சிறப்பு மிகு துஆ

اَللهُمَّ اَفْتَحْ عَلَيْنَا فُتُوْحَ الْعَارِفِيْنَ وَنَوِّرْ قُلُوْبَنَا بِاَنْوَارِ مَعْرِفَتِكَ ٭ اَشْغِلْنَا بِكَ وَلاَ تُشْغِلْنَا بِاَحَدِ غَيْرِكَ وَاَفْنِنَا بِكَ وَاَرْزُقْنَا مَحَبَّتَكَ الْعُظْمَا بِجَاهِ سَيِّدِنَا مُحَمَّدٍ صَلَّ اللهُ عَلَيْهِ وَسَلَّمَ وَعَطِّفْ قَلْبَ شَيْخِنَا عَلَيْنَا ٭ وَاجْعَلْهُ رَاضِيًا عَلَيْنَا وَمُقْبِلاً اِلَيْنَا ٭ وَمُتَوَجِّهًالَنَا اَنَاءَ لَّليْلِ وَاطْرَفَ اَنَّهَارِ٭ وَمَتِّعْنَا بِجَاهِ سَيِّدِنَا وَاَمِدَّنَا بِاَمْدَادَتِهِ ٭ وَانْفَعْنَا بِبَرَكَابِهِ ٭ وَبَرَكَاتِ اَوْلِيَآءِ الله مَشَارِقِاالْاَرْضِا اِلٰى مَغَارِبِهَا وَكُنْ لَنَا وَلَا تَكُنْ عَلَيْنَا بِحُرْمَهِ الْفَاتِحٰة ٭

பொருள்:

இறைவா! உன் அந்தரங்கத்தை உனது இறை பக்தர்களுக்கு திறந்து காண்பித்தது போல் எங்களுக்கும் திறந்து காட்டியருள்!

உன் அந்தரங்க ஒளியினால் எங்களின் இதயங்களை ஒளிவாக்கு!

உனது ஞாபகமில்லாமல் வேறு வழியில் பராக்காக்கி கொண்டிருக்கிறார்களே அவர்களோடு எங்களை சேர்த்து விடாமல் உன்பக்கம் ஞாபகம் செலுத்தக் கூடிய மக்களாக எங்களை ஆக்கியருள்!

மேலும் உன்னைக் கொண்டு எங்களை பனாவாக்கு. மேலும் ஈருலக இரட்சகர் முஹம்மது ஸல்லல்லாஹு அலைஹி வஸல்லம் அவர்களின் பொருட்டால் கண்ணியமான உன் விருப்பத்தைக் கொண்டு எங்களுக்கு உணவளி!

எங்களின் இதயத்தை  எங்களின் குருநாதர் அவர்களின் இதயத்தோடு இணைத்து விடு.

மேலும் எங்கள் குருநாதருக்கு எங்கள் மீதுள்ள பொருத்தத்தையும், எங்களின் மீது அவர்களின் முன்னோக்குதலையும் ஆக்கியருள்.

மேலும் எங்களின் மீது அவர்களின் எண்ணங்களை பெருமானார் ஸல்லல்லாஹு அலைஹி வஸல்லம் அவர்களின் மகிமையைக் கொண்டு எங்களை சாட்டிவிடு.

மேலும் இரவும் பகலும் அவர்கள் எங்களின் பக்கம் முகம் திருப்புவதையும் எங்களுக்கு ஆக்கியருள்.
மேலும் அவர்களின் பரக்கத்தைக் கொண்டு எங்களுக்கு பிரயோஜனத்தைத் தந்தருள்.

மேலும் உதயகரையிலிருந்து அஸ்தகரை வரையிலுள்ள மேலான வலிமார்களின் பரக்கத்தைக் கொண்டும் எங்களுக்கு பிரயோஜனத்தைத் தந்தருள்.

ஸூரத் பாத்திஹா உடைய சங்கையைக் கொண்டு எங்களின் பேரில் உதவி  செய்யக் கூடியவனாக ஆகிவிடு. எங்களின் பேரில் கேடான உதவி செய்பவனாக ஆகிவிடாதே!

நிஸ்பு ஷஃபானின் அமல்களும், துஆவும்-Amal and Dua of Nishfu Sahban

'ஷஃபான் மாதம் என்னுடையது' என்று நபி ஸல்லல்லாஹு அலைஹி வஸல்லம் அவர்கள் கூறியிருக்கிறார்கள். ஷஃபான் மாதம் 15 ம் நாளைத்தான் நிஸ்பு ஷஃபான் என்று அழைக்கிறார்கள்.

இந்த இரவில்தான் வரும் சென்ற வருடத்தின் அமல்களின் கணக்குகள் முடிவுக்கு வந்து இந்த  வருடத்திற்குள்ள புதிய கணக்கு (அமல் நாமா)இறைவனால் நிர்ணயிக்கப்படுவதாகவும், இவ்வருடத்திற்குள்ள இறப்பு, பிறப்புகள் எழுதப்படுவதாகவும் கிரந்தங்களில் கூறப்பட்டுள்ளன.

ஹஜ்ரத் அலி ரலியல்லாஹு அன்ஹு அவர்கள் அறிவிக்கிறார்கள், 'மனிதர்களே! ஷஃபான் மாதம் 15வது இரவு வணக்கங்களில் ஈடுபடுங்கள், நோன்பும் நோற்குங்கள். இந்த புனித இரவில் அல்லாஹ் தனது கிருபையை ரஹ்மத்தை பூமியை நோக்கி பரவச் செய்து, 'யாராவது நோயாளிகள் இருக்கிறார்களா? அவர்களின் நோயை நான் குணப்படுத்துகிறேன் என்று அழைக்கிறான். மற்றும் இந்த இரவு முழுவதும் கேட்பவர்களுக்கு அவர்களின் தேவைக்கு ஏற்ப கொடுக்கிறான்.' (இப்னு மாஜா)

மேலும் இந்த இரவில் அல்லாஹ்வின் ஆசீர்வாதம் மற்றும் பாமன்னிப்பின் வாயல்கள் திறந்து இருக்கின்றன. அல்லாஹ் இந்த இரவில் பாவமன்னிப்புக் கேட்பவரின் பாவங்களை மன்னிக்கிறான்.
இறுதியாக ஷஃபான் மாதத்தின் 13, 14, 15 ஆகிய தினங்களில் நோன்பு நோற்று புதிய அமல் நாமா நல்ல செயல்களோடு ஆரம்பித்தால் வரும் ஆண்டில் அனைத்தும் நல்ல செயல்களோடு நடைபெறும்.
'ஷஃபான் மாதத்தில் நோன்பிருப்பது வரும் ரமலான் மாதத்திற்கு பயிற்சியாகும். யார் ஷஃபான் மாதத்தில் மூன்று நாட்கள் நோன்பிருக்கிறார்களோ அவர்களின் பாவங்கள் அழிக்கப் படுகின்றன' என்று நபி ஸல்லல்லாஹு அலைஹி வஸல்லம் அவர்கள் அறிவித்திருக்கிறார்கள்.

சில இடங்களில் அரிசி மாவிலோ அல்லது மற்ற மாவுகளிலோ ரொட்டி சுட்டு இறந்தவர்களின் பெயரால் பாத்திஹா கத்தம் ஓதி ஹதியா செய்வார்கள். பின் அதை பள்ளி வாசலுக்கோ அல்லது ஏழைகளுக்கோ கொடுப்பார்கள். ரொட்டி, வாழைப் பழம், ஊது பத்தி, சீனி, கறி போன்றவைகளையும் அத்துடன் சேர்த்து கொடுப்பது வழக்கம். அதற்குரிய ஆதாரங்கள் கீழே தரப்பட்டுள்ளன.

1. நோன்புப் பெருநாள், துல்ஹஜ் மாதத்தின் 10 நாட்கள், ரஜபு மாதத்தின் முதலாவது வெள்ளிக்கிழமை, ஷஃபான் மாதத்தின் 15வது இரவு, வெள்ளிக்கிழமை இரவு ஆகிய தினங்களில் மய்யித்துகள் தாங்களின் கபுருகளிலிருந்து வெளியாகி தங்களுடைய வீட்டு வாசல்களில் நின்று கொண்டு இந்த இரவில் எங்கள் மீது ரொட்டியால் ஆன ஒரு கவளம் உணவை ஸதக்கா செய்வதின் மூலமாவது எங்களின் மீது கிருபை காட்டுங்கள். ஏனெனில் நிச்சயமாக நாங்கள் அதன்பால் மிகத் தேவையானவர்களாக இருக்கின்றோம் என்று கூறுகின்றன. அப்படி எதையேனும் பெற்றுக் கொள்ளாவிட்டால் மிக நஷ்டத்துடன் திரும்பிச் செல்கின்றன என்று ஸய்யிதினா இப்னு அப்பாஸ் ரலியல்லாஹு அன்ஹு அவர்களைத் தொட்டும் ஷாபி மத்ஹபைச் சார்ந்த மிகப்பெரும் இமாம்களில் ஒருவரும் உலகத்தாரிலுள்ள அத்தனை அரபி கலாபீடத்திலும் பாடமாக நடத்தப்படுகின்ற தப்ஸீர் ஜலாலைன் கிரந்தத்தையும் இன்னும் எண்ணற்ற கிரந்தங்களையும் இவ்வுலகுக்கு காணிக்கையாக்கி தந்த மிகப் பெரும் மார்க்க மேதையான ஸுயூத்தி இமாம் ரலியல்லா{ஹ அன்ஹு அவர்கள் தங்களின் அத்துரருல் ஹிஸான் என்ற நூலின் 12-ம் பக்கத்தில் குறிப்பிட்டுள்ளார்கள்.                               

2. மேலும் பெருநாள் இரவு, ஆஷூரா நாள், ரஜபு மாதத்தின் முதலாவது வெள்ளிக்கிழமை, பராஅத்துடைய இரவு, லைலத்துல் கத்ரு இரவு, வெள்ளிக்கிழமை இரவு ஆகிய தினங்களில் அம்வாத்துக்களின் ஆன்மாக்கள் தங்களின் கபுருகளிலிருந்து வெளிக் கிளம்பி தாங்களின் வீட்டு வாசல்களில் வந்து நின்று கொண்டு இது போன்ற புனிதமான இரவுகளில் ஸதக்கா செய்வது கொண்டோ அல்லது ஒரு கவளம் உணவைக் கொண்டோ எங்களின் மீது கிருபை காட்டுங்கள். ஏனெனில் நிச்சயமாக நாங்கள் அதன்பால் தேவையானவர்களாக இருக்கின்றோம். மேலும் அதில் கஞ்சத்தனம் காட்டீனீர்களானால் பாத்திஹா ஸூராவை ஓதுவதன் மூலமாவது எங்களை நினைத்துப் பாருங்கள் என்று கூறுகின்றார்கள் என்று ஸய்யிதினா இப்னு அப்பாஸ் ரலியல்லா{ஹ அன்{ஹ அவர்களைத் தொட்டும் அல் இமாம் அப்துர் ரஹீம் இப்னு அஹ்மதுல் காழி ரலியல்லாஹு அன்ஹு அவர்கள் தம்முடைய தக்காயிக்குல் அக்பார் என்ற கிதாபில் 17ம் பக்கத்தில்      குறிப்பிட்டுள்ளார்கள்.

பராஅத் அன்று நபி ஸல்லல்லாஹு அலைஹி வஸல்லம் அவர்கள் விசேஷ ஸியாரத் செய்துள்ளார்கள்.                                      

ஒரு நாள் இரவு நான் நபி ஸல்லல்லாஹு அலைஹி வஸல்லம் அவர்களை காணவில்லை. (உடனே எங்கே போயிருப்பார்கள் என்று நினைத்துக் கொண்டு அவர்களைத் தேட ஆரம்பித்தேன்) அவர்களோ ஜன்னத்துல் பகீவு என்று மதீனாவிலுள்ள முஸ்லிம்களின் மையவாடியில் தன் தவையை வானத்தின் பக்கம் உயர்த்தியவர்களாக இருந்தார்கள். (நான் திகைத்துப் போய் இருப்பதைக் கண்ட) நபி ஸல்லல்லாஹு அலைஹி வஸல்லம் அவர்கள் அல்லாஹ்வும் ரஸூலும் உங்களுக்கு அநீதம் செய்துவிடுவார்கள் என்று பயப்படுகிறீர்களோ என்று கேட்டார்கள்.  நான் அதற்கு தங்களுடைய மனைவிமார்களில் எவருடைய வீட்டிற்கேனும் தாங்கள் வந்திருப்பீர்கள் என்று தான் நினைத்தேன் என்று கூறினேன். அப்போது நபி ஸல்லல்லாஹு அலைஹி வஸல்லம் அவர்கள் நிச்சயமாக அல்லா{ஹதஆலா (பராஅத்துடைய இரவாகிய) ஷஃபான் மாதத்துடைய 15வது நாளின் இரவில் முதலாவது வானத்தில் இறங்கி பனீ குலைப் என்ற கோத்திரத்தார் வைத்திருக்கும் ஆடுகளினுடைய முடிகளின் எண்ணிக்கையை விட அதிகமான ஆட்களுக்கு பாவங்களை பொறுத்தருள்கிறான் என்று கூறினார்கள் என்று ஆயிஷா ரலியல்லாஹு அன்ஹா அவர்கள் அறிவிக்கின்றார்கள்.                   

(திர்முதி ஹதீது எண் 739 பாபு மா ஜாஅ பீ லைலத்தின் நிஸ்பி மின் ஷஃபான் கிதாபுஸ் ஸவ்ம், இப்னுமாஜா ஹதீது 1389 பாபு மா ஜாஅ பீ லைலத்தின் நிஸ்பி மின் ஷஃபான் கிதாபு இக்காமத்திஸ் ஸலாத்தி, முஸ்னத் அஹ்மத் பாகம் 6 பக்கம் 238 ஹதீஸ் ஆயிஷா ரலியல்லா{ஹ அன்ஹா, மிஷ்காத் பக்கம்115 ஹதீது எண் 1299 பாபு கியாமி ஷஹ்ரி ரமலான்)

பராஅத் இரவின் மகிமையைப் பற்றி மாநபி ஸல்லல்லாஹு அலைஹி வஸல்லம் அவர்கள் ஷஃபான் மாதத்தினுடைய சரிபாதியின் இரவாகிய இந்த இரவில் என்னென்ன இருக்கின்றது என்று உங்களுக்குத் தெரியுமா? என்று என்னைப் பார்த்து கேட்டார்கள். அந்த இரவில் என்ன இருக்கின்றது நாயகமே! என்று நான் கேட்டேன். அப்போது நபி ஸல்லல்லாஹு அலைஹி வஸல்லம் அவர்கள் இந்த இரவில்தான் இந்த வருடத்தில் பிறக்கவிருக்கின்ற குழந்தைகள், இந்த வருடத்தில் இறக்கவிருக்கின்ற மனிதர்கள் பற்றிய விபரங்களை எழுதப்படுகினது. மேலும்  இந்த இரவில்தான் அவர்களின் அமல்கள் உயர்த்தப்படுகின்றது. இந்த இரவில்தான் அவர்களின் உணவுகளும், இறக்கி வைக்கப்படுகின்றது என்று நபி ஸல்ல்லாஹு அலைஹி வஸல்லம் அவர்கள் கூறினார்கள் என்று ஆயிஷா நாயகி ரலியல்லாஹு அன்ஹா அவர்கள் அறிவிக்கின்றார்கள். (மிஷ்காத் பக்கம் 115 ஹதீது எண் 1305 பாபு கியாமி ஷஹ்ரி ரமலான்)

நிஸ்பு ஷஃபானில் செய்ய வேண்டியது:

இறந்தவர்களின் கபுர்களுக்கு சென்று அவர்களை ஜியாரத் செய்ய வேண்டும். பாவ மன்னிப்பு தேட வேண்டும். அன்று இரவு நோன்பு நோற்க வேண்டும்.

இரவு மஃரிபிற்குப் பின் இஷாவிற்குள் மூன்று 'யாஸீன்' ஸூரா ஓத வேண்டும்.

1. முதல் யாஸீன் ஸூராவை அல்லாஹ்வை வணங்குவதற்கும், நன்மைகள் இன்னும் செய்வதற்கும் தன்னுடைய ஆயுளை நீடிப்பதற்கும்,

2. இரண்டாவது யாஸீனை பலாய், முஸீபத்துகள் மற்றும் பிறரின் கெடுதிகளை விட்டும் பாதுகாப்பு தேடுவதற்கும்,

3. மூன்றாவது யாஸீனை அல்லாஹ்வின் உதவியைத் தவிர்த்து பிறரின் உதவியை விட்டும் நீங்கியிருப்பதற்கும்,
நிய்யத் வைத்து ஓத வேண்டும். ஒவ்வொரு யாஸீன் ஓதிய பிறகும் கீழ் காணும் துஆவை ஓத வேண்டும்.

நிஸ்பு ஷஃபான் துஆ

اَللّٰهُمَّ يَا ذَا الْمَنِّ  وَ لَا يُمَنُّ عَليْهِ٭ يَا ذَا الْجَلَالِ وَالْاِ كْرَامِ٭ يَا ذَا الطَّوْلِ وَالْأِنْعَامِ٭ لاَ اِلٰهَ إِلَّا اَنْتَ ظَهْرَ اللَّاجِئيْنَ٭ وَجَارَ الْمُسْتَجْيْرِيْنَ٭ وَاَمَانَ الْخَائِفِيْنَ٭ اَلّٰلهُمَّ اِنْ كُنْتَ كَتَبْتَنِيْ عِنْدَكَ فِي اُمِّ الْكِتٰبِ فيِ شَقِيًا اَوْ مَحْرُوْمًا اَوْ مَطْرُوْدًا أَوْ مُقَتَّرًا عَلَيَّ مِنْ الرِّزْقِ فَامْحُ٭ اَللّٰهُمَّ بِفَضْلِكَ شَقَاوَتِي وَحِرْمَانِي وَطَرْدِيْ وَاقْتِتَارَ رِزْقِي٭ وَاَثْبِتْنِي عِنْدَكَ فِي اُمِّ الْكِتَابِ سَعِيْدًا مَّرْزُوْقًا مُّوَفَّقًا لِلْخَيْرَاتِ٭ فَاِنَّكَ قُلْتَ وَقَوْلُكَ الْحَقُ فِي كِتَابِكَ الْمُنَزَّلِ٭ عَلىٰ لِسَانِ نَبِيِّكَ الْمُرْسَلِ٭ يَمْحُوا اللهُ مَا يَشَآءُ وَيُثْبِتُ٭ وَعِنْدَهُ  اُمُّ الْكِتَابِ٭ اِلٰهِي بِالتَّجَلِّي الْأَعْظَمِ فيِ لَيْلَةِ النِّصْفِ مِنْ شَهْرِ شَعْبَانَ الْمُكَرَّمِ٭ اَلَّتِيْ يُفْرَقُ فِيْهَا كُلُّ اَمْرٍ حَكِيْمِ وَيُبْرَمُ٭ اَنْ تَكْشِفَ عَنَّا مِنَ الْبَلآءِ وَالْبَلْوآءِ مَا نَعْلَمُ وَمَا لاَ نَعْلَمُ٭ وَ أَنْتَ بِهِ اَعْلَمُ إِنَّكَ أَنْتَ الْأَعَزُّ الْاَكْرَمُ٭ وَصَلَّى اللهُ عَلٰى سَيِّدِنَا مُحَمَّدٍ وَعَلٰى آلِهِ وَصَحْبِهِ وَسَلِّمْ٭وَالْحَمْدُ للهِ رَبِّ الْعٰلَمِيْنَ٭

யா லத்தீஃப் (يَا لَطِيْف) விர்து துஆவுடன்!

