( خُلْعُ) குல்உ, தலாக், ரஜ்ஈ தலாக், பஸஹு பற்றிய சட்டங்கள்-Islamic Law of Divorce,Fashu

குல்
 குல்உ என்ற அரபிச் சொல்லுக்கு களைதல் என்று பொருளாகும். கணவன் தன் மனைவியை ஆடையைக் களைவது போன்று களைந்து பிரித்து விடுவதற்கு குல்உ என்று பெயர்.

குல்உ என்பது கணவன் மனைவியைத் தலாக் சொல்வதற்குப் பகரமாக மனைவியிடமிருந்தோ, அவள் சார்பாக வேறு யாரிடமிருந்தோ ஏதேனும் பொருளைப் பெற்றுக் கொண்டு தலாக் என்று சொல்லைக் கொண்டு அல்லது பிரிதல் என்ற சொல்லைக் கொண்டு அவளை நீக்கி விடுவதாகும்.  அது சண்டிவளம் என்றும் சொல்லப்படும்.

பகரம் கொடுப்பதென்பது பேசிக் கொள்ளாமல் – அவள் ஒப்புக் கொண்டுவிடுவாள் என்று எண்ணி குல்உ செய்து விட்ட பின் அவள் அதனை ஏற்றுக் கொண்டால், அவள் அவனுக்குத் தன் போன்றவர்களிடையே வழக்கில் இருக்கும் மஹரைப் போன்ற தொகையைக் கொடுப்பது கட்டாயமாகும்.

'உன்னை ஆயிரத்திற்குப் பகரமாக தலாக் சொன்னேன் அல்லது குல்உ செய்தேன் என்று கணவனே தொகையைக் குறிப்பிட்டு சொன்னால், அவள் அதனை ஒப்புக் கொள்வதற்கு முன் இவன் மீண்டு கொள்ளலாம். அவள் ஒப்புக் கொள்வதானால் அந்த இடத்திலேயே உடனே ஒப்புக் கொள்ளவேண்டும். உடனடியாக ஒப்புக் கொள்ளவில்லையானால் குல்உ செல்லாது.

நீ எப்போது இன்ன தொகையை எனக்குத் தருகிறாயோ அப்போது நீ தலாக் என்று கணவன் மனைவி இடம் கூறுவதற்கு தஃலீக்(சம்பந்தப்படுத்துதல்) என்று கூறப்படும். அவ்வாறு அந்த குறிப்பிட்ட தொகையை கொடுத்தபிறகுதான் அவள் தலாக் ஆவாள். அந்த சொல்லை விட்டு அவன் மீளவும் முடியாது. இந்த தஃலீகில் அவள் அதனை உடனே ஏற்றுக் கொள்ள வேண்டுமென்பதோ அல்லது அவன் கேட்டதை விரைவாகக் கொடுத்துவிட வேண்டுமென்பதோ ஷர்த்தில்லை.

நீ இன்னதைத் தந்தால் நீ தலாக் என்று நேரத்தை சம்பந்தப்படுத்தாமல் கூறினால் உடனடியாக கொடுப்பது நிபந்தனையாகும். அப்படிக் கொடுத்தால்தான் தலாக் உண்டாகும். இதற்கு தன்ஜீஜ் -ஒன்றையும் கொழுகாமல் வட்டுருக்கமாக பேசுவது என்று கூறப்படும்.

குல்உ உடைய விஷயத்தில் அவள் அவனுக்குக் கொடுப்பதற்கு பதிலாக அவன் அவளுக்குக் கொடுக்க வேண்டிய மஹரை நீக்கி விடுவதும் உண்டு.மனைவி தன்னுடைய மஹரை நீக்கி விடுவதற்கு அவள் பருவமடைந்தவளாகவும், சுய விளக்கமுள்ளவளாகவும் இருக்க வேண்டும். இன்னும் கணவன் மனைவி இருவருமே மஹருடைய அளவை (பெறுமதியை) அறிந்தவர்களாக இருக்க வேண்டும். மேலும் அந்த மஹரில் ஜகாத் விதியாகாமலும் இருக்க வேண்டும்.ஜகாத் விதியாகி இருக்கும் நிலையில் அதனைக் கணவனை விட்டும் நீக்கினால் கூடாது. ஏனெனில், அவன் மஹர் முழுவதையும் நீக்கி விட வேண்டும் என்று நிபந்தனையிட்டிருப்பதால் கூடாது.

கணவன் மனைவியிடம் நீ என்னை உன் மஹரை விட்டும் நீக்கி விட்டால் ஒரு மாதத்திற்குப் பின் நீ தலாக் ஆவாய் என்று கூறினான். அவ்வாறே அவள் மஹரை விட்டும் நீக்கி விட்டால் அவன் நீங்கி விடுவான்.பிறகு அவன் ஒருமாதம் வரை உயிருடன் இருந்தால் ஒருமாதம் முடிந்தவுடன் அவள் தலாக் ஆகிவிடுவாள். ஒரு மாதத்திற்கு முன் அவன் இறந்து விட்டால் அவள் தலாக் ஆக மாட்டாள். அவனின் சொத்திற்கும் வாரிசாக இருப்பாள். இத்தாவும் இருப்பாள்.

இமாம் ஷாபிஈ ரலியல்லாஹு அன்ஹு அவர்களின்  சொற்படி தலாக்கை நாடப்படாத குல்உ என்ற சொல்லைக் கொண்டு ஏற்பட்ட பிரிவினையாகிறது ஃபஸ்குவைப் போல் எண்ணிக்கையை குறைக்காதது ஆகும். அதன்படி எத்தனை தடைவ குல்உ செய்தாலும் தஹ்லீல் இல்லாமல் அவளை நிகாஹ் செய்து சேர்த்துக் கொள்ளலாம். இதுதான் ஷாஃபியீ மத்ஹபின் ஃபத்வாவாக இருக்கும்.
தலாக்

ஹலாலான காரியத்தில் அல்லாஹ்வுக்கு மிகவும் கோபமானது தலாக்காகும் என்று ஹதீதில் கூறப்பட்டுள்ளது.

தலாக் சொல்வதில் வாஜிபு: 'அல்லாஹ்வின் மீது ஆணையாக உன்னிடம் நான் உடலுறவு கொள்ள மாட்டேன்' என்று சத்தியம் செய்தான். அதனால் அவளை உடலுறவு கொள்ளாமல் துன்புறுத்துவது அநீதியானதால் அவளைத் தலாக் சொல்வது வாஜிபாகும்.

தலாக்கில் சுன்னத்:  அவளுடைய கடமைகளை நிறைவேற்ற முடியாதவனாக இருந்தால், அல்லது அவள் பத்தினியாக இல்லாதிருந்தால், அல்லது அவளுடைய தீய குணத்தின் மீது பொறுமை செய்ய இயலாதவனாக அவன் இருந்தால், அல்லது எவ்விதக் காரணமுமின்றி அவனுடைய தாய் தந்தையர் அவளைத் தலாக் சொல்லிவிடுமாறு கூறினால் தலாக் சொல்வது சுன்னத்தாகும்.

தலாக் சொல்வதில்; ஹராம்: உடலுறவு கொள்ளப்பட்ட மனைவியை அவளால் கொடுக்கப்டுகின்ற குல்உவுக்குரிய பகரமின்றியே ஹைலுடைய நேரத்தில் தலாக் சொல்வதும், உடலுறவு கொண்ட துப்புரவில் தலாக் சொல்வதும்(எனினும் தலாக் சொல்லும் நிர்பந்தம் ஏற்படின் துப்புரவான நேரத்தில் ஜிமாஉ செய்யாத நிலைமையில் சொல்லலாம்) தன்னுடைய சொத்துக்கு அனந்தரம் கொள்ளவிடாத நோக்கத்தில் தலாக் சொல்வதும், அவளுக்குரிய முறைவண்ணத்தைக் கெடுக்கும் நோக்கத்துடன் தலாக் சொல்வதும் ஹராமாயிருக்கும்.

மூன்று தலாக்குகளையும் ஒரே தடவையில் சொல்வது ஹராமல்ல. ஆனால் ஒரே தலாக்கின் மீதே நிறுத்திக் கொள்வது சுன்னத்தாகயிருக்கும்.

மேற்கூறிய மூன்றுவகை தலாக்குகளைத் தவிர மற்ற தலாக்குகள் அனைத்தும் மக்ரூஹ் ஆகும்.

சிறுபிள்ளை, பைத்தியக் காரன், ஒரு பொருள் போதையுண்டு பண்ணும் என்பதை அறியாமல் சாப்பிட்டு அதனால் போதையானவன், நிர்பந்திக்கப்பட்டவன் ஆகியோருடைய தலாக் செல்லாது. நிர்பந்திக்கப்பட்டது நியாயமானதாக இருந்தால்தான் தலாக் சொன்னது செல்லுபடியாகும்.
தலாக், ஃபிராக், ஸராஹ் ஆகிய மூன்று அரபி சொற்களும் நிகாஹை விட்டும் மனைவியை நீக்குவதற்காகவே குர்ஆனில் கூறப்பட்ட வார்த்தைகளாகும். ஆகவே இந்த மூன்று வார்த்தைகளில் ஏதேனும் ஒன்றையோ, அல்லது அதன் மொழிபெயர்ப்பையோ உபயோகித்து தலாக் கூறினால் தலாக் நிறைவேறிவிடும். விளையாட்டுக்காக சொன்னாலும் தலாக் நிறைவேறிவிடும்.

தலாக் சொல்வதில் இன்ன பெண்ணை என்று குறிப்பிடுவது ஷர்த்தாகும்.

ஒருவன் மற்றொருவனைப் பார்த்து 'நீ உன் மனைவியை தலாக் சொல்லி விட்டாயா? என்று கேட்க, 'மெய்தான்' என்று அவன் சொன்னால் தலாக் நிகழ்ந்து விடும். அது கலப்பற்ற சொல்லாக இருக்கும்.

சாடையான தலாக்குடைய வாசகத்தைக் கூறியவன், நான் அதைக் கொண்டு தலாக்கை நாடவில்லை என்று கூறினால் சத்தியம் செய்யச் சொல்லி உண்மையாக்கப்படும்.

ஒருவன் லைலா என்று பெயருடைய தன் மனைவியை நோக்கி, ஸயீதாவே நீ தலாக் என்று கூறினால் அவள் தலாக் ஆகிவிடுவாள். ஏனெனில் அவளை முன்னோக்கி கூறியதால்  அவள் மீதே அது நிகழும். பெயரை மாற்றியதால் எவ்வித இடையூறும்  உண்டாகாது. தன் மனைவி அல்லாத ஒருத்தியை முன்னோக்கி மைமூனா என்ற தன் மளைவியுடைய பெயரைச் சொல்லி மைமூனாவே, நீ தலாக் என்று சொன்னால் அவனுடைய மனைவி தலாக் ஆக மாட்டாள். ஏனெனில் அவன் முன்னிலைப்படுத்தியது வேறொருத்தியாக இருப்பதால்.

ஒருவன் தன் மனதுக்குள் ஒரு தலாக்கையோ அல்லது இரண்டு தலாக்கையோ நிய்யத்து செய்து கொண்டு உன்னை தலாக் சொல்லி விட்டேன் என்று கூறினால் அவன் எத்தனை தலாக்கை நிய்யத்து செய்தானோ அத்தனை தலாக்கும் எற்பட்டுவிட்டதாகக் கருதப்படும். எதனையும் நினைக்காமல் பொதுவாக தலாக் சொல்லிவிட்டேன் என்று கூறினால் ஒரு தலாக் மட்டுமே நிகழும். உன்னை ஒரு தலாக், இரண்டு தலாக் சொன்னேன் என்று கூறினால் முத்தலாக்கும் நிகழ்ந்து விடும்.

தலாக் சொல்வதற்காக ஒருவனை வக்கீலாக ஆக்குவது கூடும். அந்த வக்கீல் இன்ன பெண்ணை நான் தலாக் சொல்லிவிட்டேன் என்று சொன்னால் அது நிகழ்ந்து விடும். என்னை வக்கீலாக்கினவனுக்காக என்று அவன் நிய்யத்து செய்யாவிட்டாலும் சரி.

தலாக்குடைய வாசகங்களை ஆசிரியர் மாணவர்களுக்குக் கற்றுக் கொடுக்கும்போது அவர் மொழிவதினாலோ எழுதுவதினாலோ உதாரணங்கள் கூறி விளக்குவதினாலோ உண்மையில் தலாக் என்பது நிகழ்ந்து விடாது.
முத்தலாக்கு விபரம்.

ஒருவன் தன் மனைவியை நோக்கி, உன்னை முத்தலாக்குச் சொல்லிவிட்டேன் என்று சப்தமிட்டுச் சொல்லியபின் இரண்டு தலாக்கைத் தவிர என்று மெதுவாக, தனக்கு மட்டும் கேட்கும்படியாகச் சொன்னால், அந்த நீக்குதல் செல்லும். ஒரு தலாக் மட்டுமே நிகழும். இன்ஷாஅல்லாஹ் நீ தலாக் என்று ஒருவன் சொன்னால் தலாக் நிகழாது.
தலாக்கை நிபந்தனைப்டுத்தி சொல்லலாம். உதாரணமாக நீ வீட்டில் நுழைந்தால் தலாக் என்று நிபந்தனையிட்டு சொன்னால் அவள் வீட்டில் நுழைந்தால் தலாக் ஏற்பட்டுவிடும்.

முத்தலாக் சொல்லப்பட்டவளை சொன்னவன் மீண்டும் மனைவியாகச் சேர்த்துக் கொள்வது பற்றிய விபரம்:

'பின்னர் அவளை அவன் (முத்)தலாக் சொல்லிவிட்டால், அவனல்லாத ஒரு கணவனை அவள் திருமணம் செய்யும் வரையில் அவள் அவனுக்கு ஹலாலாக மாட்டாள்.' – அல்-குர்ஆன் 2:130

உமர் ரலியல்லாஹு அன்ஹு அவர்களின் இரு ஆண்டு கால ஆட்சிவரை ஒரு மனிதர் முத்தலாக்கு ஒரே தடவையில் சொன்னாலும் அதை ஒரே தலாக்காகவே கணக்கிடப்பட்டு வந்தது. பின்னர் உமர் ரலியல்லாஹு அன்ஹு அவர்கள் தங்களது ஆட்சியின் மூன்றாவது ஆண்டில் முத்தலாக்கை ஒரே தடவையில் சொன்னாலும் அதை மூன்று தலாக்குகளாகவே கணக்கிட வேண்டுமென்று கட்டளையிட்டார்கள். அந்த காலத்தில் முத்தலாக் என்ற விஷயத்தில் மக்கள் கேலிக் கூத்தாக்கியதனால் உமர் ரலியல்லாஹு அன்ஹுஅவர்கள் இந்த சட்டத்தைக் கொண்டு வந்தார்கள்.

இவர்களின் இந்த கருத்தையே நான்குபெரும் இமாம்களும் கொண்டு சட்டமியற்றியுள்ளனர்.

ஒரு நிகாஹிலோ அல்லது பல நிகாஹிலோ முத்தலாக்கு சொன்ன சுதந்திரமான மனிதனுக்கு (அவன் ஓர் அடிமைப் பெண்ணைத் திருமணம் செய்திருந்தாலும் சரி) அவனால் தலாக் சொல்லப்பட்டவள் மீண்டும் அவனுக்கு ஹலாலாக வேண்டுமென்றால், அவனல்லாத  வேறொருவனுக்கு சரியாக நிகாஹ் செய்து கொடுக்கப்பட்டு அவன் அவளுடைய முன் துவாரத்தில் உசும்புதலுடைய தன் ஆண் குறியை கத்னாவரை மறையும் படியாக நுழைய வைத்து, பிறகு அவன் அவளைத் தலாக் சொல்லி, அதற்குரிய இத்தா முடிந்த பின் முந்தியவன் அவளை மீண்டும் நிகாஹ் செய்து கொண்டு தான் அவள் அந்த முந்திய கணவனுக்கு மீண்டும் ஹலாலாவாள். இரண்டாவது கணவனுடைய விந்து வெளிப்பட வேண்டுமென்று நிபந்தனையில்லை. இதற்கு தஹ்லீல் என்று கூறப்படும்.

தலாக் சொன்னதும், தலாக் சொன்னதாக விண்ணப்பம் செய்ததும் நீதமான சுதந்திரவான்களான இரண்டு சாட்சிகளைக் கொண்டு தரிபடும். பெண்களுடைய சாட்சியத்தால் தரிபடாது. பாவம் செய்பவர்களின் சாட்சியத்தாலும்,அடிமையின் சாட்சியத்தாலும் தரிபடாது. இதற்கு பின்வரும் நிபந்தனைகள் அவசியமாகும்.

தலாக் சொன்னவனைக் கண்ணால் காண வேண்டும். தலாக் சொல்லும் போது அதன் சப்தத்தைக் கேட்க வேண்டும். சப்தத்தை மட்டும் கேட்டுச் சொல்லும் சாட்சியம் ஏற்றுக் கொள்ளப்படமாட்டாது.

ரஜ்ஈ தலாக்கின் சட்டம்:

ரஜ்ஈ தலாக் என்பது இத்தா முடிவதற்குள் மனைவியைத் திரும்ப மீட்டுக்கொள்ளும் தலாக் என்பதாகும். மீட்டுக்கொள்வது இரண்டு தடவைகளாகும். அதைப் பற்றி இறைவன் குர்ஆனில்,

(ரஜ்யிய்யாகிய திரும்ப மீட்டுக்கொள்ளக் கூடிய) தலாக்காகிறது, இரண்டு தடவைகளாகயிருக்கும். (மூன்று தடவைகள் சொல்லிவிட்டால் மீட்டுக் கொள்ளக் கூடாது. அப்படி இரண்டு தலாக் சொன்னால் அவர்களை) மீட்டுக் கொண்டு முறைப்படி தடுத்து (மனைவிகளாக) வைத்துக் கொள்ளலாம். அல்லது (அவர்கள் மீது யாதொரு குற்றமும் சுமத்தாமல் அவர்களுக்கு கொடுக்க வேண்டியதைக் கொடுத்து) நன்றியுடன் விட்டுவிடலாம்' என்று கூறியுள்ளான்.-அல்-குர்ஆன் 2:229

ஃபஸ்கினால் பிரிந்தவளையும், பகரமாக ஒரு பொருள் கொடுத்து (அதாவது குல்உ செய்து) பிரிந்தவளையும், உடலுறவு கொள்ளும் முன் பிரிந்தவளையும், தலாக் சொல்லி இத்தா முடிந்தவளையும் மீட்டுக்கொள்வது கூடாது. இந்த நால்வரையும் திரும்ப மனைவியாக்கிக் கொள்ள வேண்டு மென்றால் புதிதாக நிகாஹ் செய்ய வேண்டும்.சாட்சிகளும், புதிய மஹ்ரும் ஏற்படுத்த வேண்டும். (இந்த விஷயங்களில் தஹ்லீல் தேவையில்லை.)
ரஜ்இய்யத்தான ஒரு தலாக், இரண்டு தலாக் சொல்லப்பட்டவளை மீட்டிக் கொள்வதற்கு முன் தனிமையாகப் பார்ப்பதோ, அவளிடம் வேறு ஏதேனும் சுகம் பெறுவதோ ஹராமாகும். தலாக் சொன்னானா இல்லையா என்று சந்தேகம் வந்தால் அவள் தலாக் ஆக மாட்டாள். இதில் பேணுதலாகிறது அவளை ரஜ்ஈ தலாக் சொல்லி மீட்டிக் கொள்வதாகும். ஒரு தலாக் சொன்னோமா இரண்டு தலாக் சொன்னோமா என்று சந்தேகம் ஏற்பட்டால் குறைந்தது தான் உண்டாகும்.

ஈலாஉ (சத்தியம் செய்தல்) உடைய சட்டம்.

தங்கள் மனைவிகளுடன் உடலுறவு கொள்வதில்லை என்று சத்தியம் செய்து கொண்டவர்களுக்கு நான்கு மாதங்கள் எதிர்பார்ப்பது உண்டு. (அல்குர்ஆன் 2:226) என்ற ஆயத்து மனைவியுடன் சேரமாட்டேன் என்று கணவன் சத்தியம் செய்வதற்குரிய சட்டத்தை விளக்குகிறது.
உடலுறவு கொள்ளக் கூடிய கணவன் தன் மனைவியை நோக்கி நான் உன்னை நான்கு மாதங்களுக்கு உடலுறவு கொள்ள மாட்டேன் என்று சொன்னாலோ அதுமுதல் நான்கு மாத காலம் வரை அவளுடன் சேருதல் கூடாது. அதற்குள் அவள் அவனை உடலுறவுக்கு அழைத்தால் அல்லது அவனாகவே அவளை உடலுறவு கொண்டால் அல்லாஹ்வின் மீது சத்தியம் செய்ததற்காக சத்தியத்தை முறித்ததற்குரிய குற்றப்பரிகாரத்தை நிறைவேற்ற வேண்டும்.

நான்கு மாதங்களுக்குப் பின் அவள் அவனை உடலுறவுக்கு அழைக்கலாம். அல்லது தலாக் சொல்லுமாறு கேட்கலாம். இந்த இரண்டிலொன்றொன்றை அவன் செய்ய மறுத்தால் காழியிடம் சொல்லி விட வேண்டும். அவர் அவளைத் தலாக் சொல்லி விடுவார்.

மேற்கூறப்பட்ட ஈலாஉவில் தலாக்கை சம்பந்தப்படுத்தி சத்தியம் செய்திருந்தால் தலாக் நிகழ்ந்து விடும்.
சத்தியத்தை முறித்தால் அதற்குரிய பரிகாரமாவது அல்லாஹுதஆலா குர்ஆனில் சொல்லியவாறு பத்து ஏழைகளுக்கு நடுத்தரமான உணவளிக்க வேண்டும். அல்லது பத்து ஏழைகளுக்கு ஆடைகள் கொடுக்க வேண்டும். அல்லது ஓர் அடிமையை உரிமைவிட வேண்டும். இம்மூன்றில் எதனையும் செய்ய இயலாவிட்டால் மூன்று நோன்புகள் வைக்க வேண்டும்.

ளிஹார் உடைய சட்டம்.

தனது மனைவியை தன் தாய் போன்ற மஹ்மரமத்தானவளுக்கு ஒப்பிட்டு பேசுவது பற்றிய சட்ட விளக்கம்.
அல்லாஹ் குர்ஆனில் கூறுகிறான், 'எனவே எவரேனும் தங்கள் மனைவிகளைத் (தம்) தாய்க்கு ஒப்பிட்டுக் கூறிய பின்னர், (தம் மனைவியர் அந்தத் தாயைப்போல் மஹ்ரம் ஆகிவிடுவார். பின்னர்) அக்கூற்றிலிருந்து திரும்பி (மீண்டும் மனைவியருடன் சேர்ந்து கொள்ள விரும்பி) னால் அவ்விருவரும் ஒருவரையொருவர் தொடுவதற்கு முன்னதாகவே (இல்லாறு ஒப்பிட்டுக் கூறிய குற்றத்துக்குப் பரிகாரமாக) ஓர் அடிமையை விடுதலை செய்ய வேண்டும். (என்று) இதன்மூலம் நீங்கள் உபதேசிக்கப்படுகிறீர்கள்.அல்லாஹ் நீங்கள் செய்பவைகளை நன்கறிபவனாக இருக்கிறான்.- அல்குர்ஆன் 58:3.

ளிஹார் என்பது வமிசத்தால் அல்லது பால்குடியால் மஹ்ரமாக இருக்கின்ற ஒரு பெண்ணுக்கு தன் மனைவியை ஒப்பிட்டுக் கூறுவதாகும். ஆனால் திருமண சம்பந்தத்தால் மட்டும் மஹ்ரமாகிப் போன ஒரு பெண்ணுக்கு ஒப்பிடுவது ளிஹார் ஆகாது.

இவ்வாறு சொல்லியவன் நீ தலாக் என்றோ, உன்னைத் தலாக் சொல்லி விட்டேன் என்றோ சொல்லுகின்ற நேரத்திற்குள் அவ்வாசகத்தைச் சொல்லாவிட்டால் அவள் அவனை விட்டு நீங்கமாட்டாள். ஆனால் ளிஹாருடைய வாசகத்தை அவன் கூறியிருப்பதால் அதற்குரிய குற்றப் பரிகாரத்தை நிறைவேற்றுவது அவன் மீது வாஜிபாகும். ளிஹாருடைய வாசகத்தைக் கூறிய நேரத்திலிருந்து அதற்குரிய குற்றப் பரிகாரத்தை நிறைவேற்றும் வரை அம்மனைவியை உடலுறவு கொள்வது ஹராமாகும்.

குற்றப் பரிகாரமாகிறது, முஃமினான ஓர் அடிமையை உரிமை விடுவதாகும். அது சாத்தியப்படவில்லையெனில் தொடராக இரண்டு மாதங்கள் நோன்பு பிடிப்பதாகும். அதற்கு சக்தியில்லையானால் அறுபது ஏழைகட்கு உணவளிப்பது ஆகும். அதாவது: அந்த ஊரில் உபயோகிக்கப்டும் அரிசி போன்ற தானியத்தில் ஓர் ஏழைக்கு ஒரு முத்து வீதம் (இருகைகள் நிரம்பிய அளவுக்கு முத்து என்று கூறப்படும்) அறுபது நபர்களுக்கு கொடுக்க வேண்டும்.

தலாக்குடைய இத்தா விபரம்:

திருமணமாகி தன் மனைவியை உடலுறவு கொள்ளும் முன்னர் தலாக் சொல்லிவிட்டால் இத்தா கிடையாது. உடலுறவுக்குப் பின் தலாக் சொன்னால் இத்தா இருப்பது வாஜிபாகும். கணவன், மனைவி இருவரும் சிறுவர்களாக இருந்தாலும், அல்லது இருவரும் பருவமடைந்தோராக இருந்தாலும் அல்லது ஒருவர் பருவமடைந்தவராக மற்றவர் சிறுவயதுடையவராக இருந்தாலும் இத்தா வாஜிபாகும். இத்தா விதியானவள் கர்ப்பவதியாக இருந்தால் குழந்தை பெற்றவுடன் இத்தா முடிந்து விடும். ஆனால் அதற்கு இரண்டு நிபந்தனைகள் உண்டு:

1. வயிற்றிலுள்ள குழந்தை முழுவதும் வெளியாக வேண்டும். அது உயிருடன் பிறந்தாலும் சரி, உருவம் நிரப்பமாயிருக்கும் மய்யித்தாக வெளியானாலும் சரி, உருவம் முழுமை பெறாத சதைக் கட்டியாயிருந்தாலும் சரி. ஆனால், அது மனித உருவம்தான் என்று மருத்துவச்சிகள் சாட்சி கூற வேண்டும். இன்னும் அந்த கர்ப்பம் இரட்டை அல்லது அதற்கு மேற்பட்ட குழந்தைகளாக இருப்பின் அத்தனை குழந்தைகளும் வெளியாக வேண்டும்.

2. பிறக்கும் அக்குழந்தை யாருக்காக இத்தா இருக்கிறாளோ அவன் பக்கம் சேர்க்கப்பட்டதாயிருக்க வேண்டும். ஒரு பெண் ஜினாவினால், அல்லது சந்தேகமான உடலுறவினால் கர்ப்பமாயிருந்தால் தலாக் சொன்னவனுடைய இத்தா குழந்தையை பிரசவிப்பதால் முடியாது. எனினும் பிரசவித்த பின்பும் தலாக் சொன்னதற்காக தனியா இத்தா இருக்க வேண்டும். இந்த சட்டம் கர்ப்ப காலத்தில் ஹைளு வராமலிருந்தால்தான். ஒரு பெண்ணுக்கு கர்ப்ப காலத்திலும் ஹைளு வந்தால் அவளுக்கு மூன்று துப்புரவின் மூலம் இத்தா முடிவடையும்.

இத்தா விதியானவள் கர்ப்பவதியாக இல்லையானால், அவள் மாதவிடாய் வருபவளாக இருந்தால் மூன்று துப்புரவைக் கொண்டு அவளுடைய இத்தா முடிவடையும். துப்புரவான நேரத்தில் தலாக் சொல்லியபின் அடுத்த நிமிடத்தில் அவளுக்கு ஹைளு வந்து விட்டாலும் ஒரு துப்புரவு முடிந்து விட்டது. பின்னர் இரண்டு துப்புரவு ஆனபின்னர் அவளுடைய இத்தா முடிவடைந்து விடும்.

ஹைளுடைய நேரத்தில் தலாக் சொன்னால் பிறகு மூன்று துப்புரவு ஏற்பட்டு நான்காவது ஹைளு ஏற்பட்ட நேரத்தில்தான் இத்தா முடிவடையும். முதலாவது ஹைளுக்கும் இரண்டாவது ஹைளுக்குமிடையில் நீண்ட நாட்கள் இருப்பதிலோ அல்லது குறைந்த நாட்கள் இருப்பதிலோ எந்த வித்தியாசமுமில்லை.

சில பெண்களுக்கு பதினைந்து நாட்கள் ஹைளு வரும். பிறகு ஆண்டுக்கண்காக கூட அவர்கள் துப்புரவாக இருப்பார்கள். இத்தகைய பெண்கள் தலாக் சொல்லப்பட்டாலும் மூன்று துப்புரவுக்குப் பிறகுதான் இத்தா முடியும்.
தலாக் சொல்லப்பட்டவள் ஹைளு வராத சிறுமியாக இருந்தாலும், அல்லது ஹைளு நின்றுவிட்டவளாக இருந்தாலும் மூன்று மாதங்கள் இத்தா இருக்க வேண்டும். இந்தச் சட்டங்கள் எல்லாம் தலாக்குடைய இத்தாவைப் பற்றியதாக இருக்கும்.

ஏதேனும் ஒரு நோயின் காரணமாகவோ அல்லது பால் கொடுப்பதின் காரணமாகவோ அல்லது எவ்விதக் காரணமுமின்றியோ ஹைளு வராதவளாக இருந்தால் ஹைளு நின்று விடுகிற வயதை அடையும் வரை பொறுமையுடனிருந்து பிறகு மூன்று மாதங்கள் இத்தா இருக்க வேண்டும்.

இத்தா விதியாவதெல்லாம் இரண்டு காரணங்களுக்காக இருக்கும். ஒன்று தலாக் மற்றொன்று மவ்த். எனவே ஃபஸ்கு செய்தாலும், ஃகுல்உ ஏற்பட்டாலும், அல்லது பால்குடி, மதம் மாறுதல் போன்றவற்றால் நிகாஹ் முறிந்தாலும், சந்தேகமான உடலுறவு ஏற்பட்டாலும் மேற்கூறப்பட்ட தலாக்குடைய இத்தாவைப் போன்று தான் இத்தா இருக்க வேண்டும்.

மௌத்துடைய இத்தா:

உங்களிலிருந்து எவர் மனைவியரை விடடு இறந்து விடுகிறார்களோ அத்தகைய பெண்கள் நான்கு மாதங்களும், பத்து நாட்களும் எதிர்பார்க் வேண்டும். (குர்ஆன் 2:234) என்ற ஆயத்து மௌத்தின் இத்தாவுடைய சட்டத்தை விளக்குகிறது.

ஒரு பெண் ரஜ்யிய்யத்தான தலாக்குடைய இத்தாவிலிருக்கும்போது அந்தக் கணவன் இறந்து விடுவானேயானால் நான்கு மாதங்களும் பத்து நாட்களும் இத்தா இருக்க வேண்டும்.

எந்தப் பெண்ணும் தன் கணவன் இறந்து விட்டதற்காகத் தவிர வேறு எந்த மய்யித்திற்காகவும் மூன்று தினங்களுக்கு மேல் துக்கம் அனுஷ்டிப்பது கூடாது. கணவனுக்காக நான்கு மாதங்கள் பத்து நாட்கள் துக்கம் அனுஷ்டிப்பது வாஜிபாகும்' என்று ஹதீஸில் கூறப்பட்டுள்ளது.

வண்ணமுள்ள உடைகள் அலங்காரம் உண்டுபண்ணுமையாகையால் அவை முரட்டுத் துணியாக இருந்தாலும் இத்தா இருப்பவள் அவற்றை அணியாமல் இருப்பது வாஜிபாகும். வண்ணமில்லாத பட்டுத் துணியை அணிவது கூடும். இரவிலும் அணியலாம்.

நறுமணம் பூசாமலிருப்பதும், பகல் வேளையில் தங்கம், வெள்ளி நகைகள் மோதிரம், காதணி போன்றவற்றை அணியாமலிருப்பதும் அது உடைக்குள்ளிருந்தாலும் சரி வாஜிபாகும். மருதாணி இடுவதும், தலைக்கு வாசனை எண்ணெய் இடுவதும் கூடாது.வெற்றிலை போடுவது கூடும்.

முத்தலாக்கின் மூலம் அல்லது குல்உவின் மூலம் அல்லது ஃபஸ்கு செய்ததின் மூலம் கணவனை விட்டு பிரிந்தவளும் மேற்கூறப்பட்ட முறையில் துக்கம் அனுஷ்டிப்பது சுன்னத்தாகும். ரஜ்யிய்யத்தான தலாக்சொல்லப்பட்டவளும் இவ்வாறு துக்கம் அனுஷ்டிக்க வேண்டும். ஆனால் அலங்கரித்துக் கொள்வதால் கணவன் தன்னை மீட்டிக் கொள்வான் என்று ஆசை வைத்தால் அலங்கரிப்பது சுன்னத்து.

கணவன் இறந்து விட்டதற்காகவோ, அல்லது பஸ்கின் காரணமாகவோ இத்தா இருப்பவள் கணவன் பிரியும்போது இருந்த இடத்திலேயே இருப்பது வாஜிபாகும். இத்தா முடியும் வரை முக்கிய தேவைகளுக்காக வெளியில் பகலில் செல்லலாம். இரவில் செல்லக் கூடாது. இரவில் தன் வீட்டிலேயே தங்க வேண்டும். ரஜ்இய்யத்தான தலாக் பெற்றவள் இத்hவுடைய காலத்தில் அவனுடைய அனுமதியின்றி வெளியேறுவது கூடாது. இத்தா இருப்பவளுக்கு இத்தா முடியும்வரை குடியிருப்புக் கொடுப்பது வாஜிபு. ஆனால் அவள் இது விஷயத்தில் பிணக்கம் ஏதும் இல்லாதவளாக இருக்க வேண்டும்.

இத்தா இருப்பவள் தன் உயிருக்கோ, உடமைக்கோ ஆபத்து ஏற்படும் என்று பயந்தால் வீட்டை விட்டு வெளியேறலாம். இத்தா இருப்பவள் தன்னைப் பிரிந்த கணவனுடன் குடியிருப்பது கூடாது. அவள் இருக்கும் வீட்டில் அவனும் (குருடனாக இருப்பினும் சரியே) நுழைவது கூடாது. அவ்வாறு நுடைந்தால் இயன்றமட்டும் அவனைத் தடுப்பது வாஜிபாகும்.

கணவன் அவளைப் பிரியும் நேரத்தில் அவள் பிரயாணத்தில் இருந்தாலும் அல்லது வேறு எங்கு இருந்தாலும் சொந்த வீட்டிற்குத் திரும்புவது வாஜிபு.

அடிமைப் பெண்ணும், பாதி அடிமை பாதி உரிமையுடையவளாக இருந்தாலும் சரி- உரிமைச் சீட்டு எழுதப்பட்டவளும், தன் எஜமானனுக்கு பிள்ளை பெற்றெடுத்தவளும் ஆகிய இவர்களெல்லாம் மௌத்துடைய இத்தா இரண்டு மாதங்கள் ஐந்து நாட்கள், தலாக்குடைய இத்தா இரண்டு துப்புரவுகளும் இருக்க வேண்டும். கர்ப்பவதியானவளுக்கு அவள் சுதந்திரமானவளாக இருப்பினும், அடிமையாகயிருப்பினும் குழந்தையைப் பெற்றெடுப்பது கொண்டு தலாக் உடைய இத்தாவும், மௌத்துடைய இத்தாவும் முடிவடைந்து விடும்.
தலாக் சொல்லப்பட்டவள் மூன்று குரூஉகள் (மூன்று கால கட்டங்கள்) எதிர்பார்க்கவும் (இத்தா இருக்கவும்)'-அல்குர்ஆன் 2:228

குரூஉ என்பதற்கு கால கட்டங்கள் என்பது பொருளாகும். மூன்று காலகட்டங்கள் என்பது ஹனஃபி மத்ஹபு படி மூன்று முறை மாதத் தீட்டு வரும் காலம் என்றும், ஷாஃபி மத்ஹபு படி மூன்று முறை (மாதத் தீட்டை விட்டும்) துப்புரவாக இருக்கும் காலமென்றும் வியாக்கியானப் படுத்தப்பட்டுள்ளதால் அந்தந்த மத்ஹபுகளின் படி அந்தந்த மத்ஹபுக்காரர்கள் இத்தா இருப்பது அவசியம். ஷாஃபி மத்ஹபு படி இத்தா முடிவதற்கு மிகக் குறைந்த காலம் 32 நாட்களும் இரண்டு வினாடிகளும் ஆகும். மாதவிடாய் காலத்தில் தலாக் சொல்லப்பட்டால் அவளின் இத்தா முடிவதற்கு மிகக் குறுகிய காலம் 47 நாட்களும் ஒரு வினாடியுமாகும்.

ஜினாவில் கர்ப்பமுற்ற ஒரு பெண்ணை அவளுடைய கணவன் தலாக் சொன்னால் அவள் குழந்தை பெறுவது கொண்டு இத்தா முடிவடையாது. மாறாக, பிள்ளைப் பேற்றின் இரத்தம் நின்ற பின் இரண்டு துப்புரவு கொண்டு அவளுடைய இத்தா முடிவடையும்.

ரஜ்இய்யத்தான தலாக் சொல்லப்பட்ட பெண்ணை இத்தாவிற்குள் மீட்டிக் கொள்ளாத கணவன் அவளிடம் கலந்துரையாடுவதால் இத்தா முறிந்து விடும்.

சாதாரணமான நேரத்தில் எவரெவர் அவளைப் பார்ப்பதும் தொடுவதும் கூடுமோ அல்லது கூடாதோ அதே போன்றுதான் அவள் இத்தா இருக்கின்ற நேரத்திலும் சட்டமாகும்.

ஃபஸ்கு உடைய விளக்கம்:

மனைவியின் சிரமத்தை நீக்குவதற்காக  நிகாஹை ஃபஸ்கு செய்வது (உடைப்பது, முறிப்பது) ஷாபியீ மத்ஹபில் அனுமதிக்கப்பட்டுள்ளது. ஆனால் ஹனபி மத்ஹபில் இதற்கு அனுமதி இல்லை.

பருவமெய்திய அறிவுள்ள மனைவி, கணவன் உடலுறவு கொள்ளும் முன் தவணை வைக்கப்படாத தன்னுடைய மஹ்ரைக் கேட்கும்போது அவன் அதனைக் கொடுக்க இயலாதவனாக இருந்தால் அல்லது குடியிருக்க வீடு அல்லது உடையில் தாழ்ந்ததையாவது அல்லது உணவு கொடுக்க இயலாதவனாக இருந்தால் அவனுடைய நிகாஹை ஃபஸ்கு செய்வது கூடும்.

பருவமடையாக, விளக்கமில்லாத சிறிய பெண்ணுடைய நிகாஹை அப்பெண்னின் வலீகாரன் ஃபஸ்கு செய்தல் கூடாது.

பருவமடைந்தவள் மனம் ஒப்பி (நிர்பந்தமின்றி) ஒரு தடவையாவது உடலுறவு கொண்டு விட்டால் பஸ்கு செய்வது கூடாது. மஹ்ரை தவணை வைத்து எழுதி அந்தத் தவணை வந்தபிறகும் அதை அவள் கேட்டும் அவன் கொடுக்காமலிருந்தால் ஃபஸ்கு செய்வது கூடும்.

கணவன் நஃபகா கொடுக்க இயலாதவன் என்பதற்கு ஹலாலான முறையில் சம்பாதித்து கொடுக்க முடியாதவன் என்பது கருத்தாகும். ஹராமான முறையில் சம்பாதிப்பவனை ஃபஸ்கு செய்யலாம்.
வசதியுள்ளவன் ஊரிலிருந்தாலும், அல்லது (ஊரிலோ அல்லது வெளியூரிலோ) மறைவாக இருந்தாலும் )மறைவாக இருப்பவனின் தொடர்பு அற்றுப் போகாமல் இருந்தால்தான்) ஃபஸ்கு கூடாது.

ஒருவன் நான்கு மாதங்களுக்கு மேல் உடலுறவு கொள்வதில்லை என்று சத்தியம் செய்தால் (அவளுக்கு சிற்றின்ப வேட்கை மேலீட்டால் அவளுடைய கற்பு சிதைவு ஏற்படுவதற்கு வாய்ப்பு ஏற்பட்டு விடும் என்ற கருத்தில்) அவளைத் தலாக் சொல்லும்படி அவனிடம் கேட்பது கூடும் என்று ஹன்பலீ மத்ஹபைச் சார்ந்த இமாம்கள் ஏகோபித்துக் கூறியிருப்பதாக எழுதியுள்ளார்கள். அப்படி அவன் தலாக் சொல்லாவிட்டால் அவள் ஃபஸ்கு செய்து விடலாம் என்று ஷெய்கு முஹிய்யத்தீன் அப்துல் காதிர் ஜீலானி ரலியல்லாஹு அன்ஹு அவர்கள் தங்கள் குன்யத்துத் தாலிபீனில் கூறியுள்ளார்கள்.

மேற்கூறிய காரணங்கள் நிரப்பமாக இருப்பின் காளியானவர் கணவனுக்கு மூன்று நாள் தவணை கொடுப்பார். நான்காம் நாள் ஃபஸ்கு செய்து விடுவார். அல்லது காளியின் அனுமதியின் பேரில் அவளே 'எனக்கும் என் கணவருக்கும் இடையிலுள்ள நிகாஹை ஃபஸ்கு செய்துவிட்டேன் என்று சொல்லுவாள். மேற் கூறப்பட்ட நான்காம் நாளில் ஃபஸ்கு செய்வதற்கு முன் அவன் அன்றைய நஃபகாவை கொடுத்துவிட்டால் பஸ்கு கூடாது.

திருமணம் முடிந்து உடலுறவுக்குத் தயார் செய்யும் முன்னதாக கணவன் காணாமல் போய்விட்டால் ஃபஸ்கு கிடையாது. மாலிகீ மத்ஹபில் தன்னைத் தயார் செய்து கொடுத்தவளும், தயார் செய்து கொடுக்காதவளும் சமம்தான். அவனிடமிருந்து நஃபகாவைப் பெறுவது சிரமமாக இருந்;தால், அவனைப் பற்றி ஒரு மாதம் ஆராய வேண்டும். அந்த ஒரு மாதத்தவணைக்குள் அவனைப் பற்றி தகவல் ஏதும் தெரியவில்லையானால் ஃபஸ்கு செய்து விடலாம்.

தாயும் தந்தையும் நிகாஹை விட்டு பிரிந்து விட்டால், குழந்தை பிரித்தறியும் வயதை அடைந்திருந்தால் அவ்விருவரில் அக்குழந்தை யாரைத் தேர்ந்தெடுத்துக் கொள்கிறதோ அவர்களிடம் இருக்கும்.
ஆண் குழந்தை தாயைத் தேர்ந்தெடுத்துக் கொண்டால் இரவில் அவளிடமும், பகலில் தந்தையிடமும் இருக்கும். பெண் குழந்தை தாயைத் தேர்ந்தெடுத்துக் கொண்டால் எப்பொழுதும் தாயிடமே இருக்கும். தந்தை  அக்குழந்தையைப் பார்த்து வரலாம். ஆனால் தன்னிடம் வருமாறு அழைக்கக் கூடாது.

இரண்டு ஆண்டுகள் நிரப்பமாகும் முன் பால்குடியை முறிக்க விரும்பினால் இரண்டு பேரும் பொருந்திக் கொண்டால்தான் முறிக்கலாம்.

