Qurbani in the view of Shariah-குர்பானியின் ஷரீஅத் சட்ட விளக்கங்கள்

குர்பானியின் ஷரீஅத் சட்ட விளக்கங்கள்.

தொகுப்பு: சையத் ஷாஹ் வஜீஹுன்னகீ சக்காப் ஷுத்தாரில் காதிரி அவர்கள்

குர்ஆன் கூறுகிறது 'அதன் (குர்பானியின் மாமிசமோ, அல்லது அதன் இரத்தமோ அல்லாஹ்வை சென்றடைவதில்லை. எனினும் உங்களின் தக்வா(பயபக்தி)தான் அவனை சென்றடைகிறது'. –அல்-குர்ஆன் 22:37.

அல்லாஹ் மேலும் கூறுகிறான். 'எனவே நாம் ஒரு மகத்தான பலியைக் கொண்டு அவருக்கு பகரமாக்கினோம்' –அல்-குர்ஆன் 37:107

ஹஜ்ரத் இப்றாகிம் அலைஹிஸ்ஸலாம் அவர்கள் அல்லாஹ் அனுப்பி வைத்த செம்மறி ஆட்டை குர்பானி கொடுத்தார்கள்.                                                                           –தப்ஸீர் குர்துபி

ஹிஜ்ரி 2-ம் வருடம் குர்பானி கடமையாக்கப்பட்டது. ஹனபி மத்ஹபின் படி குர்பானி கொடுத்தல் வாஜிபாகும். இமாம் ஷாபிஈ அவர்களிடத்தில் குர்பானி கொடுத்தல் சுன்னத்தே முஅக்கதாவாகும்.

குர்பானி யார் மீது கடமை?

இமாம் அபூஹனீபா ரலியல்லாஹு அன்ஹு அவர்கள் 'தமது ஊரில் தங்கி இருக்கக் கூடிய வசதியான அடிமைகளாக இல்லாத சுதந்திரமான முஸ்லிம்களின் மீது குர்பானி கொடுத்தல் வாஜிபு' எனக் கூறுகின்றனர்.

குர்பானி கொடுக்கக் கூடிய நபரின் பொருளாதார வசதியை இமாம்கள் 200 திர்ஹம் மாத வருமானம் உள்ளவர்கள் என நிர்ணயிக்கின்றனர்.
                                                              நூல்: அல் பிக்ஹு வல் மதாஹிபில் அர்பஆ.

நபிகள் நாயகம் முஹம்மத் ஸல்லல்லாஹு அலைஹி வஸல்லம் அவர்கள் ஹிஜ்ரத்திற்குப் பின் மதீனாவில் வாழ்ந்த பத்து ஆண்டுகாலமும் குர்பானியை நிறைவேற்றி வந்தனர்.

குர்பானி கொடுப்பவர் 'துல்ஹஜ்மாதம்' பிறை பார்த்ததிலிருந்து  குர்பானி கொடுக்கும் வரை தலைமுடி இறக்குவதோ, முடியை வெட்டுவதோ, நகம் தரிப்பதோ சுடாது.

குர்பானிக்குரிய பிராணிகள்

ஆடு, மாடு, ஒட்டகம் போன்ற பிராணிகளை குர்பானி கொடுத்தல் வேண்டும்.

ஆடு: குர்பானி கொடுக்க மிகச் சிறந்த பிராணி. ஏனெனில் இறைவன் ஹஜ்ரத் நபி இஸ்மாயீல் அலைஹிஸ்ஸலாம் அவர்களுக்குப் பகரமாக ஆட்டைதான் குர்பானியாக கொடுக்கச் சொன்னான் என்பதாக முபஸ்ஸிரீன்களான குர்ஆனின் வியாக்கியானிகள் கூறுகின்றனர்.                    
                                                                                                                                            –ஆதாரம்: தப்ஸீர் குர்துபீ

குர்பானி கொடுக்கப்படும் செம்மறியாடு அல்லது வெள்ளாடு ஒரு வருடம் முழுவதும் பூர்த்தியடைந்ததாக இருத்தல் வேண்டும்.

ஆறுமாத செம்மறியாடு நன்கு கொழுத்ததாக இருந்து அதை ஒரு வருடத்திய ஆடுகளோடு ஒப்பிட்டுப் பார்க்கும்போது ஒரு வருடத்திய ஆடு போல் தெரிந்தால் குர்பானி கொடுக்கலாம்.

வெள்ளாட்டுக்கு கண்டிப்பாக ஒரு வருடம் முழுதும் பூர்த்தியடைந்து இரண்டாம் வருடம் ஆரம்பமாயிருத்தல் மிகவும் அவசியம்.

ஒரு நபருக்கு ஒரு ஆடு என்ற விகிதத்தில் குர்பானி கொடுத்தல் வேண்டும். இயற்கையாகவே கொம்பில்லாத, மோழையாக உள்ள விதையடிக்கப்பட்ட ஆட்டையும் குர்பானியாக கொடுக்கலாம்.
                                                                                                                                     ஆதாரம்: பதாவா ஆலம்கீரி.

மாடு: இரு வருடங்கள் முடிந்து மூன்றாம் வருடம் ஆரம்பமாகியிருத்தல் வேண்டும். எருமையையும் மாடு போன்றே கருதி குர்பானி கொடுக்கலாம்.

ஒட்டகம்: ஐந்து வருடங்கள் முடிந்து ஆறாம் வருடம் ஆரம்பமாயிருத்தல் வேண்டும்.

மாடு, ஒட்டகம் போன்றவற்றில் ஒரே பிராணியை ஏழு நபர்கள் கூட்டாக ஒன்று சேர்ந்து குர்பானி கொடுக்கலாம் இதில் ஒரு நபர் கூட்டில் குறைந்தாலும் குர்பானி நிறைவேறாது.

குர்பானியில் முஸ்தஹப்பான (பேணப்பட வேண்டிய) காரியங்கள்

1. பிராணியை அறுக்கும் போது கிப்லாவை முன்னோக்கி படுக்கச் செய்தல்.

2. குர்பானி கொடுப்பவர் அறுக்கத் தெரிந்திருந்தால் தாமே அறுக்க வேண்டும். இல்லையெனில் அறுக்கத் தெரிந்தவரை அறுக்கச் சொல்லி தாமும் பக்கத்திலேயே இருக்க வேண்டும்.

3. குர்பானி கொடுக்கும் போது மிகக் கூர்மையான கத்தியைக் கொண்டு அறுக்க வேண்டும்.

4. விதையடிக்கப்பட்ட, கொம்புள்ள, நல்ல வயதுள்ள பருமனான கொழுத்த செம்மறிக்கடாவாக இருக்க வேண்டும்.

இறைச்சியை என்ன செய்ய வேண்டும்?

நபிகள் நாயகம் ஸல்லல்லாஹு அலைஹி வஸல்லம் அவர்களின் உம்மத்துக்களான முஃமின்களுக்கு மட்டுமே குர்பானியின் இறைச்சி ஹலாலாக்கப்பட்டுள்ளதுமு. அதிலும் அறுக்கப்பட்ட பிராணியின் இறைச்சியை மூன்று சம பங்குகளாக பிரித்து அதில் முதல் பாகத்தை ஏழைகளுக்கு ஸதகாவாக(தர்மமாக)வும், இரண்டாம் பாகத்தை உறவினர்களுக்கும், நண்பர்களுக்கும், மூன்றாம் பாகத்தை தமக்காகவும் வைத்துக் கொள்ள வேண்டும்.
                                                                                                                                                            ஆதாரம்: ஹிதாயா.

அறுக்கு முன் ஓத வேண்டிய துஆ

இன்னீ வஜ்ஜஹ்த்து வஜ்ஹிய லில்லதீ பத்ரஸ் மாவாத்தி வல் அர்ழ ஹனீஃபன் வமா அன மினல் முஷ்ரிகீன்.

இன்ன ஸலாத்தீ வ நுஸுக்கீ வ மஹ்யாய வ மமாத்தீ லில்லாஹி ரப்பில் ஆலமீன். லாஷரீகலஹு வபி தாலிக்க உமிர்த்து வ அன மினல் முஸ்லிமீன்.

மேற்கண்ட துஆவை ஓதியபின் குர்பானியின் பிராணியை கிப்லாவின் பக்கம் முகம் இருக்குமாறு படுக்க வைத்த அறுப்பவர் 'அல்லாஹும்ம லக வ மின்க பிஸ்மில்லாஹி அல்லாஹு அக்பர்' என்று ஓதியபடியே கூர்மையான கத்தியைக் கொண்டு விரைவாக மூன்று அறுப்பில் அறுத்து முடிக்க வேண்டும்.

பின்னர் அங்கு நின்று கிப்லாவை முன்னோக்கி கைகளை உயர்த்தி கீழ்காணும் துஆவை ஓத வேண்டும்.

அல்லாஹும்ம தகப்பல் மின்னீ கமா தகப்பல்த்த மின் கலீலிக்க ஸையிதினா இப்றாஹிம வ மின் ஹபீபிக்க ஸையிதினா முஹம்மதின் ஸல்லல்லாஹு அலைஹி வ அலா ஆலிஹீ வ அஸ்ஹாபிஹி வ பாரிக் வ ஸல்லிம்.

அடுத்தவருக்காக அறுக்கும்போது,

அல்லாஹும்ம தகப்பல் மின்னீ என்ற இடத்தில் மின் என்று கூறி பின்னர் குர்பானி கொடுப்பவரின் பெயரைக் குறிப்பிட வேண்டும்.

                                                                  ஆதாரம்: பதாவா ஆலம்கீரி, பஹாரே ஷரீஅத்.

குர்பானி கொடுக்கும் நேரம்

ஈதுல் ளுஹாவின் ஹஜ்ஜுப் பெருநாள் அன்று சூரியன் உதயமான நேரத்திலிருந்து குர்பானி கொடுத்தல் துவங்குகிறது.

பெருநாள் தொழுகையை அடுத்து குத்பா ஓதி முடிந்தபின் குர்பானி கொடுத்தல் சிறந்ததாகும்.
                                                                                                                                       நூல்: மிஷ்காத்.

தல்ஹஜ் பிறை 10,11,12 ஆகிய மூன்று நாட்களிலும் குர்பானி கொடுக்கலாம். இதில் குர்பானி கொடுக்க முதல் (பெரு) நாளே சிறந்ததென ஹஜ்ரத் உமர், ஹஜ்ரத் அலீ, ஹஜ்ரத் இப்னு அப்பாஸ் ரலியல்லாஹு அன்ஹும் போன்ற நபித் தோழர்கள் அறிவிக்கின்றனர்.

                                                                                                                                         நூல்: ஹிதாயா.

குர்பானியில் வெறுக்கத்தக்கவை (மக்ரூஹ்)

1. அறுக்கும் போது தலை துண்டாகி விடுதல்.

2. பிராணியை படுக்க வைத்தபின் கத்தியை தீட்டுதல்.

3. கிப்லாவை முன்னோக்கி படுக்க வைக்காமல் அறுத்தல்.

4. அறுக்கப்பட்டபின் உயிர் முழுவதுமாக அடங்குமுன்பே தோலை உரித்தல்.

5. உயிர் நன்கு பிரியுமுன் தலையை ஒடித்தல், துண்டித்தல்.

6. அறுக்கும்போது  தேவையில்லாதவைகளை செய்வதன் மூலம் பிராணிக்கு துன்பம் கொடுத்தல்.

7. ஒரு பிராணிக்கு முன் மற்றொரு  பிராணியை அறுத்தல்.

குர்பானிக்கு தகுதியற்ற பிராணிகள்

குர்பானி கொடுக்கப்படும் பிராணி குருடு, கண்பார்வை குறைந்தது, நடக்க முடியாதது, சொறி பிடித்தது, காது, வால் போன்றவை துண்டிக்கப்பட்டிருத்தல், ஆணுமற்ற பெண்ணுமற்ற பிராணி போன்றவற்றை குர்பானி கொடுத்தல் கூடாது.

                                                                                                                          நூல்: ஹிதாயா, பதாவா ஆலம்கீரி.

இதர மார்க்கச் சட்டங்கள்

ஹஜ்ஜுப் பெருநாள் தொழுகையை குர்பானி கொடுப்பதற்கு வசதியாக சிறிது முற்படுத்திக் கொள்ளல் சிறந்ததாகும்.                                                                      நூல்: பதாவா ஆலம்கீரி.

ஹஜ்ஜுப் பெருநாள் தொழுகையை முற்படுத்தித் தொழுதல் ஷாபிஃ மத்ஹபில் சுன்னத்தாகும்.

                                                                                                                         நூல்: இஆனத்துத் தாலிபீன்

பெருநாள் தொழுகைக்கு செல்லும்போது கண்ணியத்துடன் பார்வை நிலம் நோக்கும் வண்ணம், பார்வையை அங்குமிங்கும் அலைபாய விடக் கூடாது. ஈத்காஹ் சென்று சேரும்வரை தக்பீரை சப்தமாக சொல்லிக் கொண்டு செல்வது சுன்னத்தாகும்.

பெருநாள் தொழுகைக்கு செல்பவர் எதையும் பருகாமலும், அருந்தாமலும் செல்வதுடன் குர்பானி கொடுப்பவர் அதன் இறைச்சியை பெருநாளன்று முதன்முதல் உண்பதும் சுன்னத்தாகும்.

குர்பானிக்காக வாங்கப்பட்ட பிராணி திடீரென இறந்துபோய் விட்டால், அல்லது காணாமல் போய்விட்டால் செல்வந்தராக இருப்பின் அவர் வேறொரு பிராணி வாங்கி குர்பானி கொடுக்க வேண்டும். ஏழையாக இருந்தால் அவர் மாற்று பிராணி வாங்கி குர்பானி கொடுக்க வேண்டியதில்லை.

குர்பானிக்குரிய பிராணி காணாமலோ அல்லது திருட்டு போய் விட்டாலோ அதற்குப் பதிலாக வேறொன்று வாங்கப்பட்டபின் காணாமல் போன அல்லது திருட்டுப் போன பிராணி கிடைத்துவிட்டால் ஏழையாக இருந்தால் அவர் ஒரு பிராணியை மட்டும் அறுத்தால் போதுமானது. செல்வந்தராக இருந்தால் அவர் இரண்டையும் குர்பானி கொடுக்க வேண்டும்.
                                                                                                                              நூல்: ஹிதாயா, பதாவா ஆலம்கீரி.

குர்பானி கொடுப்பவர் ஒரு ஊரிலும், குர்பானியின் பிராணி வேறொரு ஊரிலும் இருந்தால் அவர் எனது குர்பானியை நிறைவேற்றுங்கள் எனத் த கவல் தந்தாலும், குர்பானிக்குரிய பிராணி எந்த ஊரில் உள்ளதோ அங்கு பெருநாள் குத்பா தொழுகை முடிந்ததன் பின்னரே அவருக்காக குர்பானி கொடுக்க வேண்டும்.

குர்பானி கொடுப்பவர் தமது வீட்டிற்கு விருந்துண்ண வருகை தரும் 'காபிர்'களுக்கு உணவளித்தல் உறுதியான கூற்றுப்படி மக்ரூஹ் அல்ல. ஆகுமான செயலே.

அய்யாமுத் தஷ்ரீக் தக்பீர் கூறும் முறை

துல்ஹஜ் மாதம்  9ம் தேதி (அரபாத் நாள்) காலை பஜ்ருதம் தொழுகை முடிந்த நேரத்திலிருந்து 13ம் தேதி அஸர் தொழுகைவரை (23 தொழுகை நேரங்களில்) ஒவ்வொரு வேளையும் பர்ளுத் தொழுகைக்குப் பின் தக்பீர் சொல்ல வேண்டும். இது ஹனபி மத்ஹபில் வாஜிபும் ஷாஃபி மத்ஹபில் சுன்னத்துமாகும்.

குர்பானித் தோல்களையோ அல்லது அதன் கிரையத்தையோ மார்க்க கல்வியை போதிக்கும் மத்ரஸாக்களுக்கு கொடுத்தல் மிகச் சிறந்ததாகும். தோலை விற்று அதன் கிரயத்தை தாமே வைத்துக் கொள்வதோ அல்லது கூலிக்குப் பகரமாகக் கொடுப்பதோ கூடாது.

                                                                                                       நூல்: மஸாயிலே ரஸாயில்.

முற்றும்.

Kayalpatnam Jumma Fatwa(Arabic/Tamil)

காயல்பட்டணம் ஜும்ஆ பத்வா

(மொழி பெயர்ப்பு)

பிரசுரித்தவர்கள்: S.A. முஹம்மது ஆதம்.
சாளை O.M. செய்கு அப்துல் காதிர்
T.M.S. அஹ்மது.

பிஸ்மில்லாஹிர்ரஹ்மானிர் ரஹீம்.


'நன்மையின்பால் (மானிடரை) அழைத்து, நேரானதை(ச் செய்யும்படி) ஏவி, தப்பானதை(த் தவிரும்படி) விலக்கும் ஒரு கூட்டத்தினர் உங்களுக்குள் இருக்கக்கடவர். மேலும், இவர்களே ஜெய சீலராவர்'- (அல்குர்ஆன் 3:103)

அன்புடையீர்!,

    10-5-55 தேதியில் வெளிவந்த எங்களின் அறிவிப்புக்கிணங்க, நமதூர் காயல்பட்டணத்தில், ஷாபியீ முதுஹபின்படி ஒன்றுக்கு மேற்பட்ட ஜும்ஆ நடத்துவதற்கு ஆகுமா? ஆகாதா? என்பதைப் பற்றி சத்தியவந்தர்களான சங்கைமிகுந்த உலமாக்களின் அரபி பத்வாவை, தமிழில் பெமாழி பெயர்த்து, தங்கள் சமூகம் சமர்ப்பிக்கிறோம். இதற்கு நல்லுதவி புரிந்த அல்லாஹ்வுக்கே சர்வ புகழும் புகழ்ச்சியும் உரித்தாகுக.

    நமதூரைப் பொறுத்தவரை, ஷாபியீ மதுஹபின்படி ஒன்றுக்கு மேற்பட்ட ஜும்ஆ நடத்துவது கூடாது என்ற தீர்ப்பும், மற்றும் அது பற்றிய உண்மை விபரங்களும் தகுந்த அத்தாட்சிகளுடன் துலாம்பரமாக இதில் தரப்பட்டுள்ளன. அல்லாஹ் ரஸூலை பயந்து நிஷ்களங்கமான இருதயத்துடன் இதை நோக்கும் ஒவ்வொருவரும் இதை சரிகண்டு அங்கீகரிப்பார்கள் என்பதில் ஐயமில்லை. இவ்வுண்மையை உணர்ந்து ஹக்குத்தஆலாவை சரியான முறையில் வழிபட்டு, அஞ்சி பயந்து நடப்போமாக. அத்தன்மையிலேயே தக்வாவை கொண்டு ஒருவருக்கொருவர் உதவியாக இருப்போமாக. பாவத்திலும், அக்கிரமத்திலும் மூழ்கி, அதில் ஒருவருக்கொருவர் துணையாக இராமல் ஆண்டவன் காப்பர்றிக் கொள்வானாக. அல்லாஹ்வின் அருளக்கும் அன்பக்கும் பாததியமானவர்களாக நடப்போமாக.

      'புண்ணியத்திலும், தக்வாவிலும் ஒருவருக்கொருவர் உதவி புரிவீர்களாக! பாவத்திலும், அக்கிரமத்திலும் ஒருவருக்கொருவர் துணைபரியாதிருப்பீர்களாக! இன்னும் அல்லாஹ்வுக்கு அஞ்சுவீர்களாக! நிச்சயமாக அல்லாஹ் தண்டிப்பதில் கடுமையானவனாகயிருக்கிறான்' (அல்குர்ஆன் 5 : 2)

     'யா அல்லாஹ்! உனது அருட்கொடை பாக்கியங்களைப் பெற்ற சான்றோர்களின் நல்வழியிலேயே எங்களை நடத்;தாட்டுவாயாக. உனது கோபத்திற்குள்ளானவர்களும், வழி கெட்டுப் போனவர்களுமுடைய வழியை விட்டு எங்களை காப்பாற்றிக் கொள்வாயாக' என்று பிரார்த்திப்போமாக.

      மிகச் சிறந்த முறையில் இந்த பத்வா- விடையை கோர்வை செய்தளித்த மேன்மைமிக்க கனம் அல்ஆலிமுல் முப்தி, பஹ்ருல் உலூம், மௌலவி, ஹாபிஸ், அல்ஹாஜ் மா.மு.க. முஹிய்யத்தீன் தம்பி ஆலிம் (ஸதர் முதர்ரிஸ், மஹ்ளரா) அவர்களுக்கு நாம் பெரிதும் கடமைப்பட்டுள்ளோம். ஏனெனில், தங்களது சுகயீனத்தையும், சிரமத்தையும் சற்றும் பொருட்படுத்தாமல் அல்லாஹ், ரஸூலை நாடி அவர்கள் இவ்விஷயத்தில் பெருமுயற்சி மேற்கொண்டு உழைத்துள்ளார்கள். லில்லாஹ்வுக்காக என்று அவர்கள் எவ்வளவு தூரம் இவ்விஷயத்தில் கங்கணங்கட்டி உழைத்துள்ளார்கள் என்பது இதற்கடுத்து, பிரசுரிக்கப்பட்டுள்ள அவர்களது அறிக்கையிலிருந்து உணர்ந்து கொள்ள முடியும். அத்தகைய சன்மார்க்கப் பற்றுமிக்க அலிம் முப்தி அவர்களுக்கு எவ்வளவு நன்றி கூறினாலும் தகும். அவர்களுக்கு, கிருபையுள்ள ரஹ்மான் நீடித்த சுக ஆயுளையும், சரீர ஆரோக்கியத்தையும், ஈடிணையில்லா இத்தொண்டுக்குப் பகரமாக தனது சிறந்த நற்மூகூலிகளையும் கொடுத்தருள்வானாக. ஆமீன். மேலும் இந்த பத்வாவை சரிகண்டு, நற்சான்றுகளுடன் கையொப்பமிட்ட நமதூர், வெளியூர் உலமாக்களையும், முப்திகளையும், காஜிகளையும் நாம் மனமுவந்த நன்றியுடன் பாராட்டுகிறோம். பாரவான்களான அவர்கள் அனைவருக்கும் அல்லாஹ் நல்லருள் பாலித்து ஈருலகிலும் தனிப்பெரும் சிறப்புகளை கொடுத்துக் கடாட்சிப்பானாக.

உத்தம சகோதரர்களே!

   காயல்நகரின் கண்மணிகளான உலமாக்களெல்லாம் ஹக்கான விஷயத்தை தெளிவுபடுத்தி விட்டார்கள். ஆகவே, ஹக்கல்லாத பாத்திலை விட்டொதுங்கி, ஹக்கிலேயே நிலைத்து நிற்பீர்களாக. அருமை ரஸூலுல்லாஹி ஸல்லல்லாஹு அலைஹி வ ஸல்லம் கோரிப் பிரார்த்தித்த வந்த துஆவுடன் எமது முகவுரையை முடித்துக் கொள்கிறோம்.

       'அல்லாஹ்வே! ஹக்கை(மெய்யை) ஹக்காகவே எங்களுக்குக் கற்பித்துத் தந்து அதைப் பின்தொடர்ந்தொழுகச் செய்தருள்வாயாக! மேலம், பாத்திலை(அபத்தமானதை) பாத்திலாகவே எங்களுக்குக் காண்பித்துத் தந்து அதை விட்டொதுங்கி நடக்கச் செய்தருள்வாயாக.'
 

 காயல்பட்டணம்                            வஸ்ஸலாம்.                 

                                                                                                             இவ்வண்ணம்,
29-6-55                                                                                  

S.A.முஹம்மது ஆதம்

சாளை O.M. செய்கு அப்துல்காதிர்
T.M.S. அஹ்மது
(8-4-1955 ல் குத்பா சபையில் அமைக்கப்பட்ட செயலாளர்கள்)


கனம் அல்ஹாஜ் மௌலவி மா.மு.க. முஹிய்யித்தீன் தம்பி ஆலிமுல் முப்தி அவர்களின் அறிக்கை

முஸ்லிம் சகோதரர்களே!

      நமதூரில் ஏக காலத்தில் இரண்டு ஜும்ஆக்கள் நடத்துவது ஷாபியீ மத்ஹபின்படி ஆகுமா? ஆகாதா? என்ற விசயத்தை விளக்கி வைக்கும்படி சில நண்பர்கள் என்னிடம் கேட்டதாயும் அதற்கு நான் இதுபோன்ற விசயங்களில் தலையிடவதில்லை என்று சொன்னதாயும் ஒரு வதந்தி மக்கள் மத்தியில் உலாவிக் கொண்டிருக்கின்றமையால் அதன் எதார்த்தத்தை விளக்கி வைக்க வேண்டியது என்மீத கடமையாகிவிட்டபடியால் நானும் சில முக்கிய கனவான்களும் சம்பாஷித்துக் கொண்ட விஷயங்களை கீழே விவரித்துள்ளேன்.

      நாளது ஹிஜிரி 1374 ரஜபு மாதம் பிறை 27 செவ்வாய் கிழமை பகல் புகாரிஷ் ஷரீபு மஜ்லிஸில் நான் ஹதீஸ் சொல்லி முடித்தபின் களைப்பாறுவதற்காக அங்கு வீற்றிருந்தேன். பல நண்பர்கள் என்னின் சுகச்செய்திகளை விசாரித்து என்னுடன் பேசிக்கொண்டிருந்தனர். இறுதியில் நான்கு நபர்கள்-அதாவது கனம் எஸ்.ஓ. ஹபீபு அவர்கள், கனம் எஸ்.ஏ. ஹபீபு அவர்கள், கனம் எல்.கே. செய்கு முகம்மது அவர்கள், கனம் சா.அ.லெ. றுக்னுத்தீன் சாகிபு அவர்கள் இன்னவர்கள் சோபாவில் உலாவிக் கொண்டிருந்தனர். பின் இவர்களில் கனம் எல்.கே. செய்கு முகம்மது அவர்களும் கனம் றுக்னுதீன் சாஹிபு அவர்களும் புகரிஷ் ஷரீபு கேட்டு வாயல் பக்கம் சென்று நின்று கொண்டபின், கனம் எஸ்.ஓ. ஹபீபு அவர்களும், கனம் எஸ்.ஏ. ஹபீபு அவர்களும் எனக்கு சற்று சமிபமாய் வந்து உட்கார்ந்து கொண்டு என்னை அவர்கள் சமீபத்தில் வருமாறு சமிக்கை செய்தனர். அது சமயம் நான் ஒரு நபரிடம் பேசிக் கொண்டிருந்ததை நிறுத்தி மேற்படி இருவர்களின் சமீபத்தில் நான் நெருங்கினேன். அப்போத கனம் எஸ்.ஓ. அவர்கள் என்னை நோக்கி ஊரில் நடைபெற்று வரும் கட்சி சம்பந்தமான விஷயங்கள் யாவும் நீங்கள் கேள்வியுற்றிருப்பீர்களே என வினவினார்கள். அதற்கு நான் அவர்களை நோக்கி ஊர் சம்பந்தமான கட்சி விஷயங்களைப் பற்றி நான் கவனிப்பதுமில்லை, என் காதுக்கு எட்ட வைத்துக் கொள்வதுமில்லை. நீங்களும் கட்சி சம்பந்தமான விஷயங்களைப் பற்றி என் காதுக்கு எட்ட வைக்க வேண்டாமென கூறினேன்.

    அப்பொழுதும் அவர்கள் என்னை விடவில்லை. நமதூரின் குடிதண்ணீர் வகைக்காக 51 ஆயிரம் ரூபாய் தாராளமாய்க் கொடுத்த மகான் கனம் அ.க. அவர்களை நோட்டீஸ் மூலமாயும் மேடைப் பிரசங்கத்திலும் கேவலமான முறையில் பேசியும் எழுதியும் வருகின்றார்கள் என்று எஸ்.ஓ. அவர்கள் சொன்னார்கள். அதற்கு நான் இச் செய்திகளை என் காதுக்கு ஏற்ற வேண்டாம், கட்சி சம்பந்தமான உலக விஷயங்களில் நான் ஈடுபடுவதில்லை. ஆனதால் இவ்விஷயங்களை மீண்டும் என் காதுக்கு ஏற்ற வேண்டாம் என்று பதிலுறுத்தேன். அப்பொழுதும் கனம் எஸ்.ஓ. அவர்கள் என்னை விட்டபாடில்லை. என்னை நோக்கி நீங்கள் சுகவீனமுற்றிருப்பதால் உங்கள் முஹல்லாக்காரர்கள் உங்களை கட்சியில் இழுக்காமலிருக்கலாம். இல்லையாயின் உங்களை இழுக்காமல் பிட்டிருக்கமாட்டார்கள் என்று சொன்னார்கள். அதற்கு நான் பதில் கூறவில்லை. நான் பதில் கூறாவிடினும் கனம் எஸ்.ஓ. அவர்கள் தங்கள் பேச்சை துடர்ந்து பேசினார்கள். அதாவது இந்த கட்சிக்காரர்கள் செய்துவரும் காரியங்களைக் கவனிக்குமிடத்து கொதுபாவைக்கூட பிரித்துவிடலாம் என்ற நோக்கம் எங்களுக்கேற்படுகிறது, ஆயினும் நாங்கள் அத சம்பந்தமாய் ஆர அமர அலோசனை செய்து முடிவுக்கு வரவேண்டமென்ற நோக்குடன் நிறுத்தி வைத்திருக்கின்றோம் என்று சொன்னார்கள். ஆனால் இது வினாவின் தோரணையாகவோ அல்லது என் அபிப்பிராயத்தை கேட்கும் முறையாகவோ இல்லாமையால் நான் எவ்வித பதிலும் கூறவில்லை. இத்துடன் புகாரிஷ் ஷரீபு தைக்காவில் எங்கள் சம்பாஷனை முடிவுற்றது.