يَا لَطِيْف

இந்த விர்தை 16,641 தடவை ஓதி கீழ்காணும் துஆவை ஓத வேண்டியது. இந்த விர்து மிகவும் பலனுள்ளது. தங்களுடைய நாட்ட தேட்டங்கள் நிறைவேற, நோய் நொடிகள் நீங்க தனியாகவோ, கூட்டாகவோ சேர்ந்து ஓதினால் பலன் கிடைக்கும். அனுபவப் பூர்வமானது.

بِسْمِ اللهِ الرَّحْمٰنِ الرَّحِيْمِ٭

يَالَطِيْف ۳ يَا مَنْ وَسِعَ لُطْفُهُ اَهْلَ السَّمٰوَا تِ وَالْاَضِ ، اَسْئَلُكَ بِخَفِيِّ لُطْفِكَ الْخَفِيٍّ ، اَنْ تُخْفِيَنِيْ فِيْ خَفِيِّ لُطْفِكَ الْخَفِيِّ عَنْ اَعْيُنِ الظَّلَمَةِ وَالْجَبَّارِيْنَ ٭ فَاِنَّكَ قُلْتَ وَاَنْتَ اَصْدَقُ الْقَائِلِيْنَ ٭ اَللهُ لَتِيْفٌ بِعِبَادِهِ يَرْزُقُ مَنْ يَشَاءُ  وَهُوَ الْقَوِيُّ الْعَزِيْزُ ٭اَللّٰهُمَّ اِنِّيْ اَسْئَلُكَ يَا قَوِيُّ يَا عَزِيْزُ يَامُعِيْنُ ٭ بِقُوَّتِكَ وَعِزَّتِكَ يَامَتِيْنُ ٭ اَنْ تَكُوْنَ لِيْ عَوْنًا مُعِيْنًا فِيْ جَمِيْعِ اَقْوَالِيْ وَاَفْعَالِيْ وَاَحْوَالِيْ يَا مُبِيْنَ ٭ وَسَهِّلْ لِيْ مَا اَنَاطَالِبُهُ مِنْ فِعْلِ الْخَيْرِ ٭ وَ ادْفَعْ عَنِّيْ كُلَّ هَمٍّ وَغَمٍّ وَشَرٍّ وَضَيْرٍ وَنِعْمَةٍ وَمِحْنَةٍ ، قَدِ اسْتَحَقَيْتُهَا مٍنْ غَفْلَتِيْ وَذُنُوْبِيْ يَا لَطِيْفُ يَاخَبِيْرَ ٭ فَاٍنَّكَ قُلْتَ فِيْ كِتَابِكَ الْمُنِيْرِ ٭ وَيَعْفُوْ عَنْ كَثِرٍ٭ اَللّٰهُمَّ بِحَقِّ مَنْ لَطَّفْتَ بِهِ وَوَجَّهْتَهُ عِنْدَكَ وَ جَعَلْتَ لُطْفَكَ الْخَفِيْ ٭ تَابِعَالَهُ اَيْنَمَا تَوَجَّدَ فِيْ طَاعَتِكَ اَسْئَلْكَ اَنْ تُوَجِّهَنِيْ عِنْدَكَ وَاَنْ تُخْفِيَنِيْ فِيْ خَفِيِّ لُطْفِكَ اِنَّكَ اَنْتَ الَّلطِيْفُ الْخَبِيْرُ ٭ وَاَنْتَ عَلَى كُلِّ شَيْئٍ قَدِيْرٌ٭ وَاَنْ تُسَخِّرَلِيْ عَبْدَكَ خَادِمَ اِسْمِكَ اللَّطِيْفِ٭يَكُوْنَ لِيْ عَوْنًا مُعِيْنَا فِيْ كُلِّ مَا اُرِيْدُهُ مِنْ اُمُوْرِ الدُّنْيَا وَالْاٰخِرَةِ يَا سَمِيْعُ يَا بَصِيْرُ ٭ وَتَوَفِّنِيْ مُسْلِمًا وَاَجِرْنِيْ مِنَ الشَّكِّ وَاشِّرْكِ يَاوَلِيُّ يَاوَدُوْدُ يَاظَهِيْرُ٭يَارَحْمٰنَ الدُّنْيَا وَالْاٰخِرَةِ يَاعَلِيُّ يَاكَبِيْرُ ٭ يَا مَنْ قَالَ وَ قَوْلُهُ الْحَقُّ فِيْ كِتَابِهِ الْمُكَرَّمِ ، اُدعُوْنِيْ اَمْتَجِبْ لَكُمْ ، فَاِنَّا قَدْ دَعَوْنَاكَ كَمَا اَمَرْتَنَا٭ فَاسْتَجِبْ لَنَا كَمَا وَعَدْنَّنَا٭ اٍنَّكَ لاَ تُخْلِفُ الْمِيْعَادَ وَاَنْتَ اللَّطِيْفُ بِكُلِّ الْعِبَادِ٭ وَصَلىّٰ اللهُ وَ سَلَّمَ عَلىٰ خَيْرِ خَلْقِهِ سَيِّدِنَا مُحَمَّدٍ وَآلِهِ وَصَحْبِهِ اَجْمَعِيْنَ٭ وَالْحَمْدُ لِلهِ رَبِّ الْعَالَمِيْنَ٭

 

இறந்தவர்களை குளிப்பாட்டி, கபனிட்டு, தொழ வைத்து அடக்கம் செய்தல் பற்றிய சட்ட விளக்கம்- Law of Dead body

ஊரில் ஒருவர் மௌத்தாகி விட்டால் அந்த மய்யித்தை அடக்கும் முன் அதற்கு தொழுவிக்க வேண்டும். மய்யித்திற்கு தொழும் தொழுகை ஊர்வாசிகள் அனைவர்கள் மீதும் கடமையாகும். ஆனால் அவ்வூரில் ஒருவர் தொழுதாலும் யாவருடைய கடமையும் தீர்ந்து விடும். மய்யித்தை குளிப்பாட்டிய பின்னர் தொழ வைப்பதே அதற்குரிய நேரமாகும். இத் தொழுகை ஃபர்ளு கிபாயா ஆகும். அதாவது சிலபேர் தொழுதால் கடமை தீர்ந்து விடும். அனைவரும் தொழ வேண்டும் என்று அவசியம் இல்லை. ஆனால் எல்லோரும் தொழுதால் நன்மையுண்டு. தொழுபவர்கள் மூன்று வரிசைகளுக்குக் குறையாமல் இருப்பது சுன்னத்து. நாற்பது நபர்கள் கூடி தொழுதால் மய்யித்திற்கும், தொழுபவர்களுக்கும் ஏராளமான நன்மைகள் உள்ளன.

ஸஃப் நிறுத்துவது மற்ற தொழுகைகளைப் போலவே இடைவெளி இருக்க வேண்டும். எனினும் நெருக்கடி இருப்பின் ஸஃப்களுக்கிடையே இடைவெளியை குறைத்து நெருங்கி நிற்கலாம்.

நூறு பேர் தொழுதால் அந்த மய்யித்தின் பேரில் அவர்கள் செய்யும் துஆவும், சிபாரிசும் ஏற்றுக் கொள்ளப்படும் என்ற ஹதீது இருக்கிறது. நாற்பது பேரின் துஆவும் சிபாரிசும் அவ்வாறுதான். மய்யித்துடைய உடல் கெட்டுவிடாது என்று இருப்பின் நூறு அல்லது நாற்பது பேர் வரும்வரை காத்திருப்பது உசிதமாகும்.

கடல், கிணறு போன்றவற்றில் விழுந்து விட்டவனை எடுக்கவோ, குளிப்பாட்டவோ, தயம்மும் செய்விக்கவோ முடியாமல் போய்விட்டால் சரியான சொல்படி தொழ வைக்க வேண்டிய அவசியமில்லை.

அந்த ஊரை விட்டும் மறைவான ஊரில் இறந்தவருக்கு ஷாபி மத்ஹப் படி தொழ வைக்கலாம். ஆனால் பெரும் பட்டணமாக இருந்தாலும் அவ்விடத்திலும், அதனைச் சுற்றியுள்ள பகுதிகளிலும் மய்யித்து ஆஜராகாமல் தொழ வைக்கக் கூடாது. அது அடக்கப்பட்டு விட்டாலும் ஙாயிப் ஜனாஸா தொழுகையும் தொழ வைக்கக் கூடாது.

மய்யித்து ஆணாக இருப்பின் இமாமும் தனியாக தொழுபவரும் மய்யித்தின் தலைக்கு நேராக பின்னால் நிற்க வேண்டும். பெண்ணாக இருந்தால் இடுப்புக்கு நேராக இருக்க வேண்டும். இது சுன்னத்.

தொழ வைக்க உரிமையுள்ளவர்கள்:


தொழவைப்பதற்கு முதன்முதலாக தந்தையும், பிறகு மகன், பறகு மகனுடைய மகன், பிறகு சகோதரன், பிறகு உரிமைவிட்ட எஜமான், பிறகு மகளின் மகன், சகோதரியின் மகன், தாய்மாமன், தாயின் தகப்பன் போன்ற உறவினர்கள். பிறகு கணவன், பிறகு இவர்களுடைய அனுமதி பெற்றவர்கள். இறந்து விட்டவர் உயிருடனிருக்கும்போது தனக்கு இன்னார் தொழ வைக்க வேண்டும் என்று வஸியத்து செய்திருப்பின் அவர் முற்படுத்தப்படுவார்.

குளிப்பாட்டாமலும், தயம்மும் செய்யாமலும் அடக்கப்பட்டிருப்பின் கப்ரைத் தோண்டி எடுதது நான்கு ஃபர்ளுகளையும் நிறைவேற்றுதல் அவசியமாகும். ஆனால் உடல் அழுகியிருப்பின் தேவையில்லை.

வயிற்றில் குழந்தை இருக்கும்போது இறந்து விட்ட பெண்ணின் அக்குழந்தை இறந்து விட்டதென உறுதியாகும் வரை அப்பெண்ணை அடக்க கூடாது. குழந்தை உயிருடன் இருப்பது தெரிந்தால் வயிற்றைக் கிழித்து குழந்தையை எடுத்தபின் அடக்க வேண்டும்.

காபிர்களுடைய பருவமடையாத குழந்தைகள் கலிமாச் சொல்லி இறந்து விட்டால் கட்டாயமாக கஃபனிட்டு அடக்க வேண்டும். அதனைக் குளிப்பாட்டுவதும் ஆகும். நான்கு மாதங்கள் முடியும் முன் விழுந்த கட்டியும் இவ்வாறுதான். நான்கு மாதங்கள் முடிந்திருப்ப்பின் குளிப்பாட்டி, கபனிட்டு அடக்குவது வாஜிபாகும்.

இரத்தக் கட்டி, சதைக்கட்டி, மய்யித்தின் பல், நகம் ஆகியவற்றையும் புதைப்பது சுன்னத்தாகும்.

மய்யித்தை ஒரு ஊரிலிருந்து மற்றொரு ஊருக்கு கொண்டு செல்வது அது நல்ல நிலையிலிருந்தாலும் அல்லது வஸிய்யத்துச் செய்திருந்தாலும் ஹராமாகும்.

தனியாக கண்டெடுக்கப்பட்ட உடலுறுப்பு முஸ்லிம் உடையது என்று தெரிந்தால் அதை குளிப்பாட்டி கபனிட்டு தொழ வைத்து அடக்க வேண்டும்.

ஜனாஸாவைக் கண்டவுடன்:

لآ اِلٰه اِلَّا اللهُ سُبْحَانَ الْحَيِّ الَّذِيْ لَا يَمُوْتُ

ஷாபி மத்ஹப் படி ஜனாஸா தொழுகைக்குரிய விதிமுறைகள் வருமாறு:

பர்ளுகள் 7:

1.நிய்யத்து. 2. சக்தியுள்ளவர்கள் நின்று தொழுதல் 3. நான்கு தக்பீர்கள். 4. முதலாவது தக்பீருக்குப் பின் பாத்திஹா ஓதுதல். 5. இரண்டாவது தக்பீருக்குப் பின் ஸலவாத்து ஓதுதல்.  6. மூன்றாவது தக்பீருக்குப் பின் மைய்யித்திற்காக பிரார்த்தித்தல். 7. நான்காவது தக்பீருக்குப்பின் ஒருமுறை ஸலாம் சொல்லுதல் ஆகியவைகளாகும்.

اُصَلِّى الْفَرْضَ عَلٰى هٰذَا الْمَيِّتِ اَرْبَعَ ثَكْبِيْرَاتٍ لِلهِ هَعَالٰى اَللهُ اَكْبَرُ .

இரண்டாவது தக்பீருக்குப் பின் ஓதும் ஸலவாத்து:

اَللّٰهُمَّ صَلِّ وَسَلِّمْ عَلٰى مُحَمَّدٍ وَعَلٰى اٰلِ مُحَمَّدٍ كَمَا صَلَّيْتَ وَسَلَّمْتَ عَلٰى اِبْرَاهِيْمَ وَعَلٰى اٰلِ اِبْرَاهِيْمَ وَبَارِكْ عَلٰى مُحَمَّدٍ وَعَلٰى اٰلِ مُحَمَّدٍ كَمَا بَارَكْتَ عَلٰى اِبْرَاهِيْمَ وَعَلٰى اٰلِ اِبْرَاهِيْمَ اٍنَّكَ حَمِيْدٌ مَجِيْدٌ

மூன்றாவது தக்பீருக்குப் பின்புள்ள பிரார்த்தனை:

اَللّٰهُمَّ اغْفِرْ لِحَيِّنَا وَمَيِّتِنَا وَشَاهِدِنَا وَغَائِبِنَا وَصَغِيْرِنَا وَكَبِيْرِنَا وَذَكَرِنَا وَاُنْثَانَا اَللّٰهُمَّ مَنْ اَحْيَيْتَهُ مِنَّا فَاحْيِهِ عَلَى الْاِسْلاَمِ ومَنْ تَوَفَّيْتَهُ مِنَّا فَاَحْيِهِ عَلَى الْاِيْمَانِ

பொருள்: 'அல்லாஹ்வே! எங்களில் ஜீவிப்பவர், இறந்தவர், பிரசன்னமாயிருப்பவர், மறைந்திருப்பவர், சிறயவர், பெரியவர், ஆண் பெண் யாவர்க்கும் நீ பிழைபொறுத்தருள். அல்லாஹ்வே! எங்களில் யாரை நீ உயிர் வாழச் செய்கின்றாயோ அவரை இஸ்லாமியத்தின் மீது உயிர் வாழச் செய்! இன்னும் எங்களில் யாரை நீ மரிக்கச் செய்வாயோ அவரை ஈமான் மீது நீ மரிக்கச் செய்!:

ஆண் குழந்தையாக இருப்பின் கீழ்காணும் துஆவை சேர்த்துக் கொள்ளவும்:

اَللّٰهُمَّ اجْعَلْهُ فَرَطًا لِاَبَوَيْهِ وَسَلَفًا وَذُخْرًا وَعِظَةً وَاعْتِبَارًا وَشَفِيْعًا وَثَقِّلْ بِهِ مَوَازِيْنَهُمَا وَاَفْرِغِ الصَّبْرَ عَلٰى قُلُوْبِهِمَا وَلَا تَفْتِنْهُمَا بَعْدَهُ وَلَاتَحْرِمْهُمَا اَجْرَهُ

பொருள்: அல்லாஹ்வே! இவரை (இறந்தவரை) தன் பெற்றோர்கட்கு முந்தியவராகவும், முன் சென்றவராகவும், பாதுகாப்புப் பொருளாகவும், நல்லுபதேசமாகவும், நற்சிந்தனையாகவும், மன்றாடுபவராகவும் நீ ஆக்கி வைப்பாயாக! இவரால் அவ்விருவரின் தராசுத்தட்டுக்களை (நன்மைகள் கொண்டு) பாரமாக்கி வை. அவ்விருவரின் இதயங்களில் (இவரின் பிரிவால் கலக்கமடையாதவாறு) பொறுமையைச் சொரிந்தருள்! இவருக்குப் பின் அவ்விருவரையும் சோதனையிலாக்கி விடாதே! இவரது கூலியை அவ்விருவரும் அடையாதவாறு பேறு கெடுத்து விடாதே!

இதில் பெண் குழந்தையாக இருப்பின் 'ஹு' என்று வரும் இடங்களில் 'ஹா' என்று சேர்த்து ஓத வேண்டும்.

பொதுப்படையாக பெரியவராயினும், குழந்தையாயினும் ஓத வேண்டிய துஆவின் சுருக்கம்:

اَللّٰهُمَّ اغْفِرْ لَهُ وَارْحَمْهُ

'அல்லாஹும்ம மக்பிர்லஹு வர்ஹமஹு'

நான்காவது தக்பீருக்குப் பின் ஸலாம் கெடுப்பதற்கு முன் ஓத வேண்டியது:

اَللّٰهُمَّ لَا تَحْرِمْنَا اَجْرَهُ وَلَاتَفْتِنَّا بَعْدَهُ وَاغْفِرْلنَا وَلَهُ

அல்லாஹும்ம லா தஹ்ரிம்னா அஜ்ரஹு வலா தஃப்தின்னா பஹ்தஹு வக்ஃபிர்லனா வலஹு

ஹனபி மத்ஹப் படி ஜனாஸா தொழுகையின் விதிமுறைகள்:

நிய்யத்:

اُصَلِّ لِلهِ تَعَالٰى دَاءِيًا لِلْمَيِّتِ

அல்லாஹ்வுக்காக தொழுகிறேன். இந்த மய்யித்திற்காக துஆ செய்கிறேன் என்று நிய்யத் செய்து கொள்ள வேண்டும்.

நின்று தொழ வேண்டும்(நிற்க சக்தியில்லாதவர்கள் உட்கார்ந்தும் தொழலாம்.)

முதல் தக்பீருடன் மூன்று தக்பீர்களும் சேர்த்து நான்கு முறை தக்பீர் சொல்ல வேண்டும்.

முதல் தக்பீரில் இமாம், மஃமூம் யாவரும் சாதராணத் தொழுகைகளில் ஓதும் ஃதனாவை ஓத வேண்டும்.

இரண்டாம் தக்பீருக்குப் பின் கீழ்காணும் ஸலவாத் ஓத வேண்டும்.

