார்கள்: அல்லாஹ் கிலுறு அலைஹிஸ்ஸலாம் அவர்களுக்கு> ஜிப்ரயீல் அலைஹிஸ்ஸலாம் அவர்களை வழிகாட்டியாக அனுப்பி வைத்தான். அவர்கள் மனித ரூபத்தில் வந்து மூஸா அலைஹிஸ்ஸலாம் அவர்களுக்கு கிலுறு நபி படித்து கொடுத்தமாதிரி படித்துக் கொடுத்தார்கள். அவர்களிடமிருந்து பல்வேறு ஞான ரகசியங்களை கற்றார்கள். ஒரு சமயத்தில் அவர்கள் ஜிப்ரயீல் அலைஹிஸ்ஸலாம் அவர்களை இனம் கண்டு கொள்கிறார்கள். ஜிப்ரயீல் அலைஹிஸ்ஸலாம் அவர்கள் ஹிலுறு நபிக்கு ஹயாத்துன் நபி என்ற பட்டப்பெயரைக் கொடுக்கிறார்கள்.

கிலுறு அலைஹிஸ்ஸலாம் அவர்களுக்குரிய வேலை என்னவென்றால் அவர்கள் ஒவ்வொரு ஆட்களுக்காக வழிமுறைகளை காட்டிக் கொடுப்பதுதான் அவர்களின் வேலை. நமக்குள் இருக்கும் நான் யார் என்பதின் அகமியத்தை காட்டிக் கொடுப்பதுதான் இவர்களின் தலையாய பணியாக இருக்கிறது.

புஹாரி ஷரீஃபில் இன்றைய நாளையில் பூமிக்கு மேல் இருக்கக் கூடிய எவரும் இன்னும் 100 வருடத்திற்கு மேல் இருக்கமாட்டார்கள் என்று நாயகம் ஸல்லல்லாஹு அலைஹி வஸல்லம் அவர்கள் சொன்னதாக வந்திருக்கிறது.

நாயகம் ஸல்லல்லாஹு அலைஹி வஸல்லம் அவர்கள் பத்ரு போரின் போது துஆ செய்தார்கள். இங்கு 313 பேர் இருக்கிறோம். இப்போரில் நாங்கள் வெற்றிக் கொள்ளவில்லையானால் உன்னை வணங்குவதற்கு யாரும் இருக்கமாட்டார்கள். எங்களுக்கு வெற்றியைத் தந்தருள் என்று இறைவனிடம் வேண்டினார்கள்.

இந்த இரண்டு ஹதீதுகளை வைத்துக் கொண்டு இப்னு தைமிய்யா போன்றோர் கிலுறு அலைஹிஸ்ஸலாம் அவர்கள் உயிருடன் இல்லை என்கிறார்கள்.

கிலுறு அலைஹிஸ்ஸலாம் அவர்கள் அப்போது ஹயாத்துடன் இருந்திருந்தால் அந்தப் போரில் கலந்து கொண்டிருப்பார்கள். அப்போது ஸல்லல்லாஹு அலைஹி வஸல்லம் அந்த துஆவில் 314 என்றுதான் குறிப்பிட்டிருக்க வேண்டும். எனவே கிலுறு நபி உயிரோடு இல்லை என்று தெளிவாகிறது என்று இப்னு தைமிய்யா கூறுகிறார்.

விளக்கம்:

பத்ரு போர் நடந்து கொண்டிருக்கும்போது மதீனாவிலும், அபினீஷியாவிலும், மற்ற இடங்களிலும் நிறைய முஸ்லிம்கள் இருந்தார்கள். அவர்களும்தான் இப்போரில் கலந்து கொள்ளவில்லை. எனவே இந்த ஹதீதிற்குரிய விளக்கம் வெற்றியுடன் இறைவனை வணங்கக் கூடியவர்கள் யாரும் இருக்க மாட்டார்கள் என்று நாயகம் ஸல்லல்லாஹு அலைஹி வஸல்லம் அவர்கள் சொன்னதாக கருத்து வைக்க வேண்டும் என்று நாதாக்கள் கூறியுள்ளார்கள்.

நாயகம் ஸல்லல்லாஹு அலைஹி வஸல்லம் அவர்கள் சொல்லும் போது இந்த பூமியின் மீது அவர்கள் இல்லாமலிருந்திருக்கலாம். எப்படி ஈஸா அலைஹிஸ்ஸலாம் அவர்கள் பூமியில் இல்லையோ அதுமாதிரி என்று.

அதேபோன்று கிலுறு அலைஹிஸ்ஸலாம் அவர்கள் இப்போரில் மனித ரூபத்திலில்லாமல் வேறு வகையில்  இதில் கலந்து கொண்டிருக்கலாம். இந்த பத்ருபோரில் எண்ணற்ற மலாயிகத்துமார்கள் கலந்து கொண்டார்கள். அவர்களின் எண்ணிக்கையை நாயகம் ஸல்லல்லாஹு அலைஹி வஸல்லம் அவர்கள் தங்கள் துஆவில் சேர்க்கவில்லை. கண்ணுக்குத் தெரிந்த தமது தோழர்களை மட்டும் இந்த துஆவில் சேர்த்துக் கொண்டார்கள்.

கிலுறு அலைஹிஸ்ஸலாம் அவர்கள் உயிருடன் இல்லை என்பதற்கு சஹீஹான அல்லது லயீபான ஒரு ஹதீது கூட இல்லை. பத்ரு போரில் கலந்து கொண்டவர்கள் 313 பேர்கள் மட்டுமில்லை.

கிலுறு அலைஹிஸ்ஸலாம் அவர்கள் உயிருடன் இருக்கிறார்கள் என்பதற்கு பலவகையான ஹதீதுகள் இருக்கிறது.

பல்வேறு ஞான இரகசியங்களை பொதிந்திருக்கும் தலைவராக உள்ள கிலுறு அலைஹிஸ்ஸலாம் அவர்களைப்பற்றி எங்கள் ஷெய்கு நாயகம் கிலுரிய்யா பைத்தில் கூறியுள்ளார்கள்:

بسم الله الرحمن الرحيم

لاَ اِلٰهَ اِلَّا اللهُ لَااِلٰهَ اِلَّا اللهُ

لَا اِلٰهَ اِلَّا الله مُحَمَّدٌ رَّسُوْلُ الله

اَحْمَدُ اللهَ الْعَلِيْمَ الْاَبْعَدِ وَالْاَقْرَبِ

اٰتٰى عُلُوْمًا مِنْ لَدُنْهُ لِعَبْدِهٖ خِضْرِ النَّبِيْ

بَاهَى الْكَلِيْمَ بِهِ فَقَالَ اِنَّنِيْ سَاُخْبِرُ

بِالَّذِيْ لَمْ تَسْتَطِعْهُ سَيِّدِيْ خِضْرَ النَّبِيْ

தூரமாகியதும், சமீபமாகியதுமான சர்வ வஸ்துகளையும் அறியும்படியாகிய அல்லாஹுத்தஆலாவை புகழ்கிறேன். அவன் தன்னுடைய அடிமை நபி கிழ்ரு அலைஹிஸ்ஸலாம் அவர்களுக்கு தன்னிடத்திலிருந்து கொஞ்சம் இல்மை கொடுத்தான். அதுகொண்டு அவர்கள் கலீமுல்லாஹ் நபி மூஸா அலைஹிஸ்ஸலாம் அவர்களிடத்தில், நீங்கள் விளங்கிக் கொள்ளாததால் பொறுமை செய்ய இயலாது போன சம்பவங்களின் கருத்தை, நான் உங்களுக்கு சொல்லி காண்பிக்கிறேன் என பெருமை பேசினார்கள்.

تَاهَتِ الْعُقُوْلُ عَنْ اِدْرَاكِ عِلْمِهِ كَمَا

تَاهَ فِيْ بَاقِيْ صِفَاتِهِ وَلَوْ خِضْرُ النَّبِيْ

அவனுடைய ஏனைய சிபாத்துகளை எட்டிக் கொள்வதை விட்டும் எல்லோர்களுடைய புத்திகளும் தட்டழிந்தது போல் அவனுடைய அறிவு எனும் சிபத்தை எட்டிக் கொள்வதிலும் தட்டழிந்து போய் விட்டது. கிழ்ரு நபி அவர்களாலும் சரியே.

ثُمَّ الصَّلَاةُ وَالسَّلَامُ عَلَى النَّبِيِّ اَوَّلَا

ثَانِيًا عَلَى الصِّحَابِ اٰلِهِ خِضْرِ النَّبِيْ

பின்பு சலவாத்தும் சலாமும் துவக்கமாக நபி நாயகம் ஸல்லல்லாஹு அலைஹி வஸல்லம் அவர்கள் பேரிலும், இரண்டாவதாக அவர்கள் தோழர்கள், கிளையார்கள் பேரிலும் கிழ்ரு நபி அலைஹிஸ்ஸலாம் அவர்கள் பேரிலும் உண்டாவதாக.

جْوْدُا لْجَوَادِ وَالنَّدٰى لِاِ هْتِدٰى سُبْلَ الهُدٰى

جُلُّ الْخَلَائِقِ مِنْ رَدٰى اِحْيَاءُهُ خِضْرَ النَّبِيْ

கொடை வள்ளலாகிய அல்லாஹுத்தஆலாவின் பெருங்கொடையில் நின்றுமுள்ளதாயிருக்கும் ஜனங்கள் எல்லாம் வழிகேட்டை விட்டும் நேரான பாதையில் நேர்வழி பெறுவதற்காக அவன் நபி கிழ்ரு அலைஹிஸ்ஸலாம் அவர்களை ஹயாத்தோடு வைத்திருப்பது.

حَانَ بُشْرى مَنْ نَحى بِنَحْوِ مَوْلٰى بِالْهَوَا

خِيْفَةً مِنْهُ نَهٰى لِنَفْسِهِ عَنِ الْهَوَى

خَابَ مَنْ دَسَّا لَهَا يَا غَوْثَنَا خِضْرَ النَّبِيْ

எவன் தனனுடைய எஜமானாகிய அல்லாஹுத்தஆலா பேரில் ஆசை கொண்டு அவனுடைய பாதையில் நடந்தானோ, இன்னும் அவனை பயந்து தன் நப்ஸை அதன் இச்சையை விட்டும் விலக்கினானோ அவனுக்கு நல்மாராயமுண்டாகும். அவனுடைய பாவங்களெல்லாம் நமது இரட்சகர் நபி கிழ்ரு அலைஹிஸ்ஸலாம் அவர்கள் பொருட்டால் அழிந்து போகும். ஆனால் எவன் நப்ஸை அழுக்காக்கினானோ அவன் பேர் கெட்டான்.

دَلَّتْ عَلَى الْاٰدَابِ بَيْنَ الشَيْخِ وَالَّذِيْ يُرِيْ

دُ اِلَى اللهِ الْعَلِيِّ قِصَّةُ الْخِضْرُ النَّبِيْ

நபி கிழ்ரு அலைஹிஸ்ஸலாம் அவர்களுடைய சரிதையாகிறது:- ஷெய்குக்கும், முரீதுக்குமிடையிலுண்டான (ஆதாபு) ஒழுக்கங்களைப் பற்றி அறிவிக்கிறது.

ذَالَا يَفِرُّ عَنْهُمْ اِذْ اَسْبَرُوْهُ مِثْلَمَا

الذُّبَابُ فَلْيَقُلْ كَمُوْسَى قَالَ لِلْخِصْرِ النَّبِيْ

அதாவது: இவனை (முரீதை) ஷெய்கு சோதிப்பாரேயானால் அவரை விட்டும் ஓட மாட்டான். எங்கிலும் ஈயை போல் விரட்ட விரட்ட திரும்ப வருவான். வந்து நபி மூஸா அலைஹிஸ்ஸலாம் அவாக்ள் நபி கிழ்ரு அலைஹிஸ்ஸலாம் அவர்களிடத்தில் மன்னிப்பு தேடி சொன்னதுபோல் சொல்லிக் கொள்வான்.

رِدْءً مُوَافِقًا لَهُمْ لَا يَبْرَحَنْ فَاِنَّهُمْ

رُفَقَا اِلَى اللهِ لَهُ كَغَوْثِنَا خِضْرِ النَّبِيْ

மேலும் அவர்களுக்கு உதவியானவனாகவும், இணங்கினவனாகவும் நீங்காமலிருக்கவும். ஏனென்றால் அவர்கள்தான் நமது கௌது ஹிழ்ரு நபி அவர்களைப் போல் அவனுக்கு அல்லாஹுத்தஆலா அளவில் வழித்தோழர்களாகயிருக்கும்.

زِيَّ التَّوَاضُعِ يَرْتَدِيْ كَالْاَعْجَمِيْ لَايَهْتَدِيْ

زَاوَي الْعُلُوْمَ كَالنَّبِيْ مَع َ غَوْثِنَا خِضْرِ النَّبِيْ

இன்னும் தழுமையென்னும் உடுப்பை உடுத்திக் கொள்வான். ஒன்றும் தெரியாத அஜமியைப் போலிருப்பான். தன்னுடைய கல்விகளை எல்லாம் சுருட்டி வைத்து விடுவான். நபி மூஸா அலைஹிஸ்ஸலாம் அவர்கள் ஹிழ்ரு நபி அவர்களுடன் நடந்தது போல்.

سَيْرًا بِحُوْتِ قَلْبِهِ مُمَلَّحًا بِاشَّهْوَةِ

سُبْحَانَ مَنْ اَحْيَيْ بِجَمَّعٍ لَدَى خِضْرِ النَّبِيْ

சரீர இச்சையைக் கொண்டு உப்பிடப்பட்ட இறந்துபோன கல்பெனும் மீனை சுமந்துக் கொண்டு நடப்பான். மஜ்மவுல் பஹ்குரைனில் – இரு கடலும் சந்திக்குமிடத்தில் நபி கிழ்ரு அலைஹிஸ்ஸலாம் அவர்களிடத்தில் போனதும் அந்த மீனை உயிராக்கிய நாயன் மகாத் தூய்யவன். அவன் இச்சையால் பீடிக்கப்பட்ட அந்த முரீதின் இறந்துபோன கல்பெனும் மீனை அவனுடைய ஷெய்கின் விலாயத்தென்னும் கடல் நுபுவ்வத்தின் கடலோடு சந்திக்கும் மஜ்மஃ – சங்கம் சந்திப்பிடத்திலுள்ள தண்ணீரை கொண்டு அதன் வின்னங்களை போக்கி உயிராக்கி வைத்தான். உயிர் பெற்றெழும்பிய கல்புக்கே சோபனம்.