     அதன்பின் நாளது ஹிஜ்ரி 1374 ஷஃபான் பிறை 1 (26-3-55) சனிக்கிழமை மாலை புதிய ஜும்ஆ நடத்தும் விஷயமாய் புதுப்பள்ளியில் கூட்டம் கூடியதாயும் மேற்படி ஷஃபான் பிறை 7 (1-4-55) வெள்ளிக்கழமை முதல் புதுப்பள்ளியில்ள புதிய ஜும்ஆ ஆரம்பிப்பதென முடிவு செய்யப்பட்டிருப்பதாயும் நான் கேள்வியுற்றதும் உடனடியாக மூன்று நபர்களிடம் பேசவேண்டுமென்ற எண்ணம் எனக்கேற்பட்டது. ஆனால் தூத்துக்குடி சிலாபத்தை முன்னிட்டு அன்னவர்கள் தூத்துக்குடி சென்றுவிட்டமையால் நான் உடனடியாகப் பேச சந்தர்ப்பமில்லாமலாயிற்று. ஆனால் மேற்படி ஷஃபான் பிறை 5 (30-3-55) புதன்கிழமை மாலை அன்னவர்கள் ஊர் வந்துவிட்டதாய் நான் அறிந்ததும் ஷஃபான் பிறை 6 (31-3-55) வியாழக்கிழமை காலை 10 மணி சுமாருக்கு அம்மூவர்களையும் சந்திக்கும் நோக்கமாய் என் வீட்டை விட்டுப் புறப்பட்டு கனம் எஸ்.ஓ. ஹபீபு, எஸ்.ஏ. ஹபீபு, பி.எஸ். அப்துல்காதர் நெய்னா இவர்கள் கூடியிருக்கும் ஸ்தலத்திற்குச் சென்றேன். அம்மூவர்களும் என்னை வரவேற்றார்கள். நான் அவர்களை நோக்கி நாளை நடைபெறப் போகிறதாய்க் கேள்வியுற்ற ஜும்ஆ சம்பந்தமாய் உங்கள் மூவர்களிடமும் சம்பாஷிக்கும் நோக்குடனேயே நான் வந்திருக்கின்றேன். ஆனால் யாருடைய தூண்டுதலோ அல்லது யாருடைய சிபார்சைக் கொண்டுமோ நான் வரவில்லை. என் சொந்த சுயேட்சையின் மீதே நான் வந்திருக்கிறேன் என்று கூறி என் சம்பாசணையை ஆரம்பித்தேன். அதாவது உங்கள் முஹல்லாவில் நாளை நீங்கள் ஜும்ஆ நடத்தவிருப்பது உண்மைதானா? என வினவினேன். ஆம். என்று பதிலுரைத்தனர். அப்படியாயின் உலமாக்கள் அனுமதி தந்தார்களா? என வினவினேன். ஆம். கனம்.சா. சாகுல் ஹமீது ஆலிம் அவர்களும், இன்னும் சில உலமாக்களும் அனுமதி தந்திருக்கின்றார்கள் என பதிலுரைத்தனர். சில உலமாக்கள் என்பவர்கள் யார் என்று என வினவினேன். நமதூர் வாசிகள்தான் என பதிலுரைத்தனர். அப்படியாயின் பத்வா தந்தார்களா? என வினவினேன். தரவில்லை என்று பதில் சொன்னதுடன், இது சம்பந்தமாக உங்கள் அபிப்ராயம் என்னவென்று என்னிடம் கேட்டனர். அதற்கு நான் நீங்கள் புதிதாக ஜும்ஆ நடத்தவிருப்பதின் நோக்கம் என்னவென்று வினவினேன். அதற்கு கனம் எஸ்.ஓ. ஹபீபு அவர்கள் சொன்ன பதிலாவது:

       'நாங்கள் யார் மீதும் குறோதம் கொண்டோ அல்லது பகைமையையொட்டியோ எங்கள் முஹல்லாவில் ஜும்ஆநடத்த உத்தேசிக்கவில்லை. ஆனால் எங்கள் தெருவாசிகள் ஜும்ஆவுக்குச் செல்வதில் ரொம்ப பொடுபோக்காக இருப்பதினால் எங்கள் முஹல்லாவிலுள்ள அநேகர்களுக்கு ஜும்ஆ கிடைக்காமலிருப்பதை யொட்டியும், இன்னும் சிலகாலம் சென்றால் மகுதூம் தெருவார்கள் அறவே ஜும்ஆவை விட்டு விடுவார்கள் என்பதை உத்தேசித்தும், எங்கள் முஹல்லாவாசிகள் அனைவர்களுக்கும் ஜும்அஆ கிடைக்கவேண்டுமென்ற நோக்கத்தோடும்தான் இந்த புதிய ஜும்ஆ ஆரம்பிக்கின்றோமே தவிர வேறு எவ்வித நோக்கமுமில்லை என்றார்கள். அப்படியாயின் நீங்கள் புதிய ஜும்ஆ நடத்துவது கூடாதென்றும், (ஹறாம்) என்றும் ஆண்டவனின் கஹ்ர் உண்டாகுமென்றும்  கூறினேன். மேலும், நான் உலமாக்கள் சபையைக் கூட்டி ஒரு தீர்மானம் செய்யும் வரை நீங்கள் புதிய ஜும்ஆவை நிறுத்தி வையுங்கள். உலமாக்கள் கூடி முடிவு செய்தபின் அந்த முடிவின்படி நடந்து கொள்ளுங்கள் என்றும் கூறினேன். அதற்கவர்கள், ஏற்கனவே உலமாக்களிடம் அனுமதி பெற்றிருப்பதாயும், தாங்களும் நடத்த முடிவு செய்துவிட்டதாயும், அதை நிறுத்துவதற்கில்லை என்றும் சொல்லி விட்டார்கள். நான் உடனே அவர்களை நோக்கி அல்லாஹ்வின் கஹ்ர் என்மீது தாவாமலிருப்பதற்காக நான் விஷயத்தை உங்களுக்கு அறிவித்துவிட்டேன். எனக்கு தவுலத்தும், ஸல்தனத்தும் இருக்குமேயாயின் நான் இந்த ரூபத்தில் வராமல் உங்களை அடக்கி வைக்கின்ற முறையில் வந்திருப்பேன். ஆனால் அத்தன்மை இல்லாமையால் நான் ஒரு ஆலிம் என்ற முறையில் உங்களிடம் வந்து ஹுக்மை அறிவித்துவிட்டேன். இப்பொழுது நமக்குள் என்ன சம்பாஷனைகள் நடைபெற்றதோ அதை மிகைப்படுத்தாமல் உள்ளதை உள்ளவாறு என் சொந்த செலவில் நோட்டீஸ் அடித்து வெளியிடுவேன் என்று கூறினேன். அதற்கவர்கள் உங்களுக்கு எதிர்ப்பு நோட்டீஸ் வந்தால் என்ன செய்வீர்கள் என்று கனம் பி.எஸ். அப்துல்காதர் நெய்னா அவர்கள் என்னிடம் வினவினார். அதற்கு நான் குதர்க்கவாதமாக இருந்தால் பதில் கொடுக்கமாட்டேன். நியாயமான முறையில் விளக்கம் கேட்டிருந்தால் பதில் கொடுப்பேன் என்று பதிலுரைத்ததுடன், என்னைப் பற்றி ஏதும் இழிவான பிரசுரங்கள் வெளிவந்தாலும் நான் அவைகளைப் பெருள்படுத்தப் போவதில்லை. ஏனெனில் காதியானி பிரச்சனை காலத்தில் என்னைப் பற்றி பல கேவலமான நோட்டீஸ்கள் வெளிவந்தும் என் உள்ளத்தை துளும்ப வைத்திடவில்லை. இதுபோன்ற விஷயங்களில் என் உள்ளம் துளும்பப் போவதுமில்லை என்றும் கூறியதும் எங்கள் சம்பாஷனை முடிவற்றது.

இப்படிக்கு,
மா.மு.க.முஹிய்யதீன் தம்பி.
 

குறிப்பு: புதுப்பள்ளி ஜும்ஆ துவக்கப்பட்ட சமயம் அதிகமான முஸ்லிம்களுக்கு ஜும்ஆ பிரார்த்தனை கிடைக்கச் செய்வதே இப்புதிய ஜும்ஆவின் முக்கிய நோக்கமென்று ஜனாப். P.S. அப்துல் காதிர் கூறினார் என்ற (ஏப்ரல் 5உ) அறிக்கை 'சுதேசமித்திரன்' தினசரி பத்திரிகையில் வெளிவந்துள்ளது.

பிஸ்மில்லாஹிர்ரஹ்மானிர்ரஹீம்.

காயல்பட்டணம்  ஜும்ஆ பத்வா

மொழி பெயர்ப்பு

வினா:-

     சங்கைக்குரிய ஷாபீயீ மதுஹபுடைய உலமாக்களே! உங்கள் மகிமை நித்தியமும் நிலைக்குமாக! இதனடியில் குறிப்பிட்டுள்ளபடி ஊரமைப்பும், நிலைமையும் கொண்டுள்ள காயல்பட்டணத்தில் ஒன்றுக்கு மேற்பட்ட ஜும்ஆ நடத்துவது பற்றி உங்களுடைய மேலான தீர்ப்பு என்ன?

காயல்பட்டணத்தின் அமைப்பும், நிலைமையும்

இவ்வூரின் நீளம் (கிழ, மேற்கு) சுமார் ஆயிரத்தெட்டு நூறு முளம், இங்கிலீஷ் மைல் கணக்கில் அரை மைல் இருக்கிறது. இவ்வூரின் மத்தியிலோ அல்லது எல்லையிலோ ஆறு நதி போன்ற தங்குதடை எதுவும் கிடையாது. ஊரின் நடுமத்தியில் பூர்வீகமான இரு ஜும்ஆ பள்ளிகள் உள்ளன. அவற்றில் ஒன்றுக்கு பெரிய பள்ளி எனவும், மற்றதற்கு சிறு பள்ளி எனவும் பெயர். இவ்வூர் வாசிகள் அத்தனைபேர்களும் ஷாபியாக்களே. இந்நிலைமையில் அவர்களனைவரும் ஒரு வாரம் பெரிய பள்ளியிலும், மற்றொரு வாரம் சிறு பள்ளியிலும் ஒருங்கே கூடி, இட நெருக்கடியோ, ஜனக்கசக்கமோ அல்லது கொலைபாதகமோ, வம்புத்தனமோ ஏதுமின்றி ஜும்ஆவை அனுஷ்டித்து வருகிறார்கள். இத்தன்மையாக ஏறக்குறைய எழுநூறு ஆண்டுகளாக எவ்வித எதிர்ப்போ, அமைதிப் பங்கமோ இன்றி நடைபெற்று வருகிறது. தற்போது இவ்வூர் எல்லையோரத்திலிருக்கும் ஒரு சிலர்- ஊர் ஜனங்களோடு அன்னியோன்னியமாக அண்டிப் பழகியம், நிர்ப்பயமாக கலந்துறவாடியும், சுப துக்க வைபவங்களில் பங்கு பெற்று கல்யாண வீடுகளிலும், துக்க வீடுகளிலும் ஒன்று கூடி அருந்தியும் சர்வசாதாரணமாக பரஸ்பரம் பழகி வரக்கூடிய அவர்கள்-தங்களுடைய மஹல்லாவில் ஒரு ஜும்ஆவை உண்டுபடுத்த வேண்டும் என்பதற்காக பிரிந்து- தங்களுடைய மஹல்லாவில் ஜும்ஆ நடைபெற்றால் தங்களுக்கு மிகச் சுலபமாயிருக்கும் எனவும், ஊர் மத்தியிலுள்ள ஜும்ஆப் பள்ளிக்குப் போவதென்றால் தங்களுக்கு பொடுபோக்கின் காரணத்தால் சுலபமாகப் போவதற்கு வாய்ப்புக் கிடைக்கவில்லை எனவும் காரணம் சொல்லிக் கொண்டு, தங்களுடைய மஹல்லாவில் புதிதாக ஓர் ஜும்ஆவை அவர்கள் சிருஷ்டித்துள்ளனர்.

மேலே கண்டபடியுள்ள நிலைமையில், இவ்வூரில் (காயல்பட்டணத்தில்) ஒன்றுக்கு மேற்பட்ட ஜும்ஆ நடத்துவது ஆகுமா? ஆகாதா?

இவ்வூர் எல்லையோரத்திலிருக்கும் அச் சிலர் தாங்கள் சொல்லிக் கொள்கிற(மேலே குறிப்பிட்ட) அக் காரணத்தை முன்னிட்டு, பூர்வீகமான அசல் ஜும்ஆவை விடுத்து, அவர்களுடைய மஹல்லாவில் மற்றொரு ஜும்ஆ நடத்த ஆகுமா? ஆகாதா?

ஒன்றுக்கு மேற்பட்ட ஜும்ஆக்களை நடத்துவதற்கு ஆகும் என்று அனுமதிக்கக் கூடிய காரணங்கள் எவை?

ஒன்றுக்கு மேற்பட்ட ஜும்ஆவின் நிலைவரம் எப்படி?

ஒன்றுக்கு மேற்பட்ட ஜும்ஆ நடத்தும் விஷயம் இமாம் (ஸுல்தான்) அல்லது அவருடைய பிரதிநிதியுடைய உத்தரவைப் பொறுத்து நிற்கிறதா? அல்லவா?

இவை பற்றி(மார்க்கத் தீர்ப்பு) விடைகளை அளிப்பீர்களாக. அல்லாஹுத்தஆலா உங்களுக்கு சிறந்த நற்கூலியைத் தருவானாக.

வினா விடுத்தவர்கள்:- காயல்பட்டணம் ஜும்ஆ பள்ளியில் ஜும்ஆ தொழுகைக்காக விஜயந் தந்திருந்த அனைவருமாவார்.

விடை:-

'அல்லாஹ்வே நேர்மைக்கு வழி காட்டி'

வினாவில் குறிப்பிடப்பட்டுள ஊரில் (காயல்பட்டணத்தில்) ஒன்றுக்கு மேற்பட்ட ஜும்ஆ நடத்துவது ஆகாது. ஏனெனில், ஷாபீயீ மதுஹபுடைய இமாம்கள் ஆகும் என்று அனுமதியளிக்கத் தகுந்த காரணங்கள் எதுவும் அதில் கிடையாது. 'தங்களுடைய மஹல்லாவில் ஜும்ஆ நடைபெற்றால் தங்களுக்கு மிகச் சுலபமாயிருக்குமெனவும், ஊர் மத்திபத்திலுள்ள ஜும்ஆப் பள்ளிக்கு போவதென்றால், பொடுபோக்கின் காரணத்தால் சுலபமாகப் போவதற்கு தங்களுக்கு வாய்ப்பு கிடைக்கவில்லை என்றும் காரணம் கூறிக் கொள்வதைப் போன்ற ஒரு காரணத்தை ஷாபீயீ மதுஹபுடைய இமாம்கள் யாரும் சொன்னதாக இல்லை. ஒரே தலத்தில் எல்லோரும் ஏகமாய் சேகரமாக முடியாமல் பரம சங்கடமாக இருந்தால்(ராஜ்ய அதிபர்) இமாமுடைய அல்லது அவரின் பிரதிநிதியுடைய அனுமதியின் மீது மறு ஜும்ஆ நடத்தலாம் என அவர்கள் அனுமதித்திருப்பதாக கிதாபுகளில் வரையப்பட்டுள்ளன.

ஆகவே, காயல்பட்டணத்தில் (அல்லாஹ், பொல்லாங்குகளை விட்டு அவ்வூரை பாதுகாப்பானாக) இரு ஜும்ஆக்கள் ஒன்று முந்தியும், மற்றது பிந்தியும் நடைபெறுமானால் முந்தியதே (ஸஹீஹ்) சரியான ஜும்ஆ, பிந்தியது (பாத்தில்) அபத்தம் என்றாகும். இரு ஜும்ஆக்கள் ஏக காலத்தில் நடைபெற்றாலும்- ஏக காலத்தில் நடைபெற்றதோ அல்லது முன்பின்னாக நடைபெற்றதோ என்ற சந்தேகம் ஏற்பட்டாலும் (வக்த) சந்தர்ப்பம் இருந்தால் ஜும்ஆவை திரும்ப ஆரம்பிக்க வேண்டும். இரண்டிலொரு ஜும்ஆ முந்தி நடைபெற்றதாகத் தெரிகிறது, ஆனால், அது எந்த ஜும்ஆ என்று தெளிவாகாமலிருந்தாலும்-அல்லது முந்திய ஜும்ஆ இன்னது எனத் தெளிவாகியே இருந்தது, பின்பு, அதுபற்றி மறதியாகிவிட்டாலும் லுஹரையே தொழ வேண்டும்.

'முஹத்தபு' கிரந்தத்தில் கூறப்பட்டுள்ளவை.

'ஏராளமான பள்ளிவாசல்கள் இருக்கக் கூடிய எவ்வளவு பெரிய ஊராயிருப்பினுங் கூட ஒரேயொரு மஸ்ஜிதிலேயே அன்றி ஜும்ஆ நடத்தப்படமாட்டாது' என்று இமாம் ஷாபீயீ ரலியல்லாஹு அன்ஹு கூறி இருக்கிறார்கள்.

ரஸூலுல்லாஹி ஸல்லல்லாஹு அலைஹி வ ஸல்லம் அவர்களோ, அவர்களுக்குப் பின்புள்ள கலீபாக்களோ ஓரில் ஒரு இடத்திற்கதிகமாக ஜும்ஆ நடத்தவில்லை என்பதே இத்தீர்ப்புக்கு மூல அத்தாட்சியாகும். ஆனால், நமது (மதுஹபு) தோழர்கள் பக்தாதின் விஷயத்தில் அபிப்பிராய வேற்றுமை பூண்டுள்ளனர்.

'அது (பக்தாது) மிகப் பெரிய பட்டணம். அங்குள்ளவர்கள் அத்தனை பேரும் ஒரே இடத்தில் சேகரமாவதென்றால் பரம சங்கடமாக இருக்கும். ஆகையால், அங்கு பல இடங்களில் ஆகும்' என்று அபுல் அப்பாஸ் ரலியல்லாஹு அன்ஹு உரைத்துள்ளர்கள்.

'அது (பக்தாது) இரண்டு பெரிய பட்டணத்தைப் போல காட்சியளிக்கிறது. அதன் ஒவ்வொரு பகுதியிலும் ஒரு ஜும்ஆ நடத்துவதற்கு ஆகும். அதற்குமேல் கூடாது.' என்று அபுத்தீபு இப்னு ஸலமா ரலியல்லாஹு அன்ஹு உரைத்துள்ளார்கள்.

'அது (பக்தாது) முன்னர் துண்டு துண்டாகப் பிரிந்துபோன கிராமங்களாக இருந்தது. அதன் ஒவ்வொரு பகுதியிலும்(முன்பு) ஜும்ஆ நடைபெற்று வந்திருக்கிறது. பின்பு, குடியேற்றம் உண்டாகி(பிரிந்திருந்த) அவை ஒட்டிச் சேர்ந்து விட்டன. ஆகவே, பூர்வீகத் தன்மையை அனுசரித்து அதன் தீர்ப்பு (ஹுக்மு) தரிபட்டுள்ளது' என்று இமாம்களில் சிலர் கூறி இருக்கிறார்கள்.  (முஹத்தபு முடிவு)

இமாம் நவவீ ரலியல்லாஹு அன்ஹு அவர்களின் ஷாஹுல் முஹத்தபில்.

'ஒரு ஊரில் இரண்டு அல்லது பல ஜும்ஆக்கள் நடத்துவது பற்றி மதுஹபுடைய உலமாக்கின் அபிப்ராயங்கள்' என்ற பகுதியில் காணப்படுவது:-

ஒரு ஊரில், அங்குள்ள ஜனங்கள் ஒருங்கே சேகரமாவதற்கு (இட நெருக்கடி, ஜன நெருக்கம் போன்ற) சங்கடம் இல்லாதிருக்கின்ற நிலைமையில், இரு ஜும்ஆக்களை நடத்துவதற்கு ஆகாது என்பதே முன் கூறிய பிரகாரம் நமது (ஷாபீயீ) மதுஹபுடைய தீர்ப்பாகும். இபுனு உமர் ரலியல்லாஹு அன்ஹு அவர்களும், இமாம் மாலிக் ரலியல்லாஹு அன்ஹு அவர்களும், இமாம் அபுஹனீபா ரலியல்லாஹு அன்ஹு அவர்களும் இத்தன்மையில் சொல்லியிருப்பதாக இப்னு முன்திர் ரலியல்லாஹு அன்ஹு எடுத்தியம்பியுள்ளார்கள்.

'அவ்வாறு (இரு ஜும்ஆ) நடத்துவது பக்தாதில் மாத்திரமே ஆகும், மற்ற இடத்தில் ஆகாது' என்று அபூ யூஸுப் ரலியல்லாஹு அன்ஹு அவர்கள் உரைத்துள்ளார்கள். 'ஒரு ஊர் இரு பகுதிகளாக இருக்குமேயானால் ஒவ்வொரு பகுதியிலும் ஜும்ஆ நடத்துவதற்கு ஆகும். அவ்வாறு இல்லாவிடில் ஆகாது' என்று அபூயூஸுப் ரலியல்லாஹு அன்ஹு அவர்கள் கூறி இருப்பதாக பிரசித்தமாகியுள்ளது.

'இரு பகுதி இருப்பினும் சரி-இல்லாவிட்டாலும் சரி, இரு ஜும்ஆ நடத்த ஆகும்' என்று முஹம்மது இபுனுல் ஹஜன் ரலியல்லாஹு அன்ஹு அவர்கள் கூறி இருக்கிறார்கள்.

'ஒரு நகரத்தில் பல ஜும்ஆக்கள் நடத்துவது ஆகும்' என்று அதாஃவும், தாவூதும் (ரலியல்லாஹு அன்ஹு) உரைத்துள்ளார்கள்.

'பக்தாது, பஸரா போன்ற மிகப் பெரிய பட்டணஹ்களில் ஒன்றுக்கு மேற்பட்ட ஜும்ஆ தேவை என்ற அவசியம் ஏற்படுமாயின் இரண்டோ அல்லது அதற்கதிகமானதோ நடத்துவதற்கு ஆகும். அத்தகைய அவசியம் இல்லாவிடில் ஒரேயொரு ஜும்ஆவுக்கு மேல் நடத்துவது ஆகாது' என்று இமாம் அஹ்மது ரலியல்லாஹு அன்ஹு சொல்லியுள்ளார்கள்.

'இப் பிரச்சனை பற்றி இமாம் அபூஹனீபா ரலியல்லாஹு அன்ஹு சொன்ன எதுவும் சரியாகக் கிடைக்கவில்லை' என்று அப்தரீ ரலியல்லாஹு அன்ஹு கூறியுள்ளார்கள்.

'இபுனு ஜுரைர் ரலியல்லாஹு அன்ஹு முதலியவர்களைப் போன்ற, அபிப்பிராய பேத வகை(கிலாபு மஸ்அலாக்)களை எடுத்துரைப்பவர்கள் அனைவரும் இவ்விஷயத்தில் அபூஹனீபா ரலியல்லாஹு அன்ஹு உடைய அபிப்பிராயம், நமது(ஷாபீயீ மதுஹபுடைய) அபிப்பிராயம் போன்றுள்ளது என்றும், இமாம் ஸாஜீ ரலியல்லாஹு அன்ஹு அவர்கள் (அபூஹனீபா உடைய அபிப்பிராயம்) முஹம்மது(இபுனுல் ஹஸன்) ரலியல்லாஹு அன்ஹு உடைய அபிப்பிராயம் போன்றுள்ளது என்றும் கூறியிருப்பதாக ஷைகு அபூஹமிது ரலியல்லாஹு அன்ஹு எடுத்துரைத்துள்ளார்கள்.

நாம் ஊன்றுதல் பிடிக்க வேண்டிய அத்தாட்சியாதெனில், இக் கிரந்த (முஹத்தப்) ஆசிரியரும், அவருடைய அருமைத் தோழர்களும் எடுத்துரைத்துள்ள விஷயமேயாகும். அஃது யாதெனில், நபி நாயகம் ஸல்லல்லாஹு அலைஹி வ ஸல்லம் அவர்களும் அவர்களுpடைய பிரதிநிதிகளான குலபாயே ராஷிதீன்களும், அவர்களுக்குப் பின்பு வந்த ஸஹாபாக்களும், அவர்களுக்குப் பின்பு வந்தவர்களும்(தாபியீன்களும்), ஒரு ஊரில் ஒன்றுக்கு மேற்பட்ட இடத்தில் ஜும்ஆவை நடத்தவே இல்லை. ஆனால், அவர்களோ திறந்த வெளியிலும், சிறு பட்டணத்திலும் ஈத்(பெருநாள்) தொழுகையை (பல இடங்களில்) நடத்தி இருக்கிறார்கள் என்பதே.  – (ஷரஹுல் முஹத்தப் முடிவு)

இக்னாஃ என்ற நூலுக்கு அல்லாமா புஜைரமீ ரலியல்லாஹு அன்ஹு எழுதிய ஹாஷியாவில் காணப்படுவது

ஒரே இடத்தில் சேகரமாக முடியாத் தன்மையிலுள்ள கஷ்டம் என்பது பெருங் கூட்டத்தினாலுமுண்டாகும். அல்லது கொலை பாதகமோ-அல்லது உபாப் என்ற நூலிலும், அதன் விரிவுரையிலும் குறிப்பிடப்பட்டுள்ள நிபந்தனைகளுக்கிணங்க ஊர் எல்லையைச் சார்ந்திருப்பவருக்கு அவ்வூரில் (பாங்கு சொல்லும்) சப்தம் எட்டமுடியாத நிலைமையில் நெடுந்தொலை தூரமோ இருப்பினும்(சேகரமாக முடியாத் தன்மையிலுள்ள) கஷ்டம் என்பது உண்டாகும் என 'அன்வார்' என்ற கிரந்தத்தில் சொல்லப்பட்டுள்ளது.

உஜ்ஹூரி ரலியல்லாஹு அன்ஹு உடைய விளக்கவுரை

ஊர்வாசிகளிடையே கொலைபாதகம் ஏற்பட்டுவிடுமாயின், நாற்பதுபேர் வரையிலுள்ள ஒவ்வொரு கோஷ்டிக்கும் ஜும்ஆ கடமையாகும். ஊரின் எல்லைகள் பெருந்தூரமாக இருக்குமேயானால், அத்தகைய தொலைவில் வசிப்பவன் ஊரிலிருந்து பாங்கு சொல்லப்படும் தொனியை கேட்க முடியாதபடியும், அவன் ஸுப்ஹுத் தொழுகையை நிறைவேற்றிய பின்பு தனது ஸ்தலத்திலிருந்து புறப்பட்டுச் சென்றால் ஊருக்கு வந்து ஜும்ஆவை பெற்றுக் கொள்ள முடியாதபடியும் உள்ள தொலை தூரமாக இருநதால்(இந்த ஜும்ஆவுக்கு வரவேண்டியதில்லை)- அவன் ஸுப்ஹுக்கு முன்பே அந்த ஸ்தலத்திலிருந்து புறப்பட வேண்டுமென்பதில்லை. ஏனெனில், ஸுப்ஹுக்குப் பின்புதான் ஜும்ஆ விதியாகிறது-அப்போது(அவனிருக்கக் கூடிய)அத்தொலைப் பிரதேசத்தில் நாற்பது பேர்கள் சேர்வார்களாயின் அவர்கள் அங்கு ஜும்ஆ தொழுவார்கள். இன்றேல் லுஹரைத் தொழுவார்கள். ஊருக்குள்ளாக இருந்துக் கொண்டிருப்பவன் விஷயத்தில் பாங்கு சப்தத்தைக் கேட்க முடிகிறதா என்ற நிபந்தனை கிடையாது. ஆனால், அந்நிபந்தனை ஊருக்கு வெளிப்புறமாக உள்ளவன் விஷயத்தில்தான் என்பது ஏற்கனவே சொல்லப்பட்டிருக்கிறது. –(புஜைரமீ ரலியல்லாஹு அன்ஹு ஹாஷியா முடிவு.)

தஹ்ரீர் எனும் நூலுக்கு ஷைகு ஷர்கவீ ரலியல்லாஹு அன்ஹு உடைய ஹாஷியாவில் உள்ள விளக்கம்.

ஜனங்கள் ஒருங்கே சேகரமாக முடியாத கஷ்டம் ஏற்பட்டாலேயொழிய எனபதைப் பற்றி விளக்குவதைத் தொடர்ந்து கூறப்படுவது:- ஏராளமான ஜனங்கள் பெரும் நெருக்கடியாகக் கூடுவதாலோ அல்லது அவர்கள் மத்தியில் ஹராம், ஸஃது என்ற கோஷ்டிகளுக்கு மத்தியில் ஏற்பட்டது போன்ற கொலைபாதகத் தன்மை உண்டாகியிருந்தாலோ அல்லது ஊர் எல்லையிலிருந்து பாங்கு சப்தம் அதற்குரிய நிபந்தனைகளுக்கிணங்க எட்டாத அளவுக்கு நெடுந்தொலைதூரம் இருந்தாலோ ஒரே இடத்தில் ஒருங்கே சேகரமாக முடியாத கஷ்டம் என்பதாகும்.  (ஷைகு ஷர்காவீ  உடைய ஹாஷியா முடிவு)

பாபள்லு ரலியல்லாஹு அன்ஹு உடைய ஷாஹுக்கு, குர்தீ ரலியல்லாஹு அன்ஹு எழுதிய ஹாஷியாவில் உள்ளது:-

(பிரஸ்தாப) கஷ்டம் என்பதற்குச் சரியான விளக்கக் கட்டுப்படு யாதெனில், துஹ்பாவில் கூறப்பட்ட பிரகாரம், வழக்கத்தில் தாங்கிக் கொள்ள முடியாத அவ்வளவு சங்கடமான கஷ்டம் என்பதே. (ஹாஷியா குர்தீ முடிவு)

ஷைகு இபுனு ஹஜர் இமாம் ரலியல்லாஹு அன்ஹு அவர்களுடைய பதாவா குப்ராவில் காணப்படுவது:-

கீழ்க்கண்ட விஸயங்களை இபுனு ஹஜர் இமாம் ரலியல்லாஹு அன்ஹு அவர்களிடம் வினவப்பட்டது:-

ஒரு ஊரில் புராதனமான இரு ஜும்ஆப் பள்ளிகள் உள்ளன. அவற்றிலொன்று மிகப் புரதனமானதாகவும், ரொம்ப சின்னதாகவும் உள்ளது. ஸுல்தானோ அல்லது அவரது பிரதிநிதியோ அங்கு ஒன்றுக்கு மேற்பட்ட ஜும்ஆ நடத்தக் கூடாதென்று அவ்வூர்வாசிகளுக்கு கட்டளையிட்டார். ஆனால், அவர்கள் அந்த உத்தரவுக்கு மாறாக நடந்தனர். (ஒன்றுக்கு மேற்பட்ட ஜும்ஆ நடத்தினர்) ஒன்றுக்கு மேற்பட்ட ஜும்ஆ நடத்துவது ஆகுமான காரியமே என்று (தங்களின் மதுஹபுப் பிரகாரம்) நிர்ணயங் கொண்டவர்கள் அவர்களிடையே இருந்திருப்பினுங்கூட, அவர்களுடைய அத்தொழுகை நிறைவேறுமா? அவர்கள் இமாமுக்கோ(ஸுல்தனுக்கோ) அல்லது அவருடைய பிரதிநிதிக்கோ கட்டுப்படாமல் மாற்றமாக நடந்தார்கள் என்பதற்காக, தொழுகையை விட்ட குற்றம் என்று அவர்களை சிரச்சேதம் செய்வதற்கும், அவர்களது பொருட்களை கைப்பற்றுவதற்கும் கூடுமா? அதனால் அவர்கள் கெட்ட பாபிகளாகி விடுவார்களா? அவர்களின் சாட்சியத்திற்கு மதிப்பே இல்லாமலாகிவிடுமா? மேலே குறிப்பிட்ட இரு ஜும்ஆ மஸ்ஜிதுகளில் ஒன்றிலுள்ள இமாம், ஹம்பலி மதுஹபைத் தொடர்ந்திருந்தவர், நான் இமாம் அஹ்மது உடைய (ஹம்பலி) மதுஹபை றெம்பவும் அருவறுப்பாகக் காண்கிறேன். ஆகவே அதை வெறுத்து கை கழுவிவிட்டேன் என்று கூறி, பின்பு மாலிகு மதுஹபில் மாறிக் கொண்டார். இத்தகைய செயலினால் அவர் மாலிக்கு மதுஹபைப் பின்பற்றியவராகி விடுவாரா? உலகப்பயனைக் கருதி அவர் மதுஹபு மாறி இருந்தால் அது கூடுமா? அவருடைய இமாமத்து(தொழுகை)கூடுமா?

தங்களிடம் வினவப்பட்ட மேற்கணட வினாக்களுக்கு இமாம் இபுனுஹஜர் ரஹ்மத்துல்லாஹி அலைஹி  நன்கு துலாம்பரப்படுத்தி ஆணித்தரமாக பதிலுரைத்தார்கள். அவை வருமாறு:-

ஒன்றுக்கு றே;பட்ட ஜும்ஆ நடத்துவது ஆகாது என்பதே இமாம் ஷாபீயீ ரலியல்லாஹு அன்ஹு அவர்களுடையவும், மற்றும் பரவான்களான உலமாக்களில் பெரும்பாலருடையவும் தீர்ப்பாகும். ஆனால் ஒருங்கே அனைவரும் சேகரமாவதற்குப் போதிய விசாலமான இடம் இவ்வூரில் இல்லாதபடியால், மற்றொன்று தேவை என்ற தவிர்க்க முடியாத அவசியம் ஏற்பட்டால் மாத்திரம் அவசியத்திற்குத் தக்கபடி ஒன்றுக்கு மேல் நடத்துவது ஆகும். மேலும், ஜும்ஆ தொழுவதற்கு மஸ்ஜிதுதான் வேண்டும் என்ற நிபந்தனை கிடையாது. மஸ்ஜிது அல்லாத ஓரிடம் ஊர் ஜனங்கள் அத்தனை பேரும் ஒருங்கே சேகரமாகித் தொழ விசாலமுடையதாக இருப்பின், ஜும்ஆவை அங்கே நடத்துவது கடமையாகிவிடும்.

அத்தியாவசியத் தேவையில்லாதவண்ணம், ஒன்றுக்கு மேற்பட்ட ஜும்ஆ நடக்குமேயானால், அவற்றில் முந்தியதுதான் சரியான ஜும்ஆவாகும். முந்தியது என்பது இஹ்ராமுடைய தக்பீர் கட்டுவதில் எது முந்துகிறதோ அதுவே என்பது கவனிக்கப்பட வேண்டும்.

இமாமோ(ஸுல்தானோ) அல்லது அவருடைய பிரதிநிதியோ பாபமற்ற காரியத்தை ஏவுவார்களேயானால் அதற்குக் கட்டுப்பட்டு நடத்தல் கட்டாயக் கடமையாகும். அதற்கு மாற்றமாக நடப்பவனுக்கு கடும் தண்டனை கொடுக்க வேண்டும். அவனுக்குக் கிடைக்கும் அத் தண்டனையைக் கண்டு அவனைப் போன்ற மற்ற ஆசாமிகள் பயந்து நடுங்கும் அளவுக்கு அது கடுமையானதாக இருத்தல் வேண்டும்.

மார்க்கச் சட்டதிட்ட அடிப்படைகளின் ஞானம் பெறாத சாதாரணப் பேர்வழிக்கு, அவன் விருப்பம் போல ஷாபியீ மதுஹபையோ, மாலிகு மதுஹபையோ அல்லது வேறெந்த மதுஹபையோ பின்தொடருவது ஆகும்தான். ஆனால், அவ்வாறு தொடருவது இபாதத்தில் இலேசைக் கருதியோ அல்லது எந்த மதுஹபுடைய இமாமை அவன் பின்பற்றி இருக்கிறானோ அந்த இமாம் சொல்லி இராதவற்றையும் கையாண்டு இரண்டுங் கெட்டான் நிலைமையில் ஆகியோ இருந்தால் அது கூடாது.

ஆகவே, மேலே விளக்கிய சட்டதிட்டங்களின் மூலம் கீழ்கண்ட உண்மைகள் நிதரிசனமாகின்றன.

