Omar Wali – உமர் வலி காஹிரி

Umar Waliyullah kahiri

Umar Wali was the son of Shaikh Abdul Qadir. His grand mother was a daughter of Sadakathulla Appa. He had his earlier education under Muhammad Nusky alias Pal Appa. He got baiath from him. Umar Wali also got baiath and Khilafath from Sayyidna Jiffri Thangal, a sage and a saint from Halramawth, a descendant of our noble Prophet Muhammad (sal). Umar Wali went to Mecca to perform Hajj and to Madina for the Ziyarath of Holy Prophet Muhammad (sal). In Madina he met a great Schoalr and a Saint Assayyid Muhsin Al Mukaibali. He taught Umar Wali many hidden secrets of spiritual teachings and gave baiath to him. Umar Wali spent five years in Madina as a teacher and then as a principal. Then Umar Wali came back to Kayalpatnam. Oneday, while he was leading Jamath at Magdoom Mosque, he heared the call from his spiritual guide Sayyid Muhammad Buhary Thangal and went to Cannanur. Qutb Buhary Thangal gave him baiath. When Buhary Thangal came to Kayalpatnam, people gathered at the seashore and received baiath from him. He was the Qutb of that period. Umar Wali went to Achakarai in Indonesia and spread Islam. Umar Wali had six sons and one daughter and all of them were saints. Umar Wali wrote poems of utmost elegance and concentrated mostly Sufi themes. His work Allafal Alif is a masterpiece. The verses are in alphabetical orders. Another poem "Ilahi Kam Tubaqqini", "O God how long you are going to keep me alive" is very famous in Tamil Nadu and Ceylon. Umar Wali passed away this earthly life on 14th Thul Qaeda 1216 A.H / 1804 A.D.
 
உமர் வலி காஹிரி

இவர்கள் செய்கு அப்துல் காதிர் அவர்களின் மகனாக மாதிஹுர் ரஸூல் சதக்கத்துல்லாஹில் காஹிரி ரலியல்லாஹு அன்ஹு அவர்களின் மகளின் பேரராக பிறந்தார்கள். இவர்கள் முதலில் முஹம்மது நுஸ்கி என்ற பாலப்பா ரலியல்லாஹு அன்ஹு அவர்களிடம் கல்வி கற்றார்கள். அவர்களிடம் பைஅத்தும் பெற்றார்கள். நாயகம் ஸல்லல்லாஹு அலைஹி வ ஸல்லம் அவர்களின் திருப் பேரரான ஸெய்யிது ஜிப்ரி தங்கள் ரலியல்லாஹு அன்ஹு அவர்களிடமும் பைஅத்தும் கிலாபத்தும் பெற்றார்கள்.

     புனித ஹஜ் மற்றும் ஜியாரத்திற்காக மக்கா, மதினா ஷரீபிற்கு சென்றிருந்த சமயம் மான் அஸ்ஸெய்யிது முஹ்ஸின் அல் முகைபலி அவர்களை ரலியல்லாஹு அன்ஹு சந்தித்தார்கள். இவர்களிடம் மறைவான ஞானங்களை கற்று தேர்ந்தர்கள். பைஅத்தும் பெற்றார்கள். ஐந்து வருடங்கள் மதினாவில் ஆசிரியராகவும் பின்பு தலைமை ஆசிரியராகவும் பணிபுரிந்தார்கள். பின்பு காயல்பட்டணம் திரும்பி வந்தார்கள்.

  ஒரு நாள் மொகுதூம் பள்ளியில் தொழ வைத்துக் கொண்டிருந்தபோது, ஞான ஆசிரியர் ஸெய்யிது முஹம்மது புஹாரி தங்கள் ரலியல்லாஹு அன்ஹு அவர்கள் அழைப்பதைக் கேட்டார்கள். உடனே கண்ணூர் சென்றார்கள். அங்கு அவர்களிடம் பைஅத் பெற்றார்கள். இவர்கள் காலத்தில் இவர்கள் பெரும் குத்பாக விளங்கினார்கள். உமர் வலி ரலியல்லாஹு அன்ஹு அவர்கள் இந்தோனிசியா சென்று இஸ்லாத்தை பரப்பினார்கள். இவர்களுக்கு ஆறு மகன்களும் ஒரு மகளும் இருந்தார்கள். அனைவர்களும் வலியுல்லாக்களாக திகழ்ந்தார்கள். இவர்கள் ஞானப் பாடல்கள் இயற்றி உள்ளார்கள். அரபி அகர வரிசைப் படி அல்லஃபுல் அலிஃப் எனும் அரபி கவிதையை இயற்றியுள்ளார்கள். இந்தக் கவிதை கேரளாவில் மிகவும் பிரபலமானது. அங்கு மத்ரஸாவில் பாடமாக போதிக்கப்படுகிறது.