شَنَارَهُ مُحَيَّ بِمَاءِ مَجْمَعِ وِلَايَةِ

شُيُوْخِهِ طُوْبٰى لَهُ كَسَيِّدِيْ خَضْرِ النَّبِيْ

ஷெய்குடன் சகவாசம் செய்வதாகிறது சீதேவித்தனமாயிருக்கும். “கூனூ மஃஸ்ஸாதிகீன்” – நீங்கள் உண்மையாளர்களுடைய சகவாசத்திலிருங்கள் – என்று குர்ஆன் ஆயத்தில் என் ஆண்டகை கிழ்ரு நபி அலைஹிஸ்ஸலாம் அவர்களின் ரப்பாகிய அல்லாஹுத்தஆலாவின் ஏவல் வந்திருக்கிறது.

صُحْبَةُ الشَّيْخِ سَعَادَةٌ وَفِيْ كُوْنُوْا مَعَ

الصَّادِقِيْنَ اَمْرُرَبِّ سَيِّدِيْ خِضْرِ النَّبِيْ

ஆகையினால் ஷெய்கு இல்லாது தன்னாலேயே ஜெயம் பெற்று விடலாமென்று எண்ணுபவனின் எண்ணம் தவறு. அவன் வாழ்நாள் வீணாக போகும். ஆண்டவா! (எங்களை வீணாக போகாது) கிழ்ரு நபி அவர்களின் பொருட்டால் இரட்சித்து அருள்வாயாக.

ضَلَّ مَنْ ظنَّ لَعَلَّهُ يَفُوزُ بِنَفْسِهِ

ضَاعَ عُمْرُهُ اَغِثْ يَارَبِّ بِالْخِضْرِ النَّبِيْ

மல்கானுடைய மகன் கிழ்ரு நபி அவர்களுடைய வஸீயத்தை (உபதேசங்களை) சொல்ல வேண்டுமென்று ஆசிக்கிறேன். (அவையாகிறது) 1. தாலிபே நீ யாருக்கும் உபகாரியாகவே இரு. நீ பல்யா நபி அலைஹிஸ்ஸலாம் அவர்கள் பொருட்டால் ஜெயம் பெறுவாய்.

طَتبَ لِ ذِكْرُ وَصَايَااِنْنِ مَلْكَانٍ خَضِرْ

طَالِبًا كُنْ نَافِعًا تَفُزْ بِلْبَاءِ النَّبِيْ

ظُنَّ حَسْنًا لَا نُعَيِّرْ مُذْنِبًا اِذَانِدِمْ

ظَعْنَكَ لِغَيْرِ وَطَرٍ دَعْوَرُمْ خِضْرُ النَّبِيْ

  1. எவரையும் பற்றி நல்லெண்ணம் வை. 3. பாவம் செய்து பின் அல்லாஹ் இடத்தில் சலித்து தவ்பா செய்தவனை பழிக்காதே. 4. தேவைக்கல்லாது ஓரிடத்திற்கும் பிரயாணம் செய்யாதே. நபி கிழ்ரு அலைஹிஸ்ஸலாம் அவர்கள் சொல்வதை நாடி கவனி.

عَابْسًا وَغَاضِبًا ثُمَّ ضَرِيْرًا لَاتَكُنْ

عَنْ ذُنُوْبِكَ ابْكِ تُرْحَمْ الصَّفِيْ خِضْرِ النِّبِيْ

  1. கடுகடுத்தவனாகவும், கோபிக்கிறவனாகவும், தீங்கு செய்கிறவனாகவும் இருக்காதே. 6. உன்னுடைய பாவங்களை பற்றி எப்போதும் அழுது கொண்டு இரு. பரிசுத்த நபி கிழ்ரு அலைஹிஸ்ஸலாம் அவர்கள் பொருட்டால் உனக்கு கிருபை செய்யப்படும்.

غُنْيَةَ الْيَوْمِ  فَلَا تُأَخِّرَنْ اِلَى الغَدِ

غُضَّ عَمَّا لضايُعَانِيْ جُّحْزَ بِالْخِضْرِ النَّبِيْ

  1. இன்று கிடைத்த வாய்பபை ஒரு பெரும் வாழ்வென்று எண்ணி அதில் நல்ல அமல்களை செய்து கொள். நாளைக்’கு செய்வோம் என்று பிற்படுத்தாதே. 8. தேவை அல்லாததில் தலையிடுவதை விட்டும் உன்னை காத்துக் கொள். நபி கிழ்ரு அலைஹிஸ்ஸலாம் அவர்கள் பொருட்டால் உனக்கு நற்கூலி கொடுக்கப்படும்.

فَاهَ مُوْسٰى اِلَّا فِى اللهِ فضاِيَّاكَ الْغَضْبِ

فَاتْرُكَنْ حُبَّ الدُّنَا يَا سَيِّدِيْ خِضْرَالنَّبِيْ

நபி மூஸா அலைஹிஸ்ஸலாம் அவர்கள் சொன்னார்கள்:- 1. அல்லாஹ்வின் விஷயத்திலே அல்லாது கோபிப்பதை பற்றி எச்சரிக்கை செய்கிறேன். 2. துன்யாவின் ஆசையை விட்டு விடுங்கள். என் நாயகமே! கிழ்ரு நபியே!

قُلْتَ رَبِّيْ اَخِلَنَّا مُدْخَلَ صِدْقٍ وَقَدْ

قَوْمَنَا عَنْ مُحْرِجِ صِدْقٍ لَدَى خِضْرِ النَّبِيْ

நான் சொல்கிறேன்:- ஆண்டவனே! எங்களை உண்மையான புகுதும் தலத்திலே புகுதுவதை எங்கள் ஜனங்களை உண்மையான புறப்படும் தலத்தின் வழியாக கிழ்ரு நபி அலைஹிஸ்ஸலாம் அவர்களிடத்தில் இழுத்துக் கொண்டு போ.

كُلَّ خَيْرٍ عَاجِلًا وَّاٰجِلًا مَانَعْلَمُ

كُلَّ مَالَمْ تَعْلَمُ نَدْعُوْكَ بِالْخِضْرِ النَّبِيْ

ஆண்டவனே! நீ,  எங்களுக்கு துன்யாவிலும் ஆகிரத்திலும் நாங்கள் அறிந்தும் அறியாததுமாகிய எல்லா நன்மைகளையும் தரவேண்டுமென்று நாங்கள் கிழ்ரு நபி அலைஹிஸ்ஸலாம் அவர்கள் பொருட்டைக் கொண்டு உன்னிடத்தில் துஆ கேட்கிறோம்.

لِلرِّضَاءِ طَالِبِيْنَ لِلْبَلَايَا صَابِرِيْنْ

لِلْعَطَايَاشَاكِرِيْنْ بِحُرْمَةِ الْخِضْرِ النَّبِيْ

உன்னுடைய பொருத்தத்தை தேடினவர்களாகவும் உன்னுடைய பலாய்களின்  பேரில் சப்று செய்தவர்களாகவும்,  நீ செய்த நிஃமத்துகளின் பேரில் உனக்கு நன்றி செய்தவர்களாகவும் நபி கிழ்ரு அலைஹிஸ்ஸலாம் அவர்களின் சங்கையைக் கொண்டு கேட்கிறோம்.

مَشَاءَ اللهُ لَا قُوَّةَ اِلَّا بِاللهِ لاْعَظِيْمْ

مَاشَاءَ اللهُ فَاصْرِفَنَّ السُوْ ءَ بِالْخِضْرِ النَّبِيْ

மாஷா அல்லாஹ் – அல்லாஹ்வின் நாட்டப்படியே நடக்கும் கனம்தங்கிய அல்லாஹ்வைக் கொண்டே அல்லாது ஒரு வகையான வலிமையும் கிடையாது. மாஷாஅல்லாஹ் – அல்லாஹ்தஆலாவின் நாட்டப்படியே நடக்கும். ஆண்டவனே! கிழ்ரு நபி அலைஹிஸ்ஸலாம் அவர்களின் பொருட்டால் எங்களை விட்டும் தீங்கை அகற்றி விடுவாயாக!

نَقِّ قَلْبَنَا عَنِ الْاَغّْيَارِ وَامْلَأَنَّهُ

نُوْرًا وَعِرْفَانًا بِجَاهِ سَيِّدِيْ خِضْرِ النَّبِيْ

ஆண்டவனே! எங்கள் நாயகம் கிழ்ரு நபி அலைஹிஸ்ஸலாம் அவர்களுடைய மகிமையின் பொருட்டால் எங்கள் ஹிருதயத்தை வேற்றுமைகளை விட்டும் பரிசுத்தமாக்கி வைத்து அதிலே பிரகாசத்தையும் நஜாத்தையும் கொண்டு நிரப்புவாயாக!

وَسِّعَنْ اَرْزَاقَنَا وَاَصْلِحَنْ اَحْوَالَنَا

وَحَسِّنَنْ حِتَامَنَا بِحُرْمَةِ الْخِضْرِ النَّبِيْ

ஆண்டவனே! நபி கிழ்ரு அலைஹிஸ்ஸலாம் அவாக்ளின் சங்கையைக் கொண்டு எங்களுடைய இரணத்தை விஸ்தீரமாக்கு! எங்கள் நிலைமைகளை இணக்கமாக ஆக்கிவை. எங்கள் ஒடுக்கத்தை நல்முத்திராங்கத்துடனே (கலிமா ஷஹாதத்துடனே) ஆக்கி வை.

هَاعَبِيْدُكَ سَأَلَنَاكَ فَلَا تَلرُدَّنَا

هَبْلَنَا فَوْقَ الْمُنَا بِحُرْمَةِ الْخِضْرِ النَّبِيْ

இதோ உனது அடியார்கள் உன்னிடத்தில் கேட்கிறோம். எங்களை விரட்டிவிடாதே! எங்களுக்கு கிழ்ரு நபி அலைஹிஸ்ஸலாம் அவர்கள் சங்கையை கொண்டு எங்கள் எண்ணத்துக்கு மேல் கொடு.

لَالَنَا سِوَاكَ مَوْلَا لَانَفِرُّ مِنْكَ اَصْلًا

لَامَلَاذَ اِلَّا اَنْتَ فَاحْمِ بِالْخِضْرِ النَّبِيْ

ஆண்டவா! எங்களுக்கு உன்னல்லாது நாயனில்லை. நாங்கள் ஒருபோதும் உன்னைவிட்டு அகலமாட்டோம். நீயே அல்லாது வேறு தஞ்சமில்லை. ஆகையினால் நபி கிழ்ரு அலைஹிஸ்ஸலாம் அவர்களுக்காக எங்களை காத்தருள்வாயாக!

يَااِلٰهِيْ صَلِّ سَلِّمْ مَعْ تَحِيَّاتٍ عَلَى

يٰٓسٓ سِرِّ الذَّاتِ اٰلٍ صَحْبِهٖ خِضْرِ النَّبِيْ

ஆண்டவனே! உனது தாத்தின் இரகசியமாகிய யாஸீன் ஸல்லல்லாஹு அலைஹி வஸல்லம் அவர்கள் பேரிலும், அவர்களுடைய கிளைஞர்கள்,தோழர்கள் பேரிலும் நபி கிழ்ரு அலைஹிஸ்ஸலாம் அவர்கள் பேரிலும் காணிக்கையோடு சலவாத்தும், சலாமும் சொல்வாயாக! ஆமீன்.

மூஸா நபி அலைஹிஸ்ஸலாம் அவர்களுடன்:

நபி மூஸா அலைஹிஸ்ஸலாம் அவர்கள் மிகச் சிறந்த அறிவாளராக விளங்கினர். தாம் பெற்ற அறிவையும், ஆற்றலையும் கொண்டு அவர்கள் மக்களுக்கு நல்லுபதேசம் புரிந்து வந்தனர்.அவற்றை செவியுறும் இஸ்ரவேலர்கள் மிகவும் வியப்புற்றனர்.

நபி மூஸா அலைஹிஸ்ஸலாம் அவர்களுக்கு தங்களுக்கு அல்லாஹ் அளவற்ற அறிவை வழங்கியுள்ளான் என்ற எண்ணம் ஏற்பட்டது. ஒரு நாள் அதிகம் அறிந்தவர் யார்? என்று ஒருவர் கேள்வி கேட்கும்போது, நான் மிகவும் அறிந்தவன் என்று கூறினார்கள்.

அல்லாஹ் அவர்களுக்கு பாடம் புகட்ட, ‘மூஸாவே இரண்டு கடல்கள் சந்திக்கும் ஓரிடத்தில் என் அடியார் ஒருவர் இருக்கிறார். அவர் உம்மை விட மிகவும் அறிந்தவர்’ என்று கூறினான்.

அதற்கு மூஸா அலைஹிஸ்ஸலாம் அவர்கள், ‘ நான் உன் திருநபியல்லவா? இக்காலத்தில் வாழும் அனைவரினும் என்னை நீ மேலாக்கி வைக்கவில்லையா? என்று கேட்டார்கள்.

உண்மைதான். ஆனால் உமக்கு அறிவிக்காத பல இரகசியங்களை நாம் அவருக்கு அறிவித்துத் தந்தோம் என்று கூறினார்கள். அதுகேட்டு வியப்புற்ற மூஸா நபி அலைஹிஸ்ஸலாம் அவர்கள் அவர்களைக் காண துடியாய் துடித்தார்கள். அவர்களைக் காணும் முறையை அல்லாஹ் அவர்களுக்கு காட்டித் தந்தான்.

அதற்கவர்கள் ‘என் இறைவனே! அவரை நான் சந்திக்க என்ன வழி?’என்று கேட்டார்கள். ‘கூடை ஒன்றில் ஒரு மீனைச் சுமந்து (பயணம்) செல்வீராக! அம்மீனை எங்கே தொலைத்து விடுகிறீரோ அங்கேதான் அவர் இருப்பார்’ என்று அவர்களிடம் கூறப்பட்டது.

அவன் கூறியபடி அவனைக் காண புறப்பட்டார்கள். தங்களுக்குத் துணையாக நபி யூஷஃ இப்னு நூன் அலைஹிஸ்ஸலாம் அவர்களை அழைத்துச் சென்றனர். யூஷஃ அவர்கள் யூசுப் நபி அவர்களின் மகனார் அப்ராயீமின் மைந்தர் ஆவார். மூஸா அலைஹிஸ்ஸலாம் அவர்களின் சகோதரர் மகன். மூஸா நபிக்குப் பிறகு இஸ்ரவேலர்களுக்கு நபியாக இருந்து தீன் சேவையாற்றினர். அவர்கள்; 126 வயது வரை வாழ்ந்ததாகவும் வரலாறு கூறுகிறது.