ஷாபீயீ இமாம் ரலியல்லாஹு அன்ஹு அவர்களைப் பின்பற்றிய ஊர்வாசிகள், தங்கள் ஊரில் எவ்விடத்தில் இடம்பாடுள்ளதோ அங்கு அனைவரும் ஒன்றுகூடி அந்த ஒரே இடத்தில்தான் ஜும்ஆத் தொழுகையை நிறைவேற்ற வேண்டியது வாஜிபான கடமையாகும். இதற்கு மாற்றமாக அவர்கள் நடந்து (பஸாது) அபத்தத் தொழுகையை தொழ முற்படுவார்கNளுயானால், அவர்கள் குற்றவாளிகளாகவும், கெட்ட பாபிகளாகவும் ஆகிவிடுகிறார்கள். மேலும், அவர்களது சாட்சியங்கள் ஏற்றுக் கொள்ளப்படமாட்டா. அவர்களுக்கு(ஸுல்தான்) இமாம் மிகமிகக் கடுமையான சிட்சைகளைக் கொண்டு தண்டனை கொடுப்பார்.  பின்னால் சொல்லப்படுகிற நிலைமை உண்டானாலொழிய, இதற்காக அவர்களைச் சிரச்சேதம் செய்வதற்கு இடமில்லை. அதாவது, அவர்கள் ஜும்ஆ தொழுவதை விட்டிருக்கும் தன்மையில்-அதற்கு பதிலாக நாங்கள் லுஹரைத் தொழுது கொள்வோம் என்று சொன்னாலும் சரியே!-ஜும்அவைNயு தொழும்படியாக அவர்களுக்கு இமாம்(ஸுல்தான்0 கட்டளையிடுவார். அவருடைய கட்டளையை அவர்கள் மீறி மாற்றமாக நடந்தால், தொழுகையை விட்டவனை (தாரிகுஸ்ஸலாத்தை) கொல்லப்படுவது போல, அந்நிபந்தனையின்படி அவர்களை சொல்லப்படும். ஜும்ஆவையோ அல்லது மற்ற பருளான எந்தத் தொழுகையையோ விட்டு சும்மாயிருப்பது ஆகும் என்று அவர்கள் கூற முற்பட்டாலொழிய அவர்களது சொத்துக்களகை; கைப்பற்றப்படமாட்டாது. ஏனெனில், அவ்வாறு அவர்கள் கூறிவிட்டால் மார்க்கத்தை விட்டு மாறிய முர்த்தத்துகாகி விடுவார்கள். அதனால், அவர்களை சிரசாக்கினையும் செய்யப்பட்டு அவர்களது சொத்துக்களை பொதுநிதி(பைத்துல்மால்)யில் சேர்க்கப்பட வேண்டியதாகிவிடும். மேலே கூறப்பட்ட அத்தகைய காரணங்களுண்டாகாமல் அவர்களை சிரசாக்கினை செய்வதும், பொருளைக் கைப்பற்றுவதும் கூடாது. ஆனால்,(ராஜ்ய அதிபர்) இமாமுக்கோ அவரது பிரதிநிதிக்கோ கட்டுப்படாது. மாற்றமாக நடப்பார்களாயின் அரசாக்கினையை மீறிய தோஷிகள் என்ற குற்றச்சாட்டின் நிபந்தனைப்படி கொல்லப்படுவார்கள்.

(பள்ளிவாசலின்) இமாம் மாலிக்கு மதுஹபைச் சார்ந்திருக்கிறாரா அல்லது மற்ற மதுஹபைச் சார்ந்திருக்கிறாரா என்பதைக் கவனிக்க வேண்டியது பிரதானமில்லை. ஆனால், ஒரு ஊரில் பல ஜும்ஆக்கள் நடத்த ஆகும் என்று அனுமதிக்கும் மதுஹபுடையவர்கள் அவ்வாறு நடத்தும்போது அவ்வூரிலள்ள ஷாபீயீ மதுஹபைச் சார்ந்தவர்கள் மீது கடமையாதெனில், அந்த(பல) ஜும்ஆக்களில் எது முந்தி நடக்கிறதோ அதில் சேர்ந்து தொழுவதே!

(ஒன்றுக்கு மேற்பட்ட ஜும்ஆக்கள் நடக்கும்போது) 1)அவற்றில் முற்தியது எது என அறியப்படாவிடினும், 2)அல்லது யாவும் முன்பின்னின்றி ஒன்றுபோல நடைபெற்றதாக அறியப்படினும், 3) அல்லது அவற்றில் ஏதோ ஒன்று முந்திவிட்டதாக விளங்கி, ஆனால் அது எது எனத் தெரியாவிடினும் 4) அல்லது அவ்வாறு முந்தியது  எது என்று தெரிந்திருந்து, ஆனால் பின்பு அது பற்றி குறிப்பு மறதியாகிவிடினும் 5) அல்லது அவை முன், பினனாக நடைபெற்றது பற்றியோ சந்தேகம் ஏற்படினும் (மேலே சொல்லி வந்த நிலைமைகளில்) மூன்றாவது, நான்காவது நிலைமைகளைத் தவிர மற்ற நிலைமைகளில், அவர்கள் மீது இரண்டாவது தடவையாக ஜும்ஆ நடத்த வேண்டியது கடமையாகி விடுகிறது. ஏனென்றால், அவர்களுக்கு ஜும்ஆ சரியாக நிறைவேறவில்லை. பிரஸ்தாப மூன்றாவது, நான்காவது நிலைமைகளில் அவர்கள் லுஹரைத்தான் தொழ வேண்டும்.

ஒரு மதுஹபை (தக்லீது) தொடர்ந்திருப்பதாகச் சொல்லிக் கொள்வது பிரதானமில்லை. ஆனால், பின்பற்ற ஆகுமான இமாமுடைய மதுஹபைத் தொடர்ந்திருப்பது என்பது அந்த மதுஹபின் படி ஒழுகி அமல் செய்வது என்பதே லட்சியமாக இருத்தல் வேண்டும். அத்துடன் முன்னர் குறிப்பிட்ட நிபந்தனைகளையும் ஏற்று பூண்டிருத்தல் வேண்டும்.

மேலே பிரஸ்தாபிக்கப்பட்ட நபர், முன்பு ஹம்பலி மதுஹபிலிருந்து வந்தவர், (மாலிகு மதுஹபில் மாறியபோது) கூறிய வார்த்தைகள் ஹம்பலி மதுஹபை இழிவுபடுத்த வேண்டும் என்பதாகவோ, அல்லது அதன் இமாம் அஹ்மது ரலியல்லாஹு அன்ஹீ அவர்களின் கௌரவத்தை குறைக்க வேண்டும் என்பதாகவோ உள்ள நோக்கத்துடனிருக்க்குமானால், அந்த நபருக்கு புத்தி வருத்தக்கூடிய முறையில் கடுமையான நடவடிக்கை எடுக்கப்பட வேண்டும். உலகப் பயனைக் கருதி, அந்நபர் தானிருந்து வந்த மதுஹபை விட்டு மற்ற மதுஹபுக்கு மாறுவது என்பது கூடாது. இதற்காகவும் அவருக்குத் தகுந்த தண்டனை சிட்சை கொடுக்கப்பட வேண்டும். உலகப் பயனைக் கருதி நான் மதுஹபு மாறவில்லை என்று, கத்தியம் பண்ணாமல், அவர் சொன்னாலும் அதை ஏற்றுக் கொள்ள வேண்டியதே. முஜ்தஹிதான ஒரு(மதுஹபுடைய) இமாமை அவர் பின்தொடர்ந்திருப்பது சரி என்று நிரூபணமானால், அவருக்குப் பின்னால் நின்று தொழும் மஃமூடைய கொள்கையின்படி, தொழுகையை (பாத்தில்) அபத்தமாக்கக் கூடிய செயல் எதையும் அவர் செய்யாதிருக்கும் கொலமெல்லாம் அவருக்குப் பின்னின்று தொழுவது கூடும்.

(ராஜ்ய அதிபர்) இமாமோ அல்லது அவரது பிரதிநிதியோ ஒரு ஊரில் ஒன்றுக்கு மேற்பட்ட ஜும்ஆ நடத்தக் கூடாது என் உத்தரவு பிறப்பிக்கும்போது அவ்வூர்வாசிகள் அனைவருக்கும் அவ்வுத்தரவுக்க கட்டுப்பட்டு நடக்க வேண்டியது கடமையாகிவிடுகிறது. அவர்கள் யாவருமோ, அல்லது ஒரு சிலரோ –ஒன்றுக்கு மேற்பட்ட ஜும்ஆ நடத்த ஆகும் என்று அனுமதியளிக்கிற இமாமுடைய மதுஹபைப் பின்பற்றியவர்களாக இருப்பினும் சரியே. அதற்கு மாற்றமாக அவர்கள் நடப்பார்களேயானால் அவர்களை அவர் (ராஜ்ய அதிபரான இமாம்) தண்டிப்பார். மேலும், அவர்கள் பாபிகளாகவும் ஆகிறார்கள். முன் சொல்லப்பட்டபடி அவர்களது சாட்சியத்தை ஏற்றுக் கொள்ளப்படவு மாட்டாது. முன்னர் குறிப்பிடப்பட்ட நிபந்தனைக் கராணங்கள் இருந்தாலன்றி அவர்களது சொத்துக்கள் கைப்பற்றப்படவும், அவர்களுக்கு சிரசாக்கினைத் தண்டனை கொடுக்கப்படவும் மாட்டா.மதுஹபுடைய இமாம்கள் (முஜ்மஉ) ஏகோபித்த அபிப்பிராயமுடனோ அல்லது (கிலாபு) மாற்றபிப்பிராயமுடனோ சொல்லி இருக்கக் கூடிய வாஜிபுகளுக்கு முரண்பாடாக நடப்பதன் மூலம் மாத்திரம் குப்ரு உண்டாகி விடமென்பதும், அல்லது அவனுடைய மனைவழயை விலக்கி வைக்க வேண்டுமென்பதும் நிடையாது. ஆனால், தீனுல் இஸ்லாமில், இமாம்களெல்லாம் ஏகோபித்துச் சொல்லியுள்ள சர்வசாதாரணமாக யாருக்கும் தெரிந்திருக்கக் கூடிய ஸினா(விபச்சாரம்) போன்ற ஒரு ஹராமான காரியத்தை ஹலாலான காரியம் என்று சொன்னாலும் அதன் மூலம் குப்ரும், ரித்தத்தும் உண்டாகிவிடும். அவ்வாறு சொன்னவனுக்கு அவனுடைய மனைவியோடும், வெள்ளாட்டியோடும் புணர்ச்சி செய்வது ஹராமாக்கப்பட்டு விடும். இமாம் (ராஜ்ய அதிபர்) அவனை தௌபாச் செய்யுமாறு கட்டளையிடுவார். அதன்படி அவன் தௌபாச் செய்து மீண்டால் சரி, இல்லாவிடில் அவனுடைய கழுத்தை துண்டிக்கப்படும். (பதாவா குப்ரா: முடிவு)

'கல்யூபீ' கிரந்தத்தில் சொல்லப்பட்டுள்ளது:-

வழக்கத்தில் தாங்க முடியாத அவ்வளவு கஷ்டத்தை உண்டாக்கும் வண்ணமாக ஊரின் இரு கோடிகளுக்கிடையே நெடுந் தொலைதூரம் அமைந்திருப்பதுவும், ஒன்றுக்கு மேற்பட்ட(ஜும்ஆவை) நடத்துவதற்கு ஆகும் என்று அனுமதிக்கக் கூடிய காரணங்களைச் சார்ந்தது. ஏனெனில், அவ்வாறு தொலைதூரத்திலுள்ள வீட்டுக்காரன்(ஊருக்குள் நடக்கும் ஜும்ஆவுக்கு) நஷ்டமெடுத்து வரத்தான் வேண்டுமென்ற கட்டாய விதியை நீக்கிவிடுகிறது. மேலும், ஊரின் இரு பகுதிக்காரர்களிடையே வம்பு வழக்கும், கடும்பகையும் உண்டாகி இருத்தலும் அவ்வாறு அனுமதிக்கக் கூடிய காரணங்களைச் சார்ந்ததே. முதலில் குறிப்பிட்ட தொலைதூரத்தாலுள்ள) கஷ்டம் இல்லாதிருப்பினும் சரியே. இதன்பிரகாரம் அவ்விரு பகுதியுடைய மொத்த(ஜன) எண்ணிக்கையோ அல்லது ஒவ்வொரு பகுதியுடைய எண்ணிக்கையோ நாற்பதுக்குக் குறைவாக இருந்தால் அவர்களில் எவருக்கும் ஜும்ஆ வாஜிபாக மாட்டாது. (கல்யூபி-முடிவு)

அல்லாமா முப்தீ முஹம்மது தமீம் மத்ராஸு(ரஹ்மத்துல்லாஹி அலைஹி) அவர்களின் ஸுப்ததுல் பயான் பி ஷாஹி உம்ததிஸ்ஸிப்யான் என்ற கிதாபில் காணப்படுவது:-

'சில தாலிபுல் இல்முகள் ஊரில் வழமையில் தாங்கக் கூடிய பொல்லாப்பினாலும் ஜும்ஆ எண்ணிக்கையை கொண்டு வருவது ஆகும் என்று சொல்வது சுத்தப்பிசகாக இருக்கும்'. கற்றுக்குட்டிகளான அந்த (தாலிபுல் இல்மு) மாணவர்கள் அல்லாமா கல்யூபி சொன்னதையும் அத்தாட்சிக்கு எடுத்துக்காட்டுவது, அல்லாமா கல்யூபியுடைய கருத்துக்கு மாற்றமானதை விளங்கிக் கொள்வதன்பேரில் உருவாக்கப்பட்டுள்ளது. கல்யூபீயினுடைய வார்த்தையாவது:- ஊரின் இரு பகுதிக்காரர்களிடையே வம்புவழக்கும், பொல்லாப்பும் உண்டாகி இருத்தலும் அவ்வாறு அனுமதிக்கக்கூடிய காரணங்களைச் சார்ந்ததே. கஷ்டம் இல்லாதிருப்பினும் சரியே' என்பதாகும். அவர்களுடைய அக்கருத்து, கல்யூபி இமாமுடைய கருத்துக்கு மாறுபட்டதாக உள்ளது. கல்யூபி இமாம் உடைய வாக்கியங்களை ஆதியாரம்பமாக எழுதி, முழு விபரத்தையும் தெளிவுபடச் சொல்லி கருத்து யாது என்பதை நிதரிசனப்படுத்துவோம்.

கல்யூபி இமாமின் வார்த்தைகள் வருமாறு:- 'வழக்கத்தில் தாங்க முடியாத அவ்வளவு கஷ்டத்தை உண்டாக்கும் வண்ணமாக ஊரின் இரு கோடிகளுக்கிடையே நெடுந்தொலை தூரம் அமைந்திருப்பதுவுமும் ஒன்றுக்கு மேற்பட்டதை நடத்துவதற்கு ஆகும் என்று அனுமதிக்கக் கூடிய காரணங்களைச் சார்ந்தது. ஏனெனில், அவ்வாறு தொலைதூரத்திலுள்ள வீட்டுக்காரன் கஷ்டமெடுத்து வரத்தான் வேண்டுமென்ற கட்டாய விதியை அது நீக்கி விடுகிறது. மேலும், ஊரின் இரு பகுதிக்காரர்களிடையே வம்புவழக்கும், பொல்லாப்பும் உண்டாகி இருத்தலும் அவ்வாறு அனுமதிக்கக்கூடிய காரணங்களைச் சார்ந்தது. கஷ்டம் இல்லாதிருப்பினும் சரியே'.

அவ்வார்த்தையின் பிந்திய பகுதிக்கு விளக்கமாவது:- ஊரின் இருபகுதிக்காரர்களிடையே, வழக்கத்தில் தாங்க முடியாத அளவுக்கு வம்பு வழக்கும், பொல்லாப்பும் உண்டாகி இருத்தலும் அவ்வாறு அனுமதியளிக்கக் கூடிய-அதாவது-ஒன்றுக்கு மேற்பட்ட ஜும்ஆவை (எண்ணிக்கையை)அனுமதியிக்கக் கூடிய-காரணங்களைச் சார்ந்ததே என்பதாகும். அவ்வார்த்தையின் முந்திய பகுதியில் குறிப்பிட்ட அதாவது-ஊரின் இருகோடிகளுக்கிடையே தொலைதூரக் சஷ்டம் வழக்கத்தில் தாங்க முடியாததாக இருக்க வேண்டும் என்கிற-நிபந்தனை பிந்திய பகுதியில் கிடையாது. ஆகவேதான் பிற்பகுதியில் கஷ்டம் இல்லாதிருப்பினும் சரியே என்று அந்நிபந்தனையில்லாமல் குறிப்பிடப்பட்டுள்ளது. இதுதான் அவ்வார்த்தையின் கருத்தாகும்.

(ஊர் வம்பு வழக்காலும், பொல்லாப்பாலும் உள்ள கஷ்டமில்லாதிருப்பினும் சரியே என்ற அந்தக் கற்றுக் குட்டிகள் சொல்கிறது இதன் கருத்தல்ல. தொலை தூரத்தாலுள்ள கஷ்டம் இல்லாதிருப்பினும் சரியே என்பதுதான் இதன் கருத்து). இத்தகைய கருத்து, கல்யூபி இமாம் அவர்களுடைய  துடியான வார்த்தையிலிருந்தே நன்கு புலனாகிறது. புத்திக் கோளாறு இல்லாத நேர்மையான விளக்க ஞானம் பெற்றவர்களுக்கு இக் கருத்து மறைந்ததல்ல. நம்முடைய (ஷாபீயீ) மதுஹபைச் சார்ந்த மார்க்க அறிஞர் (புகஹாக்)கள் ஒன்றுக்கு மேற்பட்ட ஜும்ஆவை நடத்துவதற்கு ஆகும் என்று அனுமதியளிக்கக்கூடிய முகாந்தரம் அனைத்திலும் 'கஷ்டம்' என்ற நிபந்தனையைக் காரணமாகக் கnhண்டிருப்பதையும், அத்தகைய கஷ்டம் என்பது வழக்கத்தில் தாங்கிக் கொள்ள முடியாத பரம சங்கடமான கஷ்டமாக இருத்தல் வேண்டும் என்ற ஓர் கட்டுப்பாட்டை வகுத்துச் சொல்லி இருப்பதையும், ஜனக் கூட்டம் அதிகமாக உள்ள காரணத்தாலோ-அல்லது ஜனங்களுக்கிடையே கடும் பகை பொல்லாப்பின் காரணத்தாலோ-அல்லது இதர காரணத்தாலோ, அத்தகைய எதிலும் வழக்கத்தில் தாங்க முடியாத கஷ்டம் இருத்தல் வேண்டும் என்ற நிபந்தனையை அவர்கள் (இமாம்கள்) தொக்கி நிற்கச் செய்திருப்பதையும் நீ காணவில்லையா? 'கஷ்டம்' என்பது தாங்கவொண்ணாத பரம சங்கடமான கஷ்டம் என்றிருத்தல் வேண்டும் என்ற கட்டுப்பாட்டை மார்க்க அறிஞர்கள் போட்டுள்ளார்கள்'என்று 'பிக்யதுல் முஸ்தர்ஷிதீன்' நூலில் கூறப்பட்டுள்ளது. (அல்லாமா முப்தீ முஹம்மது தமீம் மத்ராஸீ அவர்களின் கிதாபு முடிவு)

ஷைகு இபுனுன்னகீபு ரலியல்லாஹு அன்ஹு உடைய உம்ததுஸ் ஸாலிக் என்ற நூலில் சொல்லப்படுவது:-

மிஸ்ரு, பக்தாது போன்ற இடங்களில் அனைவரும் ஒரேதலத்தில் கூடி சேகரமாவது மகாபெரும் சங்கடம் என்றிருக்குமானால், தேவைக்குத் தகுந்தபடி பல ஜும்ஆக்கள் நடத்துவது ஆகும். மக்காவிலும், மதீனாவிலும் இருப்பது போன்று(ஒரு ஜும்ஆ நடத்துவதில்) சங்கடமில்லாதிருக்கும்போது, அதற்கு மாற்றமாக இரண்டு ஜும்ஆ நடத்தப்படுமேயானால் அவ்விரண்டில் முந்தியதுவே ஜும்ஆவாகும். இரண்டாவதானது(பாத்தில்) அபத்தமாகும். அவ்விரண்டும் (முன்பின்னின்றி) ஏக காலத்தில் நடைபெற்றாலுமோ அல்லது முந்தியது எது என்று தெரியப்படாவிடிலுமா மறுபடியும் ஜும்ஆவை ஆரம்பித்து நடத்தப்பட வேண்டும். (உம்ததுஸ் ஸாலிக் முடிவு)

ஷர்காவீ முதலிய மற்றும் பல ஷாபியீ மதுஹபுடைய கிரந்தங்களில் காணப்படுவது:-


அறிந்து கொள்! இமாம் அபூஹனீபா ரலியல்லாஹு அன்ஹு தவிர மற்ற மூன்று மதுஹபுடைய இமாம்களும், ஒரு ஜும்ஆவை நடத்தும் விஷயம் (ராஜ்ய அதிகாரியான) இமாமுடைய அல்லது அவரின் பிரதிநிதியுடைய அனுமதியுத்தரவைப் பொறுத்து நிற்கவில்லை என்று ஏகோபித்துக் கூறி இருக்கிறார்கள். மாற்றபிப்பிராய நிவர்த்திக்காகவும், பொல்லாப்பைத் தவிர்ப்பதற்காகவும் அவ்வாறான உத்தரவைப் பெற்றுக் கொள்வது நலமாகும்- ஸுன்னத்தாகும் என்று இமாம் ஷாபியீ ரலியல்லாஹு அன்ஹு அவர்களும், அவர்களுடைய தோழர்களும் கூறியிருக்கிறார்கள். ஆனால் ஒன்றுக்கு மேற்பட்ட ஜும்ஆவை நடத்தவேண்டுமென்றிருந்தாலோ அத்தகைய உத்தரவு அனுமதியை அவசியமாகப் பெற வேண்டும். ஏனெனில், அது இஜ்திஹாது அபிப்பிராயமுடைய தானத்திலிருக்கிறது. (ஷர்காவீ: முடிவு)

'அல்லாஹ்தான் நேர்மையை மிகவும் தெரிந்தவன். அவனளவிலேயே மீட்சியும், ஒடுக்கமும் உள்ளன.'

கொடை வள்ளலான அல்லாஹ்வின் உதவிகொண்டு, ஹிஜ்ரி 1374 ஷஃபான் 26, புதன்கிழமையன்று காயல்பட்டணம், முஹம்மது அப்துல் காதிர் அவர்களுடைய குமாரர் மா.மு.க. முஹிய்யத்தீன் தம்பி என்பவனால் இவ்விடையின் கோர்வை பூர்த்தியாயிற்று.

இவ்விடையை சரிபார்த்து ஒப்பமிட்டவர்களின் பெயர்களும், நற்சான்றுகளும் வருமாறு:-

1. காயல்பட்டணத்திலுள்ள ஆலிம்களில் தலை சிறந்த அல் ஆலிமுல் அல்லாமா, மௌலவி, நஹ்வி செய்யிது அஹ்மது ஆலிமுல் முப்தி அவர்களின் குமாரர், மஜ்லிஸுல் புகாரிஷ் ஷரீபு கதமிட்டி தலைவர், அல்ஆலிமுல் காமில், அல்ஹாஜ் நஹ்வி முஹம்மது இஸ்மாயில் ஆலிமுல் முப்தி அவர்களின் கையொப்பம்:

'இவ்விடை சுத்தமாக இருக்கிறது.'

இப்படிக்கு,

நஹ்வி முஹம்மது இஸ்மாயில்
(காயல்பட்டணம்)

2. அல்ஆலிமுல் பாஸில் (மஹ்லறா மௌலானா அவர்களின் கலீபாவாகிய) பாளையம் அப்துல்காதிர் ஆலிம் அவர்களின் புதல்வர், பாளையம் ஹபீபு முஹம்மது ஆலிம் அவர்களின் கையொப்பம்:

'இவ்விடை கூறியவர் நேர்மையாகக் கூறியுள்ளார்'

இப்படிக்கு,
பாளையம் ஹபீபு முஹம்மது
(காயல்பட்டணம்)

3. நமது மாகாண கவர்ன்மெண்ட் காஜி. மௌலவி அல்ஹாஜ் முஹம்மது ஹபீபுல்லாஹ் ஆலிமுல் முப்தி அவர்களின் முத்திரைஸீலுடன் கூடிய கையொப்பம்:

'இவ்விடை சுத்தமாக இருக்கிறது.'

இப்படிக்கு,
முஹம்மது ஹபீபுல்லாஹ் (காஜி)
மதராஸ்.

4. மதராஸ், மௌலவி தமீம் ஆலிமுல் முப்தி அவர்களின் குமாரர், மௌலவி அபுல்பரகாத் ஆலிம் அவர்களின் முத்திரை ஸீலுடன் கூடிய கையொப்பம்:

இவ்விடை மிகச் சுத்தமாகவும், நேர்மைக்கு இசைந்ததாகவும் உள்ளது'

இப்படிக்கு,
அபுல்பரகாத்,
மதராஸ்.

5. மதராஸ், அல்ஆலிமுல் முப்தி, சுல்தான் அஹ்மது ஸாஹிபு அவர்களின் கையொப்பம்:

'இவ்விடை சொன்னவர் நேர்மையாகச் சொல்லியுள்ளார்'

இப்படிக்கு,
சுல்தான் அஹ்மது சாஹிபு
மதராஸ்

6. அல் ஆலிமுல் பாஸில், ஹாஜி முஹம்மது முஸலியார் அவர்களின் கையொப்பம்:

'இவ்விடை சுத்தமாக இருக்கிறது'

இப்படிக்கு,
ஹாஜி முஹம்மது முஸலியார்
மலபார்.

7. காயல்பட்டணம் தைக்கா ஷெய்கு முஹம்மது ஸாலிஹ் வொலியுல்லாஹ் ரலியல்லாஹு அன்ஹு அவர்களின் கலீபாவாகிய அல்ஆலிமுல் பாஹிம், ஸெய்யிது ஷாஹ் முஹம்மது விகாயதுல்லாஹ் காதிரிய்யி, காஜி அவர்களின் முத்திரை ஸீலுடன் கூடிய கையொப்பம்:

'நேர்மையாளர் விடையளித்துள்ளார்'

இப்படிக்கு,
ஸெய்யிது ஷாஹ் விகாயத்துல்லாஹ் காதிரிய்யி, காஜி
மதராஸ்.

8.அல்ஹாஜ் ஸெய்யிது முஹம்மது அவர்களின் மகன் அல்ஆலிமுல் ஹாபிள் முஹம்மது மகுதூம் தம்பி ஆலிம் அவர்களின் கையெப்பம்:

'இவ்விடை சரியாக இருக்கிறது'

இப்படிக்கு,
முஹம்மது மொகுதூம்
காயல்பட்டணம்.

9. அல்ஆலிமுல் ஹாபிள் முஹம்மது சதக்கத்துல்லாஹ் ஆலிம் அவர்களின் கையொப்பம்:

'இவ்விடை மிகச் சுத்தமாக இருக்கிறது'

இப்படிக்கு,
முஹம்மது சதக்கத்துல்லாஹ்
காயல்பட்டணம்.

10. அல்ஆலிமுல் வரஇய்யி, முஹம்மது ஹஸன் நுஸ்கிய்யி அவர்களின் குமாரர் அல்ஆலிமுல் ஹாபிஸ் அல்ஹாஜ் அஹ்மது லெப்பை ஆலிம் (உஸ்தாதுனா) அவர்களின் கையொப்பம்:

'எவ்வித சந்தேகமும் இன்றி இவ்விடை சுத்தமாக இருக்கிறது'

இப்படிக்கு,
முஹம்மது:
காயல்பட்டணம்.

11. அல்ஹாஜ் முஹம்மது அப்துல் காதிர் ஆலிம் அவர்களின் புதல்வர் கோஜா முஹம்மது ஆலிம் அவர்களின் கையொப்பம்:

'இவ்விடை சரியாக இருக்கிறது'

இப்படிக்கு,
கோஜா முஹம்மது
காயல்பட்டணம்.

12. அல்ஆலிமுல் அல்லாமா, அல்ஹாஜ் நஹ்வி முஹம்மது இஸ்மாயில் ஆலிம் அவர்களின் குமாரர் அல்ஆலிமுல் ஹாபிஸ் நஹ்வி செய்யிது அஹ்மது ஆலிம் அவர்களின் கையொப்பம்:

'இவ்விடை சுத்தமாக இருக்கிறது'

இப்படிக்கு,
ஸெய்யிது அஹ்மது
காயல்பட்டணம்.

13. ஸெய்யிது அஹ்மது லெப்பை அவர்களின் குமாரர் ஸெய்யிது முஹம்மது புஹாரி ஆலிம் அவர்களின் கையொப்பம்:

'இவ்விடை சரியாக இருக்கிறது'

இப்படிக்கு,
ஸெய்யிது முஹம்மது புஹாரி ஆலிம்
காயல்பட்டணம்.

14.மஹ்ளரா மவுலானா அவர்களின் கலீபாவாகிய அல்ஆலிமுல் முகம்மில், செய்pது இஸ்மாயில் ஆலிமுல் முப்தி(மஹ்ளரா ஆலிம்) காதிரிய்யி அவர்களின் புதல்வர் ஸெய்யிது முஹம்மது புகாரி ஆலிமுல் மஹ்ளரிய்யி  அவர்களின் கையொப்பம்:

'இவ்விடை நேர்மையானது'

இப்படிக்கு,
ஸெய்யிது முஹம்மது புகாரி மஹ்ளரிய்யி
காயல்பட்டணம்.

15.அல்ஆலிமுல் முப்தி ஹிஸ்புல்லாஹ் சபை தலைவர், அஷ்ஷைகுல் காமில், சின்ன அ.க. ஷெய்கு அப்துல்காதர் ஆலிம் ஸூபி, காதிரிய்யி நூரி அவர்களின் கையொப்பம்:

'இவ்விடை சுத்தமாக இருக்கிறது'

இப்படிக்கு,
காதிமுல் கௌம்(சமூக ஊழியன்)
ஷெய்கு அப்துல் காதிர்(காயல்பட்டணம்)

16. அல்ஆலிமுல் முப்தி, நஹ்வி செய்யிது அஹ்மது ஆலிம் அவர்களின் மகன், அல் ஆலிமுல் ஹாபிஸ், நஹ்வி முஹம்மது இஸ்ஹாக் லெப்பை ஆலிம் அவர்களின் கையொப்பம்:

'இவ்விடை சரியாக இருக்கிறது'

இப்படிக்கு,
காதிமுல் உலமா (உலமாக்களின் ஊழியன்)
நஹ்வி இஸ்ஹாக் லெப்பை(காயல்பட்டணம்.)

17. முஹம்மது நூகு அவர்களின் குமாரர் முஹம்மது இஸ்மாயில் ஆலிம் அவர்களின் கையொப்பம்:

'எவ்வித சந்தேகமும் இன்றி இவ்விடை சுத்தமாக இருக்கிறது'

இப்படிக்கு,
முஹம்மது இஸ்மாயில் நூஹிய்யி
(காயல்பட்டணம்)

18. அல்ஆலிமுல் பாஸில், முஹிய்யத்தீன் மாமுனா லெப்பை ஆலிம் பாக்கவி அவர்களின் கையொப்பம்:

'இவ்விடை சரியாக இருக்கிறது'

இப்படிக்கு,
முஹிய்யத்தீன் மாமுனா லெப்பை (காயல்பட்டணம்)

19. அல்ஆலிமுல் பாஸில், விளக்கு முஹம்மது சதக்கத்துல்லாஹ் ஆலிம் அவர்களின் மகன் அல்ஆலிமுல் ஹாபிஸ், காரீ, விளக்கு முஹம்மது உமர் ஆலிம் அவர்களின் கையொப்பம்:

'எவ்வித சந்தேகமும் இல்லாமல் இவ்விடை சுத்தமாக இருக்கிறது'

இப்படிக்கு,
முஹம்மது உமர்(காயல்பட்டணம்);

20. அல் ஆலிமுல் முப்தி, நஹ்வி செய்யிது அஹ்மது அவர்களின் குமாரர் அல்ஆலிமுல் ஹாபிஜ், நஹ்வி ஷெய்கு அப்துல்காதிர் ஆலிம் அவர்களின் கையொப்பம்:

'எத்தகைய ஷக்கு, சந்தேகமும் இன்றி இவ்விடை சுத்தமாகவும், தெளிவாகவும் இருக்கிறது'

இப்படிக்கு,
நஹ்வி ஷெய்கு அப்துல்காதிர்(காயல்பட்டணம்)

21. அல்ஆலிமுல் முப்தி, மாதிஹுல் கௌது, அல்ஹாஜ் முஹம்மது இஸ்மாயீல் ஆலிம் அவர்களின் புதல்வர் அல்ஆலிமுல் ஹாபிஸ், ஹாமிது லெப்பை ஆலிம் முப்தி அவர்களின் கையொப்பம்:

'எனக்குத் தெரிந்தமட்டில் இவ்விடையானது எவ்வித சந்தேகமுமின்றி சரியானதாகவும், சுத்தமானதாகவும் இருக்கிறது'

இப்படிக்கு,
ஹாமிது(இபுனுமாதிஹுல் கௌது)
காயல்பட்டணம்.