ஷாபியீ மத்ஹபு கிதாபுகளிலிருந்து ஸூபி மன்ஸில் இணையதளத்திற்காக தொகுக்கப்பட்டது.

நோன்பு சட்டதிட்டங்கள்-(ஷாபியீ, ஹனபி)-Fasting Laws(Shafi and Hanafi)

 நோன்பின் சட்டதிட்டங்கள் (ஷாபிஈ மத்ஹப்)

ஒவ்வொரு வருடமும் ரமலான் மாதம் முழுவதும் நோன்பு வைப்பது (ஹைலு, நிபாஸை விட்டும் துப்புரவான பகுத்தறிவுள்ள பருவமெய்திய சக்தியுள்ள) ஒவ்வொரு முஸ்லிம் ஆண், பெண் மீதும் கட்டாயக் கடமையாகும்.

நோன்பின் பர்ளுகள்:

1. நோன்பு நோற்கும் இரவில் நோன்பின் பெயரைக் குறிப்பிட்டு நிய்யத் வைக்க வேண்டும்.

நிய்யத்: 'நவைத்து ஸவ்மகதின் அன் அதாயி பர்ளி ரமலானி ஹாதிஹிஸ்ஸனதி லில்லாஹித் தஆலா –  இந்த வருஷத்து ரமலான் மாதத்தின் பர்ளான நோன்பை அதாவாக நாளை பிடிக்க நிய்யத்து செய்கிறேன்' என்று நிய்யத் செய்து கொள்ள வேண்டும்.

2. நோன்புடைய ஞாபகம் இருப்பததுடனே வேணும் என்றே எந்த பொருளும் உள்ளே சேராமல் பகல் முழுவதும் தடுத்துக் கொள்ள வேண்டும்.

நோன்பின் சுன்னத்துகள்:

1. ஸஹர் செய்வது (ஸஹருடைய நேரமாகிறது இரவுக்கு மேல் ஆரம்பமாகி சுப்ஹு வக்து வருவதற்கு 20 நிமிடங்களுக்கு முன்னால் முடிகிறது)

2. பஜ்ரு உதயமாவதை பயப்படாமல் இருக்கும் காலமெல்லாம் ஸஹரை பிற்படுத்துவது.

3. சூரியன் மறைந்தது உறுதியாகிவிட்டால் உடனடியாக நோன்பு திறப்பதின் மீது விரைந்து கொள்வது.

4. மூன்று பேரீத்தம்பழம் அல்லது மூன்று திராட்சை பழம் அல்லது மூன்று மிடர் தண்ணீரைக் கொண்டு நோன்பு திறப்பது.

5. நோன்பு திறந்தவுடன் 'அல்லாஹும்ம லக ஸும்து வபிக ஆமன்து வ அலைக்க தவக்கல்து வஅலா ரிஜ்கிக அப்தர்து, பஃதக்ப்பல் மின்னீ'- இறைவா! உனக்காக நோன்பு வைத்தேன். உன்னையே நம்பிக்கை வைத்தேன். உன்னுடைய ரிஸ்கின் மீதே நோன்பு திறந்தேன். எனது நோன்பை நீ ஏற்றுக் கொள்வாயாக! என்று துஆ ஓதுவது.

6. மற்றவர்களுக்கும் நோன்பு திறக்க கொடுப்பது.

7. ஹைலு நிபாஸ், ஜனாபத் போன்றவற்றை விட்டும் சுத்தமாவதற்காக பஜ்ருக்கு முன்னால் குளிப்'பது.

8. பகல் நேரத்தில் ஆகாரத்தின் மீது ஆசை கொள்வதை விட்டும், வாசனைப் பொருட்களை நுகர்வதை விட்டும் தன்னை தடுத்துக் கொள்வது.

9. ரமலான் பிந்திய பத்தில் அதிகமாக ஸதகா கொடுப்பதும், தன் குடும்பத்தின் மீது விசாலமாக செலவு செய்வதும், சொந்தக்காரர்கள் அக்கம்பக்கத்தவர்கள் மீது உபகாரம் செய்வதும் சுன்னத்தாகும்.

10. குர்ஆனை அதிகமாக ஓதுவது.

11. அதிகமாக இபாதத்து செய்வது.

12. ரமலான் மாதம் பிந்திய பத்தில் இஃதிகாப் இருப்பது கண்டிப்பான சுன்னத்தாகும்.

நோன்பின் மக்ரூஹ்கள்:

1. ஹைலு, ஜனாபத் குளிப்பை பஜ்ரு உதயமாகும்வரை பிற்படுத்துவது.

2. ஆகாரப் பொருள்களை ருசி பார்ப்பது.

3. பகல் முழுவதும் வாய் மூடி இருப்பது.

4. பகல் முழுவதும் வீண் பேச்சுக்களில் ஈடுபடுவது.

.5.உளு செய்யும்போது வாய், மூக்குக்கு தண்ணீரை அளவு கடந்து செலுத்துவது.

6. லுஹருக்குப் பின்னால் பல் துலக்குவது.

நோன்பை முறிக்கும் காரியங்கள்:

1. தான் நோன்பு என்று தெரிந்து கொண்டு உடல் உறவு கொள்வது.

2. வேண்டுமென்றே விந்தை வெளிப்படுத்துவது.

3. வேண்டுமென்றே வாந்தி எடுப்பது.

4. காரல் போன்றவை வாயின் எல்லைக்கு வந்தபின் விழுங்குவது.

5. நோன்பு என்ற உணர்வுடன் ஏதேனும் ஒரு வஸ்துவை உள்ளே செலுத்துவது.(வாயில் ஊறும் உமிழ்நீரை கொஞ்சம் கொஞ்சமாக விழுங்குவதால் நோன்பு முறியாது)

6. நோன்பு வைத்துக் கொண்டு நீரில் முங்கி குளிப்பதால் வாய், மூக்கு போன்ற ஓட்டைகளில் தண்ணீர் செல்லுபடி ஆகுவது.

7. ஹைலு, நிபாஸ், மதமாற்றம், பைத்தியம், பகல் முழுவதும் மயக்கம் போன்றவைகள் ஏற்படுவது.

நோன்பின் பலனை கெடுக்கும் காரியங்கள்:

1. பொய் சொல்வது

2. புறம் பேசுவது.

3. கோள் சொல்வது

4. இட்டுக் கட்டுவது.

5. பொய் சாட்சி சொல்வது.

6. பிறரை ஏசுவது.

நோன்பை விடுவதற்கு அனுமதியுள்ளவர்கள்:

1. தங்கடமான வியாதியஸ்தர்கள்.

2. நீண்ட பிரயாணம் செய்யக் கூடியவர்கள்

3. தாகத்தால், பசியால் நாசத்தை பயந்தவர்கள்.

இந்த மூன்று நபர்களும் நோன்பை விடுவது கூடும். ஆனால் இவர்கள் ஒவ்வொரு இரவும் நோன்பை நிய்யத்து செய்து கொள்ள வேண்டும். மத்தியில் கஷ்டம் ஏற்பட்டால் நோன்பை திறந்து விடலாம்.

ஆனால் இவர்கள் திரும்ப களா செய்ய இயலாது என்றிருந்தால் ஒரு நோன்புக்கு ஒரு முத்து வீதம் அதாவது முக்கால் லிட்டர் அரிசி வீதம் பிதியா கொடுக்க வேண்டும். இவர்கள் நோன்பை களா செய்ய வேண்டாம்.

கர்ப்பிணியான பெண்கள் நோன்பு வைத்தால் வயிற்றி;ல் உள்ள குழந்தைக்கு ஆபத்து ஏற்படுவதை பயந்தாலும், குழந்தைக்கு பால் கொடுக்கும் பெண் நோன்பு வைத்தால் பால் சுரக்காது என பயந்தாலும் நோன்பை விடலாம். ஆனால் இவர்கள் விட்ட நோன்பை களா செய்வதுடன் ஒரு நோன்புக்கு ஒரு முத்து வீதம் பிதியாவும் கொடுக்க வேண்டும்.

ஜகாதுல் பித்ர் விபரம்:

பித்றா கடமையாவதற்கு நிபந்தனைகள்:

பெருநாளின் பகலிலும் அடுத்து வரும் இரவிலும் தனக்கும், தனது செலவின் கீழ் இருப்பவர்களுக்கும் கொடுக்க வேண்டிய உணவு, உடை, குடியிருக்கும் இடம் போன்றவைகளையும், வேலைக்காரர்களுக்குரிய செலவு, கடன் இவைகளையும் கொடுத்து மீதமிருந்தால் பித்றா கொடுப்பது கடமையாகும். தாமதாமாகக் கொடுக்க வேண்டிய கடன் பித்றாவை தடை செய்யாது.

அளவு:

ஊரில் பெரும்பாலும் உணவாகப் பயன்படுத்தப்படும் பொருளிலிருந்து ஒவ்வொருவருக்கும் 4 முத்து வீதம் நமது நாட்டு அளவு படி 3 லிட்டர்கள் அல்லது 2 கிலோ 400 கிராம் கொடுப்பது கடமையாகும்.
ஷாபிஈ மத்ஹபில் உணவுப் பொருட்களைத்தான் கொடுக்க வேண்டும். அதன் விலையை கொடுத்தால் பித்றா நிறைவேறாது.தான் வசிக்கும் ஊரிலுள்ள ஏழைகளுக்கு பித்றா கொடுப்பது கடமை. வேற்றூரிலுள்ள ஏழைகளுக்கும் பித்றா கொடுக்கலாம்.

கொடுக்கும் நேரம்:

பெருநாள் தொழுகைக்கு முன்பு பித்றா கொடுப்பது சுன்னத்தாகும். பின் கொடுப்பது மக்ரூஹ் ஆகும். எனினும், சொந்தக்காரர்களையும், பக்கத்து வீட்டாரையும் எதிர்பார்த்து சூரியன் மறைவதற்குள்ளாக கொடுப்பது சுன்னத்தாகும்.

பெருநாள் அன்று சூரியன் மறையும் வரை பிற்படுத்துவது ஹறாமாகும். பித்றாவை ரமலான் முதல் பிறையிலிருந்தும் கொடுக்கலாம்.

 

நோன்பின் சட்டதிட்டங்கள் (ஹனபி மத்ஹப்):

நோன்பு விதியானவர்கள்:

1. முஸ்லிமாக இருத்தல்.

2. பருவமடைந்தவனாக இருத்தல்.

3. புத்தியுடையவனாக இருத்தல்.

4. இஸ்லாமிய நோன்பு கடமை என்பதை அறிந்தவனாக இருத்தல்.

நோன்பை நிறைவேற்றுவதற்கு விதியானவர்கள்:

1. ஊரில் தங்கியிருப்பவன்

2.உடல் நலம் பெற்றவன்.

3. மாதவிலக்கு, பேறுகால தொடக்கு ஆகியவைகளை விட்டும் சுத்தமான பெண்.

நோன்பு எப்போது நிறைவேறும்?

1. நிய்யத்து நிறiவேறும் நேரம் நிய்யத்து வைப்பது.(ரமலான் நோன்பு சுன்னத்தான நோன்பிற்குரிய நேரம் சூரியன் மறைந்தது முதல் நண்பகலுக்கு சற்று முன்னால் வரையாகும். ரமலான் நோன்பை களா செய்யும் போதும், கஃப்பாரா நேர்ச்சை நோன்பு பிடிக்கும்போதும் இரவில் நிய்யத்து செய்ய வேண்'டும்.)

2. பெண் மாதவிடாய், பேறுகாலத் தொடக்கு ஆகியவைகளை விட்டும் சுத்தமாக இருக்கும் நேரம்.

3. சாப்பாடு, குடிப்பு, உடலுறுவு போன்ற நோன்பை முறிக்கும் காரியங்களை விட்டும் நீங்கியிருக்கும் நேரம்.

நோன்பின் வகைகள்:

1.பர்ளு: ரமலான் மாத நோன்பாகும்.

2.வாஜிபு: வீணாக்கிய சுன்னத்தான நோன்பை களா செய்வது, நேர்ச்சை நோன்பு, கஃப்பாரா உடைய நோன்பு.( காரணமின்றி ரமலான் மாதத்தில் நாடியவனாக நோன்பு திறத்தல், நாடியவனாக ரமலான் மாத பகலில் உடலுறவு கொள்வது, மனைவியை மஹ்றமானவர்களுக்கு ஒப்பிட்டு காட்டுதல், சத்தியத்தை முறித்தல், இஹ்றாம் உடை உடுத்திய பின் தடுக்கப்பட்ட செயல்களை செய்தல், தவறாக கொலை செய்தல் போன்ற காரணங்களால் கஃபஃபாரா நோன்பு விதியாகும்.)

3.பிரதான சுன்னத்து(மஸ்னூன்): முஹர்ரம் 9,10 அல்லது 10,11 வது நாட்களின் நோன்புகள்.

4. பிரதானமில்லாத சுன்னத்து(மன்தூப்): ஒவ்வொரு மாதமும் 3 நாட்கள் நோன்புகள், ஒவ்வொரு மாதமும் 13,14,15 ஆகிய வெள்ளை நாட்களின் (அய்யாமுல் பீல்) நோன்புகள், ஒவ்வொரு வாரமும் திங்கள், வியாழன் இரண்டு நாட்களின் நோன்புகள், ஷவ்வால் மாதம் ஆறு நாட்களின் நோன்புகள், ஹாஜி அல்லாதவர்களுக்கு அரபா நோன்பு, தாவூது நபியின் நோன்பு (அதாவது ஒருநாள் நோன்பு நோற்று ஒருநாள் விட்டு நோன்பு நோற்றல். இந்த நோன்பு மிகச் சிறப்பானதாகும்.)

5. மக்ரூஹ்: முஹர்ரம் 10ம் நாள் மட்டும் நோன்பு நோற்றல், சனிக்கிழமை மட்டும் நோன்பு நோற்றல், நோன்பு திறக்காமலேயே தொடர்ந்து நோன்பு நோற்றல்.

6. ஹராம்: நோன்பு பெருநாள்களின் நோன்பு, ஹஜ்ஜுப் பெருநாள் நோன்பு, அய்யாமுத் தஷ்ரீக் 3 நாட்களின் நோன்பு (அதாவது துல்ஹஜ்ஜு பிறi 11,12,13 நாட்கள்)

நிய்யத்து வைத்தல்:

நோன்பு வைப்பதற்கு இதயத்திலிருந்து வரக்கூடிய உறுதியான நாட்டம் என்ற நி;ய்யத்து கடமையாகும். நிய்யத்து என்பது முறையாக பஜ்ருடைய நேரம் வருவதற்கு முன்னால் ஏற்பட வேண்டும். ஆனால் மூன்று வகையான நோன்புகளில் சூரியனின் உச்ச நேரத்திற்கு பத்து நிமிடங்கள் முன்னால் வரை நிய்யத்து வைத்துக் கொள்ள அனுமதியுண்டு.

1. ரமலான் மாத்திலேயே ரமலான் நோன்பை நிறைவேற்றுவது.

2. நாள் குறிப்பிட்ட நேர்ச்சை நோன்பு

3. நஃபில் நோன்பு.

ரமலான் நோன்பை களா இல்லாமல் அதாவாக நிறைவேற்றும் போது நோன்பு வைக்கிறேன் என்று பொதுவான நிய்யத்தைக் கொண்டு நிறைவேறுவதும், நபில் நோன்பை நோற்கிறேன் என்ற நிய்யத்தும் கூடும். இதுபோலவே நாள்குறிப்பிட்ட நேர்ச்சை நோன்பிலும், நபில் நோன்பிலும் இவ்விரண்டு விதமாக நிய்யத்து செய்வதும் கூடும்.

ஆனால் நான்கு வகையான நோன்புகளிலே இன்ன நோன்பை நோற்கிறேன் என்று நோன்பை குறிப்பிடுவதும் அந்த நிய்யத்து பஜ்ரு நேரம் வருவதற்கு முன் செய்வதும் கட்டாயமாகும்.

அவை:

1. களாவான ரமலான் நோன்பு.

2. இடையிலே முறித்து விட்ட நபில் நோன்பு

3. குற்றப்பரிகாரமான (கஃபஃபாரா) நோன்பு.

4. நாள் குறிப்பிடாத நேர்ச்சை நோன்பு.

நோன்பை முறிக்காத விசயங்கள்:

1. மறதியாக சாப்பிட்டால், குடித்தால்.

2.மறதியாக உடலுறவு கொண்டால்.

3. தலையில் எண்ணெய் தேய்த்தால்.

4. கண்களுக்கு சுறுமா போட்டால்.

5.இரத்தம் எடுக்கப்பட்டால்.

6.ஒருவரைப் பற்றி புறம் பேசினால்.

7.நோன்பை விடாத நிலையில் நோன்'பை விடுவதை நாடினால்.

8.தானாகவே புழுதி, புகை, ஈ போன்றவை தொண்டைக்குள் புகுந்தால்.

9. முழுக்குள்ளவனாக இருந்தால் (நோன்பு நிறைNவுறும். ஆனால் பர்ளு தொழுகை விட்டதற்காக மக்ரூஹ் தஹ்ரீமாவாகும்)

10. ஆற்றில் மூழ்கி காதில் நீர் புகுந்தால்.

11. மூக்கில் சளி நுழைந்து நாடியவனாக அதை விழுங்கினால்.

12. வாந்தி மிகைத்து தானாகவே உட்சென்று விட்டால்(அது குறைவாகவோ அதிகமாகவோ இருந்தாலும் சரி)

13. வாந்தி எடுத்து அது வாய் நிரம்பாத நிலையில் தானாகவே உட்சென்றால்.

14. பற்களுக்கு மத்தியிலுள்ள உணவுப் பொருட்கள் மொச்சைக் கொட்டையை விட சிறியதாக இருந்து அதை விழுங்கினால்.

15. கடுகு போன்றதை வாயின் வெளிப்பாகத்தில் மென்று அதன் சுவை தொண்டையில் நுழையவில்லை என்றால்.

16. தோலிலோ அல்லது நரம்பிலோ ஊசி போடுவதால்.

17. தனது காதை ஒரு குச்சியால் குடைந்து அதில்  குச்சியை பலமுறை காதில் செலுத்தினால்.

களா செய்வதுடன் கஃபஃபாரா கடமையாகும் எப்போது?:

1. நோன்பாளி உணவை உண்டு அதனால் வயிற்றுப் பசி தீர்வதால்.

2. மார்க்க ரீதியான காரணமின்றி மருந்தை சாப்பிட்டால்.

3. நோன்பாளி தண்ணீரை அல்லது வேறு பானத்தை குடித்தால்

4. உடலுறவு கொள்வதால்.

5. வாயினுள் மழைநீர் நுழைந்து அதை விழுங்கினால்.

6. கோதுமை போன்றதை சாப்பிட்டால்.

7. சிறிது உப்பை சாப்பிட்டால்.

8. களிமண் திண்பது வழக்கமாக இல்லாமல் அதை சாப்பிட்டால்.

கஃப்பாராவுக்குரிய நிபந்தனைகள்:

1. ரமலான் நோன்பை அதாவாக நிறைNவுற்றும் போது குடித்தால், சாப்பிட்டால்.

2. நாடியவனாக சாப்பிட்டால், குடித்தால்

3. இரவு இன்னும் முடியவில்லையென்றோ மக்ரிபு நேரம் நுழைந்து விட்டது என்றோ எண்ணி சாப்பிட்டு அவன் பகலில்தான் சாப்பிட்டான், குடித்தான் என்பது தெளிவானால்.

4.சாப்பிட, குடிக்க நிர்பந்தமாக்கப்படவில்லையானால் கஃப்பாரா கடமையாகும்.

கஃப்பாராவின் விளக்கம்:

1. ஒரு அடிமையை உரிமைவிடுதல் (இதற்கு இயலவில்லையெனில்)

2. தொடர்ந்து 2 மாதங்கள் நோன்பு பிடித்தல், அய்யாமுத் தஷ்ரீக் நாட்கள் இடையில் வந்தால் தொடர்ச்சி விட்டுவிடும். (இதுவும் முடியவில்லையெனில்)

3. ஊரின் உணவுப் பொருளில் நடுத்தரமான பொருளை 60 ஏழைகளுக்கு உணவளிக்க வேண்டும்.

கஃப்பாராவின்றி களா கடமையாவது எப்போது?

1. பயணம், நோய், குழந்தை உண்டாகுதல், பால் கொடுத்தல், மாதவிடாய், பேறுகாலத் தொடக்கு, மயக்கம், பைத்தியம் இதுபோன்ற மார்க்கரீதியான காரணங்களில் ஒரு காரணத்தினால் பிடித்த நோன்பை விட்டால்.

2.வழமையாக சாப்பிடாத, வயிற்றுப் பசி அதனால் தீராத மருந்து, ரொட்டித் துண்டு, குழைத்த மாவு காகிதம் போன்ற பொருளை நோன்பாளி சாப்பிட்டால்.

3. கல், இரும்பு, தங்கம், வெள்ளி, செம்பு போன்ற பொருளை நோன்பாளி விழுங்கினால்.

4. நோன்பாளியை சாப்பாடு, குடிப்பின் மீது நிர்ப்பந்தப்பட்டு சாப்பிட்டால், குடித்தால்.

5. நோன்பாளி சாப்பாடு, குடிப்பிற்கு அவசியமாக்கப்பட்டு சாப்பிட்டால், குடித்தால்.

6. இரவு இருக்கின்றது ,அல்லது சூரியன் அடைந்து விட்டது என நினைத்'து சாப்பிட்டபின் அது பகல் என்பது தெளிவானால்

7. வாய் அலம்புவதிலும், மூக்குக்குத் தண்ணீர் செலுத்துவதிலும் அளவுக்கதிகமாக செய்து தண்ணீர் அவன் வயிற்றுக்குள் சென்று விட்டால்.

8.வாந்தியை வரவழைத்து அது வாய் நிரம்ப இருந்தால்.

9. தொண்டையில் மழைநீர் அல்லது பனிக்கட்டி நுழைந்து அவன் நாடி அதை விழுங்கவில்லையானால்.

10 ரமலானுடைய அதாவாக இல்லாத நோன்பில் நோன்பை வீணாக்கினால்.

11. தான் நாடி புகையை தனது தொண்டையினுள் நுழைய வைத்தால்.

12. மொச்சை கொட்டையளவு பற்களுக்கு மத்தியிலுள்ள உணவு பொருளின் ஒரு பகுதியை விழுங்கினால்.

13. மறதியாக சாப்பிட்டபின் தெரிந்து சாப்பிட்;டால்.

14.இரவில் நிய்யத்து வைக்காமல் பகலில் நிய்யத்து வைத்தபின் சாப்பிட்டால்.

15. பயணியாக இருந்து தங்குவதை நாடி பின் சாப்பிட்டால்.

16. ஊரில் தங்குபவனாக இருந்து பின் பயணம் செய்து சாப்பிட்டால்.

17. நோன்பு பிடிக்கின்ற அல்லது விடுகின்ற எந்த நிய்யத்தும் இல்லாமல் பகல் முழுவதும் ஊண், குடிப்பை விட்டும் தன்னை தடுத்துக் கொண்டால்.

18. எண்ணெய் அல்லது தண்ணீர் இவற்றை காதில் ஊற்றினால்.

19. மூக்கினுள் மருந்தை ஊற்றினால்.

20.வயிற்றிலுள்ள காயத்திற்கு அல்லது மூளையிலுள்ள காயத்திற்கு மருந்து போட்டு அம்மருந்து உட்பகுதிக்குள் சென்றால் நோன்பை களா செய்வதும், நோன்பு வீணான நாளில் ரமலான் மாதத்தை சங்கை செய்வதற்காக மீதமுள்ள நேரத்தில் ஊண், குடிப்பை விட்டும் தன்னை தடுத்துக் கொள்வதும் கடமையாகும்.

நோன்பாளிக்கு மக்ரூஹான காரியங்கள்:

1. ஒரு பொருளை தேவையின்றி மெல்வதும், சுவைப்பதும்.

2. வாயில் எச்சிலை ஒன்றுகூட்டி பின் அதை விழுங்குவதும்.

3. இரத்தம் எடுத்தல் போன்ற பலஹீனத்திற்கு காரணமாக இருக்கின்ற ஒவ்வொரு காரியத்தினாலும் மக்ரூஹ் ஏற்படும்.

நோன்பாளிக்கு மக்ரூஹ் இல்லாத காரியங்கள்:

1. தாடி, மீசைக்கு எண்ணெய் இடுவது.

2. சுறுமா இடுவது.

3. குளிர்ச்சியாக குளிப்பது.

4.குளிர்ச்சிக்காக ஈரமான ஆடையால் சுற்றுவது.

5. ஒளுவின்றி வாய் அலம்புவது, நாசிக்குத் தண்ணீர் செலுத்துவது.

6.. பகலின் கடைசியில் பல்துலக்குவது.

நோன்பின் சுன்னத்துக்கள்:

1. ஸஹர் செய்வது.

2. பஜ்ரு உதயத்திற்கு சற்று முன்வரை ஸஹர் செய்வதை பிற்படுத்துவது.

3. சூரியன் மறைந்தது உறுதியாகிவிட்டால் நோன்பு திறப்பதை தீவிரப்படுத்துவது.

4. பெருந்தொடக்கை விட்டும் நீங்க பஜ்ருக்கு முன் குளிப்பது.

5. பொய், புறம்பேசுதல், கோள் சொல்லுதல், ஏசுதல் ஆகிய தீயகுணங்களை விட்டும் தனது நாவை பாதுகாத்தல்.

6.குர்ஆன் ஓதுவது, திக்ரு செய்வது போன்ற நற்காரியங்களை கொண்டு ஈடுபடுவது.

7. கோபம் கொள்ளாமலும், வீணான காரியத்தில் ஈடுபடாமலும் இருப்பது.

8. ஆகுமானதாக இருப்பினும் மனோ இச்சைகளை விட்டும் தன்னை தடுத்துக் கொள்வது.

நோன்பை விடுவதற்கு அனுமதியளிக்கப்பட்டவர்கள்:

1. நோய் அதிகரிப்பதையோ, நோய் நிவாரணம் பெறும்  காலம் நீடிப்பதையோ பயப்படுகின்ற அல்லது நோன்பு நோயாளிக்கு இடையூறை சேர்க்கின்ற நோயாளி.

2. தொழுகை கஸ்ருடைய தூரத்திற்கு பயணம் செய்கின்ற பயணி.

3.ஆபத்தில் சேர்க்கும் கடுமையான தாகம் உள்ளவன், கடுமையான பசி உள்ளவன்.

4. நோன்பு தனக்கோ அல்லது தனது குழந்தைக்கோ இடையூறு ஏற்படும் கர்ப்பிணி.

5. தனக்கோ அல்லது பால் குடிக்கின்ற குழந்தைக்கோ இடையூறு ஏற்படும் பெண்மணி.

6. மாதவிலக்குடைய, பேறுகாலத் தொடக்குடைய பெண்கள்.

7. நோன்பு பிடிக்க இயலாத வயது முதியவர். (நோன்பு பிடிக்காததிற்கு பிதியா கொடுப்பது கடமை)

8. சுன்னத்தான நோன்பு நோற்பவனுக்கு காரணமின்றி நோன்பை விடுவது ஆகும். ஆனால் மற்றொரு நாள் அதை களா செய்வது கடமையாகும்.

9. பகைவருடன் போர் புரிபவன்.

கழா செய்வதை தீவரப்படுத்துவது சுன்னத்தாகும். பிற்படுத்தினாலும் ஆகும். தொடர்ந்தோ விட்டுவிட்டோ களா செய்யலாம்.

அடுத்த ரமலான் மாதம் வரும் வரை களாவை பிற்படுத்தினால் அதாவை முற்படுத்துவான். களாவை பிற்படுத்தியதால் பித்யா கொடுப்பது கடமையில்லை.

இஃதிகாஃப்:

ஜமாஅத்தாக தொழுகை நிறைவேற்றப்படுகின்ற பள்ளியில் அதற்குரிய நிய்யத்துடன் தங்குவதுதான் இஃதிகாஃப் எனப்படும்.

வகைகள்:

வாஜிபு: நேர்ச்சை செய்யப்பட்ட இஃதிகாப்.

கண்டிப்பான சுன்னத்து: ரமலான் மாத கடைசி பத்து நாட்களிலும் இஃதிகாப் இருப்பது.

சுன்னத்து: மேற்கூறப்பட்ட இரண்டு வகைகளையும் தவிர உள்ள இஃதிகாஃப். சிறிது நேரம் பள்ளியில் அதற்குரிய நிய்யத்துடன் தங்கினாலும் இஃதிகாஃப் ஏற்படும்.

பெண்கள் தொழுகைக்காக நிர்ணயிக்கப்பட்ட அறையில் இஃதிகாப் இருப்பார்கள். நேர்ச்சை இஃதிகாப்பிற்கு மட்டும் நோன்பு நோற்பது கடமையாகும்.

இஃதிகாப்பை வீணாக்கும் காரியங்கள்:

1. காரணமின்றி பள்ளியை விட்டு வெளியாகுவது.

2. மாதவிடாய், பேறுகாலத் தொடக்கு ஏற்படுவது.

3. உடலுறவு கொள்வது, முத்தமிடுவது, இச்சையுடன் தொடுவது.

பள்ளியை விட்டும் வெளியேறுவதற்குரிய காரணங்கள்:

1. மலம், ஜலம், குளிப்பு போன்ற இயற்கையான காரணங்கள்(தேவையான நேரத்திற்கு மட்டும் தான் வெளியில் தங்க வேண்டும்.)

2.ஜும்ஆ போன்ற மார்க்க ரீதியான காரணங்கள்.

3. அந்த பள்ளியில் தங்கினால் தன்மீது அல்லது தன் பொருளின் மீது பயம் ஏற்படுவது.
பள்ளி இடிந்தாலும் உடனடியாக வேறு பள்ளிக்கு போகின்ற நிபந்தனையின் பேரில் வெளியாகலாம்.

இஃதிகாபின் மக்ரூஹ்கள்:

1. வியாபாரத்திற்காக பள்ளியில் வியாபார உடன்படிக்கை செய்வது.

2. வியாபாரப் பொருட்களை பள்ளியில் கொண்டு வருவது.

3. வாய்மூடி இருப்பது.

இஃதிகாபின் சுன்னத்துக்கள்:

1. நல்ல விசயத்தை பேசுவது.

2. இஃதிகாபிற்கு சிறந்த பள்ளியை தேர்ந்தெடுப்பது(மக்காவில் தங்குபவர்களுக்கு மஸ்ஜிதில் ஹராம், மதினாவில் தங்குபவர்களுக்கு மஸ்ஜிதுந் நபவி, பைத்துல் முகத்தஸில் அக்ஸா பள்ளி மற்றவர்களுக்கு ஜும்ஆ பள்ளி)

3. குர்ஆன் ஓதுவது, திக்ரு செய்வது, பெருமானார் மீது ஸலவாத்து ஓதுவது. மார்க்கப் புத்தகங்களை படிப்பது.

ஸதகத்துல் பித்ர்:

ஒரு மஸ்லிம் பெருநாளில் தனது பொருளிலிருந்து தேவையானவர்களுக்கு நோன்பில் ஏற்பட்ட சில குறைகளை நீக்குவதற்காக கொடுப்பதுதான் பித்ர் ஸதகா எனப்படும்.

பின்வரும் நிபந்தனையுள்ளவர்கள் மீது ஸதகத்துல் பித்ர் கடமையாகும்.

1. முஸ்லிமாக இருப்பது.

2.சுதந்திர புருஷனாக இருப்பது.

3. தனது கடன் தனது தேவைகள், தனது தேவைகளை விட்டும் எஞ்சிய பொருளுக்கு சொந்தக்காரனாக இருப்பது.

தேவைகள்:

1. வீடு 2. வீட்டுப் பொருள்கள் 3. உடைகள் 3. வாகனங்கள் 4. உழைப்பதற்குரிய சாதனங்கள்.

பெருநாள் காலையில் பஜ்ரு உதயமாகும்போது சொந்தக்காரனாக இருப்பதை நிபந்தனையிடப்படும். பருவமெய்திய அறிவுள்ளவனாக இருப்பது நிபந்தனையல்ல. பைத்தியக்காரன், சிறுவன் ஆகியோரின் பொருட்களிலிருந்து ஸதக்கத்துல் பித்ரு கொடுக்கப்படும்.

கடமையாகும் நேரம்:

பஜ்ரு உதயமாகும் போது ஸதக்கத்துல் பித்ர் கடமையாகும். அதற்கு முன் மரணித்தவர் மீதும், ஏழையானவர் மீதும் கடமையாகாது.

பஜ்ருக்குப் பின் பிறந்தவன், இஸ்லாம் ஆனவன், செல்வந்தராக ஆனவன் மீதும் ஸதக்கத்துல் பித்ர் கடமையாகாது.

ஸதக்கத்துல் பித்ரை முந்தியோ பிந்தியோ நிறைவேற்றுவது கடமையாகும். ஆனால் பள்ளிக்குப் போகும் முன் ஸதக்கத்துல் பித்ர் கொடுப்பது சுன்னத்தாகும். ரமலானில் மற்ற நாட்களில் கொடுப்பது ஆகும். ஆனால் பெருநாளைக்கு ஏழைகள் தங்களுக்கு உணவு, உடை போன்ற தேவையான பொருட்களை தயாரிப்பதற்காக முன்னமே கொடுப்பது சிறப்பாகும்.

பெருநாள் தொழுகையை விட்டும் ஸதக்கத்துல் பித்றை காரணமின்றி பிற்படுத்துவது மக்ரூஹ் ஆகும்.

ஸதக்கத்துல் பித்ரு யாருக்காக கொடுக்க வேண்டும்?:

1. தனக்காகவும்

2. தனது ஏழ்மையான பருவமடையாத தனது பிள்ளைகளுக்கும் கொடுப்பது கடமையாகும்.

பெரிய பிள்ளைகள் ஏழைகளாக இருந்தாலும் அவர்களுக்காக கொடுப்பது கடமையில்லை.

சிறிய பிள்ளைகள் வசதியுள்ளவர்களாக இருந்தாலும் கடமையில்லை.

கொடுக்கும் அளவு:

ஒருவருக்கு 1 கிலோ 600 கிராம் அரிசி அல்லது கோதுமை அல்லது கிரயம் கொடுப்பது கடமை. கிரயம் கொடுப்பது ஏழைகளுக்கு பயனளிப்பதால் அதுவே சிறப்பாகும்.

ஒருவருக்குரிய ஸதகாவை பல ஏழைகளுக்கு கொடுக்கலாம். பலபேருக்குரிய ஸதகாவை ஒரு ஏழைக்கும் கொடுக்கலாம்.

தொழுகை சட்டங்கள் (ஹனபி)-Laws of Hanafi Prayer

தொழுகை சட்டங்கள் (ஹனபி)

இஸ்லாத்தின் இரண்டாவது கடமை தொழுகையாகும். தொழுகையானது இஸ்லாத்தின் தூண் ஆகும்.

தொழுகைக்கு தஹாரத் என்னும் பரிசுத்தம் மிகவும் அத்தரியாவசியம் என்று நபிகள் நாயகம் ஸல்லல்லாஹு அலைஹி வஸல்லம் அவர்கள் கூறியிருக்கிறார்கள்.

பரிசுத்தம் மூன்று வகைப்படும். 1. உடல் சுத்தம் 2. உடை சுத்தம் 3. இடம் சுத்தம். இந்த மூன்றுவகை சுத்தம் இல்லாவிட்டால் தொழுகை நிறைவேறாது.

குளிப்பு(குஸ்லு)

ஆண், பெண் சம்போகத்தினாலோ(உடலுறவினாலோ) தூக்கத்திலோ விழிப்பிலோ இந்திரியம் என்னும் 'மனீ' வெளிப்பட்டாலும் குளிப்பு கடமையாகிறது.

பெண்கள் மாத விடாய் என்னும் 'ஹைல'; வெளிப்பட்டு நின்றதும் குளிப்பு செய்ய வேண்டியது கடமையாகும். பிள்ளை பிரசவித்து 'நிபாஸ்' என்னும் அசுத்தம் வெளிப்பட்ட பின் குளிக்க வேண்டியது கடமையாகும.; இந்த குளிப்புகள் பர்ளு ஆகும்.

குளிப்பு கடமையானவர்கள் செய்யக் கூடாதவை:

குர்ஆன் ஷரீபை தொடக்கூடாது. ஓதவும் கூடாது.
மஸ்ஜித் (பள்ளிவாசல்) உள் பிரவேசிக்க கூடாது.
நோன்பு நோற்கக் கூடாது.
மக்காவில் கஃபத்துல்லாஹ்வை சுற்றி தவாப் செய்யக் கூடாது.

மல-ஜல சுத்தம்:

உடலிலருந்து மலம்-ஜலம்-கசிவு நீர்(மதீ, வதீ) வெளிப்பட்டாலும் உடனே கழுவி சுத்தம் செய்து கொள்ள வேண்டும். இதற்கு 'தஹாரத்' என்று பெயர்.

சிறுநீர் பெய்ததும் 'டேலா' என்னும் மண் கட்டி கொண்டு நீரை உலர்த்தி, பிறகு தண்ணீர் கொண்டு கழுவ வேண்டும். காதிதம், சுண்ணாம்புக் கட்டி முதலியன கொண்டு சுத்தம்  செய்யக் கூடாது. டேலாக் கட்டிகளை இடது கையால் உபயோகிக்க வேண்டும்.   குறைந்தது மூன்று டேலாக் கட்டிகளைக் கொண்டு சுத்தம்  செய்ய வேண்டும். ஜனங்கள் நடமாடும் இடங்களில் பகிரங்கமாக இக்காரியங்களை செய்யக் கூடாது. பெண்கள் மல, ஜலம் கழிக்கும் போது டேலாக் கட்டிகளை உபயோகிக்கத் தேவையில்லை. மலம் ஜலம் கழித்தபின் இடம் மாறி உட்கார்ந்து தண்ணீர் கொண்டு கழுகிக் கொண்டால் போதும்.

மல ஜலம் கழிக்கும்போது அடிக்கடி மர்ம ஸ்தானத்தைப் பார்க்கக் கூடாது. பாங்குக்கும், பிறர் ஸலாமுக்கும் பதில் சொல்லக் கூடாது.

'தஹ்-தர்தஹ்'- தண்ணீர் விபரம்:

ஒலுவு, குஸ்லு  செய்வதற்கான தண்ணீரின் சுத்த-அசுத்த விபரங்களைத் தெரிந்து கொள்ள வேண்டியது அவசியமாகும்.

பலபேரும் கைப் போட்டு எடுத்து உபயோகிப்பதற்கேற்ற தண்ணீர், ஹனபி மத்ஹபின் பிரகாரம் 10×10 முழம் அகல நீளம் உடையதாகவோ, அதை விடப் பெரியதாகவோ இருக்க வேண்டும். அதிலிருந்து தண்ணீரை அள்ளினால் தரை தெரியவராத ஆழமுடையதாக இருக்க வேண்டும். இதற்கு 'தஹ்-தர்ஹ்' என்று பெயர்.

இந்த அளவுள்ள தண்ணீர் ஓடும் ஜலத்திற்கு ஒப்பாகும். இதில் ஏதேனும் அசுத்தம் விழுந்து விட்டாலும் தண்ணீர் நஜீஸ் ஆக மாட்டாது. பெரிய கிணறு, நதி, ஆறு, வாய்க்கால், குளத்து நீர், மஸ்ஜிதிலுள்ள ஹவுஸ் இந்த கணக்குப்படியாகும்.

குளிப்பின் பர்ளுகள்:

1. வாய் கொப்பளித்தல்
2. நாசிக்குத் தண்ணீர் செலுத்துதல்
3. சரீரம் பூராவும் நனையும்படி குளித்தல்.

சுன்னத்துகள்:

1. அசுத்தம் நீங்குவதற்காக குளிக்கிறேன் என்று நிய்யத்து செய்தல்.
நிய்யத்தாவது:
 

نَوَيْتُ اَنْ اَغْتَسِلَ لِرَفْعِ الْحَدَ ثْ

2. பிஸ்மில்லாஹ் சொல்லுதல்
3. இரு கைகளையும் மணிக்கட்டு வரை கழுவுதல்
4. மர்மஸ்தானத்தை கழுவுதல்.
5. புடவையிலுள்ள, சரீரத்திலுள்ள நஜூஸை கழுவுதல்
6. ஒளு செய்தல்
7. தலையின் மீதும் வலது இடது புஜங்களின் மீதும் மும்மூன்று தடவை தண்ணீர் ஊற்றுதல்.
குளிக்கும்போது சரீரத்தில் ஒரு ரோமக்காலளவு இடம் நனையாமல் இருந்தாலும் குளிப்பு நிறைவேறாது.
குளித்து வந்த பிறகு ஒரு சிறு இடம் நனையவில்லை என்று தெரிந்து அதை மட்டும் கழுவிக் கொண்டாலும் குளிப்பு நிறைவேறி விடும்.

ஒளு:

தண்ணீரால் உடலின் சில குறிப்பிட்ட உறுப்புக்களை சுத்தம் செய்வதற்கு ஒளு என்று பெயர். தொழுவதற்கு முன் உளு என்னும் அங்கசுத்தி செய்து கொள்ளல் வேண்டும்.

முஃமின்களே! நீங்கள் தொழுகைக்குச் சென்றால் உங்கள் முகங்களையும், முழங்கைகள் வரை உங்கள் கைகளையும், கணுக்கால் வரை உங்கள் கால்களையும் கழுவுவதோடு, நீரில் நனைத்த கைகளினால் உங்கள் தலையையும்(சிறு பகுதியைத்) தடவிக் கொள்ளுங்கள்'. -(அல்-குர்ஆன் (5:6)

ஒளுவின் பர்ளுகள்:

1. முகம் கழுவுதல்: நெற்றி ரோமத்திலிருந்து முகவாய்க்கட்டை வரை நீளத்திலும் ஒரு காது முதல் மறுகாது வரை அகலத்திலும் முகத்தை நன்கு கழுவுதல்.
2. கை கழுவுதல்: இரண்டு கரங்களின் முட்டுக் கை உள்ப டநன்றாய் நீர் சொட்ட ஊற்றிக் கழுவுதல்.
3. மஸ்ஹு செய்தல்: தலையில் நாலிலொரு பாகத்தில் தண்ணீர் நன்கு படும்படி ஈரக் கை கொண்டு துடைத்தல்.
4. கால் கழுவுதல்: இரண்டு கால்களை கரண்டைக் உட்பட நன்றாக தேய்த்துக் கழுவுதல்.
 

ஒளுவின் சுன்னத்துக்கள்:

1. முடியுமானால் கிப்லாவை முன்னோக்கி உட்காருதல்.
2. ஒளு செய்கிறேன் என்று நிய்யத் செய்தல்.
3.பிஸ்மில்லாஹ் சொல்லி ஆரம்பித்தல்.
4. இரு கரங்களையும் மணிக்கட்டு வரை மூன்று முறை கழுவுதல்.
5.பற்களைத் தேய்த்தல்(மிஸ்வாக் செய்தல்)
6. மூன்று முறை நீரால் வாய்க் கொப்பளித்தல்.
7. வாய்க் கொப்பளிக்க தண்ணீரை வாய்க்கு செலுத்தும்போதே நாசிக்கும் செலுத்தி, சிந்தியும் கொப்பளித்தும் சுத்தம் செய்தல்.
8. முகத்தை மூன்று முறை தேய்த்துக் கழுவுதல் (தாடியுடையவர் தாடி, ரோமங்களைக் கோதிக் கழுவ வேண்டும்.)
9. வலது கையை முதலிலும் இடது கையை பிறகுமாக மும்மூன்று முறை முட்டுக்கை உள்பட தேய்த்துக் கழுவுதல்.
10. சிரசில் மூன்று முறை 'மஸ்ஹு' செய்தல். அதாவது இரு கரங்களையும் நீரில் நனைத்து நெற்றியிலிருந்து பிடரி வரை இழுத்து மீண்டும் நெற்றிவரை இழுத்து துடைத்தல்.
11.மீண்டும் தண்ணீரில் கைகனை நனைத்து, சுண்டு விரல் கொண்டு காதின் முன் பாகத்தையும் பெருவிரல் கொண்டு காதின் பின் பாகத்தையும் மூன்றுமுறை துடைத்தல்.
12. கரண்டை உட்பட வலது காலை முன்னும் இடது காலை பின்னுமாக கழுவுதல்.
13. மேற்கூறியபடி உறுப்புகளை நன்றாகத் தேய்த்துக் கழுவுதல்.
14. ஓர் உறுப்பு கழுவிக் காய்வதற்கு முன் மறு ஊறப்பைத் தொடர்ச்சியாக கழுவுதல்.
இந்த முறைப்படி முன் பின்னாகாமல் ஒழுங்காகச் செய்து கழுவுவதே சுன்னத்தான முறைப்படி செய்யும் ஒழுவாகும்.

