ஸல், ரஹ், ரலி போன்றவை போடலாமா?

ஸல், ரஹ், ரலி போன்றவை போடலாமா?

எஸ்.எம்.ஹைச். முஹம்மதலி ஸைபுத்தீன் ஆலிம் காதிரி ஸுபி

அண்ணல் பெருமானார் ஸல்லல்லாஹு அலைஹி வஸல்லம் அவர்களது அழகிய திருநாமத்தை எழுதப்படும் பொழுது அத்துடன் 'ஸல்' என்ற வார்த்தையையும் எழுதப்பட்டு வருவதைக் காண்கிறோம்.

ஸலவாத்தின் சுருக்கம்தான் இந்த ஸல், ஸல் அம் என்பவை. இது ஆகுமானதா? என்பது பற்றி ஒரு மார்க்கத் தீர்ப்பு எமது பார்வைக்கு கிட்டியது.

அசட்டையாக சோம்பேறித்தனமாக இப்படி சுருக்கி எழுதுவது விரும்பத் தகுந்ததல்ல! என்று அந்த பத்வா கூறுகிறது.

நமது பாரத் நாட்டில் மிக அறிமுகமான பெரியாரும் ஸுன்னத் வல் ஜமாஅத்தில் தலைசிறந்தவரும், பிரபல மார்க்க அறிஞரும் முப்தியுமான ஒரு மேதையருக்கு ஆப்பிரிக்காவிலிருந்து விளக்கம் கேட்டு ஒரு வினா வருகிறது. கேள்வி கேட்;டவர், தமது கேள்வியில் அண்ணலாரைப் பற்றிக் குறிப்பிடும்போது 'ஸல் அம்' என்று எழுதியிருந்தார். எனவே அந்த மார்க்கப் பேரறிஞர் அதை மகி கண்டித்து அப்படி எழுதுவது ஆகாது என்று ஒரு பத்வாவே வழங்குகிறார்கள். அந்த பத்வாவின் சுருக்கத்தை இனி காண்போம்.

தங்களது வினாவில், ஸல்லல்லாஹு அலைஹி வஸல்லம்' என்று எழுதும் இடங்களில் 'ஸல் அம்' என்று எழுதப்பட்டிருந்தது. இது மிக்க கடுமையான ஆகாத காரியமாகும். இந்தப் பழக்கம், நானூறு ஆண்டுகளாக பாமர மக்களிடையேயும், பெரும் மேதைகளிடமும் எப்போடியோ ஊடுருவி விட்டது. சிலர் 'ஸல் அம்' என்றும் வேறு சிலர் 'ஸல்லம்' என்றும், மற்றும் சிலர் 'ஸாது, என்றும் இன்னும் சிலர் 'அலைஹிஸ்ஸலாத்து வஸ்ஸலாம்' என்பதற்கு 'அம்' என்றும் எழுதுகின்றனர்.

கொஞ்ச அளவுமை, அல்லது ஒரு அங்குலக் காகிதம், அல்லது சில வினாடிப் பொழுதை மிச்சப்படுத்துவதற்காக எவ்வளவோ அபரிதமான பாக்கியத்தை விட்டுவிடுகின்றனர்.

'முதன் முதலில் இப்படி ஸலவாத்தைச் சுருக்கி எழுதியவரின் கை துண்டிக்கப்பட்டதாக' இமாம் ஜலாலுத்தீன் சுயூத்தி ரஹிமஹுல்லாஹ் நவின்றுள்ளார்கள்.

'மன்கதப – அலைஹிஸ்ஸலாம் – பில் – ஹம்ஸதி – வல் மீமி – யக்புறு – லிஅன்ஹு – தக்பீபுன் – வதக்பீபுல் – அன்பியாயி – குப்ருன் – அலைஹிஸ்ஸலாம் என்பதை  ஹம்ஸு கொண்டும், மீம் கொண்டும் ('அம்' என்று) எவன் எழுதுவானோ அவன் காபிராகுவான். ஏனென்றால் இலேசாக மதிப்பதுவாகும். நபிமார்களை இலெசாக மதிப்பது குப்ராகும்' என்று அல்லாமா செய்யிது தஹ்தாவி ரஹ்மத்துல்லாஹி அலைஹி அவர்கள் துர்ருல் முக்தாரின் ஹாஷpயாவில், பதாவாதாதர் கானியாவில் இருந்து நகல்படுத்துகிறார்கள். வேணுமென்று லேசாக மதிப்பானாகில் அல்லது ஏளனமாக நினைப்பானாகில் அவன் காபிராகி விடுவான் என்பதில் ஐமில்லை. (மஆதல்லாஹ்)

சோம்பேறித்தனமாக, பொடு போக்காக, அறியாமைத்தனமாக செய்வார்களாயின் அவர்கள் காபிராக மாட்டர்கள் என்றாலும், பாக்கியமற்ற, நஸீபு கெட்ட வேலை இது என்றால் மிகையாகாது. இரு நாவுகளில் ஒரு நாவு பேனா! அது  போது ஸல்லல்லாஹு அலைஹி வஸல்லம் என்று எழுதப்பட வேண்டிய இடங்களில் ஸல் அம் என்று எழுதினால் ஸலவாத்தை நாவினால் மாற்றிய சட்டம் வரத்தானே செய்யும்? 'சொல்லப்பட்ட ஒன்றை வேறொன்றாக மாற்றுவது குற்றம்' என்று குர்ஆன் கூறுகின்றது:-

ப-பத்தலல்லதீன….. அநியாயக் காரர்கள் அவர்களுக்கு ஏவப்பட்டது அல்லாத சொல்லாக மாற்றிவிட்டனர். (அல்லாஹ்வின் வழிபாட்டை விட்டும்) வெளியேறிய காரணத்தால் அநியாயக் காரர்களான அவர்கள் மீது நாம் வானத்திலிருந்து கொடிய வேதனையை இறக்கினோம். – அல்குர்ஆன் (2:59)

'ஹித்தத்துன்- எங்கள் பாவங்கள் அழிக்கப்படுவதே எங்கள் வேண்டு கோள்' என்று சொல்லுங்கள் என அங்கு இஸ்ரவேலர்களுக்கு அல்லாஹ் சொன்னான். இக்கட்டளையை மாற்றி 'ஹின்ததுன்-கோதுமையே எங்கள் வேண்டு கோள்' என்று சொன்னார்கள். பொருள் அர்த்தமுள்ள வார்த்தையாக அவர்கள் மாற்றியும் கூட இறைவனால் ஏற்பட்ட கட்டளையை மாற்றியதாக தண்டனை பெற்றார்கள் என்றால், இங்கு நமக்கு 'ஈமான் கொண்டவர்களே! அவரின் (நாயகத்தின்) மீது ஸலவாத்து சலாம் சொல்லுங்கள்' என்று இறைவன் கட்டளை பிறப்பித்துள்ளான்.