اَللّٰهُمَّ صَلِّ وَسَلِّمْ عَلٰى مُحَمَّدٍ وَعَلٰى اٰلِ مُحَمَّدٍ كَمَا صَلَّيْتَ وَسَلَّمْتَ عَلٰى اِبْرَاهِيْمَ وَعَلٰى اٰلِ اِبْرَاهِيْمَ وَبَارِكْ عَلٰى مُحَمَّدٍ وَعَلٰى اٰلِ مُحَمَّدٍ كَمَا بَارَكْتَ عَلٰى اِبْرَاهِيْمَ وَعَلٰى اٰلِ اِبْرَاهِيْمَ اٍنَّكَ حَمِيْدٌ مَجِيْدٌ

மூன்றாவது தக்பீருக்குப் பின் மய்யித்திற்காக பாபமன்னிப்பு கோரி துஆ செய்ய வேண்டும்.

اَللّٰهُمَّ اغْفِرْ لِحَيِّنَا وَمَيِّتِنَا وَشَاهِدِنَا وَغَائِبِنَا وَصَغِيْرِنَا وَكَبِيْرِنَا وَذَكَرِنَا وَاُنْثَانَا اَللّٰهُمَّ مَنْ اَحْيَيْتَهُ مِنَّا فَاحْيِهِ عَلَى الْاِسْلاَمِ ومَنْ تَوَفَّيْتَهُ مِنَّا فَاَحْيِهِ عَلَى الْاِيْمَانِ

நான்காம் தக்பீருக்குப் பின் இரண்டு பக்கமும் திரும்பி ஸலாம் சொல்லித் தொழுகையை முடிக்க வேண்டும்.

رَبَّنَا اتِنَا فِى الدُّنْيَا حَسَنَةً وَفِى الْاٰخِرَةِ حَسَنَةً وَقِنَا عَذَابَ النَّارِ

பொருள்: எங்கள் இறைவனே எங்களுக்கு இவ்வுலகிலும் ஆகிரத்திலும் நன்மையைத் தந்தருள்வாயாக! ஆமீன்

இரண்டாவது, மூன்றாவது, நான்காவது தக்பீர்களின் போது 'அல்லாஹு அக்பர்' என்று மட்டும் இமாமுடன் தொடர்ந்து சொல்ல வேண்டும். கைகளை எடுக்கவோ உயர்த்தவோ கூடாது.

இமாம் தொழ வைத்துக் கொண்டிருக்கும் போது பிந்தி வந்தவர் இமாம் ஸலாம் கொடுத்து முடிந்த பின் மீதியைத் தொழ வேண்டும். அந்தந்தத் தக்பீருக்குப் பின்னால் ஓதவேண்டியவைகளை ஓத வேண்டும். ஜனாஸாவை எடுத்துச் சென்று விட்டாலும் பிந்திவந்தவர் தொழுது முடிக்க வேண்டும். ஆனால் தொழுது முடிக்கும் வரை ஜனாஸாவை தூக்கிச் செல்லாமலிருப்பது சுன்னத்தாகும்.

மரணத் தருவாயில் செய்ய வேண்டியவை

பருவமடைந்த ஒரு முஸ்லிம் மரணத்திற்கு தயார் நிலையில் தன்னை ஆக்கிக் கொள்ள வேண்டும். நோய்வாய்ப்பட்டவர் நற்செயல் புரிந்து, களாவாகிவிட்ட பர்ளான செயல்களை நிறைவேற்றி, பிறர் யாரும் தன்மீது பின்தொடர்ச்சி கொள்ளாத முறையில் உரியவர்களுக்கு கடைமைகளை நிறைவேற்றி, வழக்காளிகளை திருப்தியுறச் செய்து, குற்றங்குறைகளுக்கு இடம் வைக்காமல், பாவங்களுக்கு தவ்பா செய்தவர்களாக தயார் நிலையில் இருக்க வேண்டும்.

ஒருவருக்கு மௌத்துடைய நேரம் வந்து விட்டால் அவருடைய முகத்தைக் கிப்லாவுக்கு நேராக திருப்பி வலப்பக்கத்தில் ஒருசாய்த்து படுக்க வைப்பது சுன்னத்தாகும். அப்பொழுது அவருக்கு யாராவது ஒருவர் அருகிலிருந்து லாஇலாஹ இல்லல்லாஹு முஹம்மதுர் ரஸூலல்லாஹ் என்ற கலிமாவை அதட்டாத முறையில் சொல்லிக் கொடுக்க வேண்டும். அவர் சொல்லிவிட்டால் மறுபடி சொல்லிக் கொடுக்கத் தேவையில்லை. அவர்அருகிலிருந்து ஸூரத்து யாஸீன், ஸூரத்து ரஃது ஆகியவற்றை ஓதுவது சுன்னத்து.

மௌத்தானது உறுதியாக தெரிந்தவுடன், பிஸ்மில்லாஹி வஅலா மில்லத்தி ரசூலுல்லாஹி ஸல்லல்லாஹு அலைஹி வஸல்லம் என கூறி அவருடைய இரு கண்களையும் மூடிவிட்டு, நாடியைக் கட்டி, கைகால் முழிகளை மெல்ல நீட்டி மடக்கி பின் நீட்டிவிட்டு வயிற்றில் (இருபது கழஞ்சு எடையுள்ள) கனமான ஏதேனும் ஒரு பொருளை வைத்து, தலையை நிமிர்த்தி வைத்து, மௌத்தான நேரத்திலிருந்த துணிகளைக் களைந்து (கசப்பு மாற்றி) கட்டில் போன்ற உயரமான இடத்தில் கிப்லாவுக்கு நேராக முகத்தையும் உள்ளங்கால்களையும் வைத்துப் படுக்கச் செய்து, மெல்லிய துணியால் தலையுட்பட மேனி முழுவதையும் மூடி மறைத்து , துணியின் ஒரு தலைப்பைத் தலைக்குக் கீழும் மற்றொரு முந்தியை காலின் கீழும் ஆக்குவதும் சுன்னத்தாகும்.

மௌத்தான நேரம் முதல் குளிப்பாட்டும் வரை அருகில் வாசனைப் புகை போடுவது நல்லது.

ஒருவருக்கு சக்கராத்தின் நிலை போன்ற மரணத்தின் அறிகுறிகள் தென்பட்டால், அவருக்குப் பக்கத்திலிருந்து மரணம் ஏற்படும் வரை யாஸீன் ஓதுவது சுன்னத்தாகும்.

தொட்டால் ஒழு முறியாதவர்கள் மய்யித்தை முத்தமிடலாம். அந்நிய மய்யித்தைத் தொடுவதால் அவர்களுக்கு உளு முறிந்து விடும். மய்யித்திற்கு உளு முறியாது. எனினும் அந்த மய்யித்து ஸாலிஹானதாயிருப்பின் முத்தமிடுவது சுன்னத்தாகும்.

ஜுனுபாளியும், ஹைளுகாரியும் மய்யித்தை விட்டு தூரமாக இருந்து கொள்வார்கள்.

மய்யித்தை குளிப்பாட்டுவது, கஃபனிடுவது, தொழவைப்பது, அடக்குவது இந் நான்கும் ஃபர்ளு கிபாயாவாகும். ஒரு மய்யித்தை மலக்குகளோ, ஜின்களோ குளிப்பாட்டி, கஃபனிட்டு, தொழ வைக்கக் கண்டாலும் மனிதர்கள் மீது உள்ள கடமை நீங்காது.

மய்யித்திற்கு தேவையான கஃபன் மற்றுமுள்ள செலவினங்கள் அனைத்தும் மய்யித்தினுடைய சொந்தப் பொருளிலிருந்தே செய்ய வேண்டும். மனைவிக்கும், அவளுடைய வேலைக்காரிக்கும் (அவளுக்குரிய சொத்திருந்தாலும் சரி) அந்த மய்யித்துகளுக்கு செலவளிப்பது வசதியுள்ள கணவன் மீது கடமையாகும்.

இறந்து விட்டவருக்கு சொத்து இல்லாவிட்டால் அந்த மய்யித்துடைய வாழ்நாளில் அவருக்கு உணவு உடை அளிப்பது யார் மீது கடமையாயிருந்ததோ அவர் மீது அக்கடமை சாரும். அவ்வாறில்லாதிருப்பின் பைத்துல் மால் என்னும் பொதுநிதியைச் சாரும். பைத்துல்மால் இல்லாதிருப்பின் வசதியுள்ளவர்களின் மீது கடமையாகும்.

மய்யித்தைக் குளிப்பாட்டும் முறை:

தண்ணீரில் தாழ்ந்து மிதந்த மய்யித்தாக இருப்பினும் மேனி முழுவதும் ஒருமுறை தண்ணீர் ஓட்டுவது ஃபர்ளாகும். கத்னா செய்யப்படாதவராக இருந்தால் தோலினுள் தண்ணீர் செல்லாத நிலையிருந்தால் தயம்மும் செய்விக்க வேண்டும். உள்ளே தண்ணீரைச் செலுத்துவதற்காக மய்யித்தை வருத்தப்படுத்துவது ஹராமாகும்.

குளிப்பாட்டுவதில் சிறந்த முறையாவது: மேலே முகடு உள்ள ஒரு கட்டில் போன்ற உயரத்தில் மய்யித்தை வைத்து, குளிப்பாட்டுபவர்களைத் தவிர, மற்றவர்களை அப்புறப்படுத்தி, ஒரு பழைய போர்வை (இளப் போர்வை)யால் மூடி குளிர்ந்த தண்ணீர் கொண்டு குளிப்பாட்ட வேண்டும். குளிர்ந்த நீர் என்பது உப்பு நீராக இருப்பது சிறந்தது. ஏனெனில் உப்பு உடலை உப்ப விடாமல் தடுப்பதால். உடலில் உள்ள பூச்சு பத்து, ஏதேனும் சாயம், அல்லது அழுக்கு ஆகியவற்றை நீக்குவதற்காகவும், அல்லது கூதலாக இருக்கும் காரணத்திற்காகவும், தண்ணீரை வெதுவெதுப்பாக்கிக் கொள்வது நல்லது. ஜம்ஜம் நீரினால் குளிப்பாட்டுவது கூடாது.

குளிப்பாட்டுவதில் ஒற்றைப்படையாக இருப்பதும், குளிப்பாட்டுபவர்கள் நான்கு நபர்களுக்கு மேல் இல்லாமலிருப்பதும், மய்யித்தின் முகத்தை மூடி வைப்பதும், அல்லாஹ்வை திக்ரு செய்வதும், ஷஹாதத் கலிமா சொல்வதும், குளிப்பாட்டுபவர் மய்யித்தை மெதுவாக இருப்பாட்டித் தன்னுடைய வலது முட்டுக்காலில் கொஞ்சம் சாய்த்து வைப்பதும், மய்யித்தில் ஏதேனும் குறையைக் கண்டால் அதனை மறைப்பதும் சுன்னத்தாகும்.

முதலில் மய்யித்தின் மேலிலுள்ள நஜீஸை நீக்கிக் கொள்ள வேண்டும். குளிப்பாடடுகிறவர் தன் கையில் ஒரு துணியை சுற்றிக் கொள்ள வேண்டும். உறுப்புகளுக்குரிய துஆவையும், திக்ரையும் சொல்லி ஒழு செய்து அதற்குரிய துஆவை ஓதியபின் கையை கீழே போட்டு 'ஸூரத்துல் கத்ர்-இன்னா அன்ஸல்னா' ஸூராவை 3 தடவை ஓதிக் கொள்வது சுன்னத்தாகும். பின்வரும் துஆவை தனக்கும் மய்யித்துக்கும் சேர்தது கேட்க வேண்டும்.

اَللّٰهُمَّ اجْعَلْنِيْ وَاِيَّاهُ مِنَ الْمُتَطَهِّرِيْنَ . وَاجْعَلْنِيْ وَاِيَّاهُ مِنْ عِبَادِكَ الصَّالِحِيْنَ . وَاجْعَلْنِيْ وَاِيَّاهُ مِنَ الَّذِيْنَ لَا خَوْفٌ عَلَيْهِمْ وَلَا هُمْ يَحْزَنُوْنَ .

பொருள்: 'யா அல்லாஹ்! என்னையும் இவரையும் பரிசுத்தவான்களில் உள்ளவர்களாக ஆக்கியருள்வாயாக! என்னையும் இவரையும் உன்னுடைய நல்லடியார்களில் உள்ளவர்களாக ஆக்கியருள்வாயாக! என்னையும் இவரையும் அச்சமும் கவலையும் இல்லாதவர்களாக ஆக்கியருள்வாயாக!'

குளிப்பாட்டுகிறவர் தன்னுடைய கலிமா விரலால் மிஸ்வாக் செய்வித்து, சுண்டு விரலால் மூக்கைச் சுத்தம் செய்ய வேண்டும். இலந்தை இலை, சீயக்காய், அரப்பு, சோப்பு போன்றவற்றால் சிரமப்படுத்தாமல் மெதுவாகத் தேய்த்து கடப்புச் செய்யாமல் வலப்பக்கம் தொடங்கி, உடல் முழுவதும் மூன்று தடவை தண்ணீரை ஓட்டிக் குளிப்பாட்ட வேண்டும். கடைசியில் சிறிதளவு சூடம் கலந்த தண்ணீரால் குளிப்பாட்ட வேண்டும். குளிப்பாட்டி முடிந்தவுடன் மெல்லிய துணியால் துடைப்பது சுன்னத்து.

தண்ணீர் கிடைக்காவிட்டாலும் அல்லது மய்யித்து நெருப்பில் வெந்திருப்பதினாலோ அல்லது தண்ணீரில் நீண்ட நேரம் கிடந்ததினாலோ அதைக் குளிப்பாட்டுவதால் சேதமடைந்து விடும் என்று இருந்தாலோ தயம்மும் செய்து விப்பது வாஜிபாகும். தற்'கொலை செய்தவனுக்கும் நான்கு ஃபர்ளுகளையும் நிறைவேற்றுவது ஃபர்ளாகும்.

ஆண்களை ஆண்களும், பெண்களை பெண்களும்தான் குளிப்பாட்ட வேண்டும். கணவன் மனைவி இருவரில் ஒருவர் மற்றவரைக் குளிப்பாட்டலாம். எனினும் கையில் ஒரு துணியைச் சுற்றிக் கொள்வது சுன்னத்தாகும். மய்யித்தைக் குளிப்பாட்டுவதற்கு தகுதியுள்ளவரே அதற்குத் தொழ வைப்பதற்கும் தகுதியுள்ளவர்.

ஒரு கைப்பிடி மண்ணை எடுத்து இன்னா அன்ஜல்னாஹு சூராவை ஏழு தடவை ஓதி அதில் ஊதி அந்த மண்ணைக் கஃபனில் அல்லது கப்ரில் வைத்து விட்டால் அவருக்கு கப்ருடைய வேதனை இலேசாக்கப்படும் என்பதாக அல்லாமா புஜைரமீ ரலியல்லாஹு அன்ஹு அவர்கள் 'ஃபத்ஹுல் வஹ்ஹாபு' என்றும் நூலில் கூறியுள்ளார்கள்.

கஃபனிடுதல் பற்றிய விபரம்:

கஃபனிடுவதில் பெண்களுக்கு முகமும் மணிக்கட்டுவரை இரு கைகளையும் தவிர மீதியுள்ள உடல் முழுவதையும் ஆண்களுக்கு முழங்காலிலிருந்து தொப்புள் வரைக்கும் மறைப்பது ஃபர்ளாகும்.

ஆண்களுக்குக் கஃபனில் நிரப்பமானது மூன்று அடையவளைந்தானாகும். பெண்களுக்கு நிரப்பமானது இரண்டு அடையவளைந்தானும் ஒரு கைலியும், ஒரு சட்டையும் ஒரு முகமூடியுமாகும். ஆண்களுக்கு ஒரு சட்டையும் ஒரு தலைப்பாகையும் அதிகமாகவும் ஆக்கிக் கொள்ளலாம்.

சிறந்த கஃபனாகிறது கிழிசல் இல்லாத கெட்டியான பழைய வெள்ளைத்துணியாகும். அறவே துணி கிடைக்காவிட்டால் தோலோ அல்லது இலைதலையோ அல்லது களிமண் பூசியோ கஃபனிடுவது வாஜிபாகும்.

பெண்களின் ஜனாஸாவாக இருப்பினும் பட்டுத் துணி, தங்கம், வெள்ளி ஜரிகைத் துணியால் மறைப்பது ஹராமாகும்.

கஃபனை அம்பர், சாம்பிராணி போன்றவற்றால் மூன்று தடவை புகைப்பிடிப்பதும், அடையவளைந்தானை ஒவ்வொன்றாக விரித்து அதில் பல மணத்தை வைப்பதும், ஜனாஸாவுடைய உடல் துவாரங்களிலும்( கண்கள், மூக்கு, காதுகள், வாய், முன் துவாரம், பின்துவாரங்கள்), ஸஜ்தாவுடைய ஏழு உறுப்புகளின்(நெற்றி, இருகைகள், இரு கால்கள், இரு முழங்கால்கள்) மீதும் சூடத்துடன் கலந்து பஞ்சை மெதுவாக வைப்பதும் பிறகு அதற்கு மேல் சூடத்தை அதிகமாக வைப்பதும், ஜனாஸாவை மெதுவாக கஃபனில் வைத்து முகம் கவிழ்க்காமல் கஃபனிடுவதும் சுன்னத்தாகும்.

காயம்பட்ட இடங்களிலும் மேற்கூறப்பட்ட வாசனைப் பொருட்களை வைப்பது சுன்னத்தாகும்.

கஃபனில் தலைப்பக்கம், கால்பக்கம் ஆகிய இரு பக்கங்களை துண்டுக்கரையால் கட்டுவது சுன்னத்தாகும்.

ஜனாஸாவை மூன்று நபர்களுக்கு குறைவாகச் சுமந்து செல்வது மக்ரூஹ் ஆகும். கையில் ஏந்திச் செல்லும் குழந்தையாக இருப்பின் குறைவாக இருப்பது கூடும்.

ஜனாஸாவைத் தொடர்ந்து செல்பவர்கள் அதனைச் சேர்ந்தார்போல் முன்னால் கால் நடையாக செல்வதும், திக்ரு, ஷஹாதத் கலிமா சொல்லிக் கொண்டு செல்வதும் சுன்னத்தாகும்.

ஜனாஸா தொழுகை நடைபெறும்போது அவ்விடத்தில் தொழாமல் இருந்தவன் பிறகு அதனைத் தொழுவது சுன்னத்தாகுமென்றிருந்தாலும் அவனுக்கு ஃபர்ளாகவே ஆக்;கப்படும்.

பல ஜனாஸாக்களுக்கு ஒரு தொழுகை  போதுமானது. அனைவருக்கும் தொழுவதாக நிய்யத் வைத்துக் கொள்ள வேண்டும். ஜனாஸாவை அடக்கிய பின் தொழுவது ஹராமாகும். ஆனால் கப்ரின் அருகில் தொழுதால் ஃபர்ளு நீங்கி விடும்.