ஒளுவை முறிக்கும் காரியங்கள்:

1.  பின், முன் துவாரங்களிலிருந்து மலம், காற்று, ஜலம் வெளிப்படுதல்.
2. காயத்திலிருந்து இரத்தம், சீழ், நீர் முதலியன வெளிப்பட்டு வழிதல்.
3. உமிழ்நீரில் அதிகமாக இரத்தம் கலந்திருத்தல்.
4. வாய் நிறைய வாந்தி வெளிப்படுதல்.
5. உடல் சோர்ந்து மெய்மறந்து நித்திரை செய்தல்.
6. ஒன்றன் மீது சாய்ந்து கொண்டு பீஷ்டபாகம் பூமயில் படியத் தூங்கிவிடுதல்.
7. அறிவு மயங்கி உணர்வு அற்றுப் போதல்.
8. போதையேறி அறிவு மயங்குதல்.
9. பைத்தியம் n காண்டு புத்தி மாறுதல்.
10. தொழுகையில் சப்தமிட்டு சிரிப்பது.
11. மர்ம ஸ்தானங்களில் ஒன்றோடொன்று சந்தித்து ஸ்பரிசித்தல்.

தயம்மும்.

தண்ணீர் கிடைக்காத சமயத்தில் மண்புழுதி கொண்டு 'தஹாரத்' செய்வதற்கு தயம்மும் என்று பெயர். ஒளு செய்து செய்யும் காரியங்களை தயம்மும் செய்து செய்வது ஆகும்.

அருகில் எங்கும் தண்ணீர் கிடைக்காமல் போனாலும், தண்ணீரை உபயோகித்தால் நோய் நொடி உண்டாகிவிடும் என்று அஞ்சினாலும், இருக்கும் வியாதி கடுமையாகிவிடும் என்று பயந்தாலும், இருக்கும் தண்ணீரைக் கொண்டு உளு செய்துவிட்டால் குடிக்கத் தண்ணீர் இல்லாமல்  போய் விடும் என்று அச்சப்பட்டாலும், தண்ணீர் கொண்டு வருவதற்குள் ஜும்ஆ தொழுகையோ, ஜனாஸா தொழுகையோ தவறிவிடும் என்று பயந்தாலும் தயம்மும் செய்து தொழலாம்.

ஷர்த்துகள்:

1. ஏற்கனவே யாரும் தயம்மத்திற்கு உபயோகிக்காத புழுதியுள்ள புது மண் வேண்டும்.
2. இந்நேரத் தொழுகையை நிறைவேற்ற தயம்மும் செய்கிறேன் என்று நிய்யத் செய்ய வேண்டும்.
3. இரு கைகளையும் மண் புழுதி மீது மெல்ல அடித்து அதைக் கொண்டு முகம் முழுவதும் துடைத்துக் கொள்ள வேண்டும்.
4. அம்மண் மீது மீண்டும் ஒரு முறை கைகளை அடித்து இரு கரங்களையும் முழங்கை உட்பட துடைத்துக் கொள்ள வேண்டும்.
5. மேற்கூறிய வண்ணம் ஒழுங்காக தொடர்ந்து செய்ய வேண்டும்.
ஒளுவை முறிக்கும் காரியங்கள் தயம்முமை முறித்துவிடும். தண்ணீர் கிடைத்துவிட்டாலும், தங்கடம் நீங்கி விட்டாலும் தயம்மும் முறிந்துவிடும்.

பாங்கும் இகாமத்தும்:

அல்லாஹு அக்பர் அல்லாஹு அக்பர் அல்லாஹு அக்பர் அல்லாஹு அக்பர்
அஷ்ஹது அன்லாஇலாஹ இல்லல்லாஹ் அஷ்ஹது அன்லாஇலாஹ இல்லல்லாஹ்
அஷ்ஹது அன்னமுஹம்மதுர் ரஸூலுல்லாஹ் அஷ்ஹமு அன்னமுஹம்மதுர் ரஸூலுல்லாஹ்
ஹய்ய அலஸ்ஸலாஹ் ஹய்ய அலஸ்ஸலாஹ்
ஹய்ய அலல் பலாஹ் ஹய்ய அலல் பலாஹ்
அல்லாஹு அக்பர் அல்லாஹு அக்பர் லாஇலாஹ இல்லல்லாஹ்

இதுதான் தொழுகைக்கு அழைப்பு விடுக்கும் 'பாங்கு' என்னும் 'அதான்' ஆகும். இத்துடன் சுப்ஹிற்கு 'ஹய்ய அலல் பலாஹ் ஹய்ய அலல் பலாஹ்விற்கு பிறகு 'அஸ்ஸலாத்து ஹைரும் மினன் னவ்ம்' என்று இரண்டு முறை சொல்ல வேண்டும்.

இகாமத்து பாங்கு சொல்வது போன்று சொல்ல வேண்டும். அத்துடன் 'ஹய்ய அலல் பலாஹ் ஹய்ய அலல் பலாஹ்' என்பதை அடுத்து 'கத்காமத்திஸ்ஸலாத்'என்று இரண்டு முறை சொல்ல வேண்டும்.

தொழுகையின் நேரங்கள்:

(ஸுப்ஹு): அதிகாலை சந்தியா வேளையில், கிழக்கு வெளுத்ததிலிருந்து சூரியன் உதயமாகத் தொடங்கும் வரையிலாகும்.

லுஹர்: சூரியன் நடுவானில் உச்சத்தை அடைந்து சாயத் தொடங்கிய நேரத்திலிருந்து வெய்யில் படும் ஒவ்வொரு வஸ்துவின் நிழல் நீளம்,அவ்வஸ்துவின் சரி அளவுக்கு இரண்டு பங்கு நீளம் வரும் வரையிலாகும்.

அஸர்: லுஹர் நேரம் முடிந்ததிலிருந்து சூரியன் அஸ்தமனமாகும் வரையிலாகும்.

மக்ரிபு:சூரியன் மறைந்து விட்ட நேரத்திலிருந்து மேற்கு வானத்தின் சிகப்பு நிறம் மறைகிறவரையிலாகும்.

இஷா: மக்ரிபு நேரம் முடிந்ததிலிருந்து இரவெல்லாம் தொழலாம். ஆனால் முன்னிரவில் தொழுவது நலம்.

ஐந்து நேரத் தொழுகையின் ரக்அத்துகள்:

பஜ்ரு
முன் சுன்னத் 2 ரக்அத்துகள்
பள்ளு 2 ரக்அத்துகள்

லுஹர்:
முன் சுன்னத் 4 ரக்அத்துகள்
பள்ளு 4 ரக்அத்துகள்
பின் சுன்னத் 2 ரக்அத்துகள்.

அஸர்:
முன் சுன்னத் 4 ரக்அத்துகள்
பள்ளு 4 ரக்அத்துகள்

மக்ரிபு:
பள்ளு 3 ரக்அத்துகள்
பின் சுன்னத்து 2 ரக்அத்துகள்

இஷா:
முன் சுன்னத்து 4 ரக்அத்துகள்
பர்ளு 4 ரக்அத்துகள்
பின் சுன்னத் 2 ரக் அத்துகள்.
பின்பு 3 ரக்அத் வாஜிபுல் வித்ரு.
ஆக மொத்தம் 40 ரக்அத்துகள்.

நபில் தொழுகை:

1. ஒளு செய்தபின் தஹிய்யத்துல் ஒளு இரண்டு ரக்அத்கள்.
2. மஸ்ஜித்திற்குள் வந்ததற்கு 'தஹிய்யத்துல் மஸ்ஜித்' இரண்டு ரக்அத்துகள்.
3. அஸருடைய பர்ளுக்கு முன் நான்கு ரக்அத்துகள்.
4. இஷாவுடைய பள்ளுக்கு முன் நான்கு ரக்அத்துகள்.
மேலும் தொழுவதற்கு ஆகுமான இதர நேரங்களிலும் இரவிலும் கணக்கின்றி நபில் தொழலாம்.

தொழுகையின் பர்ளுகள்:

தொழுகையில் பர்ளுகள் மொத்தம் 13. அவை ஒன்று தொழுகைக்கு வெளிப்பட்ட பர்ளுகள் மற்றொன்று தொழுகைக்கு உட்பட்ட பர்ளுகள். வெளிபர்ளுகளை 'ஷர்த்துகள்' என்றும் உள்பர்ளுகளை 'அர்க்கான்' என்றும் சொல்லப்படும். இப்பர்ளுகளில் ஏதேனும் ஒன்று விட்டுப் போனாலும் தொழுகை நிறைவேறாது.

தொழுகையின் உள் பர்ளுகள்:

1. உடல் சுத்தம்: சகலவிதமான நஜாஸத்து, குஸ்லுக்குக் காரணமான ஜனாபத்து முதலியவைகளை விட்டும் சரீரம் சுத்தமாக இருக்க வேண்டும்.
2. இடம் சுத்தம்: சகலவிதமான அசுத்தங்களை விட்டும் தொழுது கொள்ளும் இடம் பரிசுத்தமானதாக இருக்க வேண்டும்.
3. உடை சுத்தம்:உடுத்துக் கொண்டுள்ள துணிகள் பரிசுத்தமானதாக இருக்க வேண்டும்.
4. மானத்தை மறைத்தல்: ஆணும், பெண்ணும் தன் சரீரத்தில் ஷரீஅத்தின் பிரகாரம் எவ்வளவு மறைக்க வேண்டுமென்று இருக்கிறதோ அவ்வளவு மறைக்க வேண்டும்.
5. நிய்யத்து செய்தல்: தொழுகை ஆரம்பிக்கும்முன் இன்ன நேரத்து தொழுகை இத்தனை ரக்அத்து என்று நிய்யத்து செய்ய வேண்டும்.
6. நேரத்தை அறிதல்: தொழுகையின் நேரங்களை அறிந்திருக்க வேண்டும்.
7. கிப்லாத் திசையை அறிதல்: கிப்லாவின் திசை இன்னதென்று திண்ணமாக அறிந்திருக்க வேண்டும்.

தொழுகையின் வெளிபர்ளுகள்:

8. முதல் தக்பீர் என்னும் தக்பீர் தஹ்ரீமா தொடங்குதல்.
9. கியாம் என்னும் நிலை நிற்பது.
10. தொழுகையில் குர்ஆன் ஆயத் (கிராஅத்) ஓதுதல்.
11. குனிந்து ருக்கூ செய்தல்.
12. பணிந்து ஸஜ்தா செய்தல்.
13. 'கஃதா' இருப்பு அமர்தல்.

தொழுகையில் வாஜிபுகள்:

1. ஸூரத்துல் பாத்திஹா ஓதுதல்
2. அத்துடன் ஒரு சிறு ஸூரா அல்லது மூன்று ஆயத்துக்களை சேர்த்து ஓதுதல்.
3. முதல் இரண்டு ரக்அத்துகளில் மட்டும் கிராஅத்தை சேர்த்து ஓதுதல்.
4. ஒவ்வொரு 'ருக்னு'(செயல்களையும் நிதானமாகச் செய்தல்.
5. முதலாவது இரண்டு ரக்அத்துக்குப் பின் (கஃதா) இருப்பு அமர்வது.
6. இரண்டு கஃதா இருப்புகளிலும் அத்தஹிய்யாத் ஓதுதல்.
7. தொழுகை முடிக்கும் போது அஸ்ஸலாமு அலைக்கும் என்ற வார்த்தையைச் சொல்வது.
8. வித்ரு (வாஜிபு) தொழுகையில் குனூத் ஓதுவது.
9. இரண்டு ஈது தொழுகையில் அதிகமாக ஆறு தக்பீர்கள் சொல்வது.
10. சப்தமிட்டு ஓத வேண்டிய சமயங்களில் சப்தமிட்டு இரைந்து (இமாம்) ஓதுவது.
11. மெதுவாக ஓத வேண்டிய சமயங்களில் மெல்ல ஓதுவது.
12. முதலில் ருக்கூஃவும் பிறகு ஸஜ்தாவும் முறையே செய்வது.
13. ஒவ்வொரு காரியங்களையும் தர்தீபாக –ஒழுங்காக செய்வது முன்பின் ஆகாமால் நிறைவேற்றுவது).

தொழுகையின் சுன்னத்துக்கள்:

1. தக்பீர் தஹ்ரீமாவின் போது இரு கரங்களையும் இரு காதுகள் வரை உயர்த்துவது.
2. பிறகு 'ரப்உல்யதைன்'(இரு கரங்களை உயர்த்துவுது) உடன் முதல் தக்பீர் அல்லாஹு அக்பர்' என்று சொல்வது.
3. பிறகு 'வல்உல்யதைன்' அதாவது இரண்டு கைகளையும் ரக்கஅத்து கட்டும் போது வயிற்றில் நாபி (தொப்புள்) மீது வைப்பது.
4. அதன் பிறகு 'ஸுப்ஹானக்க அல்லாஹும்ம…' என்ற ஸனாவை ஓதுவது.
5. பிறகு 'அவூது பில்லாஹி….' என்னும் தஅவ்வுத் ஓதுவது.
6. பிறகு 'பிஸ்மில்லாஹி…' ஓதுவது.
7. ருக்கூவிலும், ஸஜ்தாக்களிலும் அதனதன் தஸ்பீஹ்களை ஓதுவது.
8. ஒரு நிலையிலிருந்து  இன்னொன்றுக்குப் நிலைக்குப் போகையில் 'அல்லாஹு அக்பர்' என்று  தக்பீர் சொல்லி போவது.
9. ருகூவிலிருந்து எழுந்து 'ஸமிஅல்லாஹு லிமன் ஹமிதா' சொல்வது.
10. ருகூவுக்குப் பிறகு 'கவ்மா(நிலை) என்னும் நிறு நிலையிலும் இரு ஸஜ்தாக்களுக்குpடையில் 'ஜல்ஸா' (இருப்பு)விலும் சிறிது நேரமாவது தாமதிப்பது.
11. கஃதா இருப்பில் 'தரூது இப்றாஹீம்' ஓதுவது. அதனுடன் 'துஆ மாஸூரா 'ஓதுவது.
12. அல்ஹம்து முடிவில் ஆமீன் (என்று மெதுவாக) சொல்வது.

குனூத்:


اَللّهُمَّ اِنَّأ نَسْتَعِيْنُكَ و نَسْتَغْفِرُكَ وَنُؤْمِنُ بِكَ وَنَتَوَكَّلُ عَلَيْكَ وَنُثْنِيْ عَلَيْكَ وَنَشْكُرُكَ وَلاَنَكْفُرُكَ وَنَخْلُعُ وَنَتْرُكُ مَنْ يَفْجُرُكَ اَلّلهُمَّ اِيَّاكَ نَعْبُدُ وَلَكَ نُصَلِّي وَنَسْجُدُ وَاِلَيْكَ نَسْعي وَنَحْفِدُ وَنَرْجُوْ رَحْمَتَكَ وَنَخْشي عَذَابَكَ اِنَّ عَذَابَكَ الْجِدَّ بِالْجِدَّ بِااْكُفَّارِ مُلْحِقٌ

தொழுகை முறை:

தொழுவதற்கு முன் நேரம் அறிந்து கிப்லாவை முன்னோக்கி நிற்க வேண்டும். உடல், உடை, இடம் சுத்தமாக இருப்பதோடு மனதையும் சுத்தமாக வைத்துக் கொள்ள வேண்டும்.

தொழுகைக்காக நின்றவுடன் பயபக்தியோடு கீழ்காணும் துஆவை ஓத வேண்டும்.

اِنّيِ وَجَّهْتُ وَجْهِيَ لِلَّذِيْ فَظَرَالسَّموَاتِ وَاْلاَرْضَ حَنِيْفًا وَّ مَااَنَا مِنَ الْمُشْرِكِيْنَ

என்று ஓதி முடித்தவுடன் எந்த நேரத்துத் தொழுகை தொழ வேண்டுமோ அதன் நிய்யத்தை ஓதி நிர்ணயம் செய்து  கொண்டு இரண்டு கைகளையும் உயர்த்தி காதுகளுக்குப் பக்கத்தில் வைத்துக் கொண்டு, அதன் இரண்டு பெருவிரல்களும் இரு காதுகளின் சோனை (முனை)யைத் தொடும்படி வைத்துக் கொண்டு 'அல்லாஹு அக்பர்' என்று சொல்லி கைகளை தொப்புள் மீது, வயிற்றில் வைத்துக் கட்டிக் கொள்ள வேண்டும். அதாவது இடது கையின் மீது வலக்கையை வைத்து இடக்கையின் மணிக்கட்டை வலக் கையின் பெருவரலாதலும் சுண்டு விரலாலும் பிடித்து மற்ற மூன்று விரல்களையும் நீட்டி இடக்கையின் முதுகு மீது வைத்துக் கொள்ள வேண்டும். இதற்கு பெயர்தான் தக்பீர் தஹ்ரிமா என்று சொல்லப்படும்.

பிறகு உடனே ஃதனா ஓத வேண்டும். அதாவது:-

سُبْحَانَكَ اَللهُمَّ وَبِحَمْدِ كَ وَتَبَارَكَ اْسمُكَ وَتَعَالي جَدُّكَ وَلاَاِلهَ غَيْرُكَ

என்று ஓதி முடித்தவுடன் அவூது பில்லாஹி மனிஷ்ஷைத்தானிர் ரஜீம், பிஸ்மில்லாஹிர் ரஹ்மானிர் ரஹீம்' என்று ஓதி அல்ஹம்து ஸூராவை ஓதிய பிறகு குர்ஆனிலிருந்து ஒரு சிறு ஸூராவை அல்லது ஒரு பெரிய ஆயத்தை அல்லது மூன்று ஆயத்துகளை நிதானமாக ஓதி முடிக்க வேண்டும். அல்ஹம்து ஸூரா முடிந்தவுடன் 'ஆமீன்' என்று மெதுவாக சொல்ல வேண்டும்.
 

தொடர்ந்து அல்லாஹு அக்பர் என்று சொல்லி குனிந்து ருக்கூ செய்ய வேண்டும்.  سُبْحَانَ رَبِّيَ اْلعَظِيْمِ        அதில் என்று மூன்று முறை ஓத வேண்டும். பிறகு

سَمِعَ اللهُ لِمَنْ حَمِدَهْ

என்று சொல்லிய வண்ணம், அல்லாஹும்ம ரப்பனா லக்கல் ஹம்து என்று ஓதி முடித்து ஸஜ்தா செய்ய வேண்டும். அதில் இரு கரங்களின் உள்புறமும் தரையில் படிந்து, இரு தோள்களுக்கு நேராக பக்கத்தில் இருத்தல் வேண்டும். இரு கால்களின் விரல்கள் சற்று மேற்கு நோக்கி வளைத்திருக்க வேண்டும். முதுகு வளையாமல் ஒரே மாதிரியாகவும் தொடைகள் நேராகவும் இருக்க வேண்டும். ஸஜ்தாவில்,

سُبْحَانَ رَبِّيَ الاَعْلي

என்று மூன்று முறை ஓத வேண்டும். பின்பு அதிலிருந்து தலை உயர்த்தி சிறு இருப்பு அமர வேண்டும். பின் இரண்டாவது ஸஜ்தா செய்ய வேண்டும். முதல் ஸஜ்தாவில் ஓதிய பிறகாரம் ஓதி முடித்து தலை நிமிர்ந்து, எழுந்து நின்று இரண்டாவது ரக்அத்தை நிறைவேற்ற வேண்டும். அதில் ஃதனாவும் அவூதும் தவிர மற்றவைகளை முன் ரக்அத்தில் ஓதியதைப் போல் ஓதி முடித்து நிறை வேற்ற வேண்டும். இவ்வாறு இரண்டு ஸுஜூது முடிந்தபின்,

கஃதா இருப்பு அமர வேண்டும். இரண்டு கரங்களையும் இரண்டு தொடைகளின் மீது, முட்டு அருகில் வைத்துக் கொள்ள வேண்டும்.

அப்போது கீழ் காணும் அத்தஹிய்யாத்'துஆ ஓத வேண்டும். அது:-

التحيّات المباركات الصّلوات الطيبات لله اسّلام عليك ايّها انّبي ورحمة الله وبركاته السّلام علينا وعلي عبادالله الصا لحين اشهد ان لاّاله الاّالله و اشسهد انّ محمّد رّسول الله اللهمّ صلّ علي محمّد  وعلي آل  محمّد

அதில் 'அஷ்ஹது அன்லா இலாஹ இல்லல்லாஹ்' என்று சொல்லும் போது இல்ல்லாஹ்வில் கலிமா விரலை மட்டும் உயர்த்த வேண்டும். அதன் பின் எழுந்து கைகளை உயர்த்தி அல்லாஹு அக்பர் என்று தக்பீர் கட்டிக் கொண்டு மூன்றாவது ரக்அத்தைத் தொடர வேண்டும். மூன்றாவது, நான்காவது ரக்அத்தில் அல்ஹம்து ஸூராவை மட்டும் ஓதி ருக்கூவு செய்ய வேண்டும்.

நான்கு ரக்அத்துகளிலும் இரண்டு ஸஜ்தா முடிந்தவுடன் கஃதா இருப்பில் நன்கு அமர வேண்டும். அதாவது இடது பாதத்தை படுக்க வைத்து அதன் பக்கம் வலது பாதத்தை நிறுத்தி இடது பக்கமாக சற்று சாய்ந்து, நல்லபடி உட்கார்ந்து கொண்டு முந்தின அத்தஹிய்யாத்தையே ஓதி அத்துடன் தரூதே இப்ராஹீமை ஓத வேண்டும்.

كما صَلَّيْتَ علي ابراهيم وبارك علي محمّد وعلي آل محمّد كما باركت علي ابراهيم وعلي آل ابراهيم في العالمين انّكك
                                                                                                         حميدمّجيد                              
 

அத்துடன் துஆயே மாஸூரா ஓத வேண்டும்.
 

துஆயே மாஸூரா:

اَللهُمَّ غْفِرْ لِيْ وَلِوَالِدَيَّ وَلاِسْتَاذِيْ وَلِجَمِيْعِ الْمُؤْمِنِيْنَ والْمُعْمِنَاتِ وَالْمُسْلِمِيْنَ وَالْمُسْلِمَاتِ اَلْاَحْيَاءِ مِنْهُمْ وَالْاَمْوَاتِ اِنَّكَ مًجِيْبُ الدَّعَوَاتِ بِرَحْمَتِكَ يَااَرْجَمَ الرَّاحِمِيْنَ

என்று ஓதி முடித்தவுடன் 'அஸ்ஸலாமு அலைக்கும் வரஹ்மத்துல்லாஹ்' என்று ஸலாம் கொடுக்க வேண்டும்.

வாஜிபுல் வித்ரு தொழுகை:

இஷாத் தொழுகையில் பர்ளுக்கும் ஸுன்னத்துக்கும் பிறகு இறுதியாகத் தொழும் தொழுகை மூன்று ரக்அத்திற்கு வாஜிபுல் வித்ரு என்று பெயர்.

வாஜிப் என்பது பர்ளுக்கு அடுத்தபடியாக கடமையானதாகும். ஸுன்னத்துக்கும் மேலானதாகும். இதை மூன்று ரக்அத்தில் ஒரே ஸலாமில் தொழ வேண்டும். இதன் மூன்றாவது ரக்அத்தில் கியாமலி; நின்று அல்ஹம்து ஸூராவும் இன்னும் ஒரு சிறு ஸூராவும் ஓதி முடித்தவுடன் ருக்கூ.வுக்குப் போய் விடாமல் அதே நிலையில் அல்லாஹு அக்பர் என்று சொல்லி கைகளை உயர்த்தி ரக்அத் கட்டிக் கொண்டு துஆயே குனூத் ஓத வேண்டும். இவ்வாறு குனூர் ஓதி முடித்தவுடன் ருகூவு போய் பிறகு தொழுகையை வழக்கமாக தொழுது முடிக்க வேண்டும்.

ஒருவன் குனூத் ஓதுவதை மறந்து விட்டு ஸஜ்தா போய்விட்டால், அப்படியே மீதி தொழுகையை தொழுது முடித்து குனூத் ஓதத் தவறியதற்காக இறுதியில் 'ஸஜ்தா ஸஹ்வு' செய்ய வேண்டும். தொழுகையில் வாஜிபு விட்டுப் போனால் ஸஜ்தா ஸஹ்வு செய்ய வேண்டும்.

தொழுகையை முறிக்கும் காரியங்கள்:

1. இத் தொழுகையை விட்டுப் போய் விடலாமே என்று வெறுப்படைதல்.
2. வாய்விட்டு ஏதும் பேசுதல்.
3. எதையேனும் குடிப்பது, திண்பது,(இவ்வாறே நோன்பை முறிக்கும் காரியங்களை தொழுகையில் செய்வது)
4. தொழுகைக்குச் சம்பந்தமில்லாத காரியத்தை மும்முறை செய்தல். நமைச்சல் தாங்காதிருந்து கொஞ்சம் சொறிந்து விட்டால் தொழுகை முறியாது.
5. தொழுகையில் ஒளு முறிந்து போதல். ஸ்நானத்திற்கு அவசியம் ஏற்படுதல்.
6. சப்தமிட்டு சிரித்தல்.
7.ஈமான் பறிபட்டுப் போகும்படியான காரியத்தை செய்தல் (குப்ரான செயல் புதிதல்)
8. கிப்லா திசையை விட்டும் நெஞ்சத்தை திருப்பிக் கொள்ளுதல்.
9. மறைய வேண்டிய சரீரப் பகுதியிலிருந்து ஆடை விலகிப் போய் அதை உடனே மறைத்து மூடாமல் இருந்து விடுதல்.
10. தொழுகிற இடம், உடல், உடைகளில் அசுத்தம் உண்டாயிருத்தல்.
11. ஒரு பள்ளு அல்லது ஒரு ஷர்த்து ஞாபகமிருந்தும் அதை நிறைவேற்றாமல் சும்மா இருந்து (விட்டு) விடுதல்.

தொழுகையின் மக்ரூஹ்கள்:

1. ஸஜ்தா இடமில்லாத இதர இடங்களில் கண்ணோட்டம் செலுத்துதல்.
2. தலையை அதிகம் தாழ்த்துதல் அல்லது உயர்த்துதல்.
3. கண்ணை இறு மூடிக் கொள்ளல்.
4. இருட்டில் நின்று தொழுதல்.
5. ஒற்றைக்கால் மீது பாரம் போட்டுத் தொழுதல் அல்லது மாற்றி மாற்றி பாரம் போடுதல்.
6. மலம், சிறுநீர், காற்று இவைகளைக் கடுமையாக அடக்கிக் கொண்டு தொழுதல்.
7. உணவு-தண்ணீர் தயாராய் இருந்து, பசி தாகமுமமிருந்து அதை உண்ணாமல் பருகாமல் பசி தாகத்தோடும் ஆவலோடும் தொழுதல்.
8. நடைபாதை, கடைவீதி, அமைதியில்லாத இடம், ஹராமான பணத்தில் கட்டியப ள்ளி, கக்கூஸ் பகுதி, கோயில் பிரகாரம், மாட்டுக் கொட்டகை முதலிய இடங்களில் தொழுதல்.

தொழக் கூடாத நேரங்கள்:

1. சூரியன் நன்றாய் உதயமாய் கொண்டிருக்கும்போது.
2. சூரியன் நடுஉச்சியில் இருக்கும்போது.
3. சூரியன் அஸ்தமித்துக் கொண்டிருக்கும் போது(அஸர் தொழுகையைத் தொழாதவன் மட்டும் விதிவிலக்காக தொழலாம்)
4. பிரயாணி(முஸாபிர்) லுஹருடன் அஸரையும் சேர்த்துத் தொழுது இருந்து, பிறகு நேரம் இருக்கிறதென்று அஸ்தமிக்கும்போது அஸரைத் தொழக் கூடாது.
5. வெள்ளிக்கிழமை ஜும்ஆவின் போது கதீபு ஸாஹிப் மிம்பர் மீது ஏறியதும், குத்பா ஓதி முடியும் வரை எதுவும் தொழக் கூடாது.

ஜமாஅத்து தொழுகை:

தனியாக தொழுவதை விட ஜமாஅத்தாக தொழுவது (கட்டாயமான) சுன்னத்தாகும்.

ஜமாஅத்து நடந்து கொண்டிருக்கும்போது ஒருவன் அதில் சேராமல் தனியே தொழுது கொள்வானாகில் அவன் 'சுன்னத்தே முஅக்கதர்வை விட்ட பாவியாவான்.

ஜமாஅத்து தொழுகையில் இமாம் இரைந்து ஓதும் ஓதல்களை முக்ததீகள் (பின்தொடர்பவர்) மௌனமாக செவிமடுத்துக் கேட்க வேண்டும். மற்ற ரக்அத்துகளில் இமாம் மெதுவாக ஓதினாலும் பின் தொடர்பவர் ஏதும் ஓதாமல் இமாமை பின்தொடர வேண்டும்.

ஷாபி இமாமுடன் தொழுகையில் ஒருவர் பின்பற்றி தொழ நேரிட்டால் ஷாபியாக்கள் குனூத் ஓதும்போது ஹனபி முக்ததீ மௌமான இருந்து பின் தொடர வேண்டும்.

ஜும்ஆ:

ஜும்ஆத் தொழுகை முஃமினானவர்களுக்கு ஈதுப் பெருநாள் தொழுகை போன்றதாகும். எக்காரணம் முன்னிட்டும் ஜும்ஆத் தொழுகையை விட்டு விடக் கூடாது.

வெள்ளிக்கிழமை அன்று குளித்து நல்ல உடை அணிந்து, வாசைன திரவியம் பூசி ஜும்ஆ பள்ளிக்குப் போய் குத்பாவுக்கு முன் நான்கு ரக்அத் சுன்னத் தொழுது கொள்ள வேண்டும். இரண்டு குத்பாக்களையும் காது தாழ்த்தி பக்தியுடன் கேட்க வேண்டும். ஜும்ஆவின் போது கதீப் லுஹர் தொழுகை நான்கு ரக்அத்துகளுக்கு பதிலாக இரண்டு ரக்அத் தொழ வைப்பார்கள்.

ஜும்ஆவின் சட்டங்கள்:

ஜும்ஆ தொழ கடமைப்பட்டவர்கள் சுதந்திரமான ஆண்பிள்ளை, பிரயாணத்திலில்லாத ஊர்வாசி, தேக சுகமுள்ளவர், நடந்து போக சக்தியுள்ளவர், கண் பார்வையுடையவர், பகைவனின் பயம் இல்லாதவர் ஆகியவர்கள் மீது தான் ஜும்ஆ தொழுகை கடமையாகிறது.

ஓயா மழைக் கொட்டி சேறும் சகதியுமாய் இருந்து போவதற்கு இடைஞ்சல் உண்டானால் ஜும்ஆவுக்கு செல்வது அவசியமில்லை.

ஊரில் பாங்கு சொன்னால் கேட்கக் கூடிய வட்டாரத்திலுள்ளவர்களிடையே ஜும்ஆ நடைபெற வேண்டும்.

லுஹர் நேரம் ஆரம்பமாகி அந்நேரம் முடிவத்றகுள் ஜும்ஆ தொழுகையையும் நிறைவேற்ற வேண்டும்.

இரண்டு குத்பாக்கள் ஓதினபிறகுதான் ஜும்ஆ தொழ வேண்டும்.

ஜும்ஆ தொழுகைசயில் இமாம் ஜமாஅத்துடன் ஒரு ரக்அத்தாவது முழுதும் கிடைத்தால்தான் ஜும்ஆத் தொழுகையின் பலன் கிடைக்கும்.

ஒரு சிற்றூரில் ஒரு இடத்தில்தான் ஜும்ஆ நடைபெற வேண்டும். பெரிய ஊராக இருந்து பள்ளியில் இடம் கிடைக்காதென்றிருந்தால், வேறு மஹல்லா பள்ளியிலும் ஜும்ஆ தொழலாம்.

ஜும்ஆவுக்கு இரண்டு பாங்குகள் சொல்லப்படும். ஒன்று வழக்கமான பாங்கு. மற்றது இமாம் குத்பா ஓத மிம்பர் மீது அமரும் போது சொல்வது.

ஜும்ஆவுடைய குத்பாவுக்கு முன் நான்கு ரக்அத்தும், பர்ளுக்குப் பின் நான்கு ரக்அத்தும் ஸுன்னத் தொழுது கொள்ள வேண்டும்.

முஸாபிர்களின் தொழுகை:

ஹலாலான வழிகளில் சிரமத்துடன் பிரயாணம் செய்பவர் தமது ஊரை விட்டுக் குறைந்தபட்சம் இரண்டு மூன்று நாள் நடக்கக் கூடிய தூரத்திலுள்ள ஊருக்கு (சுமார் 45 அல்லது 48 மைல்) புறப்பட்டு விட்டால் அப்படிப்பட்ட முஸாபிர் மீண்டும் தமது ஊர் வந்து சேரும் வரை நான்கு ரக்அத்து பர்லான தொழுகையை, இரண்டு ரக்அத்தாக குறைத்துத் தொழலாம். இதற்குப் பெயர் கஸ்ரு தொழுகை எனப்படும்.

முஸாபிர் தொழும்போது 'கஸ்ராக தொழுகிறேன்' என்று தக்பீருடன் நிய்யத்து செய்ய வேண்டும். தம்மைப்போன்ற முஸாபிரை இமாமாகக் கொண்டு ஜமாஅத்தாக தொழலாம். பூரணமாக தொழும் இமாமைப் பின் தொடர வேண்டியதில்லை.

பிரயாணம் சென்ற ஊரில் 15 நாட்களுக்குக் குறைவாக தங்க நேரிட்டால் தான் 'கஸ்ரு' தொழ வேண்டும். காரியம் நாளைக்கு முடிந்து விடும் மறுநாள் புறப்படுவோம் என்று ஒவ்வொரு நாளாய் கடந்து வந்தால் இங்ஙனம் 15 நாள் வரை தொழுகையை கஸ்ரு செய்யலாம். அதற்கு மேல் கூடாது. அவன் முஸாபிராக கருதப்பட மாட்டான்.

முஸாபிர் தொழுகையை குறைத்து தொழலாம். இரண்டு தொழுகைகளை சேர்த்து தொழ அரபாவில் மட்டும்தான் அனுமதி உண்டு. மற்றபடி ஜம்உ என்பது கிடையாது.

ஜனாஸா தொழுகை:

இறந்து போன முஸ்லிம்களுடைய ஹக்கில் துஆ செய்வதற்காக தொழப்படும் தொழுகை 'ஜனாஸா' தொழுகை ஆகும். இதில் ருகூவு, ஷஜ்தா, கஃதா முதலியவை கிடையாது. நின்றபடி நான்கு தக்பீர்களுடன் தொழ வேண்டும்.

ஜனாஸா தொழுகை பர்ளு கிபாயாவாகும். அதாவது சிலபேர் தொழுதால் கடமை தீர்ந்து விடுகிறது.எல்லோரும் தொழுதே ஆக வேண்டும் என்ற கட்டாயமில்லை.

முதல் தக்பீருடன் 3 தக்பீர்களும் சேர்த்து 4 முறை தக்பீர் சொல்ல வேண்டும்.

اُصَلِّ لِلهِ تَعَالي دَاعِيًا لِلْمَيِّتِ اِقْتَدَيْتُ بِهاَذاْلاِمَامِ

என்று நிய்யத் செய்தவனாக அல்லாஹு அக்பர் என்று ரக்அத்து கட்டிக் கொள்ள வேண்டும்.

முதலாவது தக்பீருக்குப் பின்

இமாம் மற்றும் முக்ததி யாவரும் சாதாரண தொழுகையில் ஓதும் ஃதனாவை ஓத வேண்டும். பிறகு

2 வது முறை தக்பீர் சொல்லி சாதாரணமாக எல்லாத் தொழுகைகளிலும் ஓதும் தரூதே இப்றாஹீமை முழுவதும் ஓத வேண்டும். பிறகு

3 வது தக்பீர் சொல்லி துஆ ஓத வேண்டும். பெரியவர்களாக இருப்பின்,

اَللهُمَّ اغْفِرْ لِحَيِّنَا وَمَيِّتِنَا وَشَاهِدِنَا وَغَائِبِنَا وَصَغِيْرِنَا وَكَبِيْرِنَا وَذَكَرِنَا وَاُنْثَانَا. اَلّلهُمَّ مَنْ اَحْيَيْتَهُ مِنَّا فَاَحْيِهِ عَلي الْاِسْلاَمُ وَمَنْ تَوَفَّيْتَهُ مِنَّا فَتَوَفَّيْتَهُ عَلي الْاِيْمَانْ

ஆண்குழந்தைக்குரிய ஜனாஸாவாக இருப்பின்,


اَلّلهُمَّ اجْعَلْهُ لَنَا فَرَطًا وَاجْعَلْهُ لَنَا اَجْرًا وَذُخْرًا وَاجْعَلْهُ لَنَا شَافِعًا وَمُشَفَّعًا

பெண் குழந்தைக்குரிய ஜனாஸாவாக இருப்பின்,

اَلّلهُمَّ اجْعَلْهَا لَنَا فَرَطًا وَاجْعَلْهَا لَنَا اَجْرًا وَذُخْرًا وَاجْعَلْهَا لَنَا شَافِعًا وَمُشَفَّعَةً

4 வது தக்பீர் சொல்லி


رَبَّنَا آتِنَا فِي الدُّنْيَا حَسَنَةً وَفِي اْلاخِرَةِ حَسَنَةً وَقِنَا عَذَابَ النَّارِ

என்ற துஆவை ஓதி
 

'அஸ்ஸலாமு அலைக்கும் வரஹ்மத்துல்லாஹி' என்று இரண்டு பக்கமும் திரும்பி ஸலாம் கொடுத்து தொழுகையை முடித்து இதர துஆ, பாத்திஹா ஓதிக் கொள்ளலாம்.
 

ஸலாத்துல் ஈதைன்:

ஜும்ஆத் தொழுகை யார் யார் மீது எல்லாம் கடமையாகிறதோ இரு ஈது பெருநாள் தொழுகைகளும் அவர்கள் மீது கடமையாகிறது. ஆனால் ஈது தொழுகை வாஜிபு ஆகும். இம்மாதிரியே ஜும்ஆவில் குத்பா பர்ளு, ஆனால் ஈதில் குத்பா வாஜிபாகும்.

ஜும்ஆவில் குத்பா தொழுகைக்கு முன்னால் ஓதப்படும். ஈதுகளின் குத்பா தொழுகைக்குப் பின்னால் ஓதப்படும்.

பெருநாள் தொழுகையின் நேரமாவது சூரியன் நன்கு உதயமானதிலிருந்து (காலை 7 மணியிலிருந்து) நடுப்பகல் உச்ச நேரத்திற்கு சற்று முன் (11 மணி) வரையிலாகும்.

ஈதுல் பித்ரைவிட ஈதுல் அல்ஹாவைச் சீக்கிரம் தொழுது கொள்வது நல்லது.

தொழுகை முறை:

ஈது பெருநாள் தொழுகை இரண்டு ரக்அத் வாஜிபாகும். ஒவ்வொரு ரக்அத்திலும் மும்மூன்று விகிதம் இரண்டு ரக்அத்துகளில் 6 அதிகப்படியான தக்பீர்கள் உண்டு.

முதலில் நிய்யத்து செய்து அல்லாஹு அக்பர் சொல்லி இமாமுடன் ரக்அத் கட்டிக் கொள்ள வேண்டும். பிறகு ஃதனா ஓத வேண்டும். பிறகு இரண்டு முறை 'அல்லாஹு அக்பர்' என்று கையை உயர்த்தி கீழே தொங்கவிட்டு விட்டு மூன்றாம் முறை 'அல்லாஹு அக்பர்' சொல்லி (ரக்அத்தில் கை கட்டி கொள்ள வேண்டும்) வழக்கம் போல் இமாம் அல்ஹம்து ஸூராவும் கிராஅத்தும் ஓதுவார். அதைக் கேட்க வேண்டும்.

இரண்டாவது ரக்அத்தில் ஓத வேண்டியதை ஓதி முடித்து ருகூவுக்கு போகும் முன்னர், முன்போல் 3 தக்பீர் சொல்ல வேண்டும். மூன்று முறை அல்லாஹு அக்பர் சொல்லி கையைத் தொங்கவிட்டு விட்டு நாலாவது முறை அல்லாஹு சொல்லி ருக்கூவுக்கு போய் வழக்கம் போல் தொழுகையை முடிக்க வேண்டும்.

அதன்பிறகு இமாம் குத்பா ஓதுவார். அதை காது தாழ்த்தி கேட்க வேண்டும். பின்பு துஆ திக்ருகள் ஓதப்படும். 

தொழுகை சட்டங்கள் (ஷாபிஈ)-Law of Shafi Prayer

தொழுகை சட்டங்கள் (ஷாபிஈ)

1. தொழுகை நேரங்கள்

2. பாங்கின் அர்த்தம்

3. ஒளு

4.தொழுக மக்ரூஹான நேரங்கள்

5. தயம்மும்

6.  பெருந்தொடக்கு, சிறுந்தொடக்குகள்

7. குளிப்பு

8. தொழுகையை முறிப்பவைகள்

9. தொழுகையின் பர்ளுகளும், ஷர்த்துகளும்

 10. ஜனாஸா தொழுகை

11.      ஸலாத்துல் முஸாஃபரி: கஸ்ரு, ஜம்உ தொழுகை

12. ஜும்ஆ

13. சுன்னத்தான தொழுகைகள்

14.ஸுஜூதுகள்
     

தொழுகையைப் பற்றி அல்குர்ஆன் மற்றும் ஹதீதுகளில் கூறப்பட்டிருப்பதைப் பாருங்கள்!

அல்லாஹ் கூறுகிறான்:

நிச்சயமாக தொழுகை முஃமின்கள் மீது நேரம் குறிக்கப்பட்ட கடமையாக விதிக்கப்பட்டுள்ளது. (அல்குர்ஆன் 4:103)

ஈமான் கொண்டவர்கள் நிச்சயமாக வெற்றி பெற்று விட்டனர். அவர்கள் எத்தகையோரென்றால், தங்கள் தொழுகையில் உள்ளச்சத்தோடு இருப்பார்கள். மேலும் அவர்கள் தம் தொழுகைகளை (க் குறித்த காலத்தில் முறையோடு) பேணுவார்கள். அல்குர்ஆன் 23:1,2,9

 தொழுகையை நீங்கள் நிலைநாட்டுங்கள் அவனுக்கே அஞ்சி நடங்கள்   அவனிடம் தான் நீங்கள் ஒன்று சேர்க்கப்படுவீர்கள். அல்குர்ஆன் 6:72

எவர்கள் வேதத்தை உறுதியாகப் பற்றிப்பிடித்துக் கொண்டு, தொழுகையையும் நிலைநிறுத்துகிறார்களோ (அத்தகைய) நல்லோர்களின் கூலியை நாம் நிச்சயமாக வீணாக்க மாட்டோம். அல்குர்ஆன் 7:170

'நிச்சயமாக நாம் தான் அல்லாஹ்! என்னைத் தவிர வேறு நாயன் இல்லை ஆகவே, என்னையே நீர் வணங்கும், என்னை தியானிக்கும் பொருட்டு தொழுகையை நிலைநிறுத்துவீராக. அல்குர்ஆன் 20:14

'உங்களை ஸகர் (நரகத்தில்) நுழைய வைத்தது எது?' (என்று கேட்பார்கள்.). அவர்கள் (பதில்) கூறுவார்கள்: 'தொழுபவர்களில் நின்றும் நாங்கள் இருக்கவில்லை'. அல்குர்ஆன் 74:42,43

(நபியே!) சூரியன் (உச்சியில்) சாய்ந்ததிலிருந்து இரவின் இருள் சூழும் வரை (ளுஹ்ரு, அஸ்ரு, மஃரிப், இஷா) தொழுகையை நிலை நிறுத்துவீராக. இன்னும் ஃபஜ்ருடைய தொழுகையையும் (நிலைநிறுத்துவீராக) நிச்சயமாக ஃபஜ்ரு தொழுகை சான்று கூறுவதாகயிருக்கிறது. அல்குர்ஆன் 17:78

உங்கள் குழந்தைகள் ஏழு வயதை எய்திவிட்டால் அவர்களைத் தொழும்படி ஏவுங்கள் பத்து வயதை அடைந்த(தும் தொழமலிருந்தால்) அதற்காக அவர்களை அடியுங்கள். என நபி (ஸல்லல்லாஹு அலைஹி வஸல்லம்) அவர்கள் கூறியுள்ளார்கள். அறிவிப்பாளர்: அம்ரு இப்னு ஷூஜபு. நூல்கள்: அஹ்மத்இ அபூதாவூத்.