  இவர்கள் இயற்றிய 'இலாஹி கம் து பக்கினி' எனும் பைத் தமிழகம் மற்றும் இலங்கையில் பிரபலமானது.   
     

இவர்களின் மறைவு ஹிஜ்ரி 1216 துல்கஃதா பிறை 14 (கி.பி.1804). அடக்கஸ்தலம் காயல்பட்டணம் ஸாஹிபு அப்பா தைக்கா.

Islamic Months-இஸ்லாமிய மாதங்கள்

இஸ்லாமிய மாதங்கள்

புனித அல்குர்ஆனில் அல்லாஹ் சூரியனின் படைப்பு இரகசியத்தையம், சந்திரனின் வளர்ச்சி, தேய்வு பற்றிய தத்துவங்களையும் பல்வேறு இடங்களில் குறிப்பிட்டுச் சொல்லியுள்ளான்.

இன்று வழக்கத்திலுள்ள கி.மு, கி.பி. மற்றும் ஹிஜ்ரி ஆண்டுகள் நபிமார்களை மையமாகக் கொண்டே நிர்ணயிக்கப்பட்டுள்ளன. கி.பி என்பது இயேசு கிறித்து (ஹழ்ரத் நபி ஈஸா அலைஹிஸ்ஸலாம்) அவர்களின் பிறப்பை நடுநாயகமாகக் கொண்டு கணிக்கப்பட்டுள்ளது. அதில் கி.மு. கிறித்துவுக்கு முன் உள்ள நிகழ்ச்சிகளையும், கி.பி. கிறித்துவுக்கு பின் உள்ள நிகழ்ச்சிகளையும் இன்றளவும் அறிவித்துக் கொண்டிருக்கிறது.

'ஹிஜ்ரி' ஆண்டு என்பது அண்ணல் பெருமானார் முஹம்மது ஸல்லல்லாஹு அலைஹி வஸல்லம் அவர்கள் மக்காவை விட்டு மதீனாவுக்குப் பயணித்த 'ஹிஜ்ரத்' பயணத்தை அடிப்படையாகக் கொண்டு நிர்ணயிக்கப்பட்டதாகும்.

சூரியன், சந்திரனைப் பற்றி குறிப்பிடும்போது நாட்குறிப்பு வசதிக்காகவே நாம் அவற்றைப் படைத்தோம் என்று புனித திருமறை கூறுகிறது.

'(நபியே! வளர்ந்து தேயும்) பிறைகளைப் பற்றி உம்மிடம் அவர்கள் கேட்கின்றனர். அவை மக்களுக்காகவும், ஹஜ்ஜுக்காகவும், கால நேரங்களைக் குறிப்பிடுபவையாகும் என்று நீர் கூறுவீராக.'           -(அல்பகரா:189)

'அவன்தான் சூரியனை சுடரொளி மிக்கதாகவும், சந்திரனை தன்னொளியாகவும் ஆக்கினான். இன்னும் நீஞ்கள் ஆண்டுகளின் (மாதங்கள், நாட்களின்) எண்ணிக்கையும், கணக்கையும் அறிந்து கொள்வதற்காக அதற்கு பல மன்ஜில்களையும் (தங்குமிடங்களையும்) அவன் ஏற்படுத்தினான். அல்லாஹ் உண்மை(யாகத் தக்க காரணம்) கொண்டே தவிர இவற்றைப் படைக்கவில்லை. அறிந்து கொள்ளும் மக்களுக்கு (த் தன்னுடைய) அத்தாட்சிகளை இவ்வாறே விவரிக்கிறான்'.                       –(யூனுஸ்: 5)

இந்த ஆயத்தில் சூரிய ஒளியை 'லியாவு' என்றும், சந்திர ஒளியை 'நூர்' என்றும் வர்ணிக்கிறான். 'லியாவு' என்பது கடுமையான ஒளி என்றும் இது பகல் நேரங்களில் நாம் நமது அன்றாட நடவடிக்கைகளில் ஈடுபடுவதற்குத் தேவையானதென்றும், 'நூர்' இதமான ஒளியென்றும் இது இரவில் நாம் சுகமாக இருப்பதற்கு ஏற்றதென்றும் சான்றோர் பொருள் கொள்வர்.     –(ஆரிபு)

