கல்புக்குள்ளே உங்களை வைத்தேன்…
By Sufi Manzil
கல்புக்குள்ளே உங்களை வைத்தேன்
யாரசூலுல்லாஹ்
கலிமாவை மனதில் வைத்தேன்
யாரசூலுல்லாஹ்!
கனிவு மனம்… பணிவுக் குணம்
யாரசூலுல்லாஹ் … நாளும்
கடமையாக்கி வாழ்ந்திடுவேன்
யாரசூலுல்லாஹ்!
ஐந்து கடமை அகத்தில் கொண்டேன்
யாரசூலுல்லாஹ் – நான்
சரியாக ஈமான் கொண்டேன்
யாரசூலுல்லாஹ்!
அரணாக ஷரீஅத் கண்டேன்
யாரசூலுல்லாஹ்
சங்கையான ஏகத்துவத்தைக் கண்டேன்
யாரசூலுல்லாஹ்!
முன்னவன் தன்னொளியே
யாரசூலுல்லாஹ் – உங்கள்
முஹப்பத்தில் உகப்பானேன்
யாரசூலுல்லாஹ்!
கண்மணியே ஹாத்த முன்னே
யாரசூலுல்லாஹ் – உங்கள்
கரம் பிடிக்கத் துடிக் கின்றேன்
யாரசூலுல்லாஹ்!
இறையருள் நிறை முகமே
யாரசூலுல்லாஹ்
தாங்கள் ஏந்தி வந்த மறைக் குர்ஆன்
யாரசூலுல்லாஹ்!
விரைக் குலத்தின் பெருமையன்றோ
யாரசூலுல்லாஹ் – நான்
பிசகாமல் தான் நடப்பேன்
யாரசூலுல்லாஹ்!
மஹ்ஷரின் மகிபதியே
யாரசூலுல்லாஹ் – உங்கள்
மகிமைக்கு ஈடு உண்டோ
யாரசூலுல்லாஹ்!
மிஃராஜின் நாயகரே
யாரசூலுல்லாஹ் -உலகின்
மேன்மையதின் தாயகரே
யாரசூலுல்லாஹ்!
நெஞ்சத்தில் சஞ்சரிக்கும்
யாரசூலுல்லாஹ் -உங்கள்
பிஞ்சு முகம் காண வேண்டும்
யாரசூலுல்லாஹ்!
மஞ்சள் உங்கள் ஓர்மையில்
யாரசூலுல்லாஹ் -உங்கள்
விஞ்சு முகம் காண வேண்டும்
யாரசூலுல்லாஹ்!
நுபுவ்வத்தின் நுண்ணறிவே
யாரசூலுல்லாஹ் -தாங்கள்
நுகர்ந்த குணம் ஈமான் வேண்டும்
யாரசூலுல்லாஹ்!
ஆயுலகில் ஓர் தடைவ
யாரசூலுல்லாஹ் – உங்கள்
அழகு முகம் காண வேண்டும்
யாரசூலுல்லாஹ்!
(கல்புக்குள்ளே…)
(நிறைவு)