22. அல்ஆலிமுல் முப்தி, ஹாபிஸ் ஹாஜி நூஹுத்தம்பி லெப்பை ஆலிம் அவர்களின் குமாரர் அல்ஹாஜ் முஹம்மது மக்கி ஆலிம் அவர்களின் கையொப்பம்:

'இவ்விடை சரியாக இருக்கிறது'

இப்படிக்கு,
ஹாஜி முஹம்மது மக்கி ஸித்தீகிய்யி
(காயல்பட்டணம்)

23. அல்ஆலிமுல் பாஸில் மௌலவி முஹம்மத நூஹுக்கண்ணு, பாஸில் பாக்கவி அவர்களின் கையொப்பம்:

'இவ்விடை சுத்தமாக இருக்கிறது'

இப்படிக்கு,
மௌலவி முஹம்மது நூஹு
பாஸில், பாக்கவி (புவ்வாறு)

24. மஹ்ளரா மௌலானா அவர்களின் கலீபாவாகிய பாளையம் அப்துல்காதிர் ஆலிம் அவர்களின் புதல்வர் அல்ஆலிமுல் பாஸில், பாளையம் முஹம்மது அபூப்ககர் முஹிய்யத்தீன் அப்துல்லாஹ் லெப்பை, (பாளையத்துஆலிம்) அவர்களின் வாய்மொழிச் சான்று விபரம் வருமாறு:-

இவ்விடை மிகச் சுத்தமாகவும், தெளிவாகவும் இருக்கிறது' என்று அவர்கள் கூறி தான் எக்காலத்திலும், எந்த பத்தவாவிலும் கையொப்பம் போடுவதில்லை என்று முடிவு செய்திருப்பதனால், இந்த பத்வாவில் கையொப்பம் போடுவதற்கு தனக்கு சாத்தியப்படவில்லை என்று கூறியதுடன். அவர்களின் மஹல்லாக்காரர் கேட்ட கேள்விக்கு இவ்வூரில் ஒரு ஜும்ஆ நடந்து கொண்டிருக்கும்போது இன்னொரு புதிய ஜும்ஆ நடத்துவது ஆகாது என்று விடை கூறிவிட்டதாகவும், இந்த பத்வா விடையை அவர்களின் பார்வைக்குக் கொண்டுபோய் காண்பித்த சாளை ஓ.எம். ஷெய்கு அப்துல்காதிர் இடம் கூறியதாகவும், மேற்படி நபர் தங்களின் கையொப்பம் இருந்தால் நலமாகுமென்று கூறியதற்கு, தான் மொழிந்த, மேலே குறிப்பிட்ட அவ்விபரங்களை தான் வாயால் கூறியது என்று எழுதிக் கொள்ள அனுமதித்ததாகவும் மேற்படி நபர் இவ்விபரங்களை எழுதித் தந்துள்ளார்.

25. அல்ஆலிமுல் முப்தி ஷெய்கு அப்துல்காதிர் வாப்பா நெய்னா ஆலிம் அவர்களின் புதல்வர் அல்ஆலிமுல் பாஹிம் செ.வா. சாஹுல் ஹமீது ஆலிம் அவர்களின் கையொப்பம்:

'இந்த பதில் சுத்தமாக இருக்கிறது'

இப்படிக்கு
ஷெய்கு அப்துல்காதிர் ஆலிம் குமாரர்
சாஹுல் ஹமீது (காயல்பட்டணம்.)

முற்றும்.

  

Arabi Fatwa

காயல்பட்டணம் ஜும்ஆ பத்வா

(மொழி பெயர்ப்பு)

பிரசுரித்தவர்கள்: S.A. முஹம்மது ஆதம்.
சாளை O.M. செய்கு அப்துல் காதிர்
T.M.S. அஹ்மது.

பிஸ்மில்லாஹிர்ரஹ்மானிர் ரஹீம்.


'நன்மையின்பால் (மானிடரை) அழைத்து, நேரானதை(ச் செய்யும்படி) ஏவி, தப்பானதை(த் தவிரும்படி) விலக்கும் ஒரு கூட்டத்தினர் உங்களுக்குள் இருக்கக்கடவர். மேலும், இவர்களே ஜெய சீலராவர்'- (அல்குர்ஆன் 3:103)

அன்புடையீர்!,

    10-5-55 தேதியில் வெளிவந்த எங்களின் அறிவிப்புக்கிணங்க, நமதூர் காயல்பட்டணத்தில், ஷாபியீ முதுஹபின்படி ஒன்றுக்கு மேற்பட்ட ஜும்ஆ நடத்துவதற்கு ஆகுமா? ஆகாதா? என்பதைப் பற்றி சத்தியவந்தர்களான சங்கைமிகுந்த உலமாக்களின் அரபி பத்வாவை, தமிழில் பெமாழி பெயர்த்து, தங்கள் சமூகம் சமர்ப்பிக்கிறோம். இதற்கு நல்லுதவி புரிந்த அல்லாஹ்வுக்கே சர்வ புகழும் புகழ்ச்சியும் உரித்தாகுக.

    நமதூரைப் பொறுத்தவரை, ஷாபியீ மதுஹபின்படி ஒன்றுக்கு மேற்பட்ட ஜும்ஆ நடத்துவது கூடாது என்ற தீர்ப்பும், மற்றும் அது பற்றிய உண்மை விபரங்களும் தகுந்த அத்தாட்சிகளுடன் துலாம்பரமாக இதில் தரப்பட்டுள்ளன. அல்லாஹ் ரஸூலை பயந்து நிஷ்களங்கமான இருதயத்துடன் இதை நோக்கும் ஒவ்வொருவரும் இதை சரிகண்டு அங்கீகரிப்பார்கள் என்பதில் ஐயமில்லை. இவ்வுண்மையை உணர்ந்து ஹக்குத்தஆலாவை சரியான முறையில் வழிபட்டு, அஞ்சி பயந்து நடப்போமாக. அத்தன்மையிலேயே தக்வாவை கொண்டு ஒருவருக்கொருவர் உதவியாக இருப்போமாக. பாவத்திலும், அக்கிரமத்திலும் மூழ்கி, அதில் ஒருவருக்கொருவர் துணையாக இராமல் ஆண்டவன் காப்பர்றிக் கொள்வானாக. அல்லாஹ்வின் அருளக்கும் அன்பக்கும் பாததியமானவர்களாக நடப்போமாக.

      'புண்ணியத்திலும், தக்வாவிலும் ஒருவருக்கொருவர் உதவி புரிவீர்களாக! பாவத்திலும், அக்கிரமத்திலும் ஒருவருக்கொருவர் துணைபரியாதிருப்பீர்களாக! இன்னும் அல்லாஹ்வுக்கு அஞ்சுவீர்களாக! நிச்சயமாக அல்லாஹ் தண்டிப்பதில் கடுமையானவனாகயிருக்கிறான்' (அல்குர்ஆன் 5 : 2)

     'யா அல்லாஹ்! உனது அருட்கொடை பாக்கியங்களைப் பெற்ற சான்றோர்களின் நல்வழியிலேயே எங்களை நடத்;தாட்டுவாயாக. உனது கோபத்திற்குள்ளானவர்களும், வழி கெட்டுப் போனவர்களுமுடைய வழியை விட்டு எங்களை காப்பாற்றிக் கொள்வாயாக' என்று பிரார்த்திப்போமாக.

      மிகச் சிறந்த முறையில் இந்த பத்வா- விடையை கோர்வை செய்தளித்த மேன்மைமிக்க கனம் அல்ஆலிமுல் முப்தி, பஹ்ருல் உலூம், மௌலவி, ஹாபிஸ், அல்ஹாஜ் மா.மு.க. முஹிய்யத்தீன் தம்பி ஆலிம் (ஸதர் முதர்ரிஸ், மஹ்ளரா) அவர்களுக்கு நாம் பெரிதும் கடமைப்பட்டுள்ளோம். ஏனெனில், தங்களது சுகயீனத்தையும், சிரமத்தையும் சற்றும் பொருட்படுத்தாமல் அல்லாஹ், ரஸூலை நாடி அவர்கள் இவ்விஷயத்தில் பெருமுயற்சி மேற்கொண்டு உழைத்துள்ளார்கள். லில்லாஹ்வுக்காக என்று அவர்கள் எவ்வளவு தூரம் இவ்விஷயத்தில் கங்கணங்கட்டி உழைத்துள்ளார்கள் என்பது இதற்கடுத்து, பிரசுரிக்கப்பட்டுள்ள அவர்களது அறிக்கையிலிருந்து உணர்ந்து கொள்ள முடியும். அத்தகைய சன்மார்க்கப் பற்றுமிக்க அலிம் முப்தி அவர்களுக்கு எவ்வளவு நன்றி கூறினாலும் தகும். அவர்களுக்கு, கிருபையுள்ள ரஹ்மான் நீடித்த சுக ஆயுளையும், சரீர ஆரோக்கியத்தையும், ஈடிணையில்லா இத்தொண்டுக்குப் பகரமாக தனது சிறந்த நற்மூகூலிகளையும் கொடுத்தருள்வானாக. ஆமீன். மேலும் இந்த பத்வாவை சரிகண்டு, நற்சான்றுகளுடன் கையொப்பமிட்ட நமதூர், வெளியூர் உலமாக்களையும், முப்திகளையும், காஜிகளையும் நாம் மனமுவந்த நன்றியுடன் பாராட்டுகிறோம். பாரவான்களான அவர்கள் அனைவருக்கும் அல்லாஹ் நல்லருள் பாலித்து ஈருலகிலும் தனிப்பெரும் சிறப்புகளை கொடுத்துக் கடாட்சிப்பானாக.

உத்தம சகோதரர்களே!

   காயல்நகரின் கண்மணிகளான உலமாக்களெல்லாம் ஹக்கான விஷயத்தை தெளிவுபடுத்தி விட்டார்கள். ஆகவே, ஹக்கல்லாத பாத்திலை விட்டொதுங்கி, ஹக்கிலேயே நிலைத்து நிற்பீர்களாக. அருமை ரஸூலுல்லாஹி ஸல்லல்லாஹு அலைஹி வ ஸல்லம் கோரிப் பிரார்த்தித்த வந்த துஆவுடன் எமது முகவுரையை முடித்துக் கொள்கிறோம்.

       'அல்லாஹ்வே! ஹக்கை(மெய்யை) ஹக்காகவே எங்களுக்குக் கற்பித்துத் தந்து அதைப் பின்தொடர்ந்தொழுகச் செய்தருள்வாயாக! மேலம், பாத்திலை(அபத்தமானதை) பாத்திலாகவே எங்களுக்குக் காண்பித்துத் தந்து அதை விட்டொதுங்கி நடக்கச் செய்தருள்வாயாக.'
 

 காயல்பட்டணம்                            வஸ்ஸலாம்.                 

                                                                                                             இவ்வண்ணம்,
29-6-55                                                                                  

S.A.முஹம்மது ஆதம்

சாளை O.M. செய்கு அப்துல்காதிர்
T.M.S. அஹ்மது
(8-4-1955 ல் குத்பா சபையில் அமைக்கப்பட்ட செயலாளர்கள்)


கனம் அல்ஹாஜ் மௌலவி மா.மு.க. முஹிய்யித்தீன் தம்பி ஆலிமுல் முப்தி அவர்களின் அறிக்கை

முஸ்லிம் சகோதரர்களே!

      நமதூரில் ஏக காலத்தில் இரண்டு ஜும்ஆக்கள் நடத்துவது ஷாபியீ மத்ஹபின்படி ஆகுமா? ஆகாதா? என்ற விசயத்தை விளக்கி வைக்கும்படி சில நண்பர்கள் என்னிடம் கேட்டதாயும் அதற்கு நான் இதுபோன்ற விசயங்களில் தலையிடவதில்லை என்று சொன்னதாயும் ஒரு வதந்தி மக்கள் மத்தியில் உலாவிக் கொண்டிருக்கின்றமையால் அதன் எதார்த்தத்தை விளக்கி வைக்க வேண்டியது என்மீத கடமையாகிவிட்டபடியால் நானும் சில முக்கிய கனவான்களும் சம்பாஷித்துக் கொண்ட விஷயங்களை கீழே விவரித்துள்ளேன்.

      நாளது ஹிஜிரி 1374 ரஜபு மாதம் பிறை 27 செவ்வாய் கிழமை பகல் புகாரிஷ் ஷரீபு மஜ்லிஸில் நான் ஹதீஸ் சொல்லி முடித்தபின் களைப்பாறுவதற்காக அங்கு வீற்றிருந்தேன். பல நண்பர்கள் என்னின் சுகச்செய்திகளை விசாரித்து என்னுடன் பேசிக்கொண்டிருந்தனர். இறுதியில் நான்கு நபர்கள்-அதாவது கனம் எஸ்.ஓ. ஹபீபு அவர்கள், கனம் எஸ்.ஏ. ஹபீபு அவர்கள், கனம் எல்.கே. செய்கு முகம்மது அவர்கள், கனம் சா.அ.லெ. றுக்னுத்தீன் சாகிபு அவர்கள் இன்னவர்கள் சோபாவில் உலாவிக் கொண்டிருந்தனர். பின் இவர்களில் கனம் எல்.கே. செய்கு முகம்மது அவர்களும் கனம் றுக்னுதீன் சாஹிபு அவர்களும் புகரிஷ் ஷரீபு கேட்டு வாயல் பக்கம் சென்று நின்று கொண்டபின், கனம் எஸ்.ஓ. ஹபீபு அவர்களும், கனம் எஸ்.ஏ. ஹபீபு அவர்களும் எனக்கு சற்று சமிபமாய் வந்து உட்கார்ந்து கொண்டு என்னை அவர்கள் சமீபத்தில் வருமாறு சமிக்கை செய்தனர். அது சமயம் நான் ஒரு நபரிடம் பேசிக் கொண்டிருந்ததை நிறுத்தி மேற்படி இருவர்களின் சமீபத்தில் நான் நெருங்கினேன். அப்போத கனம் எஸ்.ஓ. அவர்கள் என்னை நோக்கி ஊரில் நடைபெற்று வரும் கட்சி சம்பந்தமான விஷயங்கள் யாவும் நீங்கள் கேள்வியுற்றிருப்பீர்களே என வினவினார்கள். அதற்கு நான் அவர்களை நோக்கி ஊர் சம்பந்தமான கட்சி விஷயங்களைப் பற்றி நான் கவனிப்பதுமில்லை, என் காதுக்கு எட்ட வைத்துக் கொள்வதுமில்லை. நீங்களும் கட்சி சம்பந்தமான விஷயங்களைப் பற்றி என் காதுக்கு எட்ட வைக்க வேண்டாமென கூறினேன்.

    அப்பொழுதும் அவர்கள் என்னை விடவில்லை. நமதூரின் குடிதண்ணீர் வகைக்காக 51 ஆயிரம் ரூபாய் தாராளமாய்க் கொடுத்த மகான் கனம் அ.க. அவர்களை நோட்டீஸ் மூலமாயும் மேடைப் பிரசங்கத்திலும் கேவலமான முறையில் பேசியும் எழுதியும் வருகின்றார்கள் என்று எஸ்.ஓ. அவர்கள் சொன்னார்கள். அதற்கு நான் இச் செய்திகளை என் காதுக்கு ஏற்ற வேண்டாம், கட்சி சம்பந்தமான உலக விஷயங்களில் நான் ஈடுபடுவதில்லை. ஆனதால் இவ்விஷயங்களை மீண்டும் என் காதுக்கு ஏற்ற வேண்டாம் என்று பதிலுறுத்தேன். அப்பொழுதும் கனம் எஸ்.ஓ. அவர்கள் என்னை விட்டபாடில்லை. என்னை நோக்கி நீங்கள் சுகவீனமுற்றிருப்பதால் உங்கள் முஹல்லாக்காரர்கள் உங்களை கட்சியில் இழுக்காமலிருக்கலாம். இல்லையாயின் உங்களை இழுக்காமல் பிட்டிருக்கமாட்டார்கள் என்று சொன்னார்கள். அதற்கு நான் பதில் கூறவில்லை. நான் பதில் கூறாவிடினும் கனம் எஸ்.ஓ. அவர்கள் தங்கள் பேச்சை துடர்ந்து பேசினார்கள். அதாவது இந்த கட்சிக்காரர்கள் செய்துவரும் காரியங்களைக் கவனிக்குமிடத்து கொதுபாவைக்கூட பிரித்துவிடலாம் என்ற நோக்கம் எங்களுக்கேற்படுகிறது, ஆயினும் நாங்கள் அத சம்பந்தமாய் ஆர அமர அலோசனை செய்து முடிவுக்கு வரவேண்டமென்ற நோக்குடன் நிறுத்தி வைத்திருக்கின்றோம் என்று சொன்னார்கள். ஆனால் இது வினாவின் தோரணையாகவோ அல்லது என் அபிப்பிராயத்தை கேட்கும் முறையாகவோ இல்லாமையால் நான் எவ்வித பதிலும் கூறவில்லை. இத்துடன் புகாரிஷ் ஷரீபு தைக்காவில் எங்கள் சம்பாஷனை முடிவுற்றது.

     அதன்பின் நாளது ஹிஜ்ரி 1374 ஷஃபான் பிறை 1 (26-3-55) சனிக்கிழமை மாலை புதிய ஜும்ஆ நடத்தும் விஷயமாய் புதுப்பள்ளியில் கூட்டம் கூடியதாயும் மேற்படி ஷஃபான் பிறை 7 (1-4-55) வெள்ளிக்கழமை முதல் புதுப்பள்ளியில்ள புதிய ஜும்ஆ ஆரம்பிப்பதென முடிவு செய்யப்பட்டிருப்பதாயும் நான் கேள்வியுற்றதும் உடனடியாக மூன்று நபர்களிடம் பேசவேண்டுமென்ற எண்ணம் எனக்கேற்பட்டது. ஆனால் தூத்துக்குடி சிலாபத்தை முன்னிட்டு அன்னவர்கள் தூத்துக்குடி சென்றுவிட்டமையால் நான் உடனடியாகப் பேச சந்தர்ப்பமில்லாமலாயிற்று. ஆனால் மேற்படி ஷஃபான் பிறை 5 (30-3-55) புதன்கிழமை மாலை அன்னவர்கள் ஊர் வந்துவிட்டதாய் நான் அறிந்ததும் ஷஃபான் பிறை 6 (31-3-55) வியாழக்கிழமை காலை 10 மணி சுமாருக்கு அம்மூவர்களையும் சந்திக்கும் நோக்கமாய் என் வீட்டை விட்டுப் புறப்பட்டு கனம் எஸ்.ஓ. ஹபீபு, எஸ்.ஏ. ஹபீபு, பி.எஸ். அப்துல்காதர் நெய்னா இவர்கள் கூடியிருக்கும் ஸ்தலத்திற்குச் சென்றேன். அம்மூவர்களும் என்னை வரவேற்றார்கள். நான் அவர்களை நோக்கி நாளை நடைபெறப் போகிறதாய்க் கேள்வியுற்ற ஜும்ஆ சம்பந்தமாய் உங்கள் மூவர்களிடமும் சம்பாஷிக்கும் நோக்குடனேயே நான் வந்திருக்கின்றேன். ஆனால் யாருடைய தூண்டுதலோ அல்லது யாருடைய சிபார்சைக் கொண்டுமோ நான் வரவில்லை. என் சொந்த சுயேட்சையின் மீதே நான் வந்திருக்கிறேன் என்று கூறி என் சம்பாசணையை ஆரம்பித்தேன். அதாவது உங்கள் முஹல்லாவில் நாளை நீங்கள் ஜும்ஆ நடத்தவிருப்பது உண்மைதானா? என வினவினேன். ஆம். என்று பதிலுரைத்தனர். அப்படியாயின் உலமாக்கள் அனுமதி தந்தார்களா? என வினவினேன். ஆம். கனம்.சா. சாகுல் ஹமீது ஆலிம் அவர்களும், இன்னும் சில உலமாக்களும் அனுமதி தந்திருக்கின்றார்கள் என பதிலுரைத்தனர். சில உலமாக்கள் என்பவர்கள் யார் என்று என வினவினேன். நமதூர் வாசிகள்தான் என பதிலுரைத்தனர். அப்படியாயின் பத்வா தந்தார்களா? என வினவினேன். தரவில்லை என்று பதில் சொன்னதுடன், இது சம்பந்தமாக உங்கள் அபிப்ராயம் என்னவென்று என்னிடம் கேட்டனர். அதற்கு நான் நீங்கள் புதிதாக ஜும்ஆ நடத்தவிருப்பதின் நோக்கம் என்னவென்று வினவினேன். அதற்கு கனம் எஸ்.ஓ. ஹபீபு அவர்கள் சொன்ன பதிலாவது:

       'நாங்கள் யார் மீதும் குறோதம் கொண்டோ அல்லது பகைமையையொட்டியோ எங்கள் முஹல்லாவில் ஜும்ஆநடத்த உத்தேசிக்கவில்லை. ஆனால் எங்கள் தெருவாசிகள் ஜும்ஆவுக்குச் செல்வதில் ரொம்ப பொடுபோக்காக இருப்பதினால் எங்கள் முஹல்லாவிலுள்ள அநேகர்களுக்கு ஜும்ஆ கிடைக்காமலிருப்பதை யொட்டியும், இன்னும் சிலகாலம் சென்றால் மகுதூம் தெருவார்கள் அறவே ஜும்ஆவை விட்டு விடுவார்கள் என்பதை உத்தேசித்தும், எங்கள் முஹல்லாவாசிகள் அனைவர்களுக்கும் ஜும்அஆ கிடைக்கவேண்டுமென்ற நோக்கத்தோடும்தான் இந்த புதிய ஜும்ஆ ஆரம்பிக்கின்றோமே தவிர வேறு எவ்வித நோக்கமுமில்லை என்றார்கள். அப்படியாயின் நீங்கள் புதிய ஜும்ஆ நடத்துவது கூடாதென்றும், (ஹறாம்) என்றும் ஆண்டவனின் கஹ்ர் உண்டாகுமென்றும்  கூறினேன். மேலும், நான் உலமாக்கள் சபையைக் கூட்டி ஒரு தீர்மானம் செய்யும் வரை நீங்கள் புதிய ஜும்ஆவை நிறுத்தி வையுங்கள். உலமாக்கள் கூடி முடிவு செய்தபின் அந்த முடிவின்படி நடந்து கொள்ளுங்கள் என்றும் கூறினேன். அதற்கவர்கள், ஏற்கனவே உலமாக்களிடம் அனுமதி பெற்றிருப்பதாயும், தாங்களும் நடத்த முடிவு செய்துவிட்டதாயும், அதை நிறுத்துவதற்கில்லை என்றும் சொல்லி விட்டார்கள். நான் உடனே அவர்களை நோக்கி அல்லாஹ்வின் கஹ்ர் என்மீது தாவாமலிருப்பதற்காக நான் விஷயத்தை உங்களுக்கு அறிவித்துவிட்டேன். எனக்கு தவுலத்தும், ஸல்தனத்தும் இருக்குமேயாயின் நான் இந்த ரூபத்தில் வராமல் உங்களை அடக்கி வைக்கின்ற முறையில் வந்திருப்பேன். ஆனால் அத்தன்மை இல்லாமையால் நான் ஒரு ஆலிம் என்ற முறையில் உங்களிடம் வந்து ஹுக்மை அறிவித்துவிட்டேன். இப்பொழுது நமக்குள் என்ன சம்பாஷனைகள் நடைபெற்றதோ அதை மிகைப்படுத்தாமல் உள்ளதை உள்ளவாறு என் சொந்த செலவில் நோட்டீஸ் அடித்து வெளியிடுவேன் என்று கூறினேன். அதற்கவர்கள் உங்களுக்கு எதிர்ப்பு நோட்டீஸ் வந்தால் என்ன செய்வீர்கள் என்று கனம் பி.எஸ். அப்துல்காதர் நெய்னா அவர்கள் என்னிடம் வினவினார். அதற்கு நான் குதர்க்கவாதமாக இருந்தால் பதில் கொடுக்கமாட்டேன். நியாயமான முறையில் விளக்கம் கேட்டிருந்தால் பதில் கொடுப்பேன் என்று பதிலுரைத்ததுடன், என்னைப் பற்றி ஏதும் இழிவான பிரசுரங்கள் வெளிவந்தாலும் நான் அவைகளைப் பெருள்படுத்தப் போவதில்லை. ஏனெனில் காதியானி பிரச்சனை காலத்தில் என்னைப் பற்றி பல கேவலமான நோட்டீஸ்கள் வெளிவந்தும் என் உள்ளத்தை துளும்ப வைத்திடவில்லை. இதுபோன்ற விஷயங்களில் என் உள்ளம் துளும்பப் போவதுமில்லை என்றும் கூறியதும் எங்கள் சம்பாஷனை முடிவற்றது.

இப்படிக்கு,
மா.மு.க.முஹிய்யதீன் தம்பி.
 

குறிப்பு: புதுப்பள்ளி ஜும்ஆ துவக்கப்பட்ட சமயம் அதிகமான முஸ்லிம்களுக்கு ஜும்ஆ பிரார்த்தனை கிடைக்கச் செய்வதே இப்புதிய ஜும்ஆவின் முக்கிய நோக்கமென்று ஜனாப். P.S. அப்துல் காதிர் கூறினார் என்ற (ஏப்ரல் 5உ) அறிக்கை 'சுதேசமித்திரன்' தினசரி பத்திரிகையில் வெளிவந்துள்ளது.

பிஸ்மில்லாஹிர்ரஹ்மானிர்ரஹீம்.

காயல்பட்டணம்  ஜும்ஆ பத்வா

மொழி பெயர்ப்பு

வினா:-

     சங்கைக்குரிய ஷாபீயீ மதுஹபுடைய உலமாக்களே! உங்கள் மகிமை நித்தியமும் நிலைக்குமாக! இதனடியில் குறிப்பிட்டுள்ளபடி ஊரமைப்பும், நிலைமையும் கொண்டுள்ள காயல்பட்டணத்தில் ஒன்றுக்கு மேற்பட்ட ஜும்ஆ நடத்துவது பற்றி உங்களுடைய மேலான தீர்ப்பு என்ன?

காயல்பட்டணத்தின் அமைப்பும், நிலைமையும்

இவ்வூரின் நீளம் (கிழ, மேற்கு) சுமார் ஆயிரத்தெட்டு நூறு முளம், இங்கிலீஷ் மைல் கணக்கில் அரை மைல் இருக்கிறது. இவ்வூரின் மத்தியிலோ அல்லது எல்லையிலோ ஆறு நதி போன்ற தங்குதடை எதுவும் கிடையாது. ஊரின் நடுமத்தியில் பூர்வீகமான இரு ஜும்ஆ பள்ளிகள் உள்ளன. அவற்றில் ஒன்றுக்கு பெரிய பள்ளி எனவும், மற்றதற்கு சிறு பள்ளி எனவும் பெயர். இவ்வூர் வாசிகள் அத்தனைபேர்களும் ஷாபியாக்களே. இந்நிலைமையில் அவர்களனைவரும் ஒரு வாரம் பெரிய பள்ளியிலும், மற்றொரு வாரம் சிறு பள்ளியிலும் ஒருங்கே கூடி, இட நெருக்கடியோ, ஜனக்கசக்கமோ அல்லது கொலைபாதகமோ, வம்புத்தனமோ ஏதுமின்றி ஜும்ஆவை அனுஷ்டித்து வருகிறார்கள். இத்தன்மையாக ஏறக்குறைய எழுநூறு ஆண்டுகளாக எவ்வித எதிர்ப்போ, அமைதிப் பங்கமோ இன்றி நடைபெற்று வருகிறது. தற்போது இவ்வூர் எல்லையோரத்திலிருக்கும் ஒரு சிலர்- ஊர் ஜனங்களோடு அன்னியோன்னியமாக அண்டிப் பழகியம், நிர்ப்பயமாக கலந்துறவாடியும், சுப துக்க வைபவங்களில் பங்கு பெற்று கல்யாண வீடுகளிலும், துக்க வீடுகளிலும் ஒன்று கூடி அருந்தியும் சர்வசாதாரணமாக பரஸ்பரம் பழகி வரக்கூடிய அவர்கள்-தங்களுடைய மஹல்லாவில் ஒரு ஜும்ஆவை உண்டுபடுத்த வேண்டும் என்பதற்காக பிரிந்து- தங்களுடைய மஹல்லாவில் ஜும்ஆ நடைபெற்றால் தங்களுக்கு மிகச் சுலபமாயிருக்கும் எனவும், ஊர் மத்தியிலுள்ள ஜும்ஆப் பள்ளிக்குப் போவதென்றால் தங்களுக்கு பொடுபோக்கின் காரணத்தால் சுலபமாகப் போவதற்கு வாய்ப்புக் கிடைக்கவில்லை எனவும் காரணம் சொல்லிக் கொண்டு, தங்களுடைய மஹல்லாவில் புதிதாக ஓர் ஜும்ஆவை அவர்கள் சிருஷ்டித்துள்ளனர்.

மேலே கண்டபடியுள்ள நிலைமையில், இவ்வூரில் (காயல்பட்டணத்தில்) ஒன்றுக்கு மேற்பட்ட ஜும்ஆ நடத்துவது ஆகுமா? ஆகாதா?

இவ்வூர் எல்லையோரத்திலிருக்கும் அச் சிலர் தாங்கள் சொல்லிக் கொள்கிற(மேலே குறிப்பிட்ட) அக் காரணத்தை முன்னிட்டு, பூர்வீகமான அசல் ஜும்ஆவை விடுத்து, அவர்களுடைய மஹல்லாவில் மற்றொரு ஜும்ஆ நடத்த ஆகுமா? ஆகாதா?

ஒன்றுக்கு மேற்பட்ட ஜும்ஆக்களை நடத்துவதற்கு ஆகும் என்று அனுமதிக்கக் கூடிய காரணங்கள் எவை?

ஒன்றுக்கு மேற்பட்ட ஜும்ஆவின் நிலைவரம் எப்படி?

ஒன்றுக்கு மேற்பட்ட ஜும்ஆ நடத்தும் விஷயம் இமாம் (ஸுல்தான்) அல்லது அவருடைய பிரதிநிதியுடைய உத்தரவைப் பொறுத்து நிற்கிறதா? அல்லவா?

இவை பற்றி(மார்க்கத் தீர்ப்பு) விடைகளை அளிப்பீர்களாக. அல்லாஹுத்தஆலா உங்களுக்கு சிறந்த நற்கூலியைத் தருவானாக.

வினா விடுத்தவர்கள்:- காயல்பட்டணம் ஜும்ஆ பள்ளியில் ஜும்ஆ தொழுகைக்காக விஜயந் தந்திருந்த அனைவருமாவார்.

விடை:-

'அல்லாஹ்வே நேர்மைக்கு வழி காட்டி'

வினாவில் குறிப்பிடப்பட்டுள ஊரில் (காயல்பட்டணத்தில்) ஒன்றுக்கு மேற்பட்ட ஜும்ஆ நடத்துவது ஆகாது. ஏனெனில், ஷாபீயீ மதுஹபுடைய இமாம்கள் ஆகும் என்று அனுமதியளிக்கத் தகுந்த காரணங்கள் எதுவும் அதில் கிடையாது. 'தங்களுடைய மஹல்லாவில் ஜும்ஆ நடைபெற்றால் தங்களுக்கு மிகச் சுலபமாயிருக்குமெனவும், ஊர் மத்திபத்திலுள்ள ஜும்ஆப் பள்ளிக்கு போவதென்றால், பொடுபோக்கின் காரணத்தால் சுலபமாகப் போவதற்கு தங்களுக்கு வாய்ப்பு கிடைக்கவில்லை என்றும் காரணம் கூறிக் கொள்வதைப் போன்ற ஒரு காரணத்தை ஷாபீயீ மதுஹபுடைய இமாம்கள் யாரும் சொன்னதாக இல்லை. ஒரே தலத்தில் எல்லோரும் ஏகமாய் சேகரமாக முடியாமல் பரம சங்கடமாக இருந்தால்(ராஜ்ய அதிபர்) இமாமுடைய அல்லது அவரின் பிரதிநிதியுடைய அனுமதியின் மீது மறு ஜும்ஆ நடத்தலாம் என அவர்கள் அனுமதித்திருப்பதாக கிதாபுகளில் வரையப்பட்டுள்ளன.

ஆகவே, காயல்பட்டணத்தில் (அல்லாஹ், பொல்லாங்குகளை விட்டு அவ்வூரை பாதுகாப்பானாக) இரு ஜும்ஆக்கள் ஒன்று முந்தியும், மற்றது பிந்தியும் நடைபெறுமானால் முந்தியதே (ஸஹீஹ்) சரியான ஜும்ஆ, பிந்தியது (பாத்தில்) அபத்தம் என்றாகும். இரு ஜும்ஆக்கள் ஏக காலத்தில் நடைபெற்றாலும்- ஏக காலத்தில் நடைபெற்றதோ அல்லது முன்பின்னாக நடைபெற்றதோ என்ற சந்தேகம் ஏற்பட்டாலும் (வக்த) சந்தர்ப்பம் இருந்தால் ஜும்ஆவை திரும்ப ஆரம்பிக்க வேண்டும். இரண்டிலொரு ஜும்ஆ முந்தி நடைபெற்றதாகத் தெரிகிறது, ஆனால், அது எந்த ஜும்ஆ என்று தெளிவாகாமலிருந்தாலும்-அல்லது முந்திய ஜும்ஆ இன்னது எனத் தெளிவாகியே இருந்தது, பின்பு, அதுபற்றி மறதியாகிவிட்டாலும் லுஹரையே தொழ வேண்டும்.

'முஹத்தபு' கிரந்தத்தில் கூறப்பட்டுள்ளவை.

'ஏராளமான பள்ளிவாசல்கள் இருக்கக் கூடிய எவ்வளவு பெரிய ஊராயிருப்பினுங் கூட ஒரேயொரு மஸ்ஜிதிலேயே அன்றி ஜும்ஆ நடத்தப்படமாட்டாது' என்று இமாம் ஷாபீயீ ரலியல்லாஹு அன்ஹு கூறி இருக்கிறார்கள்.

