ஜியாரத்தின் போது அண்ணலாரின் சிறப்புறு கப்று ஷரீஃபை முன்னோக்கலாமா?

ஜியாரத்தின் போது அண்ணலாரின் சிறப்புறு கப்று ஷரீஃபை முன்னோக்கலாமா?

கேள்வி:

அண்ணலார் ஸல்லல்லாஹு அலைஹி வஸல்லம் அவர்களின் மண்ணறையை ஸியாரத் செய்கிறபோது கிப்லாவை முன்னோக்கி நின்றுதான் நாடியவற்றை இறைவனிடம் கேட்பது சுன்னத்தா? அல்லது முதுகை கிப்லாவின் பக்கம் ஆக்கி மண்றையை முன்னோக்கி நின்று துஆ செய்வது சுன்னத்தா?

பதில் சொல்பவர்: (ராபிதத்துல் ஆலமில் இஸ்லாமி என்ற அமைப்பின் அடிப்படை உறுப்பினரும், முன்னாள் எகிப்து முப்தியுமான பெரியார் ஹுஸைன் முஹம்மது மக்லூப் அவர்கள்)

மாலிக் ரலியல்லாஹு அன்ஹு அவர்களின் ராவிகளில் ஒருவரான இப்னு ஹமீது என்பவர் மூலமாக கிதாபுஷ்ஷிபா என்ற நூலில் காழி இயாழ் அறிவிக்கிறார்கள்:

அபூஜஃபர் மன்ஸூர் நாழிர் என்பார் பெருமானாருடைய பள்ளிவாசலை பரிபாலனம் செய்து வந்தார். அவருக்கு மாலிக் ரஹ்மத்துல்லாஹி அலைஹி அவர்கள் சொன்னார்கள், 'அமீருல் முஃமினீன்! இந்த பள்ளிவாசலில் உமது சப்தத்தை உயர்த்த வேண்டாம். ஏனெனில் அல்லாஹ் ஒரு கூட்டத்துக்கு ஒழுக்கத்தை கற்றுக் கொடுக்கும்முகமாக இவ்வாறு கூறுகின்றான், நபி ஸல்லல்லாஹு அலைஹி வஸல்லம் அவர்களுடைய சப்தத்தை விட உங்களுடைய சப்தத்தை உயர்த்த வேண்டாம். உங்களில் சிலர், சிலரிடம் சப்தமிட்டுப் பேசுவதைப் போன்று அண்ணலாரிடம் சப்தமுயர்த்திப் பேச வேண்டாம். அப்படிச் செய்தால் உங்கள் அமல்கள் அழிந்து விடும். அதனை நீங்கள் அறிந்து கொள்ள மாட்டீர்கள்' (அல்-குர்ஆன் 49:2) என்றும்,

ஒரு கூட்டத்தினரை புகழும்முகமாக இறைவன், 'நிச்சயமாக எவர் அல்லாஹ்வுடைய தூதரின் முன் மரியதைக்காக தங்களது குரலைத் தாழ்த்திக் கொள்கின்றனரோ அத்தகையோருடைய இதயங்களை பரிசுத்தப்படுத்துவதற்காக இறைவன் சோதனை செய்தான். அவர்களுக்கு மன்னிப்பும், மகத்தான கூலியும் உண்டு' (அல்-குர்ஆன் 49:3) என்றும்,

ஒரு கூட்டத்தினரை இகழ்வதற்காக இறைவன், 'எவர்கள் உம்மை தங்களது அறைகளுக்குப் பின் நின்று உரக்கக் கூவி அழைக்கின்றாரோ அவர்களில் பெரும்பான்மையோர் அறிவில்லாதவர்களே!'(49:4) என்றும் கூறுகின்றான்.

நிச்சயமாக அவர்கள் மறைந்த பின்னர் கொடுக்கப்படக் கூடிய மரியதை, கண்ணியம் அன்னார் உயிரோடிருக்கும் போது அவர்களுக்குக் கொடுக்கக் கூடிய கண்ணியத்தையும், மரியாதைiயும் போன்றதே! (என மாலிக் ரஹ்மத்துல்லாஹி அலைஹி அவர்கள் கூறினார்கள்)

அதற்கு அபூஜஃபர், அபூ அப்துல்லாஹ்! கிப்லாவை முன்னோக்கிநின்று நான் ஜியாரத் செய்தபின் துஆ செய்யட்டுமா? அல்லது ரஸூல் ஸல்லல்லாஹு அலைஹி வஸல்லம் அவர்களை முன்னோக்கி நிற்கட்டுமா? எனக் கேட்க,

மாலிக் அவர்கள் சொன்னார்கள், 'உனது முகத்தை அண்ணலார் ஸல்லல்லாஹு அலைஹி வஸல்லம் அவர்களைவிட்டுத் திருப்பாதே! அன்னார் மறுமையில் இறைவனிடத்து உனக்கு வஸீலாவாக இருக்கிறார்கள். உனது தந்தை ஆதமுக்கும் வஸீலாவாக இருக்கிறார்கள். அவர்களையே நீ முன்னோக்கு! அவர்களைக் கொண்டே ஷபாஅத் தேடு! அல்லாஹ் உமது விஷயத்தில் அண்ணலாரைக் கொண்டே ஷபாஅத் அருள்வான். இறைவன் கூறுகிறான்: 'அவர்கள் தமக்குத்தாமே தீங்கிழைத்துக் கொண்ட நேரத்தில் உம்மிடம் வந்து அல்லாஹ்விடம் பாவமன்னிப்பு தேடி, ரஸூலும் அவர்களுக்காக பாவமன்னிப்புத் தேடினால் அல்லாஹ்வை பிழை பொறுப்போனாகவும், அன்டீடையோனுமாகவும் பெற்றுக் கொள்வார்கள். (4:64)'

ஷிஹாபுல் கிபாஜி தமது நூலில் கூறுகிறார், ஸலாம் சொல்வதற்காகவும், துஆச் செய்வதற்காகவும் அண்லாரின் புனித கப்ரை முன்னோக்குதலே விரும்பத்தக்கது என்பது இமாம் மாலிக், அஹ்மது, ஷாபிஈ ரலியல்லாஹு அன்ஹும் ஆகியோர்களின் மத்ஹபாகும். அவர்களுடைய நூற்களில் இதுகுறித்து தெளிவாகக் கூறப்பட்டுள்ளது. இமாம் நவவி ரஹ்மத்துல்லாஹி அவர்கள் தமது அத்கார், ஈளாஹ் எனும் நூற்களில் இது குறித்து தெளிவுபடுத்தியுள்ளார்கள்.

ஷாபிஈ ரலியல்லாஹு அன்ஹு அவர்களிடமிருந்து இமாம் சுப்கீ ரஹ்மத்துல்லாஹி அலைஹி அவர்கள் சொல்கிறார்கள் '(ஸியாரத் செய்கிறபோது) கப்றுஷரீபை முன்னோக்கி, கிப்லாவை பின்னோக்கி கப்றின் தலைபகுதிக்கு 4 அடி தூரத்தில் நின்று நபி ஸல்லல்லாஹு அலைஹி வஸல்லம் அவர்களுக்கும், சற்று அகன்று அபூபக்கர் ரலியல்லாஹு அன்ஹு அவர்களுக்கும், பின்னர் உமர் ரலியல்லாஹு அன்ஹு அவர்களுக்கும் ஸலாமுரைத்துவிட்டு முதலில் நின்ற இடத்திற்கு வந்து கப்றை முன்னோக்கி தான் நாடியவைகளை துஆ செய்வான்!'

இவ்வாறே இமாம் அபூஹனீபா ரலியல்லாஹு அன்ஹு அவர்களின் மத்ஹபிலும் காணப்படுகிறது. பத்ஹுல் கதீர் என்ற நூலிலிருந்து கமால் அவர்களும் இவ்வாறே எடுத்துரைக்கிறர்கள். பதாவா ஹிந்திய்யா (பதாவா ஆலம்கீரி)விலும் இப்படித்தான் பதிவு செய்யப்பட்டுள்ளது.