மேலும் 'சூரா தவ்பாவில் மாதங்களின் எண்ணிக்கை பன்னிரண்டு என்று அழுத்தந்திருத்தமாக சொல்லப்பட்டிருக்கிறது. 'நிச்சயமாக மாதங்களின் எண்ணிக்கை ….அல்லாஹ்வுடைய (லவ்ஹுல் மஹ்பூலில்) உள்ளபடி ஓராண்டுக்கு பன்னிரண்டு மாதங்களாகும். அவற்றில் நான்கு மாதங்கள் புனிதமானவையாகும்'  -(தவ்பா: 36)

காலத்தை வேளைகளாகவும், நாட்களாகவும், மாதங்களாகவும், ஆண்டுகளாகவும் மனிதர்கள் கணக்கிட்டுக் கொள்ளும்பொருட்டு  இறைவன் சூரியன், சந்திரன் ஆகியவைகளைப் படைத்ததாக இவ்வசனங்கள் மூலம் தெரிகிறது.

உலகில் மனிதன் தோன்றிய ஆரம்ப காலத்தில் சூரியனைக் கொண்டு காலை, மதியம், மாலை, இரவு, ஒருநாள் என்றும் சந்திரனின் முதல் பிறையைக் கண்டதும் மாதத்தின் துவக்கமென்றும் பின் அதன் வளர்ச்சியை வைத்து முதல் பதினைந்து நாட்களையும், தேய்வை வைத்து அடுத்த பதினைந்து நாட்களையும் கணித்து மாதத்தின் முடிவு என்றும், இப்படியே அவன் மாதங்கள், வருடங்கள் ஆகியவற்றைக் கணக்கிட்டிருப்பான்.

கிறித்துவ ஆண்டுக்கும் ஹிஜ்ரி ஆண்டுக்குமுள்ள வேற்றுமைகள்:

சூரியனைக் கொண்டு கணக்கிடப்பட்டு வரும் ஆண்டுக்கு இயேசு கிறித்து பிறப்பை மையமாக வைத்து கிறித்து பிறப்பதற்கு முன் (கி.மு.) என்றும், கிறித்து பிறந்த பின் (கி.பி.) என்றும் குறிப்பிடப்படுகிறது. இதன்படி 24 மணிநேர கால அளவினை ஒரு நாளுக்குச் சமமாக்கிக் கொள்கிறோம். கிறித்துவ ஆண்டுக் கணக்கு சூரிய சுழற்சியை அடிப்படையாகக் கொண்டு நாட்கள் பெரும்பாலும் 365 ஆகவும், ஹிஜ்ரி ஆண்டு சந்திர பெயர்ச்சியை அடித்தளமாகக் கொண்டு நாட்கள் பெரும்பாலும் 355 ஆகவும் கணக்கிடப்பட்டுள்ளன. இந்த கணக்கின்படி மூன்று ஆண்டுகளுக்கு ஒருமுறை சந்திர ஆண்டு ஒரு மாதம் அதிகரிக்கிறது. 36 ஆண்டுகளுக்கு ஒருமுறை சந்திர ஆண்டு ஒரு வருடம் அதிகரித்து விடுகிறது எனவும் அறிகிறோம்.

இதன்படி, சூரிய ஆண்டு ஒரு குறிப்பிட்ட மாத காலத்தில் ஒரு குறிப்பிட்ட பருவம் என்று உலகம் உள்ளளவும் நிலைத்திருக்கும். இதில் பெரும்பாலும் அதிக வேற்றுமை இருக்க முடியாது. பருவ காலங்களிலும் அதிக வித்தியாசம் இருக்க முடியாது. வசந்த காலம், கோடைக் காலம், மழைக் காலம், குளிர் காலம் ஆகியன கிறித்து ஆண்டின்படி குறிப்பிட்ட மாதங்களில் தோன்றுகின்றன. பருவங்கள் தோன்றுவது கொண்டே மனிதன் செயல்பட முடியும்.