‘இரு கடல்கள் சந்திக்குமிடம்’-மஜ்மஅல் பஹ்ரைனி என்று இறைவன் திருமறை 18:60 ல் கூறுகிறான்.

நபி மூஸா அலைஹிஸ்ஸலாம் அவர்களும், நபி யூஷஃ அலைஹிஸ்ஸலாம் அவர்களும் நீண்டதொரு பயணம் மேற்கொண்டு இரு கடல்களும் சந்திக்கும் இடத்தை அடைந்தனர். அவ்விடத்தில் பாறை ஒன்றிருந்தது. களைப்பு மிகுதியால் (நெடு நேரம் நடந்த களைப்பில்) இருவரும் ஒரு பாறையை அடைந்ததும் படுத்து உறங்கிவிட்டார்கள். மூஸா நபி அவர்;கள் அதில் அமர்ந்து பாiறயின் அடியில் ஒலித்தோடிய சுனை நீரில் ஒளு செய்தார்கள்.

அவர்கள் உளுச் செய்தபோது தெறித்த சுனை நீரின் ஓர் துளி அவர்கள் கொண்டு வந்திருந்த உப்பிட்ட மீனின் மீதுபட்டு உயிர் பெற்று கூடையிலிருந்து துள்ளி குதித்து கடலில் வீழ்ந்தது. மீனானது நீந்திச் செல்லும்போது நீரானது வழிவிட்டது. அதன் மீது தண்ணீர் படவேயில்லை. இதை யூஷஃ அலைஹிஸ்ஸலாம் அவர்கள் கண்டார்கள். ஆனால் மூஸா நபியவர்கள் ஒளுச் செய்து கொண்டிருந்ததால் அதைப் பார்க்கவில்லை. அவர்களின் ஒளு முடிந்ததும் யூஷஃவை அழைத்துக் கொண்டு தம் பயணத்தை தொடர்ந்தார்கள். ஆனால் யூஷஃ அலைஹிஸ்ஸலாம் அவர்கள் உப்பிலிட்ட மீன் உயிர்பெற்று ஓடியதை மூஸா நபியிடம் சொல்ல மறந்து விட்டார்கள். இதை அல்லாஹ் தன் திருமறையில் 18:61 ல் கூறுகிறான்.

فَلَمَّا بَلَغَا مَجْمَعَ بَيْنِهِمَا نَسِيَا حُوتَهُمَا فَاتَّخَذَ سَبِيلَهُ فِي الْبَحْرِ سَرَبًا

அவர்கள் இருவரும் அவ்விரணடு (கடல்களு)க்கும் இடையே ஒன்று சேரும் இடத்தை அடைந்த போது; அவ்விருவருடைய மீனை அவ்விருவரும் மறந்து விட்டனர்; அது கடலில் தன்னுடைய வழியைச் சுரங்கம் போல் அமைத்துக்கொண்டு (நீந்திப் போய்) விட்டது.

தாங்கள் அடையவேண்டிய இடத்தை கடந்ததும் அல்லாஹ் அவர்களுக்கு களைப்பையும் பசியையும் கொடுத்தான். அதனால் அவர்கள் தம் உணவை உண்பதற்கு கூடையில் கைவிட்டபோது ரொட்டி இருந்தது. மீனைக் காணவில்லை.

இதைப்பற்றி திருமறையில் அல்லாஹ், 18:63 வசனத்தில் குறிப்பிடுகிறான்.

قَالَ أَرَأَيْتَ إِذْ أَوَيْنَا إِلَى الصَّخْرَةِ فَإِنِّي نَسِيتُ الْحُوتَ وَمَا أَنسَانِيهُ إِلَّا الشَّيْطَانُ أَنْ أَذْكُرَهُ ۚ وَاتَّخَذَ سَبِيلَهُ فِي الْبَحْرِ عَجَبًا

அதற்கு “அக்கற்பாறையில் நாம் தங்கிய சமயத்தில் நீங்கள் பார்த்தீர்களா? நிச்சயமாக நான் மீனை மறந்து விட்டேன்.” மேலும், அதை (உங்களிடம்) சொல்வதை ஷைத்தானையன்றி (வேறு எவனும்) என்னை மறக்கடிக்கவில்லை; மேலும் அது கடலுக்குள் தன் வழியை ஆச்சரியமாக அமைத்துக் கொண்டது!” என்று பணியாள் கூறினார்.

திரும்ப மூஸா அலைஹிஸ்ஸலாம் அவர்களும், யூஷஃ அலைஹிஸ்ஸலாம் அவர்களும் அந்தப் பாறையை நோக்கி சென்றனர். அங்கு ஒருவர் பச்சைத் தலைப்பாகை அணிந்து இறைவனை வணங்கிக் கொண்டிருந்தார்.

இதை அல்குர்ஆன் 18:65 கூறுகிறது.

فَوَجَدَا عَبْدًا مِّنْ عِبَادِنَا آتَيْنَاهُ رَحْمَةً مِّنْ عِندِنَا وَعَلَّمْنَاهُ مِن لَّدُنَّا عِلْمًا

 (இவ்வாறு) அவ்விருவரும் நம் அடியார்களில் ஒருவரைக் கண்டார்கள்; நாம் அவருக்கு நம்மிடமிருந்து கிருபை அருளியிருந்தோம்; இன்னும் நாம் அவருக்கு நம்மிடமிருந்து கல்வி ஞானத்தையும் கற்றுக் கொடுத்திருந்தோம்.

கிலுறு அலைஹிஸ்ஸலாம் அவர்கள் தொழுகையை முடித்தபின் இருவரும் சலாம் உரைத்த பின் விசாரித்துக் கொண்டார்கள்.

மூஸா நபி அவர்கள் கிலுறு அலைஹிஸ்ஸலாம் அவர்களிடம் நான் அறிவு பெறுவதற்காக உங்களிடம் வந்துள்ளேன். அல்லாஹ் என்னை உங்களிடம் அனுப்பியுள்ளான் என்று சொன்னார்கள்.இதன்பின்னர் யூஷஃ அலைஹிஸ்ஸலாம் அவர்கள் அங்கிருந்து புறப்பட்டு தம் இருப்பிடம் திரும்பினார்கள்.

மூஸாஅலைஹிஸ்ஸலாம் அவர்கள் கிலுறு அலைஹிஸ்ஸலாம் அவர்களிடம் கேட்டதை அல்லாஹ் தன் திருமறையில் 18:66 ல் கூறுகிறான்:

قَالَ لَهُ مُوسَىٰ هَلْ أَتَّبِعُكَ عَلَىٰ أَن تُعَلِّمَنِ مِمَّا عُلِّمْتَ رُشْدًا

 “உங்களுக்குக் கற்றுக் கொடுக்கப்பட்ட நன்மையானவற்றை நீங்கள் எனக்குக் கற்பிக்கும் பொருட்டு> உங்களை நான் பின் தொடரட்டுமா? என்று அவரிடம் மூஸா கேட்டார்.

قَالَ إِنَّكَ لَن تَسْتَطِيعَ مَعِيَ صَبْرًا

 (அதற்கவர்,) “நிச்சயமாக நீர் என்னுடன் பொறுமையாக இருக்க இயலமாட்டீர்!” என்று கூறினார்.

وَكَيْفَ تَصْبِرُ عَلَىٰ مَا لَمْ تُحِطْ بِهِ خُبْرًا

 “(ஏனெனில்) எதைப் பற்றி உமக்கு முழுமையான ஞானம் இல்லையோ, அதில் நீர் எவ்வாறு பொறுமையாயிருப்பீர்!” (என்று கேட்டார்.)

கிலுறு அலைஹிஸ்ஸலாம் அவர்கள் கூறியதாக திருமறை 18:67,68 இயம்புகிறது.

قَالَ سَتَجِدُنِي إِن شَاءَ اللَّهُ صَابِرًا وَلَا أَعْصِي لَكَ أَمْرًا

 (அதற்கு) மூஸா, “இன்ஷா அல்லாஹ்! நான் பொறுமையுள்ளவனாகவும், எவ்விஷயத்திலும் உமக்கு மாறு செய்யாதவனாகவும் நான் இருப்பதை நீங்கள் விரைவில் காண்பீர்கள்” என்று (மூஸா) சொன்னார்.  18:69.

அதுகேட்ட கிள்று அலைஹிஸ்ஸலாம் அவர்கள் நீர் என்னபை; பின்பற்றுவதாயின் எந்த ஒரு விஷயத்தையும் அறிவிக்கும் வரையில் நீர் என்னிடம் (அதைப் பற்றி) கேட்கக் கூடாது. (18:70) என்று நிபந்தனை விதித்தனர்.

அதற்கு மூஸா அலைஹிஸ்ஸலாம் அவர்களும் இணங்கி அவர்களுடன் பயணம் செய்தனர். அவ்விருவரையும் ஒரு கப்பல் கடந்து சென்றது. தங்களையும் (அக்கப்பலில்) ஏற்றிக் கொள்ளுமாறு கேட்டுக் கொண்டார்கள். அவர்கள் கிள்று அவர்களை அறிந்திருந்ததால் அவ்விருவரையும் கட்டணம் ஏதுமின்றிக் கப்பலில் ஏற்றினார்கள். ஒரு சிட்டுக்குருவி வந்து கப்பலின் ஓரத்தில் அமர்ந்து கடலில் ஒன்றிரண்டு முறை கொத்தியது.

அப்போது கிள்று அவர்கள், ‘மூஸா அவர்களே! இச்சிட்டுக் குருவி கொத்தியதால் கடலில் எவ்வளவு குறையுமோ அது போன்ற அளவுதான் என்னுடைய ஞானமும் உம்முடைய ஞானமும் அல்லாஹ்வின் ஞானத்திலிருந்து குறைந்து விடும்’ என்று கூறினார்கள்.

கப்பல் நடுக்கடலில் சென்று கொண்டிருக்கும்போது அதிலிருந்து இரு பலகைகளை பெயர்த்து கப்பலை ஓட்டையாக்கினர் கிலுறு அலைஹிஸ்ஸலாம் அவர்கள்.

அதுகண்டு மூஸா அலைஹிஸ்ஸலாம் அவர்கள் வியப்பும், ஆத்திரமும் அடைந்தனர். அவர்களால் அதை பொறுத்துக் கொள்ளவே முடியவில்லை. எனவே கிலுறு அலைஹிஸ்ஸலாம் அவர்களை நோக்கி> மூஸா அலைஹிஸ்ஸலாம் அவர்கள் கூறியதாக அல்குர்ஆன் 18:71 ல்

فَانطَلَقَا حَتَّىٰ إِذَا رَكِبَا فِي السَّفِينَةِ خَرَقَهَا ۖ قَالَ أَخَرَقْتَهَا لِتُغْرِقَ أَهْلَهَا لَقَدْ جِئْتَ شَيْئًا إِمْرًا

பின்னர் இருவரும் ஒரு மரக்கலத்தில் ஏறும் வரையில் நடந்து சென்றனர், (மரக்கலம் கடலில் செல்லலானதும்;) அவர் அதில் ஓர் ஓட்டையைப் போட்டார்; “இதிலுள்ளவர்களை மூழ்கடிக்கவா நீங்கள் இதில் ஓர் ஓட்டையைப் போட்டீர்கள்? நிச்சயமாக நீங்கள் ஓர் (அபாயகரமான) பெருங் காரியத்தைச் செய்துவிட்டீர்கள்” என்று (மூஸா) கூறினார்.

இவ்வாறு கூறிய அவர்கள் விரைந்து சென்று அத்துவாரத்தை ஓர் துணியால் அடைக்க முற்பட்டனர்.

அப்பொழுது ஹழ்ரத் கிள்ரு அலைஹிஸ்ஸலாம் அவர்கள் ஓர் பாத்திரத்தை எடுத்து அவ்வோட்டையை அடைத்தனர்.

அதன்பின் மூஸா அலைஹஸ்ஸலாம் அவர்களை நோக்கி, கப்பலில் துளையிட்டுவிட்ட காரணத்தால்  கப்பல் நீரில் மூழ்கிவிடுவதில்லை. கப்பலின்றி வெற்றுப்பேழையில் உம்மை உம் அன்னை வைத்து அலைவீசும் ஆழியில் அனுப்பியபோது நீர் ஆழியில் மூழ்காமல் காக்கப்பெறவில்லையா?’ என்று இடித்துரைத்தனர்.

قَالَ أَلَمْ أَقُلْ إِنَّكَ لَن تَسْتَطِيعَ مَعِيَ صَبْرًا

 (அதற்கு அவர்,) “நிச்சயமாக நீர் என்னுடன் பொறுமையைக் கடைப்பிடிக்க முடியாது என்று உமக்கு நான் சொல்லவில்லையா? என்றார்.

அதற்கு நபி மூஸா அலைஹிஸ்ஸலாம் அவர்கள்

قَالَ لَا تُؤَاخِذْنِي بِمَا نَسِيتُ وَلَا تُرْهِقْنِي مِنْ أَمْرِي عُسْرًا

 “நான் மறந்து விட்டதைப் பற்றி நீங்கள் என்னை(க் குற்றம்) பிடிக்க வேண்டாம்; இன்னும் என் காரியத்தைச் சிரமமுடையதாக ஆக்கி விடாதீர்கள்” என்று கூறினார்.

கப்பல் கரையை அடைந்ததும் இருவரும் அய்லத் என்னும் சிற்றூரை நோக்கி நடந்து சென்றனர்.

அப்பொழுது வழியில் ஒரு சிறுவன் விளையாடிக் கொண்டிருந்தான். அவனைக் கண்டதும் கிள்ரு அலைஹிஸ்ஸலாம் அவர்கள் அவன் மீது பாய்ந்து தங்களின் காலால் மிதித்து அவனைக் கொன்றொழித்தனர். அவனைக் கொன்றமுறையில் பல்வேறு கருத்துக்கள் உள்ளது. அது கண்டு மூஸா அலைஹிஸ்ஸலாம் அவர்கள் திடுக்குற்றனர்.