ரஸூலுல்லாஹி ஸல்லல்லாஹு அலைஹி வ ஸல்லம் அவர்களோ, அவர்களுக்குப் பின்புள்ள கலீபாக்களோ ஓரில் ஒரு இடத்திற்கதிகமாக ஜும்ஆ நடத்தவில்லை என்பதே இத்தீர்ப்புக்கு மூல அத்தாட்சியாகும். ஆனால், நமது (மதுஹபு) தோழர்கள் பக்தாதின் விஷயத்தில் அபிப்பிராய வேற்றுமை பூண்டுள்ளனர்.

'அது (பக்தாது) மிகப் பெரிய பட்டணம். அங்குள்ளவர்கள் அத்தனை பேரும் ஒரே இடத்தில் சேகரமாவதென்றால் பரம சங்கடமாக இருக்கும். ஆகையால், அங்கு பல இடங்களில் ஆகும்' என்று அபுல் அப்பாஸ் ரலியல்லாஹு அன்ஹு உரைத்துள்ளர்கள்.

'அது (பக்தாது) இரண்டு பெரிய பட்டணத்தைப் போல காட்சியளிக்கிறது. அதன் ஒவ்வொரு பகுதியிலும் ஒரு ஜும்ஆ நடத்துவதற்கு ஆகும். அதற்குமேல் கூடாது.' என்று அபுத்தீபு இப்னு ஸலமா ரலியல்லாஹு அன்ஹு உரைத்துள்ளார்கள்.

'அது (பக்தாது) முன்னர் துண்டு துண்டாகப் பிரிந்துபோன கிராமங்களாக இருந்தது. அதன் ஒவ்வொரு பகுதியிலும்(முன்பு) ஜும்ஆ நடைபெற்று வந்திருக்கிறது. பின்பு, குடியேற்றம் உண்டாகி(பிரிந்திருந்த) அவை ஒட்டிச் சேர்ந்து விட்டன. ஆகவே, பூர்வீகத் தன்மையை அனுசரித்து அதன் தீர்ப்பு (ஹுக்மு) தரிபட்டுள்ளது' என்று இமாம்களில் சிலர் கூறி இருக்கிறார்கள்.  (முஹத்தபு முடிவு)

இமாம் நவவீ ரலியல்லாஹு அன்ஹு அவர்களின் ஷாஹுல் முஹத்தபில்.

'ஒரு ஊரில் இரண்டு அல்லது பல ஜும்ஆக்கள் நடத்துவது பற்றி மதுஹபுடைய உலமாக்கின் அபிப்ராயங்கள்' என்ற பகுதியில் காணப்படுவது:-

ஒரு ஊரில், அங்குள்ள ஜனங்கள் ஒருங்கே சேகரமாவதற்கு (இட நெருக்கடி, ஜன நெருக்கம் போன்ற) சங்கடம் இல்லாதிருக்கின்ற நிலைமையில், இரு ஜும்ஆக்களை நடத்துவதற்கு ஆகாது என்பதே முன் கூறிய பிரகாரம் நமது (ஷாபீயீ) மதுஹபுடைய தீர்ப்பாகும். இபுனு உமர் ரலியல்லாஹு அன்ஹு அவர்களும், இமாம் மாலிக் ரலியல்லாஹு அன்ஹு அவர்களும், இமாம் அபுஹனீபா ரலியல்லாஹு அன்ஹு அவர்களும் இத்தன்மையில் சொல்லியிருப்பதாக இப்னு முன்திர் ரலியல்லாஹு அன்ஹு எடுத்தியம்பியுள்ளார்கள்.

'அவ்வாறு (இரு ஜும்ஆ) நடத்துவது பக்தாதில் மாத்திரமே ஆகும், மற்ற இடத்தில் ஆகாது' என்று அபூ யூஸுப் ரலியல்லாஹு அன்ஹு அவர்கள் உரைத்துள்ளார்கள். 'ஒரு ஊர் இரு பகுதிகளாக இருக்குமேயானால் ஒவ்வொரு பகுதியிலும் ஜும்ஆ நடத்துவதற்கு ஆகும். அவ்வாறு இல்லாவிடில் ஆகாது' என்று அபூயூஸுப் ரலியல்லாஹு அன்ஹு அவர்கள் கூறி இருப்பதாக பிரசித்தமாகியுள்ளது.

'இரு பகுதி இருப்பினும் சரி-இல்லாவிட்டாலும் சரி, இரு ஜும்ஆ நடத்த ஆகும்' என்று முஹம்மது இபுனுல் ஹஜன் ரலியல்லாஹு அன்ஹு அவர்கள் கூறி இருக்கிறார்கள்.

'ஒரு நகரத்தில் பல ஜும்ஆக்கள் நடத்துவது ஆகும்' என்று அதாஃவும், தாவூதும் (ரலியல்லாஹு அன்ஹு) உரைத்துள்ளார்கள்.

'பக்தாது, பஸரா போன்ற மிகப் பெரிய பட்டணஹ்களில் ஒன்றுக்கு மேற்பட்ட ஜும்ஆ தேவை என்ற அவசியம் ஏற்படுமாயின் இரண்டோ அல்லது அதற்கதிகமானதோ நடத்துவதற்கு ஆகும். அத்தகைய அவசியம் இல்லாவிடில் ஒரேயொரு ஜும்ஆவுக்கு மேல் நடத்துவது ஆகாது' என்று இமாம் அஹ்மது ரலியல்லாஹு அன்ஹு சொல்லியுள்ளார்கள்.

'இப் பிரச்சனை பற்றி இமாம் அபூஹனீபா ரலியல்லாஹு அன்ஹு சொன்ன எதுவும் சரியாகக் கிடைக்கவில்லை' என்று அப்தரீ ரலியல்லாஹு அன்ஹு கூறியுள்ளார்கள்.

'இபுனு ஜுரைர் ரலியல்லாஹு அன்ஹு முதலியவர்களைப் போன்ற, அபிப்பிராய பேத வகை(கிலாபு மஸ்அலாக்)களை எடுத்துரைப்பவர்கள் அனைவரும் இவ்விஷயத்தில் அபூஹனீபா ரலியல்லாஹு அன்ஹு உடைய அபிப்பிராயம், நமது(ஷாபீயீ மதுஹபுடைய) அபிப்பிராயம் போன்றுள்ளது என்றும், இமாம் ஸாஜீ ரலியல்லாஹு அன்ஹு அவர்கள் (அபூஹனீபா உடைய அபிப்பிராயம்) முஹம்மது(இபுனுல் ஹஸன்) ரலியல்லாஹு அன்ஹு உடைய அபிப்பிராயம் போன்றுள்ளது என்றும் கூறியிருப்பதாக ஷைகு அபூஹமிது ரலியல்லாஹு அன்ஹு எடுத்துரைத்துள்ளார்கள்.

நாம் ஊன்றுதல் பிடிக்க வேண்டிய அத்தாட்சியாதெனில், இக் கிரந்த (முஹத்தப்) ஆசிரியரும், அவருடைய அருமைத் தோழர்களும் எடுத்துரைத்துள்ள விஷயமேயாகும். அஃது யாதெனில், நபி நாயகம் ஸல்லல்லாஹு அலைஹி வ ஸல்லம் அவர்களும் அவர்களுpடைய பிரதிநிதிகளான குலபாயே ராஷிதீன்களும், அவர்களுக்குப் பின்பு வந்த ஸஹாபாக்களும், அவர்களுக்குப் பின்பு வந்தவர்களும்(தாபியீன்களும்), ஒரு ஊரில் ஒன்றுக்கு மேற்பட்ட இடத்தில் ஜும்ஆவை நடத்தவே இல்லை. ஆனால், அவர்களோ திறந்த வெளியிலும், சிறு பட்டணத்திலும் ஈத்(பெருநாள்) தொழுகையை (பல இடங்களில்) நடத்தி இருக்கிறார்கள் என்பதே.  – (ஷரஹுல் முஹத்தப் முடிவு)

இக்னாஃ என்ற நூலுக்கு அல்லாமா புஜைரமீ ரலியல்லாஹு அன்ஹு எழுதிய ஹாஷியாவில் காணப்படுவது

ஒரே இடத்தில் சேகரமாக முடியாத் தன்மையிலுள்ள கஷ்டம் என்பது பெருங் கூட்டத்தினாலுமுண்டாகும். அல்லது கொலை பாதகமோ-அல்லது உபாப் என்ற நூலிலும், அதன் விரிவுரையிலும் குறிப்பிடப்பட்டுள்ள நிபந்தனைகளுக்கிணங்க ஊர் எல்லையைச் சார்ந்திருப்பவருக்கு அவ்வூரில் (பாங்கு சொல்லும்) சப்தம் எட்டமுடியாத நிலைமையில் நெடுந்தொலை தூரமோ இருப்பினும்(சேகரமாக முடியாத் தன்மையிலுள்ள) கஷ்டம் என்பது உண்டாகும் என 'அன்வார்' என்ற கிரந்தத்தில் சொல்லப்பட்டுள்ளது.

உஜ்ஹூரி ரலியல்லாஹு அன்ஹு உடைய விளக்கவுரை

ஊர்வாசிகளிடையே கொலைபாதகம் ஏற்பட்டுவிடுமாயின், நாற்பதுபேர் வரையிலுள்ள ஒவ்வொரு கோஷ்டிக்கும் ஜும்ஆ கடமையாகும். ஊரின் எல்லைகள் பெருந்தூரமாக இருக்குமேயானால், அத்தகைய தொலைவில் வசிப்பவன் ஊரிலிருந்து பாங்கு சொல்லப்படும் தொனியை கேட்க முடியாதபடியும், அவன் ஸுப்ஹுத் தொழுகையை நிறைவேற்றிய பின்பு தனது ஸ்தலத்திலிருந்து புறப்பட்டுச் சென்றால் ஊருக்கு வந்து ஜும்ஆவை பெற்றுக் கொள்ள முடியாதபடியும் உள்ள தொலை தூரமாக இருநதால்(இந்த ஜும்ஆவுக்கு வரவேண்டியதில்லை)- அவன் ஸுப்ஹுக்கு முன்பே அந்த ஸ்தலத்திலிருந்து புறப்பட வேண்டுமென்பதில்லை. ஏனெனில், ஸுப்ஹுக்குப் பின்புதான் ஜும்ஆ விதியாகிறது-அப்போது(அவனிருக்கக் கூடிய)அத்தொலைப் பிரதேசத்தில் நாற்பது பேர்கள் சேர்வார்களாயின் அவர்கள் அங்கு ஜும்ஆ தொழுவார்கள். இன்றேல் லுஹரைத் தொழுவார்கள். ஊருக்குள்ளாக இருந்துக் கொண்டிருப்பவன் விஷயத்தில் பாங்கு சப்தத்தைக் கேட்க முடிகிறதா என்ற நிபந்தனை கிடையாது. ஆனால், அந்நிபந்தனை ஊருக்கு வெளிப்புறமாக உள்ளவன் விஷயத்தில்தான் என்பது ஏற்கனவே சொல்லப்பட்டிருக்கிறது. –(புஜைரமீ ரலியல்லாஹு அன்ஹு ஹாஷியா முடிவு.)

தஹ்ரீர் எனும் நூலுக்கு ஷைகு ஷர்கவீ ரலியல்லாஹு அன்ஹு உடைய ஹாஷியாவில் உள்ள விளக்கம்.

ஜனங்கள் ஒருங்கே சேகரமாக முடியாத கஷ்டம் ஏற்பட்டாலேயொழிய எனபதைப் பற்றி விளக்குவதைத் தொடர்ந்து கூறப்படுவது:- ஏராளமான ஜனங்கள் பெரும் நெருக்கடியாகக் கூடுவதாலோ அல்லது அவர்கள் மத்தியில் ஹராம், ஸஃது என்ற கோஷ்டிகளுக்கு மத்தியில் ஏற்பட்டது போன்ற கொலைபாதகத் தன்மை உண்டாகியிருந்தாலோ அல்லது ஊர் எல்லையிலிருந்து பாங்கு சப்தம் அதற்குரிய நிபந்தனைகளுக்கிணங்க எட்டாத அளவுக்கு நெடுந்தொலைதூரம் இருந்தாலோ ஒரே இடத்தில் ஒருங்கே சேகரமாக முடியாத கஷ்டம் என்பதாகும்.  (ஷைகு ஷர்காவீ  உடைய ஹாஷியா முடிவு)

பாபள்லு ரலியல்லாஹு அன்ஹு உடைய ஷாஹுக்கு, குர்தீ ரலியல்லாஹு அன்ஹு எழுதிய ஹாஷியாவில் உள்ளது:-

(பிரஸ்தாப) கஷ்டம் என்பதற்குச் சரியான விளக்கக் கட்டுப்படு யாதெனில், துஹ்பாவில் கூறப்பட்ட பிரகாரம், வழக்கத்தில் தாங்கிக் கொள்ள முடியாத அவ்வளவு சங்கடமான கஷ்டம் என்பதே. (ஹாஷியா குர்தீ முடிவு)

ஷைகு இபுனு ஹஜர் இமாம் ரலியல்லாஹு அன்ஹு அவர்களுடைய பதாவா குப்ராவில் காணப்படுவது:-

கீழ்க்கண்ட விஸயங்களை இபுனு ஹஜர் இமாம் ரலியல்லாஹு அன்ஹு அவர்களிடம் வினவப்பட்டது:-

ஒரு ஊரில் புராதனமான இரு ஜும்ஆப் பள்ளிகள் உள்ளன. அவற்றிலொன்று மிகப் புரதனமானதாகவும், ரொம்ப சின்னதாகவும் உள்ளது. ஸுல்தானோ அல்லது அவரது பிரதிநிதியோ அங்கு ஒன்றுக்கு மேற்பட்ட ஜும்ஆ நடத்தக் கூடாதென்று அவ்வூர்வாசிகளுக்கு கட்டளையிட்டார். ஆனால், அவர்கள் அந்த உத்தரவுக்கு மாறாக நடந்தனர். (ஒன்றுக்கு மேற்பட்ட ஜும்ஆ நடத்தினர்) ஒன்றுக்கு மேற்பட்ட ஜும்ஆ நடத்துவது ஆகுமான காரியமே என்று (தங்களின் மதுஹபுப் பிரகாரம்) நிர்ணயங் கொண்டவர்கள் அவர்களிடையே இருந்திருப்பினுங்கூட, அவர்களுடைய அத்தொழுகை நிறைவேறுமா? அவர்கள் இமாமுக்கோ(ஸுல்தனுக்கோ) அல்லது அவருடைய பிரதிநிதிக்கோ கட்டுப்படாமல் மாற்றமாக நடந்தார்கள் என்பதற்காக, தொழுகையை விட்ட குற்றம் என்று அவர்களை சிரச்சேதம் செய்வதற்கும், அவர்களது பொருட்களை கைப்பற்றுவதற்கும் கூடுமா? அதனால் அவர்கள் கெட்ட பாபிகளாகி விடுவார்களா? அவர்களின் சாட்சியத்திற்கு மதிப்பே இல்லாமலாகிவிடுமா? மேலே குறிப்பிட்ட இரு ஜும்ஆ மஸ்ஜிதுகளில் ஒன்றிலுள்ள இமாம், ஹம்பலி மதுஹபைத் தொடர்ந்திருந்தவர், நான் இமாம் அஹ்மது உடைய (ஹம்பலி) மதுஹபை றெம்பவும் அருவறுப்பாகக் காண்கிறேன். ஆகவே அதை வெறுத்து கை கழுவிவிட்டேன் என்று கூறி, பின்பு மாலிகு மதுஹபில் மாறிக் கொண்டார். இத்தகைய செயலினால் அவர் மாலிக்கு மதுஹபைப் பின்பற்றியவராகி விடுவாரா? உலகப்பயனைக் கருதி அவர் மதுஹபு மாறி இருந்தால் அது கூடுமா? அவருடைய இமாமத்து(தொழுகை)கூடுமா?

தங்களிடம் வினவப்பட்ட மேற்கணட வினாக்களுக்கு இமாம் இபுனுஹஜர் ரஹ்மத்துல்லாஹி அலைஹி  நன்கு துலாம்பரப்படுத்தி ஆணித்தரமாக பதிலுரைத்தார்கள். அவை வருமாறு:-

ஒன்றுக்கு றே;பட்ட ஜும்ஆ நடத்துவது ஆகாது என்பதே இமாம் ஷாபீயீ ரலியல்லாஹு அன்ஹு அவர்களுடையவும், மற்றும் பரவான்களான உலமாக்களில் பெரும்பாலருடையவும் தீர்ப்பாகும். ஆனால் ஒருங்கே அனைவரும் சேகரமாவதற்குப் போதிய விசாலமான இடம் இவ்வூரில் இல்லாதபடியால், மற்றொன்று தேவை என்ற தவிர்க்க முடியாத அவசியம் ஏற்பட்டால் மாத்திரம் அவசியத்திற்குத் தக்கபடி ஒன்றுக்கு மேல் நடத்துவது ஆகும். மேலும், ஜும்ஆ தொழுவதற்கு மஸ்ஜிதுதான் வேண்டும் என்ற நிபந்தனை கிடையாது. மஸ்ஜிது அல்லாத ஓரிடம் ஊர் ஜனங்கள் அத்தனை பேரும் ஒருங்கே சேகரமாகித் தொழ விசாலமுடையதாக இருப்பின், ஜும்ஆவை அங்கே நடத்துவது கடமையாகிவிடும்.

அத்தியாவசியத் தேவையில்லாதவண்ணம், ஒன்றுக்கு மேற்பட்ட ஜும்ஆ நடக்குமேயானால், அவற்றில் முந்தியதுதான் சரியான ஜும்ஆவாகும். முந்தியது என்பது இஹ்ராமுடைய தக்பீர் கட்டுவதில் எது முந்துகிறதோ அதுவே என்பது கவனிக்கப்பட வேண்டும்.

இமாமோ(ஸுல்தானோ) அல்லது அவருடைய பிரதிநிதியோ பாபமற்ற காரியத்தை ஏவுவார்களேயானால் அதற்குக் கட்டுப்பட்டு நடத்தல் கட்டாயக் கடமையாகும். அதற்கு மாற்றமாக நடப்பவனுக்கு கடும் தண்டனை கொடுக்க வேண்டும். அவனுக்குக் கிடைக்கும் அத் தண்டனையைக் கண்டு அவனைப் போன்ற மற்ற ஆசாமிகள் பயந்து நடுங்கும் அளவுக்கு அது கடுமையானதாக இருத்தல் வேண்டும்.

மார்க்கச் சட்டதிட்ட அடிப்படைகளின் ஞானம் பெறாத சாதாரணப் பேர்வழிக்கு, அவன் விருப்பம் போல ஷாபியீ மதுஹபையோ, மாலிகு மதுஹபையோ அல்லது வேறெந்த மதுஹபையோ பின்தொடருவது ஆகும்தான். ஆனால், அவ்வாறு தொடருவது இபாதத்தில் இலேசைக் கருதியோ அல்லது எந்த மதுஹபுடைய இமாமை அவன் பின்பற்றி இருக்கிறானோ அந்த இமாம் சொல்லி இராதவற்றையும் கையாண்டு இரண்டுங் கெட்டான் நிலைமையில் ஆகியோ இருந்தால் அது கூடாது.

ஆகவே, மேலே விளக்கிய சட்டதிட்டங்களின் மூலம் கீழ்கண்ட உண்மைகள் நிதரிசனமாகின்றன.

ஷாபீயீ இமாம் ரலியல்லாஹு அன்ஹு அவர்களைப் பின்பற்றிய ஊர்வாசிகள், தங்கள் ஊரில் எவ்விடத்தில் இடம்பாடுள்ளதோ அங்கு அனைவரும் ஒன்றுகூடி அந்த ஒரே இடத்தில்தான் ஜும்ஆத் தொழுகையை நிறைவேற்ற வேண்டியது வாஜிபான கடமையாகும். இதற்கு மாற்றமாக அவர்கள் நடந்து (பஸாது) அபத்தத் தொழுகையை தொழ முற்படுவார்கNளுயானால், அவர்கள் குற்றவாளிகளாகவும், கெட்ட பாபிகளாகவும் ஆகிவிடுகிறார்கள். மேலும், அவர்களது சாட்சியங்கள் ஏற்றுக் கொள்ளப்படமாட்டா. அவர்களுக்கு(ஸுல்தான்) இமாம் மிகமிகக் கடுமையான சிட்சைகளைக் கொண்டு தண்டனை கொடுப்பார்.  பின்னால் சொல்லப்படுகிற நிலைமை உண்டானாலொழிய, இதற்காக அவர்களைச் சிரச்சேதம் செய்வதற்கு இடமில்லை. அதாவது, அவர்கள் ஜும்ஆ தொழுவதை விட்டிருக்கும் தன்மையில்-அதற்கு பதிலாக நாங்கள் லுஹரைத் தொழுது கொள்வோம் என்று சொன்னாலும் சரியே!-ஜும்அவைNயு தொழும்படியாக அவர்களுக்கு இமாம்(ஸுல்தான்0 கட்டளையிடுவார். அவருடைய கட்டளையை அவர்கள் மீறி மாற்றமாக நடந்தால், தொழுகையை விட்டவனை (தாரிகுஸ்ஸலாத்தை) கொல்லப்படுவது போல, அந்நிபந்தனையின்படி அவர்களை சொல்லப்படும். ஜும்ஆவையோ அல்லது மற்ற பருளான எந்தத் தொழுகையையோ விட்டு சும்மாயிருப்பது ஆகும் என்று அவர்கள் கூற முற்பட்டாலொழிய அவர்களது சொத்துக்களகை; கைப்பற்றப்படமாட்டாது. ஏனெனில், அவ்வாறு அவர்கள் கூறிவிட்டால் மார்க்கத்தை விட்டு மாறிய முர்த்தத்துகாகி விடுவார்கள். அதனால், அவர்களை சிரசாக்கினையும் செய்யப்பட்டு அவர்களது சொத்துக்களை பொதுநிதி(பைத்துல்மால்)யில் சேர்க்கப்பட வேண்டியதாகிவிடும். மேலே கூறப்பட்ட அத்தகைய காரணங்களுண்டாகாமல் அவர்களை சிரசாக்கினை செய்வதும், பொருளைக் கைப்பற்றுவதும் கூடாது. ஆனால்,(ராஜ்ய அதிபர்) இமாமுக்கோ அவரது பிரதிநிதிக்கோ கட்டுப்படாது. மாற்றமாக நடப்பார்களாயின் அரசாக்கினையை மீறிய தோஷிகள் என்ற குற்றச்சாட்டின் நிபந்தனைப்படி கொல்லப்படுவார்கள்.

(பள்ளிவாசலின்) இமாம் மாலிக்கு மதுஹபைச் சார்ந்திருக்கிறாரா அல்லது மற்ற மதுஹபைச் சார்ந்திருக்கிறாரா என்பதைக் கவனிக்க வேண்டியது பிரதானமில்லை. ஆனால், ஒரு ஊரில் பல ஜும்ஆக்கள் நடத்த ஆகும் என்று அனுமதிக்கும் மதுஹபுடையவர்கள் அவ்வாறு நடத்தும்போது அவ்வூரிலள்ள ஷாபீயீ மதுஹபைச் சார்ந்தவர்கள் மீது கடமையாதெனில், அந்த(பல) ஜும்ஆக்களில் எது முந்தி நடக்கிறதோ அதில் சேர்ந்து தொழுவதே!

(ஒன்றுக்கு மேற்பட்ட ஜும்ஆக்கள் நடக்கும்போது) 1)அவற்றில் முற்தியது எது என அறியப்படாவிடினும், 2)அல்லது யாவும் முன்பின்னின்றி ஒன்றுபோல நடைபெற்றதாக அறியப்படினும், 3) அல்லது அவற்றில் ஏதோ ஒன்று முந்திவிட்டதாக விளங்கி, ஆனால் அது எது எனத் தெரியாவிடினும் 4) அல்லது அவ்வாறு முந்தியது  எது என்று தெரிந்திருந்து, ஆனால் பின்பு அது பற்றி குறிப்பு மறதியாகிவிடினும் 5) அல்லது அவை முன், பினனாக நடைபெற்றது பற்றியோ சந்தேகம் ஏற்படினும் (மேலே சொல்லி வந்த நிலைமைகளில்) மூன்றாவது, நான்காவது நிலைமைகளைத் தவிர மற்ற நிலைமைகளில், அவர்கள் மீது இரண்டாவது தடவையாக ஜும்ஆ நடத்த வேண்டியது கடமையாகி விடுகிறது. ஏனென்றால், அவர்களுக்கு ஜும்ஆ சரியாக நிறைவேறவில்லை. பிரஸ்தாப மூன்றாவது, நான்காவது நிலைமைகளில் அவர்கள் லுஹரைத்தான் தொழ வேண்டும்.

ஒரு மதுஹபை (தக்லீது) தொடர்ந்திருப்பதாகச் சொல்லிக் கொள்வது பிரதானமில்லை. ஆனால், பின்பற்ற ஆகுமான இமாமுடைய மதுஹபைத் தொடர்ந்திருப்பது என்பது அந்த மதுஹபின் படி ஒழுகி அமல் செய்வது என்பதே லட்சியமாக இருத்தல் வேண்டும். அத்துடன் முன்னர் குறிப்பிட்ட நிபந்தனைகளையும் ஏற்று பூண்டிருத்தல் வேண்டும்.

மேலே பிரஸ்தாபிக்கப்பட்ட நபர், முன்பு ஹம்பலி மதுஹபிலிருந்து வந்தவர், (மாலிகு மதுஹபில் மாறியபோது) கூறிய வார்த்தைகள் ஹம்பலி மதுஹபை இழிவுபடுத்த வேண்டும் என்பதாகவோ, அல்லது அதன் இமாம் அஹ்மது ரலியல்லாஹு அன்ஹீ அவர்களின் கௌரவத்தை குறைக்க வேண்டும் என்பதாகவோ உள்ள நோக்கத்துடனிருக்க்குமானால், அந்த நபருக்கு புத்தி வருத்தக்கூடிய முறையில் கடுமையான நடவடிக்கை எடுக்கப்பட வேண்டும். உலகப் பயனைக் கருதி, அந்நபர் தானிருந்து வந்த மதுஹபை விட்டு மற்ற மதுஹபுக்கு மாறுவது என்பது கூடாது. இதற்காகவும் அவருக்குத் தகுந்த தண்டனை சிட்சை கொடுக்கப்பட வேண்டும். உலகப் பயனைக் கருதி நான் மதுஹபு மாறவில்லை என்று, கத்தியம் பண்ணாமல், அவர் சொன்னாலும் அதை ஏற்றுக் கொள்ள வேண்டியதே. முஜ்தஹிதான ஒரு(மதுஹபுடைய) இமாமை அவர் பின்தொடர்ந்திருப்பது சரி என்று நிரூபணமானால், அவருக்குப் பின்னால் நின்று தொழும் மஃமூடைய கொள்கையின்படி, தொழுகையை (பாத்தில்) அபத்தமாக்கக் கூடிய செயல் எதையும் அவர் செய்யாதிருக்கும் கொலமெல்லாம் அவருக்குப் பின்னின்று தொழுவது கூடும்.

(ராஜ்ய அதிபர்) இமாமோ அல்லது அவரது பிரதிநிதியோ ஒரு ஊரில் ஒன்றுக்கு மேற்பட்ட ஜும்ஆ நடத்தக் கூடாது என் உத்தரவு பிறப்பிக்கும்போது அவ்வூர்வாசிகள் அனைவருக்கும் அவ்வுத்தரவுக்க கட்டுப்பட்டு நடக்க வேண்டியது கடமையாகிவிடுகிறது. அவர்கள் யாவருமோ, அல்லது ஒரு சிலரோ –ஒன்றுக்கு மேற்பட்ட ஜும்ஆ நடத்த ஆகும் என்று அனுமதியளிக்கிற இமாமுடைய மதுஹபைப் பின்பற்றியவர்களாக இருப்பினும் சரியே. அதற்கு மாற்றமாக அவர்கள் நடப்பார்களேயானால் அவர்களை அவர் (ராஜ்ய அதிபரான இமாம்) தண்டிப்பார். மேலும், அவர்கள் பாபிகளாகவும் ஆகிறார்கள். முன் சொல்லப்பட்டபடி அவர்களது சாட்சியத்தை ஏற்றுக் கொள்ளப்படவு மாட்டாது. முன்னர் குறிப்பிடப்பட்ட நிபந்தனைக் கராணங்கள் இருந்தாலன்றி அவர்களது சொத்துக்கள் கைப்பற்றப்படவும், அவர்களுக்கு சிரசாக்கினைத் தண்டனை கொடுக்கப்படவும் மாட்டா.மதுஹபுடைய இமாம்கள் (முஜ்மஉ) ஏகோபித்த அபிப்பிராயமுடனோ அல்லது (கிலாபு) மாற்றபிப்பிராயமுடனோ சொல்லி இருக்கக் கூடிய வாஜிபுகளுக்கு முரண்பாடாக நடப்பதன் மூலம் மாத்திரம் குப்ரு உண்டாகி விடமென்பதும், அல்லது அவனுடைய மனைவழயை விலக்கி வைக்க வேண்டுமென்பதும் நிடையாது. ஆனால், தீனுல் இஸ்லாமில், இமாம்களெல்லாம் ஏகோபித்துச் சொல்லியுள்ள சர்வசாதாரணமாக யாருக்கும் தெரிந்திருக்கக் கூடிய ஸினா(விபச்சாரம்) போன்ற ஒரு ஹராமான காரியத்தை ஹலாலான காரியம் என்று சொன்னாலும் அதன் மூலம் குப்ரும், ரித்தத்தும் உண்டாகிவிடும். அவ்வாறு சொன்னவனுக்கு அவனுடைய மனைவியோடும், வெள்ளாட்டியோடும் புணர்ச்சி செய்வது ஹராமாக்கப்பட்டு விடும். இமாம் (ராஜ்ய அதிபர்) அவனை தௌபாச் செய்யுமாறு கட்டளையிடுவார். அதன்படி அவன் தௌபாச் செய்து மீண்டால் சரி, இல்லாவிடில் அவனுடைய கழுத்தை துண்டிக்கப்படும். (பதாவா குப்ரா: முடிவு)

'கல்யூபீ' கிரந்தத்தில் சொல்லப்பட்டுள்ளது:-

வழக்கத்தில் தாங்க முடியாத அவ்வளவு கஷ்டத்தை உண்டாக்கும் வண்ணமாக ஊரின் இரு கோடிகளுக்கிடையே நெடுந் தொலைதூரம் அமைந்திருப்பதுவும், ஒன்றுக்கு மேற்பட்ட(ஜும்ஆவை) நடத்துவதற்கு ஆகும் என்று அனுமதிக்கக் கூடிய காரணங்களைச் சார்ந்தது. ஏனெனில், அவ்வாறு தொலைதூரத்திலுள்ள வீட்டுக்காரன்(ஊருக்குள் நடக்கும் ஜும்ஆவுக்கு) நஷ்டமெடுத்து வரத்தான் வேண்டுமென்ற கட்டாய விதியை நீக்கிவிடுகிறது. மேலும், ஊரின் இரு பகுதிக்காரர்களிடையே வம்பு வழக்கும், கடும்பகையும் உண்டாகி இருத்தலும் அவ்வாறு அனுமதிக்கக் கூடிய காரணங்களைச் சார்ந்ததே. முதலில் குறிப்பிட்ட தொலைதூரத்தாலுள்ள) கஷ்டம் இல்லாதிருப்பினும் சரியே. இதன்பிரகாரம் அவ்விரு பகுதியுடைய மொத்த(ஜன) எண்ணிக்கையோ அல்லது ஒவ்வொரு பகுதியுடைய எண்ணிக்கையோ நாற்பதுக்குக் குறைவாக இருந்தால் அவர்களில் எவருக்கும் ஜும்ஆ வாஜிபாக மாட்டாது. (கல்யூபி-முடிவு)

அல்லாமா முப்தீ முஹம்மது தமீம் மத்ராஸு(ரஹ்மத்துல்லாஹி அலைஹி) அவர்களின் ஸுப்ததுல் பயான் பி ஷாஹி உம்ததிஸ்ஸிப்யான் என்ற கிதாபில் காணப்படுவது:-

'சில தாலிபுல் இல்முகள் ஊரில் வழமையில் தாங்கக் கூடிய பொல்லாப்பினாலும் ஜும்ஆ எண்ணிக்கையை கொண்டு வருவது ஆகும் என்று சொல்வது சுத்தப்பிசகாக இருக்கும்'. கற்றுக்குட்டிகளான அந்த (தாலிபுல் இல்மு) மாணவர்கள் அல்லாமா கல்யூபி சொன்னதையும் அத்தாட்சிக்கு எடுத்துக்காட்டுவது, அல்லாமா கல்யூபியுடைய கருத்துக்கு மாற்றமானதை விளங்கிக் கொள்வதன்பேரில் உருவாக்கப்பட்டுள்ளது. கல்யூபீயினுடைய வார்த்தையாவது:- ஊரின் இரு பகுதிக்காரர்களிடையே வம்புவழக்கும், பொல்லாப்பும் உண்டாகி இருத்தலும் அவ்வாறு அனுமதிக்கக்கூடிய காரணங்களைச் சார்ந்ததே. கஷ்டம் இல்லாதிருப்பினும் சரியே' என்பதாகும். அவர்களுடைய அக்கருத்து, கல்யூபி இமாமுடைய கருத்துக்கு மாறுபட்டதாக உள்ளது. கல்யூபி இமாம் உடைய வாக்கியங்களை ஆதியாரம்பமாக எழுதி, முழு விபரத்தையும் தெளிவுபடச் சொல்லி கருத்து யாது என்பதை நிதரிசனப்படுத்துவோம்.