லைஸ் ரஹ்மத்துல்லாஹி அவர்களும், இப்னு தைமிய்யாவும் துஆ ஓதும்போது கிப்லாவை முன்னோக்க வேண்டுமென்கின்றனர். ஆனால் காழி இயாழ் ரஹ்மத்துல்லாஹி அலைஹி அவர்கள் போன்ற மார்க்க மேதைகள் இதனை ஏற்றுக் கொள்ளவில்லை. அல்லாஹ் மிக அறிந்தவன்.

(பதாவா ஷர்இய்யா வ புஹூதுல் இஸ்லாமிய்யா ஹுஸ்னைன் மக்லூப்)

வஹ்ஹாபியக் கொள்கையில் ஊறித் திளைத்த ராபிதாவின் அடிப்படை உறுப்பினர் ஒருவர் அண்ணலார் ஸல்லல்லாஹு அலைஹி வஸல்லம் அவர்கள் நமக்கும், நம் ஆதித்தந்தை ஆதம் அலைஹிஸ்ஸலாம் அவர்களுக்கும் வஸீலாவாக அமைந்துள்ளனர் என்பதை ஏற்பதோடு, தமது பத்வாவிற்கு ஆதாரமாக இமாம்களுடையவும், அவர்களது மத்ஹபுகளை பின்பற்றிய அறிஞர்களின் கருத்துக்களையும் எடுத்தாள்கிறார். இந்தியப் பெருநாட்டின் அரபியல்லாதார்களால் தொகுக்கப்பட்ட பதாவா ஆலம்கீரியை ஆயிரக்கணக்கான மைல்களுக்கு அப்பாலுள்ள அரபி மேற்கோளுக்காக எடுத்தாள்கிறார்.

தகவல்: அக்பாருல் ஆலமில் இஸ்லாமி என்ற  சவூதி வாரப்பத்திரிகை
ஹிஜ்ரி 1407 ரபியுல் அவ்வல் 15 திங்கட்கிழமை, பக்கம் 10
.

நன்றி: வஸீலா  ஏப்ரல் 1987

Ashura Dua-ஆஷூரா துஆ பொருளுடன்.

Dua' Ashura

O Muslims remember that Allahu ta ala has given you tawfiq in that you start the New Year with Muharram ul Haraam and Allahu ta has given some special favors in this month. Several ahadith have been transmitted about the fadhaail [benefits] of this month. In one hadith Sayyidina Rasuli Akram Sall Allahu alaihi wa Aalihi wa Sallim has said that the best sawm [fast] after the month of Ramadhan is the sawm of Muharram. And the best salaat after fardh salaat is Salaatul Tahajjud. Rasulullah Sall Allahu alaihi wa Aalihi wa Sallim has said that whoever fasts the first day of Muharram and the last day of Dhul Hijjah, he has started the New Year with fasting and has spent the last year fasting. These two fasts will nullify the sins of the past fifty [50] years.

The Tenth of Muharram is called Yawmul Ashura. There a many barakah in fasting on this day. In the beginning this fast was fardh [mandatory] on the Muslims. Sayyidina Rasuli Akram Sall Allahu alaihi wa Aalihi wa Sallim ordered to fast on this particular day. When Allahu ta 'ala made fasting the month of Ramadhan fardh, the fast of Muharram became nafl [optional]. Hazrat Ibn 'Abaas Rathi Allahu ta 'ala anh says that Rasulullah Sall Allahu alaihi wa Aalihi wa Sallim said: "There is no superiority of fasting on any particular day over another except the fasting during the month of Ramadhan and on the Tenth of Muharram."

It is Mustahaab [highly meritorious] to fast on the ninth and tenth of Muharram. Some 'Ulama [True Islamic Scholars] have said that fasting only on the Tenth of Muharram is makruh [frowned uponblameworthy] because it is like the fast of the Yahudi [Jews]. If he fast on the eleventh it is better. One should engage in 'Ibaadah on the night of Ashura. He will receive much thawaab from it. One should recite Dua Ashura on the Tenth of Muharram having taken a ghusl [complete bath rinsing mouth and nose in the process] the day before. He should recite four nawaafil rakaats with one niyyat [intentions]. In every rakaat, after Al Hamd Sharif [Suratul Fatihah] , he should recite Suratul Ikhlaas fifteen times and after taslim [salaams] he should recite this Dua ten times.

The thaawaab of the salaat [esaale sawaab] should be sent on the arwaah [souls] of Sayyidayn wa Shaahidayn Imaams Hazrat Hasan and Hazrat Hussayn Ridhwaan Allahu ta 'ala alaihim ajma'een. It will bring the reciter a lot of thawaab as well. Because of the reciter having done this, Sayyidayn wa Shahidayn wa Imamayn Hassan and Husayn will do Shifaa [intercede] for him on the Day of Judgement. The adaab of this particular day is to make ghusl, fast and break fast, make salaat, make Dua', visit the sick, be kind to orphans and make peace between to disputants.

One should cry from fear of Allah, use kohl, give lots of food to the family, put on some attar, guide people who have gone astray. To recite Qur'an Sharif, to recite Kalima Tamjeed seventy [70] times. One should visit the Qabrastan [cemetery], met with friend and relatives, serve parents and abstain from family relationship with the spouse.

 

ஆஷூரா பெயர் விளக்கம்.

ஹிப்ரு மொழியைச் சார்ந்த இச்சொல்லின் பொருள் பத்தாவது நாள் என்பதாகும். யூதர்களின் 'திஷ்ரி' மாதத்தின் பத்தாம் நாளிற்கு இந்தப் பெயர் இருந்தது. யூதர்களின் 'திஷ்ரி' மாதம் பத்தாம் நாளிற்கு இந்தப் பெயர் இருந்தது. யூதர்களின் 'திஷ்ரி; மாதம் பத்தாம் நாளும், அரபிகளின் 'முஹர்ரம்' மாதம் பத்தாம் நாளும் இணையாக வருவதாகும்.

அல்லாஹ் குறிப்பிட்ட நாளிலேயே அடுத்தடுத்துத் தன் பத்துக் கற்பனைகளை வெளிப்படுத்தியதால் 'ஆஷூரா' நாள் என்று பெயர் பெற்றதாக மெய்நிலை கண்ட ஞானி முஹிய்யத்தீன் அப்துல் காதிர் ஜீலானி ரலியல்லாஹு அன்ஹு அவர்கள் கீழ்கண்டபடி அறிவிக்கிறார்கள்.

1. ஹள்ரத் ஆதம் அலைஹிஸ்ஸலாம் அவர்களின் நீண்டகால பச்சாதாப வேண்டுகோள் ஏற்கப்பட்டதும்,

2. ஹள்ரத் இத்ரீஸ் அலைஹிஸ்ஸலாம் அவர்களுக்கு சுவனப் பெருவாழ்வு கிட்டியதும்,

3. ஆறு மாத காலம் பிரளயத்தில் சிக்குண்டு தவித்த ஹள்ரத் நூஹ் அலைஹிஸ்ஸலாம் அவர்களின் மரக்கலம் ஜூதி மலை ஓரம் ஒதுங்கியதும்,

4. ஹள்ரத் இபுறாகீம் அலைஹிஸ்ஸலாம் பிறந்ததும், அல்லாஹ் அவர்களைத் தன் கலீபாவாக ஏற்றதும், நம்ரூதுடைய நெருப்புக் குண்டம் அவர்களுக்குச் சுவனப் பூங்காவாக மலர்ந்ததும்,

5. ஹள்ரத் தாவூத் அலைஹிஸ்ஸலாம் பிழை பொறுக்கப்பட்டதும்,

6. ஹள்ரத் சுலைமான் அலைஹிஸ்ஸலாம் அவர்கள் இழந்த ஆட்சியை மீண்டும் அடையப் பெற்றதும்,

7. சோதனை வயப்பட்ட ஹள்ரத் அய்யூப் அலைஹிஸ்ஸலாம் அவர்கள் பிணிகள் அனைத்தும் நீங்கி நலம் பெற்றதும்,

8. ஹள்ரத் மூசா அலைஹிஸ்ஸலாம் அவர்களையும் அவர்களது சமூகத்தைச் சார்ந்த பனீ இஸ்ராயீல்களையும் கொடுங்கோலன் பிர் அவ்னது பிடியிலிருந்து விடுவிப்பதற்காக கடல் பிளந்து அவர்களை விடுவித்ததும், அவர்களை பின்தொடர்ந்து சென்ற பிர்அவ்னும் அவனது பெரும்படையும் அதே கடல் நீரில் மூழ்கியதும்,

9. கடலின் ஆழத்தில் கடும் இருட்டில் மீனின் வயிற்றில் நாற்பது நாட்கள் கிடந்து அழுது புலம்பிய ஹள்ரத் யூனுஸ் அலைஹிஸ்ஸலாம் மீண்டும் மீனின் வயிற்றிலிருந்து வெளியானதும்,

10 கொலையாளிகளிடமிருந்து ஹள்ரத் ஈசா அலைஹிஸ்ஸலாம் அவர்களைக் காத்ததும் இந்தப் புனிதமான பத்தாவது நாளாகிய ஆஷூராவுடைய நாளிலாகும்.