அடக்கம் செய்தல்:

கப்ருடைய ஆழத்தில் குறைந்த அளவாவது ஜனாஸாவின் நாற்றம் வெளியில் வராமலும் ஐவாய் மிருகங்கள் தோண்டி எடுத்துவிடாத அளவிலும் இருப்பதாகும். இதில் நிரப்பமாகிறது:

'சுமார் நாலரை முழம் ஆழமும் ஒன்றரை முழ அகலமும் உள்ளதாகும். கப்ருடைய அடிப்பாகத்தில் கிப்லாவின் புறத்தில் பிள்ளைக் குழி தோண்டி அதில் ஜனாஸாவை நுழைய வைப்பது சிறந்ததாகும். கெட்டியான பூமியாக இருப்பின் இவ்வாறு தோண்டலாம். இல்லாவிட்டால் கப்ரின் நடுவில் மய்யித்திற்கு அளவான குழியைத் தோண்ட வேண்டும். பெட்டியில் வைத்து அடக்குவது மக்ரூஹ்(பூமி மணற்பாங்கானதாக அல்லது தண்ணீர் ஊறும்படியானதாக இருந்தாலே தவிர).

மண்வெட்டி அல்லாத கருவிகளால் தோண்டுவது மக்ரூஹ். கப்ரில் ஜனாஸாவை இறக்கும்போது தேவையான அளவுக்கு ஆட்கள் ஒற்றைப்படையாக இருந்து, கப்ரின் கால்மாட்டின் பக்கமாக மய்யித்தின் தலையைக் கொண்டு போய் கப்ருக்குள் இறக்கி வைத்து ஒரு திரையினால் மூடிக் கொண்டு, வலது கன்னத்தை விட்டும் கஃபனை நீக்கி மண்ணில் அதனை சேர்த்து வைத்து, பச்சைச் செங்கள் போன்றதை தலைக்கு தலையணை போன்று வைத்து, கட்டுகளை அவிழ்த்து விட்டு, பிறகு பிள்ளைக் குழியைச் செங்கள் போன்றவற்றால் அடைப்பது சுன்னத்தாகும். சுட்ட செங்கலையோ அல்லது நெருப்பில் வெந்த ஏதேனும் ஒரு பொருளையோ கப்ருக்குள் வைப்பது நான்கு இமாம்களிடத்திலும் மக்ரூஹ் ஆகும்.

மய்யித்தின் முகத்தை கப்ரில் கிப்லாவுக்கு நேராகத் திருப்பி வைப்பது வாஜிபாகும்.

கப்ரில் மய்யித்தை இறக்கும் போது,

بِسْمِ اللهِ وَعَلٰى مِلَّةِ رَسُوْلِ اللهِ صَلَّى اللهُ عَلَيْهِ وَسَلَّمَ

என்று சொல்வது சுன்னத்து.

முன்னால் அடக்கப்பட்ட மய்யித்து முற்றிலும் மக்கி அழிவதற்கு முன் அந்தக் கப்ரைத் தோண்டுவதும், அதில்வேறொரு மய்யித்தை அடக்குவதும் ஹராமாகும். சில முக்கியமான காரியங்களுக்காகவே தவிர பொதுவாகக் கப்ரைத் தோண்டுவது ஹராம். அவையாவன: குளிப்பாட்;டாமல் அடக்கியிருப்பின், முதலில் அடக்கப்பட்ட மய்யித்து முற்றிலும் மக்கிப் போயிருந்தால், அபகரிக்கப்பட்ட பிறருடைய நிலத்தில் அடக்கப்பட்டிருப்பின், பிறருடைய பொருளை அவன் வயிற்றில் விழுங்கியிருந்தால், கப்ரில் மோதிரம் போன்ற ஒரு பொருள் விழுந்திருந்தால், கிப்லா அல்லாத திசையில் அடக்கப்பட்டிருந்தால், ஒரு காபிரை ஹரம்ஷரீபில் அடக்கியிருந்தால், வாரிசுதாரர்கள் அடக்கப்பட்டவர் ஆணா,பெண்ணா என்று தர்க்கித்துக் கொண்டிருந்தால், வயிற்றில் குழந்தையுடன் அடக்கப்பட்ட பெண்ணின் வயிற்றில் குழந்தை உயிருடன் இருக்கிறது அதை எடுக்க முடியும் என்று தெரிந்தால்,ஒருவன் கர்ப்பமுற்றிருந்த தன் மனைவியை நோக்கி உன் வயிற்றிலிருப்பது ஆணாக இருந்தால் நீ தலாக் என்று சொல்லியிருக்க, அவள் இறந்து அதனை அறிவதற்கு முன் அடக்கப்பட்டு விட்டால் போன்ற நிர்பந்தமான நிலைகளில் கப்ரைத் தோண்டலாம்.

கப்ரைத் தோண்டிக் கொண்டிருக்கும்போது எலும்பு காணப்பட்டால் அந்த எலும்பை அதே இடத்தில் போட்டு மூடிவிட்டு வேறு இடத்தில் கப்ரு தோண்டுவது வாஜிபு.

ஒரு கப்ரில் ஆண், பெண் இருவரை அடக்குவது ஹராமாகும். ஆனால் திருமணம் செய்ய ஹராமானவர்களாக இருந்தால் அல்லது கணவன் மனைவியாக இருந்தால் அவ்வாறு அடக்கலாம்.கப்ரின் அருகில் நிற்பவர்கள் ஒரு கைகளினாலும் கப்ரின் தலைப்பக்கத்தில் மூன்று தடவை மண் எடுத்து முதல் தடவையில்,  مِنْهَا خَلَقْنَاكُمْ 
 என்று கப்ரில் போடவும். இரண்டாவது தடவையில்,

وَفِيْهَا نُعِيْدُكُمْ   என்றும்

மூன்றாவது தடவையில்

وَمِنْهَا نُخْرِجُكُمْ تَارَةً اُخْرٰى என்றும் கூறி அம்மண்ணை கப்ரில் போடுவது சுன்னத்து.

கப்ரை ஒரு சாண் அளவு உயர்த்தி முகடு போன்று ஆக்குவதும், ஒரு பெரிய கல்லை, அல்லது குறிப்பு பலகையை தலைமாட்டில் ஊன்றி வைப்பதும், அதன் கால் பக்கமும் அவ்விதம் செய்வதும் , செடி, கொடிகளை ஊன்றி வைப்பதும,; இன பந்துக்களை அருகருகில் ஒன்று சேர்த்து அடக்குவதும் சுன்னத்தாகும்.

முஸ்லிம்களின் கப்ரை மிதிப்பது மக்ரூஹ் ஆகும். அடக்கியபின் கப்ருக்கருகில் துஆ செய்வதும், குர்ஆன் ஓதி ஹதியா செய்வதும் சுன்னத்தாகும். கப்ரின் தலைமாட்டில் இருந்து தல்கீன் ஓதுவது சுன்னத்தாகும். மற்றவர்கள் நிற்பது நல்லது.மய்யித்து பெண்ணாக இருந்தால் கிப்லாவை முன்னோக்கியும், ஆணாக இருந்;தால் கிப்லாவை பின்னோக்கியும் உட்கார்ந்து ஓதுவது முஸ்தஹப்பாகும்.
ஹனபி மத்ஹபில் தல்கீன் ஓதுவது அவசியமில்லை. ஆனால் ஷாபி மத்ஹபுகாரர்கள் அவ்வாறு ஓதுவதை தடுக்கக் கூடாது.

காபிருடைய ஜனாஸாவிற்கு தொழ வைப்பது ஹராமாகும். எந்த மய்யித்தாக இருப்பினும் கயிற்றால் கட்டி இழுத்துச் செல்வதும், அலங்கோலமாக சுமந்து செல்வதும், நாற்றமடிக்க போட்டு வைப்பதும் ஹராமாகும்.

ஜிஹாத் என்னும் மார்;க்கப் போரில் ஷஹீதானவர்களை குளிப்பாட்டுவதும், தொழ வைப்பதும் ஹராம். அவர்களுடைய உடலில் படிந்திருக்கும் இரத்தக் கறையை நீக்குவதும் ஹராம்.

கடலில் கப்பலில் இறந்தவர்களை கரைக்குக் கொண்டுவருவது சிரமமானால் நான்கு ஃபர்ளுகளையும் நிறைவேற்றி இரண்டு பலகைகளுக்கு இடையில் அல்லது இரண்டு கம்புகளுக்கு இடையில் ஜனாஸாவை வைத்து கனமான பொருளை அத்துடன் கட்டிக் கடலில் இறக்க வேண்டும்.

ஷஹீதானவர்களைப் போன்று பத்து நபர்களுக்கு மறுமையின் நன்மை வழங்கப்படும். ஆனால் அவர்களை குளிப்பாட்டி, கபனிட்டு, தொழவைத்து அடக்க வேண்டும். அவர்கள்:

அநியாயமாக கொலை செய்யப்பட்டவர்கள், காலரா,பிளேக்கு போன்ற நோயினால் இறந்தவர்கள், தாய், தந்தை மகன் அனைவரைவிட்டும் தனித்திருக்கும் நிலையில் பரதேசியாய் இறந்தவர்கள், நெருப்பினால் கரிந்து, நீரில் மூழ்கி, வீடு போன்றவை இடிந்து விழுந்து, பாம்பு போன்ற விஷ ஜந்து கடித்து இறந்தவர்கள், பிள்ளைப் பேறு உடைய வருத்தத்தினால் இறந்தவர்கள், பிள்ளைப்பேறு தொடக்கு (நிபாஸ்) நீங்குமுன் இறந்தவர்கள், மார்க்க கல்வியை கற்கும் காலத்தில் இறந்தவர்கள், உண்மைக் காதலினால் இறந்தவர்கள்( அது எவ்வித இஷ்க்காக இருந்தாலும் சரி) ஆகியோர்களாவார்.

முற்றும்.

Khathmul Quran Dua-கத்முல் குர்ஆன் துஆ:

بسم اللهالرَّحْمٰن الرّحِيم ۞

اَلْحَمْدُ لِلّٰهِ رَبِّ الْعَالَمِيْنَ  ۞ وَالصَّلَاةُ وَالسَّلاَمُ عَلٰى سَيِّدِنَا مُحَمَّدٍ وَّعَلٰى اٰلِه وَصَحْبِه اَجْمَعِيْن اَلْحَمْدُ لِلّٰهِ رَبِّ الْعَالَمِيْنَ  ۞ صَدَقَ اللهُ الْعَلِيُّ الْعَظِيْمُ  ۞ وَصَدَقَ رَسُوْلُهُ النَّبِيُّ الْكَرِيْمُ ۞ وَنَحْنُ عَلٰى ذَالِكَ مِنَ الشَّاهِدِيْنَ ۞ رَبَّنَا تَقَبَّلْ مِنَّآ اِنَّكَ اَنْتَ السَّمِيْعُ الْعَلِيْمُ ۞ اَللّٰهُمَّ ارْزُقْنَا بِكُلِّ حَرْفٍ مِّنَ الْقُرْاٰنِ حَلاَوَةً وَبِكُلِّ جُزْءٍ مِّنَ الْقُرْاٰنِ جَزَآءً  اَللّٰهُمَّ ارْزُقْنَا بِالْاَلْفِ اُلْفَةً وَّبِالْبَآءِ بَرَكَةً وَّبِالتَّآءِ  تَوْبَةً وَبِالثَّآءِ ثَوَابًا وَّبِالْجِيْمِ جَمَالًا وَّبِالْحَآءِ حِكْمَةً وَبِالْخَآءِ خَيْرًا وَّبِالدَّالِ دَلِيْلًا وَّبِالذَّالِ ذَكَآءً وَبِاالرَّآءِ رَحْمَةً وَّبِالزَّآءِ زَكٰوةً وَبِالسِّيْنِ سَعَادَةً وَبِا لشِّيْنِ شِفَآءً وَّبِالصَّادِ صِدْقًا وَّبِالضِّادِ ضِيَآءً وَّبِالطَّآءِ طَرَاوَةً وَّبِالظَّآءِ ظَفْرًا وَّبِالْعَيْنِ عِلْمًا وَبِلْغَيْنِ غِنًى وَّبِالْفَآءِ فَلَاحًا وَّبِاللَّامِ لُطْفًا وَّبِالْمِيْمِ مَوْعِظَةً وَّبِالنُّوْنِ نُوْرًا وَّبَالْوَاوِ وُصْلَةً وَّبِالْهَآءِ هِدَايَةً وَبِالْيَآءِ يَقِيْنًا۞  اَللّٰهُمَّ انْفَعْنَا بِالْقُرْاٰنِ الْعَظِيْمِ۞ وَارْفَعْنَا بِالْاٰيَاتِ وَالذِّكْرِ الْحَكِيْمِ ۞ وَبَقَبَّلْ مِنَّا قِرآءَتَنَا وَتَجَاوَزْ عَنَّا مَاكَانَ فِىْ تِلَاوَةِ الْقُرْاٰنِ مِنْ خَطَأٍ اَوْنِسْيَانٍ اَوْتَحْرِيْفِ كَلِمَةٍ عَنْ مّوَاضِعِهَا  ، اَوْتَقْدِيْمِ اَوْتَأْخِيْرٍ اَوْزِيَادَةٍ اَوْنُقْصَانٍ اَوْ تَأْوِيْلٍ عَلٰى غَيْرِ مَا اَنْزَلْتَهُ عَلَيْهِ اَوْرَيْبٍ اَوْشَكٍّ اَوْ سَهْوٍ اَوْسُوْءٍ اِلْحَانٍ اَوْتَعْجِيْلٍ عِنْدَتِلَاوَةِ  الْقُرْاٰنِ اَوْكَسْلٍ اَوْسُرْعَةٍ اَوْ زَيْغِ لِسَانٍ اَوْوَقْفٍۢ بِغَيْرِ وُقُوْفٍ اَوْاِدْغَامٍۢ بِغَيْرِ مُدْغَمٍ  اَوْاِظْهَارٍ ۢ   بِغَيْرِ  بَيَانٍ اَوْمَدٍّ  اَوْتَشْدِيْدٍ  اَوْهَمْزَ ةٍ اَوْ جَزْمٍ اَوْاِعْرَابٍ بِغَيْرِ مَاكَتَبَهُ اَوْقِلَّةِ رَعْبَةٍ وَّرَهْبَةٍ عِنْدَ اٰيَاتِ الرَّحْمَةِ اَوْاٰيَاتِ الْعَذَابِ فَاغْفِرْ لَنَا رَبَّنَا وَاكْتُبْنَا مَعَ الشَّاهِدِيْنَ۞اَللّٰهُمَّ نَوِّرْ قُلُوْبَنَا بِالْقُرْاٰنِ  ۞ وَزَيِّنْ اَخْلَاقَنَا بِالْقُرْاٰنِ ۞ وَنَجِّنَا مِنَ النَّارِ بِالْقُرْاٰنِ ۞ وَاَدْخِلْنَا فِى الْجَنَّةِ بِالْقُرْاٰنِ ۞ اَللّٰهُمَّ اجْعَلْ الْقُرْاٰنَ لَنَا فِى الدُّنْيَا قَرِيْنًا وَّفِى الْقُبْرِ مُوْنِسًا وَّفِى الْقِيٰمَةِ شَافِعًا وَّعَلَى الصِّرَاطِ نُوْرًا وَّفِى الْجَنَّةِ رَفِيْقًا وَّمِنَ النَّارِ سِتْرًا وَّحِجَابً وَّاِلَى الْخَيْرَاتِ كُلِّهَا دَلِيْلًا فَاكْتُبْنَا عَلَى التَّمَامِ وَارْزُقْنَا اَدَآءً بِالْقَلْبِ وَاللِّسَانِ وَحُبَّ الْخَيْرِ وَالسَّعَادَةِ وَالْبِشَارَة ِ مِنَ الْاِيْمَانِ ۞ اَللّٰهُمَّ اٰنَس وَحْشَتِىْ فِىْ قَبْرِىْ اللّٰهُمَّ ارْحَمْنِىْ بِالْقُرْاٰنِ الْعَظِيْمِ وَاجْعَلْهُ لِىْ اِمَامًا وَّنُوْرًا وَّهُدًا ى وَّرَحْمَةً ۞ اَللّٰهُمَّ ذَكِّرْنِىْ مِنْهُ مَانَسِيْتُ وَعَلِّمْنِىْ مِنْهُ مَاجَهِلْتُ وَارْزُقْنِىْ تِلَاوَتَهُ اٰنَآءَ اللَّيْلِ وَاٰنَآءَ النَّهَارِ ۞ وَاجْعَلْهُ لِىْ حُجَّةً يَارَبَّ الْعَالَمِيْنَ ۞ رَبَّنَا ظَلَمْنَآ اَنْفُسَنَا وَاِنْ لَّمْ تَغْفِرْ لَنَا وَتَرْحَمْنَا لَنَكُوْنَنَّ مِنَ الْخَاسِرِيْنَ ۞ رَبَّنَا اٰتِنَا فِى الدُّنْيَا حَسَنَةً و َّفِى الْاٰخِرَةِ حَسَنَةً وَّقِنَا عَذَابَ النَّارِ ۞ رَبَّنَا اغْفِرْ لَنَا وَارْحَمْنَا وَلِوَالِدِيْنَا وَلِجَمِيْعِ اَسَاتِيْذِنَا وَلِجَمِيْعِ اُمَّةِ سَيِّدِنَا  مُحَمَّدٍ صَلَّى اللهُ عَلَيْهِ وَسَلَّمَ ۞رَبَّنَا اغْفِرْلِيْ  وَلِوَالِدَىَّى رَبِّ ارْحَمْهُمَا كَمَا رَبَّيَانِىْ  صَغِيْرًا ۞  صَلَّى اللهُ وَسَلَّمَ عَلٰى خَيْرِ خَلْقِة سَيِّدِنَا مُحَمَّدٍ وَّعَلٰى اٰلِه وَاَصْحَابِه اَجْمَعِيْنَ ۞   سُبْحَانَ رَبِّكَ رَبِّ الْعِزَّةِ عَمَّا يَصِفُوْنَ ۞ وَسَلَامٌ عَلَى الْمُرْسَلِيْنَ ۞ وَالْحَمْدُ لِلّٰهِ رَبِّ الْعَالَمِيْنَ۞

 

 

 

 

    பொருள்:

எல்லாப்புகழும் அல்லாஹு தஆலாவுக்கே. சலவாத்தெனும் சாந்தியும், சலாமென்னும் ஈடேற்றமும் முஹம்மது ஸல்லல்லாஹு அலைஹி வஸல்லம் அவர்கள் மீதும், அவர்கள் கிளையார்கள் மீதும், அவர்கள் தோழர்கள் மீதும் உண்டாவதாக!

வலுப்பமும் உயர்வும் உடைய அல்லாஹ் உண்மை சொல்லி விட்டான்.

சங்கைக்குரிய நபியாகிய அவனின் திருத்தூதரும் உண்மை சொல்லி விட்டார்கள்.

அந்த உண்மையின் பேரில் நாங்கள் சாட்சி சொல்லக் கூடியவர்களாக இருக்கிறோம்.

நாயனே! எங்கள் துஆவை ஒப்புக் கொள்வாயாக! நீயே அறிவாளியும் ஒப்புக் கொள்பவனுமாக இருக்கிறாய்.

ஆண்டவனே! குர்ஆனின் ஒவ்வொரு எழுத்துக்கும் பகரமாக எங்களுக்கு இன்பத்தைத் தருவாயாக!

குர்ஆனின் ஒவ்வொரு பகுதிக்குப் பகரமாக நற்கூலியைத் தருவாயாக!