யார் தொழுகையைப் பேணிக் கொள்கிறாரோ அவருக்கு அத்தொழுகை பிரகாசமாகவும், அத்தாட்சியாகவும், மறுமை நாளில் ஈடேற்றமாகவும் ஆகிவிடும். மேலும் எவன் அதை பேணிக் கொள்ளவில்லையோ அவனுக்கு அத்தொழுகை பிரகாசமாகவோஇ சாட்சியாகவோ, ஈடேற்றமாகவோ இருக்காது. (மாறாக) அவன் மறுமை நாளில் காரூன், பிர்அவ்ன், காமான், உபைபின் கஃப் ஆகியோருடன் இருப்பான் என நபி ஸல்லல்லாஹு அலைஹி வஸல்லம் அவர்கள் கூறியுள்ளார்கள். அறிவிப்பாளர்: அப்துல்லாஹ் இப்னு அம்ரு இப்னு ஆஸ் (ரழியல்லாஹு அன்ஹு) நூல் : அஹ்மத்

சிறந்த அமல்: அமல்களில் சிறந்தது எது என்று நபி ஸல்லல்லாஹு அலைஹி வஸல்லம் அவர்களிடம் கேட்டபோது தொழுகையை அதன் ஆரம்ப நேரத்தில் தொழுவது என்றார்கள். அறிவிப்பாளர்: உம்முஃபர்வா (ரழியல்லாஹு அன்ஹு) நூல்கள் : திர்மிதி, ஹாகிம், அபூதாவூத்.

பஜ்ரு, அஸர் தொழுகையின் சிறப்புகள்: (பஜ்ரு தொழுகையை) சூரியன் உதிப்பதற்கு முன்பும் (அஸர் தொழுகையை) சூரியன் மறைவதற்கு முன்பும் தொழுதவர் நிச்சயம் நரகில் நுழையமாட்டார் என்று நபி (ஸல்லல்லாஹு அலைஹி வஸல்லம்) அவர்கள் கூறினார்கள்.

கூட்டுத் தொழுகையின் சிறப்பு: ஒரு மனிதர் தனித்து தொழுவதை விட கூட்டாகத் தொழுவது 27 மடங்கு சிறந்ததாகும் என்று நபி ஸல்லல்லாஹு அலைஹி வஸல்லம் அவர்கள் கூறினார்கள். அறிவிப்பாளர்: இப்னு உமர் ரழியல்லாஹு அல்லாஹு) நூல்: புகாரி, முஸ்லிம், திர்மிதி

நபி ஸல்லல்லாஹு அலைஹி வஸல்லம் அவர்கள் கூறினார்கள்: 'ஜமாஅத்துடன் தொழுவது தனித்துத்தொழுவதைவிட 27 மடங்கு மேலானதாகும்.' (ஸஹீஹுல் புகாரி)

தொழுகையை விட்டவனின் நிலை: நமக்கும் அவர்களுக்குமிடையே (காஃபிர்களுக்குமிடையே) இறைவன் ஏற்படுத்திய வித்தியாசம் தொழுகையேயாகும். யார் அதனை விட்டுவிட்டாரோ அவர் காஃபிராகி விட்டார். என்று நபி ஸல்லல்லாஹு அலைஹி வஸல்லம் அவர்கள் கூறினார்கள். அறிவிப்பாளர்: புரைதா (ரழியல்லாஹு அல்லாஹு) நூல்கள்: திர்மிதி, அபுதாவூத், அஹமத், இப்னுமாஜா

இரண்டு தொழுகைகள் முனாஃபிக்கீன் மீது பாரமாக இருக்கிறது. ஃபஜ்ருடைய ஜமாஅத்தும், இஷாவுடைய ஜமாஅத்தும், இந்த இரண்டிலும் உள்ள நன்மைகளை அவர்கள் அறிவார்களேயானால், பள்ளிக்கு தவழ்ந்து வந்தாயினும் தொழுகையில் கலந்து விடுவர் என நபி ஸல்லல்லாஹு அலைஹி வஸல்லம் அவர்கள் நவின்றனர். அறிவிப்பாளர்:அபூஹுரைரா (ரழியல்லாஹு அல்லாஹு) நூல்கள்:புகாரி, முஅத்தா, அபூதாவூத், திர்மித்,நஸயீ

அல்லாஹ்வின் தூதர் ஸல்லல்லாஹு அலைஹி வஸல்லம் அவர்கள் கூறுகிறார்கள். ஒருவர் படுக்கைக்குச் சென்று தூங்கியப் பின், ஷைத்தான் அவர் தலைமாட்டில் 3 முடிச்சுகள் போட்டு, ஒவ்வொரு முடிச்சிலும் நீர் உம்மிடத்தில் தூங்கிக் கொண்டிரும், உமக்கு இன்னும் இரவு இருக்கிறது, நன்றாகத் தூங்கும் என்று உளறுகிறான். அந்த அடியார் தூக்கத்திலிருந்து எழுந்து அல்லாஹ்வை நினைவு கூர்ந்தால், முதல் முடிச்சு அவிழ்ந்து விடுகிறது. பிறகு படுக்கையிலிருந்து உளு செய்தபின், இரண்டாவது முடிச்சு அவிழ்ந்து விடுகிறது. தொழுது விடுவாரேயானால், மூன்றாவது முடிச்சு அவிழ்ந்து விடுகிறது. எனவே அவர் அதிகாலையில் நல்ல மனத்துடன் சுறுசுறுப்போடு இருக்கிறார். இல்லை என்றால் கெட்ட எண்ணங்களோடு சோம்பல் கொண்டவராக இருக்கிறார். அறிவிப்பாளர் : அபூ{ஹரைரா (ரழியல்லாஹு அல்லாஹு) நூல்கள் : புகாரி, முஸ்லிம், முஅத்தா, அபூதாவூத், நஸயீ.

நபி ஸல்லல்லாஹு அலைஹி வஸல்லம் அவர்கள் கூறினார்கள்: 'ஒரு முஸ்லிம் அழகிய முறையில் உளூச் செய்கிறார். பின் தொழுகையைத் தவிர வேறெந்த நோக்கமுமின்றி மஸ்ஜிதுக்குச் செல்கிறார். அப்போது அவர் எடுத்து வைக்கும் எவ்வொரு அடிக்கும் அவரது அந்தஸ்து (தரஜா) என்று உயர்த்தப்படுகிறது. ஒரு பாவம் அழிக்கப்படுகிறது. அவர் தொழ ஆரம்பித்தால் மலக்குகள், 'இறைவனே! இவர் மீது அருள் புரிவாயாக! இவருக்கு மன்னிப்பளிப் பாயாக!' என்று துஆச் செய்கிறார்கள். இது அவர் உளூவுடன் இருக்கும் வரையிலாகும். அவர் தொழுகையை எதிர்பார்த்துக் காத்திருக்கும் காலமெல்லாம் தொழுகையிலேயே இருப்பவராவார். (ஸஹீஹுல் புகாரி)

'எவர் அதிகாலையில் அல்லது மாலையில் மஸ்ஜிதுக்குச் சென்று வருவாரோ அவர் சென்றுஇ திரும்பும் காலமெல்லாம் அல்லாஹ் சுவனத்தில் வீட்டைக் கட்டுகிறான்' என நபி ஸல்லல்லாஹு அலைஹி வஸல்லம் அவர்கள் கூறினார்கள். (ஸஹீஹுல் புகாரிஇ ஸஹீஹ் முஸ்லிம்)

இதனால்தான் அல்லாஹ்வின் அருள்பெற்ற நபித்தோழர்கள் ஜமாஅத்துடன் தொழுவதில் பேராசை கொண்டிருந்தார்கள். இதுபற்றி அப்துல்லாஹ் இப்னு மஸ்வூது ரலியல்லாஹு அன்ஹு அவர்கள் கூறினார்கள்: 'எவருக்கு கியாமத் நாளில் அல்லாஹ்வை முஸ்லிமாக சந்திப்பது மகிழ்ச்சியை ஏற்படுத்துமோ அவர் தொழுகைகளை அதற்காக பாங்கு சொல்லப்படும் இடங்களில் பேணிக்கொள்ளட்டும். அல்லாஹ் உங்கள் நபி ஸல்லல்லாஹு அலைஹி வஸல்லம் அவர்களுக்கு நேரிய வழிமுறைகளை மார்க்கமாக்கியுள்ளான். தொழுகைகள் அந்த நேரிய வழிமுறையில் உள்ளதாகும்.' பின் தங்கியவன் (முனாபிக்) தனது இல்லத்தில் தொழுவது போன்று நீங்கள் உங்களது வீடுகளில் தொழுதால் உங்களது நபியின் வழிமுறையை விட்டுவிட்டீர்கள். உங்களது நபியின் வழிமுறையை விட்டுவிட்டால் நீங்கள் வழிதவறி விடுவீர்கள். வெளிப்படையான முனாபிக் (நயவஞ்சகர்)தாம் ஜமாஅத் தொழுகையிலிருந்து பின்தங்கிவிடுவார் என்பதை நாங்கள் கண்டிருக்கிறோம். அதனால் நடக்க சக்தியற்ற மனிதர், இருவர் துணைகொண்டு அழைத்து வரப்பட்டு தொழுகையின் அணிவகுப்பில் நிறுத்தப்படுவார்.' (ஸஹீஹ் முஸ்லிம்)

உபை இப்னு கஅப் ரலியல்லாஹு அன்ஹு அவர்கள் கூறினார்கள்: அன்சாரிகளில் ஒருவர் இருந்தார். நான் அறிந்தவரை அவரது வீட்டைத் தவிர வேறெந்த வீடும் பள்ளியிலிருந்து வெகுதூரத்தில் இல்லை. அவர் எந்தத் தொழுகைக்கும் இமாம் ஜமாஅத்தை தவறவிட மாட்டார். அவரிடம்இ 'நீங்கள் ஒரு கழுதையை வாங்கினால் கடுமையான இருள் மற்றும் கடின வெயிலின்போது வாகனிக்க உதவியாக இருக்குமே!' என்று கூறப்பட்டபோது அவர் கூறினார்: 'நான் எனது இல்லம் மஸ்ஜிதுக்கு அருகில் இருப்பதை விரும்பவில்லை. நான் ஒவ்வொரு முறையும் மஸ்ஜிதுக்கு வந்து எனது குடும்பத்தாரிடம் திரும்பும்போதும் நான் நடக்கும் எவ்வொரு அடியும் நன்மையாகப் பதிவு செய்யப்பட வேண்டுமென விரும்புகிறேன்' என்றார். அப்போது நபி ஸல்லல்லாஹு அலைஹி வஸல்லம் அவர்கள், '(உமக்கு நீர் விரும்பும்) அது அனைத்தையும் என்று சேர்த்து அல்லாஹ் அருள்புரிவானாக!' என்று கூறினார்கள். (ஸஹீஹ் முஸ்லிம்)

நபி ஸல்லல்லாஹு அலைஹி வஸல்லம் அவர்கள் கூறினார்கள்: 'நிச்சயமாக தொழுகையில் மகத்தான நற்கூலியை அடைபவர் வெகுதூரத்திலிருந்து வருபவர் ஆவார். தூரத்திற்கு ஏற்றவாறு அவர்களுக்கு நன்மை கிடைக்கும். இமாமுடன் சேர்ந்து தொழுவதற்காக தொழுகையை எதிர் பார்த்திருப்பவர் தொழுகையை தொழுதுவிட்டு பின்பு தூங்கியவரை விட மகத்தான நன்மை அடைந்து கொள்வார். (ஸஹீஹுல் புகாரி)

உஸ்மான் ரலியல்லாஹு அன்ஹு அவர்கள் அறிவிக்கிறார்கள்: நபி ஸல்லல்லாஹு அலைஹி வஸல்லம் அவர்கள் கூற நான் கேட்டிருக்கிறேன்: 'இஷா தொழுகையை ஜமாஅத்துடன் நிறைவேற்றுபவர் பாதி இரவு நின்று வணங்கியவரைப் போன்றாவார். பஜ்ருத் தொழுகையையும் ஜமாஅத்துடன் தொழுபவர் முழு இரவு நின்று வணங்கியவரைப் போன்றாவார்.' (ஸஹீஹ் முஸ்லிம்)

அபூஹுரைரா ரலியல்லாஹு அன்ஹு அவர்கள் அறிவிக்கிறார்கள்: 'நயவஞ்சகர்களுக்கு பஜ்ரு மற்றும் இஷாவைவிட கடினமான தொழுகை எதுவுமில்லை. அவ்விரண்டின் பலன்களை அறிவார்களேயானால் கால்களை பூமியில் இழுத்துக் கொண்டாவது அதை நிறைவேற்ற வருவார்கள்' என நபி ஸல்லல்லாஹு அலைஹி வஸல்லம் அவர்கள் கூறினார்கள். (ஸஹீஹுல் புகாரி)

தொழுகையின்  நேரங்கள்

நம்பிக்கை கொண்டோர் மீது தொழுகை நேரம் குறிப்பிக்கப்பட்ட கடமையாகவுள்ளது.
(ஆல்குர் ஆன் :4:103).

ஒவ்வொரு தொழுகையையும் அதற்குரிய நேரத்தில் நிறைவேற்றுவது அவசியமாகும்.

நாள்தோறும் நிறைவேற்றப்படும் வாஜிபான தொழுகை மொத்தமாக பதினேழு ரகஅத்துகளாகும். 

சுபஹ்    –           இரண்டு ரகஅத்துகள்

ளுஹர்  –           நான்கு ரகஅத்துகள்

அஸர்    –           நான்கு ரகஅத்துகள்

 மஃரிப்     –           மூன்று ரகஅத்துகள்

  இஷா     –           நான்கு ரகஅத்துகள்

லுஹர் (தொழுகை) உடைய நேரம் சூரியன் (உச்சி) சாய்ந்ததிலிருந்து ஒரு மனிதனின் நிழல் அவனுக்கு சமமாக ஆகி அஸருடைய நேரம் வராத வரையிலாகும். இன்னும் அஸர் (தொழுகை) உடைய நேரம் சூரியன் மஞ்சள் நிறத்தையடையாத வரையாகும். இன்னும் மஃரிப் (தொழுகை) உடைய நேரம் செவ்வானம் மறையாத வரையாகும். மேலும் இஷா (தொழுகை) உடைய நேரம் நள்ளிரவு வரையாகும். இன்னும் ஸுப்ஹ் (தொழுகை) உடைய நேரம் கிழக்கு வெளுத்ததிலிருந்து சூரியன் உதயமாகும் வரையிலாகும். என்று நபி (ஸல்லல்லாஹு அலைஹி வஸல்லம்) அவர்கள் கூறினார்கள். அறிவிப்பவர் : இப்னு அம்ர் (ரலியல்லாஹு அன்ஹு ) நூல் : முஸ்லிம் (612)

சுப்ஹுடைய அதானின் நேரம்.

சுப்ஹுடைய அதானுக்கு நெருங்கிய போது கிழக்குப் பகுதியிலிருந்து வெள்ளை தோன்றி மேல்நோக்கி வரும். இதை பஜ்ருல் அவ்வல் எனப்படும். அது அங்குமிங்கும் பரவும் போது பஜ்ருத்தானி எனப்படும். அதுதான் சுப்ஹுடைய ஆரம்ப நேரமாகும்.

ளுஹர்.

கம்பையோ, அல்லது அது போன்றதையோ பூமியில் குத்தி வைத்தால் அதன் நிழல் மிகவும் குறைந்து மறுபக்கத்தில் தோன்ற ஆரம்பிக்கும் போது ளுஹருடைய நேரம் ஆரம்பமாகின்றது.

மஃரிப்.

சூரியன் மறைந்ததன் பின் கிழக்குப் பகுதியில் தெரியும் சிவந்த நிறம் மறைகின்ற போது மஃரிபுடைய நேரம் ஆரம்பமாகும்.

இரவின் அரைவாசி.

சூரியன் மறைவதற்கும் சுப்{ஹடைய அதானுக்குமிடையிலுள்ள நேரத்தை இரண்டால் பிரித்தால் வருபவை இரவின் அரைவாசியாகும். இஷாவுடைய கடைசி நேரமாகும். வேண்டுமென்றோஇ அல்லது தங்கடங்களுக்காகவோ மஃரிபையும் இஷாவையும் தொழாது விட்டால் இஹ்தியாதே வாஜிபின்படி சுப்{ஹடைய அதானுக்கு முன்பு அதாவானஇ அல்லது கழாவான நிய்யத்து இல்லாது தொழ வேண்டும்.

எந்த எந்தத் தொழுகையை எந்த எந்த நபி முதலில் தொழுதார்கள்:
 
1. பஜ்ர் – ஆதம் (அலைஹிஸ்ஸலாம்)
 
2. ளுஹர் – இப்ராஹீம் (அலைஹிஸ்ஸலாம்)
 
3. அஸர் – யாகூப் (அலைஹிஸ்ஸலாம்)
 
4. மஃரிப் – தாவூது (அலைஹிஸ்ஸலாம்)

 5. இஷா – யூனூஸ் (அலைஹிஸ்ஸலாம்)
 

பாங்கின் அர்த்தம்

அல்லாஹு அக்பர் :அல்லாஹ் மிகப்பெரியவன்
அல்லாஹு அக்பர் :அல்லாஹ் மிகப்பெரியவன்
அல்லாஹு அக்பர் :அல்லாஹ் மிகப்பெரியவன்
அல்லாஹு அக்பர் :அல்லாஹ் மிகப்பெரியவன்
அஷ்ஹது அல்(ன்)லாயிலாஹ இல்லல்லாஹ் :அல்லாஹ்வைத்தவிர வேறு இறைவன் இல்லை என்று உறுதி கூறுகிறேன்.
அஷ்ஹது அல்(ன்)லாயிலாஹ இல்லல்லாஹ் :அல்லாஹ்வைத்தவிர வேறு இறைவன் இல்லை என்று உறுதி கூறுகிறேன்.
அஷ்ஹது அன்ன முஹம்மதர் ரசூலுல்லாஹ் :முஹம்மது(ஸல்லல்லாஹு அலைஹி வஸல்லம்) அவர்கள் இறைவனின் தூதர் ஆவார்கள் என்று நான் உறுதி கூறுகிறேன்.
அஷ்ஹது அன்ன முஹம்மதர் ரசூலுல்லாஹ் : முஹம்மது(ஸல்லல்லாஹு அலைஹி வஸல்லம்) அவர்கள் இறைவனின் தூதர் ஆவார்கள் என்று நான் உறுதி கூறுகிறேன்.
ஹய்ய அலஸ் ஸலா(த்), ஹய்ய அலஸ் ஸலா(த்) : தொழுகையின் பக்கம் வாருங்கள், தொழுகையின் பக்கம் வாருங்கள்
ஹய்ய அலல் ஃபலாஹ், ஹய்ய அலல் ஃபலாஹ் : வெற்றியின் பக்கம், வாருங்கள்,வெற்றியின் பக்கம் வாருங்கள்
அல்லாஹு அக்பர் : அல்லாஹ் மிகப்பெரியவன்
அல்லாஹு அக்பர் : அல்லாஹ் மிகப்பெரியவன்
லா இலாஹ இல்லல்லாஹ் : அல்லாஹ்வைத்தவிர வேறு இறைவனில்லை

அறிவிப்பவர் : அபூமஹ்தூரா(ரழியல்லாஹு அன்ஹு) நூல் : முஸ்லிம் அறிவிப்பவர் : அப்துல்லாஹ் இப்னு ஜைத் (ரழியல்லாஹு அன்ஹு) நூல் : இப்னுமாஜா,அபூதாவூத்

ஒளு:

தண்ணீரால் உடலின் சில குறிப்பிட்ட உறுப்புக்களை சுத்தம் செய்வதற்கு ஒளு என்று பெயர். தொழுவதற்கு முன் உளு என்னும் அங்கசுத்தி செய்து கொள்ளல் வேண்டும்.

முஃமின்களே! நீங்கள் தொழுகைக்குச் சென்றால் உங்கள் முகங்களையும், முழங்கைகள் வரை உங்கள் கைகளையும், கணுக்கால் வரை உங்கள் கால்களையும் கழுவுவதோடுஇ நீரில் நனைத்த கைகளினால் உங்கள் தலையையும்(சிறு பகுதியைத்) தடவிக் கொள்ளுங்கள்'.
-அல்-குர்ஆன் (5:6)

இந்த ஒளு எடுப்பதற்கு ஷர்த்து, பர்ளுகள், சுன்னத்துக்கள் உண்டு.

உளுவின் பர்ளுகள்(கடமைகள்):

1.    உளுவின் கடமையை நிறைவேற்றுகிறேன் என்று நிய்யத் செய்தல்.

2.    முகம் கழுவுதல்

3.    முழங்கைகள் வரை கைகளைக் கழுவுதல்

முகம் கழுவும்போது நிய்யத் வைக்க வேண்டும். நிய்யத் இல்லாமல் முகம் கழுவினால் உளு நிறைவேறாது.

4.    தலையின் சிறுபகுதியை மஸ்ஹு செய்தல்

5.    கணுக்கால் வரை கால்களை கழுவுதல்

6.    இவைகளை வரிசைக்கிரமமாக செய்தல்.

தலைமுடி முளைத்துள்ள இடம் முதல் நாடிக்குழி வரையிலும் மற்றும் இரண்டு செவி சோனைகள் வரையிலும் உள்ள பகுதிகளையும் கழுவ வேண்டும்.

கை,கால்களை குறிப்பிட்டுள்ளபடி சிறுபகுதி கூட விடாத அளவிற்கு கழுவ வேண்டும். உளுவின் உறுப்புகளான முகம், கை, தலை,  கால்களில் நீர் சேர்வதை தடுக்கும் நகப்பாலிஷ், உதட்டு சாயங்கள், பெயிண்ட் போன்ற கட்டியான திரவப்பொருள்களிருப்பின் ஒளு நிறைவேறாது.

சற்றேழத்தாழ 280 லிட்டர் தண்ணீர் கொள்ளும் தொட்டியில் கைகளினால் நீரை அள்ளி எடுத்துக் கொள்ளலாம். இதைவிட குறைந்த அளவுள்ள தொட்டிகள், வாளிகள், பாத்திரங்கள் முதலியவற்றிலிருந்து நீரைக் கைகளில் ஊற்றியே ஒளு செய்வது சிறப்பானதாகும்.

வரிசைக் கிரமங்களுக்கு மாற்றமாக ஒளு செய்தால் ஒளு நிறைவேறாது.

உளுவின் சுன்னத்துக்கள்:

'அவூது பில்லாஹி மினஷ்ஷைத்தானிர்ரஜீம். பிஸ்மில்லாஹிர்ரஹ்மானிர்ரஹீம். அஷ்ஹது அன் லாஇலாஹ இல்லல்லாஹு வஅஷ்ஹது அன்ன முஹம்மதன் அப்துஹு வரஸூலுஹு. அல்ஹம்துலில்லாஹில்லதீ ஜஅலல் மாஅ தஹூரா.' என்ற சொற்றொடரை உளுவின் ஆரம்பத்தில் ஓதுவதும், இதனை முழுமையாக ஓத முடியாவிட்டால் 'பிஸ்மில்லாஹ்' மட்டும் ஓதுவதும் சுன்னத்தாகும். அத்துடன் இரு கைகளின் முன் பகுதிகளை மணிக்கட்டு வரை மூன்று முறை கழுவுவதும் சுன்னத் ஆகும். மிஸ்வாக் செய்வது சுன்னத்தாகும்.

மிஸ்வாக் செய்தபின் மூன்று முறை வாய் கொப்பளிப்பது, மூக்கின் உள் நீர் செலுத்தி அதன் அழுக்கை அகற்றுவதும், ஒரு சிரங்கை நீரிலேயே வாயையும், மூக்கையும் இணைத்தே மூன்று முறை கழுவுவதும,;  அடர்த்தியான தாடியை விரல்களால் கோதி கழுவுதல், கை கால் விரல்களை கோதி கழுவுதல் ஒவ்வொரு உறுப்பையும் மும்முறை கழுவுதல் ஆகிய இவையாவும் சுன்னத்துக்களாகும்.

உளுவின் ஒழுக்கங்கள்:

உளுச் செய்யும்போது கிப்லாவை முன்னோக்கி அமர்தல், வீண் பேச்சுக்களைத் தவிர்த்தல், 'ஹவ்ழ்'- நீர்தொட்டி உளுச் செய்பவரின் வலப் பாகத்திலும், ஊற்றிக் கழுவும்போது நீர்ப்பாத்திரம் அவரின் இடது பாகத்திலும் இருக்கும் அமைப்பில் உளுச் செய்தல், தேவையற்றவர்கள் பிறரின் உதவியின்றி தாமாகவே உளு செய்தல், வியாதி, குளிர், சளி போன்ற காரணமின்றி உளுச் செய்த நீரைத் துடைக்காமலிருத்தல் ஆகியவை உளுவின் ஒழுக்க முறைகளான சுன்னத்துக்களாகும். ஒவ்வொரு உறுப்பையும் கழுகும்போதும் ஷஹாதத் கலிமாவை

'அஷ்ஹது அன்லாயிலாஹ இல்லல்லாஹு வஹ்தஹு லாஷரீக லஹு வஅஷ்ஹது அன்ன ஸய்யிதனா முஹம்மதன் அப்துஹு வரஸூலுஹு' என்று ஓதுவது சுன்னத் ஆகும்.

உளுச் செய்தபின் கையிலுள்ள நீரைக் குடிப்பது சுன்னத்தாகும். 'இந்நீர் அனைத்து வியாதிகளுக்கும் அருமருந்தாகும்' என நாயகம் ஸல்லல்லாஹு அலைஹி வஸல்லம் அவர்கள் கூறியுள்ளார்கள். (ஆதாரம்: நஸயீ,ஹாகிம்)

உளுச் செய்தபின் இரு கரங்களையும் முகத்தையும் வான் நோக்கி உயர்த்தி

'அஷஹது அன்லாஇலாஹ இல்லல்லாஹு வஹ்தஹு லாஷரீகலஹு வஅஷ்ஹது அன்ன முஹம்மதன் அப்துஹு வரஸூலுஹு அல்லாஹும்மஜ்அல்னீ மினத் தவ்வாபீன வஜ்அல்னீ மினல் முததஹ்ஹிரீன வஜ்அல்னீ மின் இபாதிகஸ் ஸாலிஹீன ஸுப்ஹானகல்லாஹும்ம வபிஹம்திக வஅஷ்ஹது அன்லாஇலாஹ இல்லா அன்த அஸ்தக்ஃபிருக வஅதூபு இலைக.'

என்ற துஆவை ஓதுவதும், உயர்த்திய கரங்களைத் தாழ்த்தி மூன்று முறை 'இன்னா அன்ஜல்னா' ஸூராவை ஓதுவதும் அதன்பின்பு

'அல்லாஹும்மஃபிர்லீ தன்பீ வவஸ்ஸிஃ லீ ஃபீ தாரீ வபாரிக் லீ ஃபீ ரிஸ்கீ வலாதஃப்தின்னீ பிமா ஜவய்த அன்னீ'
என்று ஓதுவதும் சுன்னத்தாகும்.

ஒருவர் உளு செய்தபின் அதன் துஆவை ஓதினால் அவருக்காக சுவனத்தின் எட்டு வாயில்களும் திறக்கப்படும். அவர் விரும்பிய வாயில் வழியாக நுழைந்து செல்லட்டும்; என்றும்(நூல்: முஸ்லிம்)

'அவருடைய அந்தச் செயல் முத்திரையிட்டுப் பாதுகாக்கப்படுகிறது. அதன் நன்மையை அவர் அடைந்தே தீருவார்' என்றும் (நூல்: ஹாகிம்) துஆவின் பெருமையையும் சிறப்பையும் பற்றி அண்ணலாரின் அரும்மொழிகள் இருக்கின்றன.

உளுவின் சுன்னத்தான தொழுகை:

உளுச் செய்யும் நேரங்களிலெல்லாம் உளுவின் சுன்னத்தான தொழுகையைநிறைவேற்றுகின்றேன் என்ற நிய்யத்துடன் இரண்டு ரக்அத்துகள் தொழுவது சுன்னத்தாகும். முதல் ரக்அத்தில் ஸூரத்துல் பாத்திஹாவிற்குப் பின்

'வலவ் அன்னஹும் இதுளலமூ அன்ஃபுஸஹும் ஜாஊக ஃபஸ்தஃக் ஃபருல்லாஹ வஸ்தக்ஃபர லஹுமுர் ரஸூலு லவஜதுல்லாஹ தவ்வாபர் ரஹீமா'

என்ற ஆயத்தை ஓதுவதும் இரண்டாவது ரக்அத்தில்,'வமன் யஃமல் ஸூஅன் அவ்யள்லிம் நஃப்ஸஹு ஃதும்ம யஸ்தஃபிரில்லாஹ யஜிதில்லாஹ ஙஃபூரர் ரஹீமா' என்ற ஆயத்தை ஓதுவதும் சுன்னத்தாகும்.

உளுவின் மக்ரூஹுகள்:

1.    அடர்த்தியான தாடியை கோதி கழுவாமலிருத்தல்.
2.    கைஇ கால்களை கழுவுவதில் இடது பாகங்களை முற்படுத்துதல்.
3.    கண்களுக்குள் நீர் செலுத்துதல்.
4.    நீரை முகத்தில் அடித்துக் கழுவுதல்
5.    அவரவர் முகத்திற்கு நேராக அல்லது கிப்லாவின் திசை நோக்கி துப்புதல்.
6.    உளுவின் உறுப்புகளை மூன்று முறைகளை விட அதிகமாகவோஇ குறைவாகவோ கழுவுதல்.
7.    மிஸ்வாக் செய்வதை விடுதல்
8.    தேவையின்றி பிறரின் உதவியினால் உளு செய்தல்
9.    உளுச் செய்யும்போது நீரை உதறுதல்.
10.    வெயிலில் சூடான நீரால் உளுச் செய்தல்.

உளுவை முறிப்பவை:


1.    காற்று, நீர், மலம், இரத்தம் புழு போன்றவை மனிதனின் முன்பின் துவாரம் வழியாக வெளிவந்தால் உளு முறிந்து விடும்.

2.    போதை, பைத்தியம், மயக்கம் உறக்கம் இவைகளினால் உணர்விழந்தால் உளு முறிந்து விடும். உட்கார்ந்து தூங்குவதினால் உளு முறியாது.

3.    ஆணோ பெண்ணோ இன உறுப்புகளை அல்லது மலவாயைத் திரையின்றி உள்ளங்கை கொண்டு தொடுவதினால் தொடுபவரின் உளு முறிந்து விடும்.

4.    திருமணத்திற்கு ஹலாலான ஆண் பெண்களின் மேனிகள் திரையின்றி ஒன்றோடு ஒன்று உராய்வதினால் இருவரின் ஒளுவுமே முறிந்து விடும். ஆசையினால் வெளிவரும் மோகநீரினாலும் ஒளு முறிந்து விடும். இந்திரியம் வெளியாவதினால் ஒளு முறிவதில்லை. ஆனால் குளிப்பது கடமையாகும்.

சுன்னத்தான உளு:

1.    குர்ஆனை தொடாமல் நாவினால் ஓதுவதற்காக.
2.    மய்யித்தை குளிப்பாட்டியதற்காக அல்லது அதை சுமந்ததற்காக.
3.    ஹதீது போன்ற மார்க்க நூல்களை படிப்பதற்காக.
4.    பால்வேறுபட்ட சிறார்களை தொட்டதற்காக
5.    மறைவிட ரோமங்களையும், இன உறுப்புகளைச் சுற்றியுள்ள பகுதிகளையும் தொட்டதற்காக.
6.    மனைவியுடன் இணைவதற்காக.
7.    உறங்குவதற்காக
8.    நகம், தலைமுடி, மீசை ஆகியவற்றை களைந்ததற்காக.
9.    ஆணையோ, பெண்ணையோ ஆசையுடன் பார்த்ததற்காக.
10.    கோபம் அடைந்ததற்காக.
11.    வாந்தி எடுத்ததற்காக.
12.    மார்க்க உபதேசங்களை கேட்பதற்காக
13.    நல்லோர்களின் அடக்கத்தலங்களை தரிசிப்பதற்காக.
14.    உடலில் இரத்தம் எடுத்ததற்காக.
15.    பாங்கு சொல்வதற்காக.
16.    பள்ளிவாசலில் நுழைவதற்காக அல்லது தங்குவதற்காக மற்றும் பெருந்துடக்குள்ளவர்கள் குடிப்பதற்காக, உண்பதற்காக.

தொழுக மக்ரூஹான நேரங்கள்:

1.பஜ்ரின் பர்ளுத் தொழுகையை தொழுதபின் பொழுது உதயமாகும் வரையிலும்

2. பொழுது உதயமாகி ஓர் ஈட்டியின் அளவுக்கு அடிவானில் அது உயரும் வரையிலும்

3. வானில் சூரியன் உச்சியில் இருக்கும்போதும்.

4. அஸரின் ஃபர்ளுத் தொழுகையை முடித்தபின் பொழுதடையும் வரையிலும்.

5. பொழுதடையும்போதும்.

இந்த நேரங்களில் நஃபில் முத்லக், தஸ்பீஹ் தொழுகை, மற்றும் இஹ்ராமிற்குரிய நஃபில் தொழுகை ஆகிய மூன்று தொழுகைகளை மட்டும் தொழுவது மக்ரூஹ் தஹ்ரீம் ஆகும்.வெள்ளிக் கிழமை உச்சிப் பொழுதில் நஃபில் முத்லக், தஸ்பீஹ் தொழுகை ஆகியவற்றை தொழுவது கூடும்.

இம்மூன்றையும் தவிரவுள்ள ஃபர்ளான அதா, களா தொழுகை, ஜனாஸாத் தொழுகை, பள்ளிவாசல் காணிக்கைத் தொழுகை, கிரகணத் தொழுகை, உளுவின் சுன்னத்தான தொழுகை போன்றவற்றை இந்த நேரங்களில் தொழுதால் கூடும்.

தயம்மும்

இச்சொல் சுத்தம் செய்வதற்கு மண்ணை நாடுதல் என்ற பொருளைத் தரும். தண்ணீரை உபயோகிக்க இயலாத பொழுது மண்ணைக் கொண்டு முகம் மற்றும் கைகளை மஸ்ஹு செய்வதற்கு இச் சொல் வழங்கப்படுகிறது. தண்ணீர் இல்லாவிடில் அல்லது நீர் இருந்தும் குடிப்பதற்கு தேவைப் பட்டால் அல்லது வியாதியினால் நீரை உபயோகிக்க முடியாவிட்டால் தயம்மும்  செய்து கொள்ளலாம்.

நஜீஸ் இல்லாத சுத்தமான புழுதி கலந்த மண்ணினால் தயம்மும் செய்ய வேண்டும். செம்மண், காவி மண் போன்ற இயற்கை நிறத்தையும் தண்மைகளையும் கொண்ட மண்ணினால் தயம்மும்  செய்வது கூடும்.

ஃபர்ளுகள்:
 
1. தயம்மும் உடைய பர்ளை நிறைவேற்றுகிறேன் என்று நிய்யத் செய்து  கொண்டு தரையில் உள்ள மண்ணை உள்ளங்கையினால் ஒற்றி எடுத்து முகத்தை மஸ்ஹு செய்தல். மண்ணை எடுப்பதற்காக உள்ளங்கைகளைத் தரையில் பதித்ததிலிருந்து முகத்தை மஸ்ஹு செய்யும் வரை நிய்யத் நிலைத்திருக்க வேண்டும்.
2. முழங்கை வரை இரு கைகளையும் மஸ்ஹு செய்தல்.
3. முதலில் முகம், பிறகு கைகள் என வரிசைக் கிரமமாகச் செய்தல்.
4. இவ்விரண்டு உறுப்புகளுக்காக இருமுறை மண்ணை ஒற்றி எடுத்தல்.

சுன்னத்துகள்:

தயம்மும் தொடங்குமுன் அஊது ஓதுவதும், ஷஹாதத் கலிமா ஓதுவதும்,பிஸ்மில்லாஹ் ஓதுவதும், சுன்னத் ஆகும். தயம்மும் செய்து முடித்தபின் உளுவின் துஆவை ஓதுவதும், முகத்தின் மேல்பகுதியிலிருந்து மஸ்ஹு செய்யத் தொடங்கி அதன் கீழ் பகுதியில் கொண்டு முடித்தலும்இ தரையில் இரண்டு உள்ளங்கைகளை அடித்த பின்பு புறங்கைகளை ஒன்றோடு ஒன்றாக அடித்து, கையில் ஒட்டி இருக்கும் மிதமிஞ்சிய மண்தூள்களை விழச் செய்வதும் ஸுன்னத் ஆகும்.

தயம்முமை முறிப்பவைகவள்:

 உளுவை முறிக்கும் கருமங்கள் யாவும் தயம்முமையும் முறித்து விடும். அத்துடன் தண்ணீர் கிடைக்காததால் தயம்மும் செய்து தொழுபவர் தண்ணீரைப் பெற்றுக் கொண்டால் உடனே தயம்மும் முறிந்து விடும்.

 ஜனாபத்

ஜனாபத்  என்பதன் பொருள் 'தூய்மையின்மை' என்பதாகும். சிறு தொடக்கு உள்ளவர்கள் உளுச் செய்து தூய்மைபடுதத்திக் கொள்வது போன்று பெருந்தொடக்கு உள்ளவர்கள் குளித்து தூய்மைப் படுத்திக் கொள்ளவது கடமையாகும்.

புணருதல், பிரசவித்தல், உறக்கத்தில் ஸ்கலிதமாதல், மாதவிடாய் இரத்தம் வெளிவருதல், மரணித்தல் ஆக இந்த ஐந்து தூய்மையற்ற நிலைகளிலிருந்து குறித்து தூய்மைப்படுத்திக் கொள்வது ஃபர்ளாகும்.

இதேபோன்று ஆண் இன உறுப்பின் கத்னா செய்தபகுதியானது பெண் இன உறுப்பில் மறைந்துவிட்டால் விந்து வெளிவந்தாலும்,வராவிட்டாலும் இருவரின் மீதும் குளிப்பது கடமையாகும்.

ஹைளு:

குறித்த காலங்களில் பெண்களின் கருப்பையின் ஓரப்பகுதியிலிருந்து வெளிவரும் இயற்கை உதிரப் போக்கிற்கு ஹைளு(மாதவிடாய்) என்று சொல்லப்படும். 9 வயதில் தொடங்கும் மாதவிடாய் 55 வயதை அடையும்போது நின்று விடும். சிலருக்கு 60 வயது வரை நீடிப்பதுமுண்டு.

ஹைளு ஏற்படும் குறைந்தபட்சக் காலஅளவு 24 மணி நேரங்கள். அதன் அதிகபட்ச காலஅளவு 15 நாட்கள். மிகுந்த கால அளவு 6 அல்லது 7 நாட்கள். இந்த 24 மணி நேரத்தை விடக் குறைந்த அளவோ 15 நாட்களை விட விரிந்த அளவோ உதிரப் போக்கு ஏற்படின்இ இது ஹைளாகக் கணிக்கப்பட மாட்டாது. அவை வியாதி இரத்தம் அல்லது இஸ்திஹாளா (உதிரப் பெரும்போக்கு) எனக் கருதப்படும்.
ஒருமாதம் வெளிப்பட்ட ஹைளுக்கும் மறுமாதம் வெளிப்டும் ஹைளுக்கும் இடையே (சுத்தமான) இடைவெளி 15 நாட்கள் அவசியம் இருக்க வேண்டும். அவ்வாறு 15 நாட்கள் இடைவெளிக்குப் பிறகு வரும் இரத்தமே ஹைளு (மாதவிடாய்) ஆகும். அவ்வாறின்றி ஏற்படும் இரத்தப் போக்கு இஸ்திஹாளா(உதிரப் பெரும்போக்கு) எனக் கருதப்படும்.

சிறிய, பெருந்துடக்குள்ளவர்கள் செய்யக் கூடாத செயல்கள்:

தொழுதல், தவாபு செய்தல், குர்ஆனைத் தொடல், ஸஜ்தாவுடைய ஆயத்தை ஓதியதற்காக ஸுஜூது செய்தல், குர்ஆன் ஷரீபின் ஆயத்துகள் அல்லது பலகைகளைத் தொடுதல் ஆகியவை ஹராமாகும்.

பெருந்துடக்குள்ளவர்கள் பள்ளிவாசலில் தங்கியிருப்பதும், குர்ஆன் ஆயத்துக்களின் சில வாக்கியங்களை ஓதுவதும் ஹராமாகும்.

ஹைளு, நிபாஸ்(பிரவசத் தொடக்கு) உள்ளவர்கள் பள்ளியில் உள் செல்வதும், அங்கு தங்கியிருப்பதும், குர்ஆன்ஷரீபை தொடுவதும், அதை ஓதுவதும் நோன்பு நோற்பதும், தங்கள் கணவரோடு மருவுவதும் ஹராமாகும். இச்சமயங்களில் விடுபட்ட தொழுகைகளை களாச் செய்ய வேண்டியதில்லை. ஆனால் ரமளான் மாத நோன்புகளை மட்டும் களாச் செய்வது ஃபர்ளாகும்.

நிஃபாஸ்:

பேறு காலமானவுடன் அல்லது குறைந்தமாத கட்டிகள் விழுந்தவுடன் ஏற்படும் உதிரப்போக்கிற்கு நிஃபாஸ் என்று பெயர். இந்த இரத்தம் வெளிவரும் குறைந்த கால அளவு ஒரு நொடிப்பொழுது ஆகும். நிறைந்த காலஅளவு அறுபது நாட்கள். மிகுந்த கால அளவு நாற்பது நாட்கள் ஆகும். ஹைளுடைய சட்டங்கள் நிஃபாஸுக்கும் பொருந்தும்.

அல்குஸ்லு(குளிப்பு)

'குளிப்பின் பர்ளை நிறைவேற்றுகிறேன்' என்ற நிய்யத்தைக் கொண்டு உடலின் புறப்பாகங்கள் அனைத்திலும் தண்ணீரை ஓட்டுதலுக்குப் பெயர் குளிப்பு என்று பெயர்.இதன் ஃபர்ளுகள் 2. அவை

1. நிய்யத் 2. உடலின் புறப்பாகங்கள் அனைத்திலும் தண்ணீர் ஊற்றுதல்.

முழுக்கு குளியலின் போது நகங்களின் உட்பகுதிகள், உரோமங்களின் உள், வெளிப்பகுதிகள், மல ஜலம் கழிக்க அமரும்போது பெண்ணின் மறைவிடங்களில் வெளித் தெரியும் பகுதிகள் ஆகியவற்றை நன்கு கவனித்து கழுவுதல் ஃபர்ளாகும்.