இம்மாதம் பத்தாம் நாளில்தான் கர்பலா என்ற நகரில் பெருமானாரின் பேரரான இமாம் ஹுஸைன் ரலியல்லாஹு அன்ஹு அவர்கள் ஜனநாயகத்திற்காக நடந்த போரில் ஷஹீதாக்கப்பட்டார்கள்.

ஆஷூரா தினம் அன்று செய்ய வேண்டிய அமல்கள்

அஷூரா நாளுக்கு முன்தினம் பிறை 9> ஆஷூரா நாள் பிறை10 அல்லது பிறை 10 மற்றும் பிறை 11 ஆகிய இரு தினங்கள் நோன்பு வைப்பது சுன்னத்தாக்கப்பட்டுள்ளது.

யாராவது ஒரு மனிதர் ஆஷூரா தினத்தில் பின்வரும் திக்ரை 70 தரமும் அதன் கீழ் தரப்படும் துஆவை ஏழுதரமும் ஓதினால் அவருக்கு அந்த வருடம் முழுவதும் மரணம் சம்பவிக்காது என்று அறிவிக்கப்பட்டிருக்கிறது.

بِسْمِ اللهِ الرَّحْمٰنِ الرَّحِيْمِ

حَسْبِيَ اللهُ وَنِعْمَ الْوَكِيْلُ نِعْمَ الْمَوْلٰى وَنِعْمَ النَّصِيْرُ 70 

ஆஷூரா துஆ பொருளுடன்.

بِسْمِ اللهِ الرَّحْمٰنِ الرَّحِيْمِؕ

اَللّٰهُمَّ يَاقَابِلَ تَوْبَةِ اٰدَمَ يَوْمَ عَاشُوْرَاء ،

ஆஷூரா நாளன்று ஆதம் அலைஹிஸ்ஸலாம் அவர்களுடைய தவ்பாவை ஏற்று அங்கீகரித்த  நாயனே! 

وَياَرَافِعَ اِدْرِيْسَ  اِلَى السَّمَاءِ يَوْمَ عَاشُوْرَاءَ ،

ஆஷூரா நாளன்று இத்ரீஸ் அலைஹிஸ்ஸலாம் அவர்களை வானத்தளவில் உயர்த்திய நாயனே!

وَيَامُسَكِّنَ سَفِيْنَةَ نُوْحٍ عَلَى الْجُوْدِيِّ  يَوْمَ عَاشُوْرَاءَ ،

ஆஷூரா நாளன்று நபி நூஹு அலைஹிஸ்ஸலாம் அவர்களுடைய கப்பலை பாதுகாவலுடன் ஜூதி மலைக்கு மேல் நிம்மதியுடன் தரிபடுத்தி வைத்த நாயனே!

وَيَامُنَجِّيَ اِبْرَاهِيْمَ مِنْ نَارِ نَمْرُوْدَ يَوْمَ عَاشُوْرَاءَ ،

ஆஷூரா நாளன்று நம்ரூதுடைய நெருப்பை விட்டும் இப்றாஹிம் அலைஹிஸ்ஸலாம் அவர்களை ஈடேற்றமாக்கி வைத்த நாயனே!

وَيَاجَامِعَ شَمْلِ يَعْقُوْبَ يَوْمَ عَاشُوْرَاءَ ،

ஆஷூரா நாளன்று யஃகூப் அலைஹிஸ்ஸலாம் அவர்களை அவர்கள் கூட்டம், குடும்பத்தினருடன் ஓன்று சேர்த்த நாயனே!

وَيَاكَاشِفَ الضُّرِّ اَيُّوْبَ يَوْمَ عَاشُوْرَاءَ ،

ஆஷூரா நாளன்று ஐயூப் அலைஹிஸ்ஸலாம் அவர்களுக்கு பிணி நோய்களை முற்றாக நீக்கிய நாயனே!

وَيَا فَارِجَ كُرْبَةِ ذِى النُّوْنِ يُوْنُسَ يَوْمَ عَاشُوْرَاءَ ،

ஆஷூரா நாளன்று யூனூஸ் அலைஹிஸ்ஸலாம் அவர்களை நூன் என்ற மீனுடைய வயிற்றிலிருந்து வெளிப்படுத்தி சங்கடங்களையெல்லாம் நீக்கி சந்தோஷ வாழ்வை கொடுத்த நாயனே!

وَيَاغَافِرَ ذَنْبِ دَأُوْدَ يَوْمَ عَاشُوْرَاءَ ،

ஆஷூரா நாளன்று தாவூது அலைஹிஸ்ஸலாம் அவர்களது பாவங்களை பொறுத்தருளிய நாயனே!

وَيَاسَامِعَ دَعْوَةِ مُوْسٰى وَهَارُوْنَ يَوْمَ عَاشُوْرَاءَ ،

ஆஷூரா நாளன்று மூஸா அலைஹிஸ்ஸலாம் அவர்களுடைய துஆவையும் நபி ஹாரூன் அலைஹிஸ்ஸலாம் அவர்களுடைய துஆவையும் அங்கீகரித்து அருள் புரிந்த நாயனே!

وَيَازَائِدَ الْخِضْرِ فِي عِلْمِ يَوْمَ عَاشُوْرَاءَ ،

ஆஷூரா நாளன்று நபி கிலுரு  அலைஹிஸ்ஸலாம் அவர்களுக்கு அகமிய மெஞ்ஞான அறிவுகளை அதிகமாக அளித்து அருள் புரிந்த நாயனே!

وَيَارَافِعَ عِيْسَى بْنِ مَرْيَمَ اِلٰى السَّمَاءِ يَوْمَ عَاشُوْرَاءَ ،

ஆஷூரா நாளன்று மர்யம் அலைஹிஸ்ஸலாம் அவர்களது குமாரர் ஈஸா அலைஹிஸ்ஸலாம் அவர்களை வானத்தளவில் உயர்த்திய நாயனே!

وَيَانَاصِرَ مُحَمَّدٍ صَلَّى اللهُ عَلَيْهِ وَسَلَّمَ يَوْمَ عَاشُوْرَاءَ ،

ஆஷூரா நாளன்று எம்பெருமானார் முஹம்மது முஸ்தபா ஸல்லல்லாஹு அலைஹி வஸல்லம் அவர்களுக்கு மிகச் சிறப்புடன் உதவிகள் அளித்த நாயனே!

وَيَاخَالِقَ الْجَنَّةِ وَالنَّارِ يَوْمَ عَاشُوْرَاءَ ،

ஆஷூரா நாளன்று சுவர்க்கத்தையும், நரகத்தையும் படைத்த நாயனே!

وَيَامُنَزِّلَ التَّوْرٰلةِ وَالزَّبُوْرِ وَالْاِنْجِيْلِ وَالْفُرْقَانِ الْعَظِيْمِ يَوْمَ عَاشُوْرَاءَ ،

ஆஷூரா நாளன்று தவ்ராத், ஜபூர், இன்ஜீல், மகத்துவமிக்க புர்கான் வேதங்களை இறக்கியருளிய நாயனே!