فَانطَلَقَا حَتَّىٰ إِذَا لَقِيَا غُلَامًا فَقَتَلَهُ قَالَ أَقَتَلْتَ نَفْسًا زَكِيَّةً بِغَيْرِ نَفْسٍ لَّقَدْ جِئْتَ شَيْئًا نُّكْرًا

பின்னர் (மரக்கலத்திலிருந்து இறங்கி) இருவரும் வழி நடக்கலானார்கள்; (வழியில்) ஒரு பையனை அவ்விருவரும் சந்தித்த போது, அவர் அவனைக் கொன்று விட்டார். (உடனே மூஸா) “கொலைக்குற்றமின்றி, பரிசுத்தமான ஜீவனைக் கொன்றுவிட்டீர்களே? நிச்சயமாக நீங்கள் பெருத்தக் கேடான ஒருகாரியத்தையே செய்து விட்டீர்கள்!” என்று (மூஸா) கூறினார்.

அதனைக் கண்ட மூஸா அலைஹிஸ்ஸலாம் அவர்கள் நீர் ஒரு தகாத செயலை செய்து விட்டீர் என்று அலறினார்கள். அப்பொழுது கிள்ரு அலைஹிஸ்ஸலாம் அவர்கள் அவனின் தலையின் ஒரு புறத் தோலை உரித்துக் காட்டினர். அதில் அவன் காபிர். ஒருபோதும் இறைநம்பிக்கை கொள்ளமாட்டான் என்று காணப்பட்டது.

அதன்பின்னர் அவர்கள் மூஸா அலைஹிஸ்ஸலாம் அவர்களை நோக்கி ‘குற்றமற்ற ஒரு கிப்தியை நீர் ஒரேகுத்தாக குத்திக் கொன்றொழிக்கவில்’லையா? என்று கேட்டனர். பின்னர் அவர்கள்,

قَالَ أَلَمْ أَقُل لَّكَ إِنَّكَ لَن تَسْتَطِيعَ مَعِيَ صَبْرًا

 (அதற்கு அவர்) “நிச்சயமாக நீர் என்னுடன் பொறுமையாக இருக்க இயலாது என்று உமக்கு நாம் சொல்லவில்லையா?” என்று கூறினார்.இவ்வாறுஅவர்கள் கேட்டது மூஸா அலைஹிஸ்ஸலாம் அவர்களை நாணமுறச் செய்து விட்டது. தாம் பொறுமையுடன் இல்லாததற்கு வருந்தினர்.

எனவே அவர்கள் கிள்று அலைஹிஸ்ஸலாம் அவர்களை நோக்கி

قَالَ إِن سَأَلْتُكَ عَن شَيْءٍ بَعْدَهَا فَلَا تُصَاحِبْنِي ۖ قَدْ بَلَغْتَ مِن لَّدُنِّي عُذْرًا

இதன் பின்னர் நான் எந்த விஷயத்தைப் பற்றியாவது உங்களிடம் கேட்பேனாயின் நீங்கள் உங்கள் தோழனாக வைத்துக் கொள்ள வேண்டாம் – நிச்சயமாக நீங்கள் என்னிடமிருந்து தக்க மன்னிப்புக் கோருதலைப் பெற்றுக் கொண்டீர்கள்” என்று கூறினார்.

(அல்குர்ஆன்18:76)

இதைப் பற்றி அண்ணல் நபி ஸல்லல்லாஹு அலைஹி வஸல்லம் அவர்கள் குறிப்பிடுகையில்> என் சகோதரர் மூஸாவுக்கு இறைவன் அருள்பாலிப்பானாக! அவர் நாணமுற்றுவிட்டார். எனவேதான் அவர் அவ்வாறு கூறினார். அவர் தம் தோழருடன் இருந்திருப்பின் மிகவும் வியப்பிற்குரியவற்றையெல்லாம் கண்டிருப்பார் என்று கூறினர்.

அதன்பின்னர் அவ்விருவரும் அவ்வூரிலிருந்து கர்யத் என்ற ஊரை அந்திப் பொழுதில் சென்றடைந்தனர். அதுவே அந்தாகியா என்று அழைக்கப்படுகிறது.

பசியும்,களைப்பும் மேலிட்டதால் அவர்கள் அவ்வூர் மக்களிடம் சென்று தங்களுக்கு உணவளிக்கும்படி வேண்டினார்கள். ஆனால் அவர்களோ அவர்களுக்கு உணவளிக்க மறுத்து விட்டனர்.பெண்களில் பெர்பெரிய்யா என்ற ஒரேயொரு பெண்மணி மட்டும் அவர்களுக்கு உணவு வழங்கினாள்.

மறுநாள் அவ்விருவரு;ம் ஊருக்குள் சென்றனர். அப்பொழுது 100 அடி உயரமுள்ள நெடுஞ்சுவர் சாய்ந்து விழும் நிலையிலிருப்பதைக் கண்டார்கள். கிள்று அலைஹிஸ்ஸலாம் அவர்கள் தம் கரத்தாலேயே அதனை ஒழுங்குபடுத்தினர்.

இச்செயல் கண்டு நபி மூஸா அலைஹிஸ்ஸலாம் அவர்கள் சினமுற்றனர். நீர் விரும்பியிருப்பின் இதற்குரிய கூலியை இவ்வூராரிடமே வாங்கியிருக்கலாமே! (18:77) என்று கூறினர்.

அதற்கு கிள்று அலைஹிஸ்ஸலாம் அவர்கள மூஸா அலைஹிஸ்ஸலாம் அவர்களை நோக்கி நீர் ஏன் கூலி பெற்றுக்கொள்ளாமல் ஷுஐப் அலைஹிஸ்ஸலாம் அவர்களின் பெண் மக்களுக்கு கிணற்றிலிருந்து தண்ணீர் இறைத்துக் கொடுத்தீர்?’ என்னு இடித்துரைத்தனர்.

فَانطَلَقَا حَتَّىٰ إِذَا أَتَيَا أَهْلَ قَرْيَةٍ اسْتَطْعَمَا أَهْلَهَا فَأَبَوْا أَن يُضَيِّفُوهُمَا فَوَجَدَا فِيهَا جِدَارًا يُرِيدُ أَن يَنقَضَّ فَأَقَامَهُ ۖ قَالَ لَوْ شِئْتَ لَاتَّخَذْتَ عَلَيْهِ أَجْرًا

பின்னர் அவ்விருவரும் வழி நடந்து, இருவரும் ஒரு கிராமத்தாரிடம் வந்து சேர்ந்தார்கள்; தங்களிருவருக்கும் உணவு தருமாறு அந்த கிராமத்தாரிடம் கேட்டார்கள்;. ஆனால் அவ்விருவருக்கும் விருந்தளிக்க அவர்கள் மறுத்து விட்டார்கள்;. அப்போது அங்கே இடிந்து அடியோடு விழும் நிலையிலிருந்த ஒரு சுவரை அவ்விருவரும் கண்டனர். ஆகவே, அவர் (சரிசெய்து) நிமிர்த்து வைத்தார். (இதைக் கண்ட மூஸா) ‘நீங்கள் நாடியிருந்தால் இதற்கென ஒரு கூலியை பெற்றிருக்கலாமே’ என்று (மூஸா) கூறினார்.

அல்குர்ஆன்  18:77

قَالَ هَٰذَا فِرَاقُ بَيْنِي وَبَيْنِكَ ۚ سَأُنَبِّئُكَ بِتَأْوِيلِ مَا لَمْ تَسْتَطِع عَّلَيْهِ صَبْرًا

 “இது தான் எனக்கும்> உமக்குமிடையே பிரிவு(க்குரிய நேரம்) ஆகும்; எதைப் பற்றி நீர் பொறுமையாக இருக்க முடியவில்லையோ, அதன் விளக்கத்தையும் (இப்பொழுதே) உமக்குத் திட்டமாக அறிவித்து விடுகிறேன்” என்று அவர் கூறினார். –  (18:78)

‘(இச்சம்பவத்தை) நபி (ஸல்லல்லாஹு அலைஹி வஸல்லம்) அவர்கள் (சொல்லிவிட்டு) ‘மூஸா மாத்திரம் சற்றுப் பொறுமையாக இருந்திருந்தால் அவ்விருவரின் விஷயங்களிலிருந்தும் நமக்கு இன்னும் (நிறைய) வரலாறு கூறப்பட்டிருக்கும். அல்லாஹ் மூஸாவிற்கு அருள் புரிவானாக!’ என்று கூறினார்கள்’.

-புஹாரி : 122 உபை இப்னு கஹ்ஃப் (ரலியல்லாஹு அன்ஹு).

கிளுறு அலைஹிஸ்ஸலாம் அவர்கள் நபி மூஸா அலைஹிஸ்ஸலாம் அவர்களிடம் கூறினார்கள்.

முதலில் நான் கப்பலில் துளையை ஏற்படுத்தினேன். அதற்குரிய காரணம்:

அக்கப்பல் செல்லும் வழியில் கொடியவன் ஒருவன் ஆட்சி செய்து வந்தான். (அவனின் பெயர் ஜலீல் இப்னு கர்கர் என்னும் ஹுதத் இப்னு புதத் என்று இருவிதமாக சொல்லப்படுகிறது.)

கப்பல்களில் சிறந்தவற்றை அவன் வன்முறையின் மூலம் அபகரித்துக் கொள்ளும் வழக்கமுடையவனாக இருந்தான். நாம் பயணம் செய்த கப்பலோ கூலி வேலை செய்து பிழைக்கும் ஏழைகளுக்குரியதாகும்.(அது பத்து சகோதரர்களுக்கு சொந்தமானது என்றும், அவர்களில் ஐவர் அதில் பணியாற்றினர் என்றும் எஞ்சிய ஐவர் உடல் ஊனமுற்றவர்கள் என்றும் கூறுப்படுகிறது)

அக்கொடுங்கோலன் அக்கப்பலை அபகரித்துக் கொண்டால்  அவர்களின் நிலை பரிதாபத்திற்குரியதாகிவிடும். அக்கப்பல் ஓட்டையாயிருப்பின் அவன் அதனை விட்டு விடுவான் என்று எண்ணியே அதை ஓட்டையாக்கினேன் என்றார்கள்.

أَمَّا السَّفِينَةُ فَكَانَتْ لِمَسَاكِينَ يَعْمَلُونَ فِي الْبَحْرِ فَأَرَدتُّ أَنْ أَعِيبَهَا وَكَانَ وَرَاءَهُم مَّلِكٌ يَأْخُذُ كُلَّ سَفِينَةٍ غَصْبًا

 ‘அம்மரக்கலம் கடலில் வேலை செய்யும் ஏழைகள் சிலருக்குச் சொந்தமானது; எனவே நான் அதை (ஓட்டையிட்டு)ப் பழுதாக்க விரும்பினேன்; (ஏனெனில்) அவர்களுக்குப் பின்னால் (கொடுங்கோலனான) ஓர் அரசன் இருந்தான்; அவன் (பழுதில்லா) மரக்கலங்களையெல்லாம் பலவந்தமாக எடுத்துக் கொள்கிறான்.  – 18:79.

இரண்டாவதாக ஒரு சிறுவனை நான் கொன்றேன். அதற்குக் காரணம் அவனின் பெற்றோர் இருவரும் முஃமின்களாய் இருக்கின்றனர். ஆனால் அவனோ காஃபிர் ஆவான்.(அச்சிறுவன் பெயர் ஷம்வூன் என்றும், ஐயூர் என்றும், ஐயூன் என்றும் மூன்றுவிதமாகக் கூறப்படுகிறது)

அவன் வாலிபனாகியபின் அக்கிரமக்காரனாகி, தம் பெற்றோர் இருவரையும் காபிர்களாகவும், அக்கிரமக்காரர்களாகவும் ஆக்கிவிடுவானோ என்று அஞ்சியே நாம் அவனை கொன்றோம்.

وَأَمَّا الْغُلَامُ فَكَانَ أَبَوَاهُ مُؤْمِنَيْنِ فَخَشِينَا أَن يُرْهِقَهُمَا طُغْيَانًا وَكُفْرًا

 ‘(அடுத்து) அந்த சிறுவனுடைய தாய், தந்தையர் இருவரும் முஃமின்களாக இருக்கிறார்கள்; அவன் (வாலிபனாகி) அவ்விருவரையும் வழிகேட்டிலும், குஃப்ரிலும் சேர்த்து விடுவான் என்று நாம் பயந்தோம்.   – 18:80.

فَأَرَدْنَا أَن يُبْدِلَهُمَا رَبُّهُمَا خَيْرًا مِّنْهُ زَكَاةً وَأَقْرَبَ رُحْمًا

 ‘இன்னும், அவ்விருவருக்கும், பரிசுத்தத்திலும் (பெற்றோரிடம்) அன்பு செலுத்துவதிலும் சிறந்திருக்க கூடிய (ஒரு மகனை) அவ்விருவருடைய இறைவன் (கொலையுண்டவனுக்குப்) பதிலாக கொடுப்பதை நாம் விரும்பினோம்.  – 18:81.

அப்பையன் இறந்தபிறகு இறைவன் அப்பெற்றோருக்கு ஒரு பெண் குழந்தையைக் கொடுத்தான். அப்பெண்ணை ஒரு நபி மணந்து கொள்ள அவனின் சந்ததியில் 70 நபிமார்கள் தோன்றினர் என்று ஹழ்ரத் இப்னு அப்பாஸ் ரலியல்லாஹு அன்ஹு அவர்கள் கூறுகின்றனர்.

அப்பெண்ணை மணந்து கொண்ட நபி ஷம்வீல் என்றும் ஷம்வூன் என்றும் இருவிதமாகக் கூறப்படுகிறது.

மூன்றாவதாக> கீழே விழும் நிலையிலுள்ள சுவரை நிலைநிறுத்;தியதற்கு காரணம்..