ஆண்டவனே! ஒவ்வொரு اக்குப் பகரமாக நல்ல துணையைத் தருவாயாக!

ஒவ்வொரு ب க்கு பகரமாக அபிவிருத்தியையும், ஒவ்வொரு ت க்குப் பகரமாக பாவமன்னிப்பையும், ஒவ்வொரு ث  க்குப் பகரமாக நற்கூலியையும் தருவாயாக!

ஒவ்வொரு ج  க்குப் பகரமாக அழகையும், ஒவ்வொரு  ح க்கு பகரமாக ஞானத்தையும், ஒவ்வொரு خ  க்குப் பகரமாக நன்மையையும் தருவாயாக!

இன்னும் ஒவ்வொரு د க்குப் பகரமாக அத்தாட்சியையும், ஒவ்வொரு ذ  க்குப் பகரமாக புத்திக் கூர்மையையும், ஒவ்வொரு ر  க்குப் பகரமாக அருளையும் தருவாயாக!

ஒவ்வொரு ز  க்குப் பகரமாக பரிசுத்தத்தையும், ஒவ்வொரு س  க்குப் பகரமாக சீதேவித்தனத்தையும், ஒவ்வொரு ش க்குப் பகரமாக நற்சுகத்தையும் தருவாயாக!

ஒவ்வொரு  ص க்குப் பகரமாக உண்மையையும், ஒவ்வொரு ض  க்குப் பகரமாக பிரகாசத்தையும், ஒவ்வொரு ط க்குப் பகரமாக இலேசையும் செழிப்பையும் தருவாயாக!

ஒவ்வொரு ظ க்குப் பகரமாக வெற்றியையுட், ஒவ்வொரு ع க்குப் பகரமாக அறிவையும,; ஒவ்வொரு غ க்குப் பகரமாக சீமான்தனத்தையும் தருவாயாக!

ஒவ்வொரு ف க்குப் பகரமாக ஜெயத்தையும், ஒவ்வொரு ق க்குப் பகரமாக முடுகுதலையும், ஒவ்வொரு ك  க்குப் பகரமாக சங்கையையும் தருவாயாக!

ஒவ்வொரு ل க்குப் பகரமாக கிருபையையும், ஒவ்வொரு م க்குப் பகரமாக உபதேசத்தையும், ஒவ்வொரு ن க்குப் பகரமாக பிரகாசத்தையும் தருவாயாக!

ஒவ்வொரு و க்குப் பகரமாக சேர்மானத்தையும், ஒவ்வொரு ه க்குப் பகரமாக நேர்வழியையும், ஒவ்வொரு ي க்குப் பகரமாக உறுதியையும் தருவாயாக!

இறைவனே! வலுப்பமான குர்ஆனை எங்களுக்கு பிரயோஜனமாக வைத்திருள்வாயாக!

அதன் ஆயத்துக்களைக் கொண்டும் ஞானத்தைக் கொண்டும் எங்களை பதவியில் உயர்த்துவாயாக!

இன்னும் எங்களின் ஓதலை கபூல் செய்வாயாக! குர்ஆனை ஓதியதில் மறதி, தவறு, வார்த்தைகளைப் பிரட்டி ஓதல் ஏற்பட்டிருந்தாலும் அவைகளை நீ மன்னித்தருள்வாயாக!

இன்னும் ஒரு வார்த்தையை முற்படுத்தியோ அல்லது பிற்படுத்தியோ அல்லது அதிகமாகவோ அல்லது குறைவாகவோ ஓதியிருந்தாலும் இன்னும் அதை ஓதியதில் சந்தேகம், விதர்ப்பம், அவசரம், சோம்பல், நாவு தடுமாற்றம், நிறுத்தக் கூடாத இடத்தில் நிறுத்தி ஓதுதல், ஷத்து இல்லாத இடத்தில் ஸத்து வைத்து ஓதல், சரிவர வெளியாக்காமல் ஓதல் அல்லது மத்தை ஷத்தை சரியாகச் சொல்லாமல் ஓதல் ஏற்பட்டிருந்தால் அவைகளை மன்னித்துக் கொள்வாயாக!

இன்னும் ஹம்ஸு, சுகுன், ஜபறு, ஜேறு இன்னும் குறியீடுகள் இவைகளை விட்டிருந்தாலும், கிருபையுடைய ஆயத்து அல்லது வேதனையுடைய ஆயத்து ஓதும் இடத்தில் ஆசை, பயம் இல்லாமல் ஓதியிருந்தாலும் மன்னித்துக் கொள்வாயாக! இன்னும் எங்களுக்குப் பிழை பொறுப்பாயாக! ஆண்டவனே எங்களை நற்சாட்சி கூறுபவர்கள் கூட்டத்தில் எழுதுவாயாக!

இறைவா! எங்களின் அகங்களை குர்ஆனின் பொருட்டால் பிரகாசிக்கச் செய்வாயாக! எங்கள் குணங்களை அழகாக்கி வைப்பாயாக! குர்ஆனின் பொருட்டால் நரகத்தை விட்டும் ஈடேற்றமாக்கி வைப்பாயாக! சுனபதியில் புகுதச் செய்வாயாக!

எங்கள் இறைவா! குர்ஆனை இவ்வுலகில் எங்களுக்கு கூட்டாளியாகவும், கப்ரில் நற்துணையாகவும், சிராத் என்னும் பாலத்திற்கு ஒளியாகவும், சுவர்க்கத்திற்கு தோழனாகவும், நரகத்தை விட்டு தடையாகவும் திரையாகவும் ஆக்கி அருள்வாயாக! மேலும் அனைத்து நன்மைகளின் அறிவிப்பாகவும் ஆக்கி அருள்வாயாக! எங்களை நிறப்பமானவர்களாக எழுதுவாயாக! எங்களுக்கு வாக்கு மனமொத்த நிலையைக் கொடுத்து விடுவாயாக! நன்மையும், சீதேவித்தனத்தையும் நேசிக்கச் செய்வாயாக! இன்னும் எங்களுக்கு ஈமானுடைய நல் சோபன வார்த்தையையும் தந்தருள்வாயாக! ஆமீன்.

எங்கள் இறைவா! எங்களுடைய கப்ரில் எங்களுக்கு ஏற்படும் வெருட்சியை மருகுதலாக்கி வைப்பாயாக! இன்னும் எங்கள் இறைவா! மகத்தான இந்த குர்ஆனின் பொருட்டால் எங்கள்  மீது அன்பு கூர்ந்து அதனை நீ எங்களுக்கு வழிகாட்டியாகவும், பிரகாசமாகவும் நேரான வழியில் செலுத்தக் கூடிய ஓர் அருளாகவும் ஆக்கி வைப்பாயாக! இன்னும எங்கள் இறைவா! அதில் நாங்கள் மறந்து விட்டதை எங்களுக்கு ஞாபகமூட்டி வைப்பாயாக! இன்னும் அதில் நாங்கள் அறியாதவைகளை நீ எங்களுக்கு அறிவித்து அருள்புரிவாயாக! இன்னும்  இரவிலும் பகலிலும் நாங்கள் அதனை ஓதிவரக் கூடிய பாக்கியத்தை எங்களுக்கு தந்தருள்வாயாக! இன்னும் அதனை எங்களுக்கு உதவிபுரியக் கூடிய ஆதாரமாக்கி வைப்பாயாக! இன்னும் உலகத்தார் யாவையும் படைத்து போசித்து வருபவனே எங்கள் பிரார்த்தனையை அங்கீகரித்து அருள்புரிவாயாக! ஆமீன்.

இறைவா! எங்கள் நப்ஸுகளுக்கு நாங்கள் அநீதம் செய்து கொண்டோம். நீயே பிழை பொறுத்து கிருபை செய்யவில்லையானால் நிச்சயமாக நாங்கள் நஷ்டவாளர்களில் நின்றும் ஆகிவிடுவோம். ஆகவே நீ எங்கள் பிழைகளைப் பொறுத்து எங்களுக்கு கிருபை செய்தருள்வாயாக!

ஆண்டவனே! ரஹ்மானே! இந்த குர்ஆனுடைய மஜ்லிஸில் கூடியிருக்கும் எங்கள் யாவர்களுக்கும் இந்த குர்ஆனுடைய பரக்கத்தால் துன்யாவில் (இவ்வுலகில்) செல்வத்தையும், ஆகிறத்தில் (மறு உலகில்) சுவர்க்கத்தையும் தந்தருள்வாயாக! ஆண்டவனே! எங்களுக்கும் எங்கள் தாய், தந்தையர், மற்றும் உஸ்தாதுமார்கள், இன்னும் எங்கள் நாயகம் முஹம்மது ஸல்லல்லாஹு அலைஹி வஸல்லம் அவர்கள் உம்மத்துமார்கள் அனைவர்களுக்கும் பிழை பொறுத்து கிருபை செய்தருள்வாயாக!

ஆண்டவனே! எங்கள் யாவரையும் வளர்க்கும் ரஹ்மானே! எங்களுக்கும் எங்கள் தாய்(தகப்பர்) தந்தை இருவர்களுக்கும் நீ பிழை பொறுத்தருள்வாயாக! இறைவா! நாங்கள் சிறு குழந்தையாக இருக்கும் போது எங்கள் பெற்றோர்கள் எங்களுக்கு கிருபை செய்தது போல் நீ அவர்கள் இருவர்களுக்கும் பிழை பொறுத்து கிருபை செய்தருள்வாயாக! அல்லாஹ் சுப்ஹானஹு தஆலா எங்கள் நாயகம் முஹம்மது ஸல்லல்லாஹு அலைஹி வஸல்லம் அவர்கள் பேரிலும் அவர்கள் கிளையார்கள் பேரிலும், தோழர்கள் பேரிலும் சலவாத்தும், சலாமும் சொல்வானாகவும் ஆமீன். யாரப்பல் ஆலமீன்.

Eisal Tawab Dua-ஈஸாலே தவாப் துஆ

Eisal Tawab Dua.

دُعَاء اِيْصَالْ ثَوَابِ

بِسم الله الرّحمٰن الرّ حيْمِ ۞

اَلْحَمْدُ لِلّٰهِ رَبِّ الْعَالَمِيْنَ  ۞ حَمْدًا يُّوَافِىْ نِعْمَهُ وَيُكَافِيْ مَزِيْدَهْ ۞ اَللّٰهُمَّ صَلِّ عَلٰى سَيِّدِنَا مُحَمَّدٍ وَعَلٰى اٰلِ سَيِّدِنَا وَمَوْلٰناَ مُحَمَّدٍ ، اَللّٰهُمَّ اَوْصِلْ مِثْلَ ثَوَابِ مَا قَرَاْنٰهُ مِنْ كَلاَمِكَ الْعَزِيْزِ۞هٰذِه هَدِيَّةً وَّاصِلَةً وَّرَحْمَةً نَّازِلَةً وَّبَرَكَةً شَامِلَةً وَّتُحْفَةً كَامِلَةً مِّنْكَ اِلٰى رُوْحِ سَيِّدِنَا وَنَبِيِّنَا مُحَمَّدٍ صَلَّى اللهُ عَلَيْهِ وَسَلَّمَ خَاصَّةً ثُمَّ اِلٰى اَرْوَاحِ جَمِيْعِ الْمُسْلِمِيْنَ عَامَّةً ۞ ثُمَّ اِلٰى رُوْحِ مَنْ تَلَوْ نَا الْقُراٰنَ الْعَظِيْمَ لِاَجْلِه وَاغْفِرْلَهُ وَارْحَمْهُ وَاٰنَسَ اللهُ وَحْشَتَهُ وَرَحِمَ اللهُ غَرْبَتَهُ وَنَوَّرَاللهُ ضَرِيْحَهُ وَتَقَبَّلَ اللهُ مِنْ حَسَنَاتِة وَتَجَاوَزَاللهُ عَنْ سَيِّئَاتِه وَغَفَرَاللهُ دُنُوْبَنَا وَذُنُوْبَهُ وَجَمَعَ اللهُ بَيْنَنَا وَبَيْنَهُ فِى جَنّٰتِ النَّعِيْمِ ۞ اَللهُمَّ اجْعَلْ قَبْرَهُ رَوْضَةً مِّنْ رِّيَاضِ الْجِنَانِ ۞ وَلاَ تَجْعَلْ قَبْرَهُ حُفْرَةً مِّنْ حُفْرِ النِّيْرَانِ ۞ اَلاَ اِنّ اَوْلِيَآءَ اللهِ لَاخَوْفٌ عَلَيْهِمْ وَلاَهُمْ يَحْزَنُوْنَ۞ رَبَّنَا تَقَبَّلْ مِنَّا اِنَّكَ اَنْتَ السَّمِيْعُ الْعَلِيْمُ ۞ وَتُبْ عَلَيْنَآ اِنَّكَ اَنْتَ التَّوَّابُ الرَّحِيْمُ ۞ رَبَّنَا اٰتِنَا فِى الدُّنْيَا حَسَنَةً وَّفِى الاٰخِرَةِ حَسَنَةً وَّقِنَا عَذَابَ النَّارِ۞ رَبَّنَا اغْفِرْ لَنَا وَلِوَالِدِيْنَا وَلِمَشَآئِخِنَا وَلِاَسَاتِيْذِنَا وَلِجَمِيْعِ الْمُسْلِميْنَ وَالْمُسْلِمَاتِ ؕ رَبِّ ارْحَمْهُمَا كَمَا رَبَّيَانِيْ صَغِيْرًا ؕ وَصَلَّى اللهُ وَسَلَّمَ عَلٰى خَيْرِ خَلْقِة سَيِّدِنَا مُحَمَّدٍ وَّعَلٰى اٰلِه وَاَصْحَابِه اَجْمَعِيْنَ ۞ سُبْحَانَ رَبِّكَ رَبِّ الْعِزَّةِ عَمَّا يَصِفُوْنَ ۞ وَسَلَامٌ عَلَى الْمُرْسَلِيْنَ ۞ وَالْحَمْدُ لِلّٰهِ رَبِّ الْعَالَمِيْنَ۞

ஈஸாலே தவாப் துஆவின் பொருள்:

அருளாளனும் அன்புடையோனுமாகிய அல்லாஹ்வின் திருப்பெயரால் ஆரம்பம் செய்கின்றேன்.

அனைத்துப் புகழும் இவ்வுலகோரைப் படைத்துப் பரிபாலிக்கக் கூடிய அல்லாஹ்வுக்கே உரியன. அவனது அருட்கொடைகளை நிரப்பமாக்கி வைக்கும்படியான அவற்றை அதிமாக்கி வைப்பதற்குப் போதுமான புகழாக புகழனைத்தும் அல்லாஹ்வுக்கே! யா அல்லாஹ்! எங்கள் தலைவர் முஹம்மது ஸல்லல்லாஹு அலைஹி வஸல்லம் அர்கள் மீதும் அன்னாரின் கிளையார்கள் மீதும் ஸலவாத்தென்னும் அருள்மாரியைப் பொழிவாயாக!

யா அல்லாஹ்! உனது மகத்துவம் மிகுந்த வேதத்திலிருந்து நாங்கள் ஓதிய அளவு நன்மையை உன் புறத்திலுண்டான அன்பளிப்பாகவும், அருள்மாரியாகவும், பரக்கத்தாகவும், பரிபூரண அருட்கொடையாகவும் இருக்கும் நிலையில் எங்கள் தலைவர் நபி முஹம்மது ஸல்லல்லாஹு அலைஹி வஸல்லம் அவர்களின் ஆன்மாவிற்கும் மற்றும் அனைத்து முஸ்லிம்களின் ஆன்மாக்களுக்கும் சேர்த்திடுவாயாக!

பின்னர், எவரது ஆன்மாவுக்காக நாங்கள் சங்கை மிகு குர்ஆனை ஓதினோமோ அவரது  ஆன்மாவுக்கும் அளிப்பாயாக! மேலும், அவருக்கு மன்னிப்பை நல்கிடுவாயாக! அவருக்கு அருள் புரிவாயாக! அல்லாஹ் அவரது தனிமையைப் போக்கி நிம்மதியை அளிப்பானாக! அவரது வெருட்சியைப் போக்கிஅ ருள் புரிவானாக!

அல்லாஹ் அவரது மண்ணறையை பிரகாசமாக்கி வைப்பானாக! அவரது நற்காரியங்களை ஏற்றுக் கொள்வானாக! அவரது தவறுகளை மன்னித்தருள்வானாக! நம்முடைய பாவங்களையும், அவரது பாவங்களையும் மன்னித்து, நம்மையும் அவரையும் நயீம் எனும் சுவனபதியில் ஒன்று சேர்த்து வைப்பானாக!

யா அல்லாஹ்! அவரது கப்ரை சுவனத்தின் பூஞ்சோலைகளில் ஒன்றாக ஆக்கிடுவாயாக! அவரது கப்ரை நரகின் படுகுழிகளில் ஒன்றாக ஆக்காதிருப்பாயாக! நிச்சயமாக அல்லாஹ்வின் நேசர்களுக்கு அச்சமோ கவலையோ கிடையாது.

எங்கள் இரட்சகனே! எங்கள் புறத்திலுண்டான நல்லமல்களை ஏற்றுக் கொள்வாயாக! நிச்சயமாக நீ செவியுறக் கூடியவனாகவும் நன்கறிபவனாகவும் இருக்கிறாய். மேலும் எங்களது தவ்பாவை ஏற்றுக் கொள்வாயாக! திண்ணமாக நீ தவ்பாவை ஏற்பவனாகவும், அருளாளனாகவும் இருக்கிறாய்.

எங்கள் இரட்சகனே! இவ்வுலகில் எங்களுக்கு நன்மையையே வழங்கி மறுமையிலும் நன்மையையே வழங்கி எங்களை நரகின் வேதனையிலிருந்து பாதுகாப்பாயாக!

எங்கள் இரட்சகா! எங்களுக்கும் எங்களது தாய் தந்தையருக்கும், எங்களது ஷெய்குமார்களுக்கும், எங்களது ஆசிரியர்களுக்கும் அனைத்து முஸ்லிமான ஆண், பெண்களுக்கும் மன்னிப்பை நல்கிடுவாயாக!

எங்கள் இரட்சகனே! அவ்விருவரும் எனது சிறு பிராயத்தில் என்னை வளர்த்து அருள் புரிந்தது போன்று அவ்விருவருக்கும் நீ அருள்புரிவாயாக! அல்லாஹ் படைப்பினங்களில் சிறந்தவரான நமது தலைவர் முஹம்மது முஸ்தபா ஸல்லல்லாஹு அலைஹி வஸல்லம் அவர்கள் மீதும் அன்னாரின் கிளையார்கள் மீதும் அவர்களின் தோழர்கள் அனைவர் மீதும் அருள் மாரியைப் பொழிந்திடுவானாக!

கண்ணியத்திற்குரிய ரப்பாகிய உமது ரப்பு அவர்கள் வர்ணிப்பவற்றை விட்டும் மகாத் தூய்மையானவன். ரஸூல்மார்களின் மீது ஸலாம் உண்டாவதாக!

புகழனைத்தும் அனைத்துலகங்களின் ரப்பாகிய அல்லாஹ்வுக்கே உரித்தாகும்.
 

 

Tasbeeh Prayer-தஸ்பீஹ் தொழுகைக்கான ஆதாரம்!