وَيَاخَالِقَ جِبْرِيْلَ وَمِيْكَائِيْلَ وَاِسْرَافِيْلَ وَعِزْرَائِيْلَ يَوْمَ عَاشُوْرَاءَ ،

ஆஷூரா நாளன்று ஜிப்ரயீல், மீகாயீல், இஸ்ராயீல், இஸ்ராபீல் அலைஹிஸ்ஸலாம் ஆகியோர்களை படைத்த நாயனே!

وَيَاخَالِقَ الْعَرْشِ وَالْكُرْسِيِّ وَالَّوْحِ وَالْقَلَمِ يَوْمَ عَاشُوْرَاءَ ،

ஆஷூரா நாளன்று  அர்ஷையும், குர்ஸியையும், லவ்ஹையும், கலமையும் படைத்த நாயனே!

وَيَاخَالِقَ الشَمْسِ وَالْقَمَرِ وَالنُّجُوْمِ يَوْمَ عَاشُوْرَاءَ ،

ஆஷூரா நாளன்று  சூரியனையும், சந்திரனையும், நட்சத்திரங்களையும் படைத்த நாயனே

وَيَاخَالِقَ السَّمٰوٰتِ السَّبْعِ وَالْاَرْضِيْنَ السَّبْعِ يَوْمَ عَاشُوْرَاءَ ،

ஆஷூரா நாளன்று ஏழு வானம், ஏழு பூமிகளை படைத்த நாயனே!

اِقْضِ لَنَا الْحَاجَاتِ يَاقَاضِيَ الْحَاجَاتِ وَادْفَعْ عَنَّا السَّيِّأٰتِ وَالْبَلِيَّاتِ وَسَلِّمْنَا مِنْ اٰفَاتِ الدُّنْيَا وَفِتْنَيِهَا وَبَلَائِهَا وَوَبَائِهَا وَمُصِيْبَاتِهَا وَاَسْقَامِهَا وَشِدَّتِهَا وَفَقْرِهَا وَمِنْ اٰفَاتِ الْاٰخِرَةِ وَعَذَابِهَا وَاَهْوَالِهَا بِحُرْمَةِ سَيِّدِ التَّقَلَيْنِ وَرَسُوْلِ الْكَوْنَيْنِ مُحَمَّدِنِ الْمُصْطَفٰى خَاتَمِ النَّبِيِّيْنَ يَاحَيُّ يَاقَيُّوْمُ يَاذَالْجَلَالِ وَالْاِكْرَامِ يَامَالِكَ يَوْمَ الدِّيْنِ اِيَّاكَ نَعْبُدُ وَاِيَّاكَ نَسْتَعِيْنُ وَبِحُرْمَةِ السَّيِّدَيْنِ الشَّهِيْدَيْنِ اَبِى مُحَمَّدِنِ الْحَسَنِ وَاَبِى عَبْدِاللهِ الْحُسَيْنِ اَللّٰهُمَّ زٍدْهُمَا تَعْظِيْمًا وَتَكْرِيْمًا . وَصَلَّى اللهُ وَسَلَّمَ وَبَارَكَ عَلَى خَيْرِ خَلْقِهِ سَيِّدِنَا مُحَمَّدٍ وَاٰلِهِ وَصَحْبِهِ اَجْمَعِيْنَ وَالْحَمْدُ لِلهِ رَبِّ الْعَالَمِيْنَ .

நாட்டங்கள் அனைத்தையும் நிறைவேற்றித் தரக்கூடிய வல்லமை மிக்க நாயனே! கிருபையுள்ள அல்லாஹ்வே! எங்களுடைய நாட்ட தேட்டங்கள் அனைத்தையும் நிறைவேற்றித் தருவாயாக! தீமைகள், பொல்லாங்குகள் அனைத்தையும் அகற்றி நிவர்த்தி செய்கின்ற நாயனே! எங்கள் தீமைகளையும், பொல்லாங்குகளையும் நிவர்த்தி செய்தருள் புரிவாயாக! மேலும் இவ்வுலகத்தின் ஆபத்து, தீங்குகளை விட்டும், பயங்கரச் சோதனைகளை விட்டும், பலாய் முஸீபத்துகளை விட்டும், பீடை, பிணி, வியாதிகளை விட்டும் எங்களை காப்பாற்றியருள்வாயாக! மேலும் மறு உலக வாழ்வின் பயங்கரங்களை, அபாயங்களை, தண்டனைகளை, அமளிகளை விட்டும் எங்களை பாதுகாத்து கொள்வாயாக! என்றென்றும் நிலைத்திருப்பவனே! மகத்துவம் மிக்கவனே! சங்கைமிக்க தயாபரனே! தீர்ப்பு நாளின் அதிபதியே! உன்னையே வணங்குகிறோம். உன்னிடமே உதவி தேடுகிறோம். எங்கள் இந்த துஆக்கள் அனைத்தையும் இரு லோகத்திற்கும் சர்தாரும், ஈருலக இரட்சகரும், அனைத்துலகுக்கும் அருட்கொடையாக வந்துதித்த ரஸூல்மார்களுக்கெல்லாம் தலைவரும், நபிமார்களுக்கெல்லாம் அதிபதியும், நபிமார்களில் முத்திராங்கமாகத் தோன்றிய எம்பெருமானார் முஹம்மது ஸல்லல்லாஹு அலைஹி வஸல்லம் அவர்கள் பொருட்டினாலும், அவர்களுடைய அருந்திருப்பேரர்கள், ஷஹீதுக்கெல்லாம் தலைவராகிய இமாம் ஹுஸைன், இமாம் ஹஸன் ரலியல்லாஹு அன்ஹுமா அவர்களின் பொருட்டினாலும் நீ கிருபையுடன் கபூல் செய்து ஏற்றுக் கொள்வாயாக! அங்கீகரிப்பாயாக! இறைவா! எங்கள் நபி முஹம்மது ஸல்லல்லாஹு அலைஹி வஸல்லம் அவர்களுடைய இரு கண்மணிகளான அவ்விரு பேரர்களையும் மேலும் சிறப்பாக்கி , கண்ணியப்படுத்தி வைப்பாயாக! ஆமீன்.

ஆஷூரா நாள் தொழுகை

முஹர்ரம் மாதம் பத்தாம் நாளன்று குளித்து சுத்தமான பின்னர் காலை பத்து மணி முதல் பதினோறு மணிக்குள்ளாக நான்கு ரக்அத் நபில் தொழ வேண்டும். ஒவ்வொரு ரக்அத்திலும் அல்ஹம்து ஸூரா ஓதிய பின்னர் குல்ஹுவல்லாஹு அஹது சூராவை பதினைந்து தடவை ஓதித் தொழ வேண்டும். தொழுத பின்னர் பாத்திஹா கூறி> சூராக்கள் ஓதி இந்த துஆ ஆஷூராவை ஓத வேண்டும். இதன் தவாபு அனைத்தையும் செய்யிதினா இமாம் ஹஸன்> செய்யிதினா இமாம் ஹுஸைன் ரலியல்லாஹு அன்ஹுமா ஆகிய இருவருக்கும் ஹதியாச் செய்ய வேண்டும். (அன்று தஸ்பீஹ் நபில் தொழுகையையும் தொழுது பெரும் நன்மை ஈட்டலாம்)

பிறகு பின்னவரும் துஆவை 7 தடவை ஓதிக் கொள்ள வேண்டும்.