இறைவனது இக்கட்டளை வாஜிபு அல்லது முஸ்தஹப்பு என்பது அவர்களது திருப்பெயரை கேட்கும் போதெல்லாம், நாவால் சொல்லும் போதெல்லாம், பேனா முனையால் தீட்டும் போதெல்லாம் பொருந்தும்.

அவர்களது திருப் பெயரை எழுதும் போது அதன் தொடராக 'ஸல்லல்லாஹு அலைஹி வஸல்லம்' என்று பூரணமாகத்தானே எழுதப்பட வேண்டும். அதுவின்றி 'ஸல்லம்' 'ஸல்அம்' என்று மாற்றி சுருக்கி அர்த்தமற்றதாக ஆக்குவது எங்ஙனம் பொருந்தும்?

அர்த்தமுள்ள சொல்லாக மாற்றிய இஸ்ரவேலர்களுக்கு கொடிய வேதனை இறக்கப்பட்டிருக்கும்போது அவனது ஹபீபின் ஸலவாத்தை அர்த்தமற்ற வார்த்தையாக மாற்றினால் கொடிய வேதனை கிடைக்காது என்று எவரால் உறுதி கூற முடியும்? (வல் இயாது பில்லாஹ்-காவல்  அவனைக்  கொண்டே இருக்கிறது) இதுவரை ஸலவாத்தை சுருக்குவது முறையில்லை என்று உணர்த்தி வந்தோம்.

அதுபோன்றே ஸஹாபாப் பெருமக்கள், இறைநேசச் செல்வர்களான அவ்லியாக்கள் திருப் பெயர்களோடு 'ரலியல்லாஹு அன்ஹு' என்று எழுதப்படுவதை சுருக்கி 'ரலி' என்று எழுதுவதை நம் சங்கைக்குரிய உலமா பெருமக்கள் 'மக்ரூஹ்' என்றும, பாக்கியமற்ற செயல் என்றும் குறிப்பிட்டுள்ளார்கள்.

'யுக் ரஹுர்ரம்ஸு-பித்தரழ்ழி……. ரலியல்லாஹு அன்ஹு ன்பதை 'ரழி' என்று எழுத்தால் சாடை காட்டுவது மக்ரூஹ் வெறுக்கப்பட்டதாகும் என்று அல்லாமா செய்யிது தஹ்தாவி ரலியல்லாஹு அன்ஹு அவர்கள் சொல்கிறார்கள். இதை எவன் பொடு போக்கு செய்கின்றானோ அவன் அனேகமான நன்மையை விட்டும் பேறுகெட் போகிறான். ஏராளமான சிறப்பை இழந்து விடுகிறான்' என்று இமாம் நவவி ரலியல்லாஹு அன்ஹு அவர்கள் ஷரஹு முஸ்லிமில் எழுதுகிறார்கள்.

அது போன்றே 'குத்திஸ ஸிர்ருஹு' என்பதற்கு சாடையாக 'க' என்றும், 'ரஹ்மத்துல்லாஹி அலைஹி' என்பதற்கு 'ரஹ்' என்றும் எழுதப்படுவதும் பரக்கத் அற்ற துர்பாக்கியத்தனமாகும், இப்படிப்பட்ட காரியங்களை விட்டும் தற்காத்து கொள்வது சாலச் சிறந்தது, அதை எடுத்து நடக்க அல்லாஹ் நல்லருள் புரிவானாக. (ஆதார நூல்: பத்வா ஆப்பிரிக்கா பக்கம் 45)

எனவே எழுத்தாளர்களும், பத்திரிகையாளர்களும் முழுமையாக எழுதுவது-பிரசுரிப்பது மூலமாக வாசகர்களின் நாவுகளில் 'ஸலவாத்'மணத்தைக் கமழச் செய்கின்ற பாக்கியத்தினை பெறலாமல்லவா? அற்குரிய நற்கூலியையும் பெற்றிடலாமன்றோ?

நூல்: யாரஸூலல்லாஹ் என அழைக்கலாமா?

Tamil Bayan before Jumma inside the Mosque Debate-ஜும்ஆவிற்கு முன் அரபியல்லாத மொழியில் (தமிழில்) பயான் பண்ணுவதற்கு எதிர்ப்பு தெரிவித்து ஷெய்குனா ஸூபி ஹஜ்ரத் காஹிரி ரலியல்லாஹு அன்ஹு அவர்கள் காயல்பட்டணத்தில் நடத்திய விவாதம்

ஜும்ஆவிற்கு முன் அரபியல்லாத மொழியில் (தமிழில்) பயான் பண்ணுவதற்கு எதிர்ப்பு தெரிவித்து ஷெய்குனா ஸூபி ஹஜ்ரத் காஹிரி ரலியல்லாஹு அன்ஹு அவர்கள் காயல்பட்டணத்தில் நடத்திய விவாதம்:

தென்னிந்தியா, காயல்பட்டணம் முஸ்லிம்கள் பெரும்பான்மையினராக வாழும் ஒரு ஊர்ஆகும். இங்கு வாழும் முஸ்லிம்கள் அனைவர்களும் ஷாபியீ மத்ஹபை பின்பற்றியவர்களே! இங்கு சுன்னத்வல் ஜமாஅத் முறைப்படி நமது முன்னோர்களால் கட்டப்பட்ட இரு ஜும்ஆ பள்ளிகள் (குத்பா பெரிய பள்ளி, குத்பா சிறிய பள்ளி) உள்ளன. வாரம் ஒரு முறை ஒரு பள்ளியில் ஜும்ஆ நடைபெற்று வருகிறது. அக்காலம் முதல் இக்காலம் வரை இப்பள்ளியில் ஜும்ஆ குத்பா பயான்கள் அரபி மொழியிலேயே நடைபெற்று வந்திருக்கிறது. ஜும்ஆ தினங்களில் மக்கள் முன்கூட்டியே பள்ளிக்குச் சென்று தொழுது ஸூரா கஹ்பு, இன்ன பிற ஸூராக்களையும், ஸலவாத்து ஷரீபுகளை ஓதிக் கொண்டும் எவ்வித இடையூறு இல்லாமல் அமல்கள் செய்து வருவது தொன்று தொட்டு இருந்து வந்திருக்கிறது.