ஆனால் அதேசமயம் ஹிஜ்ரி மாதங்களுக்கும், பருவங்களுக்கும் எவ்வித சம்பந்தமும் கிடையாது. காரணம் மூன்று சூரிய ஆண்டுக்கு ஒருமுறை ஒரு ஹிஜ்ரி மாதமும், முப்பத்தாறு சூரிய ஆண்டுகளுக்கொரு முறை பன்னிரண்டு ஹிஜ்ரி மாதங்களும் சுற்றி வருகின்றன. உதாரணமாக இவ்வாண்டு ஹஜ்ஜுடைய காலம் ஏப்ரல் மாதத்தில் வருகிறதென்றால், எதிர்வரும் நான்காவது ஆண்டில் மார்ச் மாதத்தில் ஹஜ்ஜுடைய காலம் வரும். இவ்வாறே பிறையாண்டுகளும், பருவ காலங்களும் மாறி மாறி வருகின்றன.

இஸ்லாம் பிறையாண்டை கையாளுவதின் காரணம் முழு நிலவைப் பார்த்து மாதத்தின் '12, 14, 15, 16' ஆம் நாட்களை கணக்கிட முடியும். சூரியன் மறைந்து நடுநிசிக்குப் பின் உதிக்கும் நிலவைக் கணக்கிட்டு பதினாறுக்கு மேல் உள்ள நாட்களையும் கணக்கிட முடியும். மாதத்தின் முதல் பிறை மற்றும் ஒவ்வொரு நாளும் மேற்குத் திசையில் கீழ்வானத்திற்கும், நிலவுக்கும் இடையில் தோன்றும் இடைவெளியையும், பிறை வளர்ச்சியையும் வைத்து பன்னிரண்டு நாட்களைக் கணக்கிடலாம். இவ்வாறு பிறைக் கணக்கை வைத்து மாதங்களையும் ஆண்டுகளையும் கணிக்க முடியும். ஆனால் சூரியனைக் கொண்டு ஒரு நாள், பகல், இரவு நேரங்களை மட்டுமே கணிக்க முடியும், மாதங்கள் வருடங்களைக் கணக்கிட முடியாது. சூரியத் தேதிகளை மறந்து விட்டால் கணக்கிடுவது சிரமம்.

பெண்கள் தங்கள் மாதவிலக்குக் காலங்களை கணக்கிடவும், கர்ப்பம், பேறுகாலம் இன்னும் பல நிகழ்வுகளைக் கணக்கிட்டுக் கொள்ளவும், இரு பெருநாட்கள், வாரந்தோறும் வரும் ஜும்ஆ நாட்கள் ஆகியவற்றைக் கணக்கிடவும் பிறையாண்டைப் போல் சூரிய ஆண்டில் முடியாது. படித்தவர், படிக்காதவர் உள்ளபட அனைத்துத் தரப்பினரும் பிறையாண்டை கணக்கிட்டுக் கொள்ளலாம். பிறையாண்டைக் கணக்கில் கொள்வதால் ஹஜ்ஜு, ரமலான் மாதங்கள் வௌ;வேறு காலங்களில் மாறி வருகின்றன.

'பிறை கண்டால் நோன்பு வையுங்கள், பிறை கண்டு நோன்பை விடுங்கள், மேபமூட்டமாக இருந்தால் 30 நாட்களை எண்ணிக் கொள்ளுங்கள்' எனக்கூறி தமது உம்மத்தாரை ஹிஜ்ரி ஆண்டைக் கணக்கிடச் சொன்னார்கள்.

ஆகவே பிறையாண்டு அனைத்து சமூகத்தினர்க்கும் கணக்கிடுவதற்கு மிகவும் ஏற்றதாக இருக்கும் என்பது தெளிவு.

ஜியாரத்தின் போது அண்ணலாரின் சிறப்புறு கப்று ஷரீஃபை முன்னோக்கலாமா?

ஜியாரத்தின் போது அண்ணலாரின் சிறப்புறு கப்று ஷரீஃபை முன்னோக்கலாமா?

கேள்வி:

அண்ணலார் ஸல்லல்லாஹு அலைஹி வஸல்லம் அவர்களின் மண்ணறையை ஸியாரத் செய்கிறபோது கிப்லாவை முன்னோக்கி நின்றுதான் நாடியவற்றை இறைவனிடம் கேட்பது சுன்னத்தா? அல்லது முதுகை கிப்லாவின் பக்கம் ஆக்கி மண்றையை முன்னோக்கி நின்று துஆ செய்வது சுன்னத்தா?