سُبْحَانَ اللهِ مِلْأَ الْمِيْزَانِ وَمُنْتَهَى الْعِلْمِ وَمَبْلَغَ الرِّضٰى وَزِنَةَ الْعَرْشِ        ۝ لَامَلْجَأَ وَلَا مَنْجَأَ مِنَ اللهِ اِلَّا اِلَيْهِ   ۝سُبْحَانَ اللهِ عَدَدَ الشَّفْعِ وَالْوَتْرِ وَعَدَدَ كَلِمَاتِ اللهِ التَّامَّآتِ كُلِّهَا، اَسْئَلُكَ السَّلَامَةَ بِرَحْمَتِكَ يَااَرْحَمَ الرَّاحِمِيْنَ        ۝ وَلَاحَوْلَ وَلَاقُوَّةَ اِلَّا بِاللهِ الْعَلِيِّ الْعَظِيْمِ        ۝ وَهُوَ حَسْبِيْ وَنِعْمَ الْوَكِيْلُ نِعْمَ الْمَوْلٰى وَنِعْمَ النَّصِيْرُ        ۝ اَللّٰهُمَّ اِنِّىْ اَسْئَلُكَ بِحَقِّ الْحَسَنِ وَجَدِّهِ وَاُمِّهِ وَاَبِيْهِ وَاَخِيْهِ وَبَنِيْهِ ،فَرِّجْ عَنِّيْ مَا اَنَا فِيْهِ بِرَحْمَتِكَ يَااَرْحَمَ الرَّاحِمِيْنَ         ۝ وَصَلَّى اللهُ عَلٰى خَيْرِ خَلْقِهِ سَيِّدِنَا مُحَمَّدٍ وَعَلٰى اٰلِهِ وَصَحْبِهِ وَسَلَّمَ        ۝ وَالْحَمْدُ لِلهِ رَبِّ الْعَالَمِيْنَ            ۝ 7

Arabi Tableekwalavin Attakasam-அரபி ‘தப்லீக்வாலா’வின் அட்டகாசம்!

அரபி 'தப்லீக்வாலா'வின் அட்டகாசம்!

ஆலா ஹஸ்ரத் அவர்களின் பிடரியைப் பிடித்தக் கொடுமை!
முஸ்லீம் பொதுமக்களுக்கு பாக்கியாத் 'முப்தி' ஹஸ்ரத்தின் அறிவிப்பு!!

வேலூர் பெரிய முப்தி ஆலிஜனாப் மௌலானா மௌலவி ஷேக் ஆதம் ஹஸ்ரத் (கிப்லா) அவர்கள் தென்னிந்தியாவில் 'பாகவி' என்று குறிப்பிட்டுக் கொள்ளும் பல ஆயிரக்கணக்கான உலமாக்களின் உஸ்தாத் ஆவார்கள். நூறு வயதை எட்டி பிடித்துவிட்ட பெரியாரும் இஸ்லாமிய மார்க்க ஞானத்தில் இணையற்ற வல்லவருமாகிய ஆலா ஹஸ்ரத் அவர்கள் தமக்கு நேர்ந்த ஒரு துரதிருஷ்டமான சம்பவத்தை மக்கள் தவறாகக் கருதிவிடாமலிருக்க உண்மையை பகிரங்கப்படுத்தக் கேட்டுக் கொண்டதற்கிணங்க அவர்கள் அறிக்கையை இங்கு இடம் பெறச் செய்துள்ளோம்.

 1960-ம் வருஷம் ஜனவரி மாதம் 5ம் தேதி சில தக்லீக் பிரச்சாரங்களால் மதரஸா பாக்கியத்தில் மிகவும் பயங்கரமான ஓர் சம்பவம் நடந்ததை வருத்தத்துடன் தெரிவித்துக் கொள்கிறேன். உரிய காலத்தில் இங்குள்ள உஸ்தாதுமார்கள் தலையிட்டு அதை தடுத்திராவிட்டால் அதன் விளைவு மிக கோரமாயிருந்திருக்கும்.

 விஷயம் யாதெனில், மௌலவி அபுல்ஸூவூது சாஹிப் அவர்கள் மௌலவி ரயீஸுல் இஸ்லாம் சாஹீப் அவர்களுக்கு ஒரு தப்லீக் ஜமாஅத், மதரஸாவைப் பார்ப்பதற்கு வருவதாகவும் ஆகவே அவர்களுக்கு 12டீ அனுப்புகிறேன் தாங்கள் அவ்விடமே இருந்து உபசரிக்க வேண்டும் என்றும் சொல்லி அனுப்பினார். பிறகு 11மணியளவில் ஒரு தப்லீக் ஜமாஅத்தோடு என்னிடத்தில் அவர் வந்தார். அப்போது எனதருகில் மௌலவி ஷெய்க் ஹசன் சாஹிபும்; இருந்தார். அந்த தப்லீக் கோஷடியில் அரபி நாட்டைச் சேர்ந்த ஒருவரும் இருந்தார். அவர் பெரிய அல்லாமா வென்றும், தப்லீக் கமிட்டியின் முக்கயஸ்தர்களில் ஒருவர் என்றும், சமீபத்தில் நடந்த கூட்டத்தில் தீர்மானித்தபடி பல்வேறு பட்டணங்களுக்கு அனுப்பப்பட்ட ஐந்து ஜமாத்துகளில் ஒரு ஜமாஅத்தின் தலைவரென்றும் மௌலவி அபுஸ்ஸூவூத் அஹமது சாஹிப் என்னிடம் அறிமுகப்படுத்தி வைத்தார். பேச்சினூடே அந்த அரபி தன்னிடம் தப்லீக் சம்மந்தப்பட்ட விஷயத்தையும் கிளப்பினார். அதற்கு ஆதாரமாக குர்அன் ஆயத்து ஒன்றையும் தப்பும் தவறுமாக ஓதினார். தப்லீக் செய்வது முக்கிய, அவசர அவசியமான காரியமென்ற வாதத்தை முரட்டுத்தனமாக பேசி ஸ்தாபிக்க முயன்றார். அவர் வாதங்களை எல்லாம் கேட்டபிறகு அவர் ஓதிய ஆயத்தின் குறிக்கோளென்ன? அது எதற்காக இறக்கப்பட்டது என்ற மார்க்க நுணுக்கம் பற்றி அவரிடம் வினவியபோது, பதில் கொடுக்க யாதுமறியாதவராய் மிகவும் தவறான வழியில் முறை தவறி 'நீ முட்டாள,; கழுதை, குர்ஆன் ஹதீஸைப் பற்றி அறியாதவன், முகல்லித் (இமாமைப் பின்பற்றுபவர்) என்று பிதற்றி கூச்சலிட்டு ஆரவாரம் செய்தார். இச்சமயத்தில் மௌலவி அபுஸ்ஸுவூத் அஹ்மது சாஹிப் அவர்கள் மௌலவி ஷெய்கு ஹசன் சாஹிப், அல்ஹாஜ் ஷாஹுல் ஹமீது சாஹிப் மற்றும் இதர கனவான்களும் இருந்தனர். அரபியனின் எந்த அளவு கோபம் உச்சநிலையை அடைந்துவிட்டதென்றால,;  என் கழுத்திலும் கையை வைத்து விட்டார். அரபியின் கூச்சலைக் கேட்டு மாணவர்கள் கூடி விட்டார்கள். மாணவர்களின் கோப உணர்ச்சியைக் கண்ட அரபி கலவரமடைந்து விரண்டோடி, மத்ராஸின் எதிரிலுள்ள ஆர்.கே. அப்துல் ஹக் சாஹிபின் வீட்டில் புகுந்து கொண்டார். மௌலவி அபுஸ்ஸுவூத் அஹமதுசாஹிப் மத்ரஸா ஆபீஸ் ரூமில் புகுந்து ஒளிந்துக் கொண்டனர்.

மாணவர்கள் கோபத்தால் மேற்கொண்ட இரண்டு இடங்களையும் சூழ்ந்து கொண்டு 'அரபியனே வெளியே வா' தப்லீகை பற்றி எங்கள் ஹஜ்ரத்திடம் நேரிய முறையில் வாதிடு, இல்லாவிடில் மன்னிப்புக் கோரு' என்று ஒரு மணிநேரமாக கோஷமிட்டு வாதாடினர். இதற்கிடையில் அவ்வரபியை எப்படியும் அங்கு நின்று கொண்டிருந்த கார் மூலம் வீட்டை விட்டு வேற்றிடத்திற்கு அனுப்பிவிட ஆர்.கே. அப்துல் ஹக் முயற்சி செய்தார். இந்நிலையில் அங்கிருந்த சில உஸ்தாதுமார்களும் மத்ரஸாவின் நிர்வாகஸ்தர்களில் சிலரான ஆலிஜனுப் ஆர். ஆப்துல் கப்பார் சாஹிப், முஹம்மது இஸ்ஹாப் சாஹிப், படேல் அப்துல்ஸலாம் சாஹிப் இதர சில உள்ளுர் வாசிகளும் குறுக்கிட்டு நிலையை கட்டுக்கடங்க செய்திராவிட்டால் இதன் விளைவு எவ்வளவு கோரமாக இருந்திருக்கும் என்பதை எண்ணக்கூட மனம் பதைபதைக்கிறது.