இந்நிலையில் நடந்த 1980-ம் வருடம் மௌலவி நஹ்வி செய்யதஹ்மது ஆலிம் அவர்கள் ஜும்ஆவில் தமிழில் பயான் பண்ணினார்கள். அச் சமயத்தில் அங்கிருந்த ஷெய்குனா ஸூபி ஹஜ்ரத் காஹிரி ரலியல்லாஹு அன்ஹு அவர்கள் அந்த பயான் மாக்கத்திற்கு விரோதமானது. அவ்வாறு பண்ணுவது மார்க்க சட்டப்படி ஹராம் என்று தடுத்தார்கள். அச்சமயத்தில் இது ஊர் மக்கள் மத்தியில் மிகவும் பிரச்சனைக்குரியதாக ஆகி, அதற்குரிய ஆதாரங்களை இரு தரப்பினர்களும் தர வேண்டுமாய் வேண்டுகோள் விடுக்கப்பட்டனர். ஷெய்குனா அவர்கள் தரப்பில் ஷெய்குனா அவர்களும், அவர்களது கலீபாக்களான W.M.M. செய்யிது முஹம்மது ஆலிம் பாகவி அவர்கள், S.M.H. முஹம்மதலி சைபுத்தீன ஆலிம் ரஹ்மானி பாகவி அவர்கள், மௌலவி அஸ்ஸெய்யிது முஹம்மது ஜலாலுத்தீன் பூக்கோயா தங்கள் ஆலிம் அவர்கள் ஆகியோரும், எதிர் தரப்பில் S.N. சாகிபுத் தம்பி ஆலிம் அவர்கள், M.S. அப்துல் காதிர் பாகவி அவர்கள் போன்றவர்களும்; கலந்து கொண்டனர்.

கனம். குளம் லெப்பைத் தம்பி ஹாஜி (குத்பா பெரியபள்ளி தலைவர்) அவர்கள் முன்னிலையில் இப்பிரச்சனை விவாதத்திற்கு எடுத்துக் கொள்ளப்பட்டு, மெஜாரிட்டி, மைனாரிட்டி அடிப்படையில் (மார்க்க சட்டப்படி அல்ல) முடிவு எடுக்கப்பட்டு தமிழில் பயான் நடந்து வருகிறது. அச் சமயத்தில் நமது ஷெய்குனா அவர்கள் அங்கு சமர்ப்பித்த பத்வாக்கள் இங்கு தரப்பட்டுள்ளன.

அச்சமயத்தில் நமது ஷெய்குனா அவர்களை எதிர்த்தவர்கள் தங்களது வாழ்க்கையில் அடைந்த இழிநிலைகளையும், துன்பங்களையும், பட்ட நோய்களையும் இந்நகர மக்கள் நன்கு அறிவார்கள்.

பத்வா ஆதாரங்களை சமர்ப்பிக்கும்படி ஷெய்குனா அவர்களுக்கு கொடுக்கப்பட்ட கடிதம்

 

 ஜும்ஆவிற்கு முன் உள் பள்ளியில் அரயபியல்லாத வேறு மொழியில் பயான் பண்ணுவது ஆகாது என்பதற்கு ஷெய்குனா அவர்களால் கொடுக்கப்பட்ட பத்வாக்களை பெற்றுக்கொண்டதற்கான ஆதாரங்கள்.

ஜும்ஆ பயானுக்கு எதிர்ப்பாக கொடுக்கப்பட்ட கடிதத்தின் நகல்.

பெரிய,சிறிய குத்பா பள்ளி மானேஜர் ஜனாப். குளம் லெப்பைத் தம்பி ஹாஜி அவர்களுக்கு கொடுத்த மனு:-

நீங்கள் 4-3-80 ம் தேதி செவ்வாய் கிழமை காலை 9.30 மணிக்கு ஜும்ஆ தினத்தில் உபன்னியாசம் செய்வது பற்றி உலமாக்களிடம் இருந்து வந்திருக்கும் பத்வாக்களை உலமாக்களால் பரீசிலனை செய்ய இருப்பதை பார்க்க வரும்படி அழைத்திருந்த அழைப்பை ஏற்று நாங்கள் வந்தருந்தோம். அங்கு ஆகும் என்று சொன்னவர்களின் பத்வாக்களையும் ஆகாது என்று சொன்னவர்களின் பத்வாக்களையும் வாசித்துக் காட்டியதை நாங்கள் கேட்டோம்.

ஆகாது என்று சொன்னவர்கள் ஜும்ஆ தினத்தில் பாங்கிற்கு முன்னாலும் பின்னாலும் பிரசங்கம் செய்வது நாயகம் ஸல்லல்லாஹு அலைஹி வஸல்லம் அவர்கள், ஸஹாபாக்கள், தாபியீன்கள், இமாம்கள் காலங்களில் நடக்காத பித்அத்தான விஷயம். மேலும் நாயகம் ஸல்லல்லாஹு அலைஹி வஸல்லம் அவர்கள், ஸஹாகாக்கள், தாபியீன்கள், இமாம்கள் செய்து வந்த சுன்னத்தான அமல்களை தடுக்கக் கூடியதாக இருப்பதினால் இது கெட்ட பித்அத், ஹராம். இதை  தடுக்க வேண்டும் என்று சொல்லி முடித்தார்கள்.