وَأَمَّا الْجِدَارُ فَكَانَ لِغُلَامَيْنِ يَتِيمَيْنِ فِي الْمَدِينَةِ وَكَانَ تَحْتَهُ كَنزٌ لَّهُمَا وَكَانَ أَبُوهُمَا صَالِحًا فَأَرَادَ رَبُّكَ أَن يَبْلُغَا أَشُدَّهُمَا وَيَسْتَخْرِجَا كَنزَهُمَا رَحْمَةً مِّن رَّبِّكَ ۚ وَمَا فَعَلْتُهُ عَنْ أَمْرِي ۚ ذَٰلِكَ تَأْوِيلُ مَا لَمْ تَسْطِع عَّلَيْهِ صَبْرًا

‘இனி: (நான் நிமிர்த்து வைத்த) அந்த சுவர் அந்தப் பட்டிணத்திலுள்ள அநாதைச் சிறுவர் இருவருக்குரியது; அதன் அடியில் அவ்விருவருக்கும் சொந்தமான புதையல் உள்ளது; அவ்விருவருடைய தந்தை (ஸாலிஹான) நல்ல மனிதராக இருந்தார்;. எனவே, அவ்விருவரும் தக்க பிராயமடைந்த தம்மிருவரின் புதையலையும் வெளிப்படுத்தி (எடுத்துக்) கொள்ள வேண்டும் என உம்முடைய இறைவன் நாடினான். (இவையெல்லாம்) உம் இறைவனுடைய ரஹ்மத்தில் நின்றும் உள்ளவை; என் விருப்பு, வெறுப்பின்படி எந்தக் காரியத்தையும் செய்யவில்லை; எதைப் பற்றி நீர் பொறுமையாக இருக்க முடியவில்லையோ அதன் விளக்கம் இது தான்’ என்று கூறினார். -18:82.

இம்மூன்றில் எதனையும் என் விருப்பத்திற்கேற்ப செய்யவில்லை. உம்மால் பொறுத்துக் கொள்ள முடியாத என் செயல்களின் உட்பொருட்கள் இவைதாம் என்று கூறினர்.

தம் தவற்றுக்கு வருந்தி மூஸா அலைஹிஸ்ஸலாம் அவர்கள் கண்ணீர் உகுத்தார்கள். அதன்பின் கிலுறு அலைஹிஸ்ஸலாம் அவர்களை நோக்கி உங்களுக்கு அல்லாஹுத்தஆலா எக்காரணத்திற்காக மறைவானவற்றை அறியும் ஆற்றல் வழங்கினான் என்று கேட்டார்கள்.

அல்லாஹ்வின் திருப்பொருத்தத்தைப் பெறுவதற்காக பாவங்கள் செய்யாது தவிர்ந்து கொண்டேன் என்பதற்காக என்று விடையளித்தார்கள்.

தமக்கு அறிவுரை கூறுமாறு வேண்டிய மூஸா அலைஹிஸ்ஸலாம் அவர்களுக்கு கிலுறு அலைஹிஸ்ஸலாம் அவர்கள் கூறியவை:

பிறரிடம் தர்க்கம் செய்வதற்காக கல்வி கற்க வேண்டாம். கற்றபடி செயலாற்றுவதற்காக கல்வி கற்கவும். கற்றபடி செயலாற்றாவிடின் எவ்வித பயனும் ஏற்படாது. பிறருக்குத்தான் அது பயன்படும்.

பிறருக்கு நன்மை செய்வீராக! பிறருக்கு ஒருபோதும் தீங்கிழைக்க வேண்டாம்.

முகத்தை மலர்ச்சியுடன் வைத்திருப்பீராக!

அழிவு வேலையில் இறங்க வேண்டாம்.

தாம் செய்த தவற்றினை எண்ணி மனம் வருந்தி ஒருவர் மன்னிப்பு கோரிய பின்னர், நீர் மீண்டும் அவரிடம் அத்தவற்றை எடுத்துரைத்து அவரை இழிவுபடுத்த வேண்டாம்.

வாழ்நாளெல்லாம் உம் பாவங்களை எண்ணி அழுது கொண்டிருப்பீராக!

மறுமைக்கான தேட்டத்திலேயே உம்முடைய முயற்சிகள் அமைந்திருக்கட்டும்.

வியப்புக்குரியவை நிகழ்ந்தாலன்றி வேறு காரணங்களுக்காக சிரிக்க வேண்டாம்.

உமக்கு தேவையற்ற அலுவல்களில் நீர் தலையிட வேண்டாம்;.

இன்றைய அலுவலை நாளை செய்யலாம் என்று தள்ளிப் போட வேண்டாம்.

அதன்பின்னர் ஹழ்ரத் கிள்ரு அலைஹிஸ்ஸலாம் அவர்கள் தமக்கு அறிவுரை பகருமாறு நபி மூஸா அலைஹிஸ்ஸலாம் அவர்களை வேண்டினார்கள்.

அல்லாஹ்விற்காக அன்றி வேறெவருக்காகவும் எவர்மீதும் சினமுற வேண்டாம்.

உலகத்தின் மீது பற்று கொள்ள வேண்டாம். பற்று கொண்டால் அது இறைநம்பிக்கையை உள்ளத்திலிருந்து போக்கடித்து இறைவனுக்கு மாறு செய்யும் தன்மையை உள்ளத்தில் புகுத்தி விடும்.

சுமார் பதினெட்டு நாட்களுக்குப் பின்னர் இருவரும் தத்தம் வழியே பிரிந்து சென்றனர்;.

கௌதுல் அஃலம் ரலியல்லாஹு அன்ஹுவுடன்:

கானகமொன்றில் புரூஜுல் அஜமி என்னும் பழங்கால கோட்டையில் முஹ்யித்தீன் அப்துல் காதிர் ஜீலானீ ரலியல்லாஹு அன்ஹு அவர்கள் கடும் தவம் செய்து கொண்டிருந்தவேளை, தமக்கு இனி எவரேனும் உணவு கொண்டுவந்து ஊட்டினாலேயன்றி தாம் உணவு உண்பதில்லை என்று தீர்மானித்தவர்களாய் இருந்த நேரம்.

தம் மனதுடன் போராடிக் கொண்டிருந்த நேரத்தில் ஷைகு அபூ ஸயீது முகர்ரமீ ரலியல்லாஹு அன்ஹு அவர்கள் தம் இருப்பிடத்திற்கு வருமாறு அழைத்துச் சென்றனர்.

அவ்விடத்திற்கு போகலாமா வேண்டாமா? என்று திணறிக் கொண்டிருந்த வேளையில் ஹழ்ரத் கிள்ரு அலைஹிஸ்ஸலாம் அவர்கள் அங்கு வந்து, அப்துல் காதிரே! அழைப்பை ஏற்று அங்குச் செல்வீராக! என்று கூறிவிட்டுச் சென்றார்கள்.

பிற்காலத்தில் ஹழ்ரத் அப்துல் காதிர் ஜீலானி ரலியல்லாஹு அன்ஹு அவர்கள் பக்தாதில் தங்கியிருந்து மக்களுக்கு ஆன்மீகச் சொற்பொழிவுகள் நிகழ்த்தி வந்தனர். அப்போது அவர்களின் பேச்சைக் கேட்க ஹிழ்ரு அலைஹிஸ்ஸலாம் அவர்கள் வருவது நீங்காத வழக்கமாக இருந்தது.

கிள்று அலைஹிஸ்ஸலாம் பற்றி நபி ஸல்லல்லாஹு அலைஹி வஸல்லம் அவர்கள்:

ஒருநாள் பனீஇஸ்ரவேலர்களின் கடைத்தெரு வழியே கிள்று அலைஹிஸ்ஸலாம் அ வர்கள் சென்று கொண்டிருந்தனர். அவர்களிடம் ஒரு  மனிதன் வந்து யாசகம் கேட்டான். அதற்கு கிள்று நபி, ‘உமக்கு கொடுக்க என்னிடம் ஏதுமில்லை. என்னை விற்று காசாக்கி கொள் என்றார்கள்.

அவ்வாறே அம்மனிதனும் அவரின் கையைப் பிடித்துக் கொண்டுபோய் கடையில் 400 திர்ஹத்திற்கு விற்று பணத்தை வாங்கிக் கொண்டான்.

பின்னர் கிள்று அலைஹிஸ்லஸாம் அவர்கள் தம்மை விலை கொடுத்து வாங்கியவனிடம் எனக்குரிய வேலையைக் கூறும்படியாக வேண்டினாhர்கள்.

அதற்கு அவன் மிகப்பெரும் பாறையை சுட்டிக் காட்டி மற்றொரு இடத்தில் போடவேண்டும் என்று வேண்டிக் கொண்டான். ஆறுபேர் நாள் முழுவதும் முயன்றாலும் அகற்ற முடியாததை ஒரு சாஅத் நேரத்தில் தூக்கி போட்டு விட்டார்கள்.

அதன்பிறகு தான்  வெளியூர் செல்வதாகவும் தமக்குப் பகரமாக வீட்டில் இருந்து வரும்படியும் சொன்னான். மேலும் சில வேலைகளையும் கொடுத்து விட்டு சென்றான். அவன் திரும்பி வரும்போது அவை அனைத்தையும் செய்து முடித்து இருந்தார்கள். வந்தவன் இதைக் கண்டு நீங்கள் யார்? என்று விசாரித்தான்.

அவர்கள் நான் அடிமைத்தனத்திலுள்ள கிள்று ஆவேன் என்று சொன்னார்கள். அதன்பின் தம்மிடம் யாசகம் கேட்டவர்க்கு தான் கொடுத்த விசயத்தை சொன்னார்.

அதுகேட்ட அம்மனிதன் கிள்று நபி அவர்களிடம் மன்னிப்பு வேண்டி அவர்கள் கரம் பற்றி இஸ்லாமானதும் மட்டுமில்லாமல் அவர்களை விடுதலை செய்து 400 தீனாரும் கொடுத்தனுப்பினான்.

அல்லாஹுத்தஆலா கிலுறு நபிக்கு வஹீ அறிவித்தான்.

அடிமைத்தனத்திலிருந்து உம்மை விடுவித்தோம். உம்முடைய கரம் ப்றறி காபிரனவனை முஸ்லிமாக்கினோம். நானூறு திர்ஹத்திற்;குப் பதிலாக 400 தீனார் உமக்கு கொடுத்தோம். அல்லாஹ்வின் மீது தவக்கல் வைப்பவன் இழப்பை அடைய மாட்டான் என்று.

இந்நிகழ்ச்சி நபிகள் நாயகம் ஸல்லல்லாஹு அலைஹி வஸல்லம் அவர்கள் அறிவித்ததாக அபீ அமாமத்துல் பாகிலி ரலியல்லாஹு அன்ஹு அவர்கள் அறிவிக்கிறார்கள்.

ஹழ்ரத் இப்றாஹீம் இப்னு அத்ஹம் ரலியல்லாஹு அன்ஹு அவர்களுடன்:

பல்கு நாட்டு ஆத்மஞானி இப்றாஹீம் இப்னு அத்ஹம் ரலியல்லாஹு அன்ஹு அவர்கள் தங்கள் அரசவையில் இருக்கும்நேரம், ஒருவர் உள்ளே நுழைந்து அங்குமிங்கும் உலா வந்து கொண்டிருந்தார். மன்னருக்கு உhயி மரியாதை கொடுக்கவில்லை. அவரை நோக்கி இப்றாஹீம் இப்னு அத்ஹம், நீர் யார்? எங்கே வந்தாய்? என்று அதட்டினார்கள்.

அப்போது அவர் இந்த சத்திரத்தில் ஒருநாள் தங்கிவிட்டு செல்லலாம் என்று வந்தேன் என்று சொன்னார். இது சத்திரமா? இது அரண்மனையல்லவா! என்று கூறினார்கள்.

அப்படியா? இது சத்திரமில்லையாயின் உமக்கு முன் இங்கு யார் வாழ்ந்தார்? என்றார்கள். மன்னர் எனது தந்தை என்றதும், அதற்கு முன், எனது தந்தையின் தந்தை, அதற்குமுன், தந்தையின் தந்தையின் தந்தை என்று சொன்னதும் அப்போ இது சத்திரம்தானே! என்று வந்தவர் சொன்னார்.

மன்னரின் சிந்தனையைத் தூண்டி உலக மாயையை துறந்து ஆன்மீகத்தில் ஈடுபட இதுவே தூண்டுதலாக அமைந்தது.

இறுதியாக ஓரிடத்தில் அவர்களைக் கண்டு> நீங்கள் யார்? என்று கேட்டார்கள். நான் கிள்று என்று அவர் விடையளித்தார்.

மற்றொரு தடவை மன்னர் பட்டுமெத்தையில் படுத்துறங்குகையில், மாடியில் ஒருவர் உலாவும் சப்தம் கேட்டு அது யார் என்று கேட்டார் மன்னர்.

அங்கிருந்து உங்களுக்கு தெரிந்தவர்தான் என்று சொன்னார்.

அறிமுகமானவரோ, அறிமுகமில்லாதவரோ உமக்கு மாடியில் என்ன வேலை என்ன என்று கேட்டார்கள். எனது ஒட்டகையை காணவில்லை. அதான் தேடிக் கொண்டு வந்தேன் என்றார்கள்.

அதுகேட்ட மன்னர், ஒட்டகம்  என் அரண்மனையின் முகட்டிலா மேயவந்தது? என்று கேட்டார்கள்.

பஞ்சுமெத்தையில் படுத்துக் கொண்டு நீர் இறைவனைத் தேடும் போது நான் காணாமற் போன ஒட்டகத்தை இங்கு வந்து தேடக் கூடாதா? என்று சொன்னார்.

இந்தபதில் இப்றாஹீம் இப்னு அத்ஹமை திக்குமுக்காடச் செய்தது. பேச நாஎழவில்லை. அதன்பின் அவர்கள் அனைத்தையும் துறந்து காடு செல்ல ஆரம்பித்தனர். அப்போது வழியில் ஒருவர் தென்பட்டு> இஸ்முல் அஃலத்தை அவர்களுக்கு கற்றுக் கொடுத்து பசி எடுப்பின் இதை ஓதி இறைவனிடம் இறைஞ்சினால் உம்முடைய பசி தீரும் என்று சொன்னார்கள்.

இஸ்முல் அஃலத்தை உச்சரித்தவண்ணம் அனல்பறக்கும் பாலைவனப்பகுதியில் நடந்து சென்றார்கள். வழியில் மற்றொரு மனிதரைக் கண்டார்கள்.

அவர் அவர்களை நோக்கி ‘இப்றாஹீமே! உம்மை வழியில்  சந்தித்து உமக்கு இஸ்முல் அஃலத்தை போதித்தவர் எவர் என்பதை நீர் அறிவீரா?’ என்று வினவினார். அதற்கவர் தெரியாது என்று பதிலுறுத்தார்கள்.

அவர்தாம் என்னுடைய சகோதரர் இல்யாஸ்  அலைஹிஸ்ஸலாம் அவர்கள் என்றார்கள்.

அவ்விதமாயின்; தாங்கள் யார்? என்று வினவினார்கள் இப்றாஹீம் இப்னு அத்ஹம் அவர்கள்.

அதற்கவர் ‘நான் கிள்று ஆவேன்’ என்று கூறினார்.