கடைசியில் அவ்வரபியையும் மௌலவி அபுஸ்ஸீவூத் அஹ்மத் சாஹிபையும்' மாணவர்கள் என்னிடம் கொண்டு வந்து மன்னிப்புக் கோர வேண்டுமென்பது எனது விருப்பமல்ல. மாணவர்களின் உணர்ச்சியைத் தடுக்க என்னால் இயலவில்லை. மேலும் தற்போதுள்ள தப்லீக் முறைக்கு  எதிர்ப்பாக நான் விடுத்த பத்வாவிற்கு பிறகிலிருந்து மௌலவி அபுஸ்ஸீவூத் அஹ்மது சாஹிப் இங்கு வரக்கூடிய தப்லீக் ஜமாஅத்தார்களையும் என்னிடம் அழைத்துக் கொண்டு வந்து பலவாறக அறிமுகப்படுத்திக் கொண்டிருந்தார். இவ்விதம் அவர் செய்து வந்ததின் நோக்கம் எவ்வாறு இருந்திருக்கும் என்பதை இந்நிகழ்ச்சியின் மூலம் அறிந்து கொள்ள முடிகிறது. இந்தச் சம்பவம் என்னை மட்டும் அவமானப்படுத்த வேண்டுமென்று செய்யப்பட்டது அல்ல. மற்ற உஸ்தாதுமார்களையும், மத்ரஸா நிர்வாகிகளையும், வேலூர்வாசிகளையும் கூட  அவமானப்படுத்த வேண்டுமென திட்டமிட்டு செய்த குழ்ச்சி என நினைக்க வேண்டியதிருக்கிறது. இந்த தப்;லீக் வாதிகள் எங்கு சென்றாலும் இவ்வாறு குழப்பம் விளைவித்துக் கொண்டே இருக்கிறார்கள். ஆண்டவன் இன்னவர்களுக்கு நேரிய வழியைக் காட்ட வேண்டுமென நாம் எல்லோரும் து ஆ செய்வோமாக! ஆமீன்.

குறிப்பு:- இச்சம்பவம் பற்றி தனிப்பட்ட நபர்களிடத்தில் மற்றும் வேலூர் சுற்றுப்புற ஊர்களிலும் தவறான வதந்தி பரவிட கூடாதென்பதை விளக்குவான் வேண்டியே இவ்வுண்மையை பத்திரிகை வாயிலாக பொதுமக்களுக்கு அறிவித்துக் கொள்கிறேன்.

   இங்கனம்,

  ஷேக் ஆதம் அபா அன்ஹு,
 காதிமேகுலபா, மதரஸா பாக்கியத்துஸ் ஸாலிஹாத், வேலூர்,

திருச்சி 'மறுமலர்ச்சி' வார இதழில் (15-1-60)ல் வெளியான அறிக்கை!

தப்லீக் ஜமாஅத் குர்-ஆன்; ஹதீஸ், பிக்ஹு அடிப்படையில் ஆரம்பமானதல்ல. அதற்கு நேர்மாறாக ஒருவருடைய தனிப்பட்ட அபிப்பிராயம் தவிர வேறில்லை. அந்த அபிப்பிராயமும் கனவின் அடிப்படையில் சொல்லப்படுகிறது. அந்த கனவாவது பார்த்துவிட்டு சொன்னார்களா? அதுவுமில்லை. கனவு பார்ப்பதற்காக ஏற்பாடு செய்யப்படுகிறது. அது எவ்வாறு? அதன் ஸ்தாபகர் ஜனாப் மௌலவி இல்யாஸ், சாஹிப் அவர்களின் வார்த்தைகளிலேயே பார்த்துக் கொள்ளுங்கள:; அது சம்பந்தமாக மல்பூஜாத்தே இல்யாஸ் என்னும் தமிழ் நூலில் வெளிப்படுத்தியிருப்பதாவது: 

 'தற்காலத்தில் கனவில் என்மீது மெய்ஞானம் போடப்படுகிறது. இதனால் எனக்கு அதிகம் நித்திரை வருவதற்கு முயற்சி செய்யுங்கள்' 

மல்பூஜாத்தே இல்யாஸ் – பக்கம் 63, ஸலாம் பதிப்பகம் சென்னை – 1

 இவர் கனவு காண மற்றவர்களின் உதவியை தேடுகிறார்கள். அதன்பின் கனவு கண்டதாக சொல்கிறார்கள். தப்லீக் ஆரம்ப நிலையின் விஷயம் இவ்வாறிருக்க ஹதீஸ், குர்ஆன் பிரகாரம் தப்லீக் செய்யப்படுகிறதென்று கூச்சமின்றி சொல்வது சரிதானா? என்று நீங்கள் நியாயம் சொல்லுங்கள். அதுவும் இந்த விஷயம் தமிழிலேயே மல்பூஜாத் என்று கிடைக்கிறது. பார்த்துக் கொள்ளலாம். இவ்வாறு இருந்தும் காலம், இடம் விடாமல்; அவர்களுக்கு இந்த விஷயங்கள் எடுத்து சொன்ன போதிலும் திரும்ப திரும்ப வீட்டில் மைதானத்திலும், தெருவிலும், முடுக்கிலும் முஸ்லீம் மக்களை அதை ஒப்புக் கொள்ளுமாறு வற்புறுத்துகிறார்களே  அது சரிதானா? நியாயமா? அல்லாஹ்வுக்கு அடுக்குமா? அதன் ஆரம்ப நிலை இவ்வாறிருக்க இது தான் தீன் முறை என்கிறீர்களே! அவர்களுக்கு வெட்கமில்லையா? இதுதான் தீன் என்று கூறுவது பொய்யல்லவா? இது பொய்யல்ல என்றால் பொய் என்று வேறு எதற்குத்தான் சொல்வது? கனவு காண்பதற்கு முன், காணப்போகிறேன் என்று சொன்னதாக இஸ்லாமிய சரித்திரத்தில் இல்யாஸ் ஹஜ்ரத்தைத் தவிர யாரும் சொன்னதாக காணப்படவில்லை. மாபெரும் பித்அத், கனவு காணப் போகும்; ஏற்பாட்டையும், நிலையையும் இல்யாஸ் அவர்களையும் ஒவ்வொரு முஸ்லீமும் ஒப்புக் கொண்டே தீரவேண்டும் என்பது குர்ஆன் ஹதீஸ் அல்லது இமாம்கள் மூலம் ஆதாரமே இல்லை. மற்றவர்களும் தன் கனவிற்கு ஒப்புக் கொள்ளுங்கள் என்று கூறும் போது அவர்களின் வற்புறுத்தலின்படி மற்றவர்கள் கனவையும் தப்லீக்கர் ஏற்றுக் கொள்ள வேண்டுமல்லவா?. ஏற்றுக்கொள்ள ஏன் மறுக்கிறார்கள?; அவ்வாறு அவர்கள் மறுக்கும்போது மற்றவர்களை ஏற்றுக் கொள்ளும்படி ஏன் வற்புறுத்துகிறார்கள்.? வற்புறுத்துவது நியாயமாகுமா? கனவின் அடிப்படையில் ஆரம்பமான ஒரு இயக்கத்தை ஒப்புக் கொள்ளுமாறு தப்லீக்காரரை சொல்லிப் பார்த்தோம். அவர்கள் அதற்கு தயாரில்லை. ஏன் தயாரில்லை? என்ற கேள்விக்கு பதில் தர முடியாமல் ஓட்டம் பிடித்து விடுகிறார்கள். இந்நிலையில் அந்த இயக்கத்தின் தலைவரின் கனவிற்கு தலை சாய்க்க வேண்டிய அவசியம் என்ன? உண்மையில் அந்த இயக்கம் குர்ஆன் ஹதீஸ் ஆதாரத்தைக் கொண்டு நடத்தப்படவில்லை. ஆதாரமற்றது. ஆதலால்தான் அதற்கு தகுந்த ஆதாரம் அவர்களால் கொடுக்க முடியாமல் கனவை புகுத்திவிட்டார். இந்த கனவு ஒரு ரகசியமாகும்.