500 ராத்தல் (280 லிட்டர்) கொள்ளளவு நீர் நிறைந்த தொட்டிகளில் முங்கிக் குளித்துக் கொள்ளலாம்.


ஸுன்னத்துக்கள்:

குளிக்கும் முன் சிறுநீர் கழித்தல், மேனியிலோ, ஆடையிலோ படிந்திருக்கும் அசுத்தங்களை (நஜீஸ்களை) கழுவுதல், பரிபூரணமாக உளு செய்து கொள்ளுதல், குளிக்கத் தொடங்கும்போது பிஸ்மில்லாஹ் சொல்லல், வாயையும், மூக்கையும் சுத்தம்  செய்து கொள்ளல்,ஆரம்பத்தில் தலைக்கும் பின்பு வலது மற்றும் இடது புறங்களுக்கும் தண்ணீர் ஊற்றுதல், ரோமங்களை கோதி விடுதல், ஒவ்வொரு பகுதியின் மீதும் மூன்று முறை தண்ணீர் ஊற்றுதல், உடலைத் தேய்த்துக் குளித்தல், கமுக்கட்டு, தொப்புள், கைமொழிகள் போன்ற இடங்களை நன்றாக கவனித்து கழுவுதல், கிப்லாவை முன்னோக்கி இருத்தல், தேவையில்லாமல் உரையாடாதிருத்தல், ஓர் உறுப்பு உலருமுன் தொடர்ந்து மற்றொரு உறுப்பைக் கழுவுதல்,குளித்த பின் வியாதி, குளிர், சளி போன்ற காரணமில்லாவிடில் துடைக்காமல் விடுதல், குளித்த பின்பு ஹைளு வந்த வழியில் நறுமணம் பூசுதல் ஆகியவை குளிப்பின் ஸுன்னத்துக்களாகும்.குளித்த பின் ஷஹாதத் கலிமாவை ஓதி, பின்பு உளுவின் துஆவை ஓதி, மூன்று முறை இன்னா அன்ஸல்னா' சூராவை ஓதுவதும் அதன்பின், 

اللهمّ اغْفرْ لـيْ ذنبيْ ووسّعْ ليْ فيْ داريْ وبارك ليْ رزْقيْ ولاتفتنيْ بما زويْت عنّيْ
 
என்று ஓதுவதும் ஸுன்னத்தாகும்.

சுன்னத்தான குளிப்புகள்:

ஜும்ஆ தொழுகை, இருபெருநாள் தொழுகைகள், சூரிய சந்திர கிரகணத் தொழுகைகள் ஆகியவைகளுக்காக மழை தேடி தொழுவதற்காக, ஹரம் ஷரீபிலும், மதீனா முனவ்வராவிலும் நுழைவதற்காக, தவாஃப் செய்வதற்காக, அரபா மினாவில் தங்குவதற்காக, பைத்தியம் போதை மயக்கம் தெளிந்ததற்காக, மய்யித்தைக் குளிப்பாட்டியதற்காக, ஹாஜிகள் ஜம்ரத்துல் அகபா ஊலா, உஸ்தாவில் கல் எறிவதற்காக, ரமலான் மாதத்தின் ஒவ்வோர் இரவிலும் ஜமாஅத்துடன் தராவீஹ் தொழுவதற்காக, சன்மார்க்க நிகழ்ச்சிகளுக்கு செல்வதற்காக, பெருந்தொடக்கு இல்லாத காபிர்கள் இஸ்லாம் ஆவதற்காக ஆகியவை சுன்னத்தான குளிப்புகள்.

ஸுன்னத்தான குளிப்பை நிறைவேற்றுகிறேன் என்றோ அல்லது 'இன்ன செயலுக்காக குளிக்கிறேன் என்றோ நிய்யத் செய்து கொண்டால் சுன்னத்தை நிறைவேற்றிய நன்மைகளை அடையலாம். நிய்யத்துச் செய்யாவிட்டால் நன்மைகள் கிடைக்கமாட்டாது.

தொழுகையை முறிப்பவைகள்

தொழுகையில் இருமுதல், கனைத்தல், தும்முதல் போன்றவற்றிலிருந்து இரு எழுத்துகள் வாயிலிருந்து வெளிவந்தால் தொழுகை முறிந்து விடும்.
 
சதைப்பற்றுள்ள ஏதாவது ஒரு பொருளை விழுங்கினால் தொழுகை முறிந்து விடும்.

தொண்டையில் கபம் இறங்கிட அதைத் துப்பாமல் விழுங்கினாலும், வாயில் இரத்தம் வடிந்திருந்து அதைக் கழுவாத நிலையில் உமிழ் நீர் ஊறி அதை விழுங்கினாலும் தொழுகை முறிந்து விடும்.
 
தொழுது கொண்டிருக்கும் போது அதை முறித்துவிட நினைத்தால் உடனே தொழுகை முறிந்து விடும்.

தொழுகையிலுள்ள செயல்வடிவமான பர்ளுகளை இடம் மாற்றி செய்தாலும், சொல் வடிவ பர்ளுகளிலுள்ள தக்பீர் தஹ்ரீமா, ஸலாம் கொடுத்தல் ஆகிய இரண்டை மட்டும் இடம் மாற்றி செய்தால் அல்லது செயல்வடிவ பர்ளை அதிகப்படுத்தி செய்தாலும் தொழுகை முறிந்து விடும்.

பதினான்கு பர்ளுகளில் ஏதாவது ஒரு பர்ளை சுன்னத்தாக நினைத்தாலும் தொழுகை முறிந்து விடும்.

தொழுகையின் செயல்முறை அல்லாத வேறு செயல்களை தொடர்படியாக மூன்று முறை செய்தாலும் தொழுகை முறிந்து விடும்.

கைவிரல்களுடன் முன் கையும் சேர்த்து மும்முறை அசைந்தால் அல்லது நாவை வாயின் வெளியே நீட்டி மும்முறை அசைத்தால் தொழுகை முறிந்து விடும்.

தொழுகையின் பர்ளுகளும், ஷர்த்துகளும்:

1. நிய்யத்: இதற்கு உள்ளத்தால் நாடுதல் என்று பொருள். இது தொழுகையின் ஆரம்ப ஃபர்ளாகும்.இன்ன நேரத்தின் பர்ளான தொழுகையை தொழுகிறேன் என்பதிலுள்ள மூன்று அம்சங்களும் ஃபர்ளான தொழுகையில் இருக்க வேண்டிய அம்சங்கள்.

அதாவாக கிப்லாவை முன்னோக்கி இத்தனை ரக்அத்துகளை அல்லாஹ்விற்காக என்ற இந்த நான்கையும் நிய்யத் செய்வதும் உள்ளத்தில் நிய்யத் செய்வதை நாவால் மொழிவதும் சுன்னத்தாகும்.

2. தக்பீர் தஹ்ரீமா:தொழுகையை நிய்யத் செய்து அல்லாஹு அக்பர் என்று கூறுவதற்கு இச்சொல் பயன்படுத்தப்படுகிறது.

3. நின்று தொழ சக்தியுள்ளோர் நின்று தொழுதல்

4. பாத்திஹா சூரா ஓதுதல்: ஜனாஸா தொழுகையைத் தவிர எல்லா தொழுகைகளிலும் வஜ்ஹத்து ஓதுவது ஸுன்னத்து ஆகும்.

وجّهتُ وجهي للّذي فطرالسّماوات والاْرْض حنيْفا مسلم وما انا منالْمشْركيْن. انّ صلاتيْ ونسكيْ ومحياي
 ومماتي لله ربّ العالمين. لاشريك له وبذالك امرْت وانا من الْمسلمين 

 

ஸூரத்துல் பாத்திஹா ஓதுவது எல்லாத் தொழுகையிலும் தனியாகத் தொழுதாலும், இமாம் ஜமாஅத்துடன் தொழுதாலும் ஃபர்ளாகும். பிஸ்மில்லாஹ்வை சேர்த்து இந்த சூரத்தின் எழுத்துக்கள் 156 ஆகும்.அதன் ஷத்துகள் 14 ஆகும். இதில் ஏதாவது ஒரு எழுத்தையோ ஷத்தையோ விட்டு ஓதினால் ஃபாத்திஹா நிறைவேறாது.

ஃபாத்திஹா சூரா ஓதும் முன்பு 'அஊது பில்லாஹி மினஷ் ஷைத்தானிர் ரஜீம்' என்று சப்தமின்றி எல்லா ரக்அத்திலும் ஓதுவது ஸுன்னத்தும் முதல் ரக்அத்தில் ஓதுவது ஸுன்னத் முஅக்கதாவும் ஆகும். முதல் ரக்அத்தில் அஊது ஓதாமல் விடுவது மக்ரூஹ் ஆகும்.

ஃபாத்திஹா ஸூராவை ஓதியபின் ஆமீன் என்று கூறுவது ஸுன்னத்தாகும்.

5. ருகூஉ செய்தல்: தொழுகையில் தக்பீர் கட்டி(கியாம்) நிலையில் ஃபாத்திஹாவும், சூராவும் ஓதிய பின்பு குனிந்து நிற்கும் செயலுக்கே ருகூவு என்று பெயர்.இதன் ஃபர்ளுகள் மூன்று ஆகும். 1. முழங்காலை உள்ளங்கையால் தொடும் அளவுக்கு குனிவது 2. ருகூவு செய்வதற்காகவே குனிவது 3. குனிந்தபின் அங்க அசைவுகள் அமைதியாகும் வரை அதில் தரிபடுவது.

இதன் சுன்னத்துகள்: 1. தக்பீர் தஹரீமா போன்று இரு கைகளையும் உயர்த்தி தக்பீர் சொல்லியவாறு ருகூவிற்கு வருதல் 2. சமமான பலகையைப் போன்று கழுத்தையும், முதுகையும் நேராக்கி குனிந்திருத்தல் 3. இரு முழங்கால்களையும் ஒரு ஜான் அளவு பிரித்து நேராக நாட்டி நிற்றல் 4. திரையின்றி திறந்து மற்றும் விரித்த வண்ணம் உள்ளங்கைகளினால் முழங்கால்களைப் பிடித்துக் கொள்ளல்.5. ஆண்கள் தங்களின் முழங்கைகளை விலாப்பகுதியை விட்டும் வயிறை தொடைப்பகுதியை விட்டும் விலக்கி வைத்தல், பெண்கள் இவைகளை சேர்த்து வைத்தல்.6.سبحان ربّي العظيم وبحمده என்று மூன்று முறை ஓதுவது.

. தனியாகத் தொழுபவர் கீழ்காணும் துஆவை ஓதிக் கொள்ளல்

'அல்லாஹும்ம லக ரகஃது வபிக ஆமன்து வலக அஸ்லம்து கஷஅ லக ஸம்யீ வபஸரீ வமுஃக்கீ வஅள்மீ வஅஸபீ வஷஅரீ வபஷரீ வமஸ்தகல்லத் கதமீ லில்லாஹி ரப்பில் ஆலமீன்.'

6. இஃதிதாலில் நிற்றல்: ருகூவிலிருந்து மீண்டும் நிலைக்குத் திரும்பி வருவதற்கு இஃதிதால் என்று பெயர்.இஃதிதாலுக்காகவே நிமிர்ந்து வருதல் மற்றும் அதில் தரிபடுதல் ஆகியவை இதன் பர்ளுகளாகும்.

ருகூவிலிருந்து எழும்போது இரு கைகளையும் தக்பீர் தஹ்ரீமா போன்று உயர்த்தி 'சமிஅல்லாஹு லிமன் ஹமிதஹ் ரப்பனா லகல் ஹம்து மில்அஸ் ஸமாவாதி வமில்அல் அர்ழி வமில்அ மாஷிஃத மின் ஷையின் பஃது' என்று சொல்வது ஸுன்னத்தாகும்.

குனூத்: இதற்குப் பணிதல், தொழுகையின் போது இறைஞ்சுதல் என்று பொருள். ஸுபுஹுத் தொழுகையின் இரண்டாவது ரக்அத்தின் இஃதிதாலிலும் மற்ற ரமலான் மாதத்தின் பிற்பகுதி 15 நாட்களில் வித்ரு தொழுகையின் கடைசி ரக்அத்தின் இஃதிதாலிலும் வழமையாக ஓதும் இஃதிதாலின் திக்ருகளை ஓதி முடித்தபின் குனூத் ஓதுவது ஸுன்னத்தாகும். இதுபோன்று உணவுப் பஞ்சம், வறட்சி, நோய், சன்மார்க்க விரோதிகளினால் அச்சம் உண்டானாலும் மற்றும்  துண்பங்கள் சோதனைகள் போன்றவை ஏறட்பட்டாலும் ஃபர்ளுத் தொழுகையின் கடைசி ரக்அத்தில குனூத் ஓதுவது ஸுன்னத்தாகும்.

குனூத் துஆ:

اللهمّ اهدني فيمن هدشت . وعافيت . وتولّني فيمن تولّيت. وباركلي فيما اعطيت. وفني شرّ ما قضيت
فانّك تقضي ولا يقضاي عليك. فانّه لايذلّ من وّاليت. ولايعزّ من عاديت. تباركت ربّنا وتعاايت. فلكاا
لحمد علي ما قضيت. اشتغفرك واتوب اليك وصلّي الله علي شيّدنا محمّد وعلي آله وصحبه وسلّم.

இமாம் சப்தமிட்டு குனூத்தை பன்மை வசனத்தோடு ஓதுவதும், இமாமின் குனூத் துஆ, இறுதி ஸலவாத் ஆகியவைகளுக்கு மஃமூம்கள் ஆமீன் கூறுவதும் 'ஃப இன்னக தக்ழீ' முதல் 'வஅதூபு இலைய்க' வரை இமாமுடன் சேர்ந்து சப்தமின்றி மஃமூம்கள் இதே வாக்கியங்களை ஓதுவதும் ஸுன்னத்துகளாகும். துன்பங்கள்,கஷ்டங்கள் ஏற்பட்டால் இமாம் குனூத் ஓதிவிட்டு அதற்கென்று தனியாக துஆ செய்வது ஸுன்னத்தாகும்.குனூத் துஆவை ஒருமை வசனத்தில் இமாம் ஓதுவது மக்ரூஹ் ஆகும்.

 
7. இரு ஸுஜூது செய்தல்: இதற்கு தலையை தரையில் வைத்துப் பணிதல் என்று பொருள். இதற்கு என்று விதிமுறைகள் 7 உள்ளன. அவை:

1.ஸுஜூது செய்வதற்காகவே தரைக்கு செல்ல வேண்டும்.
2.தரைக்கு வந்தபிறகு அங்க அசைவுகள் அமைதியாகும் வரை தரிபட வேண்டும்.
3. நெற்றி,இரு உள்ளங்கைகள், இரு முட்டுக் கால்கள், இரு உள்ளங்கால்களின் விரல்கள் ஆகிய ஏழு உறுப்புகளில் ஒவ்வொன்றினுடைய சில பகுதிகளையாவது தரையில் பதித்தல் வேண்டும். இவைகளோடு மூக்கையும் சேர்த்து வைப்பது ஸுன்னத்தாகும்.
4,5. திரையின்றி திறந்த நிலையில் நெற்றியை தரையில் அழுத்தமாக வைப்பது ஃபர்ளாகும்.

6. தலை, தோள் பகுதியை தாழ்த்தியும் இடுப்புப் பகுதிகளை உயர்த்தியும் ஸுஜூது செய்ய வேண்டும்.

7. ஸுஜூதில் ஏழு உறுப்புகளையும் ஒன்றாக தரையில் வைத்திருக்க வேண்டும்.
 

ஸுன்னத்துகள்: இஃதிதாலிலிருந்து தக்பீர் கூறியவாறு கீழே வந்து முதலில் தன் இரு முட்டு கால்களையும் ஒரு ஜாண் அளவு பிரித்து நிலத்தில் வைப்பதும், இரண்டாவதாக இரு கைவிரல்களையும் கிப்லாவை நோக்கி தோள் புயத்திற்கு நேராக நிலத்தில் வைப்பதும்,மூன்றாவதாக மூக்கையும், நெற்றியையும் வைப்பதும், நான்;காவதாக கால் விரல்களை கிப்லாவை நோக்கி நட்டியும் ஒரு ஜாண் அளவு இரு கால்களையும் பிரித்து வைப்பதும் ஸுன்னத்தாகும்.ஸுஜூதில் கண்களை திறந்திருப்பதும், மூன்று முறை

سبحان ربيّ الاعلي وبحمده

என்று ஓதுவதும் ஆண்கள் தங்கள் முழங்கைகளை விலாப் பகுதியை விட்டும் வயிற்றைத் தொடைப் பகுதிகளை விட்டும் விலக்கி வைத்து ஸுஜூது செய்வதும், பெண்கள் இவைகளை சேர்த்து வைத்து ஸுஜூது செய்வதும், இருபாலரும் முழங்கைகளை சேர்த்து வைத்து ஸுஜூது செய்வதும் தனித்தனி ஸுன்னத்துகளாகும்.

8. இரு ஸுஜூதுக்கிடையில் அமர்தல்:'ஜுலூஸ்' என்பதற்கு இரு ஸுஜூதுகளுக்கிடையில் சற்று அமர்வது என்று பெயர். முதல் ஸுஜூதிலிருந்து சிறு இருப்புக்காக எழுந்து வருதல், சிறு இருப்பில் அமர்ந்த பின் அங்க அசைவுகள் அமைதியாகும் வரை அதில் தரிபடுதல் இவ்விரண்டும் இதில் ஃபர்ளாகும்.

இவைகளின் ஓதப்படும் திக்ருகளின் கால அளவைக் கடந்து, அதற்கு மேலும் ஃபாத்திஹா சூரா ஓதும் அளவுக்கு இதில் காலம் தாழ்த்தினால் தொழுகை முறிந்து விடும். எல்லாத் தொழுகைகளிலும் முதலாவது மூன்றாவது ரக்அத்துகளின் ஸுஜூதுகளை முடித்து நிலைக்கு எழுந்திருக்கும் போது சற்று அமர்ந்த பின்பு உள்ளங்கைகளைத் தரையில் ஊன்றி நிலைக்கு வருவது ஸுன்னத்தாகும்.

9. இந்த நான்கு ஃபர்ளுகளிலும் அங்க அசைவுகள் அமைதியாகும் வரை தரிபடுதல்

10. கடைசி அத்தஹிய்யாத்திற்காக அமர்தல்:மண்டியிட்டு வலது கால் விரல்கள் கிப்லாவை முன்னோக்கி இருக்கும் வண்ணம் வலது காலைத் தரையில் ஊன்றி வைக்க வேண்டும். இடது காலின் புறப்பகுதியைத் தரையோடு சேர்த்து வைத்து இடது கரண்டைக் கால் மீது பித்தட்டை வைத்து அமர வேண்டும். இவ்வாறு அமர்வது நடு இருப்பில் (முதல் அத்தஹிய்யாத்தில்) சுன்னத்தாகும். இரண்டாம்(கடைசி) அத்தஹிய்யாத்தில் வலது கால்விரல்கள் கிப்லாவை முன்னோக்கி இருக்கும் வண்ணம் அதைத் தரையில் பதித்து வைக்க வேண்'டும். இடது பாதத்தை வலது காலின் கீழே வெளிப்படுத்தி வைத்துக் கொண்டு பித்தட்டைத் தரையின் மீது வைத்து அமர வேண்டும்.

இரண்டு அத்தஹிய்யாத்திலும் இரு கரங்களையம் முழங்கால் முட்டிற்கு நேராக வைத்து வலது கையின் ஆள் காட்டி விரலைத் தவிர்த்து ஏனைய விரல்களை மூடிக் கொள்ள வேண்டும். அதன் பெருவிரலின் நுனியை ஆள்காட்டி விரலின் அடியில் வைத்துக் கொள்ள வேண்டும். பின்பு அத்தஹிய்யாத் ஓதி 'இல்லல்லாஹ்'என்று கூறும்போது சான்று பகர்வதற்கு அறிகுறியாக கலிமா விரலை மட்டும் நீட்டிக் கொள்ள வேண்டும். தொழும்போது அவரவர் சுஜூது செய்யும் இடத்தில் பார்வையை பதிப்பது சுன்னத்தாகும். ஆனால் அத்தஹிய்யாத்தில் கலிமா விரலை உயர்த்திய பின்பு ஸலாம் கொடுக்க திரும்பும்வரை பார்வையை கலிமா விரலின் மீது படிய வைக்க வேண்டும். இது சுன்னத்தாகும்.

அத்தஹிய்யாத் ஓதி முடித்தபின்பு ஸஜ்தா ஸஹ்வு செய்ய வேண்டியிருப்பின் ஸஜ்தா ஸஹ்வு செய்யும் வரை முதல் அத்தஹிய்யாத்தில் இருப்பதைப் போன்று இருப்பது சுன்னத்தாகும்.

தொழுகையில் கடைசி அத்தஹிய்யாத் தவிர மற்ற எல்லா இருப்புகளும் நடு இருப்பைப் போன்று இருப்பது சுன்னத்தாகும்.

11. கடைசி அத்தஹிய்யாத் ஓதுதல்.

12. இதில் ரஸூல் ஸல்லல்லாஹு அலைஹி வஸல்லம் அவர்களின் மீது ஸலவாத் ஓதுதல்

التحيّات المباركات الصّلوات الطيبات لله اسّلام عليك ايّها انّبي ورحمة الله وبركاته السّلام علينا وعلي عبادالله الصا لحين اشهد ان لاّاله الاّالله و اشسهد انّ محمّد رّسول الله اللهمّ صلّ علي محمّد علي محمّد  وعلي آل  محمّد

முதல் அத்தஹிய்யாத்தில் ஓதுவது சுன்னத்தும், கடைசி அத்தஹிய்யாத்தில் ஓதுவது ஃபர்ளுமாகும். முதல் அத்தஹிய்யாத்துடன் கீழ் வரும் தரூதே இப்றாஹிமிய்யாவை சேர்த்து கடைசி அத்தஹிய்யாத்தில் ஓதுவது சுன்னத்தாகும்.

كما صَلَّيْتَ علي ابراهيم وبارك علي محمّد وعلي آل محمّد كما باركت علي ابراهيم وعلي آل ابراهيم في العالمين انّكك
حميد مّجيد                                                                

13. முதல் ஸலாம் கூறுதல்: அஸ்ஸலாமு அலைக்கும் என முதல் ஸலாம் கூறி தொழுகையை முடீப்பது ஃபர்ளு ஆகும். இடது பாகம் திரும்பி இரண்டாவது ஸலாம் கூறுவதும் ஸலாமுடன் 'வரஹ்மத்துல்லாஹ்' என சேர்த்துச் சொல்வதும் சுன்னத்துகளாகும்.

ஜனாஸா தொழுகையில் மட்டும் வபரகாத்துஹு என்பதைச் சேர்த்துக் கூறுவது சுன்னத்தாகும்.

14. இவற்றை வரிசைக் கிரமமாக செய்தல்.

 
ஆக மொத்தம் பதினான்கு தொழுகையின் பர்ளுகளாகம். இதை சற்று விரிவுபடுத்தி பதினேழு அல்லது பத்தொன்பது ஃபர்ளுகளென்றும் சொல்லலாம்.

ஷர்த்துகள்:

1. சிறு தொடக்கை விட்டும் நீங்கியிருத்தல்.
2. பெருந்தொடக்கை விட்டு சுத்தமாக இருத்தல்.
3. அவ்ரத்தை மறைத்தல்
4. கிப்லாவை முன்னோக்குதல்.
5. தொழுகையை முறிக்கும் கருமங்களை விட்டு விலகி இருத்தல்.
6.தொழுகையின் நேரம் வந்து விட்டதெனத் தெரிந்து தொழுதல்.
7. ஃபர்ளான தொழுகையை ஃபர்ளு என்று விளங்கித் தொழுதல்
8. தொழுகையில் பதினான்கு ஃபர்ளுகளையும் விளங்கித் தொழுதல்.
தொழுகையில் ஓத வேண்டிய சூராக்கள்

முதலாவது மற்றும் இரண்டாவது ரக்அத்துகளில் பாத்திஹா சூராவிற்குப் பின் ஏதேனும் மூன்று ஆயத்துக்களை ஓதுவது இமாமுக்கும்இ தனியே தொழுபவருக்கும் சுன்னத்தாகும்.

இருப்பினும் தொழுகையில் நீளமான ஆயத்துகளை ஓதுவதை விட, சிறிய சூராவாயினும் அதை முழுமையாக ஓதுவதும் முதல் ரக்அத்தில் ஓதிய ஸூராவை விட இரண்டாவது ரக்அத்தில் சிறிய ஸூராவை ஓதுவதும், குர்ஆனின் வரிசைக்கேற்ப முதல் ரக்அத்தில் முன்னுள்ள சூராவையம் இரண்டாவது ரக்அத்தில் அதன் பின்னர் உள்ள சூராவையும் ஓதுவதும், முதலாவது ஓதிய ஸூராவிற்கு அடுத்த ஸூராவை ஓதுவதும் ஸுன்னத்தாகும். எனினும் குறிப்பிட்ட சூராக்களை ஓதவேண்டும் என்று விபரிக்கப்பட்டுள்ள தொழுகைகள் இச்சட்டத்திலிருந்து நீங்கியவைகளாகும்.

ஸுப்ஹு மற்றும் ளுஹர் தொழுகைகளில் 'ஹுஜுராத்' முதல் 'அம்ம' வரையிலும் உள்ள சூராக்களில் ஏதாவது ஒரு ஸூராவை ஓதுவதும் அஸர், இஷா தொழுகைகளில் 'அம்ம' முதல் வள்ளுஹா' வரை உள்ள சூராக்களில் ஏதாவது ஒரு சூராவை ஓதுவதும் மக்ரிஃப தொழுகையில் வழ்ளுஹா' முதல் 'அந்நாஸ்' வரை உள்ள சூராக்களில் ஏதாவது ஒரு சூராவை ஓதுவதும் ஸுன்னத்தாகும். இவைகளை விடச் சிறிய சூராவை ஓதவேண்டுமென மஃமூம்கள் விரும்பினால் அவ்வாறு சிறிய சூராவை ஓதி தொழவைப்பது இமாமுக்கு சுன்னத்தாகும்.

குறிப்பிட்ட ஸூராக்கள்:

ஜும்ஆ தொழுகையிலும், அதன் இஷாத் தொழுகையிலும் 'ஜும்ஆ-முனாஃபிக்கீன்' ஆகிய சூராக்களை ஓதுவதும்இ ஜும்ஆவின் ஸுப்ஹு தொழுகையில் 'ஸஜ்தா-தஹ்ரு' ஆகிய ஸூராக்களை ஓதுவதும் ஸுன்னத்தாகும்.

வியாழன் மாலை வெள்ளியிரவு மக்ரிப் தொழுகையிலும் எல்லா நாட்களின் மக்ரிப் மற்றும் ஸுப்ஹுடைய ஸுன்னத் தொழுகையிலும் இஸ்திகாரா, தவாஃப், இஹ்ராம், தஹிய்யத்துல் மஸ்ஜித் போன்ற சுன்னத்தான தொழுகைகளிலும் 'காபிரூன்-இக்லாஸ்' ஆகிய இரு ஸூராக்களை ஓதுவது ஸுன்னத்தாகும்.

ஜனாஸா தொழுகை

ஐங்கால தொழுகையின் ஷர்த்துகளோடு அதிகமான வேறு இரு ஷர்த்துகளும் இதற்கு உண்டு.

1. மய்யித்து அதனோடு சேர்ந்த கபன் துணிகள்இ சந்தூக் பெட்டி ஆகிய யாவும் சுத்தமாக இருக்க வேண்டும்.
2. தொழுபவரின் முன்னில் ஜனாஸா இருக்க வேண்டும்.

ஃபர்ளுகள்:

1. ஃபர்ளான ஜனாஸாத் தொழுகையைத் தொழுகிறேன் என்று நிய்யத் செய்வது. நான்கு தக்பீரை கிப்லாவை நோக்கி அல்லாஹ்விற்காக என்று மூன்று அம்சங்களையும் நிய்யத் செய்வது சுன்னத் ஆகும்.
2. நின்று தொழ சக்தியுடையோர் நின்று தொழுவது ஃபர்ளாகும்.
3. தக்பீர் தஹ்ரீமாவை சேர்த்து நான்கு தக்பீர் சொல்லித் தொழுவது பர்ளாகும்.
ஒவ்வொரு தக்பீரையும் சொல்லும் போது கைகளை உயர்த்தி பின்பு அவைகளை நெஞ்சுக்குக் கீழே கட்டிக் கொள்வது சுன்னத்தாகும்.
4. முதல் தக்பீர் கட்டியவுடன் சூரத்துல் பர்திஹா ஓதுவது ஃபர்ளாகும். ஃபாதிஹாவிற்கு முன் அஊது கூறுவதும் இறுதியில் ஆமீன் கூறுவதும் சுன்னத்தாகும்.
5. இரண்டாவது தக்பீர் கட்டியவுடன் ரஸூல் ஸல்லல்லாஹு அலைஹி வஸல்லம் அவர்கள் மீது ஸலவாத்து சொல்வது ஃபர்ளாகும். அத்துடன் அவர்கள் குடும்பத்தார்களையும் ஸலவாத்தில் இணைத்து ஓதுவதும் ஸலவாத்திற்கு முன் அல்ஹம்துலில்லாஹ் என்று கூறுவதும் எல்லா முஃமின்களுக்காகவும் துஆ செய்வதும் சுன்னத்துக்களாகும்.
6. மூன்றாவது தக்பீர் கட்டியவுடன் மய்யித்திற்காக துஆ செய்வது ஃபர்ளாகும். துஆவின் குறைந்த அளவு:

الّلهمّ اغفرله وارحمهُ

ஜனாஸா தொழுகைக்கு ஜமாஅத் சுன்னத்தாகும்.

மூன்றாவது தக்பீரில் ஓத வேண்டிய சுன்னத்தான துஆ:

اللهمّ اغفرله واعف عنه وعافه واكرم نزله ووسّع مدخله واغسلهُ بالماء والثّلج والبرد ونقّه من الخطايا كما يُنقّي الثوبُ الابيض من الدّنس وابدله دارا خيرا مّن داره واهلا
خيرا من اهله وزوجا خيرا من زوجه واد خله الجنّة وأعذه من عذاب القبر وفتنته ومن عذاب انّار
اللهمّ اغفر لحيّنا وميّتنا وشاهدنا وغائبنا وصغيرنا وكبيرنا وذكرنا وأُنثانا
 اللهمّ من احييته منّا فاحيه علي الاسلام ومن توفّيته منا فتوفه علي الايمان 

மய்யித்து குழந்தையாக இருப்பின்:

اللهمّ اجعله فرطا لابويه وسلفا وذخرا وعظة واعتبارا لهما وشفيعا لهما وثقّل به موازنيهما وافوغ الصّبر علي قلوبهما

நான்காவது தக்பீரில்:

الّلهمّ لا بحرمنا اخره ولا بفتنّا بعده واغفر لنا وله

ஃகாயிப் ஜனாஸா:

வெளியூரில் இறந்த நபருக்காக (அந்த ஊர் குறைவான தூரத்தில் உள்ளது என்றாலும்) காயிப் ஜனாஸா தொழுது கொள்ளலாம். வேறுவேறு ஊர்களில் இறந்த மய்யித்துகளுக்காக காயிப் ஜனாஸா தொழுவது சுன்னத் ஆகும்.

ஸலாத்துல் முஸாஃபரி: கஸ்ரு, ஜம்உ தொழுகை:

ளுஹர்,அஸா, இஷா ஆகிய தொழுகைகளை இரண்டு இரண்டு ரக்அத்துகளாகக் குறைத்து தொழுவதற்கு கஸ்ரு என்று பெயர். 'ளுஹர்-அஸர்' இவ்விரண்டையும் மற்றும் 'மஃரிபு-இஷா' இவ்விரண்டையும் ஒன்றின் வக்தில் மற்றொன்றை முற்படுத்தி அல்லது பிற்படுத்தி தொழுவதற்கு ஜம்ஊ என்று பெயர்.

விதிமுறைகள்:
 
1. பயணத் தொலைவு 130 கிலோ மீட்டர் (82 மைல்) அல்லது அதற்கு அதிகமாக இருக்க வேண்டும்.

2. பயணம் ஹலாலாகதாக இருக்க வேண்டும்.

3. கஸ்ரும் ஜம்உம் தொழுது முடிக்கும் வரை அவர் பயணாளியாக இருக்க வேண்டும்.

4.ஓர் ஊரிலிருந்து இன்னொரு ஊரை நினைத்து அவர் பயணம் செய்திருக்க வேண்டும்.

5. பயணியுடைய சொந்த ஊரின் எல்லையைக் கடந்திருக்க வேண்டும்.
6. வியாபாரம், உறவினரை சந்தித்தல் போன்று ஏதேனும் சில காரணங்களுக்காகவாவது பயணம் இமைய வேண்டும்.
7. அஸரை ளுஹர் வக்திலும், இஷாவை மக்ரிப் வக்திலும் முற்படுத்தி தொழும்போது ளுஹர் தொழுது முடிப்பதற்குள் அஸரை முற்படுத்தி தொழப்போவதாகவும்இ மஃரிப் தொழுது முடிப்பதற்குள் இஷாவை முற்படுத்தி தொழப்போவதாகவும் நிய்யத் செய்வது அவசியமாகும்.

இதே போன்று ளுஹரை அஸர் வக்தில் பிற்படுத்தி தொழும்போது ளுஹர் வக்து முடியும் முன் அஸருடன் ளுஹரை பிற்படுத்தி தொழுகிறேன் என்றும், மஃரிபை இஷா வக்தில் பிற்படுத்தி தொழும்போது மஃரிப் வக்து முடியும் முன் இஷாவுடன்; மஃக்ரிபை பிற்படுத்தி தொழுகிறேன் என்றும் நிய்யத் செய்து கொள்ள வேண்டும். இரண்டு ஃபர்ளுகளையும் ஒன்று முடிந்தவுடன் மற்றொன்று என்று தாமதமின்றித் தொழுவது அவசியமாகும்.

8. கஸ்ராகத் தொழுபவர்கள் கஸ்ரின்றி பரிபூரணமாக தொழும் இமாமை பின் தொடர்ந்து தொழுவது கூடாது.

ஜும்ஆ

ஜும்ஆ என்ற அரபு வார்த்தைக்கு ஒன்று கூடுதல் என்று பொருள். ஜும்ஆ தொழுகை உம்மத்தே முஹம்மதிய்யாவிற்கு மட்டும் உரிய வணக்கமாகம். அடிமை-நோயாளிஇ குழந்தைஈ பெண் நீங்கலாக பருவம் அடைந்த ஒவ்வொரு முஸ்லிமின் மீதும் ஜும்ஆ கடமையாகும். (நூல் : அபூதாவூத்)

ஐங்காலத் தொழுகையின் ஷர்த்துக்களுடன் விசேஷமான ஆறு ஷர்த்துக்கள் ஜும்ஆத் தொழுகைக்கு உள்ளன.

1. குறைந்த பட்சம் ஜும்ஆவின் முதல் ரக்அத்தாவது ஜமாஅத்துடன் சேர்ந்து நிறைவு செய்யப்பட வேண்டும்.2. ளுஹர் தொழுகையின் வக்துக்குள் ஜும்ஆவும் அதன் குத்பாவும் நிறைவு செய்யப்பட வேண்டும்.
3. 'ஜும்ஆ' தொழும் அதே ஊரைச் சேர்ந்த உள்ளுர் வாசிகளான பருவம் அடைந்த, நாற்பது ஆண்கள் தொழுகையிலும்இ குத்பாவிலும் தவறின்றி பாத்திஹா சூரா ஓதத் தெரிந்திருக்க வேண்டும்.
4. ஜும்ஆ கடமையான ஊரினுள் ஜும்ஆ தொழ வேண்டும்.
5. ஊரிலுள்ள அனைவரும் ஒரே இடத்தில் எவ்விதச் சிரமும் இன்றி 'ஜும்ஆ' தொழ வசதியிருப்பின், ஒரே ஜும்ஆதான் நிறைவேற்றப்பட வேண்டும்.

குத்பா:

ஜும்ஆ நாளன்று நிறைவேற்றப்படும் இரு குத்பாக்களையும் தொழுகைக்கு முன்பு ஓதுவது அவசியமாகும். ஜும்ஆ நாள் குத்பா ஃபர்ளான ஒன்றாகும்.

குத்பாவின் ஃபர்ளுகள்:

இரண்டு குத்பாக்களும் ஹம்து ஸலவாத்து கொண்டு தொடங்கப்பட வேண்டும். 'அல்ஹம்துலில்லாஹ், அஹ்மதுல்லாஹ், அல்லாஹும்ம ஸல்லி அலா முஹம்மதின் ஸல்லல்லாஹு அலா முஹம்மதின்' என இவைகளுக்குரிய வாசகங்களை ஓதுவது அவசியமாகும்.

இரு குத்பாக்களிலும் இறையச்சம் பற்றி போதிக்கப்பட வேண்டும்.

குர்ஆன் ஷரீபிலுள்ள பொருள் பொதிந்த முழுமையான ஒரு ஆயத்தினை இரு குத்பாக்களில் ஒன்றில் ஓதுவது அவசியமாகும்.  எனினும் ஆயத்தை முதல் குத்பாவில் ஓதுவது சிறப்புடையதாகும்.

இரண்டாவது குத்பாவில் மு.ஃமின்களின் மறுமைப் பேறுக்காக துஆ செய்வது அவசியமாகும்.

குத்பாவின் ஷர்த்துக்கள்:

1. குத்பாவின் பர்ளான பகுதிகளை நாற்பது நபர்கள் கேட்கக் கூடிய அளவிற்கு சப்தமிட்டு ஓதுவது.
2. அரபி வாக்கியங்களினால் ஓதுவது.
3. நின்று ஓத சக்தியுள்ளோர் நின்று ஓதுவது.
4. இரு குத்பாக்களுக்கும் இடையில் சிறிது நேரம் அமர்வது.
5. அவ்ரத்தான (மான உறுப்புகளை) மறைப்பது.
6. உடல்இ ஆடைஇ இடம் பெரிய சிறிய தொடக்குகளை விட்டும்இ நஜீஸ்களை விட்டும் சுத்தமாக இருப்பது.
7. இரு குத்பாக்களின் ஃபர்ளுகள் தொழுகை ஆகியவற்றை முறையே தொடர்ந்து செய்வது.
8. கதீப் ஆணாக இருப்பது.
9. ளுஹரின் வக்தில் குத்பா ஓதுவது.
10. குத்பாக்களை தொழுகைக்கு முன் ஓதுவது.

இமாம் குத்பா ஓதும் போது குத்பாவை காது தாழ்த்தி கேட்பதைப் போன்று மௌனமாக இருப்பது சுன்னத்தாகும்.குத்பாவில் நாயகம் ஸல்லல்லாஹு அலைஹி வஸல்லம் அவர்கள் பெயரைக் கேட்டால் ஸலவாத்து சொல்வதும்இ ஸஹாபாக்கள் பெயரைக் கேட்டால் ரலியல்லாஹு அன்ஹு சொல்வதும்இ குத்பாவில் துஆ ஓதினால் அதற்கு ஆமீன் சொல்வதும் சுன்னத்துகளாகும். இமாம் குத்பா ஓதும் போது பேசுவது மக்ரூஹ் ஆகும்.

பள்ளிவாசலில் மக்களைத் தாணடிச் செல்வது மக்ரூஹ் ஆகும்.

ஜும்ஆவின் முதல் அதானிற்குப் பிறகு வியாபாரம் போன்ற கொடுக்கல் வாங்கல்களில் ஈடுபடுவது மக்ரூஹும் அதன் இரண்டாம் பாங்கு அதானிற்குப் பிறகு ஈடுபடுவது ஹராமும் ஆகும்.

ஜும்ஆ தொழுகையை விட்டு விட்டு (இடைப்பட்ட நேரத்தில் ஜும்ஆ தொழ முடியாதபோது) வெள்ளிக் கிழமை பஜ்ருக்குப் பின் பயணம் புறப்படுவது ஹராமாகும்.

ஜும்ஆவின் சுன்னத்துகள்:

ஜும்ஆவிற்காக குளிப்பது, குளிக்க இயலாதோர் தயம்மும் செய்வது, நகம் வெட்டுவது, கக்கம் மற்றும் மறைவிட முடிகளைக் களைவது, மீசை கத்தரிப்பது, உடல் மற்றும் ஆடையின் அழுக்குகளை அகற்றுவது ஆகியவை சுன்னத்துகளாகும்.

தன்னிடமுள்ள உயர்ந்த ஆடைகளை உடுத்துவது, நறுமணம் பூசிக் கொள்வது, ஜும்ஆவிற்கு ஒரு வழியாகச் சென்று வேறு வழியாகத் திரும்பி வருவது, அமைதியாகவும், கம்பீரமாகவும நடந்தே செல்வது ஆகியவை சுன்னத்துக்களாகும்.  ஜும்ஆவிற்காக நேரத்தோடு வருவது சுன்னத்தாகும். கதீபானவர் குத்பா ஓதும் நேரத்தில் வருவதே சுன்னத்தாகும்.

சூரத்துல் கஃபை ஜும்ஆவின் பகலில் அல்லது அதன் இரவில் ஓதுவதுஇ அதிகமதிகம் நாயகம் ஸல்லல்லாஹு அலைஹி வஸல்லம் அவர்கள் மீது ஸலவாத்து ஓதுவது, அதிகமாக துஆக்களை வேண்டுவதும், தர்மங்களையும் நன்மைகளையும் அதிகமாக செய்வதும் சுன்னத்தாகும்

சுன்னத்தான தொழுகைகள்

உபரியானவை எனப் பொருள் தரும் நபிலான வணக்கங்களை வணங்குவதால் நன்மைகள் கிடைக்கும்.அவைகளை விட்டுவிடுவதால் தண்டனை தரப்படுவதில்லை. ஃபர்ளான வழிபாடுகளில் ஏற்படும் குறைகளi மறுமையில் நிறைவுபடுத்துவதற்காகவே இந்த நபிலான வணக்கங்கள் உள்ளன.

ஃபர்ளுத் தொழுகையின் முன், பின் சுன்னத்துக்கள்:

ளுஹர், அஸர் இவைகளுக்கு முன்பாக இரண்டிரண்டு ரக்அத்துகளாக நான்கு ரக்அத்துகளும், ளுஹருக்குப் பின்பு இரண்டிரண்டு ரக்அத்தாக நான்கு ரக்அத்துகளும், மஃரிபிற்கு முன் (நேரமிருப்பின்) இரண்டு ரக்அத்களும், பின் இரண்டு ரக்அத்துகளும், இஷாவிற்கு முன் இரண்டு ரக்அத்துகளும், பின் இரண்டு ரக்அத்துகளும், ஸுப்ஹிற்கு முன் இரண்டு ரக்அத்துகளும் ஆக மொத்தம் 22 ரக்அத்துகள் ஸுன்னத்தான தொழுகைகளாகும்.

இவற்றில் ஸுப்ஹுக்கும், ளுஹருக்கும் முன் உள்ள இரண்டு ரக்அத்துகள்  ளுஹ்ரு, மஃரிப், இஸாவிற்குப் பின்னுள்ள இரண்டு ரக்அத்துகள் சுன்னத்துல் முஅக்கதாவாகும்.

ஃபர்ளான தொழுகையை விட்டால் களா செய்வது கடமையாவது போல் சுன்னத்தான தொழுகையை விட்டால் அதை களா செய்வது சுன்னத்தாகும்.

ஸுப்ஹுடைய முன் சுன்னத்தில் முதலாவது ரக்அத்தில் 'அலம் நஷ்ரஹ், குல் யாஅய்யுஹல் காபிரூன சூராக்களையும், இரண்டாவது ரக்அத்தில் 'அலம் தர கைப-குல் ஹுவல்லாஹு அஹது' சூராக்களையும் ஓதுவது ஸுன்னத்தாகும். வழமையாக ஓதித் தொழுபவருக்கு இதனால் மூலநோய் நீஙகி விடும்.