ஆகும் என்று சொன்னவர்கள் இப்பிரசங்கங்கள் செய்வது ஜனங்களுக்கு பிரயோஜனம் அதிகமாக இருப்பதினால் தொழுகைக்கு இடைஞ்சல் இருந்தாலும் ஆகும் என்று சொல்லி இதற்கு ஆதாரமாக இமாம் நவவி அவர்கள் சொல்லியிருக்கக் கூடிய ஒரு வாசகத்திதை அதாவது- ஒரு கூட்டத்தார் பள்ளிவாசலில் குர்ஆனை சப்தமிட்டு ஓதுகின்றார்கள் அவர்கள் ஓதுவதைக் கொண்டு சில ஜனங்கள் பிரயோஜனமடைகின்றார்கள். மற்றவர்கள் இடைஞ்சல் படுகின்றார்கள். இடைஞ்சலை விட பிரயோஜனம் அதிமாக இருக்குமானால் ஓருவது மிக சிறந்தது. அதற்கு மாற்றமாயின் மக்ரூஹாகும் என்ற ஆதாரத்தைக் கொண்டு பயான் செய்வரினால் ஜனங்களுக்கு பிரயோஜனம் அதிகமாக இருப்பதினால் தொழுகின்றவர்களுக்கு இடைஞ்சல் இருந்தாலும் ஆகும் என்றும்,

பெருமானார் ஸல்லல்லாஹு அலைஹி வஸல்லம் அவர்கள் ஒரு வெள்ளிக் கிழைம மிம்பரில் நின்று குத்பா ஓதிக் கொண்டிருந்தார்கள். அப்போது ஒரு ஸஹாபி வந்து, தொழாமல் அமர்ந்து விட்டர். உடனே நாயகமவர்கள் அந்த ஸஹாபியை அழைத்து எழுந்து இரண்டு ரக்அத்துகள் தொழு! அதை சுருக்கமாகத் தொழு! எனக் கூறினார்கள். பிறகு வெள்ளிக் சிழமை இமாம் குத்பா ஓதிக் கொண்டிருக்கும் போது உங்களில் யாரேனும் வந்தால் அவர் இரண்டு ரக்அத்துகள் தொழவும். அவ்விரு ரக்கஅத்துகளையும் சுருக்கமாகத் தொழவும் என்று கூறினார்கள் என்பதை ஆதாரமாக காட்டி பிரசங்கம் செய்வது தஹிய்யத்துல் மஸ்ஜித் தொழுகைக்கு இடைஞ்சல் இல்லi என்றும் சொன்னார்கள்.

அதற்கு ஆகாது என்று சொன்ன உலமாக்கள் நவவி இமாம் சொன்னது இரண்டும் சுன்னத்தான வேளையில் ஒரு வேலைக்கு இன்னொரு வேலை இடைஞ்சலாக இருந்தால் பிரயோஜனம் அதிகமாக இருந்தால் அதை செய்வது விசேஷமானது என்றும் இடைஞ்சல் அதிகமாக இருந்தால் மக்ரூஹ் என்றும் செர்னதை செட்ட பித்அத்தான இந்த பிரசங்கத்தினால் பிரயோஜனம் அதிகமாக இருப்பதினால் ஆகும் என்று ஒழுங்கு செய்வது சரியில்லை. இந்த பிரசங்கமே மார்க்கத்தில் கூடாத வேலை என்றும்,

அஸல் குத்பா ஓதும் சமயத்தில் வந்தவரை தஹிய்யத்துல் மஸ்ஜித் ஓதும்படியாக நாயகம் ஸல்லல்லாஹு அலைஹி வஸல்லம் அவர்கள் சொன்னதைக் கொண்டு இந்த கெட்ட பித்அத்தான பிரசங்கம் செய்யும் போது தஹிய்யத்துல் மஸ்ஜித் தொழுகைக்கு இடைஞ்சல் இல்லை என்று சொல்வது சரியில்லை என்றும் சொன்னார்கள்.

ஆகும் என்று சொல்லும் உலமாக்களுக்கு இதற்கு தகுந்த பதில் சொல்ல முடியவில்லை. மானேஜரான நீங்கள் பொதுஜனங்கள் அதிகமான பேர்கள் பிரசங்கத்தை விரும்புகிறர்கள். அதனால் வரும்வாரம் பிரசங்கத்தை வைப்போம் என்று சொன்னது முற்றிலும் பொருத்தமில்லாத மார்க்கத்திற்கு மாற்றமான தீர்ப்பாகும்.

இப்படி நீங்கள் செய்வீர்களாயின் கெட்ட காரியத்தை செய்யக் கண்டால் கையால் தட்ட வேண்டும் அல்லது வாயால் தட்ட வேண்டும் அல்லது  அல்லது மனதால் வெறுக்க வேண்டும் என்று ஹதீது ஷரீபில் வந்திருப்பதினால் பிரசங்கம் நடந்தால் நாவால் தடுக்கத்தான் செய்வார்கள். அவர்களுடன் நாங்களும் சேர்ந்து தடுக்கத்தான் செய்வோம் என்பதை இதன் மூலம் அறியத் தருகிறோம்.

ஒப்பங்கள்:
………………..

குறிப்பு: இக் கடிதம் கண்டதும் ஷெய்குனா அவர்கள் தமது முரீது பிள்ளைகளிடம், ஜும்ஆவில் தமிழில் பயான் பண்ணுவது ஹராம்தான். அதை நாம் தடுத்தோம். அவர்கள் கேட்கவில்லை. மார்க்கத்தின்படி பார்க்காமல் முடிவெடுத்து விட்டார்கள். இச்சமயத்தில் ஜும்ஆவில் தமிழில் பயான் நடக்கும்போது நாம் அங்கு செல்லத் தேவையில்லை. அது வீண் குழப்பத்தை உண்டாக்கும் என்று கூறி தடுத்துவிட்டார்கள்.

Chennai Porur Sufi Manzil

currently manzil is in First Floor of our Peer Bhais house.

Soofi Manzil

C/o. Usman Ali

4/24,First Street,

RE Nagar, Porur,

Chennai- 600116.