தஸ்பீஹ் தொழுகைக்கான ஆதாரம்:

 இறைத்தூதர் நாயகம் ஸல்லல்லாஹு அலைஹி வ ஸல்லம் அவர்கள் அப்பாஸ் ரலியல்லாஹு அன்ஹு அவர்களுக்கு கூறினார்கள்:-

எனது சிறிய தந்தையார் அவர்களே, பத்துவகை பாவங்களுக்கு பரிகாரமாக அமைகின்ற ஒரு நற்செயலை உங்களுக்கு அறிவிக்கிறேன். அதை நீங்கள் செய்தால் 1.முன்பாவங்கள் 2.பின்பாவங்கள் 3. பழைய பாவங்கள் 4. புதிய பாவங்கள் 5. தவறுதலாக செய்த பாவங்கள் 6. வேண்டுமென்றே செய்த பாவங்கள் 7. சிறிய வாகங்கள் 8. பெரிய பாவங்கள் 9. ரகசியமாக செய்த பாவங்கள் 10 பகிரங்கமாக செய்த பாவங்கள் அனைத்தையும் இறைவன் மன்னித்து விடுவான். நீங்கள் நான்கு ரக்அத்துகள் தொழ வேண்டும். ஒவ்வொரு ரக்அத்திலும் அல்ஹம்து ஸூரா இன்னும் லம்மு ஸூராவை ஓதியபின் சுப்ஹானல்லாஹி வல்ஹம்துலில்லாஹி வலாஇலாஹ இல்லல்லாஹு அல்லாஹு அக்பர் என்பதை 15 தடவை, ருகூவில் 10 தடவை, நிலையில் 10 தடவை, முதல் ஸஜ்தாவில் 10 தடவை, சிறு இருப்பில் 10 தடவை, இரண்டாவது ஸஜ்தாவில் 10 தடவை பின்பு எழுந்து 10 தடவைகள் கூற வேண்டும். முடிந்தால் இத்தொழுகையை ஒரு நாளைக்கு ஒருமுறை தொழுங்கள். இயலாவிடில் ஒரு வாரத்திற்கு ஒரு முறை தொழுங்கள். அதற்கும் முடியாவிட்டால் ஆயுளில் ஒரு முறையாவது தொழுது கொள்ளுங்கள்.

அறிவிப்பாளர்: இப்னு அப்பாஸ் ரலியல்லாஹு அன்ஹு.

அத்தஹிய்யாத்தில் ஆள்காட்டி விரலை அசைக்கலாமா?

 

அத்தஹிய்யாத்தில் ஆள்காட்டி விரலை அசைக்கலாமா?

ஹதீஸ்:1 நபி ஸல்லல்லாஹு அலைஹி வஸல்லமவர்கள் அத்தஹிய்யாத் இருப்பில் இருக்கும்போது இரு கைகளையும் இரு தொடைகளில் வைத்து பெரு விரலை அடுத்து இருக்கும் வலது கை விரலை துஆ ஓதிய நிலையில் உயர்த்தினார்கள்.

ஆதாரம்: முஸ்லிம் அறிவிப்பாளர்-இப்னு உமர் ரலியல்லாஹு அன்ஹு.

ஹதீஸ்:2 நபி ஸல்லல்லாஹு அலைஹி வஸல்லமவர்கள், தஷஹ்ஹுது இருப்பில் அமரும்போது இடது கையை இடது முழங்காலிலும், வலது கையை வலது முழங்காலிலும் வைத்து 53 ஆக முடிச்சிட்டு வைத்தபடி ஆட்காட்டி விரலால் சுட்டிக் காட்டினார்கள்.

ஆதாரம்: முஸ்லிம் அறிவிப்பாளர்-இப்னு உமர் ரலியல்லாஹு அன்ஹு.

ஹதீஸ்:3 நபி ஸல்லல்லாஹு அலைஹி வஸல்லமவர்கள், தொழுகையில் கடைசியில் அமரும் பொழுது இடது கையை இடது முழங்காலிலும், வலது கையை வலது முழங்காலிலும் வைத்து ஆட்காட்டி விரலை உயர்த்தி நிறுத்தி வைக்கக் கூடியவர்களாக இருந்தார்கள்.

ஆதாரம்: தாரமி. அறிவிப்பாளர்-இப்னு உமர் ரலியல்லாஹு அன்ஹு.

ஹதீஸ்:4 நபி ஸல்லல்லாஹு அலைஹி வஸல்லமவர்கள் தொழுது கொண்டிருக்கும் பொழுது நான் அவர்களிடம் சென்றேன். அப்பொழுது அவர்கள் இடது கையை இடது தொடையில் வைத்து இருந்தார்கள். வலது கையை வலது கையை வலது தொடையில் வைத்து இருந்தார்கள். அப்போது விரல்களை மடக்கி ஆட்காட்டி விரலை நீட்டி வைத்துக் கொண்டு 'இதயங்களை புரட்டிக் கொண்டிருப்பவனே! எனது இதயத்தை உன் மார்க்கத்தின் மீது நிலைப்படுத்தி வைப்பாயாக! என்று பிரார்த்தித்தார்கள்.

ஆதாரம்: திர்மிதி, பாகம்2 பக்கம் 119.

அறிவிப்பவர்: ஆஸிம் பின் குலைப் தனது தந்தை மற்றும் பாட்டன் ஷிஹாப் பின் மஜ்னூன் மூலம்.

ஹதீஸ்:5 நபி ஸல்லல்லாஹு அலைஹி வஸல்லமவர்கள், தஷஹ்ஹுது ஓதும் பொழுது தங்களின் இடது கையை இடது தொடை மீதும், வலது கையை வலது தொடை மீதும் வைத்து துஆ ஓதும் பொழுது ஆட்காட்டி விரலைக் கொண்டு சுட்டிக்காட்டிக் கொண்டிருப்பார்கள். அதனை அசைக்க மாட்டார்கள்.

ஆதாரம்: நஸாயீ 187/1, அபூதாவூது 142/1

அறிவிப்பவர்: அப்துல்லாஹ் இப்னு ஜுபைர் ரலியல்லாஹு அன்ஹு.

ஹதீஸ்: 6 பின்பு தனது விரல்களை மடக்கி வளையமிட்டு, ஒரு விரலை உயர்த்தினார்கள். அப்போது பிரார்த்தித்தவர்களாக அதை அசைக்க கண்டேன்.

ஆதாரம்: முஸனத் அஹ்மது பாகம் 4 பக்கம் 318

அறிவிப்பவர்: வாயில் இப்னு ஹுஜ்ரு

ஹதீஸ்: 7 அதே ஹதீஸ் தொடரில்……. பின்பு குளிர் காலத்தில் நான் வந்தபோது, பல மனிதர்கள் குளிரின் காரணமாக போர்த்திக் கொண்டிருந்த நிலையில், அவர்களுடைய கைகள் அவர்களின் ஆடைகளுக்குள் ஆடிக் கொண்டிருந்ததை நான் கண்டேன்.

ஆதாரம்: முஸ்னத் அஹ்மது பாகம் 4, பக்கம் 318

அறிவிப்பவர்: வாயில் இப்னு ஹுஜ்ரு.

குறிப்பு:- விரலை அசைத்துக் கொண்டிருப்பவர்கள் ஆதாரமாகக் கூறும் 6ம், 7ம் ஹதீஸ்களுக்கு தவறாக பொருள் செய்திருப்பது பற்றியும் அதன் தரம் பற்றியும் பின்னர் காண்க.

மேற்கண்ட ஹதீஸக்களிலிருந்தும், வேறு ஹதீஸ்களிலிருந்தும் நபிகளார் அவர்கள் அத்தஹயாத் ஓதும்போது ஆட்காட்டி விரலை1. உயர்த்தினார்கள் 2. சுட்டிக் காட்டினார்கள் 3. உயர்த்தி நிறுத்தினார்கள் 4. நீட்டி வைத்துக் கொண்டிருந்தார்கள் 5. அசைக்க மாட்டார்கள் 6. அசைப்பார்கள் என்பன போன்ற பல அறிவிப்புகள் கிடைக்கின்றன. இவற்றில் அசைக்க மாட்டார்கள் என்ற ஹதீஸ் பற்றியும் அசைப்பார்கள் என்ற ஹதீஸ் பற்றியும் ஆய்வோம். முதலில் ஹதீஸ் 5ல் சுட்டிக் காட்டிக் கொண்டிருப்பார்கள், அசைக்க மாட்டார்கள் என்ற ஹதீஸ் பற்றி ஆராய்வோம்.

இந்த ஹதீஸின் அறிவிப்பாளர்களில் ஒருவரான ஹஜ்ரத் அப்துல் மலிக் இப்னு அப்துல் அஜீஸ் இப்னு ஜுரைஜ் ரஹிமஹுல்லாஹ் அவர்கள் பற்றி ஹதீஸ் கலை வல்லுனர்கள் பலர் 'இவர் சிறந்த உண்மையாளர்' என்று குறிப்பிட்டிருப்பதுடன், இவர் ஹதீஸ்களை அறிவிக்கும் போது பயன்படுத்தும் வார்த்தைகளை பொறுத்து அதன் தகுதி நிர்ணயிக்கப்படும்' என்று ஹஜ்ரத் யஹ்யா இப்னு ஸயீத் ரஹிமஹுல்லாஹ் அவர்கள் கருத்து தெரிவிக்கிறார்கள். உதாரணமாக

1. 'எனக்கு அறிவித்தார்' என்று கூறினால், அவர் நேரடியாகக் கேட்டதைக் குறிப்பதால், அது ஏற்றுக் கொள்ளப்படும்.

2. 'எனக்கு செய்தியாகத் தந்தார்' என்று கூறினால், தான் கேட்ட அறிவிப்பாளரின் கிதாபில் இருந்து படித்துச் சொன்னதை குறிப்பதால் அதுவும் ஏற்றுக் கொள்ளப்படும்.

3. 'சொன்னார்' என்று கூறினால் அவர் அதை நேரடியாகக் கேட்டதைக் குறிக்காது. ஆகவே அந்த ஹதீஸ் ஏற்றுக் கொள்ளப்படாது.

மேற்கூறிய விதிகளின் அடிப்படையிலேயே இமாம் அஹ்மது இப்னு ஹம்பல் ரஹிமஹுல்லாஹ் அவர்களும் இப்னு ஜுரைஹ் ரஹிமஹுல்லாஹ் அவர்களைப் பற்றி கூறியுள்ளார்கள்.

'விரலை அசைக்க மாட்டார்கள்' என்று வரும் ஹதீஸில் 'எனக்கு செய்தியாகத் தந்தார்'(அக்ஃபரனீ) என்ற வார்த்தையைப் பயன் படுத்தி அறிவிக்கும் ஹதீஸ் நஸயீயில் பதிவு செய்யப்பட்டுள்ளது. (பாகம்-1, பக்கம் 187) ஆகவே இந்த ஹதீஸ் ஏற்றுக் கொள்ளத்தக்கது என்பது உறுதியாகி விட்டது.

மேலும் இதே ஹதீஸில் வரும் ஜியாத் இப்னு இஸ்மாயில் ரஹிமஹுல்லாஹ் அவர்களைப் பற்றியும் பார்ப்போம்.

1. இமாம் நஸயீ ; ரஹிமஹுல்லாஹ், அவர்களிடத்தில் எந்த குறையும் இல்லை.

2. இப்னு ஹிப்பான் ; ரஹிமஹுல்லாஹ், நம்பகமான வரிசையில் இடம் பெற்றவர்.

3. அபூஹாதம் ரஹிமஹுல்லாஹ், இவரின் ஹதீஸ் அங்கீகாரம் பெற்றது. எழுதப்பட வேண்டியது.

4. அலி இப்னு மதனீ  ரஹிமஹுல்லாஹ், ஹதீஸ் கலையில் எல்லோருக்கும் அறிமுகமானவர்.

ஆதாரம்:- தஹ்தீபுத்தஹ்தீப், பக்கம் – 305,306. மீஜான், பக்கம் – 413.

மேலும் இந்த ஹதீஸின் அறிவிப்பாளர் தொடரில் இடம் பெறும் முஹம்மது பின் அஜ்லான் என்பவர் பற்றி மிகப்பெரும் ஹதீஸ் கலை வல்லுனர்கள் மிகவும் பலமானவர்' என்று குறிப்பிடுகிறார்கள்.

இமாம் நஸயீ, சாலிக் இப்னு  கைஸான், அபூஹாதம், ஷுஃபா இப்னு உயைனா, வலீத் இப்னு முஸ்லிம் ரஹிமஹுல்லாஹ் போன்ற பெரும் அறிஞர்கள் முஹம்மது பின் அஜ்லான் அவர்களிடமிருந்து ஹதீஸ்களை ரிவாயத்து செய்து இருக்கிறார்கள். ஆனால் இப்னு யூனுஸ் என்பவர் மட்டும் 'முஹம்மது இப்னு அஜ்லான் அவர்கள் தன் மனைவியிடம் ஷரீஅத் அனுமதி;க்காத முறையில் உடலுறவு கொண்டதாக செய்தி மக்களிடையே பரவியது' என்று கூறுகிறார். இந்த இப்னு யூனூஸ் யாரென்றே அறியப்படாதவர். எனவே இவருடைய கூற்றை நாம் எப்படி நம்புவது?

இனி, ஹதீஸ் 6,7 பற்றி ஆராய்வோம்:

சுருக்கம்: 'அசைக்கக் கண்டேன்'.

இந்த ஹதீஸில் ஜாயிதா ரஹிமஹுல்லாஹ் என்பவர் இடம் பெறுகிறார். ஹஜ்ரத் வாயில் இப்னு ஹுஜ்ரு அவர்கள் மூலம் அறிவிக்கும் இந்த ஹதீஸை பதிவு செய்த ஹதீஸ் கலை வல்லுனரான முஹத்திஸ் இப்னு ஹுஸைமா ரஹிமஹுல்லாஹ் அவர்களே கூறுவதைப் பாருங்கள்: இந்த அறிவிப்பில் தவிர வேறு எந்த ஹதீஸிலும் 'விரலை அசைத்தார்கள்' என்று கூறப்படவில்லை. ஜாயிதாவே இதை சுயமாகக் கூறியிருக்கிறார்.

ஆதாரம்: இப்னு ஹுஸைமா ஹதீது தொகுப்பு பக்கம் 354. மேலும் நஸாயீ, தாரமீ, இப்னு ஹிப்பான், முஸ்னத் அஹ்மத் ஆகிய நூல்களில் விரல் அசைப்பதாக வரும் அனைத்து ஹதீஸ்களிலும் ஜாயிதா ரஹிமஹுல்லாஹ் அவர்களே இடம் பெற்றிருக்கிறார்கள் என்பது குறிப்பிடத்தக்கது. ஹஜ்ரத் வாயில் இப்னு ஹுஜ்ரு ரலியல்லாஹு அன்ஹு அவர்கள் மூலம் குலைப் ரலியல்லாஹு அன்ஹு அவர்களும், அவர்களிடமிருந்து மாணவர்கள் அறிவிக்கும் ஹதீஸைப் பார்ப்போம். 

வாயில் இப்னு ஹுஜ்ரு, குலைப், ஆஸிம் பின் குலைப் ரஹிமஹுமுல்லாஹ்
 

                                                                  1

1. அப்துல் வாஹித் 2. ஷுஃபா 3. சுப்யான் ரஹிமஹுல்லாஹ் ஆகிய மூவரும் 'சுட்டிக் காட்டினார்கள்' என்று அறிவிக்கிறார்கள்.4. ஜாயிதா ரஹிமஹுல்லாஹ் அவர்கள் மட்டும் 'அசைக்கக் கண்டேன்' என்று அறிவிக்கின்றனர்.

நூல்: முஸ்னத் அஹ்மது பாகம் 4, பக்கம் 316,317,318,319.

நஸாயீ பக்கம் 126, தாரமீ பக்கம் 314, இப்னு ஹிப்பான் பக்கம் 167, இப்னு ஹுஸைமா பக்கம் 354.

ஒரே ஆசிரியரிடமிருந்து கற்ற 4 மாணவர்களில் ஜாயிதா அவர்கள் மட்டுமே அசைக்கக் கண்டேன் என்று அறிவிப்பதாலும், ஸஹீஹான மற்ற ஹதீஸ்களுக்கு மாற்றமாகக் கூறுவதாலும் அசைப்பதாக வரும் ஹதீஸ் 'ஷாஃத்' என்ற பலகீனமான அந்தஸ்த்தைப் பெறுகிறது.

சட்டக்கலை வல்லுனர்களான மத்ஹபுக்குரிய இமாம்கள், அசைக்கக் கண்டேன் என்ற வார்த்தைக்கு ஆட்காட்டி விரலை உயர்த்தும் பொழுது ஏற்படுகிற அசைவைத்தான் குறிப்பிடுவதாக விளக்கம் கூறியுள்ளார்கள்.

இவ்வாறு பல கோணங்களில் அலசி ஆராய்ந்து முரண்படுவது போல் தோன்றும் ஹதீஸ்களை இணைத்து மக்கள் அமல் செய்ய வசதியாக விளக்கங்களைக் கூறியுள்ளார்கள். இதன் அடிப்படையில் அத்தஹிய்யாத்தில் விரலை நீட்டி வைத்துக் கொண்டு துஆ செய்ய வேண்டும் என்ற விளக்கங்களை ஏற்று ஹதீஸ்களின் அடிப்படையிலேயே மக்கள் செயல்படுத்தி வருகிறார்கள். இனி விரலை அசைத்துக் கொண்டிருப்பவர்கள் ஆதாரமாக் கூறும் ஹதீஸ் எண் 6,7 பற்றி ஆராய்வோம்.

குறைகள் பற்றி அலசுவதற்கு முன், ஹதீஸில் வரும் 'துஆ' என்ற வார்த்தைக்கு பிரார்த்தனை, அழைத்தல் என்ற பொருள்கள் இருந்தாலும், அத்தஹிய்யாத் சம்பந்தமான ஹதீஸ்களில் 'துஆ' என்று வரும் இடங்களில் பிரார்த்தனை என்றுதான் பொருள் கொள்ள வேண்டும் என்பதை ஹதீஸ் 4ல் வரும் 'இதயங்களை புரட்டிக் கொண்டிருப்பவனே!' என்ற தொடர் நபிகளார் அவர்கள் பிரார்த்தனை செய்ததை தெளிவாக் குறிப்பிடுகிறது.

குறைகள்: (ஹதீஸ்-6)

1. ஹதீஸில் வராத 'யாரையோ' என்ற வார்த்தையை அடைப்புக் குறிக்குள் புகுத்தி இருக்கிறார்கள்.

2. 'அழைப்பது போல்' என்ற வார்த்தையையும் சோர்த்திருக்கிறார்கள்.

3. 'துஆ' என்ற வார்த்தைக்கு 'அழைத்'தார்கள்' என்று தவறாக பொருள் செய்திருக்கிறார்கள்.

குறைகள்: (ஹதீஸ்-7)

இந்த ஹதீஸில் 'குளிரின் காரணமாக கைகள் ஆடிக் கொண்டிருந்ததைக் கண்டேன்' என்று தெளிவாகவே வருகிறது.