கிள்று அலைஹிஸ்ஸலாம் அவர்கள் அவர்களிடம் நான் தங்களிடம் இருந்து உறவாட வந்தேன்’ என்று கூறினார்.

அதுகேட்ட இப்றாஹீம் இப்னு அத்ஹம் ரலியல்லாஹு அன்ஹு அவர்கள் நான் அல்லாஹ்வுடனே அன்றி வேறு எவரிடமும் நட்புறவாட விரும்பவில்லை’ என்று கூறிவிட்டார்கள்.

அப்பொழுது அவர்களுக்கு கிள்று அலைஹிஸ்ஸலாம் அவர்கள் பைஅத் வழங்கினார்கள் என்று வேறொரு வரலாறு கூறுகிறது.

கிள்று அலைஹிஸ்ஸலாம் அவர்கள் ஆதம் அலைஹிஸ்ஸலாம் அவர்களின் புதல்வர் எனவும் தஜ்ஜால் வரும்போது அவனைப் பொய்ப்பிக்கும் வரை இவர்களின் வயது அதிகப்பட்டிருக்கிறது என்பதாகவும் ஹழ்ரத் இப்னு அப்பாஸ் ரலியல்லாஹு அன்ஹு அவர்கள் கூறியுள்ளார்கள்.

ஹழ்ரத் ஹக்கீமுத் திர்மிதீ ரலியல்லாஹு அன்ஹு அவாக்ள், தம்முடைய நூலான நவாதிர் என்னும் நூலில் ஹழ்ரத் கிள்று அலைஹிஸ்ஸலாம் அவர்கள் உயிருடனுள்ளார்கள் என்பது பற்றி தெளிவு படுத்துகின்றார்கள்.

தப்ஸீர் பகவியிலோ நபிமார்களில் நால்வர் உலகமுடிவு நாள்வரை உயிருடன் இருப்பர். அவர்களுள் கிள்று, இல்யாஸ் அலைஹிமிஸ்ஸலாம் ஆகியோர் இப்புவியில் வாழ்கின்றனர். கிள்று அலைஹிஸ்ஸலாம் அவர்கள் கடலிலும், இல்யாஸ் அலைஹிஸ்ஸலாம் அவர்கள் கரையிலும் இருக்கின்றனர். இவர்களின் உணவு காளானும், கீரையும் ஆகும். இத்ரீஸ், ஈஸா அலைஹிமிஸ்ஸலாம் ஆகிய இரு நபிமார்கள் விண்ணகத்தில் இருக்கின்றார்கள் என்று எழுதப்பட்டுள்ளது.

ஹழ்ரத் அல்ஹர்வீ ரலியல்லாஹு அன்ஹு அவர்கள் கிள்று அலைஹிஸ்ஸலாம் அவர்கள் பலமுறை அண்ணல் நபி ஸல்லல்லாஹு அலைஹி வஸல்லம் அவர்களைச் சந்தித்ததாக கூறியுள்ளார்கள்.

கிள்று அலைஹிஸ்ஸலாம் அவர்கள் அண்ணல் நபி ஸல்லல்லாஹு அலைஹி வஸல்லம் அவர்களின் தோழராக இருந்தார்களென்று பல ஹதீதுகள் ரிவாயத்துச் செய்யப்பட்டுள்ளன என பஸ்லுல் கிதாபில் தெரிவிக்கப்பட்டுள்ளது.

அத்தஃரீபு வல்இஃலாம் என்னும் நூலில் இமாம் ஸுன்ஹலீ ரலியல்லாஹு அன்ஹு அவர்கள்,

‘ஹழ்ரத் கிள்று அலைஹிஸ்ஸலாம் அவர்களும், ஹழ்ரத் இல்யாஸ் அலைஹிஸ்ஸலாம் அவர்களும் திருக்குர்ஆன் அதன் ஏட்டை விட்டு அகற்றப்படும் காலம்வரை உயிர் வாழ்ந்து மரணிப்பார்கள்.

கிள்று அலைஹிஸ்ஸலாம் அவர்கள் பாரசீக நாட்டைச் சேர்ந்தவர். ஹழ்ரத் இல்யாஸ் அலைஹிஸ்ஸலாம் அவர்கள் அவர்பனா இஸ்ராயீல் கோத்திரத்தைச் சார்ந்தவர்.

இவ்விருவரும் ஆண்டிற்கு ஒருமுறை சந்தித்து,

மாஷா அல்லாஹ்

லா யஸூகுல் கைர இல்லல்லாஹ்

மாஷா அல்லாஹ்

லா யஸ்ரியுஸ் ஸூஅ இல்லல்லாஹ்

மாஷா அல்லாஹ்

மா கான மின் நிஃமத்தின் மினல்லாஹி

மாஷா அல்லாஹ்

லா ஹவ்ல வலாகுவ்வத்த இல்லா பில்லாஹி

என்று கூறிப் பிரிகின்றனர்.

இதனை நாள்தோறும் காலையிலும், மாலையிலும் மூன்று முறை ஓதுபவர்கள் நீரில் மூழ்கி இறத்தல், களவு கொடுத்தல், ஷைத்தானின் தீங்கு, பாம்பு கடித்தல், தேள் கொட்டுதல் ஆகிய தீங்குகளை விட்டும் தவிர்ந்திருப்பர் என்று கூறப்பட்டுள்ளது.

இப்னு அரபி ரலியல்லாஹு அன்ஹுவுடன்:

ஹழ்ரத் கிள்று அலைஹிஸ்ஸலாம் அவர்களை பலமுறை சந்தித்ததாக இப்னு அரபி ரலியல்லாஹு அன்ஹு அவர்கள் (ஹி;ஜ்ரீ560-638)தெரிவிக்கிறார்கள்.

  1. நான் ஆத்மீகத் துறையில் அடியெடுத்து வைத்த புதிதில் செவில்லிக்கு அபூ ஜஃபர் அல்யூர்யானீ என்ற இறைநேசச் செல்வர் வந்தார்கள்.

அவர்களுடன் எனக்கு ஒருவரின் ஆன்மீக நிலையை பற்றி கருத்து வேறுபாடு ஏற்பட்டது. அவருடன் வாதித்து விட்டு நான் வெளியே வந்தபோது ஹிள்று அலைஹிஸ்ஸலாம் அவர்களை சந்தித்தேன். அப்போது அவர்கள் ஷைகுல் உர்யானீ கூறியதே சரியென்றும் நான் கூறியது தவறு என்றும் அவர்கள் என்னிடம் எடுத்துரைத்தார்கள்.

  1. தூனிஸ் நகரில் கிளுறு அலைஹிஸ்ஸலாம் அவர்களுடன் இப்னு அரபி ரலியல்லாஹு அன்ஹு அவர்களுடன் இரண்டாவது சந்திப்பு ஏற்பட்டது. தூனிஸ் நகரத்திலுள்ள ஒரு கப்பலின் ஓரத்தில் நான் கடலைப் பார்த்து கொண்டிருந்தேன். அப்போது கிளுறு அலைஹிஸ்ஸலாம் அவர்கள் கடலின் மீது நடந்து வந்தார்கள். தங்கள் காலை கப்பலில் வைத்தார்கள். அவர்களின் கால்கள் நனைந்திருக்கவில்லை. என்னிடம் சற்று நேரம் உரையாடிவிட்டு சென்று விட்டனர்.

அங்கிருந்து இரண்டு மைல் தொலைவில் கலங்கரை விளக்கமொன்று இருந்தது. அதனை அவர் இரண்டு அல்லது மூன்று எட்டில் சென்றடைந்தார். அங்கிருந்து அவர் இறைவனைத் துதி செய்து கொண்டிருந்த ஒலி என் செவிகளிற் கேட்டது.

  1. இப்னு அரபி ரலியல்லாஹு அன்ஹு அவர்கள் தனிமையைப் பெரிதும் விரும்பினர். அச்சயமத்தில் அவர்கள் முன் கிள்று அலைஹிஸ்ஸலாம் அவர்கள் வந்து அவர்களுக்கு பைஅத்தும், கிர்க்காவும் வழங்கிச் சென்றனர். அதன்பின் அவர்களுக்கு இஸ்முல் அஃலம் தெரியலாயிற்று.

அதன்பின் இவ்விருவர்களுக்கும் அடிக்கடி சந்திப்புகள் நிகழ்ந்தன.

இச்செய்தியை தம்முடைய புத்துஹாத்துல் மக்கிய்யா என்ற தமது நூலில் தெரிவிக்கின்றனர்.

அல்தனஸ்ஸுலாத்தும் மௌஸிய்யா என்ற நூலிலும் தமக்கு கிள்று அலைஹிஸ்ஸலாம் அவர்களுடன் ஏற்பட்ட சந்திப்பைப் பற்றிக் குறிப்பிடுகிறார்கள்.

ஷாதுலி நாயகம் ரலியல்லாஹு அன்ஹுவுடன்:

ஷாதுலிய்யா தரீகாவின் மூலவரான இமாம் அபுல் ஹஸன் ஷாதலி அவர்களைக் காண்பதற்காக கிள்று அலைஹிஸ்ஸலாம் அவர்கள் அடிக்கடி வருபவர்களாக இருந்தார்கள். அவர்களின் வலப்புறத்தில் அமரும் வழக்கமுடையவர்களாக இருந்தார்கள். ஷாதலி நாயகம் எழுந்திருப்பின் கிளுறு அலைஹிஸ்ஸலாம் அவர்களும் எழுந்திருப்பார்கள். அவர்கள்  தம் தியான அறைக்குச் சென்றால் அதன் வாயில்வரை கிள்று அலைஹிஸ்ஸலாம் அவர்களும் செல்வார்கள்.

ஒருநாள் ஒருவர் ஷாதலி நாயகத்திடம் வந்து கிள்று அலைஹிஸ்ஸலாம் அவர்கள் உயிருடன் இருக்கிறார்களா? என்று வினவினார்.

அதற்கு நாயகமவர்கள் ‘நீர் ஃபகீஹ் நாஸிருத்தீன் அம்பாரியிடம் செல்லும். அவர் கிள்று அலைஹிஸ்ஸலாம் அவர்கள் உயிரோடுள்ளார் என்றும், அவர் நபிமார்களில் ஒருவர் என்றும் ஃபத்வா வழங்குவார் என்றும்,

ஐதாபுக் காட்டில் நான் அவர்களை எத்தனையோ தடைவ எனது இந்தக் கை கொண்டு முஸாபஹா செய்துள்ளேன். அப்போது அவர் என்னை நோக்கி, ‘அபுல் ஹஸனே! இறைவன் உமக்கு அருள் பாலிப்பானாக! காட்டிலும், மேட்டிலும், மலையிலும், கரையிலும் உமக்குத் துணை நிற்பானாக! என்று கூறி துஆச் செய்தார்கள். அவரின் கலிமா விரலும் நடுவிரலும் ஒரே நீளமுடையதாக இருக்க நான் கண்டேன்’ என்று கூறியுள்ளார்கள்.

ஷஅதி ரலியல்லாஹு அன்ஹு அவர்களுடன்:

ஷஅதி அவர்கள் ஹிஜ்ரி571-691(கி.பி1184-1304) ல் வாழ்ந்த மாபெரும் இறைநேசர் ஆவார்கள். இவர்கள் மக்காவில் புனிதப் பயணிகளுக்கு நீர் இறைத்துக் கொடுக்கும் பணியை செய்து வந்தனர். அப்பொழுது அவர்கள் ஒருநாள் கிலுறு அலைஹிஸ்ஸலாம் அவர்களை சந்தித்தனர்.

அவர்கள் ஷைகு ஷஅதியின் வாயில் ஜீவநீரை ஊற்றினார்கள். இந்நிகழ்ச்சியை ஒருவர் நம்பவில்லை. இந்நிலையில் அவர் கனவொன்று கண்டார். அதில், சுவனத்தின் வாயில்கள் அனைத்தும் திறக்கப்பட்டிருந்தன. அவை எவருக்காகத் திறக்கப்பட்டுள்ளன? என்று அவர் வினவ, அவை ஸஅதிக்காக என்று ஒரு வானவர் பதில் அளித்தார்.

உலகப் புகழ்பெற்ற பாரசீகக் கவிஞர் அமீர் குஸ்ரு, ஜீவநீரைத் தமக்கும் தருமாறு வேண்டினர்.

அப்பொழுது ஷஅதி அதனை நான் ஹாஃபிஸுக்குக் கொடுத்து விட்டேன் என்று கூறினார்கள்.

இந்நிகழ்ச்சி பாரசீகக் கவிஞர் ஜாமி எழுதிய அமீர் குஸ்ருவின் வரலாற்றில் குறிப்பிடுகிறார். இந்த ஹாஃபிஸ் என்ற ஜாமி அவர்கள் இறைக்காதலைக் குறிப்பிட்டு 569 செய்யுட்களில் அவர் எழுதிய தீவான் என்னும் நூல் பிரசித்திப் பெற்றதாகும்.

நபி இஸ்ஹாக் அலைஹிஸ்ஸலாம்

நபி இப்ராஹீம் அலைஹி வசல்லம் அவர்களது இரண்டாவது புதல்வரான நபி இஸ்ஹாக்  அலைஹிஸ்ஸலாம் அவர்கள். இஸ்ஹாக் என்றால் சிரிப்பவர் என்று பொருளாகும். இவர்கள் ஆஷூரா நாளில் சாரா அம்மையாருக்கு பிறந்தார்கள். உருவத்தில் தம் தந்தையை பெரும்பாலும் ஒத்திருந்தனர்.

திருமறையில் அல்லாஹ் குறைவான இடங்களில் நபி இஸ்ஹாக்  அலைஹிஸ்ஸலாம் அவர்கள் வரலாறை குறிபிட்டாலும் அல்லாஹ் அந்த வரலாறை நபி இப்ராஹீம் அலைஹிஸ்ஸலாம் அவர்களுடன் இணைத்தே குறிப்பிடுகிறான் .