தற்போது  நமது தரீகத் சகோதரர் இல்லத்தில் வைத்து   பிரதிவாரம் வியாழன் பின்னேரம் வெள்ளி இரவு மஃரிபு தொழுகைக்குப் பின் திக்ரு மஜ்லிஸ்     மற்றும் கந்தூரி வைபவங்கள் நடந்து வருகிறது. மன்ஜில் கட்டுவதற்கு முயன்று வருகிறோம்.

Fatwa About Janda-Flag- கொடி ஏற்றுவது ஆகும்- பத்வா.

கொடி ஏற்றுவது ஆகும்- பத்வா.

கேள்வி:- எங்கள் ஊரில் முஹ்யித்தீன் ஆண்டகை பெயரால் நாங்கள் கொடியேற்றி ஒவ்வொரு வியாழக் கிழமையும் ஜலாலியா ராத்தீபு நடத்;தி வருகிறோம். இங்குள்ள சிலர் பேஷ் இமாம் உட்பட கொடியேற்றுவது ஷிர்க் என்றும், பித்அத் என்றும் கூறி எங்களை ஏசியும், பேசியும் வருகின்றனர். ஆகவே அவ்லியாக்கள் பெயரால் கொடி ஏற்றுவது கூடுமா? கூடாதா? என்பது பற்றி உலமாசபை பதிலும், பத்வாவும் வழங்க வேண்டுகிறோம்.

யா முஹ்யித்தீன் ஆண்டகை திக்ரு மஜ்லிஸ்,
சிங்கப்பூர் நகர், உடுமலைப் பேட்டை.

பதில்:-கம்பத்தில் பறக்கவிடப்படும் கொடிக்கு அலம்-நிஷான்-ஜண்டா என்று பல பெயர்கள் சொல்லப்படுகின்றன. நபிகள் நாயகம் ஸல்லல்லாஹு அலைஹி வஸல்லமவர்கள் போர்முனைக்கு கொடிகளுடன் சென்றுள்ளதாகவும், திருமக்காவை வெற்றி கொண்டு நுழையும்போது கொடி பிடித்ததாகவும் கீழ்கண்ட ஹதீதுகள் அறிவிக்கின்றன.

இப்னு அப்பாஸ் ரலியல்லாஹு அன்ஹு அவர்கள் அறிவிக்கின்றார்கள், 'அண்ணல் நபி ஸல்லல்லாஹு அலைஹி வ ஸல்லமவர்களின் பெரிய கொடி கருமையாகவும் சிறிய கொடி வெண்மையாகவும் இருந்தது.

                                    நூல்: திர்மிதீ, இப்னு மாஜா, ஆதாரம்- மிஷ்காத் பக்கம்-237.

ஜாபிர் ரலியல்லாஹு அன்ஹு அவர்கள் அறிவிக்கின்றார்கள், 'நபி ஸல்லல்லாஹு அலைஹி வ ஸல்லமவர்கள் மக்காவிற்குள் நுழைந்தார்கள். அவர்கள் கொடி வெண்மையாக இருந்தது.'

                                     நூல்:- திர்மிதீ, இப்னு மாஜா ஆதாரம்- மிஷ்காத் பக்கம்338.

சூபியாக்களான ஞானவான்கள், அன்பியாக்கள், அவ்லியாக்களை ஜியாரத் செய்வதற்காக போகும்போது கொடிகள் பிடித்துக் கொண்டும், கொட்டு அடித்துக் கொண்டும் செல்வதை வழக்கமாக்கிக் கொண்டிருக்கிறார்கள். இவைகள் கூடுமா? என்ற கேள்விக்கு அல்லாமா ஷைகு முஹம்மது கலீலி ஷாபிஈ ரலியல்லாஹு அன்ஹு அவர்கள், 'இவைகள் ஆகுமானவைகள், வேண்டப்படுபவைகள். இவைகளை வழிகெட்ட வம்பர்கள்தான் மறுப்பார்கள் என்று பதிலளித்துள்ளனர்'.

                                                          ஆதாரம்: பதாவா கலீலி, பாகம்-2, பக்கம்-351.

மைய்யித்தி(கப்ரி)ன் தலைமாட்டில் கல் அல்லது மரக்கட்டை வைப்பது சுன்னத்தாகும். அண்ணல் நபி ஸல்லல்லாஹு அலைஹி வ ஸல்லமவர்கள் உஸ்மானிப்னு மழ்வூன் ரலியல்லாஹு அன்ஹு அவர்களின் தலைமாட்டில் ஒரு பாறைக்கல்லை வைத்தார்கள். அதைக் கொண்டு எனது சகோதரரின் கப்ரு என தெரிந்து கொள்வேன். என் குடும்பத்தில் இறந்தவர்களையும் அங்கு அடக்கிக் கொள்வேன் என்று சொன்னார்கள்.

நூல்: ஷரஹுல் மஹல்லி, பாகம்-1, பக்கம்-351.

இஆனத்துத் தாலிபீன் பாகம்-2, பக்கம்-119.

மறுமையில் நமது நாயகம் ஸல்லல்லாஹு அலைஹி வ ஸல்லமவர்களை கண்ணியப்படுத்துவதற்காக அவர்களின் திருக்கரத்தால் 'லிவாவுல் ஹம்து' என்னும் கொடி கொடுக்கப்படுகின்றது.

எனது கரத்தில் 'லிவாவுல் ஹம்து' என்னும் கொடி இருக்கும். எனக்கு பெருமையில்லை. ஆதமும் அவர்களல்லாத எந்த நபியும் என் கொடியின் கீழே இருந்தே தவிர இல்லை. இந்த ஹதீஸை அபூ ஸயீத் ரலியல்லாஹு அன்ஹு அவர்கள் அறிவிக்கின்றனர்.

                                                                நூல்:திர்மிதீ ஆதாரம் மிஷ்காத், பக்கம்-513.

இப்னு அப்பாஸ் ரலியல்லாஹு அன்ஹு அவர்கள் அறிவிக்கின்றார்கள், '

'மறுமை நாளில் 'லிவாவுல் ஹம்து' என்னும் கொடியை நான் சுமப்பேன்.'

                                                             நூல்:திர்மிதீ ஆதாரம:; மிஷ்காத், பக்கம்-513.