 கொள்கை இல்லாத ஒரு இயக்கம் இருக்க முடியாது. அதன்படி உங்கள் கொள்கை என்ன? என்று கேட்கும் போது சர்ப்பம் வளைவது போல் வளைந்து நகர்ந்து விடுகிறார்கள். ஏன் அப்படி! அவர்கள் தம்மையே நேர்மை உள்ளவர்களென நினைத்துக் கொண்டு முஸ்லீம்களின் கொள்கையை சீர்திருத்த முற்பட்டுள்ளார்கள். ஏன் கொள்கையை மறைக்க வேண்டும்? கவனிக்கும் போது நபிமார்களில் யாருமே கொள்கையை மறைத்ததே இல்லை. கொள்கையை தைரியமாக வெளிப்படுத்தி உள்ளார்கள். அந்த கொள்கையின் காரணமாகத்தான் துஷ்டர் மக்கள் அவர்களுக்கு விரோதிகள் ஆயினர் என்று குர்அன் முழுவதிலும் காணக் கிடைக்கிறது. நபிமார்கள் போன்றவர் என்று தம்மை சொல்லிக் கொள்பவர் தைரியத்திற்கு பதிலாக கோழையாக ஏன் காணப்படுகிறார்கள். இவ்வாறு கொள்கையை வெளிப்படுத்தாமல் இருப்பது இரண்டாம் ரகசியம்.

 அவர்களுடைய தவறான செயல்களை சிலர் எடுத்துச் சொல்லும் போது அவை அறியாத மக்களின் சொல் என்று கூறி தட்டிக் கழிப்பார்கள். ஆனால் வேலூர் பாக்கியாத்துஸ் ஸாஸிஹாத்திலிருந்து ஒரு பிரசுரம் வெளிவந்தது. தப்லீக் வாலாவின் அட்டகாசம், என்பது அதன் தலைப்பாகும். அதில் தப்லீகர்கள் எங்கு சென்றாலும் இவ்வாறு குழப்பம் விளைவித்துக் கொண்டே இருக்கிறார்கள் என்றும் சொல்லப்படுகிறது. அடுத்த ஒரு நோட்டீஸூம் அத்தெருவின் பள்ளிவாசல்களின் வாயிலாக வெளிவந்துள்ளது. அதன் தலைப்பு 'போலி தப்லீக்' என்பதாகும்.

 தப்லீக் ஜமாஅத்திற்கு அட்டகாசம் என்ற பட்டம் போதாதது போல் போலி தப்லீக் என்று இரண்டாவது பட்டம் கொடுக்கப்பட்டது. இவர்களுடைய அட்டகாசங்கள் தாங்க முடியாத பொதுமக்களின் வேண்டுதலுக்கிணங்க பள்ளிவாசல்களில் தப்லீக்காரர்கள் பிரசங்கங்கள் செய்யக்கூடாதென்று கடுமையாக தடை செய்துவிட்டார்கள். அது போதாதென்று உருதுவிலும் அந்த தப்லீக்குக்கு 'மஸ்னூயீ' என்று பெயர் சூட்டி உருது பாஷையில் 'மஸ்னூயீ தப்லீக்' என்ற பிரசுரம் வெளியிடப்பட்டது.

1. குழப்பத்தை உண்டுபண்ணும் தப்லீக் ஜமாஅத்தை விட்டும் விலகிக் கொள்ளுமாறு அந்த பிரசுரங்களில்,

2. இஸ்லாமியர்களின் ஒற்றுமைக்கு ஊறு விளைவிப்பதால் அதைத் தடுக்க மற்றவர்களுக்கு படிக்கக் கொடுங்கள் என்றும் அதில் கேட்டுக் கொண்டுள்ளார்கள்.

மக்கள் தப்லீகர்களை விட்டு தம்மை காப்பாற்றும்படியும் பள்ளியில் அவர்களை வரவிடக் கூடாது என்று கோரியவர்கள் அறியாதவர்களா?
 பெரியோர்களும், கமிட்டியார்களும் தடைத் தீர்மானம் நிறைவேற்றினர்களே அவர்கள் அறியாதவர்களா?

 நோட்டீஸ்கள் வெளியிட்டார்களே அவர்கள் எல்லாம் அறியாதவர்களா?

 அப்படியானால் போலி நடத்தையும் ஆங்காங்கு செய்யும் அட்டகாசங்களும் தான் நேர்மையா? கனவு காண போகிறேன் அதற்கு வழிசெய்யுங்கள் என்பது மட்டும் ஞானமா?

 கம்பம் பத்வா தலைப்பில் கும்ராஹீ (வழிகெடுத்தல்) வழி கெடுப்பவர்களை விட்டு விலகிக் கொள்ளுங்கள் என்று பட்டம் கொடுக்கப்பட்டிருக்கிறது.

'தர்ஜுமானே ஜாமியே இலாஹியாத்தை நூரியா' ஹைதராபாத் என்ற மாத சஞ்சிகையில் பிப்ரவரி, மார்ச்ச இரண்டிலும் தப்லீக் ஜமாத்தின் நாற்றம் பிடித்த கொள்கை இஸ்லாமுக்கும், முஸ்லீம்களுக்கும் சதி செய்யும் செயல்கள் அவர்களுடைய சூழ்ச்சிகளையெல்லாம் சொல்லப்பட்டிருக்கிறது அவர்களும் அறியாதவர்களா?

 தப்லீக்கில் சேர்ந்து பல வருடங்கள் நடமாடி அதனுள் ஏற்பட்ட கெடுதல்களை கண்டு வெளியாகி தௌபா செய்து கொண்டு அதன் கேடுகளை சொல்ல முற்படுகிறார்களே அவர்கள் எல்லாம் ஒன்று தெரியதவர்களா? யாருக்கும் ஒன்றும் தெரியாது.

 தப்லீக் ஜமாத்தில் சேர்ந்தவர்களில் உத்யோகஸ்த்தர்கள் அவர்களுடன் வேறு ஊருக்குச் சென்று விடுகிறார்கள். சரிவர உத்யோகம் கவனிப்பது இல்லை என்பது சர்க்கார் தரப்பிலும் தனிப்பட்ட ஸ்தாபனங்கள், மதராஸாக்கள் தரப்பிலும் நாளது வரையிலும் புகார் நடந்து வருகிறது. இது மன்னியில் ஜமாஅத்தில் கூட்டு நிக்காஹ்கள் நடத்தப்பட்டன என்று பெருமையடிக்கிறார்கள். ஆனால் அத்துனை மாப்பிள்ளைகளையும் அலாக்காக அங்கிருந்தே ஊர்களுக்கு அழைத்துச் சென்று விடுகிறார்கள். இது சுன்னத்திற்கு முரண்பட்டது. எக்காலத்திலும் யாருமே இது செய்ததே இல்லை. பித்அத்திலும் மஹாபித்அத் ஆகும். அடுத்ததாக நிக்காஹ்விற்கு அடுத்த நாள் வலிமா என்னும் விருந்து பெயர் பெற்ற அன்பு வாய்ந்த சுன்னதாகும். இதை அடியோடு கிள்ளி எறியப்பட்டது. சுன்னத்தை விடுவது ஆகாத காரியம். கட்சியில் சேர்வது அல்லது ஊர் ஊராக அலைவது யார் மீதும் எவ்வித கடமையில்லை என்பது ஒவ்வொருவரும் நன்கறிவா.; கடைமையில்லாததில் கலந்து கொண்டு சுன்னத்தை புறக்கணிக்கிறார்களே இது எவ்வளவு பெரிய பாவம்.

    நாமும் நம் ஸ்தாபகரும் ஹஜ்ரத்ஜியும் தான் அறிந்தவர்கள் என்று முரசடிக்கும் கொள்கையை விட்டு அல்லாஹ் ஒவவொருவரையும் காப்பாற்றுவானாக. ஆமீன்.

இந்த விஷயங்கள் அறிந்த பின் நம் தமிழ் முஸ்லிம் சமுதாயம் உஷராகி குழப்பங்களுக்கும் போலி விஷயங்களுக்கும் இடம் கொடுக்காமல் இருப்பார்கள் என்று நம்புகிறோம்.