1. கைகள் என்று தெளிவாக இருப்பதை ஆட்காட்டி விரல் என்று கூறி தவறு இழைத்திருக்கிறார்கள்.

2. குளிரின் காரணமாக கைகள் ஆடிக் கொண்டிருந்தன என்பதை அத்தஹிய்யாத்துடன் தொடர்பு படுத்தியிருக்கிறார்கள்.

ஆகவே விரலை அசைத்துக் கொண்டிருப்பவர்களின் முதல் ஆதாரம் பலவீனமானது. இரண்டாவது ஆதாரம் குளிரின் காரணமாக கைகள் அசைந்தது சம்பந்தமானது. ஆகவே ஆட்காட்டி விரலை அசைப்பதற்கான ஆதாரமாக எடுத்துக் கொள்ள முடியாது.

முடிவுரை:

1. விரலை அசைத்ததாக வரும் ஹதீஸ் 'ஷாஃத்' என்ற பலகீனமான அந்தஸ்த்தை உடையது.

2. 'துஆ' எனற் சொல்லுக்கு பிரார்த்தனை என்றே பொருள் கொள்ள வேண்டும் என்பது ஹதீஸின் மூலம் தெளிவாகிறது.

3. ஹதீஸில் 'யாரையோ' என்ற வார்த்தையோ, 'அசைப்பது போல்' என்ற வார்த்தையோ இல்லை.

4. குளிர் காலத்ததில் அதுவும் குளிரின் காரணமாகவே போர்வைக்குள் கைகள் ஆடிக் கொண்டிருந்தன என்றுதான் ஹதீஸில் வருகிறது. விரலைப் பற்றிக் கூறப்படவில்லை.

5. சுட்டிக் காட்டுதல், உயர்த்துதல், நிறுத்துதல் என்ற வார்த்தைகளுக்கு விளக்கமாக திர்மிதி ஷரீபில் 'பஸத்' நீட்டி வைத்துக் கொண்டிருந்தார்கள் எனறு தெளிவான சொல் உபயோகப்படுத்தப்பட்டுள்ளது.

6. 53 ஆக முடிச்சிட்டு என்ற சொல், அரபிகள் கைவிரலைக் கொண்டு எண்ணும் முறைப்படி ஆட்காட்டி விரலை நீட்டி வைத்துக் கொண்டு அதன் அடிப்பகுதியில் கட்டை விரலை வைக்கும் நிலையைக் குறிப்பதாகும்.

7. ஹதீதுகளில் விரலை அசைக்கும் முறை பற்றி கூறப்படவில்லை. உதாரணமாக:

1. மேலும் கீழுமாக அசைக்க வேண்டுமா?
2. விரலை நீட்டி வைத்துக் கொண்டா? குறுக்கி வைத்துக் கொண்டா?
3. தொடர்ந்தா? அல்லது விட்டு விட்டா?
4. வேகமாகவா? அல்லது மெதுவாகவா?
5. வலது பக்கமா? அல்லது இடது பக்கமா?

எனபது போன்ற பல சந்தேகங்கள் எழுவதால் விரலை அசைப்பதற்கு தெளிவான ஹதீஸில் ஆதாரம் கிடையாது. மேலும் அசைக்கத்தான் வேண்டுமென்று விடிவாதம் செய்பவர்கள் கூட இன்று பல விதமாக  ஆட்டிக் கொண்டிருக்கிறார்கள்.

தொகுத்தவர்: மௌலானா மௌலவி முஹம்மது ஸாஹிப் இம்தாதி,
ஷாபி ஹயாத்துல் இஸ்லாம் ஸுன்னி பள்ளி வாசல், கோவை.

வெளியீடு: அஹ்லெ சுன்னத் மாத இதழ்: நவம்பர் 1996.

பர்ளு தொழுகைக்குப்பின் சப்தமிட்டு துஆ ஓதலாமா?

பர்ளு தொழுகைக்குப்பின் சப்தமிட்டு ஓதும் துஆவிற்கான விளக்கம்.

கேள்வி: பர்ளு தொழுகைக்குப்பின்னர் பெருமானாரோ, சஹாபாக்களோ, தாபிஈன்களோ, நான்கு இமாம்களோ சப்தமிட்டு துஆ ஓதியுள்ளார்களா? ஹனபீ மத்ஹபின் கிதாபுகளில் சப்தமிட்டு இமாம் துஆ ஓதவேண்டுமென்று வரவில்லையே! ஆனால் நாடு முழுவதும் சப்தமிட்டு இமாம்கள் துஆ ஓதுகின்றனரே! தேவ்பந்த் உலமாக்கள் சப்தமிட்டு துஆ ஓதுவதில்லை என்று கூறுகின்றனர். ஆதாரத்துடன் விளக்கம் தருக.

மௌலவி பி.ஐ. முஹம்மது அலி சிராஜி, கோயம்புத்தூர்.

பதில்:

பர்ளுத் தொழுகைகளுக்குப் பின்னர் துஆ ஓதுவது குறித்து ஹதீஸ்களில் ஆதாரமுள்ளன.

எந்த துஆ மிகவும் ஏற்றுக் கொள்ளக் கூடியது என்று ரஸூல் ஸல்லல்லாஹு அலைஹி வஸல்லம் அவர்களிடம் கேட்டகப்பட்ட பொழுது, 'இரவின் நடுநிசியிலும், பர்ளான தொழுகைகளுக்குப்பின்னரும் கேட்கப்படும் துஆவாகும் என நபி ஸல்லல்லாஹு அலைஹி வஸல்லம் அவர்கள் பதிலுறுத்தார்கள்.

அறிவிப்பாளர்: அபூஉமாமா ரலியல்லாஹு அன்ஹு அவர்கள்.

நூல்: திர்மிதி.

பின்வரும் துஆவை ஒவ்வொரு தொழுகைக்குப் பின்னரும் நபி ஸல்லல்லாஹு அலைஹி வஸல்லம் அவர்கள் ஓதுபவர்களாக இருந்தார்கள். 'நாயனே! உன்னிடம் கோழைத்தனத்தை விட்டும், முதுமையின்பால் தள்ளப்படுவதை விட்டும், உலக சோதனைகளை விட்டும், கப்றின் வேதனையை விட்டும் பாதுகாவல் தேடுகிறேன்'.

அறிவிப்பவர்: ஸஃதுப்னு அபீ வக்காஸ், நூல்: புகாரி.

அண்ணலார் ஸல்லல்லாஹு அலைஹி வஸல்லம் அவர்கள் முஆத் ரலியல்லாஹு அன்ஹு அவர்களின் கையைப் பிடித்துக் கொண்டு முஆதே! இறை மீதாணை! உம்மை நான் நேசிக்கிறேன். ஒவ்வொரு தொழுகைக்குப் பின்னரும் (பின்வரும்) துஆவை ஓதும்படி உமக்கு வஸியத் செயகிறேன்.'நாயனே! உன்னை திக்று செய்வதற்கும் உனக்கு ஹுக்று-நன்றி பாராட்டுவதற்கும் நன்முறையில் உன்னை வணங்குவதற்கும் எனக்கு உதவி புரிவாயாக!'

அறிவிப்பவர்: முஆத் ரலியல்லாஹு அன்ஹு அவர்கள்.

நூல்: அபூதாவூத், நஸபி.

நாயகம் ஸல்லல்லாஹு அலைஹி வஸல்லம் அவர்கள் சுப்ஹுத் தொழுதால், 'நாயனே! உன்னிடம் பயன்தரும் ஞானத்தையும், ஒப்புக்கொள்ளப்பட்ட அமலையும், ஹலாலான, மணமான இரணத்தையும் வேண்டுகிறேன்' என்று கேட்பவர்களாக இருந்தார்கள்.

அறிவிப்பவர்: உம்மு ஸல்மா ரலியல்லாஹு அன்ஹா அவர்கள்

நூல்: முஸ்னத் அஹ்மத், இப்னு மாஜா.

மேலே குறிப்பிட்ட நபிமொழிகள் தனித்து துஆ ஓதுவதற்கான ஆதாரங்கள். அடுத்து கூட்டுப் பிரார்த்தனைக்கும் ஒருவர் துஆ ஓத மற்றவர் ஆமீன் கூறுவதற்குமான ஆதாரங்களை பாருங்கள்.

'சுப்ஹுத் தொழுகைக்குப் பின் நாயனே! உன்னைக் கொண்டே காலையில் விழித்தெழுந்தோம். உன்னைக் கொண்டே மாலையில் ஆனோம். உன்னைக் கொண்டே உயிர் வாழ்கிறோம். உன்னைக் கொண்டே மரணிக்கச் செய்கிறோம். மீளுவதும் உன் பக்கமே! என்று பிரார்த்திப்பவர்களாக அண்ணல் ஸல்லல்லாஹு அலைஹி வஸல்லம் அவர்கள் இருந்தார்கள்.

அறிவிப்பாளர்: அபூஹுரைரா ரலியல்லாஹு அன்ஹு அவர்கள்.

நூல்: அபூதாவூது, திர்மிதி.

ஹபீப் இப்னு ஸல்மதுல் பிஹ்ரி ரலியல்லாஹு அன்ஹு அவர்கள் மூலமாக அறிவிக்கப்படுகிறது (பிரார்த்தனை ஒப்புக் கொள்ளப்படுபவராக (முஜாபுத்துஆ) இவர்கள் இருந்தார்கள்) 'ஒரு கூட்டத்தில் சிலர் பிரார்த்தித்து, மற்றவர்கள் ஆமீன் கூறினால் அவர்களது துஆவிற்கு அல்லாஹ் பதில் கூறியே அல்லாது என்கூட்டமும் ஒன்று சேருவதில்லை' (பத்ஹுல் பாரி பகாம் 13, பக்கம் 456)

ஒருவர் துஆ ஓத மற்றவரை ஆமீன் கூறும்படி அண்ணல் ஸல்லல்லாஹு அலைஹி வஸல்லம் அவர்கள் பணித்திருப்பதைக் குறித்து மேலும் தெளிவு வேண்டுமானால் ஸுனன் அபீதாவூது பாகம் 1 பக்கம் 215, பத்ஹுல் பாரி பாகம் 2 பக்கம் 209, பாகம் 13 பக்கம் 456 லும் பார்த்துக் கொள்ளுங்கள்.

தொழுகைக்குப் பின்னர் துஆ ஓதுவது குறித்து பிக்ஹ் நூற்களான ஷhமி பாகம் 1 பக்கம் 356, பத்ஹுல் கதீர் பாகம் 1 பக்கம்191, ஷரஹுன் நிஹாயா பாகம் 1 பக்கம்106, அல்முஃனில் முஹ்தாஜ் பாகம் 1 பக்கம் 182,183, பக்ஹுல் முயீன் பாகம் 1 பக்கம் 184,185, இஆனா பாகம் 1 பக்கம் 184,185, ஹம்பலி மத்ஹபின் முஃனி பாகம் 1 பக்கம் 596 மற்றும் நூற்களிலும் வந்திருக்கிறது.

அண்ணல் ஸல்லல்லாஹு அலைஹி வஸல்லம் அவர்கள் அடுத்தவருக்கு கேட்காத அளவு சப்தமின்றி துஆ ஓதியிருந்தால் அதனை சஹாபாக்கள் எப்படி மனனம் செய்திருக்க முடியும்? அறிப்புகள் செய்திருக்க முடியும்?

அதோடு ஒருவர் துஆ ஓத மற்றவர் ஆமீன் கூறும்படி அண்ணலார் ஸல்லல்லாஹு அலைஹி வஸல்லம் அவர்கள் பணித்திருக்கிறார்கள். ஒருவர் ஓதுவதை கேட்டால்தானே மற்றவர்கள் ஆமீன் சொல்ல முடியும்? தேவைக்கு மீறி உரத்து சப்தமிடுவதைத்தான் தடுக்கப்பட்டுள்ளது.

எனவே அஹ்லுஸ்ஸுன்னத் வல் ஜமாஅத்தின் நடைமுறைகளிலிருந்து திசைமாறிச் சொல்வோர் இலக்கோ, நோக்கமோ இன்றி மனம்போன போக்கில் செல்கின்றனர். அவர்கள் எந்த 'பந்தை' சார்ந்தவராயினும் அவர்களைப் பின்பற்றாமல் நேரிய வழி செல்லுங்கள். அல்லாஹ் தவ்பீக் செய்வானாக! அல்லாஹ்வே மிக அறிந்தவன்.

நன்றி: வஸீலா 1-5-87 

மேலும் கூட்டு துஆவிற்கான ஆதாரங்கள்

 

நாயகம் ஸல்லல்லாஹு அலைஹி வ ஸல்லம் அவர்கள் கூறினார்கள்:-

இமாம் 'வலழ்ழாளீன்' என்று ஓதி முடித்து 'ஆமீன்' கூறும்போது நீங்களும் ஆமீன் கூறுங்கள்.;. யாருடைய சொல் மலக்குகளின் கூற்றுக்கு ஒன்றுபட்டு விடுகிறதோ அவருடைய முன்பாவங்களனைத்தும் மன்னிக்கப்பட்டு விடுகின்றன.

அறிவிப்பாளர்: அபூஹுரைரா ரலியல்லாஹு அன்ஹு அவர்கள். நூல்: புகாரி-762, நஸயீ-928.

நீங்கள் நோயாளிகளை உடல் நலம் விசாரிக்கச் சென்றால் அல்லது மய்யித்தைப் பார்க்கச் சென்றால் நல்லதையே கூறுங்கள். ஏனென்றால், உங்களுடைய கூற்றுக்கு மலக்குகள் ஆமீன் கூறுகிறார்கள்.

-அறிவிப்பாளர்: உம்மு ஸல்மா ரலியல்லாஹு அன்ஹா அவர்கள். நூல்: முஸ்லிம்-919, அபூதாவூத்-3115, திர்மிதி-977.

ஒரு முஸ்லிம் மறைவாக உள்ள தனது சகோதரருக்கு துஆ செய்தால் (இறைவனிடம்) அது ஒப்புக் கொள்ளப்படுகிறது. ஒரு மலக்கு சாட்டப்படுகிறார். அந்த மலக்கு அவருக்குப் பக்கத்தில் அமர்ந்து கொண்டு அமீன் என்று கூறி அதுபோன்று உனக்கும் கிடைக்கட்டும் என்கிறார்.

அறிவிப்பாளர்: சஃப்வான் இப்னு அப்தில்லாஹ் ரலியல்லாஹு அன்ஹு அவர்கள். நூல்: முஸ்லிம்-2732, அபூதாவூத்-1534.

(ஓரிடத்தில்) ஒரு கூட்டம் ஒன்று கூடி அவர்களில் ஒருவர் துஆ செய்து, மற்றவர்கள் ஆமீன் கூறினால் அந்த துஆவை இறைவன் உடனடியாக அங்கீகரிக்கிறான்.

அறிவிப்பாளர்: ஹுபைப் இப்னு ஸலமா ரலியல்லாஹு அன்ஹு அவர்கள். நூல்: ஹாகீம்.

Zikhir Adab- திக்ரு செய்யும்போது பேண வேண்டியவைகள்.

Zikir Adab 

By: Moulana Assheikh Assah Sheikh Abdul Qadir Sufi Hazrath Kahiri Kadasallahu Sirrahul Azeez.

திக்ரு செய்வதற்குரிய அதபுகள் (ஒழுக்கங்கள்).

 

அறிந்து கொள்! திக்ருடைய மஜ்லிஸாகிறது, அல்லாஹு தஆலாவுடைய மஜ்லிஸும் மலாயிக்கத்துகள், நபிமார்கள், அவ்லியாக்களுடைய மஜ்லிஸுமாகயிருக்கும்.

ஆகையினால் அவர்களுக்கு முன்னால் எப்படி இருக்க வேண்டுமென்பதை மனதில் கவனித்து அச்சத்தோடு ஒழுக்கமாக இருக்க வேண்டும்.

ஏனென்றால் ஒழுக்கங்கெட்டவனை சமூகத்தைவிட்டும் மிருகங்கட்டுமிடத்திற்கு துரத்தப்படும்.

ஹதீது ஷரீபில் வந்திருக்கிறது:- மூன்று விஷயம் அல்லாஹுத்தஆலாவினுடைய சமூகத்தில் ஒரு கொசுவின் இறகுக்கும் சரியாகாது.

ஒன்றாவது:- உள்ளச்சம் இல்லாத தொழுகை.

இரண்டாவது:- மறதியோடு செய்கிற திக்ரு. ஏனென்றால் அல்லாஹுத்தஆலா மறந்த இருதயத்தில் நின்றும் துஆவையும், திக்றையும் ஒப்புக் கொள்ளமாட்டான்.

மூன்றாவது:- நாயகம் ஸல்லல்லாஹு அலைஹி வஸல்லம் அவர்களுக்கு மரியாதையில்லாது அவர்கள் பேரில் ஸலவாத்து சொல்வதுமாக இருக்கும்.

ஆகையினால் கல்பு ஹுழுறுடனும் உள்ளச்சத்துடனும் ஒழுக்கமாகவும் திக்ரு செய்ய வேண்டும். திக்ரு செய்ய முன்னால் தவ்பா செய்ய வேண்டும்.

தவ்பாவுக்கு மூன்று ஷர்த்துகள் உண்டு.

ஒன்றாவது:- சென்ற பாவத்தின்பேரில் கவலைப்படுகிறது.

இரண்டாவது:- தற்போது பாவம் செய்யாதிருப்பது.

மூன்றாவது:- இனி ஒரு போதும் இது போன்று பாவத்தை செய்ய மாட்டேன் என்று நல்லெண்ணம் வைக்கிறது.

ஒருவர் சொல்கிறார்:-

தவ்பாவாகிறது, சென்ற பாவத்தின் பேரில் கவலைபடுவது ஒன்றேதான். ஆகிலும் கவலை உண்மையானதாக இருக்குமேயானால் மற்ற இரண்டு ஷர்த்துகளும் தன்னாலே உண்டாகிவிடும்.

நாயகம் ஸல்லல்லாஹு அலைஹி வஸல்லம் அவர்கள் திருவுளமாயிருக்கிறார்கள்,

أندم ثوبة "அன்னதமு தவ்பதுன்- செய்த பாவத்தைப் பற்றி கவலைப்படுவதாகிறது- தவ்பாவாகயிருக்கும்."

ஆகையினால் திக்ரு செய்கிறவர்கள் செய்த பாவத்தைப் பற்றி கவலைப்பட்டுக் கொண்டேயிருக்க வேண்டும்.

ராத்திபு செய்கிற இடம் சுத்தமாக இருக்க வேண்டும். அத்தர், சந்தனம், பூக்களை முன்னாடியே மஜ்லிஸிலுள்ளவர்களுக்கு பூசியும், சாம்புராணி ஊதுபத்தி போன்ற வாசனை புகைகளை கொண்டு இடத்தை வாசமாக்கி கொண்டு பின் சாம்புராணி சட்டி மற்றதுகளை 'ஹல்கா'வை விட்டும் அப்புறப்படுத்திவிட வேண்டும்.