வித்ரு தொழுகை:

 இஷா தொழுகையை தொழுது முடித்ததிலிருந்து அதிகாலைப் பொழுது உதயமாகும் வரை வித்ரு தொழுகையை தொழுது கொள்ளலாம். ஒன்றுஇ மூன்று, ஐந்து, ஏழு,ஒன்பது, பதினொன்று என ஒற்றைப் படையாகத் தொழ வேண்டும். குறைந்த அளவு ஒன்றும் அதிகளவு பதினொன்று ரக்அத்துகளும் ஆகும்.

மூன்று ரக்அத் தொழும்போது முதல் ரக்அத்தில் 'ஸப்பிஹிஸ்ம' சூராவும், இரண்டாவது ரக்அத்தில் குல்யாஅய்யுஹல் காபிரூன' சூராவும், மூன்றாவது ரக்அத்தில் குல் ஹுவல்லாஹு அஹது, குல்அவூது ரப்பில் பலக்இ குல் அவூது ரப்பின்னாஸ்' சூராக்களும் ஓதுவது சுன்னத்தாகும்.
 
ஸலாத்துள் ளுஹா:

ளுஹாவின் குறைந்த அளவு இரண்டு ரக்அத்தும் விரிந்த அளவு எட்டு ரக்அத்தும்  மிக விரிந்த அளவு பன்னிரண்டு ரக்அத்துகளுமாகும். சூரியன் உதித்து ஒரு ஈட்டியின் அளவு உயர்ந்தது முதல் 'ளுஹர்' தொழுகையின் வக்து வரை இதன் நேரமாகும். ஆனால் காலை 9 மணி முதல் 11 மணிவரை தொழுவது மிகச் சிறப்பாகும்.

இதன் முதல் ரக்அத்தில் 'வஸ்ஸம்ஸி' அல்லது காபிரூன்' சூராக்களையோ இரண்டாவது ரக்அத்தில் 'வள்ளுஹா வல்லைலி' அல்லது 'அஹது' சூராக்களை ஓதுவது சுன்னத்தாகும்.

தஹிய்யத்துல் மஸ்ஜித்:

இதன் பொருள் 'பள்ளியின் காணிக்கைத் தொழுகை' என்பதாகும். உள் பள்ளிக்கு செல்பவர் அங்கு சென்று அமருவதற்கு முன் இரண்டு ரக்அத் தொழுது விட்டு அமருவது சுன்னத்தாகும். தகுந்த காரணமின்றி இத்தொழுகையை விடுவது மக்ரூஹ் ஆகும். பள்ளியில் ஜமாஅத் நடைபெறப் போகிறது என்றால், அங்கு நின்று  கொண்டு பர்ளான தொழுகையை எதிர்பார்ப்பது சுன்னத்தாகும். ஏதாவது காரணத்தினால் பள்ளியினுள் சென்ற பிறகு தஹிய்யத்துல் மஸ்ஜித் தொழ விரும்பாதோர் மூன்றாம் கலிமாவை

 
سبحان الله والحمد لله ولا اله الا الله والله اكبر ولا حول ولاقوّة الاّ بالله العليّ العطيم.
 
நான்கு வை ஓதுவது சுன்னத்தாகும்.

இஸ்திகாராத் தொழுகை:

நன்மையை நாடித் தொழுதல் என்று இதற்குப் பெயர். ஒருவர் ஒரு செயலை செய்வதா அல்லது விடுவதா? அதன் விளைவு நன்மையா? தீமையா? எனத் தடுமாறினால் இஸ்திகாராவுடைய நிய்யத் செய்து இரண்டு ரக்அத் தொழுவதும்இ முதலாவது ரக்அத்தில் ஃபாத்திஹா ஸூராவிற்குப் பின் குல்யாஅய்யுஹல் காபிரூன்' சூராவையும்இ இரண்டாவது ரக்அத்தில் 'குல்ஹுவல்லாஹு அஹது' சூராவையும் ஓதுவது சுன்னத்தாகும். ஒரு தெளிவான முடிவு தெரியும்வரை திருப்பித் திருப்பித் தொழுவது சுன்னத்தாகும்.இதை தொழுத பின்பு ஓத வேண்டிய துஆ:

 
الّلهمّ انّي اسْتخيرك بعلمك واستقدرك بقدرتك. واسالك من فضلك العضيم. فانّك تقدر ولا اقدر. وتعلم ولا اعلم. وانت علاّمالغيوب. الّلهمّ ان كنت تعلم انّ هذا الامر خيرلي في ديني ودنياي وعقبة امري وبجله وآجله فقدّره لي. وباركل لي فيه. ثمّ يسّره لي. وان كنت تعلم انّ هذا الامر شرّلي في ديني ودنياي وعاقبة امري وعاجله وآجله فاصرفني عنه. واصرفه عنّي. واقدر لي الخير اينما كان انّك علي كلّ شيئ قدير

ஸலாத்துல் உளு:

உளுச் செய்த பின் தொழும் தொழுகை' என்று இதற்குப் பெயர். உளு செய்தபின் உளுவின் சுன்னத் என நிய்யத்  செய்து இரண்டு ரக்அத் தொழுவது சுன்னத்தாகும் முதலாவது ரக்அத்தில் பாத்திஹா சூராவிற்குப் பின்,

ولو انّهم اذ ظّلموا انفسهم جاءوك فاستغفروا الله واستغفر لهم الرّسول لرجدوا الله توّابا رّحيم
 
என்ற ஆயத்தை ஓதி 'அஸ்தஃபிருல்லாஹ்' என மூன்று முறை கூறி 'குல் யா அய்யுஹல் காபிரூன்' சூராவை ஓதுவதும் இரண்டாவது ரக்அத்தில்,

ومن يعمل سوءا او يظلم نفسه ثمّ يستغفر الله يجد الله غفورا رّحيما

என்ற ஆயத்தை ஓதி 'அஸ்தஃபிருல்லாஹ்' மூன்று முறை கூறி ;குல்ஹுவல்லாஹு அஹது சூராவை ஓதுவதும் சுன்னத்தாகும்.

ஸலாத்துல் அவ்வாபீன்: மதி மறக்கும் நேரத்தில் அல்லாஹ்வை நினைவு கொள்பவர்களின் தொழுகை என்று இதற்குப் பெயர். மஃரிபிற்கும் இஷாவிற்கும் இடைப்பட்ட நேரத்தில் வழமையான நபில் தொழுகைகள், தஸ்பீஹ்களை நிறைவு செய்தபின் மிக உச்ச அளவான இருபது ரக்அத்துகளை அல்லது மிகக் குறைந்த அளவான இரண்டு ரக்அத்துகளை அவ்வாபீனுடைய நிய்யத் செய்து தொழுவது சுன்னத்தாகும். அதன்பின் கீழ்வரும் துஆவை மூன்று முறை ஓதுவது விரும்பத்தக்கதாகும்.

اللهم اني أستودعك ايماني في حياتي وعند مماتي وبعد مماتي فاحفظه عليّ انّك علي كلّ شيئ قدير

தஸ்பீஹ் தொழுகை:
 
வாரத்தில் ஒரு முறை அல்லது மாதத்தில் ஒருமுறை அல்லது வருடத்தில் ஒரு முறையாவது இதைத் தொழுவது சுன்னத்தாகும்.
 
இதை இரண்டு இரண்டு ரக்அத்துகளாக இரண்டு ஸலாமில் அல்லது நான்கு ரக்அத்துகளாக ஒரு ஸலாமில் தொழ வேண்டும். இரண்டு இரண்டு ரக்அத்துகளாக பிரித்து தொழுவதுதான் சிறந்தது.
 

முதல் ரக்அத்தில் பர்திஹா ஸூராவிற்குப் பின் அல்ஹாக்கு முத்தகாதுரு சூராவும் இரண்டாவது ரக்அத்தில் வல்அஸ்ரி சூராவம் 3வது ரக்அத்தில் குல்யாஅய்யுஹல் காபிரூன சூராவும், நான்காவது ரக்அத்தில் அஹது சூராவும் ஓதுவது சுன்னத்தாகும்.'ஸுப்ஹானல்லாஹி வல்ஹம்து லில்லாஹி வலா இலாஹ இல்லல்லாஹு வல்லாஹு அக்பர்' என்ற தஸ்பீஹை 4 ரக்அத்திலும் 300 தடவை ஓதுவது சுன்னத்தாகும்.

நின்ற நிலையில் சூராக்களை முடித்த பின்பு 15 விடுத்தம், ருகூவில் 10 விடுத்தம், இஃதிதாலில் 10 விடுத்தம், முதல் ஸுஜூதில் 10 விடுத்தம், இரு ஸுஜூதின் நடுவில் 10 விடுத்தம், இரண்டாவது ஸுஜூதில் 10 விடுத்தம், இரு ஸுஜூதுகளை முடித்து எழுமுன் அமரும் இருப்பில் 10 விடுத்தம் இவ்வாறு ஒரு ரக்அத்தில் 75 வீதம் நான்கு ரக்அத்துகளில் 300 தஸ்பீஹ் ஓத வேண்டும்.

இரண்டாவது ரக்அத்தில் அத்தஹிய்யாத் ஓதி முடித்தபின் 10 தஸ்பீஹ் ஓதுவதுதான் சிறப்புடையதாகும்.

முதல் ரக்அத்தில் அல்ஹாகுமுத் தகாதுர் சூராவும், இரண்டாவது ரக்அத்தில் வல் அஸ்ரி சூராவும், மூன்றாவது ரக்அத்தில் சூரா காபிரூனும்இ நானகாவது ரக்அத்தில் சூரா இக்லாஸும் ஓதுவது சிறப்பானது. தொழுகை முடிந்த பிறகு கீழ்காணும் துஆவை ஓதுவது சிறப்பானதாகும்.

اَللّهُمَّ انيْ أسئلك توْفيق اهل الهداي واعمال اهل اليقين. ومناصحة اهل التوبة. وعزم اهل الصّبر. وجدّ اهل الخشبية. وطلب اهل الرّغبة. وتعبّد اهل الورع. وعرفان اهل العلم حتي اخافك اَللّهُمَّ انّي أسئلك مخافة تحجزني عن معا صيك . حتي اعمل بطاعتك عملا استحقّ به رضاك. وحتي اناصحك بالّتوبة خوفا منك. وحتي  اخلص لك النصيحة حياء منك. وحتي اتوكال عليك في الامور حسن ظنّ بك  سبحان خالق الناّر 

ஸலாத்துல் ஈதைன்:

பொழுது உதயமானதிலிருந்து ளுஹரின் வக்து வரும் வரை நோன்புப் பெருநாள், ஹஜ்ஜுப் பெருநாள் தொழுகைகளின் நேரங்களாகும். இவ்விரு பெருநான் தொழுகைகளும் களாவாகிவிட்டால் தொழுவது சுன்னத்துல் முஅக்கதாவாகும்.  உளுஹிய்யாவை அறுக்க வேண்டியிருப்பதால் ஹஜ்ஜுப் பெருநாள் தொழுகையை அதன் ஆரம்ப வக்திலும்இ ஃபித்ரு ஜகாத்தை கொடுத்து முடிப்பதற்காக நோன்புப் பெருநாள் தொழுகையை சற்றுக் காலம் தாழ்த்தியும் தொழுவது சுன்னத் ஆகும்.

ஈத் தொழுகையானது தொழுகையின் எல்லாவித ஃபர்ளு, ஷர்த்துகளைக் கொண்ட இரண்டு ரக்அத் தொழுகை ஆகும். எனினும் முதல் ரக்அத்தில் வஜ்ஹத்து ஓதிய பின் ஏழுமுறை  தக்பீர் கூறுவதும், இரண்டாவது ரக்அத்தில் நிலைக்கு வந்த பின்பு ஐந்து முறை தக்பீர் கூறுவதும் சுன்னத்தாகும். ஒவ்வொரு தக்பீர் கூறும்போதும்  இரு கைகளையும் உயர்த்தி பின்பு அவைகளைக் கட்டிக் கொள்வதும் மற்றும் இந்த தக்பீர்களுக்கிடையில் 'ஸுப்ஹானல்லாஹி வல்ஹம்துலில்லாஹி வலா இலாஹ இல்லல்லாஹு வல்லாஹு அக்பர்' எனச் சொல்வதும் சுன்னத்துக்களாகும். ஃபாத்திஹா சூராவிற்குப் பின் 'காஃப்'; (50வது) சூரா  அல்லது 'ஸப்பிஹிஸ்ம ரப்பிகல்'; சூராவும் இரண்டாவது ரக்அத்தின் ஆரம்பத்தில் 'ஹல்அதாக' சூராவும் ஓதுவதும் சுன்னத்தாகும்.

இரு பெருநாட்களின் முதல் நாள் மாலை சூரியன் மறைந்தது முதல் பெருநாள் தொழுகை தொழத் தொடங்கும் வரை எல்லாத் தொழுகைகளுக்குப் பின்பும் தெருக்களிலும், வீதிகளிலும், வீடுகுளிலும் நின்ற, அமர்ந்த, படுத்த அமைப்புகளிளெல்லாம் தக்பீர் சொல்லிக் கொண்டே இருப்பது சுன்னத்தாகும். இதற்கு தக்பீர் முர்ஸல் என்று பெயர். ஹஜ்ஜுப் பெருநாளில் அரபா தினத்தின் ஸுப்ஹுத் தொழுகையிலிருந்து அய்யாமுத் தஷ்ரீக் (துல்ஹஜ் பிறை 13) அஸர் வரை எல்லாத் தொழுகைகளுக்கும் பின்பு மட்டும் தக்பீர் சொல்வது சுன்னத்தாகும். இதற்கு தக்பீர் முகய்யத்' என்று பெயர் மேலும் துல்ஹஜ் பிறை 1 முதல் 10 வரை ஆடு, மாடு, ஒட்டகம் ஆகிய குர்பானிப் பிரயாணிகளைப் பார்க்ககும் போதோ, இவைகளின் சப்தங்களைக் கேட்கும்போதோ தக்பீர் சொல்வது சுன்னத்தாகும்.


தக்பீர்:

الله اكبر الله اكبر الله اكبر لااله الاّ الله والله اكبر الله اكبر ولله الحمد.. (2
الله اكبر الله اكبر الله اكبر كبيرا والحمد الله كثيرا وسبحان الله بكرة وّأصيلا لا اله الاّ الله ولا نعبد الاّ اياه مخلصين له الدّين ولو كره الكافرون لااله الاّ الله وحده وصدق وعده ونصر عبده وأعزّ جنده
 وهزم الاحزاب وحده لااله الاّ الله والله اكبر الله اكبر ولله الحمد 

தொழுகைக்குப் பின்பு குத்பா ஓதுவது சுன்னத்தாகும். ஜும்ஆ குத்பாவின் ஃபர்ளு, ஷர்த்துகளுடன் முதல் குத்பாவை ஒன்பது தக்பீர்களைக் கொண்டும், இரண்டாவது குத்பாவை தொடர்ச்சியான ஏழு தக்பீர்களைக் கொண்டும் தொடங்குவதும் பெருநாள் குத்பாவின் சொற்றொடர்களுக்கு இடையே தக்பீர் கூறுவதும் சுன்னத்தாகும்.

ஸலாத்துல் குஸூபைன்: சந்திர,சூரிய கிரகணத் தொழுகைகைள்:

சந்திர, சூரிய கிரகணங்கள் பிடிக்கத் துவங்கியது முதல் அது நீங்கும் வரை அல்லது கிரகணம் பிடித்த நிலையிலேயே சூரியன் மேற்கில் மறையும் வரை அல்லது சந்திர கிரகணம் ஏற்பட்ட நிலையில் காலை பொழுது புலரும் வரை கிரகணத் தொழுகைகளைத் தொழுவது சுன்னத்துல் முஅக்கதாவாகும்.

சாதாரண சுன்னத் தொழுகையைப் போன்று கிரகணத் தொழுகைக்காக நிய்யத் செய்து இரண்டு ரக்அத் தொழுது முடிப்பது இதன் குறுகிய அமைப்பாகும்.

இரண்டாவது முறை முதல் ரக்அத்தில் பர்திஹாவிற்குப் பின் சூரா பகரா அல்லது அதே அளவில் வேறு சூரா ஓதி முடித்து ருகூவிற்கு சென்று சூரா பகராவின் நூறு ஆயத்துகள் அளவிற்கு அங்கு தஸ்பீஹ் ஓத வேண்டும். பின்பு அங்கிருந்து நிலைக்கு வந்து திரும்பவும் பாத்திஹா சூராவையும் ஆலஇம்ரான் சூராவை அல்லது அதே அளவில் வேறு சூராவை ஓதிய பின் இரண்டாவது முறையாக ருகூவிற்கு செல்ல வேண்டும். அதில் சூரத்துல் பகராவின் எண்பது ஆயத்துக்கள் அளவிற்கு தஸ்பீஹ்கள் ஓத வேண்டும்.

சூரத்துல் பகராவின் நூறு மற்றும் எண்பது ஆயத்துகள் அளவு தஸ்பீஹ்களை முதலாவது ஸுஜூதிலும் இரண்டாவது ஸுஜூதிலும் ஓத வேண்டும். இதே போல் அடுத்த ரக்அத்தில்பாத்திஹா சூராவிற்குப் பின் சூரத்துன் னிஸாவையோ அதே அளவுள்ள சூராக்களையோ ஓத வேண்டும்.இரண்டாவது நிலைகயில் பாத்திஹாவிற்குப் பின் சூரத்துல் மாயிதாவையோ அதே அளவுள்ள வேறு சூராவையோ ஓத வேண்டும். இரண்டாது ரக்அத்தின் முதல் ருகூஉஇ ஸுஜூதுகளில் சூரத்துல் பகராவின் எழுபது ஆயத்துகள் அளவிற்கும், இரண்டாவது ருகூஉ, ஸுஜூதுகளில் சூரத்துல் பகராவின் ஐம்பது ஆயத்துகள் அளவிற்கும் தஸ்பீஹுகள் ஓதி தொழ வேண்டும். இதுவே கிரகணத் தொழுகையின் பரிபூரண அமைப்பாகும்.

தொழுகைக்குப் பின்பு ஜும்ஆ குத்பாவின் ஃபர்ளு, ஷர்த்துகளுடன் முதல் குத்பாவை ஒன்பது தக்பீர்களைக் கொண்டு குத்பா ஓதுவது சுன்னத்தாகும்.

ஸலாத்துல் இஸ்திஸ்கா: மழை தேடித் தொழுதல்.

தண்ணீர் அறவே இல்லாத போது அல்லது தேவையான அளவை விட குறைவாக கிடைக்கும் போது மழை தேடி தொழுவது சுன்னத்தாகும். தொடர்ந்து மூன்று நாட்கள் நோன்பு நோற்ற பின் நான்காவது நாளில் நோன்பு நோற்ற நிலையில் வயோதிகர்கள் சிறார்கள் அனைவரும் பழைய ஆடைகளை அணிந்து பெருநாள் தொழுகையைப் போன்று இரண்டு ரக்அத்துகள் தொழுவது இதன் அமைப்பாகும்.

முதல் ரக்அத்தில் ஏழு முறை தக்பீர் கூறி கைகளைக் கட்டிக் கொண்ட பின் பாத்திஹா சூரா ஓதி காப் அல்லது ஸப்பிஹிஸ்ம சூரா ஓதுவதும் இரண்டாவது ரக்அத்தில் ஐந்து முறை தக்பீர் கூறிய பின் பாத்திஹா சூரா ஓதி முடித்து இக்தரபத்திஸ்ஸாஅத்து' அல்லது 'ஹல் அதாக' சூரா ஓதுவதும் ஸுன்னத்தாகும்.

பெருநாள் குத்பா போன்று இதிலும் இரண்டு குத்பாக்கள் ஓதுவதும் இதன் முதல் குத்பாவில் ஒன்பது தடவையும், இரண்டாவது குத்பாவில் ஏழு தடவையும் 'இஸ்திக்பார்' கொண்டு ஆரம்பிப்பதும் சுன்னத் ஆகும்.

இரண்டாவது குத்பாவின் இடையில் இமாம் கிப்லாவை நோக்கித் திரும்பியவாறு தனது மேனியிலுள்ள துண்டை-அதன் மேல் பகுதியைக் கீழ்ப் பகுதியாகவும் இடப் பகுதியை வலப் பகுதியாகவும் புறப்பகுதியை உட்பகுதியாகவும் மாற்றிக் கொள்ள வேண்டும். இதுபோன்று மக்களும் செய்வதோடு அனைவரும் சப்தமின்றி துஆ செய்வதும் சுன்னத்தாகும்.

தாவீஹ் தொழுகை:

 
'ஓய்வு கொள்ளும் தொழுகை' என்பது இதன் பொருள். தாவீஹ் தொழுகை நோன்பு காலங்களில் இஷாவிற்கு பின் இரண்டிரண்டு ரக்அத்துகளாக பத்து ஸலாமில் 20 ரக்அத்துகள் தொழ வேண்டும். இதை ஜமாஅத்தாக தொழுவது போன்று தனியாகவும் தொழுது கொள்ளலாம். ரமலான் 30 நாட்களுக்குள் குர்ஆன் ஷரீபை பரிபூரணமாக ஓதித் தொழுவது சுன்னத்தாகும். எனினும் அவரவர்களுக்குத் தெரிந்த சூராக்களை ஓதியும் தொழுது கொள்ளலாம்;.


தஹஜ்ஜுத்:

இரவுப் பொழுதில் சற்றேனும் உறங்கி விழித்பின்பு தொழும் சுன்னத்தான தொழுகையாகும். இதை வழமையாக தொழுபவர் காரணமின்றி இதை விடுவது மக்ரூஹ் ஆகும்.

இதன் குறைந்த அளவு இரண்டு ரக்அத்துகள். கூடிய அளவு பன்னிரண்டு ரக்அத்துகள். மிக விரிந்த அளவு கணக்கற்ற ரக்அத்துகள்.
  
ஸுஜூதுகள்


ஸஜ்தா ஸஹ்வு

மறந்ததற்காக ஸுஜூது செய்தல்' என்பது இதன் பொருள் ஆகும். தொழுகையின் கடைசி அத்தஹிய்யாத் ஓதி முடித்த பின்பு ஸலாம் கொடுப்பதற்கு முன்பாக இரண்டு ஸஜ்தா செய்வதை இது குறிக்கிறது.

இவ்விரண்டு ஸுஜூதுகளும் ஃபர்ளுகளை விட மேலதிகமான செயல்களாக இருப்பதால் இவற்றைச் செய்யத் தொடங்கும்போது 'மறதிக்காக ஸுஜூது செய்கிறேன்' என்றுநிய்யத் செய்வது ஃபர்ளாகும். இதில்,

سبحان من لاّينام ولايسهو

என்று தஸ்பீஹ் ஓதுவது சிறப்பானது என்று சொல்லப்படுகிறது.கீழ்வரும் காரணங்களில் ஒன்றுக்காக ஸஜ்தா ஸஹ்வு செய்வது சுன்னத் ஆகும்.

 
1. அப்ஆழ் ஸுன்னத்துகளில் ஏதாவதொன்றை விட்டுவிடுதல்
2. அல்லது விட்டுவிட்டதாக சந்தேகித்தல்.

3. வேண்டுமென்றே செய்தால் தொழுகையை முறித்து விடும். மறந்து செய்தால் தொழுகையை முறிக்காது என்ற நிலையிலுள்ள செயலைத் தொழுகையில'; மறந்து செய்தல்.

4. தொழுகையில் ஓத வேண்டியவைகளை அதற்குரிய இடம்விட்டு வேறிடத்தில் ஓதுதல்.

5. தொழுகையில் ஒரு ரக்அத்தையோ, ஃபர்ளையோ செய்யாமல் விட்டு விட்டதாகச் சந்தேகித்து மீண்டும் செய்தல்.

அப்ஆழ் சுன்னத்:

1. முதலாவது அத்தஹிய்யாத் ஓதுதல்.
2. அதற்காக அமர்தல்.
3. அதன் இறுதியில் அண்'ணல் நபி ஸல்லல்லாஹு அலைஹி வஸல்லம் அவர்கள் மீது ஸலவாத் ஓதுதல்.
4. ஸுப்ஹுடைய ஃபர்ளுத் தொழுகையிலும், ரமலான் மாத இறுதி 15 நாட்களில் வித்ரின் கடைசி ரக்அத்தில் குனூ|த் ஓதுதல்.
5. குனூத்திற்காக நிற்றல்.
6. குனூத்தின் இறுதியில் அண்ணல் நபி ஸல்லல்லாஹு அiலி வஸல்லம் அவர்கள் மீது ஸலவாத் ஓதுதல்.
7. குனூத்தினுடைய ஸலவாத்தின் இறுதியிலும் பிந்திய அத்தஹிய்யாத்தினுடைய ஸலவாத்தின் இறுதியிலும் அண்ணல் நபி ஸல்லல்லாஹு அலைஹி வஸல்லம் அவர்களின் உறவினர்களையும் சேர்த்து  ஸலவாத் ஓதுதல்.

ஸுஜூதுத் திலாவத்

ஸஜ்தாவின் ஆயத்தை ஓதியதற்காக  ஸுஜூது செய்தல் என்பதன் இதன் பொருளாகும். ஸூரத்துல் ஹஜ்ஜில் இரண்டு ஸஜ்தாக்கள், நஜ்ம் அஃராஃப்,ரஃது, நஹ்லு, மர்யம், புர்கான், நம்லு, அலிப் லாம் மீம் ஸஜ்தா, ஹாமீம் ஸஜ்தா, அல் இஸ்ரா, இன்ஷிகாக், அலக் ஆகிய ஸூராக்களில் ஒவ்வொரு ஸஜ்தாக்கள் ஆக மொத்தம் பதினான்கு ஸுஜூதுகள் உண்டு.
 
குர்ஆன் ஷரீபை ஓதிக் கொண்டிருப்பவர்கள் இந்த சுன்னத்தான ஸுஜூதை நிறைவேற்றுவதற்கு தொழுகையின் எல்லா ஷர்த்ததுக்களையும் பேணிக் கொள்ள வேண்டும். அத்துடன் திலாவத்துடைய ஸுஜூது செய்வதாக நிய்யத் செய்து தக்பீர் தஹ்ரிமா கட்ட வேண்டும். பின்பு ஒரே ஒரு ஸுஜூது செய்து சலாம் சொல்ல வேண்டும்.

 
سجد وجهي للذي خلقه وصوّره وشقّ سمعه وبصره بحوله وقوّته فتبارك الله احسن الخالقين.
اللّهم اكتب لي بها عندك اجرا واجعلها لي عندك ذخرا وضع عنّي بها وزرا واقبلها منّي كما قبلتها من
   عبدك داؤد 

என சுஜூதில் ஓதுவது சுன்னத்தாகும்.

ஸஜ்தா ஆயத்தை ஓதியதற்காக ஸுஜூது செய்வது சுன்னத்தாகும். ஆனால் இமாம் இதை ஓதியதற்காக ஸுஜூது செய்யும்போது மஃமூம் ஸஜ்தா செய்வது ஃபர்ளாகும்.

ஸஜ்தா ஷுக்ரு:

நமக்கு ஏதாவதொரு நன்மை கிடைக்கப் பெற்றாலோ, அபாயங்கள், ஆபத்துக்களிலிருந்து பாதுகாவல் கிடைக்கப் பெற்றாலோ ஷுக்ராக ஸுஜூது செய்வது சுன்னத்தாகும். இதற்கு தொழுகையின் எல்லாவிதமான ஷர்த்துக்களையும் பேணிக் கொள்ள வேண்டும்.அத்துடன் ஷுக்ருடைய ஸஜ்தா செய்வதாக நிய்யத் செய்து தக்பீர் கட்டிக் கொள்ள வேண்டும்.பின்பு ஒரே ஒரு ஸஜ்தா செய்ய வேண்டும்.

ஆனால் தொழுகையை நிறைவு செய்தபின் மேற்சொன்ன காரணங்கள் எதுவுமின்றி ஸுஜூது மட்டும் செய்வது ஹராமாகும்.

இறந்தவர்களை குளிப்பாட்டி, கபனிட்டு, தொழ வைத்து அடக்கம் செய்தல் பற்றிய சட்ட விளக்கம்- Law of Dead body

ஊரில் ஒருவர் மௌத்தாகி விட்டால் அந்த மய்யித்தை அடக்கும் முன் அதற்கு தொழுவிக்க வேண்டும். மய்யித்திற்கு தொழும் தொழுகை ஊர்வாசிகள் அனைவர்கள் மீதும் கடமையாகும். ஆனால் அவ்வூரில் ஒருவர் தொழுதாலும் யாவருடைய கடமையும் தீர்ந்து விடும். மய்யித்தை குளிப்பாட்டிய பின்னர் தொழ வைப்பதே அதற்குரிய நேரமாகும். இத் தொழுகை ஃபர்ளு கிபாயா ஆகும். அதாவது சிலபேர் தொழுதால் கடமை தீர்ந்து விடும். அனைவரும் தொழ வேண்டும் என்று அவசியம் இல்லை. ஆனால் எல்லோரும் தொழுதால் நன்மையுண்டு. தொழுபவர்கள் மூன்று வரிசைகளுக்குக் குறையாமல் இருப்பது சுன்னத்து. நாற்பது நபர்கள் கூடி தொழுதால் மய்யித்திற்கும், தொழுபவர்களுக்கும் ஏராளமான நன்மைகள் உள்ளன.

ஸஃப் நிறுத்துவது மற்ற தொழுகைகளைப் போலவே இடைவெளி இருக்க வேண்டும். எனினும் நெருக்கடி இருப்பின் ஸஃப்களுக்கிடையே இடைவெளியை குறைத்து நெருங்கி நிற்கலாம்.

நூறு பேர் தொழுதால் அந்த மய்யித்தின் பேரில் அவர்கள் செய்யும் துஆவும், சிபாரிசும் ஏற்றுக் கொள்ளப்படும் என்ற ஹதீது இருக்கிறது. நாற்பது பேரின் துஆவும் சிபாரிசும் அவ்வாறுதான். மய்யித்துடைய உடல் கெட்டுவிடாது என்று இருப்பின் நூறு அல்லது நாற்பது பேர் வரும்வரை காத்திருப்பது உசிதமாகும்.

கடல், கிணறு போன்றவற்றில் விழுந்து விட்டவனை எடுக்கவோ, குளிப்பாட்டவோ, தயம்மும் செய்விக்கவோ முடியாமல் போய்விட்டால் சரியான சொல்படி தொழ வைக்க வேண்டிய அவசியமில்லை.

அந்த ஊரை விட்டும் மறைவான ஊரில் இறந்தவருக்கு ஷாபி மத்ஹப் படி தொழ வைக்கலாம். ஆனால் பெரும் பட்டணமாக இருந்தாலும் அவ்விடத்திலும், அதனைச் சுற்றியுள்ள பகுதிகளிலும் மய்யித்து ஆஜராகாமல் தொழ வைக்கக் கூடாது. அது அடக்கப்பட்டு விட்டாலும் ஙாயிப் ஜனாஸா தொழுகையும் தொழ வைக்கக் கூடாது.

மய்யித்து ஆணாக இருப்பின் இமாமும் தனியாக தொழுபவரும் மய்யித்தின் தலைக்கு நேராக பின்னால் நிற்க வேண்டும். பெண்ணாக இருந்தால் இடுப்புக்கு நேராக இருக்க வேண்டும். இது சுன்னத்.

தொழ வைக்க உரிமையுள்ளவர்கள்:


தொழவைப்பதற்கு முதன்முதலாக தந்தையும், பிறகு மகன், பறகு மகனுடைய மகன், பிறகு சகோதரன், பிறகு உரிமைவிட்ட எஜமான், பிறகு மகளின் மகன், சகோதரியின் மகன், தாய்மாமன், தாயின் தகப்பன் போன்ற உறவினர்கள். பிறகு கணவன், பிறகு இவர்களுடைய அனுமதி பெற்றவர்கள். இறந்து விட்டவர் உயிருடனிருக்கும்போது தனக்கு இன்னார் தொழ வைக்க வேண்டும் என்று வஸியத்து செய்திருப்பின் அவர் முற்படுத்தப்படுவார்.

குளிப்பாட்டாமலும், தயம்மும் செய்யாமலும் அடக்கப்பட்டிருப்பின் கப்ரைத் தோண்டி எடுதது நான்கு ஃபர்ளுகளையும் நிறைவேற்றுதல் அவசியமாகும். ஆனால் உடல் அழுகியிருப்பின் தேவையில்லை.

வயிற்றில் குழந்தை இருக்கும்போது இறந்து விட்ட பெண்ணின் அக்குழந்தை இறந்து விட்டதென உறுதியாகும் வரை அப்பெண்ணை அடக்க கூடாது. குழந்தை உயிருடன் இருப்பது தெரிந்தால் வயிற்றைக் கிழித்து குழந்தையை எடுத்தபின் அடக்க வேண்டும்.

காபிர்களுடைய பருவமடையாத குழந்தைகள் கலிமாச் சொல்லி இறந்து விட்டால் கட்டாயமாக கஃபனிட்டு அடக்க வேண்டும். அதனைக் குளிப்பாட்டுவதும் ஆகும். நான்கு மாதங்கள் முடியும் முன் விழுந்த கட்டியும் இவ்வாறுதான். நான்கு மாதங்கள் முடிந்திருப்ப்பின் குளிப்பாட்டி, கபனிட்டு அடக்குவது வாஜிபாகும்.

இரத்தக் கட்டி, சதைக்கட்டி, மய்யித்தின் பல், நகம் ஆகியவற்றையும் புதைப்பது சுன்னத்தாகும்.

மய்யித்தை ஒரு ஊரிலிருந்து மற்றொரு ஊருக்கு கொண்டு செல்வது அது நல்ல நிலையிலிருந்தாலும் அல்லது வஸிய்யத்துச் செய்திருந்தாலும் ஹராமாகும்.

தனியாக கண்டெடுக்கப்பட்ட உடலுறுப்பு முஸ்லிம் உடையது என்று தெரிந்தால் அதை குளிப்பாட்டி கபனிட்டு தொழ வைத்து அடக்க வேண்டும்.

ஜனாஸாவைக் கண்டவுடன்:

لآ اِلٰه اِلَّا اللهُ سُبْحَانَ الْحَيِّ الَّذِيْ لَا يَمُوْتُ

ஷாபி மத்ஹப் படி ஜனாஸா தொழுகைக்குரிய விதிமுறைகள் வருமாறு:

பர்ளுகள் 7:

1.நிய்யத்து. 2. சக்தியுள்ளவர்கள் நின்று தொழுதல் 3. நான்கு தக்பீர்கள். 4. முதலாவது தக்பீருக்குப் பின் பாத்திஹா ஓதுதல். 5. இரண்டாவது தக்பீருக்குப் பின் ஸலவாத்து ஓதுதல்.  6. மூன்றாவது தக்பீருக்குப் பின் மைய்யித்திற்காக பிரார்த்தித்தல். 7. நான்காவது தக்பீருக்குப்பின் ஒருமுறை ஸலாம் சொல்லுதல் ஆகியவைகளாகும்.

اُصَلِّى الْفَرْضَ عَلٰى هٰذَا الْمَيِّتِ اَرْبَعَ ثَكْبِيْرَاتٍ لِلهِ هَعَالٰى اَللهُ اَكْبَرُ .

இரண்டாவது தக்பீருக்குப் பின் ஓதும் ஸலவாத்து:

اَللّٰهُمَّ صَلِّ وَسَلِّمْ عَلٰى مُحَمَّدٍ وَعَلٰى اٰلِ مُحَمَّدٍ كَمَا صَلَّيْتَ وَسَلَّمْتَ عَلٰى اِبْرَاهِيْمَ وَعَلٰى اٰلِ اِبْرَاهِيْمَ وَبَارِكْ عَلٰى مُحَمَّدٍ وَعَلٰى اٰلِ مُحَمَّدٍ كَمَا بَارَكْتَ عَلٰى اِبْرَاهِيْمَ وَعَلٰى اٰلِ اِبْرَاهِيْمَ اٍنَّكَ حَمِيْدٌ مَجِيْدٌ

மூன்றாவது தக்பீருக்குப் பின்புள்ள பிரார்த்தனை:

اَللّٰهُمَّ اغْفِرْ لِحَيِّنَا وَمَيِّتِنَا وَشَاهِدِنَا وَغَائِبِنَا وَصَغِيْرِنَا وَكَبِيْرِنَا وَذَكَرِنَا وَاُنْثَانَا اَللّٰهُمَّ مَنْ اَحْيَيْتَهُ مِنَّا فَاحْيِهِ عَلَى الْاِسْلاَمِ ومَنْ تَوَفَّيْتَهُ مِنَّا فَاَحْيِهِ عَلَى الْاِيْمَانِ

பொருள்: 'அல்லாஹ்வே! எங்களில் ஜீவிப்பவர், இறந்தவர், பிரசன்னமாயிருப்பவர், மறைந்திருப்பவர், சிறயவர், பெரியவர், ஆண் பெண் யாவர்க்கும் நீ பிழைபொறுத்தருள். அல்லாஹ்வே! எங்களில் யாரை நீ உயிர் வாழச் செய்கின்றாயோ அவரை இஸ்லாமியத்தின் மீது உயிர் வாழச் செய்! இன்னும் எங்களில் யாரை நீ மரிக்கச் செய்வாயோ அவரை ஈமான் மீது நீ மரிக்கச் செய்!:

ஆண் குழந்தையாக இருப்பின் கீழ்காணும் துஆவை சேர்த்துக் கொள்ளவும்:

اَللّٰهُمَّ اجْعَلْهُ فَرَطًا لِاَبَوَيْهِ وَسَلَفًا وَذُخْرًا وَعِظَةً وَاعْتِبَارًا وَشَفِيْعًا وَثَقِّلْ بِهِ مَوَازِيْنَهُمَا وَاَفْرِغِ الصَّبْرَ عَلٰى قُلُوْبِهِمَا وَلَا تَفْتِنْهُمَا بَعْدَهُ وَلَاتَحْرِمْهُمَا اَجْرَهُ

பொருள்: அல்லாஹ்வே! இவரை (இறந்தவரை) தன் பெற்றோர்கட்கு முந்தியவராகவும், முன் சென்றவராகவும், பாதுகாப்புப் பொருளாகவும், நல்லுபதேசமாகவும், நற்சிந்தனையாகவும், மன்றாடுபவராகவும் நீ ஆக்கி வைப்பாயாக! இவரால் அவ்விருவரின் தராசுத்தட்டுக்களை (நன்மைகள் கொண்டு) பாரமாக்கி வை. அவ்விருவரின் இதயங்களில் (இவரின் பிரிவால் கலக்கமடையாதவாறு) பொறுமையைச் சொரிந்தருள்! இவருக்குப் பின் அவ்விருவரையும் சோதனையிலாக்கி விடாதே! இவரது கூலியை அவ்விருவரும் அடையாதவாறு பேறு கெடுத்து விடாதே!

இதில் பெண் குழந்தையாக இருப்பின் 'ஹு' என்று வரும் இடங்களில் 'ஹா' என்று சேர்த்து ஓத வேண்டும்.

பொதுப்படையாக பெரியவராயினும், குழந்தையாயினும் ஓத வேண்டிய துஆவின் சுருக்கம்:

اَللّٰهُمَّ اغْفِرْ لَهُ وَارْحَمْهُ

'அல்லாஹும்ம மக்பிர்லஹு வர்ஹமஹு'

நான்காவது தக்பீருக்குப் பின் ஸலாம் கெடுப்பதற்கு முன் ஓத வேண்டியது:

اَللّٰهُمَّ لَا تَحْرِمْنَا اَجْرَهُ وَلَاتَفْتِنَّا بَعْدَهُ وَاغْفِرْلنَا وَلَهُ

அல்லாஹும்ம லா தஹ்ரிம்னா அஜ்ரஹு வலா தஃப்தின்னா பஹ்தஹு வக்ஃபிர்லனா வலஹு

ஹனபி மத்ஹப் படி ஜனாஸா தொழுகையின் விதிமுறைகள்:

நிய்யத்:

اُصَلِّ لِلهِ تَعَالٰى دَاءِيًا لِلْمَيِّتِ

அல்லாஹ்வுக்காக தொழுகிறேன். இந்த மய்யித்திற்காக துஆ செய்கிறேன் என்று நிய்யத் செய்து கொள்ள வேண்டும்.

நின்று தொழ வேண்டும்(நிற்க சக்தியில்லாதவர்கள் உட்கார்ந்தும் தொழலாம்.)

முதல் தக்பீருடன் மூன்று தக்பீர்களும் சேர்த்து நான்கு முறை தக்பீர் சொல்ல வேண்டும்.

முதல் தக்பீரில் இமாம், மஃமூம் யாவரும் சாதராணத் தொழுகைகளில் ஓதும் ஃதனாவை ஓத வேண்டும்.

இரண்டாம் தக்பீருக்குப் பின் கீழ்காணும் ஸலவாத் ஓத வேண்டும்.

اَللّٰهُمَّ صَلِّ وَسَلِّمْ عَلٰى مُحَمَّدٍ وَعَلٰى اٰلِ مُحَمَّدٍ كَمَا صَلَّيْتَ وَسَلَّمْتَ عَلٰى اِبْرَاهِيْمَ وَعَلٰى اٰلِ اِبْرَاهِيْمَ وَبَارِكْ عَلٰى مُحَمَّدٍ وَعَلٰى اٰلِ مُحَمَّدٍ كَمَا بَارَكْتَ عَلٰى اِبْرَاهِيْمَ وَعَلٰى اٰلِ اِبْرَاهِيْمَ اٍنَّكَ حَمِيْدٌ مَجِيْدٌ

மூன்றாவது தக்பீருக்குப் பின் மய்யித்திற்காக பாபமன்னிப்பு கோரி துஆ செய்ய வேண்டும்.

اَللّٰهُمَّ اغْفِرْ لِحَيِّنَا وَمَيِّتِنَا وَشَاهِدِنَا وَغَائِبِنَا وَصَغِيْرِنَا وَكَبِيْرِنَا وَذَكَرِنَا وَاُنْثَانَا اَللّٰهُمَّ مَنْ اَحْيَيْتَهُ مِنَّا فَاحْيِهِ عَلَى الْاِسْلاَمِ ومَنْ تَوَفَّيْتَهُ مِنَّا فَاَحْيِهِ عَلَى الْاِيْمَانِ

நான்காம் தக்பீருக்குப் பின் இரண்டு பக்கமும் திரும்பி ஸலாம் சொல்லித் தொழுகையை முடிக்க வேண்டும்.

رَبَّنَا اتِنَا فِى الدُّنْيَا حَسَنَةً وَفِى الْاٰخِرَةِ حَسَنَةً وَقِنَا عَذَابَ النَّارِ

பொருள்: எங்கள் இறைவனே எங்களுக்கு இவ்வுலகிலும் ஆகிரத்திலும் நன்மையைத் தந்தருள்வாயாக! ஆமீன்

இரண்டாவது, மூன்றாவது, நான்காவது தக்பீர்களின் போது 'அல்லாஹு அக்பர்' என்று மட்டும் இமாமுடன் தொடர்ந்து சொல்ல வேண்டும். கைகளை எடுக்கவோ உயர்த்தவோ கூடாது.

இமாம் தொழ வைத்துக் கொண்டிருக்கும் போது பிந்தி வந்தவர் இமாம் ஸலாம் கொடுத்து முடிந்த பின் மீதியைத் தொழ வேண்டும். அந்தந்தத் தக்பீருக்குப் பின்னால் ஓதவேண்டியவைகளை ஓத வேண்டும். ஜனாஸாவை எடுத்துச் சென்று விட்டாலும் பிந்திவந்தவர் தொழுது முடிக்க வேண்டும். ஆனால் தொழுது முடிக்கும் வரை ஜனாஸாவை தூக்கிச் செல்லாமலிருப்பது சுன்னத்தாகும்.