விசுவாசிகள் யாவருமே வெளிப்பட்டு விடுவது எபபொழுதுமே தகாது. மார்க்க விஷயங்களை அறி;ந்துகொள்ள அவர்களில் ஒவ்வொரு கூட்டத்திலிருந்;தும் சிலர் மாத்திரம் புறப்பட்டால் போதாதா? (அவர்கள் மார்க்க விஷயத்தைக் கற்று) தங்கள் மக்களிடம் திரும்பி வந்து அவர்களுக்கு(த் தாங்கள் கற்றதைக் கூறி) அச்சமூட்டி எச்சரிக்கை செய்வார்கள். ஊரிலிருப்போர் எச்சரிக்கையாக இருந்துக் கொள்வார்கள்.       -தௌபா 122

1. எல்லோரும் போகவேண்டிய அவசியமில்லை. சிலர் போனால் போதாதா? போனவரே கற்றுணர்ந்து திரும்பி வந்து கல்வி கற்றுக்கொடுத்தால் போதாதா? கற்பதற்கு சென்றவர்களைத் தவிர ஊரிலிருப்போர் ஊரிலேயே இருக்கவேண்டும் என்ற கருத்து ரப்புல் ஆலமீன் திருவசனங்கள் மூலமாக தெளிவான முறையில் எடுத்து உணர்த்தியுள்ளான்.

2. ஊரில் தங்கியவர்களில் ஆண்-பெண் பாலர் யாருக்குமே பாகுபாடின்றி வெளிவந்தே தீர வேண்டும் என்று கூறி சொல்லப்பட்டு வருவதை அல்லாவுடைய இந்த கட்டளைக்கு நேர்மாற்றமானது மட்டுமல்ல அவனுக்கே எதிர்ப்பாகவும் அமைந்துள்ளது. ஹக்கின் கட்டளையை திரும்ப திரும்ப படித்து கவனியுங்கள். இதற்கு அடிபணிந்து தப்லீக் இயக்கத்தை எதிர்ப்பவர்கள் நாங்களா? இல்லையா? பேச்சிலும் செயலிலும் தப்லீக்கர்கள் இதற்கு நேர்மாறாக இருக்கிறார்களா? இல்லையா? தர்கா நடத்துபவர்கள் இந்த திருவசனத்தை புனித குர் ஆனில் புகுத்திவிட்டார்களா? என்பதையும் கவனிப்பீர்கள். ஆதலால் தான் எல்லோர் கையிலும் கைக்கொடுத்து விடக்கூடாது. ஹக்கிற்கு மாறாக நாஹாக்கில், அசத்தியத்தில் யார் இருந்தாலும் அவரை எக்காலும் ஒப்புக் கொள்ளக்கூடாது என்பது தான் நியாயம்.

 இப் புவியிலிருப்போரில் அநேகரை நீர் பின்பற்றுவீரானால், அவர்கள் உம்மை அல்லாவுடைய பாதையிலிருந்து திருப்பிவிடுவார்கள். (ஆதாரமற்ற) வெறும் யூகங்களைத் தவிர (உண்மையை) அவர்கள்- பின்பற்றுவதில்லை. அன்றி (வெறும் பொய்யான) கற்பனையில்தான் மூழ்கியிருக்கின்றனர்.  –அல் அன் ஆம் 116.

மௌலானா இல்யாஸ் அவர்கள் கனவு காணப் போகிறேன் என்று சொன்னது உண்மையான விஷயம். காணப் போகிறேன் என்பது தான் தப்லீக் இயக்கத்திற்கு அடிப்படை. இதை ஈமான் கண்ணோட்டமாக கவனிக்கும் போது வெறும் பொய்யான கற்பனையில்தான் வொகள் மூழ்கியிருக்கின்றனர், என்ற மெய்யான திரு ஆயத்தின் கட்டத்தில் அடங்கிவிட்டது.

திரு வசனத்தின் ஒளி பிரகாசத்தில் தன் அறிவை சரிபடுத்திக் கொண்டு உணர்வீர்! உணர்வீர்!!

தப்லீக் வாலா, தப்லீக் ஈடுபடாதவர் என்ற பாகுபாடு முஸ்லிம் மக்களிடையே ஏற்பட்டுவிட்டது. ஏற்படுத்தியது யார்? இஸ்லாமிய ஆரம்ப காலத்தில் சிலர் பள்ளிவாசல் கட்டினார்கள். அந்த பள்ளிவாசலை கட்டிய நோக்கத்தை திரு குர் ஆனில் கூறியிருப்பதாவது: விசுவாசிகளுக்குத் தீங்கிழைக்கவும் நிராகரிப்பை பரப்பவும் விசுவாசிகளுக்கிடையில் பிரிவினையை உண்டு பண்ணவும் பகிரங்கமாக எடுத்துரைக்கப்பட்;டுள்ளது, அதன்படி தற்பொழுது முஸ்லிம்கள் பிளவு ஏற்பட்டு இருக்கிறதை உலகம் அறிந்து விட்டது. இவ்வுண்மையை உலகம் அறிந்து தான் அட்டகாசம், போலி தப்லீக், டீழரபநள வுhயடிடநநப. கும்ராஹி ஜலாலத், தோ(ஹ)கா, ஃப்ரேப், தகா என்றெல்லாம் அலிகார், டில்லி, கல்கத்தா, பாம்பே, நாக்பூர், கான்பூர், கர்நூல், ஹைதரபாத், பெங்களுர், தமிழ்நாடு, கேரளம் போன்ற ஊர்களிலிருந்தும் தினசரிகளிலும்  வார, மாத இதழ்களிலும், புத்தகங்களாகவும், நோட்டீஸ்களாகவும் மார்க்கத் தீர்ப்பு ரூபத்திலும் வெளி வந்த வண்ணம் இருக்கின்றன. தப்லீக் ஜமாஅத்தைப்பற்றி தமிழக மாமேதையின் தீர்ப்பு சில சிறந்த மொழியின் உயர்ந்த கருத்துக்கள் தொகுப்பு டில சையத் இஸ்மத் பாஷா சாஹப், எதிர்ப்பு மஹாநாடுகளும் ஆங்காங்கு நடைப்பெற்று வருகின்றன. சமீபத்தில் 21-4-85 கோட்டைமேடு ஸ்கூல் மைதானத்தில் (மன்பவுல் உலூம்) ஆலிஜனாப் வு.ஆ. அமானுல்லாஹ் ஆலிம் நூரிய்யி ஆலிஜனாப் ஊ.ஏ. அபுபக்கர் பாகவி அவர்களுடைய ஏற்பாட்டின் கீழ் கோவையில் மிகச் சிறப்பாக நடைபெற உள்ளது.

ஆதலின் மார்க்கத்திலிருக்கும் சங்கை மிகு ஆலிம்களும் நல் கருத்துள்ள பொறுப்புமிக்க தலைவர்களும் ஒன்றுபட்டு சமுதாயத்தில் பிளவு ஏற்படாமலிருக்க ஏற்பாடுகள் செய்வார்கள் என்றும் , உண்மைக்கு புறம்பாகவும் பிளவு உணர்ச்சிகளைத் தூண்டுபவர்களையும் ஆதரிக்காமல் இருக்க செயல்படுவார்கள் என நம்புகிறோம். தனி நபரோ அல்லது கட்சி ரூபத்தில் தோன்றிய போதிலும், அவற்றை ஆதரிக்கவும் மாட்டார்கள். அதை தடுக்கவும் முற்படுவார்கள் என்று நம்புகிறோம். இவ்வாறு செய்வது தீனுல் இஸ்லாத்திற்கு செய்யும் சிறந்த பணியாகும். அதன் கூலி கட்டாயமாக அல்லாஹ் கொடுத்தருள்வான் என்பதில் யாதொரு சந்தேகமும் இல்லை.

        இங்ஙனம்,

   சையத் இஸ்மத் பாஷா சக்காப்,
   பெரிய தைக்கால், கிள்ளை- 608102.
   தெ.ஆற்காடு மாவட்டம