ராத்திபு செய்கிறவர்கள் ஹலாலான துப்புரவான உடை கொண்டும் உளு செய்வது கொண்டும் உடலை அழகாக்கியும் ஹலாலான உணவை அதிலும் குறைந்த அளவை அருந்துவது கொண்டு வயிற்றை துப்புரவாக்கியும் (கல்பு ஹுழுராகிறதை போக்கக் கூடிய பசியில்லாது போனால் ஆகாரம் புசிக்காதிருப்பதுவே நல்லது.)

அல்லாஹுத்தஆலாவை திக்ரு செய்வது கொண்டு அவனுடைய மஹப்பத்தையும், பொருத்தத்தையுமே அல்லாது எப்பொருளையும் அவனிடம் ஆதரவு வைப்பதையும் அவை மனதில் ஊசாடுவதையும் விட்டு மனதை தூய்மையாக்கியும் அதபாக உட்கார்ந்து தொடையில் கையை வைத்து கண்ணைப் பொத்திக் கொண்டு, தனக்கு முன்னால் ஷெய்கு அவர்கள் இருக்கிறார்கள். நாம் அவர்கள் கிட்டவே இருக்கிறோம் என்று நினைத்து அவர்கள் சூரத்தை மஹப்பத்தோடு ஞாபகப்படுத்திக் கொண்டு, நமக்கு எல்லா உதவியும் நமது ஷெய்கு அவர்களைக் கொண்டுதான் கிடைக்கிறது. அவர்களுக்கு அவர்கள் ஷெய்கைக் கொண்டும் கடைசியாக ரஸூலுல்லாஹி ஸல்லல்லாஹு அலைஹி வ ஸல்லம் அவர்களை கொண்டும்தான் எல்லா உதவியும் கிடைப்பதாக முழு மனதோடு நம்பிக்கை வெத்துக் கொண்டிருக்க வேண்டும்.

ஷெய்குபேரில் மஹப்பத்தை அதிகப்படுத்துவதும், அவர் முன்னாலேயே இருக்கிறோமென்று அவர் சூரத்தை ஞாபகப்படுத்தி அதபாக இருப்பதுவும் மிக முக்கியமானதாகும்.

நகீப்(திக்ரை நடத்துபவர்) அவர்கள் 'நக்ரவுல் பாத்திஹா' என்று ஒதம் போது ரஸூலுல்லாஹி ஸல்லல்லாஹு அலைஹி வஸல்லம் அவர்கள், மற்றும் எல்லா ஷெய்குமார்களும் மஜ்லிஸிற்கு வந்திருக்கிறார்கள். அவர்கள் ஒவ்வொருவருடைய பேர்களையும் சொல்லி அவர்களுக்கெல்லாம் காத்திஹா ஓதுகிறோம் என்று சொல்கிறார் என்றும் மனதில் நினைக்க வேண்டும். .

ரஸூலுல்லாஹி ஸல்லல்லாஹு அலைஹி வஸல்லம் அவர்கள் மற்றும் ஷெய்குமர்களும் நமக்கு முன்னாலேயே இருப்பதினால் ரஸூலுல்லாஹி ஸல்லல்லாஹு அலைஹி வஸல்லம் அவர்கள் பெயர் வொல்லும் போது '(ஸலவாத்து) அல்லாஹும்ம ஸல்லி அலா முஹம்மதின்' என்பதையும், ஷெய்குமார்கள் பெயர் சொல்லும் போது'(தறழ்ழி)' ரலியல்லாஹு அன்ஹு என்பதையும் சப்தமிட்டு சொல்லாமல் வாய்க்குள்ளேயே சொல்லிக் கொள்ள வேண்டும்.

நகீப் அவர்கள் 'இலாஹீ பிஹுர்மாத்தி ஸிர்ரில் மஹப்பத்தி' என்று ஓதும்போது ஷெய்குமார்கள் ஒவ்வொருவர்கள் பெயரையும் குறிப்பிட்டு அல்லாஹுத்தஆலா இடத்தில் வஸீலா தேடி பாவங்களை பொருத்து கல்புக்கரளை நீங்கி ஷெய்குமார்களின் கல்புகளில் உதிக்கும் கடாட்சத்தைக் கொண்டு நம் கல்பை பரிணமிக்கச் செய்து நம்மை அவனின் சொந்த அடியார்களான நாதாக்களின் கூட்டத்தில் சேர்க்கும்படி கெஞ்சுவதாக நினைத்து, பாவம் செய்த அடிமை எஜமான் முன்னிலையில் பாவமன்னிப்புக்காக மன்றாடுவது போல் மன உருக்கத்தோடும் கவலையோடும் இருக்க வேண்டும்.

நகீப் அவர்கள் 'அல்மதத்,அல்மதத் என்று ஓதும்போது ஷெய்குமார்களிடத்தில் எங்களுக்கு உதவியாக இருந்து எங்களை காப்பாற்ற வேண்டும். எங்களை கைவிட்டு விடாதீர்கள் என்று கெஞ்சுவதாகவும் நினைக்க வேண்டும்.

பின்பு கொஞ்சநேரம் மனதையே நோட்டமிட்டுக் கொண்டிருந்து நகீப் அவர்கள் திக்ரை ஆரம்பிக்கிற போது அவர் சொல்வது போல், அவர் நீட்டி சொன்னால் நீட்டியும், துரிதமாக சொன்னால் துரிதமாகவும், எல்லாவர்களும் ஒற்றுமையாகவும் சப்தமிட்டு (முழு ஹிம்மத்தோடு) இனியும் கொஞ்சம் அழுத்தமாக சொல்லமுடியாதென்ற விதமாக முழு சக்தியோடும் எல்லாவர்களும் ஒரே தொனிவோடும் திக்ரின் கருத்தை மனதில் கவனித்துக் கொண்டும் சொல்ல வேண்டும்.

திக்ரு செய்யும்போது கல்பே திக்ரு செய்வது போலும் தான் அதைக் கேட்டு நாவால் மொழிவது போலும் கருதி கல்பின் பக்கம் காது தாழ்த்தி கேட்டுக் கொண்டும் திக்ரின் பொருளைக் கவனித்துக் கொண்டும் இருக்க வேண்டும்.

மேலும், அல்லாஹுத்தஆலாவின் பேரில் மஹப்பத்தும், ஆசையும் உண்டாகி அதிலேயே மூழ்கி தன் உணர்வுஅற்று மயக்கம் உண்டாகும் வரையிலும் திக்ரை நிறுத்தக் கூடாது.

பின்பு திக்ரை முடித்துவிட்டால் வாய்பொத்தி ஒடுங்கி திக்ரை கல்பில் நடத்தாட்டிக் கொண்டு திக்ரின் ஞாபகத்திலேயே(முறாக்கபா) வாரிதாத்து தஜல்லியாத்துகளை எதிர்பார்த்துக் கொண்டிருப்பான். ஏனென்றால் முப்பது வருஷத் தெண்டிப்பினாலும் உண்டாகாத (மஹப்பத்து)-ஆசை, (ஸுஹ்து)-உலக வெறுப்பு, (வரஃ)பேணுதல், (தஹ்ம்முல்)சகிப்பு, (ரிழா) அல்லாஹ்வின் கற்பனையில் திருப்தி இது போன்ற வாரிதுகளில் ஒன்று, அல்லது மறைவான உலகத்தின் ஒளி தோற்றமென்ற தஜல்லியாத்துகளில் ஒன்று ஒரு கணத்தில் இவனை வந்து கவர்ந்துக் கொள்ளவும் கூடும்.

ஆகையினால் வாய்பொத்தி ஒடுங்கி மூச்சை பல முறையும் அடக்கி விட்டுக் கொண்டே திக்ரின் கருத்திலேயே இருப்பானேயானால் (வாரிது) அல்லாஹ்வின் அருள் இவனை எல்லா ஆலம்களிலும் கொண்டு சுற்றும். ஆகையினால் கொஞ்சம் தாமதிப்பது அவசியமாகும்.

திக்ரு செய்யும்போதும், திக்ரு முடித்த பின்பும் தண்ணீர் குடிக்காதிருப்பது திக்ரின் அதபுகளில் முக்கியமானதாயிருக்கும்.

ஏனென்றால் திக்ரானது, கல்பில் உஷ்ணத்தை உண்டாக்கும்.

அதனால் கல்பில் பிரகாசமும், தஜல்லியாத்தும், வாரிதாத்தும் வரும். தண்ணீர் கடிப்பதினால் கல்பின் உஷ்ணம் தூர்ந்து போகும். ஆகையினால் குறைந்தது அரைமணி நேரமாகிலும் சென்றபின் தான் தண்ணீர் குடிக்க வேண்டும். எவ்வளவு நேரம் அதிகம் சென்றாலும் நல்லதுதான். தண்ணீர் தேவைப்பட்டவர்கள் திக்ரு ஆரம்பிக்க முன்னாடி குடித்துக் கொள்ளலாம்.

'லாயிலாஹ இல்லல்லாஹு' என்று திக்ரு செய்யும்போது எல்லாவர்களும் ஒன்றுபோல் 'லா' என்று ஆரம்பித்து ஒன்றுபோல் 'இலாஹ' என்று சொல்லி ஒன்றுபோல் இல்லல்லாஹ் என்றும் அதலுள்ள 'ஹ்' க்கு ஸுகூன் கொண்டும் சொல்லி மூச்சை விடவேண்டும்.

'லாயிலாஹ இல்லல்லாஹு லாயிலாஹ இல்லல்லாஹ்' என்று இரண்டு விடுத்தம் சொல்லும்போது முந்திய 'இல்லல்லாஹு'வில் 'ஹு'க்கு பேஷ் கொண்டும் இரண்டாவது'இல்லல்லாஹு'வில் 'ஹ்' க்கு ஸுகூன் கொண்டும் சொல்லவேண்டும்.

முதலாவது (லாயிலாஹ)விலோ அல்லது இரண்டாவது (லாயிலாஹ)விலே நிறுத்தியும் (இல்லல்லாஹ்)வை ரெம்ப அழுத்தமாக்கி இரண்டு கலிமாவையும் பிரித்தும், அல்லது ஒருவர் 'லாயிலாஹ' என்றும் மற்றொருவர் 'இல்லல்லாஹ' என்றும் சொல்லக் கூடாது.

மேலும் 'லாயிலாஹ இல்லல்லாஹு லாயிலாஹ இல்லல்லாஹ்' என்று துரிதமாக சொல்லிக் கொண்டே போகி கடைசி 'லாயிலாஹ இல்லல்லாஹ்' என்று ஒரே விடுத்தமாக சொல்வதுபோல் ஆகவேண்டும்.

'இல்லல்லாஹ்' என்றும், 'அல்லாஹ்' என்றும் திக்ரு செய்யும் போது (ஹ்)க்கு ஸுக்குன் கொண்டும் (ஹ்) விளங்கும்படியாகவும் சொல்ல வேண்டும்.

இ-ல்-ல-ல்-லா-ஹு என்றும், அ-ல்-லா-ஹு என்றும் எழுத்துக்களை பிரித்து சொல்லாமல் இல்லல்லாஹ்,அல்லாஹ் என்று சேர்ந்தாற் போல் சொல்லவேண்டும்.

லாயிலாஹ இல்லல்லாஹு என்று திக்ரு செய்யும்போது (லா) என்று கல்பிலிருந்து ஆரம்பித்து கீழே இடலு மட்டுக்கால் வரையிலும் வந்து வலது முட்டுக்காலுக்கு திரும்பி அதிலிருந்து மேலே தலை உச்சிவரை வந்து (இலாஹ) என்று சொல்லி அதிலிருந்து (இல்லல்லாஹ்) என்று முழு சக்தியோடு கல்பில் தாக்க வேண்டும்.

(லா) என்பதை ஒரு கூறான முனையான கத்தி என்றும் அதை கல்பில் குத்தி அதிலிருந்து கீழே இடது முட்டுக்கால் வரையும், பின் வலது முட்டுக்காலிலிருந்து மேலே தலை உச்சி வரையும் கிழித்தெறிவதாக நினைக்க வேண்டும்.

அறிந்துகொள்! கிழிப்பதாகிறது நம்முடைய திரேகத்தை அல்ல. எங்கிலும் நம்முடைய (அன்னியத்) அதாவது நாம் ஒரு தனிபொருள் என்று உணரும் எண்ணத்தையேயாகும்.

மேலும் மனிதன் முழு உலகத்திலிருந்தும் அதி நுட்பமான ஒவ்வொரு பாகத்தைக் கொண்டு சேர்க்கப்பட்டவனாக இருப்பதினால் நம்முடைய(அன்னியத்)திலிருந்து ஒவ்வொரு பாகம் அறுபடும்போதும் முழு உலகத்திலிருந்தும் ஒவ்வொரு பாகமும் அறுபட்டுக்கொண்டே போகுதென்றும், நம்முடைய(அன்னியத்)அறுபட்டு கீழே வீழ்ந்து மடியும்போது முழு உலகமும் அவைகள் தான்தானாகவே நிற்கக் கூடியதும், ஹக்குத் தஆலாவிற்கு வேறான தனிப்பொருள் என்று உணரும் (ஙைரியத்) பூராவும் அறுபட்டு வீழ்ந்து மடிவதாகவும் உறுதியாக நினைக்க வேண்டும்.

(இல்லல்லாஹ்) என்று கல்பில் தாக்கும்போது ஹக்குதஆலாவின் உஜூது ஒன்றுதான் ஜோதியாக நிலைத்திருக்கிறது என்றும் உறுதிக் கொள்ள வேண்டும். எழும்பி நின்று (தாயிம் அல்லாஹ்) என்று திக்ரு செய்யும்போது தாயீம் என்று யேயை நீட்டாமல் (தாயிம்) என்றும் தலையை குனிந்தும் அல்லாஹ் என்று தலையை உயர்த்தியும் அல்லாஹ்விலுள்ள (ஹ்)வுக்கு ஸுகூன் வைத்தும் சொல்லி மூச்சை விடவேண்டும்.

(தாயிம் அல்லாஹ் ஹைய்) என்று திக்ரு செய்யும்போது (ஹைய்) எனும்போது திரும்பவும்தலை குனிந்தும் சொல்லி அதில் மூச்சை விடவேண்டும்.

தாயிம் அல்லாஹ் என்றும் தாயிம் அல்லாஹ் ஹைய் என்றும் சொல்லும்போது சதோகயமாக எப்பொழுதுமிருக்கிறவன் அல்லாஹ் ஒருவனே. அவனே உயிருள்ளவன், மற்றவை அனைத்தும் செத்து மடிந்து அழிந்து விட்டது.

 

كُلُّ مَنْ عَلَيْهَا فَانٍ – كُلُّ شَيْئٍ هَالِكٌ اِلَّا وَجْهَهُ

உலகிலுள்ளவை அனைத்தும் அன்றும் இன்றும் என்றும் இறந்தவைகள் எல்லாப்பொருளும் முக்காலமும் இல்லாமலானது,அழிந்தது. எங்கிலும் அல்லாஹுத்தஆலா ஒருவனின் பரிசுத்த தாத்து ஒன்றுதான் நிலையானது என்றும் உறுதிகொள்ள வேண்டும்.

இதுபோலவே மற்றயெல்லா திக்ருகளிலும் அவர் சொல்வது போலவே சொல்ல வேண்டும். ஜத்பானவர்கள் தன் நினைப்பில்லாது சொல்வதை அனுசரித்து அவர்களைப்போல் மற்றவர்களும் சொல்லக் கூடாது.

இப்போது சொல்லப்பட்ட அதபுகள் எல்லாம் சுயத்தோடு இருக்கிறவர்களுக்குத்தான். ஆனால் சுயமிழந்த ஜத்புடையவர்களோ அவர்களுக்கு உண்டாகும் (லம் ஆத்) வெளிச்சம், (தஜல்லி) பிரகாசம்(தவ்க்) அனுபோகத்துக்கு தக்கவாறு அவர்கள் நாவிலிருந்து (அல்லாஹ்-அல்லாஹ்)- ஹூ – ஹூ அல்லது (ஆ ஆ) அல்லது (ஆஹ் ஆஹ்) அல்லது (பீ பீ) அல்லது அச்சரமில்லாத சப்தம் அல்லது அழுகை அல்லது கைகாலை அடிப்பது, உருளுவது இது போன்றதுகள் உண்டாகும்.

அப்போது அவர்களுக்கு அதபாகிறது: அது என்னது? என்று சிந்திக்காமலும், வேண்டுமென்றும் செய்யாமலும் வாரிதாத்து செய்வது போல் செய்யவிட்டு கொடுத்துவிட வேண்டும்.

வாரிதாத்து செய்யும் வேலையை செய்து முடிந்து தனக்கு ஞாபகம் வந்தபின் மேலும் வாரிதாத்து வருவதை எதிர்பர்த்துக் கொண்டும் ஒடுங்கியிருக்க வேண்டும்.

வாரிதாத்தினால் பரவசமுண்டாகும் போது அது நம்மை என்னென்ன செய்யுமோ, நம் வாயிலிருந்தும,; உறுப்புகளிலிருந்தும் என்னென்ன சொற்செயல்கள் உண்டாகுமோவென்றும் அஞ்சி ஆரம்பத்தில் கொஞ்சம் ஞாபகமிருக்கும்போது அதை நிறுத்தக் கூடாது.

வாரிதாத்தின் போக்குபோல் விட்டுவிட வேண்டும். ஏனென்றால் ஒரு வீடுத்தம் கொஞ்சம்(ஜத்பு) ஹக்கின் ரஹ்மத் அடியானின் கல்பை பிடித்து அவன் பக்கம் இழுப்பதானது கல்பை விட்டும் எவ்வளவோ கறல்களை நீக்கி விடுகிறது.

நபி நாயகம் ஸல்லல்லாஹு அலைஹி வ ஸல்லம் அவர்கள் திருவுளமாயிருக்கிறார்கள்:-

ரஹ்மானுடைய கிருபையின் இழுப்புகளில் ஒரு லேசான இழுப்பாகிறது (மனு ஜின்னு ஆகிய) இரு கூட்டத்தார்களின் இபாதத்தைப் பார்க்கிலும் விஷேசமாக இருக்கும்.

ஆனால் ஜத்பானவர்கள் தங்களுக்கு ஜத்பு நீங்கி நல்ல சுயம் வந்தபின் அவர்கள் சுயமாகவும் ஞாபகத்தோடும் ஏற்கன சுயமில்லாத போது ஏற்பட்ட சொற்செயலை சொல்லாதும் செய்யாதும் மற்றவர்கள் சொல்வது போல் திக்ரு செய்தும் திக்ரின் கருத்திலேயே கவனத்தை செலுத்திக் கொண்டும், திரும்பவும் ஜத்பு வருவதை எதிர்ப்பார்த்து கொண்டுமிருக்க வேண்டும்.

மேலும் குறிப்பிட்டபடி திக்ருகள் முழுவதையும் செய்ய வசதியில்லாத போது லாயிலாஹ இல்லல்லாஹ், லாயிலாஹ இல்லல்லாஹு லாயிலாஹ இல்லல்லாஹ், இல்லல்லாஹ், அல்லாஹ் என்ற நான்கு திக்ருகளையும், அதற்கும் வசதியில்லாதபோது அல்லாஹ் எனும் திக்ரு ஒன்றையாவது செய்துக் கொள்ளலாம்.