நபி இப்ராஹீம் அலைஹிஸ்ஸலாம் அவர்கள் ஒருநாள், சிலரை மலக்குகள்  என்று அறியாமல் அழைத்து கறிசமைத்து விருந்து கெடுத்தார். அவர்கள் பேசிகொண்டே இருக்கிறார்கள். ஆனால் அவர்களின் கை உணவின் பக்கம் நெருங்கவில்லை அந்த சமயத்தில் நமது தந்தை இப்ராஹீம் அலைஹிஸ்ஸலாம் அவர்கள் சற்று அச்சம் கொள்கிறார்கள் அவர்களிடம் நீங்கள்  யார் ஏன் இங்கு வந்தீர்கள் என்று வினவ தொடங்கிவிட்டார். அதற்கு அந்த மலக்குகள் நபி இப்ராஹீமே அச்சமுற வேண்டாம். நங்கள் இருவரும் மலக்குகள் நாங்கள் உனது சகோதரனின் மகனான லூத் அலைஹி வசல்லம் அவர்களது சமூகத்தை அழிக்க அல்லாஹ் எங்களை அனுப்பியிருக்கிறான் என்று கூறினார்கள்.

மேலும் அல்லாஹ் உங்களுக்கு ஒரு சுப செய்தி கூற சொன்னான் அது என்ன வென்றால் உங்களுக்கு சாரா அம்மையாருக்கும் ஒரு அழகான மகன் பிறப்பான். அவரது பெயர் நபி இஸ்ஹாக்  அலைஹிஸ்ஸலாம். மேலும்  அல்லாஹ் பல நபிமார்கள் இவர்களது சந்ததியினர்களில்  உருவாவார்கள் என்றார்கள் .அப்போது இவர்களுக்கு வயது அதிகமாக இருந்ததால் ஆச்சரியப்பட்டுப் போனார்கள்.

இவர்களின் தாயார் ஸாரா அம்மையார் தமது 130ஆவது வயதில் காலமாயினர்.

இவ்வாறு நபி இஸ்ஹாக்  அலைஹிஸ்ஸலாம் அவர்களை பற்றி சுபச்செய்தி செய்த மலக்குகளிடம் நமது தந்தை இபுறாஹீம் அலைஹிஸ்ஸலாம் அவர்கள் லூத் அலைஹிஸ்ஸலாம் அவர்களின் சமூகத்தை பற்றி தர்க்கம் செய்ய தொடங்கினார்கள். ஏன் ஏன்றால் லூத் அலைஹிஸ்ஸலாம் அவர்கள் இப்ராஹீம் அலைஹிஸ்ஸலாம் அவர்களது தம்பி மகன் மேலும் தனது  மனைவி சாரா அம்மையாரின் சகோதரன் என்பதால் சாரா அம்மையாரும்  வருந்த ஆரம்பித்துவிட்டார்கள். மேலும் அங்கு வருகைதந்த மலக்குகள் கூறினார்கள் நபி  இப்ராஹீமே (அலைஹிஸ்ஸலாம்) நீர் இந்த விசியத்தை புறக்கணித்து விடுவீர்களாக! ஏன் என்றால் அல்லாஹுவின் புறத்திலிருந்து கட்டளை வந்துவிட்டது, நிச்சயமாக அவர்கள் தட்டமுடியாத வேதனை அவர்களை வந்தே தீரும் என்று அவர்கள் கூறி சென்றுவிட்டார்கள்.

மேலும் நபி இஸ்ஹாக்  அலைஹிஸ்ஸலாம் அவர்களின்  சந்ததிகளில் தான் நிறைய நபிமார்கள் வந்ததாக மார்க்க அறிஞர்கள் குறிப்பிடுகிறார்கள். இவ்வாறு அல்லாஹ் பல இடங்களில் சிலாகித்து குறிப்பிடுகிறான். மேலும் அல்லாஹ் கூறுகிறான் நபி இஸ்ஹாக்  அலைஹிஸ்ஸலாம் அவர்கள் அல்லாஹுவின் கட்டளையை நிறைவேற்றும் ஆற்றல் பெற்றவராகவும் மேலும் அல்லாஹுவின் மார்க்க நுணுக்கங்களை கண்டறியும் ஆற்றல் பெற்றவராக அல்லாஹ் மேலும் மேலும் இவரை சிலாகித்து கூறுகிறான்.

தம் தந்தையின் ஆணைப்படி கன்ஆன் நாடு சென்று ஓரிறைக் கொள்கையை மக்களுக்கு எடுத்துரைத்தனர். அங்கு தம் மாமன் மகள் ருபக்காவையும் மணமுடித்து வாழ்ந்தனர். 80 வயதாகியும் பிள்ளைப்பேறு இவர்களுக்கு இல்லை.

பின்னர் இத்தம்பதிகளுக்கு இரட்டைக் குழந்தை பிறந்தது. முதலில் பிறந்த குழந்தையின் குதிகாலை கொழுகிக் கொண்டு அடுத்த ஆண்பிள்ளை பிறந்தது. முன்னால் பிறந்ததற்கு முன்னால் பிறந்தது என்று பொருள்படும் ஈசு என்றும், அடுத்தற்கு குதிகாலில் கொழுகி கொண்டு வந்தது என்று பொருள்படும் யஃகூப் என்றும் பெயரிட்டனர்.

தாம் இறைவனைத் தொழுதுவந்த பள்ளியை யஃகூப் அலைஹிஸ்ஸலாம் அவர்களிடம் ஒப்படைத்து விட்டு தங்களது 180வது வயதில் மறைந்தனர். இவர்களின் அடக்கவிடம் இவர்களின் பெற்றோர்களின் அண்மையில் உள்ளது.

ஹழ்ரத் இத்ரீஸ் அலைஹிஸ்ஸலாம்

ஹழ்ரத் ஷீத் அலைஹிஸ்ஸலாம் அவர்களின் நான்காம் தலைமுறையில் எகிப்து நாட்டில் தோன்றிய ஹழ்ரத் இத்ரீஸ் அலைஹிஸ்ஸலாம் அவர்களின் இயற்பெயர் எக்னூஹ் என்றும் குனூஹ் என்றும் சொல்லப்படுகிறது. அரபியில் இவர்கள் பெயர் ஹெர்மிஸ் இத்ரீஸ் அல்முதுல்லுத் பின் பினாத் என்பதாகும். இதன் பொருள் மூன்று பேரருளைப் பெற்றவர் என்பதாகும். தங்களது மூதாதையரின் போதனைகளையும், வழிமுறைகளையும், ஆன்மீக மேம்பாடுகளையும் மக்களுக்கு போதித்து வந்ததால் இத்ரீஸ் என்ற பெயர் வந்தது. இவர்களின் மொழி சுர்யானி ஆகும். இவர்கள் ரஸூலாகவும், நபியாகவும் இருந்தார்கள். இவர்கள் துவக்கத்தில் எகிப்துக்கும், கிரீஸுக்கும் அனுப்பப்பட்ட நபியாகிய காஸீமுன் என்பவர்களின் ஆன்மீக மாணவர்.

இவர்கள் பழுப்பு நிறமுடையவர்களாகவும் நீண்ட உருவினராகவும் பெரிய மீசையும், தாடியும் வைத்திருந்தனர். இவர்கள் தையல் தொழில் செய்து வந்தனர்.

இவர்கள் மீது 30 ஷுஹ்புகள் இறக்கப்பட்டன. நட்சத்திரக் கணக்கை முதன்முதலில் உலகிற்கு கொண்டு வந்தவர்கள் இவர்கள்தான். அதேபோல் மக்களுக்கு எழுதுகோலை கொண்டு எழுதக் கற்றுக் கொடுத்தார்கள். ஆடைகளை தைத்து உடுக்கும் முறையை கற்பித்தார்கள். யுத்தத்தில் உபயோகப்படுத்துவதற்கான ஆயுதங்களை புழக்கத்தில் கொண்டு வந்தார்கள். அல்லாஹ்வின் பாதை போராடியவர்களுள் முதலாமானவர்கள் இவர்கள்தான்.

அல்லாஹ் வழிதவறிய காபீலுடைய சந்ததியினரை நேர்வழிப்படுத்துமாறு கூறி அவர்களுக்கு நபித்துவத்ததைக் கொடுத்தான்.

இத்ரீஸ் நபி காலத்து மக்கள் வானம், பூமி, இதர படைப்புகளை சக்தி மிக்கவை என்று நம்பி செயல்பட்டு வந்தனர்.

தமது சமுதாய மக்களில் 7 பேர்களைத் தேர்ந்தெடுத்து அல்லாஹ்வைப் பற்றி அச்சுறுத்தியும், அவனிடம் எப்படி விசுவாசமாக நடந்து கொள்ள வேண்டும் என்றும் போதித்தார்கள். அவர்கள் இஸ்லாத்தை ஏற்று அதன்படி செயல்பட ஆரம்பித்தனர். பிறகு இவர்களின் எண்ணிக்கை 1000 ஆக பெருகியது.

அவர்களின் 100 பேரை  தேர்ந்தெடுத்தார்கள். அதிலிருந்து 70 பேரை தெரிவு செய்து அதிலிருந்து 10 நபர்களை பொறுக்கி எடுத்துக் கொண்டார்கள்.இத்ரீஸ் நபி அல்லாஹ்விடம் துஆ கேட்க அந்த 10 பேரும் அமீன் சொன்னார்கள். அல்லாஹ் அந்த துஆவை ஏற்றுக் கொண்டு 3 வஹீயை இறக்கினான்.

தம் கால மக்களுக்கு 72 மொழிகளில் போதனை செய்து வந்தார்கள். அவர்கள் வாழ்வதற்காக 100 நகரங்களை நிர்மாணம் செய்து கொடுத்தார்கள். தொழக் கற்றுக் கொடுத்தார்கள். ஒரு மாதத்தில் சில குறிப்பிட்ட நாட்களில் நோன்பு நோற்கவும் கற்றுக் கொடுத்தார்கள். ஜகாத்தும் கொடுத்து வருமாறு வற்புறுத்தினார்கள். கழுதை, பன்றி ஆகியவற்றின் இறைச்சியை உண்ணக் கூடாதென்று தடுத்தனர். பொழுதுபட்டு தலைப்பிறையைக் கண்டபின் இறைவனுக்குப் பலிகொடுக்குமாறு இவர்கள் போதித்தார்கள்.

இத்ரீஸ் அலைஹிஸ்ஸலாம் அவர்கள் அதிகமாக நோன்பு நோற்று வந்தார்கள்.தினமும் 12000 தடவைகளில் தஸ்பீஹ் ஓதி வந்தார்கள். இவர்களது சபையில் வானவர்களும் கலந்து கொள்வார்கள். முப்பது தடவை வானுலகம் சென்று மறைவான பல இரகசியங்களை அறிந்து வந்தார்கள். பின்னால் வரக்கூடிய நபிமார்களைப் பற்றி தம் மக்களுக்கு அறிவித்து வந்தார்கள்.

தமக்குப் பின்னர் வரக்கூடிய நபிமார்களைப் பற்றியும், நூஹ் நபி காலத்தில் வரக்கூடிய பிரளயம் பற்றியும் முன்னறிவிப்பு செய்துள்ளனர்.

பெரும்பாலும் இவர்கள் வாய்மூடியே இருப்பர். பேசினால் நிறுத்தி, நிறுத்திப் பேசுவர் . அப்பொழுது அவர்களின் சுட்டுவிரலை அசைப்பர்.

ஹாரூத் மாரூத் வானவர்களுக்கு நபி கேட்ட துஆ:

மக்கள் அல்லாஹ்வின் கட்டளைக்கு மாறு செய்வதைக் கண்ட வானவர்கள் யா அல்லாஹ் நீ இந்த மனிதர்கள் மீது மாபெரும் கிருபை செய்தும் அவர்கள் உனக்கு மாறு செய்கிறார்களே! நாங்கள் மட்டும் புவியில் இருந்தால் எக்காலமும் உனக்கு மாறு செய்யாமல் இருப்போமே என்று கூறினார்கள்.

அதற்கு நான் மனிதர்களிடத்தில் காம இச்சையையும், மன இச்சையையும் ஏற்படுத்தியுள்ளேன். இந்த இரண்டு குணங்களினால்தான் அவர்கள் பாவங்களை அதிகம் செய்கிறார்கள். இந்த இரண்டு குணங்களை உங்களிடம் ஏற்படுத்தி விடுவேனாயின் நீங்களும் அவர்களைப் போலவே தீமைகள் அதிகம் செய்ய முற்பட்டு விடுவீர்கள் என்று அல்லாஹ் சொன்னான். அதற்கு கண்டிப்பாக நாங்கள் செய்ய மாட்டோம் என்று சொன்னார்கள். அவர்களை சோதிப்பதற்காக வானவர்களிலேயே விசேசமாக இருந்த ஹாரூத், மாரூத் என்ற இரு வானவர்களைத் தேர்ந்தெடுத்து அவர்களுக்கு மனித உருவத்தையும், குணங்களையும் கொடுத்து பூமியில் வாழ அனுமதித்து சில நிபந்தனைகளையும் விதித்தான். அதாவது அவர்கள் பூமியில் வாழும்வரை இறைநிராகரிப்பு, மது அருந்துதல், கொலை செய்தல், விபச்சாரம் செய்தல் போன்ற தீய காரியங்களை செய்யக் கூடாது என்று நிபந்தனை விதித்தான்.

அந்த இருவானவர்களும் பூமியில் பகலெல்லாம் தங்கிவிட்டு இரவு வந்ததும் இஸ்முல் அஃலம் ஓதியவாறு வானத்திற்குச் சென்று இரவு முழுவதும் வணக்கத்தில் ஈடுபட்டு வந்தனர். இப்படியே ஒரு மாதம் கழிந்தது.