கல்யூபி இமாமின் வார்த்தைகள் வருமாறு:- 'வழக்கத்தில் தாங்க முடியாத அவ்வளவு கஷ்டத்தை உண்டாக்கும் வண்ணமாக ஊரின் இரு கோடிகளுக்கிடையே நெடுந்தொலை தூரம் அமைந்திருப்பதுவுமும் ஒன்றுக்கு மேற்பட்டதை நடத்துவதற்கு ஆகும் என்று அனுமதிக்கக் கூடிய காரணங்களைச் சார்ந்தது. ஏனெனில், அவ்வாறு தொலைதூரத்திலுள்ள வீட்டுக்காரன் கஷ்டமெடுத்து வரத்தான் வேண்டுமென்ற கட்டாய விதியை அது நீக்கி விடுகிறது. மேலும், ஊரின் இரு பகுதிக்காரர்களிடையே வம்புவழக்கும், பொல்லாப்பும் உண்டாகி இருத்தலும் அவ்வாறு அனுமதிக்கக்கூடிய காரணங்களைச் சார்ந்தது. கஷ்டம் இல்லாதிருப்பினும் சரியே'.

அவ்வார்த்தையின் பிந்திய பகுதிக்கு விளக்கமாவது:- ஊரின் இருபகுதிக்காரர்களிடையே, வழக்கத்தில் தாங்க முடியாத அளவுக்கு வம்பு வழக்கும், பொல்லாப்பும் உண்டாகி இருத்தலும் அவ்வாறு அனுமதியளிக்கக் கூடிய-அதாவது-ஒன்றுக்கு மேற்பட்ட ஜும்ஆவை (எண்ணிக்கையை)அனுமதியிக்கக் கூடிய-காரணங்களைச் சார்ந்ததே என்பதாகும். அவ்வார்த்தையின் முந்திய பகுதியில் குறிப்பிட்ட அதாவது-ஊரின் இருகோடிகளுக்கிடையே தொலைதூரக் சஷ்டம் வழக்கத்தில் தாங்க முடியாததாக இருக்க வேண்டும் என்கிற-நிபந்தனை பிந்திய பகுதியில் கிடையாது. ஆகவேதான் பிற்பகுதியில் கஷ்டம் இல்லாதிருப்பினும் சரியே என்று அந்நிபந்தனையில்லாமல் குறிப்பிடப்பட்டுள்ளது. இதுதான் அவ்வார்த்தையின் கருத்தாகும்.

(ஊர் வம்பு வழக்காலும், பொல்லாப்பாலும் உள்ள கஷ்டமில்லாதிருப்பினும் சரியே என்ற அந்தக் கற்றுக் குட்டிகள் சொல்கிறது இதன் கருத்தல்ல. தொலை தூரத்தாலுள்ள கஷ்டம் இல்லாதிருப்பினும் சரியே என்பதுதான் இதன் கருத்து). இத்தகைய கருத்து, கல்யூபி இமாம் அவர்களுடைய  துடியான வார்த்தையிலிருந்தே நன்கு புலனாகிறது. புத்திக் கோளாறு இல்லாத நேர்மையான விளக்க ஞானம் பெற்றவர்களுக்கு இக் கருத்து மறைந்ததல்ல. நம்முடைய (ஷாபீயீ) மதுஹபைச் சார்ந்த மார்க்க அறிஞர் (புகஹாக்)கள் ஒன்றுக்கு மேற்பட்ட ஜும்ஆவை நடத்துவதற்கு ஆகும் என்று அனுமதியளிக்கக்கூடிய முகாந்தரம் அனைத்திலும் 'கஷ்டம்' என்ற நிபந்தனையைக் காரணமாகக் கnhண்டிருப்பதையும், அத்தகைய கஷ்டம் என்பது வழக்கத்தில் தாங்கிக் கொள்ள முடியாத பரம சங்கடமான கஷ்டமாக இருத்தல் வேண்டும் என்ற ஓர் கட்டுப்பாட்டை வகுத்துச் சொல்லி இருப்பதையும், ஜனக் கூட்டம் அதிகமாக உள்ள காரணத்தாலோ-அல்லது ஜனங்களுக்கிடையே கடும் பகை பொல்லாப்பின் காரணத்தாலோ-அல்லது இதர காரணத்தாலோ, அத்தகைய எதிலும் வழக்கத்தில் தாங்க முடியாத கஷ்டம் இருத்தல் வேண்டும் என்ற நிபந்தனையை அவர்கள் (இமாம்கள்) தொக்கி நிற்கச் செய்திருப்பதையும் நீ காணவில்லையா? 'கஷ்டம்' என்பது தாங்கவொண்ணாத பரம சங்கடமான கஷ்டம் என்றிருத்தல் வேண்டும் என்ற கட்டுப்பாட்டை மார்க்க அறிஞர்கள் போட்டுள்ளார்கள்'என்று 'பிக்யதுல் முஸ்தர்ஷிதீன்' நூலில் கூறப்பட்டுள்ளது. (அல்லாமா முப்தீ முஹம்மது தமீம் மத்ராஸீ அவர்களின் கிதாபு முடிவு)

ஷைகு இபுனுன்னகீபு ரலியல்லாஹு அன்ஹு உடைய உம்ததுஸ் ஸாலிக் என்ற நூலில் சொல்லப்படுவது:-

மிஸ்ரு, பக்தாது போன்ற இடங்களில் அனைவரும் ஒரேதலத்தில் கூடி சேகரமாவது மகாபெரும் சங்கடம் என்றிருக்குமானால், தேவைக்குத் தகுந்தபடி பல ஜும்ஆக்கள் நடத்துவது ஆகும். மக்காவிலும், மதீனாவிலும் இருப்பது போன்று(ஒரு ஜும்ஆ நடத்துவதில்) சங்கடமில்லாதிருக்கும்போது, அதற்கு மாற்றமாக இரண்டு ஜும்ஆ நடத்தப்படுமேயானால் அவ்விரண்டில் முந்தியதுவே ஜும்ஆவாகும். இரண்டாவதானது(பாத்தில்) அபத்தமாகும். அவ்விரண்டும் (முன்பின்னின்றி) ஏக காலத்தில் நடைபெற்றாலுமோ அல்லது முந்தியது எது என்று தெரியப்படாவிடிலுமா மறுபடியும் ஜும்ஆவை ஆரம்பித்து நடத்தப்பட வேண்டும். (உம்ததுஸ் ஸாலிக் முடிவு)

ஷர்காவீ முதலிய மற்றும் பல ஷாபியீ மதுஹபுடைய கிரந்தங்களில் காணப்படுவது:-


அறிந்து கொள்! இமாம் அபூஹனீபா ரலியல்லாஹு அன்ஹு தவிர மற்ற மூன்று மதுஹபுடைய இமாம்களும், ஒரு ஜும்ஆவை நடத்தும் விஷயம் (ராஜ்ய அதிகாரியான) இமாமுடைய அல்லது அவரின் பிரதிநிதியுடைய அனுமதியுத்தரவைப் பொறுத்து நிற்கவில்லை என்று ஏகோபித்துக் கூறி இருக்கிறார்கள். மாற்றபிப்பிராய நிவர்த்திக்காகவும், பொல்லாப்பைத் தவிர்ப்பதற்காகவும் அவ்வாறான உத்தரவைப் பெற்றுக் கொள்வது நலமாகும்- ஸுன்னத்தாகும் என்று இமாம் ஷாபியீ ரலியல்லாஹு அன்ஹு அவர்களும், அவர்களுடைய தோழர்களும் கூறியிருக்கிறார்கள். ஆனால் ஒன்றுக்கு மேற்பட்ட ஜும்ஆவை நடத்தவேண்டுமென்றிருந்தாலோ அத்தகைய உத்தரவு அனுமதியை அவசியமாகப் பெற வேண்டும். ஏனெனில், அது இஜ்திஹாது அபிப்பிராயமுடைய தானத்திலிருக்கிறது. (ஷர்காவீ: முடிவு)

'அல்லாஹ்தான் நேர்மையை மிகவும் தெரிந்தவன். அவனளவிலேயே மீட்சியும், ஒடுக்கமும் உள்ளன.'

கொடை வள்ளலான அல்லாஹ்வின் உதவிகொண்டு, ஹிஜ்ரி 1374 ஷஃபான் 26, புதன்கிழமையன்று காயல்பட்டணம், முஹம்மது அப்துல் காதிர் அவர்களுடைய குமாரர் மா.மு.க. முஹிய்யத்தீன் தம்பி என்பவனால் இவ்விடையின் கோர்வை பூர்த்தியாயிற்று.

இவ்விடையை சரிபார்த்து ஒப்பமிட்டவர்களின் பெயர்களும், நற்சான்றுகளும் வருமாறு:-

1. காயல்பட்டணத்திலுள்ள ஆலிம்களில் தலை சிறந்த அல் ஆலிமுல் அல்லாமா, மௌலவி, நஹ்வி செய்யிது அஹ்மது ஆலிமுல் முப்தி அவர்களின் குமாரர், மஜ்லிஸுல் புகாரிஷ் ஷரீபு கதமிட்டி தலைவர், அல்ஆலிமுல் காமில், அல்ஹாஜ் நஹ்வி முஹம்மது இஸ்மாயில் ஆலிமுல் முப்தி அவர்களின் கையொப்பம்:

'இவ்விடை சுத்தமாக இருக்கிறது.'

இப்படிக்கு,

நஹ்வி முஹம்மது இஸ்மாயில்
(காயல்பட்டணம்)

2. அல்ஆலிமுல் பாஸில் (மஹ்லறா மௌலானா அவர்களின் கலீபாவாகிய) பாளையம் அப்துல்காதிர் ஆலிம் அவர்களின் புதல்வர், பாளையம் ஹபீபு முஹம்மது ஆலிம் அவர்களின் கையொப்பம்:

'இவ்விடை கூறியவர் நேர்மையாகக் கூறியுள்ளார்'

இப்படிக்கு,
பாளையம் ஹபீபு முஹம்மது
(காயல்பட்டணம்)

3. நமது மாகாண கவர்ன்மெண்ட் காஜி. மௌலவி அல்ஹாஜ் முஹம்மது ஹபீபுல்லாஹ் ஆலிமுல் முப்தி அவர்களின் முத்திரைஸீலுடன் கூடிய கையொப்பம்:

'இவ்விடை சுத்தமாக இருக்கிறது.'

இப்படிக்கு,
முஹம்மது ஹபீபுல்லாஹ் (காஜி)
மதராஸ்.

4. மதராஸ், மௌலவி தமீம் ஆலிமுல் முப்தி அவர்களின் குமாரர், மௌலவி அபுல்பரகாத் ஆலிம் அவர்களின் முத்திரை ஸீலுடன் கூடிய கையொப்பம்:

இவ்விடை மிகச் சுத்தமாகவும், நேர்மைக்கு இசைந்ததாகவும் உள்ளது'

இப்படிக்கு,
அபுல்பரகாத்,
மதராஸ்.

5. மதராஸ், அல்ஆலிமுல் முப்தி, சுல்தான் அஹ்மது ஸாஹிபு அவர்களின் கையொப்பம்:

'இவ்விடை சொன்னவர் நேர்மையாகச் சொல்லியுள்ளார்'

இப்படிக்கு,
சுல்தான் அஹ்மது சாஹிபு
மதராஸ்

6. அல் ஆலிமுல் பாஸில், ஹாஜி முஹம்மது முஸலியார் அவர்களின் கையொப்பம்:

'இவ்விடை சுத்தமாக இருக்கிறது'

இப்படிக்கு,
ஹாஜி முஹம்மது முஸலியார்
மலபார்.

7. காயல்பட்டணம் தைக்கா ஷெய்கு முஹம்மது ஸாலிஹ் வொலியுல்லாஹ் ரலியல்லாஹு அன்ஹு அவர்களின் கலீபாவாகிய அல்ஆலிமுல் பாஹிம், ஸெய்யிது ஷாஹ் முஹம்மது விகாயதுல்லாஹ் காதிரிய்யி, காஜி அவர்களின் முத்திரை ஸீலுடன் கூடிய கையொப்பம்:

'நேர்மையாளர் விடையளித்துள்ளார்'

இப்படிக்கு,
ஸெய்யிது ஷாஹ் விகாயத்துல்லாஹ் காதிரிய்யி, காஜி
மதராஸ்.

8.அல்ஹாஜ் ஸெய்யிது முஹம்மது அவர்களின் மகன் அல்ஆலிமுல் ஹாபிள் முஹம்மது மகுதூம் தம்பி ஆலிம் அவர்களின் கையெப்பம்:

'இவ்விடை சரியாக இருக்கிறது'

இப்படிக்கு,
முஹம்மது மொகுதூம்
காயல்பட்டணம்.

9. அல்ஆலிமுல் ஹாபிள் முஹம்மது சதக்கத்துல்லாஹ் ஆலிம் அவர்களின் கையொப்பம்:

'இவ்விடை மிகச் சுத்தமாக இருக்கிறது'

இப்படிக்கு,
முஹம்மது சதக்கத்துல்லாஹ்
காயல்பட்டணம்.

10. அல்ஆலிமுல் வரஇய்யி, முஹம்மது ஹஸன் நுஸ்கிய்யி அவர்களின் குமாரர் அல்ஆலிமுல் ஹாபிஸ் அல்ஹாஜ் அஹ்மது லெப்பை ஆலிம் (உஸ்தாதுனா) அவர்களின் கையொப்பம்:

'எவ்வித சந்தேகமும் இன்றி இவ்விடை சுத்தமாக இருக்கிறது'

இப்படிக்கு,
முஹம்மது:
காயல்பட்டணம்.

11. அல்ஹாஜ் முஹம்மது அப்துல் காதிர் ஆலிம் அவர்களின் புதல்வர் கோஜா முஹம்மது ஆலிம் அவர்களின் கையொப்பம்:

'இவ்விடை சரியாக இருக்கிறது'

இப்படிக்கு,
கோஜா முஹம்மது
காயல்பட்டணம்.

12. அல்ஆலிமுல் அல்லாமா, அல்ஹாஜ் நஹ்வி முஹம்மது இஸ்மாயில் ஆலிம் அவர்களின் குமாரர் அல்ஆலிமுல் ஹாபிஸ் நஹ்வி செய்யிது அஹ்மது ஆலிம் அவர்களின் கையொப்பம்:

'இவ்விடை சுத்தமாக இருக்கிறது'

இப்படிக்கு,
ஸெய்யிது அஹ்மது
காயல்பட்டணம்.

13. ஸெய்யிது அஹ்மது லெப்பை அவர்களின் குமாரர் ஸெய்யிது முஹம்மது புஹாரி ஆலிம் அவர்களின் கையொப்பம்:

'இவ்விடை சரியாக இருக்கிறது'

இப்படிக்கு,
ஸெய்யிது முஹம்மது புஹாரி ஆலிம்
காயல்பட்டணம்.

14.மஹ்ளரா மவுலானா அவர்களின் கலீபாவாகிய அல்ஆலிமுல் முகம்மில், செய்pது இஸ்மாயில் ஆலிமுல் முப்தி(மஹ்ளரா ஆலிம்) காதிரிய்யி அவர்களின் புதல்வர் ஸெய்யிது முஹம்மது புகாரி ஆலிமுல் மஹ்ளரிய்யி  அவர்களின் கையொப்பம்:

'இவ்விடை நேர்மையானது'

இப்படிக்கு,
ஸெய்யிது முஹம்மது புகாரி மஹ்ளரிய்யி
காயல்பட்டணம்.

15.அல்ஆலிமுல் முப்தி ஹிஸ்புல்லாஹ் சபை தலைவர், அஷ்ஷைகுல் காமில், சின்ன அ.க. ஷெய்கு அப்துல்காதர் ஆலிம் ஸூபி, காதிரிய்யி நூரி அவர்களின் கையொப்பம்:

'இவ்விடை சுத்தமாக இருக்கிறது'

இப்படிக்கு,
காதிமுல் கௌம்(சமூக ஊழியன்)
ஷெய்கு அப்துல் காதிர்(காயல்பட்டணம்)

16. அல்ஆலிமுல் முப்தி, நஹ்வி செய்யிது அஹ்மது ஆலிம் அவர்களின் மகன், அல் ஆலிமுல் ஹாபிஸ், நஹ்வி முஹம்மது இஸ்ஹாக் லெப்பை ஆலிம் அவர்களின் கையொப்பம்:

'இவ்விடை சரியாக இருக்கிறது'

இப்படிக்கு,
காதிமுல் உலமா (உலமாக்களின் ஊழியன்)
நஹ்வி இஸ்ஹாக் லெப்பை(காயல்பட்டணம்.)

17. முஹம்மது நூகு அவர்களின் குமாரர் முஹம்மது இஸ்மாயில் ஆலிம் அவர்களின் கையொப்பம்:

'எவ்வித சந்தேகமும் இன்றி இவ்விடை சுத்தமாக இருக்கிறது'

இப்படிக்கு,
முஹம்மது இஸ்மாயில் நூஹிய்யி
(காயல்பட்டணம்)

18. அல்ஆலிமுல் பாஸில், முஹிய்யத்தீன் மாமுனா லெப்பை ஆலிம் பாக்கவி அவர்களின் கையொப்பம்:

'இவ்விடை சரியாக இருக்கிறது'

இப்படிக்கு,
முஹிய்யத்தீன் மாமுனா லெப்பை (காயல்பட்டணம்)

19. அல்ஆலிமுல் பாஸில், விளக்கு முஹம்மது சதக்கத்துல்லாஹ் ஆலிம் அவர்களின் மகன் அல்ஆலிமுல் ஹாபிஸ், காரீ, விளக்கு முஹம்மது உமர் ஆலிம் அவர்களின் கையொப்பம்:

'எவ்வித சந்தேகமும் இல்லாமல் இவ்விடை சுத்தமாக இருக்கிறது'

இப்படிக்கு,
முஹம்மது உமர்(காயல்பட்டணம்);

20. அல் ஆலிமுல் முப்தி, நஹ்வி செய்யிது அஹ்மது அவர்களின் குமாரர் அல்ஆலிமுல் ஹாபிஜ், நஹ்வி ஷெய்கு அப்துல்காதிர் ஆலிம் அவர்களின் கையொப்பம்:

'எத்தகைய ஷக்கு, சந்தேகமும் இன்றி இவ்விடை சுத்தமாகவும், தெளிவாகவும் இருக்கிறது'

இப்படிக்கு,
நஹ்வி ஷெய்கு அப்துல்காதிர்(காயல்பட்டணம்)

21. அல்ஆலிமுல் முப்தி, மாதிஹுல் கௌது, அல்ஹாஜ் முஹம்மது இஸ்மாயீல் ஆலிம் அவர்களின் புதல்வர் அல்ஆலிமுல் ஹாபிஸ், ஹாமிது லெப்பை ஆலிம் முப்தி அவர்களின் கையொப்பம்:

'எனக்குத் தெரிந்தமட்டில் இவ்விடையானது எவ்வித சந்தேகமுமின்றி சரியானதாகவும், சுத்தமானதாகவும் இருக்கிறது'

இப்படிக்கு,
ஹாமிது(இபுனுமாதிஹுல் கௌது)
காயல்பட்டணம்.

22. அல்ஆலிமுல் முப்தி, ஹாபிஸ் ஹாஜி நூஹுத்தம்பி லெப்பை ஆலிம் அவர்களின் குமாரர் அல்ஹாஜ் முஹம்மது மக்கி ஆலிம் அவர்களின் கையொப்பம்:

'இவ்விடை சரியாக இருக்கிறது'

இப்படிக்கு,
ஹாஜி முஹம்மது மக்கி ஸித்தீகிய்யி
(காயல்பட்டணம்)

23. அல்ஆலிமுல் பாஸில் மௌலவி முஹம்மத நூஹுக்கண்ணு, பாஸில் பாக்கவி அவர்களின் கையொப்பம்:

'இவ்விடை சுத்தமாக இருக்கிறது'

இப்படிக்கு,
மௌலவி முஹம்மது நூஹு
பாஸில், பாக்கவி (புவ்வாறு)

24. மஹ்ளரா மௌலானா அவர்களின் கலீபாவாகிய பாளையம் அப்துல்காதிர் ஆலிம் அவர்களின் புதல்வர் அல்ஆலிமுல் பாஸில், பாளையம் முஹம்மது அபூப்ககர் முஹிய்யத்தீன் அப்துல்லாஹ் லெப்பை, (பாளையத்துஆலிம்) அவர்களின் வாய்மொழிச் சான்று விபரம் வருமாறு:-

இவ்விடை மிகச் சுத்தமாகவும், தெளிவாகவும் இருக்கிறது' என்று அவர்கள் கூறி தான் எக்காலத்திலும், எந்த பத்தவாவிலும் கையொப்பம் போடுவதில்லை என்று முடிவு செய்திருப்பதனால், இந்த பத்வாவில் கையொப்பம் போடுவதற்கு தனக்கு சாத்தியப்படவில்லை என்று கூறியதுடன். அவர்களின் மஹல்லாக்காரர் கேட்ட கேள்விக்கு இவ்வூரில் ஒரு ஜும்ஆ நடந்து கொண்டிருக்கும்போது இன்னொரு புதிய ஜும்ஆ நடத்துவது ஆகாது என்று விடை கூறிவிட்டதாகவும், இந்த பத்வா விடையை அவர்களின் பார்வைக்குக் கொண்டுபோய் காண்பித்த சாளை ஓ.எம். ஷெய்கு அப்துல்காதிர் இடம் கூறியதாகவும், மேற்படி நபர் தங்களின் கையொப்பம் இருந்தால் நலமாகுமென்று கூறியதற்கு, தான் மொழிந்த, மேலே குறிப்பிட்ட அவ்விபரங்களை தான் வாயால் கூறியது என்று எழுதிக் கொள்ள அனுமதித்ததாகவும் மேற்படி நபர் இவ்விபரங்களை எழுதித் தந்துள்ளார்.

25. அல்ஆலிமுல் முப்தி ஷெய்கு அப்துல்காதிர் வாப்பா நெய்னா ஆலிம் அவர்களின் புதல்வர் அல்ஆலிமுல் பாஹிம் செ.வா. சாஹுல் ஹமீது ஆலிம் அவர்களின் கையொப்பம்:

'இந்த பதில் சுத்தமாக இருக்கிறது'

இப்படிக்கு
ஷெய்கு அப்துல்காதிர் ஆலிம் குமாரர்
சாஹுல் ஹமீது (காயல்பட்டணம்.)

முற்றும்.

  

Arabi Fatwa

Indian Court Judgement Against Tableegh Jamat-தப்லீகிற்கு எதிரான இந்திய நீதி மன்ற தீர்ப்புக்கள்

தப்லீகிற்கு எதிரான இந்திய நீதி மன்ற தீர்ப்புக்கள்:

1. குஜராத் அஹமதாபாத் கபாடவாஞ்ச் நீதிமன்ற தீர்ப்பு- கிரிமினல் கேஸ் எண்: 1129 of 1969 Offence under section 500 of I.P.C.

அறிமுகம்.

குஜராத் மாநிலத்தில் அஹமதாபாத் நகரில் 1953 ம் ஆண்டு 'தாருல் உலூம் ஷாஇ ஆலம் நிறுவப்பட்டது. இந்த நிறுவனமானது ஜமல்பூர் சாலையில் அமைந்திருக்கிறது. இது ஒரு இஸ்லாமிய பல்கலைக் கழகமாகும். இந்தியாவில் மட்டுமில்லாமல் உலக நாடுகள் அனைத்திலும் இது இஸ்லாமிய கொள்கை விளக்கங்களை எடுத்தியம்பிக் கொண்டிருக்கிறது.

இந்த நிறுவனத்தனர்கடந்த பல ஆண்டுகளாக இஸ்லாமிய கலாச்சாரத்தையும், அறிவியலையும் நம் மக்களிடையே பரப்பி வருகிறார்கள்.

ஆண்டு தோறும் நூற்றுக்கணக்கான மாணவர்கள் இஸ்லாமியஇலக்கியங்களை கற்று தேர்ந்து 'ஹாபிஸ்','மௌலவி','காரி' இன்னும் இது போன்று பல பட்டங்கள் பெற்று இங்கிருந்து வெளியேறுகிறார்கள்.

படித்தவருக்கும், பாமரர்க்கும், அறிஞருக்கும், ஏழை, பணக்காரர்களுக்கும் மற்றும் எல்லாவிதமான மக்களுக்கும் இது ஓர் ஆன்மீக ஒளி வீசும் கலைக்கூடமாக திகழ்ந்து வருகிறது.

மாணவர்களுக்கு கல்வி பயிற்றுவிக்க இங்கு அனுபவமிக்க கலாஞானம் நிறைந்த சங்கைமிகு மௌலவிகள் நியமிக்கப்பட்டிருக்கிறார்கள். இங்கு ஃபத்வா அளிப்பதற்கென்றே தனிப் பிரிவு ஒன்று இயங்குகிறது. நாள்தோறும் இங்கு நேரிலும் தபால் மூலமாகவும், உள்நாட்டிலிருந்தும் கடல் கடந்த நாடுகளிலிருந்தும் கேட்கப்படும் ஃபத்வாக்களுக்கு தீர்ப்புகள் வழங்கப்பட்டு கொண்டேயிருக்கின்றன. ஆண்டுதோறும் நிர்வாகச் செலவு ரூ70 ஆயிரம் வரை ஆகிறது. எந்தவிதமான நிலையான வருமானமும் இல்லாமல் நன்கொடையைக் கொண்டே அல்லாஹ்வின் அருளால் இயங்கி வருகிறது.

முன்னுரை

அன்புள்ள சுன்னீ முஸ்லிம்களே!

    இந்திய வரலாற்றில் முதன்முறையாக நீதிமன்றத்திலே 'ஸுன்னிகள்','வஹ்ஹாபிகளி'ன் கொள்கைகள் தெளிவாகவும், விரிவாகவும் ஆணித்தரமாகவும் விவாதிக்கப்பட்டன. இந்த விவாதத்தின் முடிவில் இறை அருளால் வஹ்ஹாபிகளின் முகத்திரை கிழித்தெறியப்பட்டது. 'ஸூன்னி முஸ்லிம்களின் கொள்கை வென்றது.

'தாருல் உலூம் ஷாஇ ஆலம்' ஸுன்னி முஸ்லிம்களின் கலைக்கூடமாகும். இது குஜராத் மாநிலத்தில் அஹமதாபாத் நகரில் அமைந்துள்ளது. ஆண்டுதோறும் இங்கு இலவசமாக நூற்றுக்கணக்கான மாணவர்களுக்கு ஸுன்னி பிரிவின் கொள்கைகள் பயிற்றுவிக்கப்படுகின்றன. இது ஒரு டிரஸ்ட் ஆகும்.இங்கிருந்து குஜராத் மொழியில்'தையிபா' என்ற பெயரிறல் ஓர் இஸ்லாமிய மாத இதழ் வெளிவருகிறது. அதில் இஸ்லாமிய மக்களுக்குத் தேவையான அறிவு விளக்கங்கள் அனேகம் பிரசுரிக்கப்படுகின்றன.1968ம் ஆண்டு டிசம்பர் இதழில் காயிரா மாவட்டத்தின் கபாட்வாஞ்ச் என்னும் ஊரில் அமைந்திருக்கும் ஜீம்ஆ மஸ்ஜிதில்  பணியாற்றி வந்த பேஷ் இமாம் ஜனாப் குலாம் ஹுஸைன் தார்ஸோத் அவர்களைப் பற்றி ஒரு செய்தி பிரசுரமாயிருந்தது. அந்த இதழில் அவரைப் பற்றி 'வஹ்ஹாபி தேவ்பந்தி' என்று விவரிக்கபப்ட்டிருந்தது. மேலும் தேவ்பந்தி வஹ்ஹாபிக்ள பகிரங்கமாக மேன்மைக்கும், சங்கைக்குரிய நமது நாயகம் ரசூலே கரீம் ஸல்லல்லாஹு அலைஹி வ ஸல்லம் அவர்களைப் பற்றி அவதூறு செய்கிறார்களென்றும், கபாட்வாஞ்ச் முஸ்லிம்கள் அந்த மௌலவியை பள்ளியை விட்டே விரட்டி விட்டார்களென்றும் இன்னும் அந்த மௌலவியின் நடவடிக்கையை பற்றியும், வஹ்ஹாபிகள் கொள்கை சம்பந்தமாகவும செய்திகள் வெளிவந்தன. எனவே ஜனாப் மௌலி குலாம் ஹுஸேன் அவர்கள் கபாட்வாஞ்ச் முதல் வகுப்பு குற்ற இயல் நீதிமன்றத்தில் இந்திய தண்டனை சட்டப்பிரிவு 500ன் கீழ் 22-5-69-ல் ஒரு வழக்கு தாக்கல் செய்தார். அதில் தன்னை அவமானப்படுத்த வேண்டுமென கெட்ட எண்ணத்துடன் தாருல் உலூமின் பொது செயலாளராகிய ஹாஜி சுலைமான் இப்றாகீம், 'தையிபா' இதழின் ஆசிரியராகிய செய்யிது ஆசாத் அலி டாக்டரும் செயல்பட்டுள்ளார்கள் என குறிப்பிட்டிருந்தார். இந்த வழக்கு அந்த நீதிமன்றத்தில் 1129/69 என்ற நம்பரில் பதிவாக்கப்பட்டது. அதாவது 1969-ம் ஆண்டில் அந்த நீதிமன்றத்தில் அது 1129-வது வழக்காகும்.

இந்த வழக்கில் வாதி குலாம் ஹுஸேன் தனது சார்பில் வாதாட அனுபவமிக்க வழக்கறிஞர் திரு.ராகின்தாஸ் வி. காந்தி என்பவரை நியமனம் செய்திருந்தார். எதிரிகள்(சுன்னீகள்) தங்களுக்காக அஹமதாபாத்தைச் சார்ந்த பிரபல வழக்கறிஞர் ஜனாப்.உஸ்மான்பாய் காதிரி எம்.ஏ.எல்.எல்.பி. அவர்களை ஏற்பாடு செய்திருந்தார்கள். ஜனாப்.காதிரி அவர்கள் தாருல் உலூம் நிறுவனத்தின் தேர்ந்தெடுக்கப்பட்ட தலைவராக அதற்குமுன் ஐந்து ஆண்டுகள் சிறப்பு பணியாற்றி வந்திருக்கிறார்கள்.

இந்த வழக்கில் வாதி குலாம் ஹுஸேன் அவர்களை நமது அட்வகேட் ஜனாப் காதிரி அவர்கள் தொடர்ந்து மூன்று நாட்களாக குறுக்கு விசாரணை செய்தது மொத்தம் 12 மணி நேரமாகும். குறுக்கு விசாரணையின்போது நமது அட்வகேட் அவர்கள் குலாம் ஹுஸேன் மௌலவியிடம் தேவ்பந்தியாக்களின் உருது,பார்ஸி,அரபி புத்தகங்களை காட்டி கேள்விகள் கேட்டார்கள். மேலும் தேவ்பந்தி உலமாக்கள் ரசூலுல்லாஹ் பற்றியும், அவ்லியாக்கள் பற்றியும் குறை கூறி எழுதியுள்ள பற்றி குறிப்பாக கேள்விகள் கேட்கப்பட்டன.இறுதியாக அவர் தான் தேவ்பந்தியரின் கொள்கைகளையும், தத்துவ விளக்கங்களையும் ஏற்றுக் கொள்வதாகவும் அதனால் தன்னை 'தேவ்பந்தி' என அழைப்பதில் தனக்கு ஆட்சேபணையில்லை என்றும் ஒப்புக் கொண்டார்.

ஒவ்வொரு வாய்தாவிற்கும் ஆயிரக்கணக்கான முஸ்லிம்கள் வழக்கு மன்றத்துக்கு வருகை தந்திருந்தனர். வழக்கு நடந்த இடமான கபாட்வாஞ்ச் நகர் காயிரா மாவட்டத்தில் அமைந்துள்ளது.அதாவது அஹமதாபாத் நகரிலிருந்து 64 கிலோ மீட்டர் தூரத்தில் அமைந்திருக்கிறது.

மேன்மைக்குரிய நீதிபதி திரு.கிருஷ்ணபண்டிட் அவர்கள் தனது தீர்ப்பை 27-2-1970 அன்று கூறினார்.எதிரிகள் நிரபராதிகள் என விடுதலை செய்யப்பட்டனர். அத்தோடு மௌலவி குலாம் ஹுஸேன் ஒரு வஹ்ஹாபி தேவ்பந்தி  என்றும் அவர் சுன்னத் வல் ஜமாஅத் போர்வையில் வஹ்ஹாபிக் கொள்கைகளை பிரச்சாரம் செய்தது உண்மைதான் என தமது தீர்ப்பில் கூறியுள்ளார். இது 'ஸுன்னி' முஸ்லிம்களுக்கு இறைவன கொடுத்த மாபெரும் வெற்றியாகும். ஒரு மௌலவி, தன்னை வஹ்ஹாபி என்று அவமானபடுத்திவிட்டார்கள் என நீதி மன்றத்திலே வழக்கு தொடர்ந்து இறுதியாக சாட்சிகள் மூலமாக அவர் 'வஹ்ஹாபி'தான் என நிரூபிக்கப்படடு, உயர் நீதிமன்றத்திலும் அந்த தீர்ப்பு சரிதான் என ஊர்ஜிதம் செய்யப்பட்டது,'ஸுன்னி' முஸ்லிம்களாகிய நாம் தான் இந்த வழக்கின் அகமியத்தை அறிந்து மகிழ முடியும்.