எனவே கொடி ஏற்றுவதன் மூலம் இது ஒரு மகானின் கப்ரு என்று அறிவிப்பதாலும், ஒரு வலியை கண்ணியப்படுத்துதல் இருப்பதாலும், மனதிற்கு உற்சாகத்தை ஏற்படுத்துவதாலும் இது மார்க்கத்தில் ஆகுமான காரியமாகும். ஆகாது என்பதற்கு எவ்வித ஆதாரமும் இல்லை.

ஒவ்வொரு தேசத்திற்கும் ஒரு தேசியக் கொடி என்றும், ஒவ்வொரு அரசியல் கட்சிக்கும் ஒரு கட்சிக் கொடி என்றும் ஏற்படுத்தி அதற்கான கொடியேற்று விழா, கொடி தினம் என்று கொண்டாடி வரும் இக்காலத்தில் அவ்லியாக்களுக்கு கொடி ஏற்றக் கூடாது என்று சொல்வது அறிவுpனத்தையும், அவ்லியாக்கள் மீதுள்ள பகைமையையும் காட்டுகின்றது. அல்லாஹ் அதை விட்டும் நம்மை காப்பாற்றுவானாக! அல்லாஹ் மிக அறிந்தவன்.

 17-12-1995                                                                                                          ஒப்பம்:

மௌலானா மௌலவி முஹம்மது அலி சைபுத்தீன் ரஹ்மானி
பேராசிரியர்: மஹ்லறா அரபிக் கல்லூரி.

மௌலானா மௌலவி செய்யது முஹம்மது ஆலிம்.
பேராசிரியர்: மஹ்லறா அரபிக் கல்லூரி.

மௌலவி ஹாபிஸ் எப்.எம். இப்றாகிம் ரப்பானி,
ஆசிரியர்: அஹ்லெ சுன்னத் மாத இதழ்.

மௌலானா மௌலவி சையத் வஜீஹுன் நகீ சக்காப்
நாஜிமே அஃலா, தாருல் உலூம் கௌஸிய்யா.

மௌலானா மௌலவி கே.என். நூஹ் முஹ்யித்தீன் ஆலிம்,
முதல்வர்: அல் மத்ரஸத்துல் ஹமீதிய்யா.

வெளியீடு:- தமிழ்நாடு சுன்னத் வல் ஜமாஅத் உலமா சபை
                         மதுரை ரோடு, திருச்சி-620008.  

Mahlara Ulamas Vs. Zavia Ulamas-தப்லீக் பற்றிய விவாதத்தில் காயல்பட்டண் மஹ்லறா, ஜாவியா உலமாக்கள்!

காயல்பட்டணத்தில் சுன்னத் வல் ஜமாஅத்தினர்களுக்கும் தப்லீக் ஜமாஅத்தினர்களுக்கும் நடைபெற்ற விவாதத்தைப் பற்றி தெளிவாக வெளிவந்திருக்கும் விபரங்கள் அடங்கிய செய்திகளைப் பார்க்க : http://kayaltableegh.blogspot.com /

(இச் செய்தி பதிவேற்றம் செய்யப்பட்டது 29-03-2011)

முன்னுரை

இந்தியா, காயல்பட்டணத்தில் அமைந்திருக்கும் ஷாதுலிய்யா தரீகா என்று தங்களை கூறிக் கொள்ளும் ஜாவியா நிறுவனத்தினா,; தாங்கள் கொண்ட கொள்கை ஸுன்னத் வல் ஜமாஅத்திற்கும், தரீகாவிற்கும் மாறுபட்ட கொள்கைக்கு மாறுபடவில்லை என்று சுமார் 45 வருடங்களாக கூறி வருகின்றனர். பல்வேறு சந்தர்ப்பங்களில் நமது சுன்னத் வ்ல ஜமாஅத்தின் உலமாக்கள் அவர்களோடு விவாதித்தும், விளக்கப்படுத்தியும் அவர்கள் தாங்கள் கொண்ட கொள்கைகளிலேயே உறுதியாக இருந்து வந்தனர். ஆனால் எவ்வித எழுத்து மூலமான ஆதாரங்களை அவர்கள் தெரிவிக்காமல் போக்கு காட்டி வந்தனர். ஒடுக்கு பத்வா மற்றும் ஹாளிர் பைத்து சொன்ன ஹிழ்ரு முஹம்மது லெப்பை ஆலிம் அவர்கள் மீது அவர்களால் கொடுக்கப்பட்ட குப்ரு பத்வா போன்றவைகளை தாங்கள் சார்ந்திருக்கும் நிறுவனத்திலிருந்து வெளியிடாமல் தந்திரமாக மறைமுகமாக வெளியிட்டனர்.

இந்த விவாதத்தில் ஜாவியா நிர்வாக ஆலிம்கள் மற்றும் மத்ரஸா ஆலிம்களும்,; நேரடியாக கலந்து கொண்டு ஷெய்குனா ஸூபி ஹழ்ரத் ரலியல்லாஹு அன்ஹு அவர்களின் கலீபாக்களான மௌலவி முஹம்மதலி சைபுத்தீன் ஆலிம் ரஹ்மானி பாகவி காதிரி, ஸூபி அவர்கள், மௌலவி ஊண்டி செய்யிது முஹம்மது ஆலிம் பாகவி காதரி, ஸூபி அவர்கள் தலைமையில் மஹ்லறாவின் உலமாக்கள் மற்றும் ஊரின் சுன்னத் வல் ஜமாஅத் உலமாக்கள் ஒன்று கூடி இரு பிரிவாக கலந்து கொண்டனர்.

சுன்னத் வல் ஜமாஅத்தினர் கேட்ட கேள்விகளுக்கு தக்க பதில் கூறமுடியாமல் விவாதம் நடந்த ஹாலிலிருந்து ஒரு அறைக்கு சென்று இரகசியம் பேசி பேசி வந்தனர். இறுதியில் ஜாவியாவிலிருந்து குற்றம் சொல்லப்பட்ட நூலான பதாவா ரஷீதிய்யா எடுத்துவரப்பட்டு அக்குற்றச்சாட்டு உண்மையென நிரூபிக்கப்பட்டது. அச்சமயத்தில் எடுக்கப்பட்ட வரலாற்று முடிவு ஜாவியா தப்லீக்காரர்களின் முகமூடியை மக்கள் மத்தியில் கிழிக்க உதவியது. இருந்தும் அதற்கும் சப்பைக்கட்டு கட்டி தாங்கள் வென்றுவிட்டதாக பொய்பிரச்சாரம் செய்ததால் உண்மை நிலையை விளக்கும் நோக்கோடு சுன்னத் வல் ஜமாஅத்தினர்களால் வெளியிடப்பட பிரசுரத்தைத் தான் தாங்கள் பார்க்கிறீர்கள்.
 