மரணத் தருவாயில் செய்ய வேண்டியவை

பருவமடைந்த ஒரு முஸ்லிம் மரணத்திற்கு தயார் நிலையில் தன்னை ஆக்கிக் கொள்ள வேண்டும். நோய்வாய்ப்பட்டவர் நற்செயல் புரிந்து, களாவாகிவிட்ட பர்ளான செயல்களை நிறைவேற்றி, பிறர் யாரும் தன்மீது பின்தொடர்ச்சி கொள்ளாத முறையில் உரியவர்களுக்கு கடைமைகளை நிறைவேற்றி, வழக்காளிகளை திருப்தியுறச் செய்து, குற்றங்குறைகளுக்கு இடம் வைக்காமல், பாவங்களுக்கு தவ்பா செய்தவர்களாக தயார் நிலையில் இருக்க வேண்டும்.

ஒருவருக்கு மௌத்துடைய நேரம் வந்து விட்டால் அவருடைய முகத்தைக் கிப்லாவுக்கு நேராக திருப்பி வலப்பக்கத்தில் ஒருசாய்த்து படுக்க வைப்பது சுன்னத்தாகும். அப்பொழுது அவருக்கு யாராவது ஒருவர் அருகிலிருந்து லாஇலாஹ இல்லல்லாஹு முஹம்மதுர் ரஸூலல்லாஹ் என்ற கலிமாவை அதட்டாத முறையில் சொல்லிக் கொடுக்க வேண்டும். அவர் சொல்லிவிட்டால் மறுபடி சொல்லிக் கொடுக்கத் தேவையில்லை. அவர்அருகிலிருந்து ஸூரத்து யாஸீன், ஸூரத்து ரஃது ஆகியவற்றை ஓதுவது சுன்னத்து.

மௌத்தானது உறுதியாக தெரிந்தவுடன், பிஸ்மில்லாஹி வஅலா மில்லத்தி ரசூலுல்லாஹி ஸல்லல்லாஹு அலைஹி வஸல்லம் என கூறி அவருடைய இரு கண்களையும் மூடிவிட்டு, நாடியைக் கட்டி, கைகால் முழிகளை மெல்ல நீட்டி மடக்கி பின் நீட்டிவிட்டு வயிற்றில் (இருபது கழஞ்சு எடையுள்ள) கனமான ஏதேனும் ஒரு பொருளை வைத்து, தலையை நிமிர்த்தி வைத்து, மௌத்தான நேரத்திலிருந்த துணிகளைக் களைந்து (கசப்பு மாற்றி) கட்டில் போன்ற உயரமான இடத்தில் கிப்லாவுக்கு நேராக முகத்தையும் உள்ளங்கால்களையும் வைத்துப் படுக்கச் செய்து, மெல்லிய துணியால் தலையுட்பட மேனி முழுவதையும் மூடி மறைத்து , துணியின் ஒரு தலைப்பைத் தலைக்குக் கீழும் மற்றொரு முந்தியை காலின் கீழும் ஆக்குவதும் சுன்னத்தாகும்.

மௌத்தான நேரம் முதல் குளிப்பாட்டும் வரை அருகில் வாசனைப் புகை போடுவது நல்லது.

ஒருவருக்கு சக்கராத்தின் நிலை போன்ற மரணத்தின் அறிகுறிகள் தென்பட்டால், அவருக்குப் பக்கத்திலிருந்து மரணம் ஏற்படும் வரை யாஸீன் ஓதுவது சுன்னத்தாகும்.

தொட்டால் ஒழு முறியாதவர்கள் மய்யித்தை முத்தமிடலாம். அந்நிய மய்யித்தைத் தொடுவதால் அவர்களுக்கு உளு முறிந்து விடும். மய்யித்திற்கு உளு முறியாது. எனினும் அந்த மய்யித்து ஸாலிஹானதாயிருப்பின் முத்தமிடுவது சுன்னத்தாகும்.

ஜுனுபாளியும், ஹைளுகாரியும் மய்யித்தை விட்டு தூரமாக இருந்து கொள்வார்கள்.

மய்யித்தை குளிப்பாட்டுவது, கஃபனிடுவது, தொழவைப்பது, அடக்குவது இந் நான்கும் ஃபர்ளு கிபாயாவாகும். ஒரு மய்யித்தை மலக்குகளோ, ஜின்களோ குளிப்பாட்டி, கஃபனிட்டு, தொழ வைக்கக் கண்டாலும் மனிதர்கள் மீது உள்ள கடமை நீங்காது.

மய்யித்திற்கு தேவையான கஃபன் மற்றுமுள்ள செலவினங்கள் அனைத்தும் மய்யித்தினுடைய சொந்தப் பொருளிலிருந்தே செய்ய வேண்டும். மனைவிக்கும், அவளுடைய வேலைக்காரிக்கும் (அவளுக்குரிய சொத்திருந்தாலும் சரி) அந்த மய்யித்துகளுக்கு செலவளிப்பது வசதியுள்ள கணவன் மீது கடமையாகும்.

இறந்து விட்டவருக்கு சொத்து இல்லாவிட்டால் அந்த மய்யித்துடைய வாழ்நாளில் அவருக்கு உணவு உடை அளிப்பது யார் மீது கடமையாயிருந்ததோ அவர் மீது அக்கடமை சாரும். அவ்வாறில்லாதிருப்பின் பைத்துல் மால் என்னும் பொதுநிதியைச் சாரும். பைத்துல்மால் இல்லாதிருப்பின் வசதியுள்ளவர்களின் மீது கடமையாகும்.

மய்யித்தைக் குளிப்பாட்டும் முறை:

தண்ணீரில் தாழ்ந்து மிதந்த மய்யித்தாக இருப்பினும் மேனி முழுவதும் ஒருமுறை தண்ணீர் ஓட்டுவது ஃபர்ளாகும். கத்னா செய்யப்படாதவராக இருந்தால் தோலினுள் தண்ணீர் செல்லாத நிலையிருந்தால் தயம்மும் செய்விக்க வேண்டும். உள்ளே தண்ணீரைச் செலுத்துவதற்காக மய்யித்தை வருத்தப்படுத்துவது ஹராமாகும்.

குளிப்பாட்டுவதில் சிறந்த முறையாவது: மேலே முகடு உள்ள ஒரு கட்டில் போன்ற உயரத்தில் மய்யித்தை வைத்து, குளிப்பாட்டுபவர்களைத் தவிர, மற்றவர்களை அப்புறப்படுத்தி, ஒரு பழைய போர்வை (இளப் போர்வை)யால் மூடி குளிர்ந்த தண்ணீர் கொண்டு குளிப்பாட்ட வேண்டும். குளிர்ந்த நீர் என்பது உப்பு நீராக இருப்பது சிறந்தது. ஏனெனில் உப்பு உடலை உப்ப விடாமல் தடுப்பதால். உடலில் உள்ள பூச்சு பத்து, ஏதேனும் சாயம், அல்லது அழுக்கு ஆகியவற்றை நீக்குவதற்காகவும், அல்லது கூதலாக இருக்கும் காரணத்திற்காகவும், தண்ணீரை வெதுவெதுப்பாக்கிக் கொள்வது நல்லது. ஜம்ஜம் நீரினால் குளிப்பாட்டுவது கூடாது.

குளிப்பாட்டுவதில் ஒற்றைப்படையாக இருப்பதும், குளிப்பாட்டுபவர்கள் நான்கு நபர்களுக்கு மேல் இல்லாமலிருப்பதும், மய்யித்தின் முகத்தை மூடி வைப்பதும், அல்லாஹ்வை திக்ரு செய்வதும், ஷஹாதத் கலிமா சொல்வதும், குளிப்பாட்டுபவர் மய்யித்தை மெதுவாக இருப்பாட்டித் தன்னுடைய வலது முட்டுக்காலில் கொஞ்சம் சாய்த்து வைப்பதும், மய்யித்தில் ஏதேனும் குறையைக் கண்டால் அதனை மறைப்பதும் சுன்னத்தாகும்.

முதலில் மய்யித்தின் மேலிலுள்ள நஜீஸை நீக்கிக் கொள்ள வேண்டும். குளிப்பாடடுகிறவர் தன் கையில் ஒரு துணியை சுற்றிக் கொள்ள வேண்டும். உறுப்புகளுக்குரிய துஆவையும், திக்ரையும் சொல்லி ஒழு செய்து அதற்குரிய துஆவை ஓதியபின் கையை கீழே போட்டு 'ஸூரத்துல் கத்ர்-இன்னா அன்ஸல்னா' ஸூராவை 3 தடவை ஓதிக் கொள்வது சுன்னத்தாகும். பின்வரும் துஆவை தனக்கும் மய்யித்துக்கும் சேர்தது கேட்க வேண்டும்.

اَللّٰهُمَّ اجْعَلْنِيْ وَاِيَّاهُ مِنَ الْمُتَطَهِّرِيْنَ . وَاجْعَلْنِيْ وَاِيَّاهُ مِنْ عِبَادِكَ الصَّالِحِيْنَ . وَاجْعَلْنِيْ وَاِيَّاهُ مِنَ الَّذِيْنَ لَا خَوْفٌ عَلَيْهِمْ وَلَا هُمْ يَحْزَنُوْنَ .

பொருள்: 'யா அல்லாஹ்! என்னையும் இவரையும் பரிசுத்தவான்களில் உள்ளவர்களாக ஆக்கியருள்வாயாக! என்னையும் இவரையும் உன்னுடைய நல்லடியார்களில் உள்ளவர்களாக ஆக்கியருள்வாயாக! என்னையும் இவரையும் அச்சமும் கவலையும் இல்லாதவர்களாக ஆக்கியருள்வாயாக!'

குளிப்பாட்டுகிறவர் தன்னுடைய கலிமா விரலால் மிஸ்வாக் செய்வித்து, சுண்டு விரலால் மூக்கைச் சுத்தம் செய்ய வேண்டும். இலந்தை இலை, சீயக்காய், அரப்பு, சோப்பு போன்றவற்றால் சிரமப்படுத்தாமல் மெதுவாகத் தேய்த்து கடப்புச் செய்யாமல் வலப்பக்கம் தொடங்கி, உடல் முழுவதும் மூன்று தடவை தண்ணீரை ஓட்டிக் குளிப்பாட்ட வேண்டும். கடைசியில் சிறிதளவு சூடம் கலந்த தண்ணீரால் குளிப்பாட்ட வேண்டும். குளிப்பாட்டி முடிந்தவுடன் மெல்லிய துணியால் துடைப்பது சுன்னத்து.

தண்ணீர் கிடைக்காவிட்டாலும் அல்லது மய்யித்து நெருப்பில் வெந்திருப்பதினாலோ அல்லது தண்ணீரில் நீண்ட நேரம் கிடந்ததினாலோ அதைக் குளிப்பாட்டுவதால் சேதமடைந்து விடும் என்று இருந்தாலோ தயம்மும் செய்து விப்பது வாஜிபாகும். தற்'கொலை செய்தவனுக்கும் நான்கு ஃபர்ளுகளையும் நிறைவேற்றுவது ஃபர்ளாகும்.

ஆண்களை ஆண்களும், பெண்களை பெண்களும்தான் குளிப்பாட்ட வேண்டும். கணவன் மனைவி இருவரில் ஒருவர் மற்றவரைக் குளிப்பாட்டலாம். எனினும் கையில் ஒரு துணியைச் சுற்றிக் கொள்வது சுன்னத்தாகும். மய்யித்தைக் குளிப்பாட்டுவதற்கு தகுதியுள்ளவரே அதற்குத் தொழ வைப்பதற்கும் தகுதியுள்ளவர்.

ஒரு கைப்பிடி மண்ணை எடுத்து இன்னா அன்ஜல்னாஹு சூராவை ஏழு தடவை ஓதி அதில் ஊதி அந்த மண்ணைக் கஃபனில் அல்லது கப்ரில் வைத்து விட்டால் அவருக்கு கப்ருடைய வேதனை இலேசாக்கப்படும் என்பதாக அல்லாமா புஜைரமீ ரலியல்லாஹு அன்ஹு அவர்கள் 'ஃபத்ஹுல் வஹ்ஹாபு' என்றும் நூலில் கூறியுள்ளார்கள்.

கஃபனிடுதல் பற்றிய விபரம்:

கஃபனிடுவதில் பெண்களுக்கு முகமும் மணிக்கட்டுவரை இரு கைகளையும் தவிர மீதியுள்ள உடல் முழுவதையும் ஆண்களுக்கு முழங்காலிலிருந்து தொப்புள் வரைக்கும் மறைப்பது ஃபர்ளாகும்.

ஆண்களுக்குக் கஃபனில் நிரப்பமானது மூன்று அடையவளைந்தானாகும். பெண்களுக்கு நிரப்பமானது இரண்டு அடையவளைந்தானும் ஒரு கைலியும், ஒரு சட்டையும் ஒரு முகமூடியுமாகும். ஆண்களுக்கு ஒரு சட்டையும் ஒரு தலைப்பாகையும் அதிகமாகவும் ஆக்கிக் கொள்ளலாம்.

சிறந்த கஃபனாகிறது கிழிசல் இல்லாத கெட்டியான பழைய வெள்ளைத்துணியாகும். அறவே துணி கிடைக்காவிட்டால் தோலோ அல்லது இலைதலையோ அல்லது களிமண் பூசியோ கஃபனிடுவது வாஜிபாகும்.

பெண்களின் ஜனாஸாவாக இருப்பினும் பட்டுத் துணி, தங்கம், வெள்ளி ஜரிகைத் துணியால் மறைப்பது ஹராமாகும்.

கஃபனை அம்பர், சாம்பிராணி போன்றவற்றால் மூன்று தடவை புகைப்பிடிப்பதும், அடையவளைந்தானை ஒவ்வொன்றாக விரித்து அதில் பல மணத்தை வைப்பதும், ஜனாஸாவுடைய உடல் துவாரங்களிலும்( கண்கள், மூக்கு, காதுகள், வாய், முன் துவாரம், பின்துவாரங்கள்), ஸஜ்தாவுடைய ஏழு உறுப்புகளின்(நெற்றி, இருகைகள், இரு கால்கள், இரு முழங்கால்கள்) மீதும் சூடத்துடன் கலந்து பஞ்சை மெதுவாக வைப்பதும் பிறகு அதற்கு மேல் சூடத்தை அதிகமாக வைப்பதும், ஜனாஸாவை மெதுவாக கஃபனில் வைத்து முகம் கவிழ்க்காமல் கஃபனிடுவதும் சுன்னத்தாகும்.

காயம்பட்ட இடங்களிலும் மேற்கூறப்பட்ட வாசனைப் பொருட்களை வைப்பது சுன்னத்தாகும்.

கஃபனில் தலைப்பக்கம், கால்பக்கம் ஆகிய இரு பக்கங்களை துண்டுக்கரையால் கட்டுவது சுன்னத்தாகும்.

ஜனாஸாவை மூன்று நபர்களுக்கு குறைவாகச் சுமந்து செல்வது மக்ரூஹ் ஆகும். கையில் ஏந்திச் செல்லும் குழந்தையாக இருப்பின் குறைவாக இருப்பது கூடும்.

ஜனாஸாவைத் தொடர்ந்து செல்பவர்கள் அதனைச் சேர்ந்தார்போல் முன்னால் கால் நடையாக செல்வதும், திக்ரு, ஷஹாதத் கலிமா சொல்லிக் கொண்டு செல்வதும் சுன்னத்தாகும்.

ஜனாஸா தொழுகை நடைபெறும்போது அவ்விடத்தில் தொழாமல் இருந்தவன் பிறகு அதனைத் தொழுவது சுன்னத்தாகுமென்றிருந்தாலும் அவனுக்கு ஃபர்ளாகவே ஆக்;கப்படும்.

பல ஜனாஸாக்களுக்கு ஒரு தொழுகை  போதுமானது. அனைவருக்கும் தொழுவதாக நிய்யத் வைத்துக் கொள்ள வேண்டும். ஜனாஸாவை அடக்கிய பின் தொழுவது ஹராமாகும். ஆனால் கப்ரின் அருகில் தொழுதால் ஃபர்ளு நீங்கி விடும்.

அடக்கம் செய்தல்:

கப்ருடைய ஆழத்தில் குறைந்த அளவாவது ஜனாஸாவின் நாற்றம் வெளியில் வராமலும் ஐவாய் மிருகங்கள் தோண்டி எடுத்துவிடாத அளவிலும் இருப்பதாகும். இதில் நிரப்பமாகிறது:

'சுமார் நாலரை முழம் ஆழமும் ஒன்றரை முழ அகலமும் உள்ளதாகும். கப்ருடைய அடிப்பாகத்தில் கிப்லாவின் புறத்தில் பிள்ளைக் குழி தோண்டி அதில் ஜனாஸாவை நுழைய வைப்பது சிறந்ததாகும். கெட்டியான பூமியாக இருப்பின் இவ்வாறு தோண்டலாம். இல்லாவிட்டால் கப்ரின் நடுவில் மய்யித்திற்கு அளவான குழியைத் தோண்ட வேண்டும். பெட்டியில் வைத்து அடக்குவது மக்ரூஹ்(பூமி மணற்பாங்கானதாக அல்லது தண்ணீர் ஊறும்படியானதாக இருந்தாலே தவிர).

மண்வெட்டி அல்லாத கருவிகளால் தோண்டுவது மக்ரூஹ். கப்ரில் ஜனாஸாவை இறக்கும்போது தேவையான அளவுக்கு ஆட்கள் ஒற்றைப்படையாக இருந்து, கப்ரின் கால்மாட்டின் பக்கமாக மய்யித்தின் தலையைக் கொண்டு போய் கப்ருக்குள் இறக்கி வைத்து ஒரு திரையினால் மூடிக் கொண்டு, வலது கன்னத்தை விட்டும் கஃபனை நீக்கி மண்ணில் அதனை சேர்த்து வைத்து, பச்சைச் செங்கள் போன்றதை தலைக்கு தலையணை போன்று வைத்து, கட்டுகளை அவிழ்த்து விட்டு, பிறகு பிள்ளைக் குழியைச் செங்கள் போன்றவற்றால் அடைப்பது சுன்னத்தாகும். சுட்ட செங்கலையோ அல்லது நெருப்பில் வெந்த ஏதேனும் ஒரு பொருளையோ கப்ருக்குள் வைப்பது நான்கு இமாம்களிடத்திலும் மக்ரூஹ் ஆகும்.

மய்யித்தின் முகத்தை கப்ரில் கிப்லாவுக்கு நேராகத் திருப்பி வைப்பது வாஜிபாகும்.

கப்ரில் மய்யித்தை இறக்கும் போது,

بِسْمِ اللهِ وَعَلٰى مِلَّةِ رَسُوْلِ اللهِ صَلَّى اللهُ عَلَيْهِ وَسَلَّمَ

என்று சொல்வது சுன்னத்து.

முன்னால் அடக்கப்பட்ட மய்யித்து முற்றிலும் மக்கி அழிவதற்கு முன் அந்தக் கப்ரைத் தோண்டுவதும், அதில்வேறொரு மய்யித்தை அடக்குவதும் ஹராமாகும். சில முக்கியமான காரியங்களுக்காகவே தவிர பொதுவாகக் கப்ரைத் தோண்டுவது ஹராம். அவையாவன: குளிப்பாட்;டாமல் அடக்கியிருப்பின், முதலில் அடக்கப்பட்ட மய்யித்து முற்றிலும் மக்கிப் போயிருந்தால், அபகரிக்கப்பட்ட பிறருடைய நிலத்தில் அடக்கப்பட்டிருப்பின், பிறருடைய பொருளை அவன் வயிற்றில் விழுங்கியிருந்தால், கப்ரில் மோதிரம் போன்ற ஒரு பொருள் விழுந்திருந்தால், கிப்லா அல்லாத திசையில் அடக்கப்பட்டிருந்தால், ஒரு காபிரை ஹரம்ஷரீபில் அடக்கியிருந்தால், வாரிசுதாரர்கள் அடக்கப்பட்டவர் ஆணா,பெண்ணா என்று தர்க்கித்துக் கொண்டிருந்தால், வயிற்றில் குழந்தையுடன் அடக்கப்பட்ட பெண்ணின் வயிற்றில் குழந்தை உயிருடன் இருக்கிறது அதை எடுக்க முடியும் என்று தெரிந்தால்,ஒருவன் கர்ப்பமுற்றிருந்த தன் மனைவியை நோக்கி உன் வயிற்றிலிருப்பது ஆணாக இருந்தால் நீ தலாக் என்று சொல்லியிருக்க, அவள் இறந்து அதனை அறிவதற்கு முன் அடக்கப்பட்டு விட்டால் போன்ற நிர்பந்தமான நிலைகளில் கப்ரைத் தோண்டலாம்.

கப்ரைத் தோண்டிக் கொண்டிருக்கும்போது எலும்பு காணப்பட்டால் அந்த எலும்பை அதே இடத்தில் போட்டு மூடிவிட்டு வேறு இடத்தில் கப்ரு தோண்டுவது வாஜிபு.

ஒரு கப்ரில் ஆண், பெண் இருவரை அடக்குவது ஹராமாகும். ஆனால் திருமணம் செய்ய ஹராமானவர்களாக இருந்தால் அல்லது கணவன் மனைவியாக இருந்தால் அவ்வாறு அடக்கலாம்.கப்ரின் அருகில் நிற்பவர்கள் ஒரு கைகளினாலும் கப்ரின் தலைப்பக்கத்தில் மூன்று தடவை மண் எடுத்து முதல் தடவையில்,  مِنْهَا خَلَقْنَاكُمْ 
 என்று கப்ரில் போடவும். இரண்டாவது தடவையில்,

وَفِيْهَا نُعِيْدُكُمْ   என்றும்

மூன்றாவது தடவையில்

وَمِنْهَا نُخْرِجُكُمْ تَارَةً اُخْرٰى என்றும் கூறி அம்மண்ணை கப்ரில் போடுவது சுன்னத்து.

கப்ரை ஒரு சாண் அளவு உயர்த்தி முகடு போன்று ஆக்குவதும், ஒரு பெரிய கல்லை, அல்லது குறிப்பு பலகையை தலைமாட்டில் ஊன்றி வைப்பதும், அதன் கால் பக்கமும் அவ்விதம் செய்வதும் , செடி, கொடிகளை ஊன்றி வைப்பதும,; இன பந்துக்களை அருகருகில் ஒன்று சேர்த்து அடக்குவதும் சுன்னத்தாகும்.

முஸ்லிம்களின் கப்ரை மிதிப்பது மக்ரூஹ் ஆகும். அடக்கியபின் கப்ருக்கருகில் துஆ செய்வதும், குர்ஆன் ஓதி ஹதியா செய்வதும் சுன்னத்தாகும். கப்ரின் தலைமாட்டில் இருந்து தல்கீன் ஓதுவது சுன்னத்தாகும். மற்றவர்கள் நிற்பது நல்லது.மய்யித்து பெண்ணாக இருந்தால் கிப்லாவை முன்னோக்கியும், ஆணாக இருந்;தால் கிப்லாவை பின்னோக்கியும் உட்கார்ந்து ஓதுவது முஸ்தஹப்பாகும்.
ஹனபி மத்ஹபில் தல்கீன் ஓதுவது அவசியமில்லை. ஆனால் ஷாபி மத்ஹபுகாரர்கள் அவ்வாறு ஓதுவதை தடுக்கக் கூடாது.

காபிருடைய ஜனாஸாவிற்கு தொழ வைப்பது ஹராமாகும். எந்த மய்யித்தாக இருப்பினும் கயிற்றால் கட்டி இழுத்துச் செல்வதும், அலங்கோலமாக சுமந்து செல்வதும், நாற்றமடிக்க போட்டு வைப்பதும் ஹராமாகும்.

ஜிஹாத் என்னும் மார்;க்கப் போரில் ஷஹீதானவர்களை குளிப்பாட்டுவதும், தொழ வைப்பதும் ஹராம். அவர்களுடைய உடலில் படிந்திருக்கும் இரத்தக் கறையை நீக்குவதும் ஹராம்.

கடலில் கப்பலில் இறந்தவர்களை கரைக்குக் கொண்டுவருவது சிரமமானால் நான்கு ஃபர்ளுகளையும் நிறைவேற்றி இரண்டு பலகைகளுக்கு இடையில் அல்லது இரண்டு கம்புகளுக்கு இடையில் ஜனாஸாவை வைத்து கனமான பொருளை அத்துடன் கட்டிக் கடலில் இறக்க வேண்டும்.

ஷஹீதானவர்களைப் போன்று பத்து நபர்களுக்கு மறுமையின் நன்மை வழங்கப்படும். ஆனால் அவர்களை குளிப்பாட்டி, கபனிட்டு, தொழவைத்து அடக்க வேண்டும். அவர்கள்:

அநியாயமாக கொலை செய்யப்பட்டவர்கள், காலரா,பிளேக்கு போன்ற நோயினால் இறந்தவர்கள், தாய், தந்தை மகன் அனைவரைவிட்டும் தனித்திருக்கும் நிலையில் பரதேசியாய் இறந்தவர்கள், நெருப்பினால் கரிந்து, நீரில் மூழ்கி, வீடு போன்றவை இடிந்து விழுந்து, பாம்பு போன்ற விஷ ஜந்து கடித்து இறந்தவர்கள், பிள்ளைப் பேறு உடைய வருத்தத்தினால் இறந்தவர்கள், பிள்ளைப்பேறு தொடக்கு (நிபாஸ்) நீங்குமுன் இறந்தவர்கள், மார்க்க கல்வியை கற்கும் காலத்தில் இறந்தவர்கள், உண்மைக் காதலினால் இறந்தவர்கள்( அது எவ்வித இஷ்க்காக இருந்தாலும் சரி) ஆகியோர்களாவார்.

முற்றும்.

Kasr and Jammu Prayer-கஸ்ரு ஜம்உ தொழுகை

கஸ்ரு ஜம்உ தொழுகை

ஆங்கிலேய 56 1/2 மைலுக்குக் குறையாமல் ஒரு ஊரை நாடிப் பிரயாணம் செய்யக் கூடியவர் தமது ஐங்காலத் தொழுகைகளில் 4 ரக்அத்துகள் உள்ள ளுஹர், அஸர், இஷா ஆகிய ஒவ்வொரு தொழுகையையும் இரண்டு ரக்அத்துகளாக குறைத்துத் தொழும் தொழுகைக்கே 'கஸ்ரு தொழுகை'என்று சொல்லப்படும்.

ஒருவர் தாமிருக்கும் ஊரின் எல்கையைக் கடந்தபின்னரேதான் பிரயாணம் என்பது உறுதியாகும். மேற்படி எல்கையை கடந்தது முதல் அந்த எல்கையை மீண்டும் அடையும்வரை அவர் பிரயாணியாகவே இருப்பார். எனவே கஸ்ரு, ஜம்உ தொழுகைகளை ஊர் எல்லை கடந்த பின்பே தொழ வேண்டும். ஹனபி மத்ஹபில் ஜம்உ கிடையாது.

நிபந்தனைகள்:

இதற்கு நிபந்தனைகள் ஏழு:

1. பிரயாணத்தின் தொலை மேற்சொன்ன தொலைவை அடைதல். 2. ஏதும் ஒரு குறிப்பிட்ட ஊரை நிர்ணயித்தல். 3. பாவச் செயலை நோக்கமாகக் கொண்டு பிரயாணம் செய்யாதிருத்தல்.4. பிரயாணத்தின் போது குறைத்துத் தொழாத (நான்கு ரக்;அத்துகளையும் பூரணமாக தொழக்கூடிய) ஒரு இமாமை பின்பற்றாதிருத்தல். 5. தக்பீரு தஹ்ரிமாவிலேயே கஸ்ரு தொழுகையை நிய்யத்து செய்தல்.6. நிய்யத்தைப் பேதப்படுத்தாதிருத்தல். 7. தொழுகை தீருமளவும் அவ்வூரில் தங்கிவிடுவதை எண்ணாமல்) பிரயாணம் நிலைத்திருத்தல் ஆக ஏழு நிபந்தனைகள்.

ஜம்உ தொழுகை:

மேற்காணும் தொலைதூரத்திற்கு பிரயாணம் செய்யும் ஒருவர் தமத ஐங்காலத் தொழுகைகளில் ளுஹ்ர், அஸ்ர் ஆகிய இவ்விரு நேரத் தொழுகைகளையும் மஃரிப் இஷா ஆகிய இவ்விரு நேரத் தொழுகைகளையும் (முன்னேரத்திலோ அல்லது பின்னேரத்திலோ) சேர்த்துத் தொழும் தொழுகைக்கு 'ஜம்உ தொழுகை' என்று சொல்லப்படும்.

முன்னேரத்தில் தொழுவதற்குரிய நான்கு நிபந்தனைகள்:

1. முன்னேரத் தொழுகையை முதலில் தொழுதல் 2. முன்னேரத் தொழுகை தீருவதற்கு முன்னர், பின்னேரத் தொழுகையை நிய்யத்தில் கொள்ளல். 3. பின்னேரத் தொழுகைக்காக தக்பீர் கட்டி முடிக்கும் வரை பிரயாணம் நிலைத்திருத்தல். 4. இரு நேரத் தொழுகைகளுக்குமிடையே தொடர்பு பற்றியிருத்தல் ஆகிய நான்கு நிபந்தனைகள்.

நிய்யத்: மஃரிபுடன் இஷாவை முற்படுத்தும்போது,


 اُصَلِّيْ فَرْضَ الْعِشَاءِ جَمْعَ تَقْدِيْمٍ مَعَ الْمَغْرِبِ

 'உஸல்லீ ஃபர்ளல் இஷாயி ஜம்அ தக்தீமின் மஅல் மக்ரிபி'

இவ்வாறே ளுஹருடன் அஸ்ரை முற்படுத்தும்போது அந்த நேரத்தின் வக்தை சொல்லிக் கொள்ளவும்.

பின்னேரத்தில் தொழுவதற்குரிய இரண்டு நிபந்தனைகள்:

1. பின்னேரத்தில் முன்னேரத் தொழுகையைத் தொழுவதாக முன்னேரத்தில் நிய்யத் வைத்தல்.
2.பின்னேரத் தொழுகை தீருமளவும் பிரயாணம் நிலைத்திருத்தல்.

நிய்யத்: ளுஹருடன் அஸ்ரை பிற்படுத்தும்போது

 

اُصَلِّيْ فَرْضَ الظُّهْرِ جَمْعَ تَأْخِيْرٍ مَعَ الْعَصْرِ

 
உஸல்லீ ஃபர்ளளுஹரி ஜம்அ தஅஹ்ஹீரின் மஅல் அஸ்ரி

இவ்வாறே மஃரிபுடன் இஷாவை பிற்படுத்தும்போது அந்த நேரத்தின் வக்தை சொல்லிக் கொள்ளவும்.

கஸ்ரும் ஜம்உம் உடைய நிய்யத்:

உஸல்லீ பர்ளள் ளுஹ்ரி கஸ்ரன் வஜம்அ தக்தீமின் மஅல் அஸ்ரி முஸதக்பிலன் இலல் கஃபதஜஷ்ஷரீபதி லில்லாஹி தஆலா அல்லாஹு அக்பர்.

ளுஹ்ர் உடைய பர்ளை கஸ்ராக அஸ்ருடைய பர்ளுடன் தக்தீம் ஜம்ஆகவும் (பிற்படுத்தி தொழுவதனால் தஉகீர் ஜம்ஆகவும்) சிறப்பான கஃபா அளவில் முன்னோக்கி அல்லாஹுத்தஆலாவுக்காக தொழுகின்றேன் அல்லாஹு அக்பர்' என்று நிய்யத் செய்ய வேண்டும்.

இவ்வாறே மக்ரிப், இஷாஆகிய தொழுகைகளுக்கும் அந்தந்த நேரத்தைக் குறிப்பிட்டு நிய்யத்துச் செய்து கொள்ளவும்.

Sunnath Prayers-சுன்னத்தான தொழுகைகள்

சுன்னத்தான தொழுகைகள்.

லைலத்துர் ரகாயீப் தொழுகை:

நாயகம் ஸல்லல்லாஹு அலைஹி வஸல்லம் அவர்களி;ன் தந்தையாகிய அப்துல்லாஹ்வின் திருநுதலில் இலங்கிக் கொண்டிருந்த நூரே முஹம்மதிய்யா ரஜப் மாதம் முதல் நாள் வெள்ளி இரவு ஆமினாவின் கருப்பையில் போய் தரித்தது. இது கி.பி. 570-ஆம் ஆண்டு ஆகஸ்ட் 21-ம் நாள் வியாழன் பின்னேரம் வெள்ளி இரவில் நிகழ்ந்தது.

ஒவ்வொரு ஆண்டும் ரஜப் மாதம் முதல் நாள் வெள்ளிக் கிழமை வராது. ஆதலால் ஒவ்வோராண்டும் ரஜப் முதல் வெள்ளிக் கிழமையை லைலத்துர் ரகாயீப் எனப் பெயரிட்டு அவ்விரவில் விசேஷப் பிரார்த்தனை செய்வது ஹிஜ்ரி 3-ம் நூற்றாண்டில் பைத்துல் முகத்தஸில் தொடங்கப்பட்டது. ஸூபிய்யாக்கள்  இதனை வணக்கத்திற்குரிய சிறந்த இரவாகக் கருதுகின்றனர். எனவே, சூபிய்யாக்களின் தலைவராகிய சுல்தான் செய்யது அஹ்மது கபீர் ரிபாயி ரலியல்லாஹு அன்ஹு அவர்கள் இத் தொழுகையை வழக்கமாக தொழுது வந்தார்கள். ரஜபு மாத்தின் முதல் வியாழக் கிழமை  இரவு 'லைலத்துல் முபாரக்' என்று கூறப்படுகிறது. அதாவது பரக்கத் பொருந்திய இரவு ரஜபு மாதம் முதல் வெள்ளிக்கிழமை இரவு முழுவதும் எவர் இறைதியானத்தில் ஈடுபடுகின்றாரோ அவரது குற்றங்களை மன்னிப்பதாக இறைவன் வாக்களித்துள்ளான் என அருமை நாயகம் ஸல்லல்லாஹு அலைஹி வஸல்லம் அவர்கள் கூறியுள்ளார்கள்.

அந்த இரவில் மஃரிபுத் தொழுகைக்குப் பின் ஆறு சலாமைக் கொண்டு 12 ரகஅத் சுன்னத் தொழ வேண்டும். ஒவ்வொரு ரகஅத்திலும் சூரத்துல் பாத்திஹாவுக்குப் பின் 'இன்னா அன்ஸல்னா' என்ற சூராவை ஒரு விடுத்தமும்,'குல்ஹு வல்லாஹு' என்ற சூராவை 12 விடுத்தமும் ஓதி பேணுதலாக தொழுது முடிக்க வேண்டும்.

இந்த தொழுகையை இரண்டிரண்டு ரக்அத்தாக 6 சலாமைக் கொண்டு தொழுவது மேலானது. அல்லது நான்கு நான்கு ரகஅத்துகளாக மூன்று சலாமுடன் தொழுது முடிக்கலாம். பின்பு திக்ரு ஸலவாத்துகள் ஓதி உருக்கமாக துஆ செய்ய வேண்டும். இத் தொழுகையை தொடர்ந்து தொழுது வந்தால் பல நற்பேறுகள் கிடைக்கும்.

இஸ்திஹ்ஃபார் தொழுகை:

ஒருவன் வறுமையோ, துன்பமோ அடையின் அது அவன் செய்த பாவச் செயல்களின் பலனேயாகும். ஒருவன் பாவமான காரியம் ஒன்று செய்து விட்டான். எனவே பெருமானார் ஸல்லல்லாஹு அலைஹி வஸல்லம் அவர்கள் அவற்றிற்குப் பின்வருமாறு பரிகாரம் கூறியுள்ளார்கள். 'உன்னுடைய வாழ்வில் வறுமையோ, துன்பமோ ஏற்படின் உன் தேவைகளை அல்லாஹ்விடம் சாட்டி, இஸ்திஹ்ஃபார் சுன்னத் இரண்டு ரக்கஅத் தொழுவாயாக!' என்று.

நிய்யத்: சுன்னத்தான இஸ்திஹ்ஃபார் தொழுகை இரண்டு ரகஅத்தையும் அல்லாஹ்வுக்காக தொழுகிறேன் என்று நிய்யத் செய்து கொள்ள வேண்டும்.

முதல் ரக்அத்தில் சூரா ஃபாத்திஹாவும், சூரத்துல் கத்ரும் (இன்னா அன்ஸல்னா) ஓதிய பின் அஸ்தஹ்ஃபிருல்லாஹ் என்று 15 தடவை ஓதி ருகூஉக்குச் செல்ல வேண்டும். அதில் தஸ்பீஹ் செய்த பின் 10 தடவையும், பின் இஃதிதாலில் 10 தடவையும், பின் ஸஜ்தாவில் 10 தடவையும், பின் சிறு இருப்பில் 10 தடவையும், பின் இரண்டாவது ஸஜ்தாவில் 10 தடவையும் அஸ்தஹ்ஃபிருல்லாஹ் ஓதி எழுந்து நின்று மீண்டும் மேலே கூறப்பட்ட வண்ணம் இரண்டாவது ரக்அத்திலும் செய்ய வேண்டும். இறுதி இருப்பில் 10 தடவை அஸ்தஹ்ஃபிருல்லாஹ் ஓதிய பின்னர் அத்தஹிய்யாத்து ஓதி ஸலாம் கொடுத்து அல்லாஹ்விடம் உன் குறைகளை எடுத்துரைத்து 'துஆ' கேட்பின் வறுமை நீங்கி மகிழ்ச்சியுறுவாய்!' என்று கருணை நபி ஸல்லல்லாஹு அலைஹி வஸல்லம் அவர்கள் திருவாய் மலர்ந்தருளினார்கள். இத் தொழுகையில் மொத்தம் 140 தடவை அஸ்தஹ்ஃபிருல்லாஹ் ஓதுவது அமைந்துள்ளது. ஹஜ்ரத் உமர் ரலியல்லாஹு அன்ஹு அவர்கள் இத்தொழுகையை அதிகமாக தொழுது வந்தார்கள்.

மழைத் தேடி பிரார்த்தனை தொழுகை: (ஸலாத்துல் இஸ்திஸ்கா)

மழையின்றி பஞ்சம் ஏற்பட்ட சமயங்களில் மூன்று நாட்களுக்கு ஸுன்னத்தான நோன்பு பிடித்து, தவ்பாச் செய்து நான்காவது நாளில் ஆடு, மாடு முதலிய பிராணிகளுடன் இமாமும், ஊர்வாசிகளும், சிறுவர்களும், வயது முதிர்ந்த பெரியார்களும், சான்றோர்களும், மற்றுமுள்ளோர்களும் பரிசுத்தமான மனதுடன் பரிசுத்தமான வஸ்திரங்களை அணிந்தவர்களாக நடந்து, பரந்த மைதான வெளியில் வந்து, வெயிலில் நின்று இரண்டு ரக்அத்துகள் தொழுது, பிறகு குத்பா ஓதி, துஆவை மனமுருகிக் கண்ணீர் வடித்து உருக்கமாக கேட்க வேண்டும்.

நிய்யத்: 'உஸல்லி ஸலாத்தல் இஸ்திஸ்காஇ ரக்அத்தைனி முஸ்தக்பிலன் இலல் கஃபதிஷ; ஷரீபத்தி லில்லாஹி அல்லாஹு அக்பர்' ( மழைத் தேடி தொழும் தொழுகையின் இரண்டு ரக்அத்துகளையும் அல்லாஹ்வுக்காகத் தொழுகிறேன்) என்று நிய்யத்து வைத்துக் கொள்ள வேண்டும்.

ஸலாத்துல் குஸூபி – கிரகணத் தொழுகை:

சூரியன் அல்லது சந்திரன் கிரகணம் பிடித்திருக்கும் போது இரண்டு ரக்அத்துத் தொழுவது விசேஷமான ஸுன்னத்தாகும். இதில் ஒவ்வொரு ரக்அத்திலும் இரண்டு ருகூஉகள் உண்டு. முந்திய நிலையில் ஸூரத்து பாத்திஹாவுக்குப் பின் ஸூரத்து பகராவையும், முந்திய ருகூஉக்குப் போய் விட்டுத் திரும்ப நிலைக்கு வந்து அதில் ஸூரத்து ஆலஇம்ரானையும், இரண்டாவது ரக்அத்தில் முதல் நிலையில் ஸூரத்து பாத்திஹாவுக்குப் பின் ஸூரத்து நிஸாவையும், ருகூஉக்குப் போய்விட்டுத் திரும்பி நிற்கும் பிந்திய நிலையில் ஸூரத்து மாயிதாவையும் ஓதுவது ஸுன்னத்து. இந்த ஸூராக்களை ஓத இயலாவிடில் அவை போன்ற அளவுக்கு வேறு ஸூராக்களை ஓதிக் கொள்ளலாம். ருகூஉகளை நீட்டிச் செய்வதும் ஸுன்னத்தாகும். முந்திய ருகூஉவில் ஸூரத்து பகராவின் ஆயத்துகளில் நூறு ஓதக் கூஎய அளவுக்கும், இரண்டாவதில் எண்பதின் அளவுக்கும், மூன்றாவதில் எழுபதின் அளவுக்கும், நான்காவதில் ஐம்பதின் அளவுக்கும் தஸ்பீஹ் செய்வது மிகச் சிறப்பாகும். தொழுகை முடிந்தபிறகு இரண்டு குத்பாக்கள் ஓதுவதும் ஸுன்னத்தாகும்.

பள்ளியின் காணிக்கைத்  தொழுகை (தஹிய்யத்துல் மஸ்ஜித் தொழுகை):

ஒளுவுடன் பள்ளியினுள் சென்றவர் உட்காருவதற்கு முன்னர் பள்ளியின்காணிக்கையாக இரண்டு ரக்அத் தொழுவது சுன்னத்தாகும். மறதியாகவோ தெரியாமலோ அத் தொழுகையைத் தொழாமல் உட்கார்ந்து விட்டால் இரு ரக்அத்கள் தொழக் கூடிய நேரம் செல்வதற்;கு முன்னர் எழுந்து அதைத் தொழலாம். ஆனால் பள்ளுத் தொழுகையைபோ, ஸுன்னத் தொழுகையையோ தொழும்போது, தஹிய்யத்துத் தொழுகையை அதோடு நிய்யத்துச் செய்தாலும் செய்யாவிட்டாலும் அதை தொழுவது போலாகிவிடும்.

முதலாம் ரக்அத்தில் பாத்திஹா சூராவிற்குப் பின் 'காபிரூன்' சூராவும், இரண்டாம் ரக்அத்தில் 'இக்லாஸ்' சூராவும் ஓதலாம்.

 எவர் ஒருவர் ஒளு இல்லாமலோ அல்லது வேறு காரணத்தினாலோ 'தஹிய்யத்து' தொழ வசதி ஏற்படாது போனால், அவர் மூன்றாம் கலிமாதன்னை நான்கு தடவை ஓதிக் கொள்வது ஸுன்னத்தாகும்.

ஒளுவுடைய ஸுன்னத்து தொழுகை:

ஒளு செய்த பின் அதற்காக இரண்டு ரக்அத்கள் ஸுன்னத் தொழுவது சிறந்தது. அதில் முதல் ரக்அத்தில் பர்திஹா சூராவிற்குப்பின்

 'வலவ் அன்னஹும் இதுளழமூ அன்ஃபுஸஹும் ஜாஊக்க ஃபஸ்தக்ஃபிருல்லாஹ வஸ்தக்ஃபரலஹுமுர் ரஸூலு லவஜதஹுல்லாஹ தவ்வாபன் ரஹீமா'

என்ற ஆயத்தையும், இரண்டாவது ரக்அத்தில்,

'வமய்யஃமல் ஸூஅன் அவ்யள்லிம் நப்ஸஹு தும்ம யஸ்தஃபிரில்லாஹ யஜிதில்லாஹ ஙபூரர் ரஹீமா'

என்ற ஆயத்தையும் ஓத வேண்டும்.