பதில் சொல்பவர்: (ராபிதத்துல் ஆலமில் இஸ்லாமி என்ற அமைப்பின் அடிப்படை உறுப்பினரும், முன்னாள் எகிப்து முப்தியுமான பெரியார் ஹுஸைன் முஹம்மது மக்லூப் அவர்கள்)

மாலிக் ரலியல்லாஹு அன்ஹு அவர்களின் ராவிகளில் ஒருவரான இப்னு ஹமீது என்பவர் மூலமாக கிதாபுஷ்ஷிபா என்ற நூலில் காழி இயாழ் அறிவிக்கிறார்கள்:

அபூஜஃபர் மன்ஸூர் நாழிர் என்பார் பெருமானாருடைய பள்ளிவாசலை பரிபாலனம் செய்து வந்தார். அவருக்கு மாலிக் ரஹ்மத்துல்லாஹி அலைஹி அவர்கள் சொன்னார்கள், 'அமீருல் முஃமினீன்! இந்த பள்ளிவாசலில் உமது சப்தத்தை உயர்த்த வேண்டாம். ஏனெனில் அல்லாஹ் ஒரு கூட்டத்துக்கு ஒழுக்கத்தை கற்றுக் கொடுக்கும்முகமாக இவ்வாறு கூறுகின்றான், நபி ஸல்லல்லாஹு அலைஹி வஸல்லம் அவர்களுடைய சப்தத்தை விட உங்களுடைய சப்தத்தை உயர்த்த வேண்டாம். உங்களில் சிலர், சிலரிடம் சப்தமிட்டுப் பேசுவதைப் போன்று அண்ணலாரிடம் சப்தமுயர்த்திப் பேச வேண்டாம். அப்படிச் செய்தால் உங்கள் அமல்கள் அழிந்து விடும். அதனை நீங்கள் அறிந்து கொள்ள மாட்டீர்கள்' (அல்-குர்ஆன் 49:2) என்றும்,

ஒரு கூட்டத்தினரை புகழும்முகமாக இறைவன், 'நிச்சயமாக எவர் அல்லாஹ்வுடைய தூதரின் முன் மரியதைக்காக தங்களது குரலைத் தாழ்த்திக் கொள்கின்றனரோ அத்தகையோருடைய இதயங்களை பரிசுத்தப்படுத்துவதற்காக இறைவன் சோதனை செய்தான். அவர்களுக்கு மன்னிப்பும், மகத்தான கூலியும் உண்டு' (அல்-குர்ஆன் 49:3) என்றும்,

ஒரு கூட்டத்தினரை இகழ்வதற்காக இறைவன், 'எவர்கள் உம்மை தங்களது அறைகளுக்குப் பின் நின்று உரக்கக் கூவி அழைக்கின்றாரோ அவர்களில் பெரும்பான்மையோர் அறிவில்லாதவர்களே!'(49:4) என்றும் கூறுகின்றான்.

நிச்சயமாக அவர்கள் மறைந்த பின்னர் கொடுக்கப்படக் கூடிய மரியதை, கண்ணியம் அன்னார் உயிரோடிருக்கும் போது அவர்களுக்குக் கொடுக்கக் கூடிய கண்ணியத்தையும், மரியாதைiயும் போன்றதே! (என மாலிக் ரஹ்மத்துல்லாஹி அலைஹி அவர்கள் கூறினார்கள்)

அதற்கு அபூஜஃபர், அபூ அப்துல்லாஹ்! கிப்லாவை முன்னோக்கிநின்று நான் ஜியாரத் செய்தபின் துஆ செய்யட்டுமா? அல்லது ரஸூல் ஸல்லல்லாஹு அலைஹி வஸல்லம் அவர்களை முன்னோக்கி நிற்கட்டுமா? எனக் கேட்க,

மாலிக் அவர்கள் சொன்னார்கள், 'உனது முகத்தை அண்ணலார் ஸல்லல்லாஹு அலைஹி வஸல்லம் அவர்களைவிட்டுத் திருப்பாதே! அன்னார் மறுமையில் இறைவனிடத்து உனக்கு வஸீலாவாக இருக்கிறார்கள். உனது தந்தை ஆதமுக்கும் வஸீலாவாக இருக்கிறார்கள். அவர்களையே நீ முன்னோக்கு! அவர்களைக் கொண்டே ஷபாஅத் தேடு! அல்லாஹ் உமது விஷயத்தில் அண்ணலாரைக் கொண்டே ஷபாஅத் அருள்வான். இறைவன் கூறுகிறான்: 'அவர்கள் தமக்குத்தாமே தீங்கிழைத்துக் கொண்ட நேரத்தில் உம்மிடம் வந்து அல்லாஹ்விடம் பாவமன்னிப்பு தேடி, ரஸூலும் அவர்களுக்காக பாவமன்னிப்புத் தேடினால் அல்லாஹ்வை பிழை பொறுப்போனாகவும், அன்டீடையோனுமாகவும் பெற்றுக் கொள்வார்கள். (4:64)'