முனாபிக்குகளிள் முரண்பட்ட போக்கை பாரீர்!!!
 
அன்புள்ள இஸ்லாமிய சகோதரர்களே!
அஸ்ஸலாமு அலைக்கும்.
 

புனித சுன்னத் வல் ஜமாஅத் கொள்கைக்கு முரணான கொள்கையை பரப்பி வரும் தப்லீக் ஜமாஅத்தை பல்லாண்டுகளாக தக்க சான்றுடன் எதிர்த்து வரும் 'மஹ்லறத்துல் காதிரிய்யா அரபிக் கல்லூரி' ஆலிம்களும் மற்ற ஆலிம்களும், தப்லீக்கை ஆதரித்து வரும் 'ஜாவியத்துல் பாஸிய்யா' அரபிக் கல்லூரி ஆலிம்களில் சிலர்களும் ஆகிய இரு சார்பு ஆலிம்களை அழைத்து ஹாஜி வாவு காதர் சாகிலு அவர்களும் மன்பக்கம் கண்ட சிலர்களும் அம்பலமரைக்கார் தெரு ஹாஜி வாவு காதர் சாகிபு அவர்கள் இல்லத்தில் 11, 12-08-1998 நாட்களில் மௌலவி எஸ்.எஸ். கலந்தர் மஸ்தான் அவர்கள் தலைமையில் உலமாக்களின் ஆலோசனைக் கூட்டம் கூடி எடுக்கப்பட்ட முடிவிற்கு ஜாவியத்துல் பாஸிக்காரர்களின் முரண்பாட்டின் முழு விபரம்: (தப்லீக் ஜமாஅத்தின் கொள்கை தலைவர்களிலுள்ளவரும், தப்லீகர்களால் மகானென போற்றப்படுபவருமான) மௌலவி ரஷீது அஹ்மது கங்கோஹி, இப்னு அப்துல் வஹ்ஹாப் நஜ்தியை ஆதரித்தும், வஹ்ஹாபிக் கொள்கைகளை சரி கண்டும் எழுதின அவரது 'பதாவா ரஷீதியா' ந}வை அனைவர்களுக்கும் முன் வாசித்ததும், தப்லீக்காரர்களான ஜாவியத்து பாயஸியாக்காரர்கள் இவ்விரண்டு விஷயங்களும், தப்லீகை ஆதரிக்கும் இங்கு வந்துள்ள ஆலிம்களுக்கு உடன்பாடானது அல்ல. அவரின் இந்த கருத்தை இந்த ஆலிம்களும், தப்லீக் இயக்கத்தின் பிற நிறுவனர்களும் ஏற்கவில்லை. வஹ்ஹாபிஸம் காரிஜிக்களைப் போன்று நமக்கு முற்றிலும் ஆகாத வழி கெட்ட இனம் என்பதே தேவ்பந்தி உலமாக்களின் முடிவாகும் என்பதை இங்கு வந்த தப்லீகை ஆதரிக்கும் உலமாக்களின் நிலைபாடு என ஒப்புக் கொண்டு கையெழுத்திட்டார்கள்.

தப்லீகர்கள், வழி கெட்டவர்களை வழி கெட்ட இனம் என ஒப்புக் கொண்டதை ஏற்று கையைழுத்து போடும்போது நாங்களும் இருந்தோம் என்பதற்கு ஆதாரமாக தப்லீக் எதிர்ப்பாளர்களாகிய ஆலிம்களெல்லாம் கையெழுத்திட்டார்கள். ரஷீது அஹ்மது கங்கோஹியின் 'பதாவா ரஷீதிய்யா'வின் இரண்டு பத்வாக்களும் உடன்பாடில்லை, வஹ்ஹாபி வழி கெட்ட இனம் என மட்டுமே தப்லீகர்கள் ஒப்புக் கொண்டார்களே தவிர, கெட்ட இனத்தை உண்டாக்கும் கங்கோஹியை நிராகரிக்காத தப்லீகர்களின் நயவஞ்சக குபாடத்தை பாருங்கள்.

இவ்வாறு ஒப்புக் கொண்டது தப்லீகின் கொள்கைக்கும் மூலகர்த்தாக்களுக்கும் முரணாகி விட்டது என்று தீயவர்களை காப்பாற்ற தீய உதிப்பு ஏற்பட்டதும், தப்லீகர்களாகிய ஜாவியத்து பாஸிக்காரர்கள் குரோத நோக்கோடு அகீதா, ஷரீஅத், தரீகத் கொள்கைகைய திறம்பட கற்றுக் கொடுக்கும் கலாசாலை என்றும் புனித ஷாதுலிய்யா தரீக்கா தலைமை பீடமென புகழப்படக் கூடிய ஜாவியத்துல் பாஸிய்யாஅரபிக் கல்லூரியில் ஹைஅத் ஷரீஅத் கிளை தொடக்க விழா என்ற ஏற்பாட்டுடன் ஷரீஅத் விளக்கக் கூட்டமொன்று 13-10-1998 ம் நாள் ஹாஜி மௌலவி எஸ்.எம். முஹம்மது அப்துல் காதர் முத்து வாப்பா பாஸி கலீபத்துல் குலபா ஷாதுலி அவர்கள் தலைiமையில் தலைமையுரையுடன் ஆரம்பமாயிற்று.

தலைமையுரை தவறாக அமைந்ததாக அடுத்து பேசிய மௌலவி முஸ்தபா ரஷாதீ உடனே க்டித்து விட்டு கொள்கைக்கு முரணான சிலதை சொல்லி முடித்தார்.