27-2-1970-ம் தேதி தீர்ப்பு நாளன்று காத்லால், மாஹுதா, புரோக், பரோடா, ஆனந்த், சௌராஷ்டிரா, அகமதாபாத் இன்னும் குஜராத் மாநிலத்தின் பல பாகங்களிலிருந்தும் பல்லாயிரக்கணக்கானோர் வந்திருந்தனர். இந்த வழக்கு இஸலாமயிர்கள் மத்தியில் ஒரு பரபரப்பை உண்டு பண்ணியது. இங்கிலாந்து,ஆப்பிரிக்கா முதலிய வெளிநாடுகளிலிருந்தும் இந்த வழக்கின் முடிவு பற்றி இஸ்லாமியர்கள் ஆவலோடு விசாரித்துக் கொண்டேயிருந்தார்கள்.
விடுதலை என தீர்ப்பு அளிக்கப்பட்டதும் ஆயிரக்கணக்கான முஸ்லிம்கள் வழக்கை வெற்றிகரமாக நடத்திய அட்வகேட் ஜனாப்.காதிரி அவர்களுக்கும் வழக்கின் எதிரி(ஸூன்னி)களுக்கும் மலர் மாலைகள் அணிவித்து தங்கள் மகிழ்ச்சியினை தெரிவித்துக் கொண்டார்கள். பின் நீதிமன்றத்திலிருந்து பெரும் ஊர்வலம் ஒன்று நகரின் முக்கிய வீதிகள் வழியாக கடந்து ஜும்மா மஸ்ஜிதை வந்து அடைந்தது. மஸ்ஜிதில் அனே பெரியார்கள் கலந்து பேருரை நிகழ்த்தினார்கள். மேலும் வழக்கிலே வெற்றி ஈட்டி தந்த இறைவனுக்கு நன்றியும் செலுத்தப்பட்டது.

பரோடாவிலிருந்து வெளியாகும் மற்றொரு இஸ்லாமிய ஏடான 'அல்ஹாதி'யிலும் இதே செய்தி பிரசுரிக்கப்பட்டிருந்ததால் அதன் மீதும் பேஷ் இமாம் அவர்கள் இதே நீதிமன்றத்தில் தனி வழக்கு ஒன்று தொடர்ந்திருந்தார். அந்த வழக்கின் வரிசை C.C.1130/69 ஆகும். இந்த வழக்கிலும் பேஷ் இமாம் அவர்கள் 8 மணி நேரம் குறுக்கு விசாரணை செய்யப்பட்டார். இந்த வழக்கின் தீர்ப்பும் அதே நாளில் அதாவது 27-2-197ல் தான் சொல்லப்பட்டது. இரு வழக்குகளிலும் வெற்றி ஸுன்னி முஸ்லிம்களுக்கே!

இந்த வழக்கின் விபரங்கள் அனைத்தும் குஜராத் மாநிலத்திலிருந்து வெளியாகும் அனேக நாடுகளிலும் குறிப்பாக 'சான்டேஷ்ஈ டூஜன்ஸாட்டா' போன்ற பத்திரிகைகளிலும் வெளியாகி இருந்தது. 'தையிபா' பத்திரிகையிலும் மிக விரிவாக பிரசுரிக்கப்பட்டது. இருப்பினும் ஆயிரக்கணக்கான இஸ்லாமியர்கள் இந்த வழக்கின் தீர்ப்பை குஜராத்திலும், ஆங்கிலத்திலும் மொழி பெயர்க்க வேண்டுமென வேண்டினர். உள்நாட்டிலும்,வெளிநாட்டிலிருந்தும பல நேயர்கள் இந்த விண்ணப்பம் விடுத்திருந்தனர். எனவே முதன் முதலில் C.C.1130/69 என்ற வழக்கின் தீர்ப்பு குஜராத்தியில் மொழிபெயர்க்கப்பட்டு புத்தக வடிவில் வெளிவந்தது. ஸுன்னி முஸ்லிம்களால் நாடெங்கிலும் இது பெரிதும் விரும்பி வரவேற்கப்பட்டது. மேலும் அயல்நாடுகளிலிருந்து ஆங்கில மொழிபெயர்ப்பு தேவை என ஆயிரக்கணக்கான அன்பர்கள் கேட்டுக் கொண்டேயிருந்தார்கள். எனNவு எங்களின் நல் ஆதரவாளர்களுக்காகவும், எங்கள் மீது பரிவும், பாசமும் கொண்டவர்களுக்காகவும் குறிப்பாக ஸுன்னி முஸ்லிம்களின் நன்மையைக் கருதியும் C.C.1129/69 வழக்கு தீர்ப்பு நகலை இதோ ஆங்கிலத்தில் வெளியிடுகிறோம். இஸ்லாமிய மக்களுக்கு ஸுன்னி முஸ்லிம்களின் கொள்கைகளையும் தத்துவார்த்தங்களையும் எடுத்தியம்புவதற்கு இது ஒரு நல்ல வாய்ப்பென கருதி இதை பிரசுரிப்பதில் நாங்கள் பெரும் மகிழ்வு அடைகிறோம். C.C.1130/69 என்ற வழக்கின் தீர்ப்பும் இதே மாதிரி இருப்பதால் C.C.1129/69 என்ற வழக்கின் தீர்ப்பை மட்டும் இங்கே தருகிறோம்.

மௌலவி ஜனாப். குலாம் ஹுஸேன் அவர்கள் இந்த தீர்ப்பை எதிர்த்து குஜராத் உயர் நீதிமன்றத்தில் ;அப்பீல்' தாக்கல் செய்தார்கள். அது அங்கு ஆரம்பக் கட்டத்திலேயே தள்ளுபடி செய்யப்பட்டது. உயர்நீதிமன்றத்தின் தீர்ப்பு(அவர்களுக்கு)'தேவ்பந்தி'களுக்கு மற்றொரு மரண அடியாகும்.

நாங்கள் ஈடுபட்டிருந்த அறப்போரில் எங்களுக்கு உற்ற துணையாக இருந்து பலவிதங்களிலும் ஆக்கமும், ஊக்கமும் அளித்த பல்லாயிரக்கணக்கான ஸுன்னி முஸ்லிம்களுக்கு நாங்கள் என்றென்றும் நன்றி கடன் பட்டவர்களாவோம். மேலும் உண்மையான இஸ்லாமயி கொள்கை கொடிகட்டி பட்டொளி வீசி பறக்க உதவிய அவர்களுக்கு எங்கள் ஆழிய நன்றி!

இங்கனம்,

1-9-1971                                                           ஹாஜி சுலைமான் இப்றாஹிம்

அஹமதாபாத்                                                    ஸுன்னி,ஹனபி,காதிரி,ராசவி,

  தாருல் உலூம் ஷாஇ   ஆலம்,
ஜமல்பூர் ரோடு, அஹமதாபாத்,

                                                                                                      

முதல் வகுப்பு குற்ற இயல் நீதிமன்றம், கபாட்வாஞ்ச், குஜராத் மாநிலம்.

நீதிபதி: மேன்மைக்குரிய திரு. கிருஷ்ண பண்டிட் எம்.ஏ.,எல்.எல்.பி.
C.C.1129/69

மௌலானா குலாம் ஹுஸேன் முஹமத்பாய் தர்ஸோத்- வாதி

1. செய்யது ஆசாத் அலி எம். டாக்டர் – எதிரி

2. ஹாஜி சுலைமான் இப்றரீம் – எதிரி

 வழ க்கு இந்திய தண்டனை சட்டம் பிரிவு 500

தீர்ப்பு:

1. வாதி தரப்பு வழக்கின் சாராம்சம் இதுதான். அஹ்மதாபாத்திலிருந்து வெளியாகும் மாத இதழான 'தையிபா'விற்கு முதலாவது எதிரி ஆசிரியரும், இரண்டாவது எதிரி பிரசுரகர்த்தாவும், வெளியிடுவோரும் ஆவார்கள். காட்வான்ஞ்ச் வாழ் முஸ்லிம்கள் மத்தியில் இது அதிகமாக விற்பனையாகும் பத்திரிகையாகும். மேலும் இஸ்லாமியர்கள் அதில் வெளியாகும் செய்திகள் உண்மையானவைகள்தான் என்றும் நம்பிவந்தார்கள். இந்த வழக்கின் வாதி ஸுன்னி பிரிவில் ஹனபி மத்ஹபை சேர்ந்தவர்.

இந்த வழக்கில் வாதியாகிய நான் ராண்டர் என்ற ஊரில் அமைந்துள்ள 'ஜாமியா ஹுஸைனிய்யா' என்ற அறபி மத்ரஸாவில் பயின்று 'பாஜில', 'காரி' முதலிய பட்டம் பெற்றவன். அந்த மத்ரஸாவானது ஹனபீகளால் நடத்தப்படும் ஸ்தாபனமாகும். எனவே நான் பள்ளிவாசலில் தொழுகை நடத்தவும், இன்னும் மத சம்பந்தமான எல்லா விசேடங்களிலும் தலைமையேற்று நடத்தி வைக்கவும், மத்ராஸாக்களில் மாணவர்களுக்கு கல்வி பயிற்றுவிக்கவும் தகுதி பெற்றவனாவேன்.கபாட்வாஞ்ச் நகரில் ஒரு ஜும்ஆ பள்ளி இருக்கிறது. அது அந்நகரிலுள்ள மற்ற எல்லா பள்ளிகளைவிட சீரும் சிறப்புமுடையதாகும். சுமார் இரண்டரை வருடங்களுக்கு முன்னால் நான் அப்பள்ளியில் பேஷ்இமாமாக நியமிக்கப்பட்டு தொடர்ந்;து அப்பணியை செய்து வருகிறேன். கபாட்வாஞ்ச் நகரில் ஸுன்னி முஸ்லிம்களுக்குள் பிளவு இருந்து வந்தது. எதிரிகள் என்னை பேஷ் இமாமாக நியமனம் செய்தவர்களுக்கு எதிராக இயங்கி வந்தார்கள்.

மேலும் என்னை அவமானப்படுத்த வெண்டுமென்றும், சமுதாயத்தில் என் கௌரவத்தை குலைக்க வேண்டுமென்றும் கெட்ட நோக்கத்தோடு 1968 டிசம்பர் 'தையிபா' இதழ் பக்கம் 16-ல் 'கபாட்வாஞ்ச்சில் வசிக்கும் ஸுன்னி முஸ்லிம்கள் ஜும் ஆமஸ்ஜிதின் வஹ்ஹாபி பேஷ் இமாமை வெளியேற்றினார்கள்' என்ற தலைப்பில் ஒரு கட்டுரை வெளியிட்டிருந்தார்கள். அது என்னையே குறிக்கும். என்னை அவமானப்படுத்த வேண்டும், கேவல படுத்த வேண்டுமென்றே திட்டமிட்டு என்னை 'வஹ்ஹாபி' என வருணித்து;ளனர். 'வஹ்ஹாபி' என்ற சொல்லுக்கு கபாட்வாஞ்ச் முஸ்லிம்கள் இஸ்லாத்துக்கு அப்பாற்பட்டவன் என பொருள் கொண்டார்கள். மேலும் அவர்களில் சிலர் நாயகம் ரசூலே கரீம் ஸல்லல்லாஹு அலைஹி வ ஸல்லம் அவர்களை சாதாரண மனிதர்தான் என்று நம்பினார்கள். இந்த செய்தி வெளிவந்தபோது சமுதாயத்தில் என் அந்தஸ்து பறிக்கப்பட்டது. ஜனங்கள் என்னை மதிப்பதில்லை. மேலும் என் பின்னால் நின்று தொழுவது குற்றமெனக் கருதி விலகி நின்றார்கள். இன்னும் சில மஸ்ஜிதுகளில்'வஹ்ஹாபிகளே உள்ளே நுழையாதீர்கள்' என தட்டிகள் எழுதி வைத்திருந்தார்கள். இதனால் எனது மனநிலையும், கௌரவமும் பெரிதும் பாதிக்கப்பட்டு விட்டது. எனவே நான் எதிரிகள் மீது இந்திய தண்டனைச் ட்டம் பிரிவு 500 ன் கீழ் வழக்கு தாக்கல் செய்கிறேன் என நீதிமன்றத்தில் வாதி பேஷ் இமாம் எடுத்துக் கூறினார்.

2) மேற்கண்ட வாதியின் வாக்குமூலத்தை பதிவு செய்த பிறகு நீதிபதியவர்கள் முறைப்படி இ.தச. பிரிவு500 ன் கீழ் குற்றச்சாட்டு பிறப்பித்தார். ஆனால் எதிரிகள் தாங்கள் நிரபராதிகள் என பதிலுரைத்தனர். பிறகு வாதி மீண்டும் நீதிமன்றத்திற்கு வரவழைக்கப்பட்டு குறுக்கு விசாரணை ஆரம்பமானது. வாதியின் மற்ற சாட்சிகளும் விசாரிக்கப்பட்டார்கள். பின் எதிரிகள் விசாரிக்கப்பட்டார்கள். தங்கள் பக்கம் எதிரிகள் சாட்சிகள் யாரையும் விசாரிக்கவில்லை. இரண்டு பக்க விவாதங்களையும் கேட்;ட பிறகு நீதிபதி தனது தீர்ப்பை எழுதலானார்.

'இப்பொழுது என்முன் நிற்பது மூன்று கேள்விகள்:

1) 1968 டிசம்பர் 'தையிபா' இதழில் எதிரிகள் வாதியைப் பற்றி வெளியிட்ட செய்தி அவதூறு நிரம்பியதுதானா?

2) எதிரிகள் தன்னை கேவலப்படுத்த வேண்டும்,சமுதாயத்தில் தன் அந்தஸ்த்தை குறைக்க வேண்டுமென்ற கெட்ட நோக்கோடு வெளியிட்டார்கள் என்பதை வாதி நிரூபித்து விட்டாரா?

3) அப்படியானால் என்ன தீர்ப்பு வழங்கலாம் என்பதே!

முதலாவது கேள்விக்கு நான் வந்த முடிவு எதிரிகள் பிரசுரித்தார்கள் என்பதை நம்புகிறேன்.

இரண்டாவது கேள்விக்கு வாதி தனது தரப்பு வழக்கை நிரூபிக்க தவறி விட்டார்.

3) இந்த வழக்கில் வாதியைத் தவிர்த்து அவர் சார்பில் மூன்று சாட்சிகள் விசாரிக்கப்பட்டனர். 'தையிபா' இதழில் வெளியான செய்தி இதுதான்:-

'கபாட்வாஞ்ச் முஸ்லிம்கள் இறுதியாக ஜும்ஆ மஸ்ஜிதின் வஹ்ஹாபி பேஷ் இமாமை வெளியேற்றினார்கள்' என்ற தலைப்பில் ஆரம்பித்து கடந்த 14 ஆண்டுகளாக வஹ்ஹாபி தேவ்பந்தி உலமாக்கள் ஜும்ஆ மஸ்ஜிதை தங்கள் பாசறையாக்கிக் கொண்டு மக்கள் மத்தியில் தங்களின் ஊனக் கொள்கைகளை பரப்பி வந்தார்கள். மேலும் நமது கண்ணின் மணியான காருண்ய நாதர் நாயகம் ஸல்லல்லாஹு அலைஹி வ ஸல்லம் அவர்களைப் பற்றியும் இறைNநுசச் செல்வர்கள் பற்றியும் அவதூறாக பேசி வந்தார்கள். அத்தோடு மட்டுமில்லாமல் தங்களின் இந்த வஹ்ஹாபி கொள்கையை அஹ்லெ ஸுன்னத் வல் ஜமாஅத்தினர் மத்தியில் பரப்பி அவர்களை தங்கள் பக்கம் ஈர்க்கவும் சாகச முயற்சிகள் செய்து வந்தார்கள். இஸ்லாமிய சமுதாயத்தில் புரையோடிப் போன இந்த நோயை அகற்றி மறுமலர்ச்சி ஏற்படுத்த கபாட்வாஞ்ச் நகரில் சுன்னத் வல் ஜமாஅத்தினரால் 'ஹதீது' மஜ்லிஸ் ஏற்படுத்தப்பட்டது. இந்த மஜ்லஜிஸானது முதலாவதாக அஜ. ஷேக் அப்துல் ஹக் ஜமால் பாய் வீட்டில் மௌலானா அலி தோராஜிவி ராஜ்பியாலா வாலா என்பவரால் ஏற்பாடு செய்யப்பட்டது. அவரது மூன்று பிரசங்கங்கள் வஹ்ஹாபியாக்களின் முகத்திரையை கிழித்தெறிய உதவியது. மேலும் பல ஸுன்னி மௌலவிகளில் பிரபலமானவர்களாகிய ஜெ.மௌலவி அப்துர் ரஷீது, மௌலானா ஜெ. பீர் மதானிய்யா, மௌலானா நிஜாமுத்தீன், மௌலானா ஜஹாங்கீர்மிய்யா இன்னும் பலரும் பங்கேற்று உரை நிகழ்த்தியதன் பயனாய் ஸுன்னி முஸ்லிம்களுக்கு மத்தியில் பெரும் விழிப்புணர்ச்சி ஏற்பட்டது. எனவே அந்த மஜ்லிஸுக்கு இஸ்லாமிய மக்கள் பெருந்திரளாக வருகை தர ஆரம்பித்தார்கள்.

கபாட்வாஞ்ச் நகரில் உள்ள ஸுன்னி முஸ்லிம்களின் முக்கிய பிரமுகர்களாகிய ஜெ. செய்யது மல்ஹர் அலி, ஜெ. செய்யது அலி அஹ்மது, ஜெ.பதான் அலியார்கான், ஜெ. ஷேக் அப்துல் ஹக், இஸ்மாயில் பாய், ஜெ.முபாரிஸ்கான், ஜெ. மாலிக் ஜாமியாத் மியா போன்றோர் இது விஷயத்தில் எடுத்துக் கொண்ட முயற்சியும், சேவையும் பாராட்டத்தக்கது. இதன் பயனாக ஜும்ஆ மஸ்ஜிதின் வஹ்ஹாபி தேவ்பந்தி மௌலவி 21.8.68-ல் பதவி நீக்கம் செய்யப்பட்டார்கள். அதற்கு பதிலாக பாபு மியா என்பவர் பேஷ் இமாமாக நியமனம் செய்யப்பட்டார்கள். புதிய பேஷ் இமாம் பதவி ஏற்றதும் ஸலவாத்தும், ஸலாமும் அதிகமாக ஓதப்பட்டது. இத்தகைய பெரும் மாற்றத்தை ஏற்படுத்த உதவிய பெரியார்களுக்கு எல்லாம் வல்ல இறைவன் என்றென்றும் தன் கருணாமாரிளை பொழிந்தருள்வானாக!' இதுவே தையிபா இதழில் வெளிவந்த அவதூறு செய்தியாகும்.

இந்த வழக்கில் வாதி சாட்சி கூண்டில் ஏறிச் சொன்ன விபரங்கள் இதோ, நான் ரந்தீரிலுள்ள ஜாமிய்யா ஹுசைனிய்யா மதரசாவில் படித்து பட்டம் பெற்றவன். இதோ அதற்கான அத்தாட்சி என கோர்ட்டில் தான் பெற்ற 'ஸனதை'யும் கல்லூரி முதல்வர் வழங்கியிருக்கும் சர்டிபிகேட்டையும் ஆஜர் செய்தார். நான் பட்டம் பெற்ற ஆலிமாக இருப்பதால் தொழுகை நடத்தவும், திருமண வைபவங்களை முன்னின்று நடத்தி வைக்கவும், சன்மார்க்க போதனைகள் செய்வதற்கும் தகுதியுடையவன். நான் ஸுன்னி பிரிவில் ஹனபீ மத்ஹபை சார்ந்தவன். அதுவே சிறப்புக்குரிய மதஹபாகவும் கருதப்படுகிறது. நான் பணியாற்றி வந்த பள்ளி வாயிலே கபாட்வாஞ்ச் நகரில் பெரியதும், சிறப்பு வாய்ந்ததுமாகும். 'தையிபா' இதழ் ஒன்றாவது எதிரியை ஆசிரியராகவும், அரண்டாவது எதிரியை பிரசுரகர்த்தாகவும்  தாங்கி வெளிவருவதாகும்.  அது ஸுன்னி முஸ்லிம்கள் கொள்கை விளக்கமுடைய பத்திரிகையாகும். அது இஸ்லாமியர்கள் மத்தியில் அதிகம் விற்பனையாகும் பத்திரிகையுமாகும் என சொல்லி 1-3-69 இதழை கோர்ட்டில் ஆஜர் செய்தார் வாதி. மேலும் 1-2-68 இதழையும் ஆஜர் செய்தார். அந்த இதழில் பக்கம் 46-ல் பொய்யான செய்திகள் வெளியிட்டிருப்பதாகவும் சட்டி காட்டினார். ஸுன்னி ஹனபிகளும், வஹாபிகளும் வேறுவேறு கொள்கையுடையவர்கள். ஹனபியாக்கள் நபிகள் நாயகம் அவர்களை ரசூலென்றும், திருத்தூதர் என்றும் படைப்பினங்க்ள எல்லாவற்றிலும் அவர்களே மேன்மைக்கும், சங்கைகக்கும் உரியவர்கள் என்றும் கருதுபவர்கள்.

வஹ்ஹாபிகளோ ரசூலுல்லாஹ்வை சாதாரண மனிதர் என்றும், இறைவனின் கட்டளையை மக்களுக்கு எடுத்து சொல்லும் சாதாரண தபால் பெட்டி போன்றவரென்றும், அவர்களுக்கு எத்தகைய தனிச் சிறப்பும் கிடையாது என்றும், ஷைத்தான் கூட நபியை விட சக்தி பெற்றவன் என்ற கொள்கையுடையவர்கள். சமுதாயத்தில் வஹ்ஹாபிகளுக்கு எந்த கௌரவமும் கிடையாது. ஸுன்னி முஸ்லிம்கள் வஹ்ஹாபி கொள்கையுடைய பேஷ் இமாம் பின் நின்று தொழ மாட்டார்கள். ஏனென்றால், அந்த தொழுகை கூடாது என்பது அவர்கள் கருத்தாகும். கபாட்வாஞ்ச் ஜும்ஆ பள்ளிவரிலில் 'வஹ்ஹாபிகள் உள்ளே நுழையக் கூடாது' என  அறிவிப்பு பலகை வைக்கப்பட்டிருந்தது. மீறி நடந்தால் உரிய நடவடிக்கை எடுக்கப்படும் என்றும் அதில் கண்டிருந்தது. நான் வஹ்ஹாபி அல்லன். வஹ்ஹாபிகள் வேறு, தேவ்பந்திகள் வேறு. தேவ்பந்தியாக்கள் என்று தனிப் பிரிவு இஸ்லாத்தில் கிடையாது. உத்தரபிரதேசத்தில் தேவ்பந்த் என்னுமிடத்தில் ஒரு அரபி மத்ரஸா இருக்கிறது.அங்கு படித்து பட்டம் பெறுபவர்கNளுள தேவ்பந்தியாக்களாவர்கள். ஆனால் நான் அங்கு படித்து பட்டம் பெறவில்லை. என்னை யாரும் வேலை நீக்கம் செய்யவில்லை. சர்ச்சைக்குரிய கட்டுரையில் வந்த விஷயங்கள் அனைத்தும் என்னை குறிப்பிட்டே எழுதப்பட்டுள்ளது. முஸ்லிம்கள் மத்தியில் குழப்பம் வந்துவிட்டதால் நானாகவே பதவியை ராஜினாமா செய்தேன். பாபுமிய்யா என்பவர் எனக்கு பதிலாக பேஷ்இமாமாக நியமிக்கப்பட்டார். இந்த கட்டுரை வந்தபின் பொதுமக்கள் என்னைக் கண்டு ஒதுங்க ஆரம்பித்தனர். மேலும் என்னுடன் பேசக் கூடாது என்றும், நான் ஸலாம் சொன்னால் அதற்கு மறுமொழி சொல்லக் கூடாது என்றும் மக்கள் முடிவெடுத்தனர். மேலும் என்னை இழிவாகவும் கருதத் தலைப்பட்டனர்.

எதிரிகள் இருவரும் தாங்கள் 'தையிபா' இதழை நடத்துபவர்கள் என்றும், சர்ச்சைக்குரிய கட்டுரையை பிரசுரித்தது உண்மைதான் என்றும் ஒப்புக் கொண்டார்கள். வாதியின் வாக்குமூலத்திலிருந்தும் அவர் கோர்ட்டில் தாக்கல் செய்திருக்கும் மனுவிலிருந்தும், எதிரிகளை விசாரித்ததிலிருந்தும், மேற்படி கட்டுரையை எதிரிகள்தான் பிரசுரித்தார்கள் என தெளிவாக நிரூபிக்கப்பட்டு விட்டது. மேலும் அது ஜும்ஆ மஸ்ஜிது பேஷ் இமாமை குறித்துதான் எழுதப்பட்டது என்பது மறுக்கப்படவில்லை. வாதியை குறுக்கு விசாரணையின் போதும் நீர் தேவ்பந்தி வஹ்ஹாபிதானா? என கேட்கப்பட்டது. எனவே தையிபா இதழில் வெளிவந்த கட்டுரை வாதியை குறித்துதான் எழுதப்பட்டது என நீதிபதி தனது தீர்ப்பில் கூறினார்.

எதிரிகள் வாதியை குறுக்கு விசாரணை செய்யும்போது தேவ்பந்த மத்ரஸாவிலுள்ள 'தாருல் உலூம் தேவ்பந்த' என்ற ஆதாரப்பூர்வமான நூலிலிருந்து சில பகுதிகளைச் சுட்டிக்காட்டி கேள்விகள் கேட்டார்கள். அதாவது வஹ்ஹாபிகள் கண்ணியமானவர்கள்.-சமுதாயத்தில் முறுமலர்ச்சி உண்டு பண்ணுகிற பிரிவினர். ஆனால் பரேலியில் வசிக்கும் முஸ்லிம்கள் இதை ஏற்றுக் கொள்ளாதவர்கள். அவர்கள் கருத்துப்படி வஹ்ஹாபிக்ள கீழானவர்கள் என்பதே! மேலும் கபாட்வாஞ்ச் நகரில் வாழும் பெரும்பான்மை முஸ்லிம்கள் பரேலி பிரிவை சார்ந்தவர்களாதலால் அவர்கள் தன்னை வஹ்ஹாபி என வர்ணித்தால் அவர்கள் மத்தியில் இழிவாகக் கருதப்படும் சூழ்நிலை ஏற்பட்டது என வாதி கூறினார். எனவே இதில் உண்மை இருக்கிறதா? என்பதை இங்கு ஆராய்வோம்.

சட்டத்தில் இ.த.ச. 499(1) என்ன சொல்கிறது என்றால், உண்மையான சம்பவம் எதைக் குறித்தும் செய்திகள் வெளிவருமானால் அது குற்றமாகாது. அந்த செய்தி பொதுவாக மக்கள் நலன் கருதி பிரசுரிக்கப்பட்டதா? அல்லது இழிவுப:த்த வேண்டுமென்ற கெட்ட நோக்கத்தோடு பிரசுரிக்கப்பட்டதா? என்பது அந்த அந்த சந்தர்ப்பத்தை பொறுத்து முடிவு எடுக்கப்படும். எனவே எதிரிகள் கடமை என்னவென்றால் தாங்கள் பிரசுரித்தது கொதுமக்கள் நலன் கருதிதான் என்பதை நிரூபிக்க வேண்டும். அப்படியானால்தான் அவர்கள் குற்றமற்றவர்களாவார்கள். வாதி தனது வாக்குமூலத்தில் தான் வஹ்ஹாபி இல்லை என்றும், பேஷ்இமாம் பதவியிலிருந்து நீக்கப்படவில்லை என்றும் கூறி இருக்கிறார். மேலும் தேவ்பந்தி என்பது இஸ்லாமிய மதுஹபுகளுக்கு உட்பட்டதல்ல என்றும், வஹ்ஹாபிகளுக்கும், ஸுன்னி முஸ்லிம்களுக்கும் வேறுபாடு உண்டு என்றும் கூறினார்கள்.

ஆனால் அவரை குறுக்கு விசாரணை செய்யும்போது தேவ்பந்தி என்பது தனிப்பிரிவு என்றும், தேவ்பந்த மத்ரஸாவில் அந்தக் கொள்கைகளே போதிக்கப்படுகிறது என்றும், எனவே தன்னை தேவ்பந்தி என்று யாரும் அழைக்கலாம் என்றும் கூறகிறார். இதிலிருந்து நமக்கு தெரிய வருவது என்னவென்றால் வாதியின் கூற்றுப்படி தேவ்பந்த் என ஒரு பிரிவு உண்டு என தெரிகிறது. தான் பயின்ற ஜாமியா ஹுஸைனியாவிலும் அதே கருத்துக்களே போதிக்கப்பட்டு வருகிறது என்றும் ஒப்புக் கொள்கிறார். எனவே வாதியை தேவ்பந்தி என்று எழுதினது குற்றமாகாது என தீர்ப்பு செய்கிறேன்.

இரண்டாவது குற்றச்சாட்டு வாதி வஹ்ஹாபி என்பது. வாதி தனது முதல் விசாரணையில் வஹ்ஹாபிகளின் கொள்கைகளுக்கும் சுன்னத் ஜமாஅத் கொள்கைகளுக்கும் வித்தியாசம் உண்டு என்று ஒப்புக் கொள்கிறார். அவரை குறுக்கு விசாரணை செய்யும்போது கலீல் அஹ்மது அம்பேட்டி என்பவர் தேவ்பந்தி மத்ரஸாவில் பெரிய உஸ்தாது என்றும் அவர் 'பாரஹீனே காத்திஆ' என்ற புஸ்தகம் ஒன்று எழுதியிருக்கிறார் என்றும் அவரையே தனது வழிகாட்டியாக தான் ஏற்றுக் கொள்வதாகவும் சொன்னார். ஆனால் மீலாதுஷரீபு கொண்டாடுவது கிருஷ்ண ஜெயந்தி போன்றுதான் என்ற கருத்து தனக்கு உடன்பாடற்றது என்றார். எதிரிகளின் வக்கீல் வாதியடம் ஒரு புஸ்தகத்தை காட்டி அதலி; ஒரு பகுதியை சுட்டிக் காட்டி விளக்கம் கோர வேண்டியபோது ஆண்டுதோறும் மீலாது ஷரீபு கொண்டாடுவது சிருஷ்ண ஜெயந்தி போன்றுதான். அதை கொண்டாடக் கூடாது என்றும் அந்த மஜ்லிஸில் ரசூலுல்லாஹ் ரூஹ் ஹாழிராகிறது என்றும், எனவே அதை சிறப்போடும், கண்ணியத்தோடும் கொண்டாட வேண்டுமென்றும் என்பதற்கு ஹதீஸ் ஆதாரம் கிடையாது என்றும், அது இஸ்லாமிய ஷரீஅத்திற்கு மாற்றமான 'பிதஅத்' என்றும் சொன்னார். 'பிதஅத்' என்பதற்கு நேரடி அர்த்தம் தனக்கு தெரியாது என்றும், கலீல் அஹ்மது அம்பேட்டி எழுதின புத்தகத்திலும் அதற்கு விடை காண முடியவில்லi என்றார். ஒரு மௌலவி என்ற முறையில் ஆகுமான காரியமெது? பித்அத் என்பது எது? என்று தனக்குத் தெரியுமென்றும், முஹர்ரம் மாதத்தில் சர்க்கரை பாகுபானை வைப்பதும், மீலாது ஷரீபிலே ரசூலுல்லாஹ்வை கொளரவிக்கும் கொருட்டு எழுந்து நிற்பதும், தஃஜியாவும் வெள்ளி இரவு இனிப்பு வைத்து பாத்திஹா ஓதுவதும் பிதஅத்தாகும். எனது பகுதியில் வாழ்ந்த பெரும்பான்மையான முஸ்லிம்கள் இந்த பித்அத்தா கொள்கைகளை பின்பற்றி வந்தார்களென்றும், சிலரே தவிர்த்து வந்தனெரென்றும் கூறினார். எனது கொள்கைப்படி பிதஅத் என்பது குர்ஆன், ஹதீஸ், கலீபாக்களின் கட்டளை ஆகியவற்றில் இல்லாத ஒன்றை செய்வது என்பதே. மேலும் தாஹாக்களுக்கு சென்று தலை சாய்ப்பதும் பித்அத்தாகும். கபாட்வான்ஞ்ச் நகரில் வாழ்ந்த பெரும்பான்மை முஸ்லிம்கள் பரேலவி பிரிவை சேர்ந்தவர்கள். அவர்களுக்குள் கொள்கை மாறுபாடு இருந்தது. தனது சகாக்கள் மற்றவர்கள் பித்அத்தி என்றும் அவர்கள் தங்களை வஹ்ஹாபி தேவ்பந்தி என்றும் அழைத்தார்களென்றும் கூறினார்.