தஹஜ்ஜுத் தொழுகை

இரவில் உறங்கி விழித்துத் தொழும் தொழுகைக்கு தஹஜ்ஜுத் தொழுகை என்று பெயர். இது ஆகக் குறைந்தது இரண்டு ரக்அத்தாகவும், அதிகபட்சம் கணக்கில்லாமலும் தொழலாம். திருநபி ஸல்லல்லாஹு அலைஹி வஸல்லம் அவர்களுக்கு இத் தொழுகை சொந்தமாக பர்ளாக்கப்பட்டிருந்தது. அதேபோல் ஸூபியாக்கள் இத் தொழுகையை தங்கள் மீது விதிக்கப்பட்ட கடமை என்று மதித்து தொழுது வந்தனர். இதன் நன்மையை அல்லாஹ்வையன்றி வேறுயாரும் அறிய மாட்டார்கள்.

ளுஹாத் தொழுகை

எனது அன்பர் ரஸூல் ஸல்லல்லாஹு அலைஹி வஸல்லம் அவர்கள்  ஒவ்வொரு மாதமும் மூன்று நாட்கள் நோன்பு நோற்குமாறும், ளுஹாத் தொழுகையின் இரண்டு ரக்அத்துகளதை; தொழுது வருமாறும், நான் தூங்குவதற்கு முன் வித்ரு தொழுமாறும் எனக்கு நல்லுபதேசம் (வஸிய்யத்) செய்தார்கள் என ஹழ்ரத் அபூ ஹுரைரா ரலியல்லாஹு அன்ஹு அவர்கள் குறிப்பிடுகிறார்கள்.

நபிகள் கோமான் ஸல்லல்லாஹு அலைஹி வஸல்லம் அவர்கள்  எட்டு ரக்அத்துகள் ளுஹா தொழுவார்கள். அதில் ஒவ்வொரு இரண்டு ரக்அத்திலும் ஸலாம் கொடுப்பார்கள் என அபூதாவூத் ஹதீது கிரந்தம் அறிவிக்கின்றது.

சூரியன் வல்லயப் பிரமாணம் உயர்ந்ததிலிருந்து மத்தியை விட்டு நீங்கும் வரையில் ளுஹாத் தொழுகைக்குரிய நேரமாகும். இதற்கு மொத்தம் எட்டு ரக்அத்துகள் உண்டு. இதை இரண்டு இரண்டு ரக்அத்களாக தொழ வேண்டும். இதற்கு ஆகக் குறைந்தது இரண்டு ரக்அத்துகளாகும்.

முதலாம் ரக்அத்தில் பாத்திஹா சூராவிற்குப் பின் வஷ;ஷம்ஸி சூராவும், இரண்டாம் ரக்அத்தில்  வள்ளுஹா சூராவும் ஓதலாம். அல்லது முதல் ரக்அத்தில் குல்யா அய்யுஹல் காபிரூன் சூராவும், இரண்டாம் ரக்அத்தில் குல்ஹுவல்லாஹு அஹதுன் சூராவும் ஓதலாம்.

தஸ்பீஹ் தொழுகை:

மொத்தம் 4 ரக்அத்துகள். அதை இரண்டிரண்டு ரக்அத்துகளாக 2 ஸலாமுடனும், அல்லது நான்கு ரக்அத்துகளை ஒரே ஸலாமிலும் தொழுது கொள்ளலாம். இரண்டிரண்டு ரக்அத்துகளாக 2 ஸலமாக தொழுவதுதான் சிறந்தது.

நான்கு ரக்அத்துகளுக்கும் மொத்தம் 300 தஸபீஹ்கள் சொல்ல வேண்டும். தஸ்பீஹ் என்பது மூன்றாம் கலிமா ஓதுவது ஆகும்.

(ஸுப்ஹானல்லாஹி வல்ஹம்துலில்லாஹி வலாஇலாஹ இல்லல்லாஹு வல்லாஹு அக்பர்.)

முதல் ரக்அத்தில் தக்பீர் தஹ்ரிமாவிற்குப் பின் பாத்திஹாவிற்குப் பின் 15 தடவையும், ருகூவில் 10-ம், இஉத்திதாலில் 10-ம், முதல் ஸுஜூதில் 10-ம், பிறகு எழுந்து இருப்பில் 10-ம் இரண்டாம் ஸுஜூதில் 10-ம், பிறகு எழுந்து இருப்பில் 10-ம் ஆக ஒரு ரக்கத்தில் 75 தஸ்பீஹுகள் குறிப்பிட்ட தலங்களில் ஓதுவதாகும். இப்படியாக நான்கு ரக்அத்துகளுக்குக்கும் மொத்தம் 300 தஸ்பீஹுகள் பூர்த்தியாகிவிடும். ஆனால் அத்தஹிய்யாத்துடைய தானங்களைத் தவிர மற்ற தலங்களில் தஸ்பீஹுகளை அந்தந்த தலங்களிலுள்ள திக்ருகளுக்குப் பிறகே ஓத வேண்டும்.

முதல் ரக்அத்தில் 'அல்ஹாக்கும்' இரண்டாம் ரக்அத்தில் 'வல் அஸ்ரியும்' மூன்றாம் ரக்அத்தில் 'குல்யா அய்யுஹல் காபிரூன'வும், நான்காம் ரக்அத்தில் 'குல்ஹுவல்லாஹு அஹது'வும் ஓதுவது சாலச் சிறந்தது.

ஸலாம் கொடுப்பதற்கு முன் ('அல்லாஹும்ம இன்னீ அஸ்அலுக்க தவ்பீக்க அஹ்லில் ஹுதா, வஅஉமால அஹ்லில் யக்கீனீ வமுளாஸஹத்த அஹ்லித் தவ்பத்தி வ அஜ்ம அஹ்லிஸ் ஸப்ரி, வஜித்த அஹ்லில் ஹஷ;யத்தி, வதலப அஹ்லிர் ரகுபத்தி, வதஅப்புத அஹ்லில் வரஇ, வஇர்பான அஹ்லில் இல்மி, ஹத்தா அகாபக்க அல்லாஹும்ம இன்னீ இஸ்அலுக்க மகாபத்தன் தஹ்ஜு ஸுனீ பிஹா அன்மஆஸீக்க ஹத்தா அஃமல பிதா அத்திக்க, அமலன் அஸ்தஹிக்கு பிஹி ரிளாக்க, வஹத்தா உனாஸி ஹக்க பித்தவ்பத்தி ஹவ்பன் மின்க வஹத்தா அஹ்லுஸலக்கன் நஸீஹத்த ஹுப்பன் லக்க வஹத்தா அதவக்கல அலைக்க பில் உமூரி குல்லிஹா ஹுஸ்னளன்னின் பிக்கரி ஸுப்ஹான காலிக்கின் நூர்.)

பொருள்: அல்லாஹ்வே நல்வழியுடையோரின் நல்லுதவியையும், திடநம்பிக்கையுடையொரின் நற்செயலையும், பிராயச்சித்தம் பெற்றவர்களின் நீதி உபதேசத்தையும், பொறுமையுடையோரின் பொறுமையையும், பயபக்தியுடையோரின் முயற்சியையும், ஆசையுடையோரின் தேட்டரவையும் பேணுதல் உடையோரின் வணக்கத்தையும், ஞானவான்களின் ஞான அறிவையும் எனக்கு அருளுமாறு நான் உன்னிடம் கேட்கிறேன். உன்னை நான் பயந்து நடப்பதற்காக! அவ்வாஹ்வே! உன்னுடைய விருப்பத்திற்கு நான் தகுதியுடையவனாக விடக்கூயதும் உனக்கு வழிபடுவது கொண்டு நான் நற்செயலில் ஈடுபடுவதற்காகவும் உள்ள கிரியையையும், உனக்கு மாறு செய்வதை விட்டு என்னைத் தடுக்கக் கூடிய பயபக்தியையும், உன்னைப் பயந்து பிராயசித்தம் கொண்டு உனது உபதேசத்தைப் பெறுவதற்காகவும், உன்னை நேசித்து நல்லுபதேசத்தை உனக்கு உறுதிபடுத்துவதற்காகவும், எக்காரியங்களிலும் நான் உன்பால் பொறுப்புச் சாட்டிவிடுவதற்காகவும், உன்மீது (எனக்கு) நல்லெண்ணத்தையும் தந்தருளுமாறு நான் உன்னிடம் வேண்டுகிறேன். ஓ! ஜோதியைச் சிருஷ்டித்த பரிசுத்தமுடையானே!

ஷhபிஈ மத்ஹபின் படி இது ஒரு முக்கியமான சுன்னத்தாகும். ஒருநாளைக்கு ஒரு தடவையாகிலும் அல்லது வாரத்திற்கு ஒரு தடவையாகிலும் அல்லது மாதத்திற்கு ஒரு தடவையாகிலும் அல்லது வருடத்திற்கு ஒரு தடவையாகிலும் தொழ வேண்டும்.

அவ்வாபீன் தொழுகை: .

மஃரிபுக்கும் இஷாவிற்கும் இடையில் தொழப்படும் தொழுகை. இது குறைந்த பட்சம் 2 ரக்அத்துகள்.அதிகபட்சமாக இருபது ரக்அத்துகள். தொழுகையை இரண்டிரண்டு ரக்அத்துகளாக நிறைவேற்றுவது சாலச் சிறந்தது.

இத்தொழுகை பள்ளயின் காணிக்கைத் தொழுகையைப் போன்று மஃரிபிற்கும், இஹாவிற்கும் இடையில் தொழப்படும் களாவான, பர்ழான, சுன்னத்தான தொழுகைகளைத் தொழுவது கொண்டு நிறைவேறி விடும்.

வித்ரு தொழுகை:

இஷாத் தொழுகைக்குப் பிறகு வித்ரு தொழுவது சுன்னத்தாகும். வித்ரு தொழுவது அனைத்து முஸ்லிம்களுக்கும் அவசியமான ஒன்றாகும் என நபிமொழி கூறுகின்றது. வித்து தொழுகை ரவாதிபான (பர்ளு தொழுகைக்க முன்பின் தொழக் கூடிய) தொழுகையை விட சிறப்பானதாகும். வித்ரு தொழுகையில் குறைந்தது ஒரு ரக்அத் ஆகும். அதிகபட்சம் 11 ரக்அத்துகளாகும்.

வித்ரு தொழுகையை ஒற்றைப்படையாகவே (1,3,7,9,11 என்று)  தொழவேண்டும். ஷாபிஈ மத்ஹப் படி வித்ரை இரண்டுரக்அத்தை தனியாகவும் ஒரு ரக்அத்தை தனியாகவும் தொழ வேண்டும். மூன்று ரக்அத்தை சேர்த்து தொழுவது மக்ரூஹ். ஹனபி மத்ஹபில் மூன்று ரக்அத்தை சேர்த்துதான் தொழ வேண்டும். வித்ரு ஹனபி மத்ஹபில் வாஜிபு.

மூன்ற ரக்அத்துகள் வித்ரு தொழுபவருக்கு முதல் ரக்அத்தில் 'ஸப்பிஹிஸ்ம ரப்பிகல் அஃலா' சூராவையும், 2வது ரக்அத்தில் 'காபிருன' சூராவையும், 3வது ரக்அத்தில் 'அஹது, பலக், நாஸ்'; சூராக்களையும் ஓதுவது சுன்னத்.

Zakat on Shariah- ஜகாத்தின் ஷரீஅத் சட்டங்கள்.

ஜகாத்.

 'இறைநம்பிக்கையாளர்களே! நாம் உங்களுக்குத் தந்ததிலிருந்து செலவளியுங்கள்'-(குர்ஆன் 2:54)

' எந்த செல்வத்திற்கு உங்களைத் தன்னுடைய பிரதிநிதியாக (அல்லாஹ்வாகிய) அவன் ஆக்கினானே அந்தச் செல்வத்திலிருந்து செலவளியுங்கள்' (குர்ஆன் 57:7)

இஸ்லாத்தின் நான்காவது கடiமாயன 'ஜக்காத்' வறியவர்களும் வாழ வேண்டும் என்பதற்காக வல்ல இறைவனால் வகுக்கப்பட்ட வளமையான பொருளாதாரத் திட்டம் ஆகும். 'ஜகாத்' எனும் அரபிச் சொல்லுக்குத் 'தூய்மை படுத்துதல்' என்று பொருள். செல்வந்தர்கள் சேமிக்கும் நிதியிலிருந்து, இரண்டரை சதவீதம் ஏழைகளுக்குகாக வெளளியேற்றப்பட்டாக வேண்டும். இந்த விகிதப்படி செல்வந்தர்கள், ஏழைகளின் உரிமையைத் தம்முடைய உடைமையிலிருந்து வெளியேற்றத் தவறினால் செல்வர்கள் தம்வசம் வைத்திருக்கும் எஞ்சிய 97.5 சதவீதம் நிதியும் தூய்மையை இழந்துவிடுகிறது. இவ்வாறு தூய்மையை இழக்காமல் செல்வந்தர்களின் நிதி முழுவதும் தூய்மையுடன் இருக்க, ஏழைகளுக்கு வழங்கப்படும் இரண்டை சதவீதம் கட்டாயத் த ருமம் துணை செய்வதால் இந்தக் கட்டாயத் தருமத்திற்கு 'ஜகாத்'(தூய்மை படுத்துதல்) என்று வைக்கப்பட்ட பெயர் பொருத்தமாக அமைகிறது.

ஜகாத்தாய் வழங்கிட தகுதிபெறும் பொருட்கள்

1. தங்கம், வெள்ளி அல்லது இவ்விரண்டின் இடத்தை நிரப்பும் 'கரன்சி' நோட்டு போன்ற நாணயங்கள்.
2. வியாபாரப் பொருட்கள்.
3. தானியங்கள் மற்றும் பழவகைகள்.
4. ஆடு, மாடு போன்ற கால்நடைகள்.

ஜகாத் வழங்கக் கடமைபட்டவர்களிடம் இருக்க வேண்டிய நிதியின் அளவு:

1. ஜகாத்து நிதி தங்கமாக இருந்தால், 85 கிராமுக்கு; குறையாத அளவு தங்கத்தை ஒருவருடம் முழுவதும் கைவசம் வைத்திருக்க வேண்டும்.

2. வெள்ளியாக இருந்தால் 595 கிராமுக்கு குறையாத அளவு வெள்ளியை ஒருவருடம் முழுவதும் கைவசம் வைத்திருக்க வேண்டும்.

3. ரூபாய் நோட்டுகளாக இருந்தால் 85 கிராம் தங்கத்தின் அன்றைய மார்க்கட் விலை என்ன? என்ற விபரத்தைத் தெரிந்து, அந்த விலைக்குக் குறையாத அளவு ரூபாயை ஒருவருடம் முழுவதும் கைவசம் வைத்திருக்க வேண்டும்.

4. ஜகாத்து நிதி வியாபாரப் பொருட்களாக இருந்தால், வியாபாரம் தொடங்கிய நாளிலிருந்து ஒருவருடம் நிறைவு பெற்றவுடன், வியாபாரப் பொருட்களின் விலைப்பட்டியல் தயாரிக்க ப்பட வேண்டும். அப்போது மொத்தப் பொருட்களின் விலைமதிப்பு 85 கிராம் தங்கத்தின் விலை மதிப்பை அடைந்து விட்டால் அந்தப் பொருட்களுக்காக  ஜகாத்து கொடுப்பது அவசியம் ஆகும். வியாபாரப் பொருட்கள் ஒருவர், உரிமையாக்கிக் கொண்ட ஆரம்பகட்டத்தில் அவை 85 கிராம் தங்கத்தின் விலை மதிப்பை அடையாமலிருந்தாலும் சரியே, ஒரு வருடத்தின் முடீவில் அவை மேற்கண்ட விலை மதிப்பை அடைந்தால் அதற்கென ஜகாத்து கொடுப்பது அவசியம் ஆகும். வருடத்தின் இடைப்பட்ட நாட்களில் கிடைக்கும் இலாபங்களெல்லாம் மூலதனத்துடன் சேர்க்கப்பட்டு கணிக்கப்படும். எனவே, 25,000 ரூபாய் மூலதனத்துடன் ஒரு வியாபாரத்தை தொடங்கிய ஒருவருக்கு, மாதம் சராசரி 1500 ரூபாய் வருமானம் வந்து கொண்டிருந்ததென்றால், வருட முடிவில் அவருடைய மொத்த இலாபமாகிய 18000 ரூபாயை 25000 ரூபாயுடன் சேர்த்துக் கூட்டும்போது வரும் 42000 ரூபாய் 85 கிராம் தங்கத்தின் விலையைவிட அதிகமானால் இத்தகையவர் ஜகாத்து கொடுக்க கடமைப்பட்டிருக்கிறார்.

5. உணவாக அமைந்து, வழக்கமாக விரும்பி உண்ணப்படும் அரிசி, கோதுமை போன்ற தானியங்களாகவோ, பேரீச்சம் பழமாகவோ, ஜக்காத்துப் பொருட்கள் அமைந்திருந்தால்- அவை உமி, தோல் ஆகியவை நீக்கப்பட்டு சேமிக்கப்படுகிறதா? அல்லது உமி, தோல் ஆகியவை நீக்கப்படாமல் சேமிக்கப்படுகிறதா? என்பதைக் கவனிக்க வேண்டும். உமி, தோல் போன்றவை நீக்கப்பட்டு; சேமிக்கப்பட்டால் அந்தத் தானியம் 900 லிட்டருக்குக் குறையாமல் இருக்க வேண்டும். உமி, தோல் நீக்கப்படாமல் சேமிக்கப்பட்டால் அந்தத் தானியம் 1800 லிட்டருக்குக் குறையாமல் இருக்க வேண்டும். எனவே முதல்வகைத் தானியம் 900 லிட்டருக்குக் குறைவாக  இருந்தாலோ 2-ம் வகைத் தானியம் 1800 லிட்டருக்குக் குறைவாக இருந்தாலோ அந்தத் தானியத்திலிருந்து ஜகாத் வழங்க வேண்டிய அவசியமில்லை.

6. ஜகாத் நிதி ஆடு, மாடு, போன்ற கால்நடையாக இருக்கும் போது, அவற்றிலிருந்து ஜகாத் வழங்குவது அவசியம் ஆக வேண்டுமானால் 40-க்கு குறையாத ஆடுகளையோ அல்லது 30-க்கு குறையாத மாடுகளையோ ஒருவர் பெற்றிருக்க வேண்டும். 40-க்கு குறைவான ஆடுகளைப் பெற்றிருப்பவர்களும், 30-க்கு குறைவான மாடுகளை வைத்திருப்பவர்களும் ஜகாத்து கொடுக்க வேண்டிய அவசியமில்லை.

ஜகாத்தாய் வழங்கிடத் தகுதிபெறும் பொருட்களிலிருந்து, ஜகாத்தின் அளவீடுகள்:

1. தங்கத்திலிருந்து வழங்க வேண்டிய ஜகாத்து 2.5 சதவீதம் ஆகும். எனவே ஜகாத்து கடமையான குறைந்தபட்ச அளவாகிய 85 கிராம் தங்கத்தை வைத்திருப்பவர்கள், அதிலிருந்து 2 கிராம் 125 மி. கிராம் தங்கத்தை ஜக்காத்தாக வழங்க வேண்டும்.

2.வெள்ளியிலிருந்து வழங்கவேண்டிய ஜக்காத்தும் 2.5 சதவீதம் ஆகும். எனவே, ஜகாத்து கடiமாயன குறைந்த பட்ச அளவாகிய 595 கிராம் வெள்ளியை வைத்திருப்பவர்கள் அதிலிருந்து 14 கிராம் 895 மி.கி வெள்ளியை ஜக்காத்தாக கொடுக்க வேண்டும்.

3.ரூபாய் நோட்டுகளிலிருந்து வழங்கவேண்டிய ஜகாத்தும் 2.5 சதவீதம் ஆகும். எனவே ஜகாத்து கடமையான குறைந்தபட்ச அளவாகிய 85 கிராம் தங்கத்தின் விலைமதிப்பு பெற்ற ரூபாயை வைத்திருப்பவர்கள், அதிலிரு:ந்து 2 கிராம் 25 மி.கிராம் தங்கத்தின் விலை மதிப்புள்ள ரூபாயை ஜகாத்தாக வழங்க வேண்டும்.

4. வியாபாரப் பொருட்களிலிருந்து வழங்க வேண்டிய ஜகாத்தும் 2.5 சதவீதம் ஆகும். எனவே ஜக்காத்து கடமையான குறைந்தபட்ச அளவாகிய 85 கிராம் தங்கதத்தின் விலைமதிப்புடைய வியாபாரப் பொருட்களை வருடக் கடைசியில் வைத்திருப்பவர்கள், அதிலிருந்து 2 கிராம் 125 மி.கிராம் தங்கத்தின் விலைமதிப்புள்ள வியாபாரப் பொருட்களின் விலையை ஜகாத்தாக வழங்க வேண்டும்.

5. தானியங்கள் முளைத்து வளர்வதற்காகப் பொருட் செலவின்றி நீர்ப்பாசனம் செய்யப்பட்டால்-(அதாவது, மழை நீரினால் பயிர் முறைத்தல்) அத்தகைய தானியங்களில் 900 லிட்டர் தானியத்தை வைத்திருப்பவர்கள் 90 லிட்டர் (1ஃ10) தானியத்தை ஜக்காத்தாக வழங்க வேண்டும். அதே நேரத்தில் தானியங்கள் முளைப்பதாகப் பொருட் செலவுடன் நீர்ப்பாசனம் செய்யப்பட்டால் (அதாவது பம்பு செட் வைத்து தானியங்களுக்கு நீர்ப்பாய்ச்சினால்) அத்தகைய  தானியங்களில் 900 லிட்டர் தானியத்தை வைத்திருப்பவர்கள் 45 லிட்டர் (1ஃ20) தானியத்தை ஜக்காத்தாக வழங்க வேண்டும்.

6. ஆடுகளிலிருந்து ஜக்காத்து வழங்குபவர்கள் 40 முதல் 120 வரையுள்ள ஆடுகளைக் கைவசம் வைத்திருந்தால் அவற்றிலிருந்து ஒரு ஆட்டையும், 121 முதல் 200 வரையுள்ள ஆடுகளைக் கைவசம் வைத்திருந்தால் அவற்றிலிருந்து 2 ஆடுகளையும், 201 முதல் 39 வரையுள்ள ஆடுகளைக் கைவசம் வைத்திருந்தால் 3 ஆடுகளையும், 400 முதல் 499 வரையுள்ள ஆடுகுளைக் கைவசம் வைத்திருந்தால் 4 ஆடுகளையும் அதற்குமேல் ஒவ்வொரு நூறுக்கும் ஒரு ஆட்டையும் ஜக்காத்தாக வழங்க வேண்டும்.

7. மாடுகளிலிருந்து ஜக்காத்து வழங்குபவர்கள் 30 முதல் 39 வரையுள்ள மாடுகளைக் கைவசம் வைத்திருந்தால், அவற்றிலிருந்து ஒரு வயதுள்ள ஒரு கன்றையும், 4 முதல் 59 வரையுள்ள மாடுகளைக் கைவசம் வைத்திருப்பவர்கள் 2 வயதுள்ள இளம் பசுவையும், 60 மாடுகளைக் கைவசம் வைத்திருப்பவர்கள் ஒர வயதுள்ள 2 கன்றுகளையும், பிறகு ஒவ்வொரு 30 மாடுகளுக்கும் ஒரு வயதுள்ள ஒரு கன்று வீதமும், ஒவ்வொரு 40 மாடுகளுக்கும் 2 வயதுள்ள ஒரு இளம் பசு வீதமும்  ஜக்காத்தாக கொடுக்க வேண்டும். இவற்றில் இரண்டு அளவுகளுக்கு இடைப்பட்ட எண்களுக்கு கணக்குப் பார்க்க வேண்டாம்.

ஜக்காத்துப் பெற்றிட தகுதி வாய்ந்தவர்கள்:

1. எவ்வித வருமானமுமில்லாத பரம ஏழைகள் (பக்கீர்)
2. வருமானத்தை விட செலவினங்கள் விஞ்சிய ஏழைகள் (மிஸ்கீன்)
3. ஜக்காத்து நிதியின் வசூலர்களாக நியமிக்கப்பட்ட ஊழியர்கள்.
4. புதிதாக இஸ்லாத்தை தழுவியவர்கள்.
5. அடிமைகளை விடுதலை செய்தல்
6. கடனில் மூழ்கித் தவிப்பவர்கள்.
7. அல்லாஹ்வின் பாதையில் போர் புரிவோர்.
8. வழிப்போக்கர்கள் ஆகிய எட்டு வகையினர்.

இந்த எட்டுக் கூட்டத்தாரைத் தவிர மற்றவர்களுக்கு கொடுத்தால் ஜக்காத்து செல்லாது.

Taiyamum -தயம்மும்

தயம்மும்

ஒளுச் செய்வதற்காக தூய தண்ணீர் அறவே கிடைக்காதிருந்தால் அல்லது கிடைத்த நீரினால் ஒளுச் செய்யும்போது குடிப்பதற்குத் தண்ணீரின்றி தவிக்கும் நிலை ஏற்படுமென்றிருந்தால் அல்லது தண்ணீர் உளுவின் உறுப்புகளில் படக்கூடாது என்று தேர்ச்சி பெற்ற மருத்துவர்கள் தடை விதித்திருந்தால், உளுச் செய்வதற்குப் பதிலாகப் புழுதி படிந்த தூய மண்ணை நாடி, அம்மண்ணைக் கீழ்கண்ட முறைப்படி முகம், கைகள் ஆகியவற்றில் பூசுவதற்குத் 'தயம்மும்' என்று பெயர்.

தயம்முமின் பர்ளுகள்-4

1. விரல்கள் விரித்து வைக்கப்பட்ட நிலையிலுள்ள இரு முன்னங்கைகளின் உட்புறத்தால்,புழுதி படிந்த மண்ணை பதித்து எடுத்தல்.

2. இவ்வாறு மண்ணை எடுக்கும்போது, தொழுகையை ஆகுமாக்கக் கோருவதாக மனதால் எண்ணுதல்.

(குறிப்பு: சுன்னத் தொழுகைக்கென மட்டும் என்று 'நிய்யத்' செய்து விட்டுச் செய்த தயம்முமால் பர்ளு தொழுவது கூடாது)

3. கைகளில் பதித்து எடுத்த மண்ணைக் கொண்டு முகத்தைத் தடவுதல்.

4. மீண்டும் ஒருமுறைப் பதித்து எடுத்த மண்ணைக் கொண்டு வலது கையையும், ஒடது கையையும் தடவுதல் ஆகியவையாகும்.

தயம்முமின் ஷரத்துகள்-4

1. தொழுகைக்கான நேரம் வந்துவிட்டது' என்ற நம்பிக்கை ஏற்பட்டபின் தயம்மும் செய்தல்.

2.தயம்முமிற்கான மண், ஏற்கனவே தயம்முமிற்கெனப் பயன்படுத்தப் படாததாகவும் கலப்பற்ற தூய்மைய உடையதாகவும் புழுதி படிந்தததாகவும் அமைந்திருத்தல்.

3. உடலில் நஜீஸ் எதுவும் பட்டிருந்தால், அது தயம்முமிற்கு முன்னரே அகற்றப்பட வேண்டும்.

4. ஒளுச் செய்வதற்குத் தடையான சூழல் (தண்ணீர் கிடைக்காமை அல்லது கிடைத்த தண்ணீரைப் பயன்படுத்த முடியாத நோய், காயம் போன்றவை ஏற்பட்டிருத்தல்) உண்டாயிருத்தல் ஆகியவையாகும்.

தயம்முவை முறிப்பவை.

ஒளுவை முறிக்கும் செயல்கள் தயம்முமை முறித்துவிடும். அத்துடன் 'தயம்மும்' செய்தபின் தண்ணீர் கிடைத்துவிடுதல் அல்லது தயம்மும் செய்தபின், 'தண்ணீரைப் பயன்படுத்தலாம்' என்று மருத்துவர் அனுமதி வழங்குதல் ஆகிய காரணங்களால் தயம்மும் முறிந்து விடும்.

Qurbani in the view of Shariah-குர்பானியின் ஷரீஅத் சட்ட விளக்கங்கள்

குர்பானியின் ஷரீஅத் சட்ட விளக்கங்கள்.

தொகுப்பு: சையத் ஷாஹ் வஜீஹுன்னகீ சக்காப் ஷுத்தாரில் காதிரி அவர்கள்

குர்ஆன் கூறுகிறது 'அதன் (குர்பானியின் மாமிசமோ, அல்லது அதன் இரத்தமோ அல்லாஹ்வை சென்றடைவதில்லை. எனினும் உங்களின் தக்வா(பயபக்தி)தான் அவனை சென்றடைகிறது'. –அல்-குர்ஆன் 22:37.

அல்லாஹ் மேலும் கூறுகிறான். 'எனவே நாம் ஒரு மகத்தான பலியைக் கொண்டு அவருக்கு பகரமாக்கினோம்' –அல்-குர்ஆன் 37:107

ஹஜ்ரத் இப்றாகிம் அலைஹிஸ்ஸலாம் அவர்கள் அல்லாஹ் அனுப்பி வைத்த செம்மறி ஆட்டை குர்பானி கொடுத்தார்கள்.                                                                           –தப்ஸீர் குர்துபி

ஹிஜ்ரி 2-ம் வருடம் குர்பானி கடமையாக்கப்பட்டது. ஹனபி மத்ஹபின் படி குர்பானி கொடுத்தல் வாஜிபாகும். இமாம் ஷாபிஈ அவர்களிடத்தில் குர்பானி கொடுத்தல் சுன்னத்தே முஅக்கதாவாகும்.

குர்பானி யார் மீது கடமை?

இமாம் அபூஹனீபா ரலியல்லாஹு அன்ஹு அவர்கள் 'தமது ஊரில் தங்கி இருக்கக் கூடிய வசதியான அடிமைகளாக இல்லாத சுதந்திரமான முஸ்லிம்களின் மீது குர்பானி கொடுத்தல் வாஜிபு' எனக் கூறுகின்றனர்.

குர்பானி கொடுக்கக் கூடிய நபரின் பொருளாதார வசதியை இமாம்கள் 200 திர்ஹம் மாத வருமானம் உள்ளவர்கள் என நிர்ணயிக்கின்றனர்.
                                                              நூல்: அல் பிக்ஹு வல் மதாஹிபில் அர்பஆ.

நபிகள் நாயகம் முஹம்மத் ஸல்லல்லாஹு அலைஹி வஸல்லம் அவர்கள் ஹிஜ்ரத்திற்குப் பின் மதீனாவில் வாழ்ந்த பத்து ஆண்டுகாலமும் குர்பானியை நிறைவேற்றி வந்தனர்.

குர்பானி கொடுப்பவர் 'துல்ஹஜ்மாதம்' பிறை பார்த்ததிலிருந்து  குர்பானி கொடுக்கும் வரை தலைமுடி இறக்குவதோ, முடியை வெட்டுவதோ, நகம் தரிப்பதோ சுடாது.

குர்பானிக்குரிய பிராணிகள்

ஆடு, மாடு, ஒட்டகம் போன்ற பிராணிகளை குர்பானி கொடுத்தல் வேண்டும்.

ஆடு: குர்பானி கொடுக்க மிகச் சிறந்த பிராணி. ஏனெனில் இறைவன் ஹஜ்ரத் நபி இஸ்மாயீல் அலைஹிஸ்ஸலாம் அவர்களுக்குப் பகரமாக ஆட்டைதான் குர்பானியாக கொடுக்கச் சொன்னான் என்பதாக முபஸ்ஸிரீன்களான குர்ஆனின் வியாக்கியானிகள் கூறுகின்றனர்.                    
                                                                                                                                            –ஆதாரம்: தப்ஸீர் குர்துபீ

குர்பானி கொடுக்கப்படும் செம்மறியாடு அல்லது வெள்ளாடு ஒரு வருடம் முழுவதும் பூர்த்தியடைந்ததாக இருத்தல் வேண்டும்.

ஆறுமாத செம்மறியாடு நன்கு கொழுத்ததாக இருந்து அதை ஒரு வருடத்திய ஆடுகளோடு ஒப்பிட்டுப் பார்க்கும்போது ஒரு வருடத்திய ஆடு போல் தெரிந்தால் குர்பானி கொடுக்கலாம்.

வெள்ளாட்டுக்கு கண்டிப்பாக ஒரு வருடம் முழுதும் பூர்த்தியடைந்து இரண்டாம் வருடம் ஆரம்பமாயிருத்தல் மிகவும் அவசியம்.

ஒரு நபருக்கு ஒரு ஆடு என்ற விகிதத்தில் குர்பானி கொடுத்தல் வேண்டும். இயற்கையாகவே கொம்பில்லாத, மோழையாக உள்ள விதையடிக்கப்பட்ட ஆட்டையும் குர்பானியாக கொடுக்கலாம்.
                                                                                                                                     ஆதாரம்: பதாவா ஆலம்கீரி.

மாடு: இரு வருடங்கள் முடிந்து மூன்றாம் வருடம் ஆரம்பமாகியிருத்தல் வேண்டும். எருமையையும் மாடு போன்றே கருதி குர்பானி கொடுக்கலாம்.

ஒட்டகம்: ஐந்து வருடங்கள் முடிந்து ஆறாம் வருடம் ஆரம்பமாயிருத்தல் வேண்டும்.

மாடு, ஒட்டகம் போன்றவற்றில் ஒரே பிராணியை ஏழு நபர்கள் கூட்டாக ஒன்று சேர்ந்து குர்பானி கொடுக்கலாம் இதில் ஒரு நபர் கூட்டில் குறைந்தாலும் குர்பானி நிறைவேறாது.

குர்பானியில் முஸ்தஹப்பான (பேணப்பட வேண்டிய) காரியங்கள்

1. பிராணியை அறுக்கும் போது கிப்லாவை முன்னோக்கி படுக்கச் செய்தல்.

2. குர்பானி கொடுப்பவர் அறுக்கத் தெரிந்திருந்தால் தாமே அறுக்க வேண்டும். இல்லையெனில் அறுக்கத் தெரிந்தவரை அறுக்கச் சொல்லி தாமும் பக்கத்திலேயே இருக்க வேண்டும்.

3. குர்பானி கொடுக்கும் போது மிகக் கூர்மையான கத்தியைக் கொண்டு அறுக்க வேண்டும்.

4. விதையடிக்கப்பட்ட, கொம்புள்ள, நல்ல வயதுள்ள பருமனான கொழுத்த செம்மறிக்கடாவாக இருக்க வேண்டும்.

இறைச்சியை என்ன செய்ய வேண்டும்?

நபிகள் நாயகம் ஸல்லல்லாஹு அலைஹி வஸல்லம் அவர்களின் உம்மத்துக்களான முஃமின்களுக்கு மட்டுமே குர்பானியின் இறைச்சி ஹலாலாக்கப்பட்டுள்ளதுமு. அதிலும் அறுக்கப்பட்ட பிராணியின் இறைச்சியை மூன்று சம பங்குகளாக பிரித்து அதில் முதல் பாகத்தை ஏழைகளுக்கு ஸதகாவாக(தர்மமாக)வும், இரண்டாம் பாகத்தை உறவினர்களுக்கும், நண்பர்களுக்கும், மூன்றாம் பாகத்தை தமக்காகவும் வைத்துக் கொள்ள வேண்டும்.
                                                                                                                                                            ஆதாரம்: ஹிதாயா.

அறுக்கு முன் ஓத வேண்டிய துஆ

இன்னீ வஜ்ஜஹ்த்து வஜ்ஹிய லில்லதீ பத்ரஸ் மாவாத்தி வல் அர்ழ ஹனீஃபன் வமா அன மினல் முஷ்ரிகீன்.

இன்ன ஸலாத்தீ வ நுஸுக்கீ வ மஹ்யாய வ மமாத்தீ லில்லாஹி ரப்பில் ஆலமீன். லாஷரீகலஹு வபி தாலிக்க உமிர்த்து வ அன மினல் முஸ்லிமீன்.

மேற்கண்ட துஆவை ஓதியபின் குர்பானியின் பிராணியை கிப்லாவின் பக்கம் முகம் இருக்குமாறு படுக்க வைத்த அறுப்பவர் 'அல்லாஹும்ம லக வ மின்க பிஸ்மில்லாஹி அல்லாஹு அக்பர்' என்று ஓதியபடியே கூர்மையான கத்தியைக் கொண்டு விரைவாக மூன்று அறுப்பில் அறுத்து முடிக்க வேண்டும்.

பின்னர் அங்கு நின்று கிப்லாவை முன்னோக்கி கைகளை உயர்த்தி கீழ்காணும் துஆவை ஓத வேண்டும்.

அல்லாஹும்ம தகப்பல் மின்னீ கமா தகப்பல்த்த மின் கலீலிக்க ஸையிதினா இப்றாஹிம வ மின் ஹபீபிக்க ஸையிதினா முஹம்மதின் ஸல்லல்லாஹு அலைஹி வ அலா ஆலிஹீ வ அஸ்ஹாபிஹி வ பாரிக் வ ஸல்லிம்.

அடுத்தவருக்காக அறுக்கும்போது,

அல்லாஹும்ம தகப்பல் மின்னீ என்ற இடத்தில் மின் என்று கூறி பின்னர் குர்பானி கொடுப்பவரின் பெயரைக் குறிப்பிட வேண்டும்.

                                                                  ஆதாரம்: பதாவா ஆலம்கீரி, பஹாரே ஷரீஅத்.

குர்பானி கொடுக்கும் நேரம்

ஈதுல் ளுஹாவின் ஹஜ்ஜுப் பெருநாள் அன்று சூரியன் உதயமான நேரத்திலிருந்து குர்பானி கொடுத்தல் துவங்குகிறது.

பெருநாள் தொழுகையை அடுத்து குத்பா ஓதி முடிந்தபின் குர்பானி கொடுத்தல் சிறந்ததாகும்.
                                                                                                                                       நூல்: மிஷ்காத்.

தல்ஹஜ் பிறை 10,11,12 ஆகிய மூன்று நாட்களிலும் குர்பானி கொடுக்கலாம். இதில் குர்பானி கொடுக்க முதல் (பெரு) நாளே சிறந்ததென ஹஜ்ரத் உமர், ஹஜ்ரத் அலீ, ஹஜ்ரத் இப்னு அப்பாஸ் ரலியல்லாஹு அன்ஹும் போன்ற நபித் தோழர்கள் அறிவிக்கின்றனர்.

                                                                                                                                         நூல்: ஹிதாயா.

குர்பானியில் வெறுக்கத்தக்கவை (மக்ரூஹ்)

1. அறுக்கும் போது தலை துண்டாகி விடுதல்.

2. பிராணியை படுக்க வைத்தபின் கத்தியை தீட்டுதல்.

3. கிப்லாவை முன்னோக்கி படுக்க வைக்காமல் அறுத்தல்.

4. அறுக்கப்பட்டபின் உயிர் முழுவதுமாக அடங்குமுன்பே தோலை உரித்தல்.

5. உயிர் நன்கு பிரியுமுன் தலையை ஒடித்தல், துண்டித்தல்.

6. அறுக்கும்போது  தேவையில்லாதவைகளை செய்வதன் மூலம் பிராணிக்கு துன்பம் கொடுத்தல்.

7. ஒரு பிராணிக்கு முன் மற்றொரு  பிராணியை அறுத்தல்.

குர்பானிக்கு தகுதியற்ற பிராணிகள்

குர்பானி கொடுக்கப்படும் பிராணி குருடு, கண்பார்வை குறைந்தது, நடக்க முடியாதது, சொறி பிடித்தது, காது, வால் போன்றவை துண்டிக்கப்பட்டிருத்தல், ஆணுமற்ற பெண்ணுமற்ற பிராணி போன்றவற்றை குர்பானி கொடுத்தல் கூடாது.

                                                                                                                          நூல்: ஹிதாயா, பதாவா ஆலம்கீரி.

இதர மார்க்கச் சட்டங்கள்

ஹஜ்ஜுப் பெருநாள் தொழுகையை குர்பானி கொடுப்பதற்கு வசதியாக சிறிது முற்படுத்திக் கொள்ளல் சிறந்ததாகும்.                                                                      நூல்: பதாவா ஆலம்கீரி.

ஹஜ்ஜுப் பெருநாள் தொழுகையை முற்படுத்தித் தொழுதல் ஷாபிஃ மத்ஹபில் சுன்னத்தாகும்.

                                                                                                                         நூல்: இஆனத்துத் தாலிபீன்

பெருநாள் தொழுகைக்கு செல்லும்போது கண்ணியத்துடன் பார்வை நிலம் நோக்கும் வண்ணம், பார்வையை அங்குமிங்கும் அலைபாய விடக் கூடாது. ஈத்காஹ் சென்று சேரும்வரை தக்பீரை சப்தமாக சொல்லிக் கொண்டு செல்வது சுன்னத்தாகும்.

பெருநாள் தொழுகைக்கு செல்பவர் எதையும் பருகாமலும், அருந்தாமலும் செல்வதுடன் குர்பானி கொடுப்பவர் அதன் இறைச்சியை பெருநாளன்று முதன்முதல் உண்பதும் சுன்னத்தாகும்.

குர்பானிக்காக வாங்கப்பட்ட பிராணி திடீரென இறந்துபோய் விட்டால், அல்லது காணாமல் போய்விட்டால் செல்வந்தராக இருப்பின் அவர் வேறொரு பிராணி வாங்கி குர்பானி கொடுக்க வேண்டும். ஏழையாக இருந்தால் அவர் மாற்று பிராணி வாங்கி குர்பானி கொடுக்க வேண்டியதில்லை.

குர்பானிக்குரிய பிராணி காணாமலோ அல்லது திருட்டு போய் விட்டாலோ அதற்குப் பதிலாக வேறொன்று வாங்கப்பட்டபின் காணாமல் போன அல்லது திருட்டுப் போன பிராணி கிடைத்துவிட்டால் ஏழையாக இருந்தால் அவர் ஒரு பிராணியை மட்டும் அறுத்தால் போதுமானது. செல்வந்தராக இருந்தால் அவர் இரண்டையும் குர்பானி கொடுக்க வேண்டும்.
                                                                                                                              நூல்: ஹிதாயா, பதாவா ஆலம்கீரி.

குர்பானி கொடுப்பவர் ஒரு ஊரிலும், குர்பானியின் பிராணி வேறொரு ஊரிலும் இருந்தால் அவர் எனது குர்பானியை நிறைவேற்றுங்கள் எனத் த கவல் தந்தாலும், குர்பானிக்குரிய பிராணி எந்த ஊரில் உள்ளதோ அங்கு பெருநாள் குத்பா தொழுகை முடிந்ததன் பின்னரே அவருக்காக குர்பானி கொடுக்க வேண்டும்.

குர்பானி கொடுப்பவர் தமது வீட்டிற்கு விருந்துண்ண வருகை தரும் 'காபிர்'களுக்கு உணவளித்தல் உறுதியான கூற்றுப்படி மக்ரூஹ் அல்ல. ஆகுமான செயலே.

அய்யாமுத் தஷ்ரீக் தக்பீர் கூறும் முறை

துல்ஹஜ் மாதம்  9ம் தேதி (அரபாத் நாள்) காலை பஜ்ருதம் தொழுகை முடிந்த நேரத்திலிருந்து 13ம் தேதி அஸர் தொழுகைவரை (23 தொழுகை நேரங்களில்) ஒவ்வொரு வேளையும் பர்ளுத் தொழுகைக்குப் பின் தக்பீர் சொல்ல வேண்டும். இது ஹனபி மத்ஹபில் வாஜிபும் ஷாஃபி மத்ஹபில் சுன்னத்துமாகும்.

குர்பானித் தோல்களையோ அல்லது அதன் கிரையத்தையோ மார்க்க கல்வியை போதிக்கும் மத்ரஸாக்களுக்கு கொடுத்தல் மிகச் சிறந்ததாகும். தோலை விற்று அதன் கிரயத்தை தாமே வைத்துக் கொள்வதோ அல்லது கூலிக்குப் பகரமாகக் கொடுப்பதோ கூடாது.

                                                                                                       நூல்: மஸாயிலே ரஸாயில்.

முற்றும்.