وَمَا أُنزِلَ عَلَى الْمَلَكَيْنِ بِبَابِلَ هَارُوتَ وَمَارُوتَ ۚ وَمَا يُعَلِّمَانِ مِنْ أَحَدٍ حَتَّىٰ يَقُولَا إِنَّمَا نَحْنُ فِتْنَةٌ فَلَا تَكْفُرْ ۖ فَيَتَعَلَّمُونَ مِنْهُمَا مَا يُفَرِّقُونَ بِهِ بَيْنَ الْمَرْءِ وَزَوْجِهِ ۚ وَمَا هُم بِضَارِّينَ بِهِ مِنْ أَحَدٍ إِلَّا بِإِذْنِ اللَّهِ ۚ وَيَتَعَلَّمُونَ مَا يَضُرُّهُمْ وَلَا يَنفَعُهُمْ ۚ وَلَقَدْ عَلِمُوا لَمَنِ اشْتَرَاهُ مَا لَهُ فِي الْآخِرَةِ مِنْ خَلَاقٍ ۚ وَلَبِئْسَ مَا شَرَوْا بِهِ أَنفُسَهُمْ ۚ لَوْ كَانُوا يَعْلَمُونَ

இன்னும், பாபில் (பாபிலோன் என்னும் ஊரில்) ஹாரூத், மாரூத் என்ற இரண்டு மலக்குகளுக்கு இறக்கப்பட்டதையும் (தவறான வழியில் பிரயோகிக்கக் கற்றுக்கொடுத்தார்கள்). ஆனால் அவர்கள் (மலக்குகள்) இருவரும் ‘நிச்சயமாக நாங்கள் சோதனையாக இருக்கிறோம் (இதைக் கற்று) நீங்கள் நிராகரிக்கும் காஃபிர்கள் ஆகிவிடாதீர்கள்’ என்று சொல்லி எச்சரிக்காத வரையில், எவருக்கும் இ(ந்த சூனியத்)தைக் கற்றுக் கொடுக்கவில்லை; அப்படியிருந்தும் கணவன் – மனைவியிடையே பிரிவை உண்டாக்கும் செயலை அவர்களிடமிருந்து கற்றுக்கொண்டார்கள். எனினும் அல்லாஹ்வின் கட்டளையின்றி அவர்கள் எவருக்கும் எத்தகைய தீங்கும் இதன் மூலம் இழைக்க முடியாது; தங்களுக்குத் தீங்கிழைப்பதையும், எந்த வித நன்மையும் தராததையுமே – கற்றுக் கொண்டார்கள். (சூனியத்தை) விலை கொடுத்து வாங்கிக் கொண்டவர்களுக்கு மறுமையில் யாதொரு பாக்கியமும் இல்லை என்பதை அவர்கள் நன்கறிந்துள்ளார்கள். அவர்கள் தங்கள் ஆத்மாக்களை விற்றுப்பெற்றுக்கொண்டது கெட்டதாகும். இதை அவர்கள் அறிந்து கொள்ள வேண்டாமா?

ஒரு நாள் இவர்கள் இருவரும் பூமியில் தங்கியிருந்தபோது, ஜொஹ்ரா என்ற அழகிய பெண் இவர்களிடம் வந்து தன் கணவனுடன் சண்டை போட்டுக் கொண்டு வந்துவிட்டதாகவும், தன்னை அவர்கள் காப்பாற்ற வேண்டும் என்று கேட்டுக்கொண்டாள். அவளின் அழகு அவர்களை வசீகரித்து விட்டது. அந்தப் பெண் அடிக்கடி வந்து மனித ரூபத்திலுள்ள இந்த வானவர்களிடம் பழக ஆரம்பித்தாள்.

அவளுடன் உடலுறவு கொள்ள அவ்விருவரும் ஆசைப்பட்டனர். அதற்கு அவள் மது அருந்த வேண்டும், ஒருவரை கொல்ல வேண்டும், விக்கிரகத்தின் முன்னால் தலை வணங்க வேண்டும். பிறகுதான் என்னோடு உடலுறவு கொள்ளலாம் என்று நிபந்தனை விதித்தாள். அதற்கு அல்லாஹ் நமக்கு தடை விதித்திருப்பதால் இதை செய்ய முடியாது என்று சொன்னார்கள். அவள் போய்விட்டாள். ஆனால் அவளின் பிரிவு இவர்களிருவரையும் வாட்டி எடுத்தது. பிறகு இரண்டு, மூன்று முறை அப்பேரழகியை கண்டு தங்கள் இச்சையை தெரிவித்தனர். அவளும் அந்த நிபந்தனைகளை விதித்தாள். இவர்களும் மறுத்ததால் அவள் திரும்பிக் கொண்டிருந்தாள்.

ஒருநாள் அந்தப் பேரழகி மீண்டும் வந்தாள். இச்சமயம் அவளது கையில் ஒரு மதுப்பாட்டில் இருந்தது. அவ்விரு வானவர்களும் அவளை நெருங்கினர். இதையாவது குடியுங்கள் என்று மதுபாட்டிலை அவர்கள் முன் நீட்டினாள். மது அருந்துவது பெரிய குற்றமில்லையே என்று கருதிய அவர்கள் அதை அருந்தத் துவங்கினர். போதை தலைக்கேறியதும், அவளை கட்டிப்பிடிக்க முயற்சிக்கும்போது அந்த அழகி எனக்கு இஸ்முல் அஃலத்தை கற்றுத் தாருங்கள். நானும் வானம் செல்ல ஆசைப்படுகிறேன் என்று கூறினாள். அவர்களும் அந்த அற்புதமான இஸ்முல் அஃலத்தை அவளுக்கு கற்றுக் கொடுத்து உடலுறவு கொண்டனர். இதை ஒருவன் பார்த்து விட்டான். எங்கு அவன் யாரிடமும்சொல்லி விடுவானோ என்று பயந்து அவனை கொல்லவும் செய்தனர். மக்கள் இதைத் தெரிந்து அவர்களை விரட்டி செல்லவே ஒரு கோயிலுக்குள் புகுந்து விக்கிரக ஆராதனை செய்பவர்களோடு சேர்ந்து விக்கிரகத்தின் முன் ஸஜ்தா செய்தனர்.

அந்த ஜொஹ்ரா இஸ்முல் அஃலத்தைக் கொண்டு மூன்றாம் வானம் வரை சென்று விட்டாள். அவளை அல்லாஹ் ஒரு நட்சத்திரமாக்கிவிட்டான். அவளைத் தொடர்ந்து வானவர்கள் இருவரும் வானத்தில் பறக்க முற்பட்டனர். ஆனால் அல்லாஹ் அவர்களின் பறக்கும் சக்தியைப் பிடுங்கிக் கொண்டதால் அவர்களால் பறக்க முடியவில்லை. அப்போதுதான் அவர்களுக்கு தாங்கள் செய்த குற்றங்கள் புரிய ஆரம்பித்தது.

அவ்விருவரும் இத்ரீஸ் அலைஹிஸ்ஸலாம் அவர்களை சந்தித்து விபரங்களை சொல்லி அல்லாஹ்விடம் தங்களை மன்னித்து அருளும்படி செய்ய வேண்டும் என்று வேண்டிக் கொண்டனர். அல்லாஹ்விடம் இத்ரீஸ் நபியும் துஆ கேட்டனர்.

அதற்கு அல்லாஹ் அவர்கள் செய்த குற்றத்திற்கு தண்டனையை இவ்வுலகில் பெற்றுக்கொள்கிறார்களா? மறுமையில் பெற்றுக் கொள்கிறார்களா? என்று கேட்கச் சொன்னான். நபி அவர்களும் கேட்டார்கள். மறுமையில் தண்டனையை எங்களால் பொறுக்க இயலாது. எனவே இம்மையிலேயே தண்டனையை பெற்றுக் கொள்கிறோம் என்று சொன்னார்கள்.

அவர்கள் இருவரையும் பாழும் கிணற்றுக்குள் தலைகீழாக தொங்க விடுமாறு வானவர்களுக்கு கட்டளையிட்டான். அதன்படி வானவர்கள் இராக்கிலுள்ள மிகப் பழைய நகரமான பாபுலில் ஒரு கிணற்றுக்குள் தலை கீழாகத் தொங்கவிட்டனர். அதற்குள் இருந்த தண்ணீருக்கும் அவர்களின் தலைக்கும ஒரு அங்குல இடைவெளி மட்டுமே இருந்தது. அவர்களின் முகங்கள் கருநிறமாக்கப்பட்டன. கண்கள் நீல நிறமாக்கப்பட்டன. தாகத்தால் அவர்கள் உலகின் இறுதிநாள் வரை இப்படியே தொங்கி கொண்டிருப்பார்கள்.

ஒருமுறை ஓருவர் இந்த மலக்குமார்களின் நிலையை பார்த்து விட்டு லாஇலாஹ இல்லல்லாஹு முஹம்மதுர் ரஸூலுல்லாஹ் என்று சொல்லி அனுதாபப்பட்டார். இதைக் கேட்ட அவ்விருவரும் நீங்கள் யார்? என்று கேட்க நான் முஹம்மது நபியின் உம்மத் என்று சொன்னார்.

மலக்குகள் இருவரும் சந்தோஷப்பட்டு முஹம்மது ஸல்லல்லாஹு அலைஹி வஸல்லம் அவர்கள் பிறந்து விட்டார்கள். எனவே இறுதிநாளும் விரைவில் வந்து விடும் நமக்கும் விடுதலை கிடைத்து விடும் என்று மகிழ்ச்சி அடைந்தனர்.

ஒருநாள் ஹழ்ரத் இத்ரீஸ் அலைஹிஸ்ஸலாம் அவர்கள் சென்று கொண்டிருக்கும்போது வெயிலின் உஷ்ணத்தால் மிகவும் அவதிப்பட்டார்கள்.

சூரியன் இவ்வளவு தூரத்திலிருக்கும்போதே நாம் அதன் உஷ்ணத்தை தாங்க முடியவில்லையே! அதனை சுமந்து கொண்டிருக்கும் வானவர் எப்படி தாங்குவார் என்று மனதிற்குள் எண்ணி, யா அல்லாஹ் சூரியனைச் சுமக்கும் வானவருக்கு அதன் உஷ்ணத்தால் சிரமம் ஏற்படாதவாறு அருள் புரிவாயாக! என்று துஆ செய்தார்கள்.

அல்லாஹ் அந்த துஆவை ஏற்றுக் கொண்டு சூரியனைத் தாங்கும் வானவர் மீது கிருபை செய்தான். அந்த வானவர் அல்லாஹ்விடம் இதுபற்றி கேட்டதற்கு இத்ரீஸ் அலைஹிஸ்ஸலாம் அவர்கள் உம்மீது இரக்கம்  கொண்டதால் இது நடந்தது என்று சொன்னான். உடனே அந்நபி மீது அந்த வானவருக்கு அன்பு சுரந்தது. அவர்களைப் பார்க்க வேண்டுமென்று ஆவலும் ஏற்பட்டது.

அந்த வானவரும் பலமுறை முயன்று ஒரு தடவை சந்தித்தார்கள். இஸ்ராயீல் அலைஹிஸ்ஸலாம் அவர்களிடம் தாங்கள் சொல்லி எனது மரணத்தை கொஞ்சம் தள்ளிப் போட சொல்லுங்கள். நான் இன்னும் பூமியில் இருந்து அல்லாஹ்வை அதிகம் வணங்க விரும்புகிறேன் என்று இத்ரீஸ் அலைஹிஸ்ஸலாம் அவர்கள் வேண்டினார்கள்.

அல்லாஹ்வின் உத்திரவு பெற்று அந்த வானவர் இத்ரீஸ் அலைஹிஸ்ஸலாம் அவர்களை சுமந்து சூரியனுக்கருகில் விட்டுவிட்டு, மலக்குல் மவ்த்திடம் வந்து, இத்ரீஸ் அலைஹிஸ்ஸலாம் அவர்களின் மவ்த்தை தள்ளிப் போட வேண்டினார்கள்.

அதற்கு மலக்குல் மவ்த் அது என்னால் ஆகக் கூடியது அல்ல. ஆனால் அவர் இன்னும் எத்தனை நாள் வாழ முடியும் என்று கணக்குப் பார்க்க முடியும் என்று சொன்னார். அவரது மரணம் சூரியனருகில் நிகழும் என்று சொன்னார்.

அவரை நான் சூரியனருகில் விட்டு வந்திருக்கிறேன் என்று சொன்னதும், இஸ்ராயீல் அலைஹிஸ்ஸலாம் அவர்கள் அப்படியானால் அவர் இந்நேரம் மறைந்திருக்க வேண்டுமே! நீங்கள் அவரைப் போய் பாருங்கள் என்று சொன்னார்.

அங்கு போய் பார்த்ததும் இத்ரீஸ் அலைஹிஸ்ஸலாம் அவர்கள் இறந்துவிட்டிருந்தார்கள். ஏழு வானங்களுடைய வானவர்களும் அவர்களை குளிப்பாட்டி ஜனாஸா தொழுகை நடத்தி பைத்துல் மஅமூரில் நல்லடக்கம் செய்தார்கள் என்று திருக்குர்ஆனிலுள்ள 19வது அத்தியாயமான மர்யம் அலைஹிஸ்ஸலாம் பற்றிய விளக்கவுரையில் ஹழ்ரத் அஹ்பார் ரலியல்லாஹு அன்ஹு அவர்கள் கூறியதாக முஆலிமுத் தன்ஜீமில் குறிப்பிடப்பட்டுள்ளது.

மற்றொரு அறிவிப்பின்படி அவர்கள் தம் விருப்பப்படி மவ்த் ஆகி திரும்பவும் உயிர்ப்பெற்று எழுந்தனர். வானுலகம் சென்று சுவர்க்கத்தையும், நரகத்தையும் கண்டு வந்தனர். சுவனத்தைக் கண்டபின் மண்ணகம் வர விருப்பமில்லாமல் இஸ்ராயீல் அலைஹிஸ்ஸலாம் அவர்களுடன் வாதிட்டனர். அல்லாஹ் அவர்களின் விரப்பத்தை நிறைவேற்றினான். விண்ணகத்தில் இன்றுவரை உயிருடன் வாழ்ந்து கொண்டிருக்கிறார்கள் என்றும் காணப்படுகிறது.

ஹழ்ரத் ஆதம் அலைஹிஸ்ஸலாம் அவர்களின் மரணத்தின் போது ஹழ்ரத் இத்ரீஸ் அலைஹிஸ்ஸலாம் அவர்களுக்கு வயது 100. அதன்பிறகு 200 வருடங்கள் கழித்துதான் அல்லாஹ் அவர்களுக்கு நுபுவ்வத் வழங்கினான். 150 வருடங்கள் நபியாக மக்களுக்கு சேவை செய்தார்கள். வானத்திற்கு அவர்கள் அழைத்துச் செல்லப்படும்போது அவர்களது வயது 450.

இத்ரீஸ் அலைஹிஸ்ஸலாம் அவர்கள் தமது 65 ஆவது வயதில் திருமணம் செய்தார்கள். அவர்களுக்கு மத்தூஷலக் என்பவர் பிறந்தார். இவர் 170 ஆவது வயதில் திருமணம் செய்து கொண்டார். அவருக்கு மலிக் யாலா மக் என்பவர் பிறந்தார். 969 வது வயதில் மத்துஷலக் காலமானார். மலிக் யாலா மக் தமது 180வது வயதில் திருமணம் செய்து கொண்டார். அந்த அம்மையார் வயிற்றிலிருந்துதான் நூஹ் அலைஹிஸ்ஸலாம் அவர்கள் பிறந்தார்கள்.