ஷிஹாபுல் கிபாஜி தமது நூலில் கூறுகிறார், ஸலாம் சொல்வதற்காகவும், துஆச் செய்வதற்காகவும் அண்லாரின் புனித கப்ரை முன்னோக்குதலே விரும்பத்தக்கது என்பது இமாம் மாலிக், அஹ்மது, ஷாபிஈ ரலியல்லாஹு அன்ஹும் ஆகியோர்களின் மத்ஹபாகும். அவர்களுடைய நூற்களில் இதுகுறித்து தெளிவாகக் கூறப்பட்டுள்ளது. இமாம் நவவி ரஹ்மத்துல்லாஹி அவர்கள் தமது அத்கார், ஈளாஹ் எனும் நூற்களில் இது குறித்து தெளிவுபடுத்தியுள்ளார்கள்.

ஷாபிஈ ரலியல்லாஹு அன்ஹு அவர்களிடமிருந்து இமாம் சுப்கீ ரஹ்மத்துல்லாஹி அலைஹி அவர்கள் சொல்கிறார்கள் '(ஸியாரத் செய்கிறபோது) கப்றுஷரீபை முன்னோக்கி, கிப்லாவை பின்னோக்கி கப்றின் தலைபகுதிக்கு 4 அடி தூரத்தில் நின்று நபி ஸல்லல்லாஹு அலைஹி வஸல்லம் அவர்களுக்கும், சற்று அகன்று அபூபக்கர் ரலியல்லாஹு அன்ஹு அவர்களுக்கும், பின்னர் உமர் ரலியல்லாஹு அன்ஹு அவர்களுக்கும் ஸலாமுரைத்துவிட்டு முதலில் நின்ற இடத்திற்கு வந்து கப்றை முன்னோக்கி தான் நாடியவைகளை துஆ செய்வான்!'

இவ்வாறே இமாம் அபூஹனீபா ரலியல்லாஹு அன்ஹு அவர்களின் மத்ஹபிலும் காணப்படுகிறது. பத்ஹுல் கதீர் என்ற நூலிலிருந்து கமால் அவர்களும் இவ்வாறே எடுத்துரைக்கிறர்கள். பதாவா ஹிந்திய்யா (பதாவா ஆலம்கீரி)விலும் இப்படித்தான் பதிவு செய்யப்பட்டுள்ளது.

லைஸ் ரஹ்மத்துல்லாஹி அவர்களும், இப்னு தைமிய்யாவும் துஆ ஓதும்போது கிப்லாவை முன்னோக்க வேண்டுமென்கின்றனர். ஆனால் காழி இயாழ் ரஹ்மத்துல்லாஹி அலைஹி அவர்கள் போன்ற மார்க்க மேதைகள் இதனை ஏற்றுக் கொள்ளவில்லை. அல்லாஹ் மிக அறிந்தவன்.

(பதாவா ஷர்இய்யா வ புஹூதுல் இஸ்லாமிய்யா ஹுஸ்னைன் மக்லூப்)

வஹ்ஹாபியக் கொள்கையில் ஊறித் திளைத்த ராபிதாவின் அடிப்படை உறுப்பினர் ஒருவர் அண்ணலார் ஸல்லல்லாஹு அலைஹி வஸல்லம் அவர்கள் நமக்கும், நம் ஆதித்தந்தை ஆதம் அலைஹிஸ்ஸலாம் அவர்களுக்கும் வஸீலாவாக அமைந்துள்ளனர் என்பதை ஏற்பதோடு, தமது பத்வாவிற்கு ஆதாரமாக இமாம்களுடையவும், அவர்களது மத்ஹபுகளை பின்பற்றிய அறிஞர்களின் கருத்துக்களையும் எடுத்தாள்கிறார். இந்தியப் பெருநாட்டின் அரபியல்லாதார்களால் தொகுக்கப்பட்ட பதாவா ஆலம்கீரியை ஆயிரக்கணக்கான மைல்களுக்கு அப்பாலுள்ள அரபி மேற்கோளுக்காக எடுத்தாள்கிறார்.

தகவல்: அக்பாருல் ஆலமில் இஸ்லாமி என்ற  சவூதி வாரப்பத்திரிகை
ஹிஜ்ரி 1407 ரபியுல் அவ்வல் 15 திங்கட்கிழமை, பக்கம் 10
.

நன்றி: வஸீலா  ஏப்ரல் 1987