கலீல் அஹ்மது எழுதின 'அல்முஹன்னது' ரஷீது அஹ்மது எழுதின 'பத்வா ரஷீதிய்யா' ஆகிய இரு நூற்களும் தேவ்பந்தியாக்களுக்கு முக்கிய வழிகாட்டும் நூலென்றும், இதில் கண்டுள்ள கருத்துக்கள் தனக்கு உடன்பாடுள்ளது என்றும், மாற்று கருத்து தனக்கு கிடையாது என்றும் கூறினார். அரேபியாவில் 'நஜ்து' என்ற ஒரு ஊர் இருக்கிறதென்றும், அங்கு முஹம்மது பின் அப்துல் வஹ்ஹாப் என்பவர் வாழ்ந்து வந்தாரென்றும், அவர்'கிதாபுத் தவ்ஹீது' என்ற நூல் ஒன்று எழுதியுள்ளார் என்றும் அவரைப் பின்பற்றுவோரே வஹ்ஹாபிகள் எனப்படுவர் என்றும் வாதி கூறினார். வாதியிடம் ரஷீது அஹ்மது எழுதின 'பத்வா ரஷீதிய்யா' புத்தகத்தை காட்டி சில கேள்விகள் கேட்கப்பட்டது. அதன் விபரம் வருமாறு:

கேள்வி: யார் வஹ்ஹாபிகள்? அப்துல் வஹ்ஹாப் நஜ்துடைய கொள்கை என்ன? அவரது மார்க்கம் என்ன? அவர் எப்படிபட்டவர்? அவரது கொள்கைகளுக்கும் ஸுன்னி கொள்கைகளுக்கும் என்ன வித்தியாசம்?

பதில்: அப்துல் வஹ்ஹாப் நஜ்தியை பின்பற்றுவோரே வஹ்ஹாபிகளாவார்கள். அவரது கொள்கைகள் சிறப்பும் மேன்மையும் வாய்ந்தது. அவரது மார்க்கம் பின்பற்ற எளிமையானது. ஆனால் அப்துல் வஹ்ஹாப் சற்று எரிச்சல் குணம் படைத்தவர். அவரின் தொண்டர்கள் மிகவும் நல்லவர்கள். வஹ்ஹாபிகளுக்கும், ஹனபிகளுக்கும் ஈமானில் வித்தியாசம் எதுவும் கிடையாது. செயல்முறையை பொறுத்த மட்டில் வித்தியாசம் உண்டு.

கேள்வி: வஹ்ஹாபிகளின் பிரிவு எது? அது மக்களால் ஏற்றுக் கெர்ளப்பட்டதா? மறுக்கப்பட்டதா? அவர்கள் கொள்கைக்கும் ,ஸுன்னத் வல் ஜமாஅத் கொள்கைக்கும் மாறுபாடு உண்டா? அவர்கள் இமாமை பின்பற்றி நடப்பவர்களா?

பதில்: வஹ்ஹாபிகள் எம்பெருமானார் அவர்களின் சுன்னத்தை பேணக் கூடியவர்கள்.

இந்தியாவில் பொதுவாக 'மத்ஹபை' நிராகரிப்போரைத் தான் வஹ்ஹாபிகள் என்று அழைப்பது வழக்கம். ஆனால் பின்பு என்ன காரணத்தாலோ எம் பெருமானாரின் சுன்னத்தான வழிமுறைகளை பின்பற்றி வழைய பழக்கவழக்கங்களையும், பிதஅத்களையும் ஒழித்தவர்களுக்கு இப் பெயர் சூட்டப்பட்டது. பம்பாயிலும், அதன் சுற்றுப்புறங்களிலும் அவ்லியாக்கள், இறைநேசர்களின் கப்றுக்கு சென்று சிர வணக்கம் செய்வது ஆகாது என கூறுவோரை வஹ்ஹாபிகள் என அழைக்க ஆரம்பித்தர்கள். வட்டி வாங்குவது கூடாது என சொல்பவர்கள் வஹ்ஹாபிகள். அது ஆகுமானது என சொல்Nவுhர் வஹ்ஹாபிகள் அல்லர் என்றும், வஹ்ஹாபி என்ற சொல்லே அதன் அர்த்தம் தெரியாமல் துர்பிரயோகம் செய்யப்பட்டது. ஒரு இந்திய் மற்றொரு இந்தியனைப் பார்த்து வஹ்ஹாபி என்றாலும் அவர்களுக்குள் இறை நம்பிக்கையில் வித்தியாசம் கிடையாது.

வாதி பேஷ் இமாமை முதலில் விசாரணை செய்யும்போது, வஹ்ஹாபிகள் ஷைத்தானுக்கு ரசூலுல்லாஹ்வை லிட அதிக ஞானம் இருப்பதாக கூறினார். ஆனால் அவரை குறுக்கு விசாரணை செய்யும்போதுதான் அவ்வாறு கூறவில்லை என்று மறுத்தார். மேலும் தேவ்பந்திகளுக்கும் இக் கொள்கை ஏற்புடையது அல்ல என்று மறுத்தார். ஆனால் அவரிடம் 'பராஹினே காத்திஆ' என்ற புத்தகத்தை காட்டி அந்த மாதிரி எழுதப்பட்டுள்ள பகுதியை காட்டும்போது அவர் அதை ஒப்புக் கொள்வதைத் தவிர வேறு மார்க்கமில்லை. மேலும் அப்பபுத்தகத்தில் கண்டுள்ள விஷயம் தனக்கும் சரி என்று தெரிவதாகக் கூறினார். தேவ்பந்தியாக்கள் கொள்கைப் படி ரசூலுல்லாஹ் சாதாரண மனிதர்தான் என்பதையும் மறுத்தார். 'தக்வியத்துல் ஈமான்' என்ற நூல் தேவ்பந்தியாக்களின் அதிகாரப் பூர்வ நூலாகும். அதில் 10வது பக்கத்தில், 'அல்லாஹ்வின் முன்னிலையில் படைப்பினங்கள் அனைத்தும் எவ்வளவு சிறப்புக்குரியதாகயிருந்தாலும் அது கீழானவையே! 'எவ்வளவு சிறப்புக்குரியதாகயிருந்தாலும்' என்ற சொல்லானது இவ்விடத்தில் ரசூல்மார்களையும், நபிமார்களையும் குறிக்கும் என்பதை வாதி ஒப்புக் கொண்டார். மேலும் அந்தப் புத்தகத்தில் 'எல்லா மனிதர்களும் சகோதரர்களே! மேன்மைக்குரிய மனிதர்கள் குடும்பத்தில் மூத்த சகோதரனுக்குள்ள அந்தஸ்தையுடையவர்களே! இந்த உலகமே அல்லாஹ்வுக்குரியதாகும். எனவே அவனையே வணங்க வேண்டும். இந்த ஹதீதிலிருந்து நமக்குத் தெரியவருவது என்னவென்றால், நபிமார்கள், அவ்லியாக்கள், இமாம்கள், அவர்களின் வாரிசுகள் அனைவர்களும் அல்லாஹ்வின் அன்புக்குரியவர்களே! ஆனாலும் அவர்கள் சாதாரண மனிதர்களே! அவர்களுக்கு எந்தவிதமான சக்தியும் கிடையாது. அவர்களும் நமது சகோதரர்கள்தான். அல்லாஹ் அவர்களுக்கு முக்கியத்துவம் கொடுத்தால் நமக்கெல்லாம் அவர்கள் மூத்த சகோதரர் போல் ஆகிறார்கள். ஆதலால் அவர்களது கட்டளைகளை நிறைவேற்றுவது நமது கடமை ஆகும். நாம் அவர்களின் இளை சகோதரர்கள் ஆவதால் அந்த அளவுக்குத்தான் அவர்களுக்கு கௌரவம் கொடுக்க வேண்டும். அதற்கு மேல் கௌரவம் அளிக்கத் தேவையில்லை.

இந்த பகுதியைப் பற்றி வாதியிடம் கேட்டபோது அவைகள் முற்றிலும் சரியான வாசகம்தான் என்று ஒத்துக் கொண்டார். மேலும் ரசூலுல்லாஹ்வின் திருநாமத்தைக் கேட்கும்போது அவர்களுக்கு சங்கை செய்யும்பொருட்டு நடந்து கொள்வது 'பிதஅத்' என்றார். தேவ்பந்திகளின் கொள்கையும் அதுதானென்றார். ஆனால் 'பதாவா ரஷீதிய்யா' என்ற நூலைக் காட்டி கேள்விகள் கேட்கும்போது கீழ்கண்டவாறு கூறினார்:-

'ரஹ்மத்துன் லில் ஆலமீன்' என்பது ரஸூலுல்லாஹ்வுக்கு மட்டுமுரிய தனிச் சிறப்பு என்பது சரி அல்ல! அவ்லியாக்களும். மற்ற மகான்களும் உலகுக்கு ஆசீர்வதிக்கப்பட்டவர்களாக வந்தார்கள். ரஸூலுல்லாஹ் இவர்களை விட சிறப்பானவர்கள் அவ்வளவுதான்'.

தான் ஒரு தேவ்பந்தி என்றும், 'பதாவா ரஷீதியா' தங்களின் அதிகாரப் பூர்வ ஏடு என்றும் அதில் அடங்கி இருக்கும் கருத்துக்களுக்கு மாற்றமாக தான் எதுவும் சொல்ல முடியாது என்றார். வாதியை குறுக்கு விசாரணை செய்யும் போது பெரும்பாலான வஹ்ஹாபிக் கொள்கையை தான் அங்கீகரிப்பதாகவும், தேவ்பந்திகளும் அவ்வாறே கருதுவதாகவும் சொன்னார். இருந்தும் மற்றவர்கள் தன்னை 'வஹ்ஹாபி' என்று சொல்வதை விரும்பவில்லை என்றும் சொன்னார். அதே நேரத்தில் தேவ்பந்தி-வஹ்ஹாபிக் கொள்கைகள் இரண்டும் ஒன்றுதான் என்று உறுதியாக தன்னால் சொல்ல முடியாது என்றார். ஆனால் அவரது சாட்சியத்தைக் கூர்ந்து படிக்கும்போது இரண்டும் ஒன்றே என்ற கருத்துதான் தொனிக்கிறது. அவர் தன்னை தேவ்பந்தி என்று ஒப்புக் கொள்கிறார். எனவே எதிரிகள் இவரைப் பற்றி 'தேவ்பந்தி-வஹ்ஹாபி' என்று எழுதியது சரிதான் என்பதை வாதியின் சாட்சியம் மூலமே நிரூபித்து விட்டார்கள். எனவே எதிரிகள் குற்றவாளி ஆக முடியாது.

அவர் வஹ்ஹாபி என்பதற்கு நேரடி சாட்சியங்கள் இல்லை. ஆனால் அவரது சாட்சியத்தை முழுமையாக பரீசிலிக்கும் போது அவர் வஹ்ஹாபிதானென்று தெரிகிறது.

இதே சமயத்தில் சட்டச சமபந்தமாக 1966 ம் வருடம் சுப்ரீம் கோர்ட்டில் முடிவான் ஒரு கேஸ் நீதிமன்றத்தின் பார்வைக்கு கொண்டு வரப்பட்டது. அந்த வழக்கின் சாராம்சம் என்னவென்றால் குற்றவாளி தன்மீது சுமத்தப்பட்ட குற்றத்தை மறுத்து சாட்சியங்களுடன் தான் குற்றவரி அல்ல என்று நிரூபிக்கத் தேவையில்லை. ஆனால் நீதிமன்றத்தின கவனத்தை ஈர்க்கும்வகையில் வாதித் தரப்பு வழக்கு சந்தேகத்திற்குரியதுதான் என்பதுவரைக்கும் எடுத்துக்காட்டினால் போதுமானது. எதிரிகள் குற்றவாளிகள்தான் என்று சந்தேகத்திற்கிடமின்றி நிரூபிக்கும் பொறுப்பு எப்போதும் வாதித் தரப்புடையதுதான்.எதிரிக்கு அந்த பொறுப்பு கிடையாது. இது குற்றயியல் சட்டத்தின் அடிப்படைக் கொள்கையாகும்.

அதாவது ஒருவரை குற்றவாளி என்று சொல்லி நீதிமன்றத்தில் நாம் வழக்கு தொடர்வோமானால் அதை நிரூபணம் செய்ய வேண்டியது வழக்கு தொடர்ந்தவரையே சாரும்.

அவதூறு வழக்கு சம்பந்தப்பட்டவரை சட்டத்தில் சில விதிவிலக்குகள் வரையறுத்திருக்கிறார்கள். அதன் பலன் தனக்கு உண்டென்று எதிரிகள் வாதாட உரிமை உண்டு. இதை வாதி தரப்பில் கட்டுப்படுத்த முடியாது.

இந்த வழக்கு சம்பந்தப்பட்டவரை எதிரிகள் 9வது பிரிவு விதிவிலக்கின் கீழ் குற்றவாளி அல்ல என்று வாதாட முடியுமா? என்பதுதான் பிரச்சனை. இந்த வழக்கின் சாட்சியங்களைப் பார்க்கும்போது வாதி ஒரு வஹ்ஹாபிதான் என்ற முடிவுக்கு வரவேண்டியுள்ளது.மேலும் வாதி தனது பிரசங்கத்தில் வஹ்ஹாபிக் கொள்கைகளான 'ரஸூலுல்லாஹ் சாதாரண மனிதர்தான், அவர்கள் பெயரை கேட்கும்போது சங்கை செய்வதும், மீலாது விழா கொண்டாடுவதும் 'பித்அத்' என்றும் தான் பேசியதாக ஒப்புக் கொள்கிறார். இது சுன்னத் வல் ஜமாஅத் கொள்கைக்கு விரோதமானதாகும் இந்தக் கருத்துப்படி  பார்த்தால் ரஸூலுல்லாஹ்வையும், அல்லாஹ்வின் அருள் பெற்ற நல்லடியார்களையும் அவமதிக்கும் நோக்கம் தெளிவாகிறது.

கபாட்வான்ஞச் நகரில் இஸ்லாமியர்களுக்கிடையில் இரு பிரிவு இருந்தது. மொத்த ஜனத் தொகை 6000 பேரில் 5800 பேர் சுன்னத் ஜமாஅத் கொள்கையை பின்பற்றுபவர்களாக இருந்தார்கள் என வாதி ஒத்துக் கொண்டார். பெரும்பான்மையானவர்கள் பேஷ் இமாமுக்கு எதிராக போர்க்கொடி உயர்த்தினார்கள். வெளியூர்களிலிருந்து உலமாக்கள் வரவழைக்கப்பட்டனர். ஹதீஸ் மஜ்லிஸ்கள் தீவிரமடைந்தன. பிரச்சாரம் சூடு பிடித்ததும் வஹ்ஹாபியினர் போலீசுகக்குப் புகார் செய்தனர். ஆனால், சூழ்நிலையோ பேஷ்இமாம் தொடர்ந்து பணியாற்ற முடியாத சூழ்நிலையாகிவிட்டது. இதனால் அப்பள்ளியின் முத்தவல்லியாக இருந்த ஹாஜி சுலைமான் அவர்களும் ராஜினாமா செய்யும் நிலை ஏற்பட்டது. 16-8-68 ல் ஹாஜி சுலைமான் அவர்கள் தான் பள்ளிவாசல் முத்தவல்லி பொறுப்பை ராஜினாமா செய்துவிட்டதாக அறிவிப்பு பலகை மூலம் தெரியப்படுத்தினார். இரு தரப்பிலுமுள்ள சில முக்கியஸ்தர்களை போலீஸ் அதிகாரிகள் கூப்பிட்டு விசாரித்து பேஷ்இமாம் ராஜினாமா செய்ய வேண்டுமென்று முடிவெடுக்கப்பட்டது.

பேஷ் இமாம் பதவியிலிருந்து விலக்கப்பட்டதற்கான ஆதாரம்:-

வாதித் தரப்பு வக்கீலின் வாதம் என்னவென்றால், 'வாதி பேஷ்இமாம் பதவியை ராஜினாமா செய்தார். வேலை நீக்கம் செய்யப்படவில்லை. அப்படியிருக்க  அவர் பதவியிலிருந்து அகற்றப்பட்டார் என்னும் கருத்தில் எதிரிகளே பத்திரிகையில் பிரசுரித்திருப்பது பொய்யும், அவதூறுமாகும்' என்பதாகும்.

இதை மறுத்து எதிரி வக்கீல் சொன்னதாவது 'வாதி தொடர்ந்து பேஷ்இமாம் தொழில் செய்ய முடியாத சூழ்நிலை உருவானது. அவருக்கு எதிராக பிரச்சாரங்கள்  வெளியில் பகிரங்கமாக நடைபெற்றது. பெரும்பான்மையான மக்கள் அவர் பின்னால் நின்று தொழுவதை புறக்கணித்தனர். மேலும் அவரும், அவரைச் சார்ந்தோரும் பின்பற்றும் கொள்கை தவறானது என்பத எடுத்துக்காட்ட வெளியூர்களிலிருந்து உலமாக்கள் வரவழைக்கப்பட்டனர். வன்முறை தலைதூக்க கூடிய நிலையில் காவல் நிலையத்தினர் தலையிட்டு இருதரப்பு தலைவர்களையும் அழைத்து விசாரித்து பேஷ்இமாம் கட்டாயமாக ராஜினாமா செய்யவேண்டுமென்று முடிவெடுக்கப்பட்டது. எனவே அவரது ராஜினாமா தன்னிச்சையானது அல்ல. கட்டாயத்தின்பேரில்தான் அவர் ராஜினாமா செய்தார். எனவே எதிரிகள் வேஷ் இமாம் பதிவ நீக்கம் செய்யப்பட்டார் என எழுதியது சரியே! என வாதாடினார். மேலும் அவர்கள் பிரசுரித்த செய்தி உண்மையானதுமதான் என்றும் எடுத்துக் கூறினார்.

வாதியின் சாட்சியத்தைக் கூர்ந்து பரீசிலிக்கும்போது வாதியானவர் தனது பதவியை கட்டாயமான் சூழ்நிலையில்தான் துறந்தார் என்று தெரிய வருகிறது. சுமூகமாக மனமுவந்து தானாக ராஜினாமா செய்ததாக  இல்லை. எனவே அவர் பதவி நீக்கம் செய்யப்பட்டார் என்று யாரும் எழுதுவதோ, சnhல்வதோ குற்றமாகாது. இந்த நேரத்தில் 1959ம் ஆ;டு கல்கத்தா ஹை கோர்ட்டில் நடந்த ஒரு வழக்கில் ஆராயப்பட்ட சட்ட நுணுக்கத்தை இங்கு கவனத்தில் கொள்வது நல்லது. அதாவது ஒரு விஷயம் பொதுஜன நன்மையைக் கருதி பிரசுரிக்கப்படுமாயின் அது இப்படித்தனர் எழுதப்பட வேண்டுமென ஒரு கட்டுப்பாட்டுக்குள் கொண்டுவர முடியாது. எழுதப்படும் விஷயம் மட்டும் உண்மையா? இல்லiயா? என்பதுதான் முக்கியம்.எழுதுகின்ற முறை எப்படியும் இருக்கலாம்.

நம் முன் நடந்த இந்த வழக்கு சம்பந்தப்பட்டவரை பேஷ்இமாம் பெரும்பான்மையான மக்களின் கட்டாயமான எதிர்ப்புகளுக்கிடையில் ராஜினாமா செய்தார் என்பதும், அவர் ஒரு தேவ்பந்தி வஹ்ஹாபி என்பதும், அல்லாஹ்வையும் அவனது திருத்தூதர்களையும் அவனது அடியார்களைப் பற்றியும் அவதூறு பிரச்சாரம் செய்தார் என்பதும் மிகவும் தெளிவாக எதிரிகளால் நிரூபிக்கப்பட்டு விட்டது.

'தையிபா' பத்திரிகை கட்டுரை பற்றிய தீர்ப்பு:-

அடுத்து நீதிபதியாகிய நான் தீர்மானிக்க வேண்டியது இந்த கட்டுரை நல்லெண்ணத்தோடு இஸ்லாமிய மக்களின் நன்மையைக் கருதி பிரசுரிக்கப்பட்டதா? என்பதுதான். இரண்டாவது எதிரி தான் அஹமதாபாத்தில் 1952ம் வருடம் தாருல் உலூம் சாஹி ஆலம் என்ற நிறுவனத்தை ஆரம்பித்த நோக்கமே வஹ்ஹாபிகளின் விஷமப் பிரச்சாரத்தை முறியடித்து குஜராத்தில் பரேல்வி சமூகத்தினருக்க சுன்னத்வல் ஜமாஅத் கொள்கையை எடுத்துச் சொல்வதற்காகத்தான் என்று கூறியுள்ளார். அரசியல் அமைப்பு சட்ட விதிகளின்படி இந்திய பிரஜை யாரம் தனது மதக் கொள்கையை பிரச்சாரம் செய்யலாம். அதே நேரத்தில் தத்தமது மதக் கொள்கைக்கு பங்கம் வரும்விதத்தில் யாரும் தாக்கி பேசினால் அவர்களை மக்கள் மத்தியில் அடையாளம் காட்டலாம். தற்போது இந்த நிறுவனம் ஒரு பொது ஸ்தாபனமாக மாற்றப்பட்டுள்ளது. இங்கிருந்து 'தையிபா' இதழ் வெளியாகிறது. இதன் பிரதிகள் உள்நாட்டிலும் அயல் நாட்டிலும் அதிகமாக விரும்பி படிக்கப்படுகிறது. சர்ச்சைக்குரிய கட்டுரையானது அந்த நிறுவனத்தின் முதல்வர் ஜஹாங்கீர் மியா என்பவரால் செ;யதிகள் நேரடியாக சென்று சேகரிக்கப்பட்டு அது உண்மையானதுதான் என் அறிந்த பிறகு தங்களை சார்ந்தேரின் நலனைக் கருதி பிரசுரிக்கப்பட்டது என வாதம் எழுப்பப்பட்டது.

வாதி பேஷ் இமாமும் தான் முதல்வர் ஜஹாங்கீர் மியா இருந்த வீட்டுக்குச் சென்று அவரை சந்தித்து உரையாடியதாக ஒத்துக் கொள்கிறார். ஆனால் அது ஒரு கோஷ்டியினரின் நிர்பந்தத்தால் எற்பட்ட சந்திப்பு என்கிறார். ஆனால் ஜஹாங்கீர் மியா தன்னிடம் ஒரே ஒரு கேள்வி கேள்வி கேட்டதாகவும் அதற்கு தான் தெளிவாகவும், விரிவாகவும் பதில் சொன்னதாகவும் சொல்கிறார். இதிலிருந்து சர்ச்சைக்குரிய கட்டுரையானது கவனக் குறைவினாலும் உண்மைக்குப் புறம்பாகவும் பிரசுரிக்கப்பட்டது என்று சொல்ல முடியாது. இந்த வழக்கில் எதிரிகள் தரப்பில் கல்லூரி முதல்வர் ஜஹாங்கீர் மியா சாட்சியாக விசாரிக்கப்படவில்லைதான். ஆனால் முதல்வரை சந்தித்தது உண்மை என வாதி ஒத்துக் கொண்டதால் அவரை கோர்ட்டில் விசாரிக்கத் தேவையில்லை. வாதியின் ஒப்புதலிலிருந்து முதல்வர் வாதியிடம்இது சம்பந்தமாக உரையாட வந்தது உண்மைதான் என்று தெளிவாகிறது. எனவே எதிரிகள் பிரசுரித்த கட்டுரையானது உண்மையான சம்பவத்தை பற்றியதுதான் என்பதை அவர்கள் நிரூபித்து விட்டார்கள்.

கபாட்வாஞ்ச் ஊரில் வாழும் பெரும்பான்மையான முஸ்லிம்கள் பரேலி பிரிவை சேர்ந்தவர்கள் என்றும் அவர்கள் எதிரிகள் பின்பற்றும் கொள்கையை ஆதரிப்பவர்கள் என்பதையும் வாதி ஒத்துக் கொண்டுள்ளார். இந்த பிரிவினர் பழங்கால வழி முறைகளைப் பின்பற்றக் கூடியவர்கள். தேவ்பந்திகளோ சன்மார்க்கத்தில் நவீன கொள்கைகளை புகுத்துபவர்கள். அவர்கள் வஹ்ஹாபிக் கொள்கைகளையும் ஆதரிப்பவர்கள். பரேலி பிரிவினரும் தேவ்பந்த வஹ்ஹாபிகளும் கருத்து வேறுபாட்டால் ஒருவரையொருவர் எதிர்த்து கொண்டிருந்தார்கள். கபாட்வாஞ்ச் ஊரில் வாழும் பெரும்பான்மையான முஸ்லிம்கள் பரேலி பிரிவை சேர்ந்தவர்கள் ஆதலால் அவர்கள் நலனைக் கருதி'தையிபா'வில் கட்டுரை வெளியிடப்பட்டது. அவர்கள் பெரும்பான்மையாக இருக்கும்போது பேஷ் இமாம் பள்ளியில் இவர்களுக்கு விரோதமான கொள்கையை பிரச்சாரம் செய்வதை இவர்கள் எப்படி தடுக்காமல் இருக்க முடியும்?  மேலும் வாதியின் வாக்குமூலத்தை ஆராயும்போது முதலில் தான் 'தேவ்பந்தி வஹ்ஹாபி' இல்லை என்கிறார். பின்னால் தான் தேவ்பந்தி என்றும, அந்தக் கொள்கையும் வஹ்ஹாபிக் கொள்கையும் ஒன்றுதான் என்கிறார். ஆகையால் சுன்னத் ஜமாஅத் போர்வையில் வாதி பேஷ் இமாம் தனது வஹ்ஹாபிக் கொள்கையை பிரச்சராம் செய்து வந்திருக்கிறார். எனவே அவரை மக்களுக்கு அடையாளம் காட்டி அவரை பள்ளியிலிருந்து விரட்ட வேண்டிய கட்டாய சூழ்நிலை பெரும்பான்மையான மக்களுக்கு ஏற்பட்டது. பெரும்பான்மை மக்களின் பத்திரிகையான 'தையிபா'வானது உண்மை சம்பவத்தை மக்கள் நலன் கருதி வெளியிட்டது. மேலும் நல்லெண்ணத்துடன் முதல்வர் ஜஹாங்கீர் மியா என்பவரை அனுப்பி விசாரித்த பின்னர்தான் கட்டுரை வெளியிடப்பட்டுள்ளது. எனவே இ.த.ச.499 பிரிவு(1)9 வுடைய பலன் எதிரிகளுக்கு உண்டு. எனவே இதற்கு முன் சுட்டிக்காட்டப்பட்ட 1966ம் ஆண்டு சுப்ரீம் கோர்ட் தீர்ப்பின் படியும் எதிரிகள் தாங்கள் குற்றவாளிகள் அல்ல என்பதை நிரூபித்த விட்டார்கள்.

எனவே எதிரிகள் குற்றவாளிகள் அல்ல என்ற முடிவுக்குத்தான் வரவேண்டியுள்ளது. வாதி தரப்பிலும் அட்வகேட் அவர்கள் பல தீர்ப்புகளை சுட்டிக்காட்டி வாதம் செய்தார். ஆனால் அந்த தீர்ப்புகளின் முழு விபரங்களையும் இங்கு விவரிக்கத் தேவையில்லை என கருதுகிறேன். குறிப்பாக சொல்லப்போனால் அந்த வழக்குகளின் சாராம்சங்களும், இந்த வழக்கின் விபரமும் வேறுவேறதானதாக இருக்கிறது. ஆகவே வாதிக்கு அவைகள் எந்தவிதத்திலும் உபயோகமில்லாமல் போய்விட்டது. ஏனென்றால்  எதிரிகள் தாங்கள் நல்லெண்ணத்துடன் பொதுஜன நன்மை கருதி தீர விசாரிகத்து உண்மை சம்பவத்தை வெளியிட்டதாக நிரூபித்துவிட்டார்கள். அவர்களுக்கு தனிப்பட்ட முறையில்(பேஷ் இமாம்) வாதி மேல் விரோதமோ, குரோதமோ கிடையாது. அவரது வஹ்ஹாபிக் கொள்கையைதான் கண்டனம் செய்து எழுதியுள்ளார்கள். இன்னும் வாதித் தரப்பில் அட்வகேட் அவர்கள் பம்பாய் உயர் நீதிமன்றத்தின் நான்கு தீர்ப்புகளை சுட்டிக் காட்டி வாதம் செய்தார். அதில் ஒரு தீர்ப்பை பார்வையிட்டதில் உண்மையல்லாத செய்தியை கெட்ட எண்ணத்தோடு பிரசுரம் செய்திருக்கிறார்கள். எனவே அ;த தீர்ப்பை இந்த வழக்குக்காக மேற்கோள் காட்டுவது சரியல்ல. ஏனென்றால் இந்த வழக்கில் பிரசுரமான செய்தி உண்மையானது. மற்ற மூன்று தீர்ப்புகளும் சில் கேஸ் சம்பற்தப்பட்டவைகளாக தெரிகிறது. அந்த தீர்ப்புகளின் சட்ட நுணுக்கம் இந்த வழக்கோடு ஒப்பிட தகுந்தவையல்ல என்பதால் அவைகளையும் நிராகரிக்க வேண்டியுள்ளது.

ஆகையால் எதிரிகள் தங்கள் பத்திரிகையில் வெளியிட்ட கட்டுரை உண்மையானது-நல்லெண்ணத்தோடு பொதுஜன நலன் கருதி பிரசுரிக்கப்பட்டது என்பதையும் நிரூபித்து விட்டார்கள். எனவே இந்திய தண்டனைச் சட்டம் 49 பிரிவு(1)9-வது ஷரத்துக்களின்படி அவர்கள் வெளியிட்ட செய்தி அவதூறானது அகாத என தீர்ப்பளித்து எதிரிகள் இருவரையும் விடுதலை செய்கிறேன்'.

முற்றும்.

2. HIGH COURT OF INDIA: DEALERS TABTJGHI KITAAB READING IN THE MOSQUE AS UNISLAMIC BY SOUTH INDIA CORRESPONDENT BELGUAM SOUTH INDIA

A very interesting and memorable legal battle ensued in the Belguam High Court in the Karnatak state of South India in which one Mr. Qusim, N.C.O of Belguam and his associates filed a suit against Mr. Ebrahim Tajuddin and members of sholapur mosque congregation. The plaintiff claimed that the defendant and his followers were harassing him and his associates in respect of their Kittab reading in the sholapur mosque of Belguam, declaring it as an unwanted disturbance to their prayers. In a prolonged hearing of many months the Honourable Judge Mr. Justice R. B. BALGANGADAR of Belguam High Court, South India observed,

1. That the defendant and his followers stopped the plaintiff and his asscciates known as the Tabligi, from reading the contents of their books namely “Tagwiathul Imam” “Hifzul  Imaan”, Tablighi Nisab” etc. on the grounds that they contain highly inflamable passages which are contrary to the basic Islamic beliefs as well as damaging the dignity and respect of the venerable and impeccable character of the Prophet of Islam (Sallallahu alaihi wa sallam)

2. The said defendant and his followers have stopped the plaintiff and his associates from holding an Ijitima (gathering) at the Shahiul Mosque because such gatherings ultimately and unwillingly drew the simple minded muslims into the Web of  Tablighi beliefs.

3. That the said defendant lucidly impressed upon the High Court that any sane muslim will not tolerate any improvient remarks passed by any person against the faultless character of the prophet of Islam ((Sallallahu alaihi wa sallam.). The Honourable Judge Mr. Justice R. B. BALGANGADHAR thus declared after making a careful study of several translations of the Quran as well as the Ahadith of the Prophet of Islam (Sallallahu alaihi wa sallam) and after due consideration of the noble and subline position of the prophet of Islam (Sallallahu alaihi wa sallam) ,I have come to the following conclusion.

CONCLUSIONS ARRIVED AT BY THE JUST1CE:

a. That since the urdu language constitutes all the Arabic, Persian and other Indian languages it does Iargly assist the ulema to translate the Quran and the Ahadith as well as to propound accurate commentaries on these. But unfortunately a glaring flaw is now evident in the translation.

b. Further it has become crystal clear from the evidence of the plaintiff and other witnesses that as the Tablighi Jamaat is the creation of our present century, it is not wholly worthy of trust and confidence of the general consensus of the muslims.

c. That the plaintiff and his associates (Tablighis) do not posses a full command over either Arabic or Urdu and are therefore incapable of making correct translaticns of the Quran and Ahadith in the books of the Tablighi Jamaat. Since the books have become a bone of contention casting doubts and causing rifts in the basic beliefs of muslims, and since they are causing dissention, hatred anddiscontent between muslims. I have no other alternative but to uphold the plea of defendant and therefore restrain the plaintiff and his associates from reading these Tablighi books as well as holding any Ijitima in the Sholapur mosque. They were deliberately misrepresenting true Islamic beliefs and waylaying simple minded non Tablighi muslims.

d. That the contentious book “Tablighi Nisab” is certainly not a heavenly revealed book. It does contain many flaws and erroneous translations. Therefore since the consequent misrepresentation of ZABUR, PESH, ORZER can damage the complete meaning of the Quranic verse and this being the case with the above mentioned dubious, Tablighi books, I have no alternative but to restrain all such Tablighi Jamats from reading any un-authentic books in the Sholapur Mosque or holding any ljtimas therein.

e. That the mosque is the house of God wherein eating, drinking and holding wordly discussions are totally undesirable and prohibited acts. Since these Tablighi Jamaats tend to abuse the sanctity of the Mosque such gatherings are not to be held therein.

f , Thus the plaintiff is not trustworthy person and therefore has no right to interfere in any manner whatsoever in the affairs of the said Sholapur Mosque.

THIS JUDGEMENT WAS DELIVERED ON THE 13th OF JANUARY, 1986, IN THE BELGUAM HIGH COURT IN THE KARNATAK STATE  OF SOUTH INDIA. MR. JUSTICE R. B. BALGANGADHAR WAS ON THE BENCH. MR. A. K. SUDHAGAR REPRESENTED THE PLAINTIFF AND COUNSEL FOR THE DEFENCE WAS MR. M.O.SHAIKH.

PAGE 48 MUSLIM DIGEST. NOV. 1986 TO FEB. 1987.