அடுத்து தப்லீக் ஜமாஅத் பற்றி தவறான குற்றச்சாட்டுகளும் தக்க பதில்களும் என்ற நூலின் மொழி பெயர்ப்பு ஆசிரியர் மௌலவி கலீல் அஹ்மது கீரனூரி மன்பஈ, பாஜிலே தேவ்பந்தி மேற்படி நூல் 161 ம் பக்கத்தில் 'அல்லாஹ் பொய் சொல்ல சக்தியுடையவன்' என்ற கங்கோஹியின் கருத்தை சரிகண்டும், அதெ நூல் 144 ம் பக்கத்தில் 'ரஸூல் ஸல்லல்லாஹு அலைஹி வ ஸல்லம் அவர்களை தொழுகையில் நினைப்பது மாடு, கழுதை நினைப்பில் மூழ்குவதை விட கெட்டது' என்ற கொள்கைகளை சரி கண்டு உறுதிபடுத்தி அவருக்கு கொடுத்த தவறான குற்றச்சாட்டுகளுக்கு தக்க பதில் என்ற தலைப்பில் உளறி முடித்தார். 11,12-10-1998 ம் நாள் எடுக்கப்பட்ட முடிவிற்கு இது மாற்றமில்லiயா? இவ்வாறுதான் ஊரை குழப்பி ஈமானை கெடுப்பதா? சிந்தியுங்கள். நாங்களும் சுன்னத் வல் ஜமாஅத்தினர்தான், மத்ஹப் வாதிதான், தகீக்காவாதி தான் என்று கூறிக் கொள்ளும் ஜாவியா பாஸிக்காவைச் சார்ந்த தப்லீக் ஜமாஅத்தை ஆதரிக்கும் உலமாக்களும், மற்றவர்களும் சுன்னத் ஜமாஅத் கொள்கைக்கு முற்றிலும் முரணான கேடுகெட்ட கொள்கைகளை பேசினதை ஏன் கண்டிக்கவில்லை.? இதிலிருந்து இவர்களின் உள்ளத்திவ் பதிந்த தீய கொள்கை விளங்க வரும். மேலும் இவர்கள் அல்லாஹ்வையும் அன்பியாக்களையும் குறை கூறுபவனை உண்மை முஃமின் என தக்க சான்றுடன் மார்க்கத் தீர்ப்பு கொடுப்பார்களா? சிந்தியுங்கள்.

இவ்வாறு இஸ்லாமிய ஷரீஅத் படி அல்லாஹ்வை, அன்பியாக்களை குறை காணுபவன், குறை காணுபவனை நேசிப்பவன், இவனை பின் தொடர்ந்து தொழவது, நிகாஹிற்கு வக்கீலாக்குவது, பிறை கண்டு சொன்னால் அவர்களை நம்பி நோன்பு வைப்பது கூடுமா? சுன்னத் ஜமாஅத் கொள்கையில் பிடிப்புள்ள கல்வி கூடங்களுக்கு எழுதிக் கேட்டு நற்பயனடையுங்கள்.

குறிப்பு: 13-10-1998 ஜாவியாவில் கொள்கைக்கு முரணாக பேசியது பதிவு நாடாவில் பதியப்பட்டு பலரிடம் உள்ளது.
 

18.10.98                                                                                                                       இப்படிக்கு,
          

காயல்பட்டணம்.                                                                புனிதமிகு அனைத்து தரீக்கா வாசிகள்,              

 

குறிப்பு: நம் சுன்னத்வல்ஜமாஅத் கொள்கைகளுக்கு முற்றிலும் மாறுபட்ட வழிகெட்ட கொள்கையைக் கொண்ட தப்லீக் தலைவர்களில் ஒருவரான ரஷீத் அஹ்மத் கங்கோஹி தனது பதாவா ரஷீதியா என்ற நூலில் இப்னு அப்துல் வங்ஙாப் நஜ்தியை ஆதரித்தும் வஹ்ஹாகியக் கொள்கையை சரி கண்டும் எழுதிய இரண்டு பத்வாக்களை பற்றி மட்டுமே 12.08.1995 அன்று நடந்த நம் நகர் உலமாக்களின் கருத்தரங்கில் கேசப்பட்டு, அக் குற்றச்சாட்டு உண்மைதான் என்று அனைத்து உலமாக்களும் ஒப்புக் கொண்டு கையொப்பமிட்ட தீர்மானமாகும். இதுபற்றி 15.02.02 அன்றும் இப் பிரசுரம் மூலம் மறுபதிப்பாக வெளியிட்டும் இதற்குரிய பதிலைக் கொடுக்காமல், அப்துல்லா இப்னு உபை போன்ற முனாபிக்குகளின் நயவஞ்சகத் தன்மையும், கோயபல்ஸின் பொய், புரட்டு, பித்தலாட்டம், மோசடி மூலம் முஸ்லிம்களை இன்னும் வழி கெடுத்துக் கொண்டிருக்கும் தப்லீக்கை ஆதரிக்கும் உலமாக்களே! அதன் அபிமானிகளே! தப்லீக் தலைவர்கள் கூறிய ஈமானை வேரறுக்கும் கொள்கைகள் பற்றியும் அதைக் கூறிய தவைர்கள் நிலை பற்றியும் தற்போதாவது உங்கள் நிலைமையை பொது மக்களுக்கு தெரியப்படுத்துங்கள். நிறம் மாறும் பச்சோந்தியாக இல்லாமல், சுவனம் செல்லும் உண்மை சுன்னத்வல்ஜமாஅத் னொள்கையின்பால் வாருங்கள் என்று வேண்டுகிறோம். அல்லாஹ் தௌஃபீக் செய்வானாக! ஆமீன்! யாரப்பல் ஆமீன்! ஆமீன்!!
 

மூன்றாம் பதிப்பு:   

    18 – 12- 07
                           

ரஸூல் ஸல்லல்லாஹு அலைஹி வ ஸல்லம் அவர்களை எதிர்ப்போரை எதிர்க்கும் இயக்கம் (யுசுழுP),
காதிரிய்யா கொடிமர சிறுநெய்னார் பள்ளிரூ மஹ்பூபு சுபுஹானி சங்கம்,
காயல்பட்டணம்.